مشاهدينا الكرام أرحب بيكم في حلقة جديدة من حلقات سؤال جريء
حلقة الليله بعنوان ظاهرة الإلحاد في العالم الإسلامي
انتشرت فديوهات كتيرة لملحدين من خلفية إسلامية يتحدثون عن تجاربهم عن ترك الإسلام واعتناق الفكر الإلحادي
يحكون تجاربهم كما يحكي المسيحيون من خلفية إسلامية اختبارتهم
يظهرون على البرامج الحوارية يدافعون عن اختيارهم
ويتحدون عفوُا الموت والتخويف وكل أنواع الارهاب
يغامرون حتى بأرواحهم وحياتهم في سبيل الإعراب عن إلحادهم وتركهم للدين
لكن كيف يتعامل معهم المجتمع؟
كيف يقدمهم الاعلام ؟
كيف يتعامل معهم رجال الدين والمؤسسات الدينية؟
هل الإلحاد فكر أم هو مرض؟ 01:22
هل هو شذوذ في الفكر كما يقول البعض؟
حتى التسمية العربية الإلحاد ليست ترجمة لكلمة Atheism
ليست الترجمة الدقيقة
بل لها حمولة دينية
فالإلحاد يعني الميل عن الطريق الصحيح عدم إصابة الهدف العدول عن الحق
فحتى التسمية لم يختارها الملحدون بل وصفهم بيها المتدينون
هل الإلحاد مقابل الضلال والفسوق والفجور وإنعدام الأخلاق؟
هل من ينادون بالإلحاد هم مجموعة من الفساق والفجار الذين يريدون تخريب المجتماعات
لماذا لا نعطيهم الحق في في الدفاع عن أنفسهم؟
لماذا نتهمهم دون أن نتفهم أولاً ما هو الإلحاد؟
لماذا حين نستضيفهم في الاعلام لا نستضيفهم إلا لنحط من قدرهم
ولنقدهم للمجتمع على أساس أنهم أهل ضلاله ينبغى أن نهديهم إلى الطريق المستقيم
هل الاعلان العالمي لحقوق الإنسان يضمن للإنسان حرية الإلحاد؟
هل يضمن له أن لا يكون له أي عقيدة؟
ما هي معاناه الملحدين في العالم العربي والإسلامي؟
أسئلة كثيرة أريد أطرحها على ضيوفي في هذة الحلقة
استضيف فيها خلود برعيده أشهر ملحده سعودية الأن على الأنترنت
أستضيف أيضًا اسماعيل محمد أحد مشاهير وجة الإلحاد في مصر
لديه برنامج على اليوتيوب اسمه البط الأسود
وهنا معي في الأستوديو الأستاذ مجدي خليل كناشط حقوقي
أرحب بيكي أولًا خلود في هذة الحلقة.
23:26-49:13
طيب بالنسبة ليك خلود
لماذا تركت الإسلام واتجهت للإلحاد؟
مهو حد يسيب يعني خصوصًا إنك سعودية وأن مشاكل كتير تواجة بنت
يعني واحد ولد يصير مُلحد غير بنت تصير مُلحدة
فالصعوبات عندك مضاعفة جدًا, من بلد متدين للغاية,بنت في مجتمع شرقي لا يرحم البنت
ومع ذلك تركتِ الإسلام واتجهتِ للإلحاد
إيه إللي خلاكي تعملي كدة؟
خ: في الحقيقة أستاذ رشيد هذا سؤال صعب
دائمًا ما اُسأل لماذا تركتِ الإسلام؟
دايما المسلمون يسألوني لماذا تركتِ الإسلام؟
صعوبة الاجابة على هذا السؤال تكمن في الكم الهائل من المعلومات التي جمعناها نحن تاركي الإسلام
بينما اكتفى الأخرون ممن بقى على هذا الدين بفرائض دون التقصي أو معرفة الغاية من هذة الفرائض.
أنا هحاول بس أني ألخص اسباب معينة لتركي للإسلام في بعض النقاط أأمل أنها توضح الفكرة عند المشاهد,
يعني أنا تركت الإسلام لأني عملت أو استطعت أن أعلم عن الإسلام ما يعلمة هذا الشيخ الذي يتباهي بشهادته في الدرسات الإسلامية وتمكنه من اللغة العربية التي يعلم ما يخفوه عننا
وبالرغم من ذلك لم يجد حرجًا يظهر في محطة فضائية مستخفًا بعقلي أو بعقل الكثير من النساء ويحاول أن يقنعنا بأن ضرب المرأة بالمسواك فيه خير لها
,تركت الإسلام لأن الله كان واضحًا وصريحًا في كل شيء كان واضح في السرقة, في القتل,في الزنا,في القمع,وفي الصلاة وتاركها
لكنه غامض ومبهمًا في كل مايخص المرأة في ضربها,في تهميشها
يعني لا يختلف شيخان إن كانت السرقة حرام يعني لا يختلف إن ال السرقة حرام ولا يختلفان أن الصلاة واجبة
لكنهم سيختلفان على شعر المرأة أو أن يجوز ضربها أو لا
عزيزي تركت الإسلام لأن الإسلام دين لا يخص الجميع
لقد اُنزل هذا الدين ليفهمة النخبة فقط
هذا الدين الذي لا يستطيع العامة فهمه
هذا الدين اُنزل أو اقتُصر على من يحمل دكتوراة في اللغة العربية أو شهادات في الدراسات الإسلامية
أم العامة فلس لهم حاجة لهذا الدين لأنهم لا يفهموه,
هذا ما يحاول أمثال حبيب الجفري وعندنان إبراهيم اقناع أبيه بأننا لا نفهم الإسلام
فما حاجة الله أن أعبده أن كنت أنا بحاجة لمترجم حتى أفهم الغاز وشفرات الموجودة في آيات القرأن
أو أن القرأن كان واضح وصريح منذ البداية وفهم هذة الآيات التي جعلتنا نترك الإسلام
أو كانت دليل في يدنا,في أيدينا حتى نترك الإسلام
هي مجرد أداه أو مجرد سلاح ضد هؤلاء الدعاة
أو هي من يسحب السجادة من تحت أقدامهم أو هي الشيء الذي سيهدم قلاع الشعبية التي بنوها عبر السنين
ر: هل كانت اسباب فكرية أم اسباب عقائدية أم اسباب اجتماعية من إللي شوفتيه من المجتمع
لأن كل واحد سيقول ربما من جراء ما شوفتِ إللي شوفيه كامرأة من جراء الظلم إللي شوفتيه من المجتمع؟
ربما سيقول شخص لا علاقة بالدين بيه أو يبرأ الدين
هل كانت اسباب فكرية أم اسباب اجتماعية أم اسباب عقائدية إيه السبب الرئيسي يعني؟
خ: طبعًا أنا أشكرك جدًا على السؤال هذا, جدًا سؤال مهم
ر: الله يخليكي
خ: دائمًا يستخف الشخص المسلم أو يحاول أن يكون أذكي من أو يحاول إنه يتصنع الذكاء
ويستخف بعقولنا دايمًا بيقولوا أن هذة البنت ضحية مجتمعها ضحية السعودية
أنا بس أبغى واحد يجبلي قانون بيطبق في السعودية خارج الشريعة الإسلامية
مصر وبلاد المغرب وسوريا ولبنان وجميع الدول العربية ما عدا ما أدري السودان, السودان فيها شوية تطرف تبع الشريعة ضمن الشريعة
بس جميع الدول العربية بعدين كل البعد عن الإسلام هذا اول نقطة
ثاني نقطة يعني الشخص إللي بيجي يقولي بس
علشان نخرج من النقطة الأولى بوضوح
الشخص إللي بيجي
أنتي ضحية مجتمعك أنت يأما بتستخف بعقلي أو أنت شايف نفسك أذكي مني
أو فاكرني أنا مريضة نفسيًا علشان أترك دين أو أنا غبية
ماأنا أكيد هكون غبية أترك دين وأنا لست بمتأكدة بأن هذا الأله موجود أو أن حتى إله الإسلام حقيقي أو غير حقيقي؟
أو القرأن بشري أو غير بشري؟
يعني أنا تركته وأنا غير متأكدة فأنا يعني أوصف بالغباء هذة النقطة الأولى,
النقطة الثانية ان دائمًا يعني أنا الحين بأوربا
دائمًا يجيني بعض الأوربين يقولولي أن الإسلام جميل أن الإسلام حلو
لكن المسلمين هما إللي شوهوا الإسلام
أنا أبتسم أضحك بصراحة وأسألهم مع احترامي للمسلمين أو أصدقائي جدًا مسلمين يعني معظم أصدقائي مسلمين مع احترامي لهم
أسألهم بس هل قرأتوا القرأن؟
يعني حتى باللغة إللي أنوا بتتكلموها هل قرأتم القرأن؟
ما بيقرؤا القرأن
من فين عرفتوا أن الإسلام جميل؟
وان المسلمين هما إللي شوهوا الإسلام
قولت لا إحنا اصحابنا مسلمين وهما إللي فهمونا أن الإسلام جميل وان المسلمين هما إللي شوهوا الإسلام زي داعش وأفغانستان والكلام هذا كلة
ر: نعم,فهم سمعوا كلام بس يعني,يعني مش انطلاقًا من النص انطلاق ما يروجة المُجملون للإسلام
خ:أنا لم أترك الإسلام بسبب المسلمين
أنا اليوم ببث هذة الحلقة من بيت مسلم
وهما عارفين أيش هاقول اليوم هم أصدقائي وبعد ما هخلص الحلقة هروح اتعشى معاهم مسلمين
ر: هذا تحضر لم تجدية في العالم الإسلامي
خ: تحضر, وأنا الناس القريبين مني أنا بختار الناس القريبين مني
فالمشكلة ما مع مسلمين المشكلة في النصوص المشكلة أن هناك نص بيجبرني أكون أدنى من الرجل هناك نص صريح وواضح بس
إحنا بنحاول هما بيحاولوا التدليس يعني بيحاولوا يدلسوا على الموضوع هما خبراء في التدليس
ر: طيب علشان يكون الوقت أنا بحاول قدر الامكان عمل ميزان للوقت,
أرجع ليك اسماعيل و بعد كدة معلش أستاذ مجدي استحملني هرجعلك بعد سؤال اسماعيل
لماذا تركت الإسلام لان كل واحد له تجربة وله خصوصيات معينة في تجربته
لماذا تركت الإسلام شخصيًا؟
هل لك تجربة مختلفة ؟
هل هي فكرية ؟ هل هي مع المجتمع؟ هل هي مع الدين؟ هل هي أصلًا مع فكرة وجود الأله؟
إيه هو السبب أو الاسباب؟
ا: هي ملاحظة أولى لو خلود تاخد الحلقة كلها أنا هكون مستمع وسعيد جدًا بكل كلمة بتقولها
ر: الله يخليك, لأ لكن أنا أريد أراء مختلفة
ا: أكيد أكيد طبعًا,
بالنسبة للسبب أنا لم أكن أعرف الكثير عن الأديان بشكل عام يعني
ولم أكن أعرف تفاصيل التفاصيل الكتير إللي أعرفها حاليًا عن الإسلام وبداية الإسلام وتاريخ الإسلام كدين وتاريخية الإسلام
أنا الموضوع يعني بدأ معايا شبة بالصدفة البحتة أنا لم أكن أشك ولم أكن أفكر ولم أكن يعني كنت من المسلمين بنقول عليهم إنهاردة المسلم الكيوت
إللي هو ميعرفش حاجة ميعرفش تفاصيل كتير
ويقولك الإسلام جميل الإسلام حلو
لا الناس دي مش فاهمة الإسلام الناس دي مش هي المسلمين هما إللي بيشوهوا الإسلام والكلام دة
لحد يعني بدأت أسمع عن الإلحاد والملحدين وكنت كتير بضايق من كلامهم لما كانوا يتكلموا أو لما أدخل مدونة عندهم
يعني بحس بضيق عادي جدًا بضيق أي إنسان يؤمن بدين معين وبيلاقي إنسان تاني بينتقد هذا الدين وأفكار هذا الدين
فتكرر الموقف أكتر من مرة في مرة من المرات حصل تعدي سافر على أحد المدونين في مصر من قبل يعني جماهير مسلمة بحجة أنه يعني بيسب الإسلام أو بيتعدى أو ينتقد الإسلام
بس التعدي كان سافر وصعب عليا جدًا يعني فقررت ان أنا أخد فكرة عن إيه الملحدين دول؟ إيه الإلحاد؟
وبدأت أسأل وأدخل المنتديات وكدة بالصدفة البحتة تعرفت على ما يسمى بنظرية دارون للتطور
نظؤية دارون القائمة على الانتخاب الطبيعي
كنت قبل كدة متخيل ان ادم وحوا اتجوزوا وجابوا الإنسانية كلها
زي ما كلنا اتعلمنا الكلام دة سواء في الإسلام أو في المسيحية أو في اليهودية أو في أي فكر تاني بعيد عن العلم
كنت متخيل ان القطط دي ظهرت فجأة متخيل ان البغبغان دة ظهر فجأة والفران ظهرت فجأة أو ربنا خلقهم يعني إزاي خلقهم؟ أو خلقهم إزاي وأمتى؟
مش مهم بس هو ربنا خلقهم وخلاص,
كانت دي كانت دي معلوماتي عن الحياة على الأرض,
نظرية التطور لدارون مخلتنيش ملحد علطول بس فتحتلي باب البحث
فتحتلي باب أن هناك اجابات آخرى غاية في الجمال وغاية في البساطة والوضوح توضح وتفسر حقيقة هذة الحياة التي نعيشها
غير التفسير الديني
النظرية كانت بمثابة يعني كأن حد جة ضربك بالألم على خدك كدة على وشك عايز يصحيك وأنت نايم في حلم جميل
انطلقت بعد كدة بقى في فهم النظرية نفسها يعني إيه نظرية التطور؟ يعني إيه الإنسان؟ هو الإنسان أصله قرد؟ زي ما هو مشاع يعني
ر: ناس بيختصروا في ناس بيختصروا النظرية باختصار يعني للأسف غير علمي واختصار ساذج نوعاً ما
ا: اتفرجت على مناظرات كتير جدًا لعلماء بيولوجي متخصصين جدًا في جامعات كبيرة جدًا ومعروفة في أمريكا وفي أوربا
وشوفت مناظرتهم مع التيارات الدينة المسيحية الموجودة هناك
وإزاي في مسيحين بيدفعوا ان الأرض بقالها 6000 سنة بس وتيارات ضخمة جدًا مسيطرة ولها تأثير على أرض الواقع وليها مدارس وليها وليها وليها
ر: هل لما اتعرفت أول مرة سبت الإسلام ولا كانت فقط أول زعزعه في ايمانك الإسلامي وبعد كدة استمريت كمسلم وتراكمت المعرفة بعد ذلك؟
ا: أنت قولت كلمة جميلة إللي هي كلمة زعزعة هي كانت زعزعة بس مش زعزعة صغيرة ولا بسيطة ولا هينة كانت ضربة
ر: كان زلزال
ا: اه, كانت ضربة جامدة جدًا لأني في اللحظة دي بدأت أدور على مش أدور على أنا مش يعني مش قادر طب ياجماعة يعني محمد دة مش رسول؟
يعني كطبعًا أنا عشت 26 سنة من حياتي
يعني مرغم على حب محمد وآحاديث كتير طبعًا يعني أعتقد كل الجمهور إللي سامعنا عارفها وسمعها قبل كدة ألاف بل ملاين المرات
لا يدخل أحدكم الجنة حتى يحبني كما احب أمه وأبوه
وكل الكلام إللي حفظينه وحفظهولنا في الأفكار الدينية طب إزاي الراجل إزاي الراجل دة مش رسول؟
طب إزاي 1400 سنة ولا 1300 سنة الكذبة دي مستمرة؟
طب معقول أنا صح؟
يعني معقول هذا الرجل يعني كان كل تفكيري دلوقتي إزاي الفكرة دي أنا متبنيها
أنا لسة بقى معرفش ان في اديان تانية في العالم وكل مجموعة بتتولد في منظقة معينة بتتبنى وجة نظر دينه موجودة في المنطقة دي زي المجتمع الإسلامي زي المجتمع إللي في الهند زي المجتمع إللي في أوربا
وان الدين إلى حد كبير جدًا موجود على سطح كوكب الأرض بالوراثة الغير مبنية إلا على العواطف والمشاعر واستجدأ عواطف الناس
ر: طبعًا أنا ملاحظ أخ اسماعيل أنا مش هعقب على أي حاجة أنا سايبك على راحتك يعني أتكلم زي ما أنت عايزبس أديني الأجابة مركزة علشان أنا أفهم أنا بحاول أفهم
ا:مش السؤال كيف تركت الإسلام؟
أو لماذا تركت الإسلام؟ أيوة ماهي القصة بعد كدة أن أنا دخلت بقى عايز أدور في
يعني أول فترة أول فترة كان كل همي الإسلام مكنتش شايف مكنتش شايف ان في يعني
مثلًا أنا مكنتش أعرف أي حاجة عن المسيحية
أنا عشت 26 سنة من حياتي لا أعرف أي شيء لا أعرف إلا أان المسيحين ريحتهم وحشة ومبيستحموش دة إللي كنت أعرفة
ر: دة اتعلمته منين دة؟
ا: اتعلمته منين! اتعلمته من المجتمع إللي أنا عايش فيه
دة إللي كنت أعرفة عن المسيحين والمسيحية بمنتهى الصراحة يعني
فبعد بقى أنا قاعد بقى في دوامة الإسلام طب هو كان صح؟
طب القرأن دة جية إزاي؟
طب معقولة الكلام دة! طب الكلام دة محدش يقدر يشك فيه
وأنا غير قادر نفسيًا وعقليًا على اني أشك في هذا الكلام طب أشك إزاي؟
وعلى أي أساس؟
طب مصطفى محمود إللي كفر ورجع
كل هذة الأسئلة بعد كدة طلعت من مستوى قولت بقى إيه مش طلعت من الإسلام
أنا بحاول اقارن أقابل بقى الصديق بدأت أسمع على الأقل بدأت أسمع أقوال أخرى
إللي يقولي المسيح بيحبك مثلًا
طب تفرق إيه المسيحية عن الإسلام؟
طب هل المسيحية يعني كانت مثلًا مثلًا كانت مفجأة من ضمن المفاجأت
ان المسيحين مش بيعترفوا بمحمد ودي كانت مفجأة بالنسبالي كنت متخيل ان المسيحين مصدقين ان الإسلام صحيح وان محمد نبي
بس مش عايزين إيه مش عايزين يخشوا
ر: يؤمنوا بيه
ا: اه شوف أنا كنت متخيل إيه؟
اتفاجئت اتفاجئت بقى ان المسيحين كلهم لا مصدقين محمد ولا معترفين بيه ولا معترفين بالإسلام
فدي كانت مفاجئة تانية طب إزاي البابا بيسلم على رجل الدين؟
وإزي الأثنين متفقين؟
ودة بيقوله في ربنا ودة بيقوله في ربنا طب هما إزاي متفقين؟
يعني كانت كل دي الكلام دة قعد بتاع حوالي 3 شهور قعدت في الدوامة إللي أنا عايش فيها مابين بقى العلم واقوال العلم ومابين التراث المحمل بيه إللي بحاول بقى إيه أغربله بحاول أفهمة عايز أفهم إيه القصة إيه القصة إللي اتولدت لقيت نفسي فيها دي,
كانت مرحلة من المراحل في مغادرتي للإسلام كانت يعني أنا بسميها مبسمهاش مرحلة المغادرة أنا بسميها مرحلة التمسك بالإسلام
ر: كانت أخر مرحلة ولا بس مرحلة من المراحل, أخر مرحلة ليك مع الإسلام؟
ا:يعني هو أنا يعني يمكن يعني هي في أكثر من ومضة أو سطلة أو قنبلة في اللحظة دي
يعني منها كتاب مثلًا كتاب الراجل الجميل الشيخ مش فاكر اسم الكتاب
ر: عبدالله القسيمي؟
ا:قبل عبدالله القسيمي قبل مرحلة عبدالله القسيمي في كتاب عن القرأن الكريم مش فاكر اسم الكتاب تحديًدا أنا حاليًا
ر:معلش معلش مهو أثناء الكلام الواحد
ا: الكلام دة كان من حوالي من حوالي سنتين ونص أو 3 سنين
حظي على القرأن حاجة كدة كتاب مهم جدًا
المهم الكتاب دة كان أول كتاب في حياتي أو أول مرة في حياتي ألاقي كلام ضد القرأن أو كلام بينتقد القرأن, 40:46
محنتي أفتكرت اسم الكتاب محنتي محنتي مع القرأن ومع الله في القرأن,
محنتي مع القرأن و محنتي مع الله في القرأن
للشيخ مش فاكر اسم الشيخ بس أعتقد ان اسم حركي يعني مش اسمه الحقيقي
والكتاب كان pdf كتاب الكتروني موجود على الأنترنت الكتاب يعني قضيت معاه أوقات كبيرة جدًا بقراه مرة و2 و3 و4 مش مصدق الكلام إللي أنا بقولة
وقريت المقدمة بتاعت الكاتب الكتاب نفسة
وبعد كدة جت مرحلة المفكر والفيلسوف السعودي الجميل والعظيم عبدالله القسيمي
وإزاي مكنتش أعرف عن الكاتب دة؟
إزاي يعني محدش قالنا عنه ؟
أو معرفتش اسمه عرفت عنه بالصدفة من خلال شبكات التواصل الاجتماعي وعرفت قصته قد إيه هو كان راجل مدافع جدًا جدًا جدًا عن الإسلام
ومدافع يعني عن صلب الإسلام
ر: بشراسة يعني كانت بيدافع عن الوهابية وبعدين انقلب تمامًا
ا: كان من أشرس المدافعين ومن أقوى المدافعين عن الإسلام
وتحول يعني أن ترك الافكار الدينية والافكار الغيبية والدينية
وألف مجموعة كبيرة من الكتب
ر: هعود لك بعد شوية معلش لان الجواب أخد أستغرق وقتًا طويلًا
فأنا أجي للأستاذ مجدي معايا هنا مش عايزة بس يبقى قاعد ورغم ان كلنا مستمتعين بالكلام
لكن سؤال ليك أستاذ مجدي إيه خصوصية الإلحاد في العالم الإسلامي؟
الإلحاد مش جديد يعني دي ظاهرة قديمة قدم الإنسان يعني
حتى لما نقرا المزاميز بنلاقي ان كان في ناس بتلحد ومتؤمنش بربنا في عهد داود مثلًا وقبل داود وقبل كل شيء
فإيه خصوصية الإلحاد في العالم الإسلامي؟
م: يعني هو ردًا على كلام اسماعيل كمان ان الإلحاد ظاهرة قديمة في الدول الغربية وطبعًا أعلى نسبتها أعلى من الدول الإسلامية
ر: ونحن نناقش هذا لانها ظاهرة
م: لانها ظاهرة, ظاهرة جديدة ومتسارعة يعني إذا قولت معدل الإلحاد في الدول الإسلامية حاليًا
ربما ربما يكون أعلى من معدل نمو الإلحاد في الدول الغربية لكن الدول الغربية كميًا أعلى لانها تراكمة منذ بدء الحداثة وما بعد الحداثة
ر: ونحن نريد ان نكون منصفين ليس تحيزًا لشيء عن الأخر
م: وبالتالي هذة الظاهرة لها خصوصية
لأن بدأت متأخرة شوف عصر النهضة بدأ من كام سنة وبدأت معاه الاحتجاج على الكنيسة جزء راح للاصلاح الديني وجزء راح للتيارات الإلحادية بكل تنوعاتها
بعد كدة جت الظاهرة الإسلامية يبقى لازم لها خصوصية بعد كل هذة مئات السنين تظهر ظاهرة إلحاد في الدول الإسلامية كانت موجودة
بس انها تكون ظاهرة ويحظر منها كل الناس بشكل كبير يبقي لازم لها خصوصية,
أول خصوصية إحنا اتقدملنا نموذجين دلوقتي نموذج فكري ونموذج إسلامي
الحقيقة من دراستي للإلحاد في الدول الإسلامية الجزء الأكبر يتبع نموذج الأخت السعودية ليه؟
لان أولًا له مشكلة مع إله الإسلام
جزء زي أخونا اسماعيل إللي هو من منطلق فكري
يعني دة زية زي طريق الملحدين الغربيين
سواء كان عندة فكرة عن الاديان أو معندوش فكرة عن الاديان هو التصق بالإلحاد ودرسه ولقاه مقنع بالنسباله من الموجود فدة رؤية فكرية فلسفية للإلحاد
زي ما عمل الغربيين الغربيين أغلبهم عمل كدة أما الإسلامين أغلبهم زي الأخت السعودية تاني
الحاجة التانية في خصوصية ظاهرة الإلحاد بيقولها ملحد أمريكي شهير اسمه سام هارس
بيقولك المسلمين بيسميهم المسلمين الصوريين الذين لا يأخذون الإسلام بجدية
لية سماهم المسلمين صوريين هو تصور أنهم تشبعوا بالثقافة الإسلامية ونافرون منها في نفس الوقت
وأثرت على تفكيرهم الثقافة الإسلامية بشكل ان جزء كبير منهم إللي ترك الإسلام نتيجة لرؤية الإسلام وكراهيته لهذا الإله الإسلام وحاجات زي كدة
مازال مُشبع بثقافة إسلامية غير متوافقة بدرجة ما بالحداثة الغربية وفقًا لهذا الكاتب طيب,
الحاجة التانية انك تكون ملحد في الدول الإسلامية فالتأكيد انت ثوري لية؟
لان الإسلام دين ودولة ومن ثم فمكون الإسلام إذ كأنك بتهيج يعني بتعارض الدولة الإسلامية
لدرجة ان السعودية سنة 2014صدرت أمر ملكي قالت ان الملحد ارهابي يعادل الارهابي
ر: اه, حاجة غريبة يعني
م: اه هو شايفينه الأمر الملكي دة شايفينه بيهدد الدولة الإسلامية
طب ليه من ضمن خصوصيته؟
لية بيعتبروه جريمة أمن دولة
لان الدولة قائمة على الإسلام دي خصوصية الإلحاد في الدول الإسلامية
انه جرائم أمن دولة بيعتبر جريمة أمن دولة
لان الدولة الإسلامية حامية للدين الإسلامي والدين الإسلامي هو أيدلوجية الدولة الإسلامية
والأثنين دخلوا في سبيكة ياالاثنين يفضلوا مع بعض ييقعوا مع بعض
أنت عايز توقعلي حاجة من الأثنين تبقى ملحد وفي نفس الوقت وطني مش عايزين نقبلها
الوطنية أرتبطت في ذهنهم في ذهن المخيلة الإسلامية
الحاجة التانية مشكلة كبيرة جدًا بتواجة هؤلاء الملحدين أن هناك تفويضًا من إله الإسلام في القرأن والسنة بحماية الدولة الإسلامية وحماية المؤمنين بيها
ر: إذًا قتل الملحد
م: طبعًا والدولة الإسلامية فوضت المجتمع الإسلامي والفرد الإسلامي بنفس التفويض إللي أدها الإله للدولة الإسلامية
ومن ثم قتل الملحد زي مال قال سالم عبد الجليل لأحمد حرقان مفيش عقوبة على إللي قتلك يعني هذة رسالة جزء من خصوية
ر: دة اهدار دم
م: اهدار دم
ر: ويعني ممكن أي واحد في الشارع يتعدى عليك زي ما حصل لزوجة أحمد حرقان إللي استشهدت بيه
م:تمام تمام دة جزء من ضمن خصوصية الإسلام
ر: يعني ممكن يتقتل في الشارع من ترف أي حد مش بس الدولة يعني حتى المجتمع معادي ليه
م: طبعًا ما هذا التفويض جاي من إله الإسلام في القرأن والسنه في الدولة الإسلامية,
الدولة الإسلامية فوضت المجتمع والفرد المسلم وعلشان كدة الأفلات من العقاب هي دائمًا دائمًا الظاهرة الأساسية في مسألة القتل والملحدين والكلام دة,
الحاجة التانية أن الدول الإسلامية من خصوصياتها أنها بتنعت الملحد بصفات سلبية
سواء مريض فإذ كانت مرأة فهي مرتبطة بالفجور السقوط الأخلاقي علطول
إذا كان راجل فقليل الأدب جاحد قليل الانتماء
ر: أو غبي أو متخلف أو مبيفهمش
م: أو منحرف زو انحراف
ر: مع العلم ان تجربتي في النقاش مع الملحدين أغلبهم مطلع جدًا على كتب كتيرة لو أعتنق الإلحاد دة بعد أطلاع يعني
م: في الدول الإسلامية الجزء الأكبر منهم مطلع أطلاع كبير في الإسلام
في الدول الغربية جزء كبير منهم مطلع على الفلسفات والفلسفات الوجودية
فبتالي نقول ان الجزء الأكبر من الملحدين في الدولة الإسلامية دارسوا الإسلام دراسة ضمن الحاجات في الدول الإسلامية
ر: الخصوصيات
م: اه خصوصيات الدول الإسلامية ان بيعتبروها أخطر من التطرف
ر: الإلحاد أخطر من التطرف؟
م: أخطر من التطرف الإسلامي والملحد أخطر من المتطرف
ر: طبعًا
م/ تعالى شوف شيوخ الأزهر قال إيه الإلحاد يمثل تحديًا حقيقيًا لنا إنه مدمر لشباب مصر وان الظاهرة لم تعد موضوعاً هامشيًا وان الأزهر معني للتصدي لها.
مبيقولش كدة على المتطرفين لم يكن يقول كدة على المتطرفين
ر: أنا هعطيك مثال واضح لدي وبعد كدة هنتقل لخلود السعودية مثلًا في السعودية رائف رائف بدوي لمجرد انه عمل بلوج إللي هي مدونة
هو مسجون لحد الأن ويقضي عقوبة 10 سنين والجلد وإلى أخرة بينما لو رجع متطرف تبع الجبهات الجهادية بيعملوله استتابه إللي هي يروحوا يعطوه النصيحة ويطلع يحفظ القرأن ويتراجع ويطلع
م: غالبًا هيقولهم مش هعمل أعمال عنف ومش ههاجم المملكة
ر: فدة بيتسامح
م: التاني بيتسجن
ومبيروحوش يعملوله كمان وميروحوش لرائف ويقول له طب نناقشك فكريًا
مفيش مناقشة فكرية على مستوى أنت مريض إحنا بنوصفلك رشتة علاج
وبعدين في نقطة خطيرة في خصوصية الإلحاد في الدول الإسلامية
علشان هذة الكتلة إللي هي الدين والدولة فبيعتبروا حتى إللي بينادي بالعلمانية والفصل بين الدين والدولة
بيعتبروه جزء من المشكلة فدة جزء من خصوصية الإلحاد في الدول الإسلامية
ر: أنا هاخد مكالمة وبعدين أروح لخلود.
53:10-1:11:33
ر: أتفضلي خلود
خ: أستاذ رشيد بس لو حضرتك عندك متسع من الوقت قبل ما ندخل في السؤال التاني
أنا بس أبغى 3 دقايق لان في نقط لازم تتوضح
ر: نعم تفضلي
خ: بالنسبه لفلسفتي إللي أنا بؤمن فيها
أنا بنيت هذة الفلسفة ها دي يعني لم أبني هذة الفلسفة
وهذا الفكر الذي أنا أعتنقه عن طريق مثلًا الديانة البوذية أوالهندوسية
يعني مثلًا لم أقرأ عن الديانة البوذية والهندوسية فرحت أيش تبنيت هذا الفكر بدأ الموضوع معايا ب energy science وquantum physics
أنا محبه وInteresting كتير astronomy علم الفلك
بحب أقرا لستيفين هوكنج بتفرج على discovery science بحب هذة الأشياء ها دي
وهذا كان بداية إلحادي
يعني أنا قولت لست بالغبية حتى أترك دين علشان بس آيه النساء
ماعجبتني ضرب النساء وآيه تعداد الزوجات
فالازم اتأكد من الموضوع,
الموضوع كان علمي في البداية
إنه كان في آيات وبالمناسبة أحب أقول ان أنا من حفظة القرأن سابقًا بشهادة الحكومة السعودية
كنت في السجن واختبار القرأن إللي حدث ليا ضمن لجنة قوية لإختبار القرأن
لان نزلت سنتين من المدة إللي أنا محكومتها
حتى يثبتوا ان أنا حفظت القرأن فبتحفظ القرأن بتفاسيره
وكانت هنا البداية لان أنا أصلًا محبة للعلوم الكونية وهذة الأشياء ها دي
فكانت هناك آيات يعني غريبة وعندي برنامج
ر: ممكن أسأل سؤال بسيط لان ممكنتش عارف مسألة السجن هل كانت بسبب إلحادك برضو ولا كان بسبب
خ: أنا كنت قاصر وقتها وكان بسبب الهيئة بسبب اني تعارضت مع هيئة الأمر بالمعروف والنهي عن المنكر
ووقتها كنت مسلمة عادي زي المسلمين إللي ممكن يكونوا بيسمعونا
إللي هما أكتفوا بأداء الفرائض دون التقصي وراء الغاية منها
كنت مسلمة زي أبويا وأمي وزي المسلمين العاديين
ر: فحكموا عليكي بالسجن دخلتي في صدام مع الهيئة وحكموا عليكي بالسجن
خ: دخلت في صدام مع الهيئة واتحاكمت 4 سنوات و2000 جلدة
لان أنا وأهلي وقفنا في وجة الهيئة
ر: وبعد كدة خففوا المدة إللي حكموا عليكي بيها لسنتين بسبب حفظك للقرأن
خ: بالظبط, أنا تحدثت القاضي هو لما حاكمني كان عندي وقتها 19 سنة حاكمني 4 سنوات يعني دمر مستقبلي كليًا
فحكامني 4 سنوات أنا قولتله أنا ما هجلس الأربع سنوات
أنا ما أعرف كيف قولت هالكلمة؟
وأيش أنا أساسًا ما أعرف الطريقة
لكن أنا عارفة أني مؤمنة بقدراتي ولما دخلت السجن كنت أول واحدة تحفظ قرأن في هذة المؤسسة المفتوحة من 25 سنة في مكة في مكان اسمه دار رعاية الفتايات
وبس أنوة تنوية تاني أنا تركت خرجت من السجن 2007 وتركت الإسلام 2011
ر: 4 سنوات بينهم
خ: 4 سنوات يعني ما كنت نايمة 4 سنوات وبعدين صحيت قولت اه الإسلام كان سبب في دخولي السجن فأترك الإسلام
ر: يعني كنتي شايفة أن الإسلام صح بس الهيئة غلط؟
خ: أنا كنت بدعي في وسط السجن كان بيجيلي أوقات كنت بدعي لأمين مرداد القاضي إللي حاكمني ظلم
وكنت بدعي لشيخ الهيئة إللي هو رئيس هيئة الأمر بالمعروف والنهي عن المنكر كنت بدعيلهم ان هذا شهد وهذا حاكمني ظلم والتاني شهد عليا زور كنت بدعيلهم لانهم كانوا سبب في دخولي السجن وحفظي للقرأن
ر: فكنتي شايفة أن الإسلام صح وتصرف الهيئة غلط
خ: طبعًا
ر: ملوش علاقة بالإسلام
خ: بالظبط علشان كدة أنا قولت لحضرتك أنا بس أبغى أوضح الفكرة
ر: طيب يعني أنا أشكرك توضيح مهم جدًا وضحلي أفكار كتيرة ممكن حتى يساعدني في الأسئلة إللي جاية
خ: طبعًا وفي حاجة تاني أبغى أقولها
أنا كنت من الناس بعد ما خرجت من السجن إللي زعلت من الدنمارك أنها طلعت صور مسيئة للرسول أنا كنت من الناس إللي بتقول أبي وأمي أنت يارسول الله
فأنا لست بغبية حتى إن لم أكن متأكدة من هذا الكلام الذي أتى بيه محمد هو كتاب إلاهي وأم مجرد كلمات سمعها من ورقة ابن نوفل مزينة بفصاحة اللسان العربي
هذة أول حاجة, هذة أول نقطة.
النقطة التانية ان أنا بنيت خروجي من الإسلام يعني مستحيل ليست لدي الجرائة اني أخرج من الإسلام أنا كنت جدًا أخاف من الله جدًا
أنا لما تركت الإسلام جلست فترة وإلحدت تركت الإٍسلام ان تأكدت من الأخطاء العلمية الموجودة في القرأن لذلك أنا عندي page قناة على اليوتيوب برنامج اسمه لماذا تركت الإسلام تكلمت فيه أكتر من حلقة عن الأخطاء العلمية الموجودة في القرأن
بس أبغى أقول شيء يا أخ رشيد
ر: أتفضلي
خ: ان موضوع بس انها يعني خرجت من الإسلام علشان موضوع ضحية هذا شيء مختلف تمامًا
وموضوع الروحانيات ياجماعة ياريت ما نعطي أراء في شيء ان لم نكن بحثنا عن الشيء وتأكدنا أنا ليا ضاع 3 سنوات ناخد دورات ومحاضرات في علوم الطاقة وأدرس روحانيات وquantum physics
ففي فديوهات موجودة على اليوتيوب اخراج أمريكي وأخراج غربي ومترجمة بالعربي
ر: أنا أنا مش دي المشكلة الأساسية دلوقتي هو الشخص طرحها فقط لانه كان يعتقد انك تركتي دين وذهبتي Spirituality إللي هي الروحانية وكأنه دين أخر فقط
خ: أنا تركت الدين لأسباب علمية بحتة
ر: ممتاز عندي سؤال أهم من كل دة
وأنا عايزيك توضحيه للسادة المشاهدين والمشاهدات انه المصاعب إللي بيتعرضلها الملحدون
إحنا دايمًا بنتكلم عن الإلحاد كأنه عدو,كأنه مرض كأنه مش عارف إيه يعني
مبنتعاملش مع الملحد على إنه إنسان مفكر يعني إنسان بيبحث عن الحقيقة زيك زيه
أنت أقتنعت بالاجابات وهو لم يقتنع
فالأحسن إننا ندخل في حوار مثل هذا الحواروالأحسن
إننا نتكلم كلنا عن الموضوع بدون مايكون في أي مشاحنات أو أي كراهية
لكن إيه هي المصاعب إللي بيتعرضلها الملحد في العالم الإسلامي بالأخص؟
خ: يعني هما المسلمين يعني إحنا أتربينا على هذا الشيء
كما صدق اسماعيل صديقي وقال تشويه صورة المسيحين طبعًا في مصر
يعني هما فعلًا إحنا اتربينا كانوا بيشوهوا صورة المسيحين
إحنا ما نعرف المسيحين المسلمين بيحاولوا يشوهوا صورة المسيحين
اه دوا ما كويسين إحنا إللي أحسن منهم وإحنا الأكثر نظافة
هذة الصورة, إحنا عندنا في السعودية مثلًا أي أحد لا يؤمن بالإسلام كافر مسيحي يهودي أهل الكتاب كفرة
المهم أنهما ما بيؤمنوا فالمجتماعات العربية عزيزي رشيد بتعاني منذ عقود من التهجيل الممنهج الذي مُرس عليها
بسبب فساد الحكومات وبسبب هيمنه المؤسسات الإسلامية هيمنة السلطة الإسلامية على جميع المؤسسات
يعني للأسف الأغلبية من الناس لا تعلم المعنى الحقيقي لمصطلح الإلحاد
بل أن خريجي الجامعات وصاحب الشهادت الكبيرة دايما مايربط بين مصطلح الإلحاد والفساد والأنحطاط الأخلاقي
ر: صح
خ: يعني مثلًا على سبيل المثال أنا تركت الإلحاد بعد ما تركت الإسلام واتجهت إلى الإلحاد
أصبحت كمان انحرج إجتماعيًا ببساطة
تخلى عني الجميع حتى أقرب الناس يمكن تبرأ مني أهلي إلا قلة قليلة هي إللي بقت على تواصلها معي برغم اختلافنا العقائدي ولهم كل الشكر والاحترام لكل العقلية المحترمة
أنا كوارث حقيقة اه في شيء بذكره يعني حتى بتلاقي مشاكل في العمل يعني
مثلًا زي صديقنا إسلام إبراهيم طُرد من العمل وهو الأن بلا وظيفة
لمجرد أنه أنشأ صفحة على الفيس بوك اسمها صفحة الأشهار بالإلحاد يعلن فيها الملحدون إلحادهم في هذة الصفحة
يعني شيء جدًا بسيط أما الكوارث والمشاكل الكبرى تقع ما بين القتل والتعذيب والسجن
عندك مثلًا زي السعودية إيران السودان ما عندها مسح ما في مسح في الكلام هذا
قتل علطول بحد بحد الردة
أما الدول الأخرى إللي بيتشدقوا بالديموقراطية وأنهم أحسن من السعودية وإيران والسودان
فهما بيعاقبوا الملحد بالتعذيب في السجن
زي كريم البنى الذي لا ذنب لة لا يرتكب أي جريمة
إلا فقط انه أعلن إلحاده على الصفحة إللي أنشاءها إسلام إبراهيم
ضربوه ناس في البحيرة وسلموه للشرطة لحين هو مسجون في السجن في مصر بقاله 3 سنوات
عن أي ديموقراطية تتحدث الحكومة المصرية؟
عندك البير صابر سجن واجبر على التهجير والمحامي الذي كان يدافع عنه اجبر هو أيضًا على التهجير خارج وطنه
لانه كان يدافع عن شخص ملحد عندك كما تذكرت وتفضلت صديقنا وأخونا أحمد حرقان وزوجته الشجاعة
التي أجهضت جنينها في قسم الشرطة بعد أن تهجم عليها رجال الشرطة الظباط المحترمين وضربوها وأجهضوها أمام زوجها المقيد
أي شرف وأي نخوة وعن أي ديموقراطية تتصدق الحكومة المصرية التي أهدرت دم شهداء الثورة؟
بيقولك السعودية ما فيها ديموقراطية وما فيها تقدم وين؟
أما بالنسبة لرائف بدوي أحب بس.. رائف بدوي لحين محكوم 10 سنوات وبيجلد
رائف بدوي لم يقل أنا ملحد لا أعرف إذا كان رائف بدوي ملحد أم لا
كل ذنب رائف انه قال حتى الملحد من حقه أن يشهر إلحاده هذا كان جريمة رائف بدوي.
이스마엘의 대답
서로가 서로를 인정하지 않는다는 것.
أستاذ مجدي معلش لكثرة الضيوف وكدة عقبال ما يوصل دورك بيكون مر وقت طويل فمعلش, 1:15:27
لو اتكلمنا عن أسباب الإلحاد ممكن تلخصهلنا يعني؟
يعني أسباب الإلحاد في العالم الإسلامي
خصوصًا ان ناس تتكلم الأن انه إللي بيعمله داعش بيوعجل بعملية صعود نسبة الملحدين في العالم العربي بالأخص؟
م: لا هو في أسباب كتيرة جدًا منها داعش طبعًا
بس زي ما قولنا ظاهرة ولازم الظاهرة دي يبقى ليها أسباب لأن اشمعنى ظهرت في السنوات الأخيرة
إلا لم تكن هناك أسباب مستجده لهذا الموضوع
فبتالي لتحليل حركة الإسلام الخروج من الإسلام نقدر نقول أول سبب ظهرر حركة نقدية للإسلام من 2001 سبتمبر 2001
دة سبب كبير جدًا جدًا ناس كتير مش واخده بالها منه بعض الناس مش واخده بس دة حقيقي
لانه زعزع أركان الإسلام زي سؤال جريء وقناة الحياة طبعًا كانت باللغة العربية هي النافذة الأبرز في نقد الإسلام
فده أول سبب, السبب التاني سبب لا يقل أهمية ثورة الميديا الجديدة
ر: الأنترنت واليوتيوب والفيس بوك
م: ثورة الميديا الجديدة كلها الأنترنت واليوتيوب والفيس بوك وكل دة خلى الوصول للناس عبر النت ورك أسهل بعيد عن رقابة الحكومات
ومهما راقبوا لا يستطيعوا ان يصلوا إلى يكبتوا الفكرة
فالفكرة أصبحت لها أجنحة الأجنحة هي الميديا الجديدة إللي بتطير الأفكار
ر: وسهولة الحصول على المعلومة
يعني زمان مثلًا السعودية مبتسمحش بأي كتاب ينتقد الإسلام
م: دلوقتي خلاص
ر: خلود دلوقتي تقدر تخش الأنترنت وتشوف إللي هي عايزاه ودة سبب تأثرها مثلًا
م: الناس بتقول ما يسمى بموجات الربيع العربي ودة ليها ميزة واحدة
يعني أضعفة الأجهزة الأمنية والرقابة الأمنية والسطوة الأمنية لفترة
فأظهرت الحركة الإلحادية نفسها يعني ظهرت الحركة الإلحادية وأعلنت عن وجودها ومقدروش بقى يكتموها
فهما أستفادوا من ضعف الأجهزة الأمنية الرقابية فأظهروا عن وجودهم في المنطقة
هل كانوا موجودين من زمان بس على الأقل أظهروا من وجودهم
زي ما أنت قولت وحشية الجماعات الإسلامية دة خلى فكرة انه ادى فكرة ان التاريخ الإسلامي بيبعث نفسه من جديد
القرون الأولى بتبعث من جديد في شكل داعش وأمثالها فدة كان أحد أسباب النفور
الخطاب التكفيري في المؤسسات الدينية يعني مش بس داعش لكن ال مؤسسات الدينية بقت أغبى من داعش لما بتتعامل مع المواضيع دي
معندهاش إلا خطاب تفكيري ومعندهاش خطاب عصري للتعامل مع الموضوع دة فبذا ان داعش دي جزء من نتاج هذة المؤسسة الدينية وليست بعيدة عنها
فبتالي دة خلى الناس تفكر أكتر في موضوع ان المؤسسات الدينية الرسمية التقليدية هي لا تقل غباءً عن داعش
وصول الاخوان الحكم في مصر والتيارات الإسلامية كانت سبب لان شافوا انهم كذابين وبيدعوا ان عندهم أجندة أي أجندة وان الإسلام
لغوا كلمة الإسلام هو الحل أول ما جم علطول واستخدموا دولة دينية متخلفة مقدمتش أي حاجة
سوا كتم الحريات وكانت هتسطوا على كل شيء في المنطقة لولا أن المصرين كشفوها دة جزء من الموضوع
في حركة إلحادية دعوية دة سبب رئيسي كمان من الأسباب ان الحركة الإلحادية الدعوية
سواء مجلة للإلحاد سواء نت ورك سواء شبكة سواء قناة سواء برنامج البط الأسود سواء التعارف هذا
بقيت في حركة إلحادية عملت الدومنو
الأمريكان كانوا عايزين يعملوا الديموقراطية بالدومنو
طلع الإلحاد أسرع من الدومنو من دة يجيب دة من دة يجيب دة في المسائل
جزء في تقديري أنا الشخصي بقى يعني ربما يختلفوا معاي الأخوة في جزء خطير جدًا هو رفض إله الإسلام
لان له بالنسبالي أنا 10 صفات بالنسبة للمسلمين إللي فكروا فيها لاقوها انها غير مقبولة
أول واحد ان هذا الإله يطلب من أتباعه حمايته يعني يطلب مش هو يحميهم يطلب من أتباعه حمايته بالتالي لاقوا ان الإله دة عبء عليهم
نمرة أثنين يطلب منهم قتال الناس حتى يؤمنوا برضوا بيطلب منهم يقاتلوا الناس علشان يؤمنوا بيه
يطلب منهم كل ما يزدريه ويزدري نبيه ومن يزدري كتابه دة من صفات خصائص الإسلام
يطلب منهم أن يحرسوا أتباعه بالسيف فبتالي حتى يبقوا في الإسلام, يطلب منهم
ر: قد يكون البعض منهم مجرد ملحد بالإله الإسلامي قد يكون البعض أنا مش بعمملك بس قد يكون البعض
م: قد يكون, ما إحنا بنقول ان في ظاهرة فكرية وظاهرة رفضيه لإله الإسلام
يعني الأخت خلود قالت لأ ان أنا مش علشان إله الإسلام بس أنا عندي تجربة فكرية
ر: نعم
م: هي عملت يعني لابث عندي وعند الأخ بتاع فلسطين لما استرسلت في الإسلام
بعد كدة أثبتت وقالت ان عندها تجربة فكرية زي اسماعيل
الجزء التاني يطلب منهم أن يرسلوا أبناءهم للحرب المقدسة من أجله
كمان يعني. يعني هما وجدوا المفكرين بقى إللي فكروا المُصلحين كلهم إللي قالوا عايزين نعمل أنسنه للنص الإنساني يعني نحوله إلى إنسان
ر: النص الديني
م: النص الديني, فشلوا في أنسنه النص الديني
ر: الديني الإسلامي
م: الديني الإسلامي وبالتالي فشلوا في أنسنه هذا الإله وبتالي قالوا ان البقاء معه هو خروج من دائرة الإنسانية
ر:خلود لو جينا للمجتمع والاعلام والمؤسسات الدينية
تكلمنا عن الصعوبات بصفة عامة لكن يتم تقديمكم في الاعلام على أساس أنكم مشروع يعني للهداية
يعني بيجي شيخ مقابل واحد ملحد وأتفضل ياشيخ أهدي الملحد أهو جبناه لعندك
وأحيانًا حتى المذيع متحامل على الضيف وحطينه بين كمشتين بينهم ومساكين بيصعبوا عليا
إيه رأيك في كيفية تعامل المجتمع الاعلام والمؤسسات الدينيه؟
خ: بصراحة يعني أتوقع اليوم الحلقة أصحابنا من مصر يمكن يزعلوا من الحلقة هذة
بس أنا لا أريد ان أخص أحد بس الحق يجب ان يقال
فإذا اتكلمت عن الاعلام فهتكلم عن الاعلام العربي عامة والمصري خاصة
لانه الأكثر انتشارًا
ر: نعم
خ: يعاني الاعلام هذا أو يتبع الاعلام هذا مبدأ ما يطلبه المستمعون
أيش الأغنية إللي تحب تسمعها وأنا أغنيلك أياها؟
للأسف يعني بيستضيفوا الملحد على كونه شخص مريض نفسي أو ضحية مجتمع أو ضحية أسرة
ياحبيبي أنت أغتصبوك وأنت صغير أو أغتصبوكي وأنتي صغيرة
أنتي بتعاني من بلدك ويجيبوا شيخ ينظرنا نظرة فوقية أنا أذكى منكوا
يعني حتى الشيخ إللي بيجي بيحاول الهداية يعني حتى ما بتحصل من نظرة عيونهم ما بيقولها صريحة بس من نظرة عيونه تراك علشان ملحد تراك غبي
وأنا علشان أذكى منك ويعني أفقه منك فأنا جاي أعيد برمجة عقلك الخربان هذا
فأنا ماني عارفة يا أستاذ رشيد أبتدي من وين؟ وأنتهي من وين؟
من الأخت ريهام سعيد إللي استضافت دكتورة نهي إللي كتبت أصدرت كتاب بعد ما تركت الإسلام
اسمه لماذا خلعت النقاب, استضافتها وأساءات لها في وسط الحوار بل طردتها وأهانتها أمام الجميع
ر: نعم
خ: وتتصدق بالكلام وتقول أنا أريد تطبيق شرع الله
يعني أنا لن أنتقد زي الأستاذة ريهام لان أنا برتدي نفس الزي أنا برتدي نفس البنطلون ونفس البلوزة
بل هل الزي إللي إحنا الأثنين بنرتديه ياأستاذ ريهام هل ينفع تتدخلي بيه مسجد
يعني أنتي تريدين تطبيق شرع الله, أنا بس أبغى أفهم الأنفصام الفكري والعقائدي عن المجتمع العربي أو الاعلام المصري أو العلام العربي
يعني أن كنا نريد تطبيق شرع الله في مصر أو في تونس أو في الجزائر أو في المغرب whatever إن كنا نريد تطبيق شرع الله
نجيب الناس إللي بيشربوا لحين الخمر في البارت و الديسكوهات نلمهم وناخدهم في ميدان عام في أي دولة ونقيم عليهم بالجلد على حد قول الإسلام
أو ندخل السجن نلم الناس المتهمين بالسرقة ونجيبهم في ميدان التحرير ونقطع يدهم وننفذ قول محمد لو سرقت فاطمة بنت محمد لقطعت يديها
أنتوا مختلفين على هذة المقولة؟ يعني أي إسلام أنتوا تتبعوا؟
نريد تطبيق الشريعة لكن نيجي نطبق الشريعة, الشريعة فيها وحشية الشريعة فيها عنف
وبعدين داعش يعني من أسباب تركي كمان للإسلام
أنا تركت الإسلام قبل ما داعش تطلع بس علشان نتكلم بصراحة
ر: نعم
خ: كتير يطلعوا يقولولك داعش يتغنوا بهذة المقولة ويُرددوها دعاه الإسلام
داعش لا تمثل الإسلام,الإسلام بريء من داعش
وهو يعلم كل العلم ان السبي ود وقطع اليد وحد وقطع الرأس إللي هو القصاص وأسر غير المسلمين
ومعاملة الغير مسلم كمواطن درجة تانية في بلده
ر: وحد الحرابه وقتل المرتد,نعم
خ: حد الحرابه والصلب يعني عندما دخل عمرو بن العاص مصر ليفتح مصر لم يدخل بالورود دخل بالسيف
هما يعلموا كل العلم التاريخي هذة الأشياء القصاص والسبي وهذا كله من أين أتت؟
من الحضارة البابلية أم من الفرعونية أم تعلمناها من بودا وسقراط؟ من فين جبناها إحنا؟
ويعلم كل العلم انها كانت تطبق في عهد النبي محمد
ر: نعم, معلش خلود لان الوقت الوقت مسمحليش أطلاقًا أعمل أي حاجة أنا حاسس نفسي مضغوط جدًا معلش معلش
م: هي خلود تستحق حلقة خاصة
ر: تستحق
م: تستحق حلقة خاصة
ر: أنا هاخد منك وعد نكمل حلقة الجاية
م: حلقة خاصة مع خلود
ر: ونعملها أيضًا في نفس الموضوع يعني ملحقتش أخلص كل الأسئلة إللي عندي إيهرأيك خلود؟
خ: طبعًا أنا موافقة طبعًا أنا يعني على الهوا يمكن أحب وهذا واجب عليا يعني أشكر شخصك يا أستاذ رشيد
ر: الله يخليكي
خ: أنت جدًا نورتني في حاجات كتير وقبل أن أترك الإسلام
ر: الله يخليكي شكرًا ليكي, أستاذ اسماعيل كمان نفس الشيء
أنا نصف الأسئلة لازلت أحتفظ بيها مقدرناش نغطي الأسئلة إللي كنت مبرمجها فياريت تعطيني كلمة أخيرة
كدة و أوعدني أنك تكون معي في الحلقة إللي جاية
ا: أكيد أكيد حبيبي رشيد هنبقى معاك كلنا هنبقى معاك وكلنا هنبقى مع بعض وكلنا هنسيب الأديان وهنغادر مؤسسات الأديان
ر: أنا سيبني أنا كاتيجوري تانية لكن نتكلم معاك تاني
ا: أنا كان ليا ملاحظة مهمة يمكن على كلام أستاذ مجدي وكلام الأخت خلود فيما يسمى بالمؤسسات الدينية
ر: نعم
ا: هي أنا مش شايف المشكلة يعني,يعني أنا شايف إننا بندي الدين أكبر من حقه لما بنتكلم عنه بالشكل دة
بالشكل التفصيلي دة لان مش هو المشكلة الحقيقية
المشكلة الان في رجل الدين, المشكلة في رجل الدين
المشكلة في المؤسسة الدينية دي دي مشكلتنا إللي بنواجها
إللي بيحصل في السعودية دة بسبب سلطة الدين هناك يعني يدها فوق الجميع هي الأمر والناهي كما كان يحدث في أوربا في وقت من الأوقات كانت الكنيسة هي السلطة الأولى
عندما تأتي هذة الأفكار البدائية أوالأسطورية أوالأفكار الدينية وتصل إلى سدة حكم أوالتحكم في مجتمع كامل
بيحصل الصدام الشديد ما بين الحياة الطبيعية للإنسان القائمة على الأختلاف القائمة على التقدم العلمي والحضاري والإنساني وما إلى ذلك حتى الأخلاق بتتغير حتى الأخلاق بتتغير
أخلاق البشرية إنهاردة ف2015 غير أخلاق البشرية في 1900 حصل اختلاف في أخلاق الإنسان نفسها بينما الفكر الديني في المؤسسات الدينية ثابته
ر: أشكرك أخي اسماعيل وهكمل معاكوا أنا طرحت فقط أسئلة لكن عندي أسئلة كتير
ا: أنا هختم هقول جملة أخيرة هقول جملة واحده
أحب أقول لكل الأصدقاء لكل الناس إللي بتعيد تفكير
في ثوابتها الدينية وأفكارها ان هي تشوف تاريخ المؤسسات الدينية
ر: أشكرك أشكرك معلش أنا لازم أختم لان بلتزم بختام البرنامج
م: أستاذ مجدي معطيتكش كمان الحق اللازم لكن أتمنى نكمل الموضوع في حلقات قادمة
م: أكيد
ر: أشكركم جميعًا وإلى اللقاء في الحلقة القادمة تكمله لنفس الموضوع.
Download text file
You may also like
