[00:00:02] الأخ رشيد:
في يونيو 2014 أعلنت داعش قيام الخلافة الإسلامية الداعشية في العراق والشام.
[00:00:10]
اليوم تقريبا مرت عشر سنوات على قيام هذه الخلافة المشؤومة.
[00:00:16]
فما الذي أدى إلى قيامها؟ وما الذي أدى إلى أفولها؟ ومن كان يقف وراءها ويمولها؟ وكيف حالها اليوم بعد مرور عشر سنوات؟.
[00:00:27]
هذا ما سنعرفه في هذه الحلقة وبكل وضوح.
[00:00:46]
مشاهدينا الكرام أرحب بكم في حلقة جديدة من حلقات بكل وضوح معكم رشيد. أرحب بكم على قناة الكرمة وعلى مواقع التواصل الاجتماعي.
[00:01:10]
في 29 يونيو 2014. أعلن المتحدث باسم تنظيم داعش وقتها أبو محمد العدناني قيام دولة الخلافة. الدولة الإسلامية.
[00:01:23]
بعدها تقريبا بأقل من أسبوع اعتلى زعيم التنظيم منبر جامع النوري الكبير في الموصل، وألقى خطبته التي أعلن فيها توليه منصب خليفة المسلمين.
[00:01:36]
كلنا نتذكر الأشرطة الدموية التي اصدرتها داعش ونتذكر مشاهد الطيار الاردني ومشاهد الاقفاص والحرق وتطبيق حدود الشريعة الاسلامية في ساحات الرقة والموصل وكل المناطق التي سيطر عليها التنظيم.
[00:01:56]
كلنا نتذكر مشاهد القتل الجماعي في خنادق محفوره لأبناء [00:02:00] العراق وشبابه.
[00:02:02]
كلنا نتذكر مشاهد جون الجهادي، مشاهد الاقباط الذين تم تصوير عمليه ذبحهم في شواطئ ليبيا، مشاهد قتل الايزيديين او تحويلهم للإسلام قسرا وبيع الايزيديات في اسواق النخاسة الداعشيه.
[00:02:17]
شعار الدولة الإسلامية كما أطلقت على نفسها كان هو باقيه وتتمدد.
[00:02:23]
لكن هل فعلا بقيت داعش وهل تمددت؟ كانت داعش تحكم مناطق واسعه لكنها كانت تحلم بمناطق أكثر كانت تحلم بعمله وجواز سفر واعتراف دولي وتحالفات.
[00:02:36]
تحلم بانها ستعيد للامه الإسلامية امجاد الخلافة كما كانت في عهد ابي بكر وعمر وعثمان. امجاد السبي والغنائم والجزية والجهاد. لكن للتاريخ راي اخر وللواقع حسابات اخرى.
[00:02:51]
اليوم بعد مرور عشر سنوات على قيام هذا التنظيم نريد ان نقوم بعملية تقييم لحاله اليوم ونطرح الأسئلة حول سبب قيامه وسبب أفوله.
[00:03:03]
معي الاستاذ مجدي خليل لتغطية هذا الموضوع والاجابة على كل الاسئلة المتعلقة به. اهلا بك.
[00:03:09] مجدي خليل:
اهلا بك اخ رشيد واهلا بجميع المشاهدين.
[00:03:12] الأخ رشيد:
الواحد مش قادر يصدق انه مرت عشر سنوات على الفين واربعة عشر.
[00:03:16] مجدي خليل:
فعلا كان كان كابوس كبير وعشنا الكابوس لحظة بلحظة وما زلنا نعيش آثاره. خلي بالك.
[00:03:23] الأخ رشيد:
في العالم العربي كل واحد لديه رأي. كيف بدأت داعش وكيف ظهرت؟ اريد ان اسمع رأيك.
[00:03:33] مجدي خليل:
يعني التحليل الدقيق والواقع اللي عشناه بالفعل بيقول ان غير اللي في خيالهم. في فرق بين الواقع وفرق بين انك تتخيل حاجة. الواقع ان داعش دي هي مشروع ابو مصعب الزرقاوي اللي بدأه. هناك اقوال على التوحيد والجهاد. دي بدأها سنة الف تسعمئة تسعة وتسعين ولا الفين واتنين.
[00:03:58]
المهم قبل دخول امريكا وقبل [00:04:00] غزو العراق. وقبل. فا كون ابو مصعب الزرقاوي. التوحيد والجهاد. التوحيد والجهاد ده كان بإيحاء من استاذه. ابو محمد المقدسي اللي هو احد الكبار اوي في التنظير للإرهاب اللي عامل كتاب ملة ابراهيم. فده ده هو كان استاذه وخلي بالك فلسطيني.
[00:04:23] الأخ رشيد:
وده وكأنه فرع من القاعدة.
[00:04:25] مجدي خليل:
طب ما هو عمله بعد كده؟ في سنة الفين واربعة. اعلن. اعلن ولاءه لبن لادن واعلن ان التوحيد والجهاد هي فرع من القاعدة في العراق. يعني. فرع القاعدة في العراق في.
[00:04:37] الأخ رشيد:
وقتها كانت. كانت القاعدة هي الفرانشايز الكبيرة اللي بتدي الفرانشايز. يعني كل واحد يعلن ولائه للقاعدة.
[00:04:46] مجدي خليل:
هو هو اللي ناجح بياخدوا منه الفرانشايز كانت حتى على فكرة كتير الفرانشايز بتاع القاعدة راحت قلبت اسمها مثلا القاعدة. القاعدة في بلاد المغرب العربي ولاية المغرب العربي. وهكذا هتلاقيها.
[00:05:01] الأخ رشيد:
والقاعدة في جزيرة العرب. الجزيرة العربية.
[00:05:02] مجدي خليل:
في جزيرة العرب في نجد اصبحت ولاية نجد. فهم بيقلبوا حسب الفرانشايز. الاسم الناجح كوكاكولا ولا بيبسي ولا اي. المهم بتاعهم هو ايه.
[00:05:13]
الفين وستة. اعلن الزرقاوي تشكيل مجلس شورى المجاهدين ولكنه قتل في يونيو ألفين وستة. الأمريكان قتلوه عشان برضه نعرف الحاجات دي. خلفه على الفور أبو حمزة المهاجر أو أبو أيوب المصري.
[00:05:26]
هم يلخبطوك بالأسماء. أبو حمزة المهاجر. أبو أيوب المصري. ملهوش اسم. الاسم تايه بقى. الاسم الحقيقي.
[00:05:33]
وفي. في أكتوبر تم تغييرها إلى دولة العراق الإسلامية. يبقى بدأت التوحيد والجهاد. ثم دولة العراق الإسلامية. وعينوا لها مين؟ أبو عمر البغدادي أميرا لدولة العراق الإسلامية.
[00:05:48]
لكن في أبريل ألفين وعشرة. الأمريكان برضو قتلوا ابو عمر البغدادي فا حل محله مين؟ اللي هو ابراهيم عواد البدري ده.
[00:05:56] الأخ رشيد:
ابو بكر.
[00:05:57] مجدي خليل:
ابو بكر البغدادي وخلى نفسه [00:06:00] برضه ابو بكر البغدادي أميرا جديدا لدولة العراق الإسلامية حتى هذه اللحظة دولة العراق الإسلامية.
[00:06:06] الأخ رشيد:
بعد كده حتصير العراق والشام.
[00:06:08] مجدي خليل:
بعد كده في حدثين خطيرين سرعوا بظهور داعش انها توسع بقى. اول حاجة ان نور المالكي سنة 2011 بضغوط من ايران. ايران عاوزة تنفرد بالعراق فقالت له مشي الامريكان فمشيوا الامريكان سنة الفين وحداشر من العراق الفين وحداشر ادي اول حدث كبير فراغ امني كبير بعدما..
[00:06:30] الأخ رشيد:
وقتها فعلا ادارة اوباما تريد اقل..
[00:06:34] مجدي خليل:
ادارة اوباما مع ضغوط ايرانية على المالكي وكل ده فمشي. بعدين جه ما يسمى الربيع العربي ودخل على سوريا بهدل سوريا وبدأت سوريا تحولت الى حرب اهلية بسرعة جدا.
[00:06:46]
الحدثين دول هما اللي وسعوا دولة العراق الإسلامية وسعوها جدا.
[00:06:51] الأخ رشيد:
لكن خليني. خليني هنا. افتح قوس. يعني قبل قيام الربيع العربي وحصول فوضى في سوريا. سوريا كانت تعمل. ما عملته تركيا معاها. كانت بتخلي المجاهدين يروحوا للعراق كله. لانه هيضربوا الامريكان.
[00:07:11] مجدي خليل:
كانوا. كانت بتعمل تسهيلات كبيرة جدا للتنظيمات الارهابية اللي ربتها في اراضيها تحت رعاية النظام السوري. انهم يدخلوا في العراق. عشان. يحاربوا الامريكان.
[00:07:22] الأخ رشيد:
طالما انه هيضربوا عدوي. ما عنديش مشكلة.
[00:07:25] مجدي خليل:
وانا خايفة احسن الامريكان يضربوني. فانا. اوقع الامريكان. وبعد كده هيتقلب عليها كل اللي بيعمل حاجة بتتقلب عليه. في نوفمبر 2013 اعلن تأسيس الدولة الاسلامية في العراق والشام. العراق والشام. يعني بدأت في العراق بس. اللي طلعت منها اسم داعش.
[00:07:45] الأخ رشيد:
وكان وقتها عملوا فيديو اللي هو كسر الحدود هو كسر الحدود. شالوا الحدود انه خلاص سايكس بيكو بتاع الكفار. خلينا احنا دوله واحده خلافه واحده.
[00:07:58] مجدي خليل:
دمرنا الحدود. وفي [00:08:00] عشره يونيه اجتاحت بقى الفين واربعتاشر بقى. قفزنا من الفين نوفمبر ألفين وثلاثة عشر اللي اتكونت إلى ألفين وأربعة عشر. اجتاحت الموصل وسقطت الموصل بطريقة غريبة جدا. المسلحين كلهم سابوا أسلحتهم وخافوا واترعبوا. والمهم وبعدين زي ما..
[00:08:20] الأخ رشيد:
احنا احنا بنتكلم على تقريبا عقد من الزمن يعني عشان نوصل لداعش.
[00:08:27] مجدي خليل:
طبعا.
[00:08:27] الأخ رشيد:
يعني انت بتتكلم على تقريبا 12 سنة.
[00:08:31] مجدي خليل:
أبو مصعب. ما هو ما هو أبو مصعب الزرقاوي هو اللي بدأ. ما هو هو المؤسس الأساسي. هو. التطور الأسماء بس.
[00:08:38] الأخ رشيد:
الناس فاكرين انه فجأة نبتت في ألفين وأربعة عشر ظهرت داعش. هم طلعوا منين؟ طلعوا منين ما كانوا موجودين.
[00:08:45] مجدي خليل:
ده أبو مصعب الزرقاوي كانوا مسمينه الذباح يعني توحش داعش اللي شفناه بعد كده بدأه الزرقاوي الدبح وهو كان بيفتخر بلقب الذباح
[00:08:55] الأخ رشيد:
وفيديوهات الذبح قدام الكاميرات. على فكره بدات القاعده.
[00:08:58] مجدي خليل:
طبعا القاعده طبعا القاعده.
[00:08:59] الأخ رشيد:
القاعده هي اللي بدأتها.
[00:09:00] مجدي خليل:
هو بيحصل التوحش على على ايد. اكتر اكتر.
[00:09:05] الأخ رشيد:
بيصير مين يزايد علي.
[00:09:06] مجدي خليل:
مين يزايد على التوحش فزايد على القاعده ابو مصعب الزرقاوي وزايدت داعش على ابو مصعب الزرقاوي في الدبح بعد كده زي ما شفنا اعلنوا قيام داعش قصدي قيام الخلافه الاسلاميه.
[00:09:19] الأخ رشيد:
ما بيحبوش يسموها داعش.
[00:09:21] مجدي خليل:
الخلافه الاسلاميه ما هي دوله العراق الاسلاميه في العراق والشام لكن بعد كده الخلافه الاسلاميه الخلافه دوله الخلافه وخليفه وطلع جامع النوري وشفنا المشهد ده. وفي ديسمبر الفين واربعتاشر طلع ابو ابو محمد العدناني رسميا وقال ان هو مش بس هو اعلن نفسه خليفة على جامع النور. لا ده الخلافة نشأت وعملنا خليفة هو هو هو أعلن نفسه. ما أعلنش نفسه خليفة. أعلن نفسه أمير المؤمنين على جامع النور ما قالش انا الخليفة بس. كرر.
[00:09:57] الأخ رشيد:
ما هو قال انه دي ابتلاء وابتليت [00:10:00] بهذه..
[00:10:02] مجدي خليل:
أبو بكر. وكرر كلام أبو بكر كأنه مضمون الحديث أن هو الخليفة وهو أمير المؤمنين. وبعد كده أعلنها المساعد بتاعه العدناني أن دي خلافة إسلامية وأن ده خليفة تنصيبه خليفة للمسلمين.
[00:10:19]
في 3 أغسطس اجتاحوا جبال سنجار. سنجار اللي هي. اللي هو الايزيدين وحصلت مذبحة كبيرة جدا جدا في للايزيديين. وطبعا كانت. كانت أيام صعبة جدا. بعدها علطول مباشرة بعدة أيام 5 أغسطس بدأت الأمريكان حتى من غير ما يدخلوا العراق ضربوا بالطيارات من بعيد عشان يحرروا الناس دي.
[00:10:45] الأخ رشيد:
لانه الحصار كان.
[00:10:45] مجدي خليل:
الحصار كان رهيب وكان كان وقت صعب اوي. في 14 سبتمبر ألفين وأربعة عشر يعني بعد أقل من ثلاثة أسابيع من سقوط سنجار، بدأت التحالف الدولي لمناهضة داعش من اثني عشر دولة أغلبهم غربيين اللي تطور بعد كده وتحول إلى سبعة وثمانين دولة. طبعا هو رمزيا يعني.
[00:11:10] الأخ رشيد:
رمزيا هو الدولة.
[00:11:11] مجدي خليل:
هو أمريكا.
[00:11:12] الأخ رشيد:
دولة كانت التي كانت تقود الحرب هي أمريكا.
[00:11:16] مجدي خليل:
وبعدين بدأت أمريكا بقى تضرب بكل قوة والتحالف الدولي ودربوا القوات العراقية ودربوا قوات قسد من ألفين وأربعة عشر إلى ألفين وسبعة عشر قدروا ينهوا على داعش في العراق، وفي مارس ألفين وتسعة عشر سقطت آخر معاقل لداعش في البوغاز في سوريا وفي أكتوبر 2019. تم قتل أبو مصعب أبو بكر البغدادي ومساعده المتحدث باسمه.
[00:11:50] الأخ رشيد:
وطبعا سقطت الرقة وسقطت كل الأماكن اللي كانوا بيسيطروا عليها.
[00:11:56] مجدي خليل:
طبعا هو. وبعدين بعديها عين. [00:12:00] اتعين بعد. بعد ما اتقتل أبو بكر البغدادي مع أبو الحسن المهاجر المتحدث باسم التنظيم في اتعين على طول خليفة ثاني اسمه أبو إبراهيم القرشي. قتلته القوات الأمريكية في سنة 2022. وبعديه أبو حسين الحسين القرشي. قتلته القوات الأمريكية في سنة اتنين. اتنين وعشرين برضه. وبعد كده تحول التنظيم من خلافة إسلامية من خلافة إسلامية. خلافة يعني لها أرض طبعا.
[00:12:26] الأخ رشيد:
طبعا لها خليفة وليها ديوان الزكاة وديوان مش عارف ايه وديوان المظالم ..
[00:12:31] مجدي خليل:
الي تنظيم إرهابي خطير عابر للحدود زيه زي القاعدة. يعني تنظيم إرهابي خطير عابر للحدود تقريبا هو ورث القاعدة في كتنظيم إرهابي. ده تاريخ داعش بسرعة.
[00:12:45] الأخ رشيد:
بعد دلوقتي عشر سنوات من الظهور، وتقريبا خمس سنوات من السقوط. إيه أوضاع داعش حاليا؟ يعني في ناس افتكروا او بيفتكروا انه داعش خلاص لا وجود لها الآن.
[00:13:01] مجدي خليل:
لا طبعا
[00:13:02] الأخ رشيد:
طب إيه وضع داعش الآن؟
[00:13:04] مجدي خليل:
داعش خطيرة جدا جدا جدا. بعد ما سقطت داعش طلع أبو بكر البغدادي وقال ان احنا في اتكلم عن عقيدة الابتلاء والصبر إن احنا لم يخلق يعني مش لازم ربنا خلقنا ان احنا ننتصر في كل المعارك لكن خلقنا نجاهد في كل الأوقات.
[00:13:24]
يعني تحول الانتصار إلى مجرد جهاد يعني خفت بقى تبخرت أحلام بقى باقية وتتمدد. دابق معركة دابق الكبرى..
[00:13:35] الأخ رشيد:
كانوا بيحشدوا انه.
[00:13:37] مجدي خليل:
رايحين دابق.
[00:13:38] الأخ رشيد:
هتصير.
[00:13:39] مجدي خليل:
الكلام ده في.
[00:13:41] الأخ رشيد:
الملحمه الكبرى.
[00:13:41] مجدي خليل:
الملاحم الكبرى دي كلها تبخر كل ده وتبخرت الارض اللي هي وصلت تقريبا الى ما يقرب من مساحه بريطانيا تقريبا.
[00:13:52] الأخ رشيد:
ده كانوا بيحلموا يعملوا عمله وكانوا بيعملوا لها اعلانات في مجلة دابق.
[00:13:58] مجدي خليل:
باختصار شديد لو مدخلش [00:14:00] الغرب ودمرها كانت ممكن تتوسع يعني ما كانش فيه ما يمنع انها تتوسع يعني.
[00:14:08]
دلوقتي داعش طبعا هو تنظيم ارهابي خطير جدا جدا تنظيم ارهابي خطير.
[00:14:12] الأخ رشيد:
لسه موجود.
[00:14:13] مجدي خليل:
لا ده موجود بقوة ده من سنة سنة الفين وواحد وعشرين بالذات بيحذروا من من رجوع عملياتها وخاصة فروعها في افريقيا عندها خمس فروع في افريقيا.
[00:14:25] الأخ رشيد:
خمس فروع، طب فين الاماكن اللي بتتمركز فيها.
[00:14:27] مجدي خليل:
فيها ولاية داعش في غرب افريقيا اللي هي بوكو حرام سابقا
[00:14:31] الأخ رشيد:
اه بوكو حرام خدت فرنشايز. طيب مبروك
[00:14:32] مجدي خليل:
خدت فرنشايز ولاية وسط افريقيا اللي هي الكونغو الديموقراطية وموزمبيق وولاية الساحل الافريقي ودي اخطرهم مالي والنيجر وبوركينا فاسو ودي اخطرهم الساحل لان فيها سبع تلاف وسبعمئة مقاتل وبعدين ولاية ليبيا وولاية الصومال وولاية المغرب العربي اقل طبعا وكان فيه ولاية سيناء وخمدت وكله ده في افريقيا. ده كله افريقيا.
[00:14:56] الأخ رشيد:
طب ماذا عن العراق وسوريا؟
[00:14:58] مجدي خليل:
العراق وسوريا. ما زالت في العراق وسوريا. ده العراق وسوريا خطيرة. بس. يعني في. في ولايتين يتمددوا. في فرق بالتمدد. وفي فرق. الخطورة ما زالت ما زالت في العراق وسوريا. ما زالت خطيرة. لان. لان الفوضى موجودة والمظالم الطائفية موجودة. والكلام ده كله موجود في سوريا اخطر من العراق. ليه؟ لان في سوريا.
[00:15:18] الأخ رشيد:
لسه النظام مش متحكم في الاوضاع.
[00:15:19] مجدي خليل:
ما زالت حرب اهلية. العراق اكثر تماسكا بس في سوريا خطر جدا جدا ما زالت في يعني الامم المتحدة بتقول في خمستاشر ألف مقاتل ما زالوا موجودين ما بين سوريا والعراق. الولايات المتحدة بتقول..
[00:15:34] الأخ رشيد:
خمستاشر الف.
[00:15:34] مجدي خليل:
مطلوقين السراح.
[00:15:37] الأخ رشيد:
والبعض منهم يمكن خامد لحد ما كذا والبعض منهم يمكن بيشتغل.
[00:15:43] مجدي خليل:
لا لا لا انت بتشوفهم لما راحوا سنه في يناير 2022 واقتحموا سجن الحسكه وقتلوا واتقتل حوالي الف طرف من من. قتلوا 150 حارس مباشره واطلقوا حراس كان عاوزين يطلعوا المسجونين لان فيه عشر الاف [00:16:00] مقاتل تحت قوات سوريا الديموقراطيه بترعاهم عشره الاف مقاتل ده في السجن بس ده غير مطلق السراح.
[00:16:08] الأخ رشيد:
كمان عشره الاف مقاتل في السجن.
[00:16:11] مجدي خليل:
في السجن طبعا في السجن وده اخطر ما يمثل اخطر حاجه. وبعدين في حوالي خمسين الف من عائلات داعش تحرسهم برضه قوات سوريا الديموقراطيه اللي اسمها قسد دول بتحرسهم بدعم امريكي. فانت انت. انت في كتل يعني.
[00:16:25] الأخ رشيد:
ايه تحرسهم قاعدين مخيمات. مخيمات.
[00:16:28] مجدي خليل:
مخيمات مخيم ابو الهول ومخيم ثاني مخيم ابو الهول الاكبر ومخيم ثاني اصغر.
[00:16:32] الأخ رشيد:
مع اطفالهم مع كل شي ونسائهم.
[00:16:35] مجدي خليل:
مع اطفالهم ونسائهم طبعا فانت بتتكلم بتتكلم على مثلا اللي طلع في الفتره الاخيره هو على فكره موجود من الفين وخمستاشر اللي هو ولاية خراسان اللي هي في افغانستان. ده عملت عمليتين من اكبر العمليات في روسيا. العملية الاخيرة في روسيا اللي اتقتل فيها مية وتلاتين واللي قبلها في كرمان.
[00:16:58] الأخ رشيد:
ولاية خراسان.
[00:16:59] مجدي خليل:
خراسان دي خراسان دي هم عاوزين يعيدوا شكل خراسان القديمة اللي كانت اجزاء من ايران واجزاء من القوقاز واجزاء من من افغانستان. فدي خراسان دي من اخطر من اخطر اللي دلوقتي بيحذروا منها الإف بي آي والمخابرات الغربية انها ممكن تمتد عملياتها الى اوروبا وامريكا ولاية خراسان.
[00:17:21]
فداعش داعش بقى اعلنت في سنة.. اللي هو ادارة العمليات المركزية ما زالت لهم وسائل إعلامهم اعلنت انها عملت 1121 عملية في سنة 2023 فقط لا غير.
[00:17:36]
اكتر من نصهم في افريقيا. 1121 عملية سقطت من خلالهم. قتلوا 4770 شخص. بس انا تقديراتي على الاقل في اخر خمس سنين منذ سقوطها. خمس تلاف عملية. خمس تلاف عملية. دي مش حاجة قليلة. يعني تقريبا في المتوسط الف. كل سنة الف كل سنة.
[00:17:58]
فده ده [00:18:00] يعني يقول طبعا بالاضافة الى انك انت. انا بقول لك انا بقول لك عندهم سبعة آلاف وسبعمائة في تنظيم واحد بس اللي هو الساحل ولاية الساحل الافريقي عندهم الفين ومئتين في ولاية خراسان خراسان. في عندهم حوالي خمستاشر الف مقاتل سارحين في سوريا والعراق.
[00:18:18] الأخ رشيد:
مهو دول دول التانيين. خليني اشرح شوية يعني التانيين اللي في دول تانية هم بس اطلقوا على نفسهم داعش.
[00:18:27] مجدي خليل:
هما موجودين بس غيروا اليافطة.
[00:18:28] الأخ رشيد:
غيروا اليافطة بس هم مثل مثلا بوكو حرام مهو بوكو حرام موجودة
[00:18:34] مجدي خليل:
طبعا طبعا.
[00:18:35] الأخ رشيد:
او مثلا حتى اللي سموه دلوقتي في المغرب العربي.
[00:18:38] مجدي خليل:
مهي القاعده. طبعا
[00:18:39] الأخ رشيد:
مهي القاعده وممكن اي حد في البلدان الغربيه اللي بيعملوا عمليات وفجأه بيقول انا ابايع يعني بتلاقي عنده فيديو انا ابايع..
[00:18:50] مجدي خليل:
هقول لك حاجه. في كل الدول الاسلاميه في في مجاهدين اللي بيسموهم مجاهدين اللي هم الارهابيين. ماشي
[00:18:57] الأخ رشيد:
وعندكم في سيناء.
[00:18:58] مجدي خليل:
وطبعا وفي سيناء طبعا. ما كانت كانت حاجه. تنظيم سلفي تحول الى ولايه سيناء. هو انت دلوقتي بتاخد … واخد شهاده تحت طاعة جديدة الفرانشايز الجديد فانت بتسمي نفسك الجديد تحتيه فانت بترتكب العمليات وتحسب له واخد بالك.
[00:19:18] الأخ رشيد:
طيب ده يعني الاف المقاتلين منتشرين في دول كتيره لا زال نفس نفس النهج. مفيش حاجه اتغيرت. لو اتيحت لهم الفرصه وصارت فوضى في اي بلد يرجعوا تاني بنفس القوة.
[00:19:32] مجدي خليل:
مهما بينتعشوا على الفوضى.
[00:19:34] الأخ رشيد:
طب ايه اوجه الشبه والاختلاف بين داعش والمنظمات الاسلاميه التانيه؟ يعني لو هتعمل لنا مقارنه. ايه مثلا القاعده مثلا التانيين.
[00:19:43] مجدي خليل:
بالظبط انت لو انت. هنتكلم عن المنظمات الاسلامية اللي ظهرت في اخر خمسين سنة الارهابية.
[00:19:51] الأخ رشيد:
ما شاء الله كتير
[00:19:51] مجدي خليل:
كتير كتير. نبدأ بالاختلاف لانه هو الاكثر. الاختلاف أول حاجة دي أول منظمة [00:20:00] إرهابية إسلامية تعلن خلافه وتعمل ارض حتى طالبان معملتش خلافه عملت إمارة لكن دي راحت شالت الحدود فعملت خلافة.
[00:20:09]
الخلافة يعني انت اكتر من دولة في اكتر من دولة فدي أول منظمة إسلامية إرهابية تقوم بعمل خلافة وتملك أرض واسعة.
[00:20:18] الأخ رشيد:
تمام تمام
[00:20:18] مجدي خليل:
ده اول اختلاف. الحاجة التانية. اول منظمة تستخدم هذا النساء بهذه الكثافة. بيسموهم نساء الخلافة. مسمعناش أوي على دور للنساء في القاعدة. كانت الرجالة هي اللي ظاهرة طول الوقت.
[00:20:31]
فجأة لقينا النساء لهم أدوار كبيرة جدا حتى في التجنيد. حتى في الموضوع. نساء الخلافة بقى اسم زي أشبال الخلافة زي نساء الخلافة. لقينا دور كبير للنساء. الحاجة التانية الاستخدام الميديا والسوشيال ميديا بكثافة بهذه الكثافة وبهذه الحرفية مستخدمهوش طبعا القاعدة كانت بتستخدمه بس بالكثافة دي. وبالتوسع ده.كتر أوي مع داعش.
[00:20:58] الأخ رشيد:
وكمان حسابات على تويتر وبيعملوا recruitment. يعني.
[00:21:02] مجدي خليل:
ولحد الان لحد الان
[00:21:03] الأخ رشيد:
بيجندوا عن طريق الوسائل..
[00:21:06] مجدي خليل:
وده نقطة مهمة كمان. أول منظمة إرهابية إسلامية تجند أكتر من أربعين ألف واحد من مية وعشرة دولة إسلامية من 110 دولة غربية واسلامية. يعني مسلمين من 110 دولة. متوزعين في 110 دولة.
[00:21:21]
ده محصلش في تاريخ ولا الجهاد الأفغاني حصل فيه كده. ده اكبر توسع في التجنيد في تاريخ الحركة الاسلامية المعاصرة. محصلتش قبل كده ابدا. محصلتش قبل كده.
[00:21:32]
كمان. المزايدة في الوحشية وتصوير هذه الوحشية برضه.
[00:21:37] الأخ رشيد:
محدش أحرق حد على..
[00:21:40] مجدي خليل:
علني كده وولع فيه ويجيب الناس ويلبسهم Orang ويذبحهم بالسيوف. لا محصلتش بهذا التكنيك وبهذه الوحشية وبهذا التصوير التقني العالي.
[00:21:51] الأخ رشيد:
والكم
[00:21:53] مجدي خليل:
والكم والتصوير التقني العالي. فريق..
[00:21:55] الأخ رشيد:
ده كل مرة بيتفننوا في القتل. يعني مرة إغراق في الماء مرة [00:22:00] حرق مرة ضرب بالاسلحة.
[00:22:02] مجدي خليل:
لا وبيعملوا مونتاج للحاجات دي عشان تطلع أكثر وحشية وأكثر تأثيرا. يعني كان عندهم قسم كامل لهذا التصوير.
[00:22:10] الأخ رشيد:
للإعلام.
[00:22:11] مجدي خليل:
والإعلام طبعا. هي الاتفاق بقى. طبعا هي كلها منظمات أيديولوجية إسلامية. هي نتاج للتراث الإسلامي كله. هي كلها زي بعضها في هذا الموضوع منظمات أيديولوجية جهادية تتبع الجهاد الإسلامي الي بدأ مع بداية الاسلام تريد تطبيق عودة الخلافة، عودة الغزوات، تطبيق الشريعة، أسلمة المجتمعات.
[00:22:32]
فده كله متفقين فيه مع المنظمات الإسلامية كلها كلها زي المنظمات الإسلامية. زي الثعبان الإغريقي متعدد الرؤوس. تقطع رأس تطلع رأس المنظمات الإسلامية كلها كده تقطع الراس تطلع لك رأس تاني.
[00:22:46]
هو ثعبان اغريقي اسطوري متعدد الرؤوس. لما تقطع راس تطلع راس تاني تطلع راس تاني.
[00:22:51] الأخ رشيد:
وانا شايف هي اللي مصره انه يكون عندها خليفه ولازم يكون قرشي ولازم يكون.
[00:22:57] مجدي خليل:
مهو الخلافة يعني الخلافة بمستلزمات الخلافة يعني التلفيق الاسماء عشان يبقى قرشي تلفيق الاسماء عشان ينتسب الى آل قريش. كل ده تلفيق في تلفيق. مفيش حاجة مؤكدة هم فورا يلاقوا القرشي بعديه بدقايق يلاقوا القرشي وراء القرشي وراء القرشي ويغيروا أسمائهم ومنعرفش الناس دي جاية منين اساسا.
[00:23:19] الأخ رشيد:
نعم.
[00:23:20] مجدي خليل:
كمان بيتفقوا في. في الادمان القتل أصبحوا المنظمات الإسلامية بعد العدو القريب والعدو البعيد والكلام ده. العدو السهل أو أو الهدف السهل حتى مش عدو الهدف السهل. احنا عاوزين نقتل أى حاجة تصادفهم، فأدمنوا القتل علشان يبقوا متواجدين ويرعبون الناس. كل المنظمات الإسلامية تقريبا أدمنت القتل بتستغل طبعا منظمات إسلامية كلها بتستغل فشل الدول والمظالم الاجتماعية والصراع الشيعي السني والفقر والجهل وكل ده كلهم بيتفقوا في استغلال البيئات الحاضنة. البيئة [00:24:00] الحاضنة.
[00:24:00] الأخ رشيد:
وكلهم بيقول لك هنحرر القدس وهنروح نحارب اليهود. وطبعا يختبئوا خلف الحجر.
[00:24:09] مجدي خليل:
كلهم بيجندوا على أساس المكافآت الدينية للمجاهدين زي التاريخ الإسلامي كله. الجنس جزء والغنائم جزء والوحشية بيتفقوا فيها. والتخريب ميعرفوش التعمير أبدا. التخريب والتدمير يعني سمات..
[00:24:26] الأخ رشيد:
والاستيلاء على ما فعله الآخرون، ثم التخريب.
[00:24:29] مجدي خليل:
هو التخريب، هو الجزء الأساسي، أن تسرق، تنهب، تخرب وكده هذا فدي يعني تقريبا يعني أوجه الاتفاق والاختلاف لأن ده موضوع واسع كما الاتفاق والاختلاف.
[00:24:43] الأخ رشيد:
في الإعلام العربي رددوا كثير. حتى الرسمي منه كثير من المرات، يعني هم عارفين يعني احنا عارفين انه مثلا المخابرات المصرية والمخابرات السعودية والمخابرات الدول التانية عارفين مين وراء داعش وعارفين كل حاجة.
[00:25:02]
لكن بيسمحوا في اعلامهم احيانا كثيرة بيغضوا الطرف انه داعش صناعه امريكيه وتسمع ناس على تويتر وعلى الفيسبوك. صناعه امريكيه وكلينتون قالت في كتابها ومش عارف ايه قال في كتابه وشفناهم وهم بيدوهم اسلحه وشفناهم وهم بيدربوهم وطلع ابو بكر البغدادي ده واحد صهيوني وعاملين له اسم وبطاقه. المهم لازم لازم العدو التقليدي لازم تكون داعش صناعه صهيوامريكيه.
[00:25:36] مجدي خليل:
طبعا طبعا.
[00:25:38] الأخ رشيد:
ايه ردك على الموضوع ده؟
[00:25:40] مجدي خليل:
اولا هو ده الطبيعي عندهم لاسباب كتيره لاسباب كتيره. اولا انه يبرئوا الاسلام لما شافوا الوحشيه في قطاع كبير عاوز يبرئ الاسلام. مش احنا اللي عملناها ده اللي عملوها الغرب والصهيونيه واللي مش عارفه ايه.
[00:25:56]
في ناس تاني عاوزه تداري على الفعلة الحقيقيين زي تركيا مثلا [00:26:00] وتعاونها مع داعش يعني زي الاخوان المسلمين كله عشان يدافع عن تركيا.
[00:26:05]
في ناس بقى اللي هو ادمنوا نظريات المؤامره ان كل شيء سيء جاي من الغرب وجاي من الصهيونيه وجاي من اسرائيل.
[00:26:13] الأخ رشيد:
مفيش مره عايزين يعترفوا انه ده نتاج التراث الاسلامي ونتاج مجتمعاتنا.
[00:26:19] مجدي خليل:
اما داعش فهي صناعة إسلامية صرفة. زيها زي كل المنظمات الإسلامية، صناعة. في فرق في فرق، اصل هم مش واخدين بالهم عشان هوضحها أكتر. داعش صناعة إسلامية من الفقه الإسلامي زيها زي كل المنظمات الإسلامية الإرهابية عبر التاريخ. دي أول حاجة.
[00:26:39]
داعش صناعة سنية نتيجة ما يسمى مظالم السنة في العراق أو حماية أهل السنة في العراق أو حقوق أهل السنة في العراق. ده دي الصناعة الصناعة. ومن الزرقاوي كانت دول بتهرب له فلوس من دول الخليج ومن سوريا. ومن هنا أموال وأسلحة وكتاب عشان موضوع أهل السنة فدي مسألة.
[00:27:00]
هم بقى يعني كانوا كانوا يبقوا أذكى كانوا يقولوا إن الغزو الأمريكي خلق مناخا من صعود الشيعة فصعود الشيعة أغاظ السنة وسقوط السنة. فسقوط السنة أدى إلى ظهور منظمات تدافع عن السنة. كان ممكن يبقى منطقي. كان الكلام ده ممكن يبقى منطقي. اما ان تصنعها امريكا.
[00:27:19] الأخ رشيد:
او vacuum الي خلقوه بازاله نظام صدام حسين لانه كان ماسك بقبضة من حديد.
[00:27:25] مجدي خليل:
بالظبط.
[00:27:25] الأخ رشيد:
انه خلقوا vacuum (فراغ) لانه لما تروح السلطه بتظهر قوى اخرى.
[00:27:32] مجدي خليل:
اكيد. لما واحد مستبد جبار زي صدام حسين.
[00:27:35] الأخ رشيد:
فهما مقالوش كده.
[00:27:36] مجدي خليل:
لا قالوا ده صناعه امريكية.
[00:27:38] الأخ رشيد:
ده هم اللي مولوا وهم اللي دربوا وهم اللي خلقوه وهم اللي حطوا. وناقص يقولوا هم اللي علموه خطبه الجمعه وهم اللي قالوا له يلقي الاحاديث دي.
[00:27:49] مجدي خليل:
بالظبط.
[00:27:51] الأخ رشيد:
مع العلم انه هو كان ممسوك عندهم في السجن.
[00:27:53] مجدي خليل:
طبعا ما انا بقولك.
[00:27:55] الأخ رشيد:
وحاقد عليهم.
[00:27:56] مجدي خليل:
طبعا طبعا ما انا نوضح دلوقتي.
[00:27:57] الأخ رشيد:
وهم اللي قتلوا اغلب قياداتها كما وضحت. [00:28:00]
[00:28:02] مجدي خليل:
طبعا كل ده هقوله ودلوقتي هقولك اول حاجه. فبالتالي ممكن تكون هناك زي ما قلنا مناخ عام بعد غزو خلى فيه حاله حرب اهليه بين السنه والشيعه حاله فوضى ممكن تخلق منظمات. اما اللي خلقها هي السنه. الأيدولوجية هي الاسلام.
[00:28:23] الأخ رشيد:
الممول اسلامي.
[00:28:25] مجدي خليل:
اسلامي. الايديولوجيه.
[00:28:26] الأخ رشيد:
الايديولوجيه اسلاميه. المنفذون.
[00:28:30] مجدي خليل:
مسلمون سنه. طب يبقى قاعد ايه بقى قاعد ايه؟ طب اقول لك بقى ليه بقى امريكا معملتهاش. بقى احنا كنا احنا قلنا هم عملوها اهو في الجنب ده. ليه امريكا معملتهاش.
[00:28:42]
اول حاجة ان الجهاد اللي عمله أبو مصعب الزرقاوي وغيره كانوا بيقتلوا أمريكان. كانوا بيقتلوا أمريكان وامريكان اللي قاومتهم مش أي حد تاني. على فكرة متلاقيش قائد كبير قتلته دولة إسلامية رغم عارفينها فين كل القوات من القاعدة والتوحيد والجهاد وداعش كل القواد الكبار.
[00:29:07] الأخ رشيد:
الظواهري بن لادن البغدادي .. القرشي. الزرقاوي
[00:29:08] مجدي خليل:
كله قتلته أمريكا كله. طب انتم مكنتوش اي دولة اسلامية يعني دولة اسلامية. المسلمين اللي هما الحاضنة للناس دي مكانوش عارفين الناس دي فين زي دلوقتي في حماس مش عارفين السنوار فين؟ مش عارفين التاني الضيف فين؟ عارفين فين.
[00:29:24] الأخ رشيد:
صدام مكانوش عارفين فين؟
[00:29:25] مجدي خليل:
صدام مكانوش عارفين فين؟ الرهائن بتوع اسرائيل مش عارفينها فين؟ اللي لاقوها وسط مدنيين فبالتالي هم عارفين يبقى.
[00:29:33] الأخ رشيد:
التستر على الفاعل.
[00:29:35] مجدي خليل:
طبعا اول حاجه اول حاجه هم اتشكلت وكانت بتحارب الامريكان ابو مصعب الزرقاوي. وقتلت جنود امريكان واللي قتلهم امريكان واللي اسقطهم امريكان وحتى القاعدة القاعده قبل ما تتحول الى الدولة الاسلامية مين اللي عمل الصحوات علشان.
[00:29:56] الأخ رشيد:
يحارب القاعدة.
[00:29:57] مجدي خليل:
يحارب القاعدة واسقط القاعدة في العراق وقتلوا [00:30:00] في يونيو ألفين وستة الزرقاوي. فبالتالي دي اتعملت واللي. كانت بتقتل امريكان. امريكا هتعمل حاجة تقتلها؟ طب..
[00:30:10] الأخ رشيد:
ما هي نظرية المؤامرة كده يعني كله عشان. ولما تقولهم ليه قتلوه؟ بيقول لك خلص الكارت بتاعه. طيب واللي بعده برضه ما اتعلمش الدرس برضه صار كارت.
[00:30:20] مجدي خليل:
لا لا ده هبل. الحاجه التانيه.
[00:30:24]
تم تشكيل داعش فعليا والاعلان عنها فعليا بعد خروج الامريكان من العراق أساسا. يعني الأمريكان خرجوا سنة ألفين وإحدى عشر وسابوها ألفين وإحدى عشر. ده كان السبب بقى. مش بس مش الامريكان عملوها. ده كان سبب ان حصل فجوة امنية. فتقدر. وهم الشيعة مكنش عندهم الخبرة الامنية الكافية انهم يقاوموا. فده كان سبب مش ان الامريكان اللي صنعوها.
[00:30:51]
ده هي ظهرت 2013 بعد خروج الامريكان بسنتين. مش..
[00:30:57]
الحاجة التانية ان ان نوري المالكي رفض ادماج الصحوات. وهو شيعي متطرف وتابع لايران. كان رئيس وزراء العراق وقتها رفض إدماج الصحوات في الجيش العراقي. فخلى عندهم غيظ. هم سنة الصحوات سنة. فطبعا اتضايقوا. دول اللي كانوا الخميرة بتوع داعش نسبة منهم انضمت لداعش ونسبة من بتوع صدام انضموا لداعش. ونسبة..
[00:31:26]
مش الامريكان اللي صنعوها ده انت اللي صنعتها بالتطرف.
[00:31:31] الأخ رشيد:
انك ما..
[00:31:31] مجدي خليل:
التطرف الشيعي.
[00:31:32] الأخ رشيد:
انك اهملت جزء كبير من من المواطن العراقي..
[00:31:36] مجدي خليل:
بعد ما تدربوا تدريب كويس بعد ما تدربوا تدريب كويس. طب هو بعد كده ضم كمان. بعد سقوط الموصل. ايه اللي حصل؟ مين اللي طلب من الامريكان يرجعوا؟ القيادة العراقية. المالكي قال الحقونا. مش انت طردتهم. ورفض..
[00:31:50] الأخ رشيد:
كانوا هيدخلوا بغداد.
[00:31:52] مجدي خليل:
طبعا.
[00:31:52] الأخ رشيد:
كانوا على ابواب بغداد.
[00:31:54] مجدي خليل:
وكانوا ممكن يفتحوها بسهولة. مين اللي طلب من الامريكان؟ هو نفس المالكي اللي رفض حتى يعمل معاهدة [00:32:00] أمنية مع أمريكا بضغط من قالهم إيران. وما تعملش معاهدات أمنية.
[00:32:05]
اشترطت أمريكا ان المالكي ده لازم يمشي. وجاء حيدر العبادي قالوا لهم عشان نرجع تاني لازم ناخد لازم معاهدة أمنية جديدة. ولازم المالكي ده يمشي. ورجعوا بعد ما مشي المالكي. وجاء حيدر العبادي.
[00:32:18]
طيب عندما اجتاحت. انا قلت لك لما. لما امريكا. لما سنجار 5 أغسطس 3 أغسطس اجتاحوا سنجار 5 أغسطس. وأنا كنت قدام البيت الأبيض وقتها و بمظاهرة لليزيديين وطلع واحد من فريق أوباما قال هنضرب دلوقتي حالا من غير ما يستشيروا العراقيين بدأوا يضربوا.
[00:32:40]
يبقى الامريكان هم اللي ضربوا مش اللي صنعوا.
[00:32:43]
أخيرا بقى نقطة أخيرة. مين اللي قتل بن لادن في 2 مايو 2011؟ الزرقاوي في 7 يونيو. أبو بكر البغدادي في أكتوبر خليفته ابراهيم القرشي. حمزة بن لادن في سبتمبر 2019. ماهر العقال أمير داعش في أيمن الظواهري. مين اللي قتل. مين اللي قتل ده كله ؟ يبقى حاجة. نقطة اساسية بيكرروها.
[00:33:02] الأخ رشيد:
لا خليني.
[00:33:04] مجدي خليل:
ترامب قال في أثناء الحملة الانتخابية أن ان داعش طبعا هو فسرها بعد كده ترامب في لحظة انتشاء في الحملة الانتخابية في 2016.
[00:33:14] الأخ رشيد:
طبعا قال انه كلينتون و اوباما.
[00:33:17] مجدي خليل:
كلينتون اه بيفسرها قبل كده قال انه ان.
[00:33:21] الأخ رشيد:
بانسحابهم.
[00:33:21] مجدي خليل:
بانسحابهم واهمالهم مواجهاتها ظهرت داعش مش ان هم اللي صنعوها بمعنى يعني ان هم.
[00:33:30] الأخ رشيد:
لكن انا دايما كان عندي يعني واحد من الاجوبة اللي ممكن تقدمه للناس اللي مضروبة بنظرية المؤامرة من كل القيادات بتاع داعش اللي سجلت فيديوهات بالهبل ما طلعش ولا واحد يقول لهم الامريكان اللي كانوا بيساعدونا ليه؟
[00:33:47] مجدي خليل:
ابدا ابدا
[00:33:50] الأخ رشيد:
خايف يعني؟
[00:33:50] مجدي خليل:
مفيش اي اثبات واحد. انا قلت اثباتات ان امريكا قاومتهم ماشي واثباتات ان امريكا هي اللي واجهتهم وان هي اللي قتلتهم [00:34:00] وهي قتلت قياداتهم ما يطلعلناش ولا واحد او واحد باثبات باثبات حتى اللي بيتكلموا باثبات حتى مش من قادة ده من حتى الباحثين او من او من. يدينا اثبات قاطع ان امريكا كانت وراء صناعة.
[00:34:16] الأخ رشيد:
لا مهو انا لو كنت في القياده بتاع داعش وشفت انه امريكا غدرت بيا وقتلت القائد بتاعي بعد ما تخلص وصار ورقه محروقه وانا في الصف التاني.
[00:34:27] مجدي خليل:
هقول ده استخدموه.
[00:34:28] الأخ رشيد:
استخبى واروح اقول ده كانوا بيدونا المبالغ الفلانيه وكان بيدربنا الفلاني وكان اخدونا على المكان الفلاني ودلوقتي قلبوا علينا. انا عايز افضحهم. سهلة
[00:34:38] مجدي خليل:
طبعا هو. هم مش في الالاف منهم طلقاء حاليا مفيش زوجاته طلقاء حاليا. طبعا مش اتعمل معاهم ما جابوش سيرة..
[00:34:48] الأخ رشيد:
ما زوجة البغدادي عملوا معاها مقابله.
[00:34:50] مجدي خليل:
وبنته وعملوا كذا مقابله معاهم.
[00:34:52] الأخ رشيد:
ما قالت لهمش انه صهيوني ليه يعني.
[00:34:54] مجدي خليل:
ما قالوش ما قالتش. اتنين من زوجاته ما قالوش ليه؟ وكانت على علم بكل شيء ما قالتش ليه ان الامريكان صنعونا هو هذا كذبه كبيره. هذه كذبه كبيره.
[00:35:04] الأخ رشيد:
هل القوه لا تنفع مع المنظمات الجهادية. بعض الناس بيقولوا القوة ما تنفعش. يعني اهو بعد القاعدة ظهرت داعش ومثل ما قلت اقطع راس يطلع راس تاني. يبدو ان القوة في نظر البعض ما بتنفعش. ايه رايك انت؟
[00:35:24] مجدي خليل:
هذه هذا كلام بيرددوها على حماس دلوقتي اللي رددوها على القاعدة اللي رددوها على طالبان.
[00:35:30] الأخ رشيد:
يقولك لازم negotiate تعمل معاهم Deal.
[00:35:33] مجدي خليل:
طيب احنا قلنا الايديولوجية باقية لانها ايديولوجية الاسلام ماشي. وان كل اللي بيحصل ده اللي انت شايفه ده هي متحورات من الفيروس الخطير الاصلي واللي هو الجهاد الاسلامي والجهادية الإسلامية اللي بدأت مع محمد. ماشي. ماشي.
[00:35:52]
ولك ان تتذكر ان الرايات السوداء هي ليست رايات القاعدة وداعش. ولكن رايات دولة محمد. مظبوط ولا [00:36:00] مش مظبوط. يعني انت ما فيش جديد.
[00:36:02]
بالنسبة للأيديولوجية. نعم الأيديولوجية متجددة وتتغير الأسماء، ولكن إذا كان هناك تنظيم عسكري قدامك وميليشيا عسكرية وتحمل سلاح. لا يوجد شيء يمكن أن يواجه هذه التنظيمات الإرهابية إلا القوة الساحقة الماحقة. ما ينفعش تواجهها. هو أصلا الإسلام وقف على أبواب أوروبا بإزاي؟ مش بالقوة؟ الإسلام اللي هو الغزوات الإسلامية. مهي إيه المنظمات الإرهابية الإسلامية؟ هي فشل الخلافة الإسلامية أن تكون دولة مركزية تقود الحروب. فأصبحت منظمات إسلامية تقود الإرهاب. صحيح هذه المنظمات الإسلامية هي ميليشيات عسكرية.
[00:36:46]
يعني مقاتلين مدربين بيستهدفوا كل البشر وميستوي عندهم المدني وغير المدني. عاوزين يقتلوا أي حد يلاقوه وعندهم سلاح وبيتحركوا عشان يهددوا الناس حواليهم. طب دول تواجههم بإيه؟ إيه الطريقة الوحيدة اللي تواجههم بيها هي القوة الساحقة؟ فبالتالي كلمة إن الأيديولوجية إذا تحولت الأيديولوجية إلى تنظيم وتحول التنظيم إلى قوة عسكرية فلا يوجد شيء يمكن أن تقاومه به إلا قوة عسكرية أكثر قوة منه عشان تهزمه.
[00:37:20] الأخ رشيد:
مهو في ناس تانية.
[00:37:22] مجدي خليل:
وده اللي حصل حصل فين القاعدة دلوقتي؟
[00:37:24] الأخ رشيد:
موجودة
[00:37:26] مجدي خليل:
لا. بس فين ضعيفة. ولا ومش ضعيفة.
[00:37:27] الأخ رشيد:
ضعيفة.
[00:37:28] مجدي خليل:
طيب ما انت اضعفت. طالبان دلوقتي هل هي طالبان؟ هي طالبان اللي كانت محتضنة القاعدة زمان. وكانت بتصدر ارهاب خارج. مش. تعهدت ان مش تطلع حاجة من طالبان جوة. تعهدوا كده وتعهدوا كده. ضعفت ولا ما ضعفتش طالبان؟ على المستوى الجهادية العالمي. انا بكلمك على مستوى. سيبك انها هتخرب دولتها. ده دولتها دولة اسلامية مية في المية. تخربها براحتها. انا بكلمك على مستوى الجهادية.
[00:37:55] الأخ رشيد:
يعني كان في مخيمات تدريب وكان في احتضان لابن لادن وكان بيروحوا [00:38:00] وييجوا زي ما هم عايزين دلوقتي. حتى الظواهري في اكثر الاحياء امانا قتل.
[00:38:07] مجدي خليل:
طيب داعش دي مش كانت بتملك مساحه زي زي قلنا بريطانيا. طب فين داعش دلوقتي منظمه ارهابيه خطيره عابره للحدود. لكن هل تملك وتهدد دول تاني زي ما كانت بتعمل؟ طبعا (لا). ايه اللي عمل لها كده مش القوه العسكريه يبقى مفيش الا القوه العسكريه هي اللي ممكن تهزم الناس دي.
[00:38:26] الأخ رشيد:
مين اللي ساعد في القضاء على تنظيم داعش؟
[00:38:32] مجدي خليل:
الولايات المتحده الامريكيه والقوى الأوروبية هي اللي عملت كل شيء. هي اللي بادرت. ما أنا قلت لك بعد أيام من سنجار. هي اللي بدأت تضرب. هي اللي عملت التحالف الدولي من اتناشر دولة هي اللي وسعته لـ 87 دولة بعد كده.
[00:38:48] الأخ رشيد:
ماذا عن الاكراد؟
[00:38:49] مجدي خليل:
ما انا هاقول لك انا. هي اللي دربت هنا. هي اللي دربت بعد كده الجيش العراقي علشان يساعدها في العراق. دربوه مين اللي دربه. هي اللي دربت وسلحت القوات الكردية (قسد) اللي هي قوات سوريا الديموقراطية انها تواجه معاها داعش بس هي مين اللي بترعاها لحد دلوقتي؟ مين اللي مانعة تركيا انها تبلعها؟ مين؟ مش امريكا اللي مانعه؟ طب الاكراد قاموا بدور مهم جدا في سوريا في محاربة داعش. بس الاكراد على فكرة فشلوا في صد داعش في كردستان العراق في البداية وفشلوا انهم يحموا جبال سنجار. وكانت. وهم اللي وجهوا نداء للامريكان. خافوا لان كانت على مقربة داعش من..
[00:39:40] الأخ رشيد:
ده كانوا ممكن يدخلوا اربيل.
[00:39:41] مجدي خليل:
كانوا على مقربة وصرخوا من. البرزاني صرخ قال لهم ده يدخلوا اربيل وده على مقربة من السفارة الامريكية في اربيل. فبالتالي اه. بس بتوع بتوع اكراد سوريا صمدوا صمدوا واحنا شفنا.
[00:39:57] الأخ رشيد:
كوباني مثلا.
[00:39:58] مجدي خليل:
كوباني عملت [00:40:00] مجهود خطير ولما لقوا الامريكان ان فيهم قوة قادرة على انها تطورها وانها تبقى قوة قادرة بالفعل. الأمريكان دربوهم تدريب عالي مولهم سلحوهم ولحد الان بيحموهم وما تنساش ان دلوقتي قوات قسد. اللي هي قوات سوريا الديموقراطية دي هي اللي. هي اللي فيها ارهابيين. العالم عارف يا ارهاب العالم اتحدوا. يا عمال العالم اتحدوا بتاع كارل ماركس.
[00:40:31]
ارهابي العالم حاليا موجودين في الحتة دي. خمسين ألف من العائلات. عشرة آلاف من اشرس المقاتلين.
[00:40:39] الأخ رشيد:
في قوات قسد؟
[00:40:40] مجدي خليل:
في قوات قسد هي اللي حرساهم هي حبساهم.
[00:40:44] الأخ رشيد:
يعني مش في قوات قسد يعني تحت تحت سيطرة قوات قسد.
[00:40:49] مجدي خليل:
يعني لو حصل كسر لقوات قسد دي هتبقى في فوضى جهادية رهيبة.
[00:40:55] الأخ رشيد:
يعني المساجين والمخيمات والناس اللي كده هم تحت سيطرت قوات قسد.
[00:41:03] مجدي خليل:
طبعا طبعا.
[00:41:04] الأخ رشيد:
طيب شفنا مين اللي قضى على داعش بس السلطات العراقيه ايضا لها مجهود والكرد لهم مجهول.
[00:41:12] مجدي خليل:
انت بتدافع يعنى لما يدافعوا عن دولتهم هتقولهم ما تدافعوش عن دولكم.
[00:41:16] الأخ رشيد:
لا انا بس بقول من الذي ساهم.
[00:41:19] مجدي خليل:
انا الاساسيين العراق طبعا جيش العراقي والحشد الشعبي والكلام ده كونوه كله تحت سيطرة تحت اداره امريكا. الجيش العراقي دربته الامريكان لكن هل هم كانوا قادرين يواجهوا داعش من غير التحالف الدولي؟
[00:41:33] الأخ رشيد:
ما اعتقدش لانه مكانتش سقطت مثلا الموصل ما كانتش بغداد على وشك السقوط.
[00:41:38] مجدي خليل:
طيب هل هم كانوا ممكن ينهوا الخلافة الواسعة دي في الارض بدون بدون التحالف الدولي؟
[00:41:45] الأخ رشيد:
لا ده الاستخبارات الامريكيه والدرونز الامريكيه والمعلومات والستلايتس..
[00:41:54] مجدي خليل:
كل حاجه كل حاجه. فبالتالي لا.
[00:41:55] الأخ رشيد:
حتى التصنت على تليفوناتهم.
[00:41:58] مجدي خليل:
لحد دلوقتي مين اللي بيصيدهم [00:42:00] بالطيارات حاليا لما يحصل يلاقوا قائد عمل او حته مش عارف ايه او خليه بتصيدهم القوات العراقية؟ بتصيدهم الامريكان لحد هذه اللحظه الامريكان بيقوموا بالدور الاكبر في الموضوع ده.
[00:42:12] الأخ رشيد:
مين اللي ساعد داعش في المقابل؟ مين اللي كان بيساعدها ويسهل لها او يغض يغض النظر. ويعمل حاله مش شايف حتي.
[00:42:22] مجدي خليل:
يعني احنا قلنا في بدايه ابو مصعب الزرقاوي كان في تعاون سني كبير في مساعده ابو مصعب الزرقاوي من الدول دي ومن سوريا ومن دول الخليج. وكلام زي كده الحقيقه في دولتين رئيسيتين او دوله رئيسية ودوله تانيه مساعده يعني عشان ما نحطهم في نفس السياق يعني اللي هي تركيا وايران.
[00:42:44]
تركيا وايران تركيا تعتبر شريك مع داعش. خلينا نكون واقعيين بالادله بقى مش بالكلام. الأربعين ألف مقاتل أغلبهم جاؤوا من عبر تركيا. ناس ماشيه وجايه رايحه تقاتل انت مش هم الاتراك يعني دوله مركزيه قويه زي الدوله التركيه. مش عارفه ان دي مقاتلين رايحين يقاتلوا مع داعش.
[00:43:11] الأخ رشيد:
ليه بيسيبوهم؟
[00:43:12] مجدي خليل:
ده ده ده هيسيبهم ده. ده هم عارفين. اولا له هم عاوزين يجتاحوا اساسا. يضعفوا نظام الاسد من ناحية وثانيا يضعفوا الكرد من ناحية تانية. بيقاتلوا أعدائي.
[00:43:25]
وثالثا يستخدموهم في حاجات كتيرة يستخدموهم حتى في ابتزاز أوروبا. يعني في أهداف أهداف تركيا. فأول شيء إحنا على الأقل الملموس والذي يمكن قياسه أن الناس دي مرت عبر تركيا. دي أول حاجة.
[00:43:41]
الحاجة التانية (زوجة) البغدادي مش قالت إن احنا زوجاته عشنا في تركيا شوية وقادة من قادة من داعش عشنا وإحنا عشنا كزوجات بعتنا لتركيا مش تركيا عارفه ان زوجات البغدادي هناك وزوجاته الثلاث وزوجات العدناني وزوجات مش عارفه مين يعني تركيا عارفه ولا [00:44:00] مش عارفه. احتضنت زوجاته واحتضنت قاده ولا محتضنتش احتضنت طيب.
[00:44:04]
طيب مين اللي كان بيشتري بالاثباتات بترول داعش ما كان عندهم بترول. كانوا بيتاجروا مع بترول داعش والعربيات الطويله. حتى الروس صوروها وقالوا ادي العربيات بتاعت البترول. طلعت تركات الكبيره بتاعت البترول رايحه على تركيا من داعش. مين اللي مين اللي كان بيتاجر. طيب الاخطر بقى لما لما في الفتره دي ورصدوا الباحثين ان الميديا بتاعت حزب العداله والتنميه الاسلامي كانت بتنشر ان داعش دول مسلمين زينا وان داعش مينفعش نحاربها وان داعش دول سنه ومسلمين زينا وما ينفعش دول كل الجرايد والمنشورات الموجودة يمكن البحث فيها لحد الان.
[00:44:55] الأخ رشيد:
حتى الازهر عندكم قال دول من اهل القبله.
[00:44:58] مجدي خليل:
زيه زي تركيا. حزب العدالة والتنمية قال نفس الكلام ان دول مسلمين ومنحاربش مسلمين. تركيا المفروض في التحالف الدولي ما عملتش حاجة. حتى القاعدة الامريكية استخدمت مؤخرا معملتش حاجة معملتش حاجة رئيسية في التحالف الدولي طيب.
[00:45:15] الأخ رشيد:
لان تركيا كانت كمان مساعد ومسهل.
[00:45:20] مجدي خليل:
طبعا طبعا طبعا وشريك اشتركت طبعا مع داعش ما هي رصداهم وعارفهم ده.
[00:45:26] الأخ رشيد:
مهو واحد ممكن يقول لك مهي عضو في الناتو فيبقى ازاي هي بتساعد داعش يبقى يبقى الكلام اللي قلناه عن امريكا يبقى صحيح.
[00:45:38] مجدي خليل:
لا لا دي حاجه.
[00:45:39] الأخ رشيد:
بتعدي يعني.
[00:45:40] مجدي خليل:
لا لا لا ده اولا اولا هي هي متمردة على النيتو في حاجات كتيرة. هل هي شاركت الناتو مثلا في رؤيته لموضوع اوكرانيا لا بتتاجر مع روسيا فاتحة.
[00:45:54]
هل هي شاركت الناتو في حصار ايران؟ لا بتتاجر مع ايران. الحقائق [00:46:00] متقدرش تنفيها لان دي حقائق على الارض. فاللي حصل ان. لا. هي كم مرة كانت عاوزة تضرب قوات قسد ومنعتها الامريكان؟ كم مرة كانت عاوزة تحتل شمال سوريا ومنعتها الامريكان؟ من أيام أوباما. مهو هتعمل فوضى. لو انت دلوقتي اسقطت قسد. اسقطت قوات سوريا الديموقراطية. ايه حجم الفوضى اللي هتتم في المنطقة. كما لا سوريا موجود كمان تركيا. تركيا سوري.
[00:46:28]
تركيا حليف رئيسي لجبهة تحرير الشام لحد الآن. لحد الآن حليف رئيسي اللي هو اللي كانت اسمها جبهة النصرة سابقا. ولكن الاهم والاخطر تنظيم. قائد تنظيم داعش والمتحدث باسمه اتقتلوا فين. اتقتلوا في ادلب اللي تحت القوات السورية وتحت حلفاء سوريا وقرب الحدود التركيه السوريه زي بالظبط بن لادن لما اتقتل وكان تحت عين المخابرات الباكستانيه دلوقتي بعد انا شفت محلل عربي.
[00:47:04] الأخ رشيد:
لا يقولك مكناش عارفين.
[00:47:06] مجدي خليل:
لا ده عارفين هو باكستان ما كانتش عارفه لا.
[00:47:10] الأخ رشيد:
مش عارفين يعني مستخبي ومتخبي ومتخفي.
[00:47:14] مجدي خليل:
هذا هذه لما تكون في منطقه قريبه من الحدود السوريه في منطقه فيها قوات سوريه في منطقه فيها حلفاء سوريه يبقى هل الراجل. برويز مشرف لما كان بيكذب ويقول بن لادن مش عندنا ده اتقتل اتقتل وهما عارفين لما الامريكان قتلوه راحوا حبسوا الطبيب اللي ارشد عليه. انا بقول لك ان ده فيه دلوقتي نظريه كمان بتروج في دول الخليج ان تركيا بديل مع ترامب قبل الانتخابات ان هي قالت له اهو مكانه اهو و روح اقتله. لكن انا مش متبني هذه النظريه لكن اللي انا قناعاتي [00:48:00] ان تركيا كانت تعرف فين ابوبكر البغدادي والتاني معاه.
[00:48:04] الأخ رشيد:
طيب تركيا عرفناها وايران قلت ان هي ارض برضه كان لها .
[00:48:10] مجدي خليل:
كان لها طبعا ايران كان لها دور واستفادت وكانت بتلعب بورقه داعش تماما عشان تسيطر على سوريا والعراق.
[00:48:17] الأخ رشيد:
عندي سؤال بخصوص الحرب الان في غزه هل ارجعت شويه زخم للجماعات الاسلاميه؟
[00:48:27] مجدي خليل:
طبعا اكيد الزخم للتطرف الاسلامي. التطرف الاسلامي رجع له الزخم حاليا زي ما قالت الايكونوميست ان ان حرب غزه بعثت التطرف الاسلامي الفردي. يعني كل واحد تطرفه التطرف العام. عند العامة. عند الناس العامة. طيب أنت لما تعمل تطرف عند العامة. مش ده بيسهل التجنيد للمنظمات الإسلامية؟ ولا ميسهلش التجنيد؟ انت قدامك كوم من البشر المتطرفين.
[00:48:59] الأخ رشيد:
recruitment بيصير سهل.
[00:49:00] مجدي خليل:
سهل ولا مش سهل؟ طب الحاجة التانية مش اللي قامت بالعملية 7 اكتوبر دي مش منظمة اسلامية ارهابية متطرفة زي داعش؟ زي داعش. طيب الفرحة عند المسلمين عملت ايه بسبعة اكتوبر. الفرحة عند التيار الرئيسي.
[00:49:19] الأخ رشيد:
في ناس هيقولولك لا دي بتقاوم عشان تحرير ارضها. ملهاش هدف انه عمل خلافه ولا لها اقامة حدود ولا لها اي شيء. حماس. يعني بيقول لك هي هي بس عايزة تحرر ارض.
[00:49:32] مجدي خليل:
طيب انا عاوز اقول لك حاجة. حاجة بسيطة جدا جدا ان أكتر ناس منخرطين في الإرهاب الإسلامي في آخر خمسين أو سبعين سنة هم الفلسطينيين والمصريين في القيادات كلهم. انا بقول لك تقي الدين النبهاني مؤسس حزب التحرير الاسلامي سنة 1953 مش فلسطيني؟ فلسطيني اردني.
[00:49:56]
صالح سرية اللي عمل الفنية العسكرية سنة اربعة [00:50:00] وسبعين وقتل 13 ضابط وكان هيقتل السادات مش فلسطيني كان مقيم في القاهرة.
[00:50:04]
عبد الله عزام مؤسس الجهاد الافغاني مش فلسطيني. ابو محمد المقدسي منظر الجهاد الاسلامي لا فلسطيني هو كده أردني فلسطيني حتى أبو مصعب الزرقاوي قد يكون أردني فلسطيني، الأردن هي حاضنة للفلسطينيين.
[00:50:19]
أبو قتادة مش فلسطيني؟ عزام التميمي اللي هو بيقود دلوقتي الحركة الإسلامية في منطقة لندن وعامل كذا قناة متطرفة اللي حكموا اللي رأسوا الجزيرة نفسهم من المتطرفين الإسلاميين وضاح خنفر وياسر أبو هلال مش فلسطينيين. طب ما الفلسطينيين.
[00:50:38]
الفلسطينيين انا شفت ان القيادات الكبرى بدرجة كبيرة من الجهاديين خرجت من الفلسطينيين ومن المصريين. المصريين أكتر. ويليهم الفلسطينيين. ماشي.
[00:50:50]
طيب يبقى إيه بقى ده؟ المسألة دي تتعلق بأن حماس مش مسألة طب. دول كلهم قادوا جهاد عالمي قادوا جهاد عالمي من حتى المفتي اللي هو المفتي أثناء هتلر. لحد دلوقتي كانوا رؤيتهم أن فلسطين هي جزء من الجهاد العالمي.
[00:51:11]
طب تحالف. أنت بتتكلم على حماس؟ حماس مش متحالفة مع قطر. حماس مش متحالفة مع إيران. حماس مش شايفة أن فلسطين قضية إسلامية. حماس مش شايفة أن قضية أن فلسطين قضية يحلها الجهاد العالمي. وقالوا كده أن لا حل لفلسطين إلا بالجهاد. يبقى دي قضية مش. مش حماس قضية مقاومة بتقاوم في حتة معينة معزولة عن السياق الإسلامي. حماس مش معزولة عن السياق الاسلامي. حماس جزء من السياق الاسلامي.
[00:51:43] الأخ رشيد:
هل ممكن ان تعود داعش في الايام الجايه؟
[00:51:46] مجدي خليل:
طبعا هي هي سقطت كخلافه بس ممكن ان تعود داعش وعادت هي باقيه حاليا.
[00:51:54] الأخ رشيد:
بالشكل اللي كانت عليه.
[00:51:56] مجدي خليل:
ممكن ترجع في افريقيا بطريقه او باخرى. هما دلوقتي محتلين [00:52:00] اماكن في افريقيا فيه داعش متواجده في عشرين دوله افريقيه وليها مساعدات لوجستية في عشرين دولة أفريقية أخرى. كما تقول الأمم المتحدة. داعش مسيطرة على أماكن. صحيح أنها كانت ايه بقت اسمها داعش. مليش دعوة. بس هي دلوقتي اسمها داعش.
[00:52:17]
ولاية الساحل. ولاية وسط أفريقيا. ولاية غرب أفريقيا. ماليش دعوة. مسيطرة على مساحات كبيرة في مالي. بتقتل بتقتل كميات نص العمليات اللي 1121 اللي حصلت أكتر من نص العمليات دي تمت في أفريقيا. ماشي.
[00:52:32]
انها ترجع في سوريا والعراق. إنها تحتل أرض. ده بعيد لأن فيه قوات التحالف ما زالت موجوده ولأن لكن في افريقيا نتيجه الانقلابات العسكريه التي رعتها روسيا. ونتيجة ونتيجة ونتيجة ونتيجة ونتيجة الفوضى في أفريقيا ونتيجة حروب أهلية وضعف وحاجات دي ودخول الصين وروسيا وإضعاف فرنسا والغرب وأوروبا وأمريكا في أفريقيا. كل ده أدى إلى أن بيئة خصب خصبة لاحتضان داعش. وعلشان كده داعش ممكن في وقت من الأوقات ممكن تعمل خلافة في أفريقيا.
[00:53:11] الأخ رشيد:
في مشكلة المقاتلين الأجانب وحتى زوجاتهم.
[00:53:16] مجدي خليل:
طبعا طبعا.
[00:53:17] الأخ رشيد:
في دول رفضت عودة البعض وفي مشكلة الأطفال أيضا.
[00:53:23] مجدي خليل:
طبعا طبعا.
[00:53:24] الأخ رشيد:
طبعا. اولا ايه اللي حصل لمقاتلي داعش من الاجانب لانه كانوا عددهم كتير. ايه اللي حصل لهم؟ رجعوا قتلوا وسجنوا. ايه اللي حصل؟
[00:53:34] مجدي خليل:
ده موضوع كبير جدا. اهو ده بقى احد المواضيع الخطيره اللي مش لاقين لها حل مش لاقين لها حل. امال هو مخيم ابو الهول فيه خمسين الف ليه؟ مش لاقيين لها حل. احنا قلنا أن أكتر من أربعين ألف واحد أجنبي جم من 110 دولة لداعش وانضموا لداعش من داعش. طيب الناس دي مات وطبعا اسرهم وعائلاتهم وأطفالهم وكلام زي ده. الناس دي مات من عشرة إلى عشرين في المية منهم ماتوا. [00:54:00]
[00:54:00] الأخ رشيد:
بس؟
[00:54:00] مجدي خليل:
بس من عشرة الى عشرين في المية.
[00:54:03] الأخ رشيد:
يعني تمانين في المية ما ماتوش؟
[00:54:05] مجدي خليل:
ما ماتوش منهم ناس اطلق سراحهم. مع اللي تاهوا في وسط تايهين في الاماكن دي وعدة آلاف فقط رجعوا عدة آلاف والباقي موجود.
[00:54:16] الأخ رشيد:
رجعوا فين يعني؟
[00:54:17] مجدي خليل:
رجعوا لبلادهم الأصلية. قبلتهم في خوف شديد في دول أوربا الغربية بالذات. لانها جيت ازاي اقول لك ازاي ال 40 الف دول وفقا لمركز دراسات امريكية ثمانية آلاف وسبعمائة وسبعة عشر منهم جم من دول الاتحاد السوفيتي السابق كل دول الاتحاد السوفيتي السابق اللي هي اوروبا الشرقية..
[00:54:36] الأخ رشيد:
خلينا نقول 10 آلاف.
[00:54:38] مجدي خليل:
وسبع آلاف ومية جايين من الشرق الاوسط ماشي؟ الشرق الاوسط وخمسه آلاف وسبعمائة وتمنتاشر من أوروبا الغربية.
[00:54:47] الأخ رشيد:
خلينا نقول ستة آلاف.
[00:54:48] مجدي خليل:
من أوروبا الغربية الغربية ده غير أوروبا الشرقية اللي تبع الاتحاد السوفيتي شمال أفريقيا من عندكم خمسة آلاف وثلاثمائة ماشي.
[00:54:56] الأخ رشيد:
تقريبا احنا قريبين من اوروبا.
[00:54:58] مجدي خليل:
قريب من اوروبا من جنوب شرق آسيا 1568 من دول البلقان ثمانمئة خمسة وأربعين من أمريكا الشمالية ربعمية تسعة وتلاتين ده أقل عدد من أمريكا الشمالية ماشي يعني من أمريكا مثلا ما رجعش من الأربعمائة تسعة وتلاتين مات بعضهم ومرجعش حوالي ثمانين واحد والباقي من دول مختلفة. باقي دول. دول تلاتين الف أهو بالتوزيع؟ هم أربعين ألف. العشرة آلاف متوزعة على الباقي. التاني طيب احنا قلنا.
[00:55:25] الأخ رشيد:
فيهم اللي مات.
[00:55:27] مجدي خليل:
فيهم اللي مات فيهم اللي داب مش عارفين مش عارفين رايحين فين دلوقتي دول كلهم مسلمين.
[00:55:33] الأخ رشيد:
في اللي مسجون؟
[00:55:34] مجدي خليل:
في اللي مسجون طبعا الكميه الكبيره مسجونه بالذات من النساء والاطفال يعني فرنسا اوروبا بتقول احنا لنا الف امرأة مسجونه ولنا ستمائة وخمسين طفل مسجون مثلا يعني دول تقريبا الفين احنا قلنا خمس تلاف عندك حوالي الفين من اوروبا موجودين سواء اطفال اللي بيسموهم اشبال الخلافة.
[00:55:54] الأخ رشيد:
اشبال الخلافه.
[00:55:54] مجدي خليل:
او نساء الخلافه اللي موجودين اللي هو حوالي خمسين الف دلوقتي.
[00:55:58] الأخ رشيد:
وكتير منهم متابش [00:56:00] عن هذه الافكار ولا رجع بل بالعكس.
[00:56:02] مجدي خليل:
ده ده بيحصل حاجة اخطر دلوقتي بيحصل في المخيمات تلقين أيديولوجي يعني اولا انت ربيت طفل على مبادئ داعش ثانيا لما حصرتهم دلوقتي في مخيم واحد وبتاكلهم وتشربهم. الامهات تلقن البتاع.
[00:56:19] الأخ رشيد:
بتربي الثعبان يعني.
[00:56:20] مجدي خليل:
بتربي الثعبان. انت معملتلهمش تصحيح الافكار او مراجعات للافكار مفيش اي شيء من ده كله مفيش اي حاجه. كل الموضوع ان دول العالم خايفه جدا بالذات الدول الغربيه ان دول اصلا مسلمين كانوا عندها مواطنين ليها خايفه ترجعهم لان لو رجعتهم هتبقى كارثه شديده جدا.
[00:56:40] الأخ رشيد:
فا سايبينهم في…
[00:56:41] مجدي خليل:
معلقين ومعلقين معلقين اديلهم كام سنه دلوقتي اديلهم خمس سنين معلقين. وهذا الملف من اخطر الملفات اللي مفيش حد عارف له حل. لان انت لو انت رجعت لي تلات اربع تلاف لاوروبا هيبقى ايه هيبقى ايه؟
[00:57:01] الأخ رشيد:
خربت البلد. البلدان
[00:57:01] مجدي خليل:
ودول مدربين ومسلحين تدربوا على التسليح.
[00:57:04] الأخ رشيد:
ومؤدلجين.
[00:57:05] مجدي خليل:
ومؤدلجين وعندهم كل. طفل مترباش عاوز يتعالج نفسيا. الاطفال عاوزين يتعالجوا نفسيا فا بيلقنوهم التطرف تاني فلا الموضوع يعني اطفال الخلافه اشبال الخلافه.
[00:57:20] الأخ رشيد:
اشبال الخلافه والنساء.
[00:57:22] مجدي خليل:
مقاتلي الخلافه.
[00:57:23] الأخ رشيد:
الاجانب.
[00:57:24] مجدي خليل:
يمثلوا قنبله محدش عارف يحلها والكل خايف من الاقتراب منها. ولما بيعالجوها بيعالجوها. رجعنا خمسين. رجعنا تلاتين. رجعنا عشرين. انت عندك الاف موجودين. عندك الاف موجودين.
[00:57:40] الأخ رشيد:
اذا المشكلة مستمرة. ومحدش عارف.
[00:57:43] مجدي خليل:
طبعا مستمرة.
[00:57:45] الأخ رشيد:
الخلاصة انه داعش موجود. طبعا قضي على قوته. تم تقليم الاظافر. لكن. الايديولوجية موجودة والمقاتلين موجودين طبعا. وربنا يستر في الايام..
[00:57:59] مجدي خليل:
والخطر [00:58:00] موجود. ومنظمة دولية عابرة للحدود. خطيرة خطيرة جدا.
[00:58:06] الأخ رشيد:
اشكرك استاذ مجدي. أشكركم مشاهدينا على متابعة هذه الحلقة. نلقاكم في موضوع آخر في الحلقة القادمة وإلى اللقاء.
You may also like
