صندوق الإسلام، الحلقة 92: العيب الخلقي للإسلام ومصدر البجاحة الإسلامية

أهلًا بيكوا في حلقة جديدة من حلقات صندوق الإسلام

ونواصل البحث والجدل والنقاش حول معضلة إصلاح الإسلام

من القضايا دايمًا إللي بتعرض ليها لما بتناقش فيها مع مدافعين عن الإسلام

خاصتًا في أوربا يعني وإللي دارسين للإسلام زي الراجل المحترم إللي بيعمل معايا الكتاب

بتاع إصلاح الإسلام دلوقتي الدكتور مهند خورشد إن دايمًا بيكون عندهم مهم أوي إنه يفرق بين الإسلام

وبين الإسلام السياسي أو يعني الإسلام و الإسلاماوية بيسموها الإسلاماوية دلوقتي

كان لازم يلاقيلها حل كدة فإللي و بيسميها بالأنجليزي Islam and Islamism

فطبعًا الراجل المُصلح بيحب طبعًا يقول لأ في الإسلام شيء والإسلاماوية أو الإسلام السياسي شيء تاني

إن الإسلام بقى دين ومعتقد وطقوس ويعني في عوامل كبيرة جدًا

الإسلام السياسي ليه ظاهرة حسب وجهة نظرهم هما يعني ظاهرة حديثة

ظهرت كردة فعل على الإستعمار وكان هدفها هو تحرر الشعوب وإبتدت بحركات إصلاحية

زي الإخوان المسلمين في بدايتها وبعد كدة تطرفت بسبب تورطها الزائد في السياسة

وبسبب إستخدامها للعنف والسلاح والفكر التكفيري وهو دة الإسلام السياسي

إذًا الإسلام السياسي ظاهرة حديثة  مجرد ردة فعل على الإستعمار

طبعًا أنا برفض هذة التفرقة إللي هي مش حقيقية

الحقيقة الإسلام السياسي قديم بقدم الإسلام نفسه ومولود معاه

مولود معاه إللي أنا دايمًا بسميه العيب الخلقي إللي منذ نشأة الإسلام مولود بيه خاصتًا لما محمد إنتقل من مكة للمدينة

وإبتدا يخلط أدوار مالهاش علاقة بالدين دوره كنبي ومرشد روحاني

مع دوره كقائد جيش مع دوره كوزير إقتصاد ومالية ودوره كمشرع بيطلع قوانين

وكشرطي وسلطة تنفيذية بتنفذ القوانين

فكل دة في نفس الدور كتير يعني المفروض السلطات دي كلها تكون مفصولة عن بعضيها يعني

فلما حد بيقول الإسلام شيء والإسلام السياسي شيء تاني

أقوله تعالى نشوف إيه هي دعائم الإسلام السياسي؟

ونشوف إذا كانت دي من صميم الإسلام ولا مجرد شاذ عن الإسلام

أول دعامة من دعامات الإسلام السياسي  هي فكرة إن الإسلام جاء برسالة إلى كل البشرية

وإن الإسلام له الحق في إستخدام العنف لتهذيب الأمم

والإسلام السياسي إللي ظهر من 100 سنة هو إللي إخترع فكرة الجهاد في سبيل الله

وهو إللي شجع المؤمنين إن هما يقتلوا الكفار

مش الإسلام الحديث هو إللي إخترع فكرة تقسيم العالم إلى مؤمن وكافر ولعن الكافر وسلب حقه في الوجود

كل دة موجود في القرآن نفسه, القرآن نفسه هو إللي عمل الخط الواضح لما بتقول

يا إيها الذين أمنوا أنت عارف أنت بتتكلم لمين وعارف التانين دول كلهم لا ينتموا إلى دار السلام

لما أنت التقسيمة إللي عملوها في الإسلام دار الحرب,دار السلام,دار العقد

التقسمية دي مش حسن البنا إللي إختراعها في القرن العشرين

دة تقسيمة موجودة منذ نشأت الإسلام

دار السلام هي الدار إللي تحت سيطرة الإسلام الجيوش المسلمين إفتتاحتها وغزتها

دار الحرب هي كل بلاد العالم إللي مش مسلمة إلا في إستثناء من دار الحرب اسمها دار العقد

دار العقد يبقى أنا دلوقتي إيه أنا كمسلم عندي حرب مع الصلبيين أو مع المغول

حسب يعني ثقل الحرب والأولويات لو أنا شايف إن أنا عايز أهزم المغول ممكن

أستعين شوية أعمل هدنة مع الفرنجة وبعدين أقولهم

يافرنجة تعالوا حاربوا معايا ومثلًا لو حررنا الأرض دي هديكوا مقاطعة وأنا أخد مقاطعة

دة يبقى كدة إيه لفترة محدودة جدًا بعمل سلام مع الصلبيين ويبقى دي اسمها دار العقد

يبقى إيه محرم عليا إن أنا أغور عليهم مش علشان هما يستحقوا الحياة مش علشان أداميتهم

لأ علشان أنا هستفيد منهم كمسلم إن هيساعدوني أكسب أرض تانية بس

هو دة المنطق وهو دة المنطق إللي على أساسه القرآن بيتكلم عن السلم والسلام

لما بيقول (وَإِن جَنَحُوا لِلسَّلْمِ فَاجْنَحْ لَهَا) إن لو هتستفيد من السلام

لكن لو مش هتستفيد من السلام, السلام مش غاية في حد ذاته

السلام مش غاية في حد ذاته. ومع ذلك لما بيقوله (وَإِن جَنَحُوا لِلسَّلْمِ فَاجْنَحْ لَهَا)

و(ادْخُلُوا فِي السِّلْمِ كَافَّةً) مش (ادْخُلُوا فِي السِّلْمِ كَافَّةً)

إن أنتو خلاص بطلوا حرب أمال هناكل منين يارسول الله؟

دة الغنايم هي المصدر الرئيسي لدخلنا ندخل في السلم؟

فلذلك موقفوش دي خيار إستراتيجي زي ما كان حسني مبارك والسادات يتكلموا عن معاهدة السلام مع إسرائيل كدة

السلام كخيار إستراتيجي إللي هو هستفيد منه

لو حاربت دلوقتي هنهي إقتصادي هخسر لإن إسرائيل وراها أمريكا

محتاج أنا سياحة فإزاي أعمل حرب وأنا محتاج سياحة

لو عملت حرب مفيش سفن هتدخل في قناة السويس

إذًا فهو خيار إستراتيجي مش إيمانًا بإن السلام شيء جميل والمفروض يكون هو الوضع الدائم

لأ الإسلام لا يعرف السلام كوضع دائم لية؟

لأن الجهاد فريضة, لأن الجهاد مصدر رزق ودي الأزمة

إللي هو خلط مش الإسلام مش بس خلط الدين بالسياسة دة خلط الدين بالإقتصاد

فتيجي تقولي بعد 1400 سنة لا دة الإسلام السياسي ظاهرة حديثة

الإسلام السياسي منذ نشأته, الإسلام دين ودولة بدور محمد وبأدوراه المتعددة داخل الدولة بتشريعاته

وقارنا طبعًا  دايمًا المقارنة بتيجي دايمًا مع الإسلام والمسيحية ومحمد وعيسى

دايمًا بيجي المقارنة دي يقولك يعني الإسلام ظروفه كانت كدة وكان لازم ومش عارف إيه

طب مهو المسيحية مولده في قلب الحرب وإحتلال روماني

لو إللي أسس هذا الدين كان عنده نفس الميول السياسية زي محمد

كان ممكن يجيب سيف ويقاتل وكانوا بيطلبوه يبقى ملك اليهود وإن هو يحررهم من الدولة الرومانية

عادي كان ممكن يعمل كدة لو كان هو توجهه كدة لو هو طمعان في أي منصب سياسي أو كذا

أو لو هو بطبيعته عنيف فمتقوليش لأ الظروف هي إللي فرضت عليه

لأ أنت راجل نبي وجاي هتعمل رسالة أخيرة للبشرية صح؟

الرسالة الأخيرة إللي أنت  هتقدمها للبشرية دي

إيه إللي يدخل لية ندخل فيها حروب؟ لية ندخل فيها شتيمة لأبو لهب؟ لية ندخل فيها واحد بيقول لواحد يا زنيم ابن الزينا في القرآن؟

الحاجات دي كلها إيه إللي يدخلها؟

هو خلط الأدوار إن محمد بيتصرف كدة بيفكر كدة بيشتم كدة بيلعن كدة

فكل دة دخل في النصوص فمتجليش أنت بعد كل دة وتقولي

لأ دة الإسلام شيء والإسلام السياسي شيء تاني لأن تاريخ الإسلام كله

منذ نشأته قائم على فكرة الإسلام  السياسي إللي هو

ماهو دعائم الإسلام السياسي زي ما إحنا قولنا

أول حاجة هي فكرة الجهاد, إستخدام العنف كوسيلة للسياسة دة الإسلام موافق عليها مليون في المية

وإن الله هو المشرع والشريعة هي المصدر الوحيد للتشريع

دة حسن البنا إللي إخترعه؟ فكرة تطبيق الشريعة وإن الله هو قوانين بتيجي من السماء؟

مهو دة ما خلاص فاضل إيه في الإسلام السياسي غير كدة ؟

إن فكرة التشريع وفكرة الجهاد هو نفس,نفس الأساسيات يعني

إللي عايز يقول الإسلام شيء والإسلام السياسي شيء تاني يقولي حسن البنا فكره يختلف إيه عن محمد وفكره؟

ويقولي داعش وطريقتها في التعامل مع تطبيق القانون ومع غير المسلمين

يختلف في إيه عن تعامل محمد مع نفس النوعيات دي من من غير المسلمين؟

يقولي الفرق ماهو أنت بتقولي ماهو مش كلام في الهوا وخلاص

أثبتلي أنا بجبلك على أرض الواقع هاتقولي, هاتقولي داعش لا تمثل الإسلام

هقولك تعالى ناخدها واحدة واحدة عملت إيه؟ وقولي إيه من دة معملوش محمد ؟

أو على الأقل معملوش أبو بكر بعده؟ أو معملوش عثمان بعده أو على بعده؟

إللي هما مش هقولك بقى الأمويين ولا العباسين ولا الكلام دة كلة

هتقولي داعش بتتوسع وتروح تغير على ناس أمينين وتسبي نساءهم زي اليزيديين

أقرا الكلام عن عزوات محمد في القرآن في السير

كان بيعمل إزاي مع بني المستلق وكان بياخد نسائهم إزاي؟ وأخد نساء بني النظير إزاي؟

ونساء بني قريظة إزاي؟ وقتلهم إزاي أسرى الحرب؟ عمل إزاي؟

يمكن هتلاقي الحاجة الوحيدة إللي هو معملهاش إللي هو الحرق

بس ودايمًا هي دي إللي بيجولي بس النبي محرقش

يسلام! سمل أعين وسبهم يعني قلع عيون ناس وكتفهم وسابهم من غير مية 3 أيام في الصحرا

دة أسواء من الحرق إللي إتحرق بيموت في خلال دقايق وبيرتاح من العذاب

لكن مع العرانيين من كتبكم يعني أنا مش مهي دي القصص إللي موجودة عندك يعني

لما تيجي تقولي داعش لا تمثل الإسلام  روح أحرق الكتب بقى إللي كاتبه فيها الكلام دة

قولي لا أعترف بهذة الكتب لكن أنت حاطط الكتب في مكتبتك بتدرسهم في جامعاتك

بتدافع عنها بإيديك وسنانك إللي بينتقد الكتب دي بتعمل عليه ضدة دعاوى

إزدراء أديان, بتحبس إسلام البحيري, بتحبس محمد عبداله نصر أو الشيخ ميزو علشان قال الإسلام مفيهوش حد سرقة

طبعًا هو كدة أنكر معلوم من الدين بالضرورة

إنكاره المعلوم من الدين بالضرورة لازم طبعًا يتحبس

طيب ما أنت قرر بقى يا أما داعش لا تمثل الإسلام يبقى أي كلام موجود في كتب داعش بتعمله

الكتب دي تتحرق أو تتمنع إن هي تتدرس أو تتمنع إن هي تستخدم في المساجد للخطابة

لكن أنت عايز تحافظ على الأثنين أنت عايز البضاعة وعايز فلوسك في نفس الوقت

طب أنت عايز تشترى تدي الفلوس وعايز البضاعة

عايز إصلاح ديني؟ بتتنازل عن نصوص فيها مشاكل

لأ أنا عايز النصوص زي ماهي وعايز برضو أقول إن داعش لا تمثل الإسلام

دة أنت بتستهبل يبقى أنت كدة مش هتصلح حاجة

ومش هتتخلص من هذا المرض العُضال

ففي إيه بقى من دعائم الإسلام السياسي مش موجود في أصل الإسلام نفسه؟

علشان تيجي تقولي الإسلام شيء والإسلام السياسي شيء تاني

مفيش شك ولازم يكون الإنسان دايمًا مفرق

لو هتفرق بقى متفرقش الإسلام من الإسلام السياسي

لأ فرق الإسلام من المسلمين مش كل المسلمين قرآن يمشي على الأرض

ومش كل المسلمين أصلًا يعرفوا القرآن دة مكتوب في إيه؟

ولو قروه في معظم الأوقات مبيفهموش هو مكتوب في إيه

فدي نقطة كويسة نركز عليها إن أنا مع كل إنتقادي للإسلام لكن أنا واقف في صف المسلمين

في صف إنسانيتهم في صف حقوقهم في صف حقوقهم في ممارسة الإسلام نفسه حتى إللي بنتقده

بس ممارسته على المستوى الروحاني إن عايز تبني مساجد وتصلي على عيني وراسي

عايز تصوم وتعبد ربك؟ صوم وأعبد ربك بس ملكش دعوة أنا باكل إيه؟  ومبشربش إيه؟

يعني أنت راجل صايم في رمضان كل أمتنع

أنت مقتنع إن ربنا مبسوط أوي إنك عطشان وهتفرهد في الصيف وجعان وبتقولي دة شيء صحي

كل دكاترة العالم يقولك لو أمتنعت عن المية أكتر من 5 ساعات دة شيء ضار بالصحة جدًا

لأ أنت دينك بيقولك إن دة شيء صحي أنت حر متجيش تفرضه عليا وتقولي دة صحي

 أنا راجل مش مسلم أو ليا دين تاني وباكل في الشارع ملكش دعوة

متبصليش بقى وتقولي لأ متاكلش أهو دة بجاحة أهي

بجاحة طب أنت ربنا عايز يعذبك هو حر معاك تعذبني أنا معاك لية كدة وأنا مليش في البيعة دي أصلًا

مليش في الفكرة السادية دي إن حد يقعد يمنع حد من الأكل وكدة حلو كدة علشان ربنا مبسوط

حس بالفقرا طب أحس بالفقرا, الفقرا بيشربوا عادي مية من أي مكان بيجلهم مية بيشربوها

مافيش مريض مافيش فقير يوم كامل مايشربش مية يعني مش إيه الفكرة في كدة؟

لأ هي فكرة إن إيه خليهم تحت سيطرتك, خليهم تحت سيطرتك

لما تتحكم في أكلهم وشربهم و يقوموا أمتى من النوم؟ وتصحيهم في عز الفجر

علشان يجولك الجامع دة زي تمرينات الجيش كدة

هو لية الجيش بيصحيك بدري علشان تتعلم إنك تبقى

القائد يقولك قوم قوم متناقش. هي دي القصة يعني إن

دة هل داعش إللي اخترعته؟  هل الأخوان إللي اخترعوا الفكرة دي؟

إن مدام الأدان أدن لازم تطلع تقوم لو الفجر حتى لو أعمى

فعايز عايز إصلاح؟ اه عايز تفصل أفصل بين المسلمين وبين الإسلام

إن متعاقبش المسلمين بذنوب ناس مسلمين تانية بيعملوها

الناس إللي قاعدين في سلام  مبيأذوش حد ماحدش يتعدى عليهم

ماحدش يمنعهم عن صلواتهم, ماحدش يمنعهم يصوموا, ماحدش يتهجم عليهم

طول ما هما قابيلن حرية الأخرين, طول ما هما مابيتعدوش على حرية الأخرين

لكن للأسف الشديد ودي نقطة إحنا إتكلمنا فيها كتير

إن الإسلام بيُحقن المؤمين بيه بالبجاحة   بيُحقن إللي بيؤمن بيه بالبجاحة

هو أنت حاطط صليب هنا لية؟

أنت مالك

أنت بتاكل في رمضان لية؟

طب أنا مش مسلم مأبكلش باكل في رمضان أنت مالك؟

بجاحة هي البجاحة دي البجاحة إن هو إيه عايز يفرض مش بس أسلوب تفكيرك وأسلوب حياتك على التانيين

عايز تضيق الخناق على التانيين دة جاي منين؟

ماهو جاي  برضو من فكرة أهل الذمة وضيقوا عليهم الطريق وإن هو مايشمش نفسه

ولازم تميزوا وتعرفوا في الشارع إنه يهودي أو مسيحي أو غيره

دة موجود في العقلية الإسلامية من نشأتها

تقولي لأ الإسلام السياسي شيء تاني والإسلام

من ضمن الحاجات الذيذة جدًا يعني ودايمًا في النقاش دة

إن يقولك إن الشريعة والقانون الحديث مافيش تناقض بينهم

أنا بسمع العبارات دي وبيقولها  ناس كتير من الإصلاحيين يعني

إن الشريعة والقانون الحديث خاصتًا في ألمانيا عندنا النقاش دة جامد يعني

إن هو هل الشريعة تتماشى مع القانون الألماني؟

ودة هنبقى نعملها حلقة كاملة يعني إزاي الشريعة دي أصلًا ماتتماشاش مع القانون العصري خالص

على الأقل فكرة إن الله هو المشرع مش الإنسان

ديموقراطية, ديموقراطية معناها حكم الشعب

معناها الشعب هو إللي بيسن القوانين هو إللي بيغيرها هو إللي بيختار حكامه

بطريقة مباشرة مش بحكم إلهي أو مش علشان أمام ولا علشان مش عارف من أهل السنة

أو مش العلماء مش عارف أجمعوا مافيش الكلام دة

الشعب هو إللي بيحكم يبقى هو إللي بيسن قوانينه, قوانينه بيسنهاعلى أساس مصلحته

مش على أساس اعتبارات روحانية مش عارف إيه

يعني القتل محرم في القانون ملناش دعوة بقى إذا كان في عهد قديم عهد جديد عهد أتي

ماحدش بيجي بيقولك لأ دة القانون دة يتعمل على أساس

لأ القتل الإنسان ليه الحق إن جسمه يبقى سليم وحياته أمنة فمتقتلوش

السرقة حرام مش فكرة حرام مش موجودة ممنوعه

لأن كلمة حرام دي فيها قدسية دينية

العلاقات بين الجنسين تربطها الحرية الشخصية

يعني أنا بحب الإنسانة الفلانية والإنسانة الفلانية بتحبني ماليش دعوة بقى أنت دينها إيه؟ ديني إيه؟

دي حاجة بيني وبينها القانون لا يتدخل في هذة الأمور

أنا بشرب إيه؟ باكل إيه؟ دة مسؤليتي

أمتى يدخل القانون بشرب إيه؟ وباكل إيه؟

لو شربت سكرت وسوقت العربية لو خبط واحد دة عقوبة

في هذا لما الشرب دة يؤدي لكن أنا أكلت والأكل كتم على نفسي

أنت حر أنت المسؤل مافيش قانون هيجي يقولك أنت أكلت لية؟

مافيش قانون يقولك لازم تصوم, مافيش قانون يقولك دة وقت صيام أنت بتاكل لية؟

مافيش قانون يقولك أنت بتشرب مخدرات لية؟ اسمه كحول لية؟

المخدرات في كلام بقى جدل حواليها هتلاقي دولة يجي يقولك لأ المخدرات دي بتدمر الصحة

لأ المخدرات دي مسموح بيها في المكان الفلاني بس غير  مسموح بيها في المكان الفلاني

علشان التهريب علشان .. برضو حاجات دي الأعتبارات دي كلها

مابيقولكش على أساس لا والله دة ممنوع علشان ربنا قال وربنا ماقالش

الكحول يقولك بحسب الدول لأ أنت تحت عمر 16 سنة مش مسموحلك

في أمريكا حتى تحت 21 سنة مش مسموحلك تشرب كحول علشان مافيش علشان ماتسئش استخدامها أو تسكر وتبوظ الدنيا وتعمل بتاع

لكن في نهاية المطاف ماحدش هيحبسك علشان شربت كحول

حتى دلوقتي في أوربا بالنسبة للمخدرات لو مسكوا معاك مخدرات مش هيحبسوك

هتقول دة للاستخدام الشخصي إللي يمسك التاجر بقى إللي بيتاجر فيها أو إللي بيهربها

لأن  لية علاقة بالمافيا والحواديت زي كدة

فالقانون الحديث تخلص من فكرة القدسية, القانون الحديث تخلص من فكرة إن الأخلاق والقانون شيء واحد

لأ في فرق القانون بيركز على التعاملات المباشرة بين الناس

إللي واحد تصرفه ممكن يضر التاني لكن واحد شرب أزازة بيرة في بيته ماحدش لية دعوة بيه

في واحد بيحب واحدة متجوزين مش متجوزين وقاعدين مع بعض هما حرين

حتى, حتى فكرة الدعارة بقالهم قرون بيتناقشوا فيها يعني وأكتشفوا في النهاية

إن لو واحدة هي يعني مختارة هي إللي اختارت هذة الشغلة وعرضت هذا البتاع

وماحدش استغلها ماحدش هربها وسرق الباسبور بتاعها وأجبرها على

مادام مافيش اجبار تقريبًا كل شيء مباح ومتاح

ودة رعب الإسلام ودة رعب المسلمين لأن الإسلام عايز يسيطر على كل حاجة بتحصل في المجتمع

الإسلام مهتم بسرير نومك أنت بتعمل إيه في السرير ياولا أنا الكلام جدة مش عاجبني

عايز يهندس ويقولك لأ دة تعمل كذا وماتعملش كذا

السرير دة ينام فيه فلان وماينمش فيه فلان أنت مالك

دة بقى إللي اخترعه الإسلام السياسي بتاع حسن البنا ولا موجود في الإسلام من أساسه فكرة التشريع من أساسه؟

وهنتكلم في حلقات تانية أكيد عن فكرة الشريعة والقانون الحديث والمقارنة بينهم

نراكم في الحلقة القادمة.


Download text file

Box of Islam 092

You may also like

ملخص تاريخ الاسلام بداية ونهاية
لم يستجب ياأخوة لمحمد في مكةخلال 13 سنة من الدعوة لم يستجب لدعوته لم [...]
6 views
ندوة للاستاذ حامد عبد الصمد في المغرب بعنوان التنوير فوبيا (الجزء الاول)
احمد عصيد: مساء الخير, يُسعدنا أن يكون معكم في هذا اللقاء الفكري الذي [...]
3 views
مين اللى سرق مصر،الحلقه التاسعة عشر: دور العبادة في مصر
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة الثامنة عشر: إسلام التصدير وإسلام التكفير
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة السابعة عشر: الأزهر عامل زي سُوستة
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة السادسة عشر: مأساة التعليم في مصر
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة الخامسة عشر: خليك فاكر مصر جميلة
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة الرابعة عشر: الإعجاز العلمي في البناء المصري الحديث.
انهارده عايز اكلمكم عن موضوع الإعجاز العلمي في البناء المصري طبعًا [...]
0 views
مين اللي سرق مصر، الحلقه الثانية عشر، البرفان والشعب القرفان
مين اللي سرق مصر مين اللي سرق مصر مين اللي سرق مصر مين اللي سرق مصر [...]
2 views
مين اللي سرق مصر، االحلقة الحادية عشر ، أولاد حارتنا
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views

Page 1 of 13

اترك تعليقاً

لن يتم نشر عنوان بريدك الإلكتروني.