صندوق الإسلام 126: الأسباب الحقيقية للحرب في البوسنة والهرسك ودور أسامة بن لادن

أهلا بيكم في حلقة جديدة من صندوق الإسلام

هنتكلم النهاردة عن الإسلام في دولة البوسنة والهرسك

طبعا البوسنة والهرسك بلد إحنا ما كناش نسمع عنه أبداً قبل كده

أنا فجأة وأنا في الجامعة في مصر في بديات التسيعنات لأول مرة في حياتي أسمع مصطلح

أو أسم البوسنة والهرسك

الإخوان المسلمين إللي أنا في التوقيت دواً كنت عضو فيهم يعني

قالولنا إن إخواتنا في البوسنة والهرسك بيدبحوا وإن في ماجازر بتحصل هناك وهكذا وهكذا

قبل كده مانعرفش حاجة إسمها البوسنة والهرسك زي ما كناش نعرف حاجة إسمها الشيشان

زي ماكناش نسمع حاجة إسمها بُرمة

مابنسمعش غير الاسماء البلاد الإسلامية دي غير لما أو اللي فيها مسلمين يعني

إلا لما يحصل عندهم مشاكل وعواطف المسلمين تتجيش وإن إحنا نتعاطف معهم

فا أنا كامسلم بقي صغير في الجامعة متحمس إخوانجي كمان

إخواتنا في البوسنة والهرسك

أيه إللي بيحصل في البوسنة والهرسك يا جماعة؟

وطبعا بنسمع سردية والسردية دي بتكون هي إن الغرب إلكافر رايح بقي عمال يدمر في المسلمين أينما كانوا هي دي السردية  اللي حاصلة

أنا وأنا بعمل حلقات بتاعت المسلمين في أوربا حبيت إن أعرف الإسلام في بلد زي البوسنة ده موجود إزاي وتاريخه إيه وحقيقته دلوقتي ؟

فأ خدنا فريق التصوير بتاعنا وروحنا علي البوسنة عشان نشوف البلد دي حكياتها أيه

الإسلام في البوسنة .. يعني البوسنة طول عمرها وهي لها وضع خاص دائماً

حتي أيام ما كانت مسيحية كانت فيها كنيسة مهرطقة غير كنايس أوربا كلها

يعني كان بقي في أوربا الكنائس ألكاثوليكية والبروتسنتية والإرذثكوسية بقي الروسية او الصلبية

البوسنة بالذات كان فيها كنيسة كان إسمها البيجومليان يعني إن هي بعيدة عن الكنايس التانية فكانت واخدة زواية لوحدها كده

وبعدين جم العثمانين ومن حوالي 6 قرون وإستولوا علي المنطقة دي كلها المنطقة بالكامل يعني وصلوا حتي لحد فيينا

فاسيطروا علي البوسنة وأسلموها وتحولوا للإسلام البوسنيكاس يعني اللي هما البوسني

وظل الامر علي هذا الوضع حتي جاءات الإمبراطورية النمساوية الهنجرية وأزاحت العثمانيين

من المنطقة البلقاء وإستولت علي المنطقة إللي هي كانوا بيسموها يوغسلافيا

بعد كده المسلمين إللي عايشين في البوسنة قالوا طب إحنا هانتعامل أزاي مع هذا الوضع الجديد

وضع مايعرفهوش المسلمين إن تكون الغالبية مسيحية والدولة مسيحية

والمسلمين إقلية عايشين تحتيهم

المسلمين وين يعرفوا الوضع ده بالعكس دايماً

إن المسلمين هما إللي في أيدهم السلطة وفي أيدهم ألحكم  وإن المسيحين أهل ذمة عايشين تحت تصرفهم

فا الدولة النمسوية أو الإمبراطورية إلنمسوية أديت المسلمين حرية العقيدة وقالتلهم

تمارسوا شعائركم زي ما أنتم عايزين بس مافيش حاجة إسمها شريعة ومافيش حاجة إسمها تدخل في إلسياسة أو في القضا

وبُناءً عليه المسلمين في البوسنة عمله شيء فريد من نوعه في تاريخ الإسلام

عمله شيء إسمه فقه الإقليات ونظمه نفسهم بطريقة بنفس أسلوب تنظيم الكنيسة إلكاثولوكية

عملوا حاجة إسمها رئيس العلماء إللي هو زي البابا كده وعملوه تحتيه الإقانيم إللي هما مفتي كل مدينة من المدن

وإن البابا أو رئيس العلماء بقي اللي هو يحدد الأئمة إللي هايصلوا في المساجد

وأنه هو  يحدد الثيولوجيا أو اللاهوت إللي هايدرس وهذا اللاهوت يتمحي منه حكاية بقي

الخمرة حرام يتمحي منه حكاية إن أكل الخنزير مش عارف أيه يتمحي كل الحدود بتاعة الشريعة

إللي إحنا بنسميه الإسلام منزوع الدسم أو الإسلام لايت

بس كانت طريقة لي التعامل مع المعطيات الجديدة إللي هو إحنا بنسميها إلنهاردة العلمانية يعني أو العلماني

إن الدين ينئي بنفسه عن أمور التشريع وأمور القضاء وأمور وأمور شئون الحكم

وقبلوا بالإمبروطورية الهنجرية وأخذوا كل حقوق العبادة بقي إبني مساجد زي ما أنت عايز

صلي ماحدش هايمنعك صوم ماحدش هايمنعك روح حج ماحدش هايمنعك لكن .. لا تضرب في أسياسيات الدولة وتقبل بإسلوب الحكم

ودي طبعا طريقة أعزمها اليهود طول تاريخيهم لأن هما كانوا دايماً تحت إمارة دولة من الدول

عمر اليهود لحد تأسيس إسرائيل ما كانش عندهم دولة فادايما كانوا عايشين تحت إمارة دولة من الدولة

فأول من أخترعوا هذا الإسلوب فقه الإقليات كان واحد إسمه (مارشمويل) في بابل يعني أيام الحكم الفارسي لبابل بالتحديد

لما الراجل ده .. الفرس إحتلوا بابل فكان إليهود أو في وضع غريب

هايعملوا أيه مع تعاليم الشريعة اليهودية إللي هي الحلاخا

قالك لازم يعني يطوره من نفسهم شوية ولازم يتعاملوا مع المعطيات الجديدة

 فاقالهم مارشمويل قال لليهود بقي إيه؟

قالهم مبداء إسمه جديد (دينا لاملكوتا دينا) مبدأ يهودي (دينا لاملكوتا دينا)

معناها القانون كلمة دين بالعبرية ممعنهاش الدين بتعنا إسمها القانون

القانون هو قانون الملك (ملكوت) قانون الدولة التي نعيش فيها

وعمل مبدئ أنه يجوز تعطيل بعض البنود الشريعة اليهودية إذا تعارضت مع قانون الدولة التي نعيش فيها

وهكذا حدث شيء من المرونة في هذا الشق

فضلت البوسنة عايشة في هذا النظام إللي هو الإسلام لايت صلاة وصوم ماشي بس مافيش حاجة إسمها شريعة

لحد كده كده ما جه واحد إسمه تيتو حبيب عبد الناصر

طبعاً كان دولته شيوعية ولكنه ماكانش عايز ينضم

 للإتحاد السوفيتي والكتله بقي بتاعة حلفوراسو

عمل مع عبد الناصر لو تتذكروا عمل مع المشروع بقي بتاع دول عدم الإنحياز

تيتو كان ما بيحبش الدين يعني زي الشيوعين

و ضغط علي طبعا منطقة بقي دولة البوسنة مش عايشين فيها مسلمين بس

دولة البوسنة عايشين فيها 50في المية مسلمين والباقي مسيحين

سواء بقي السرب الأرزثكوس أو الكروات الكاثوليكين

تحت تيتو ماكانش فيه حاجة إسمها بقي المسيحين أو المسلمين كان كلهم إسمهم يوغسلاف

كانت دولة إسمها يوغسلافيا والهوية الدينية المساجد موجودة والكنايس موجودة وكل حاجة

بس يا جماعة محدش يجيب الهوية الدينية وإلا كدا هاتفتت يوغسلافيا كانوا خايفين إن دولة يوغسلافيا تفتت

إللي حصل إن في التمنينيات عشان نعرف بقي أصول الصراع جات منين

السرب اللي هما الأرزثكوس والكروات اللي هما الكاثوليك عندهم تجارب( traumatic  ) يعني حروب عنيفة مع العثمانيين

العثمانيين خدوا نساء وسبوهم وإغتصبوهم منهم دمروا مدن إللي هما ماقبلوش بالحكم العثماني علطول

ففي كراهية شديدة جداً لكل ماهو تركي وكل ما هو إسلامي من وقت إحتلال الإتراك

في أي حد يجي يقولك الهوية الإسلامية أو أي حاجة لها علاقة بالإسلام

تخوف الناس دي ترعبهم إنهما هايجوا يحاربهوم تاني ويطردضوهم من بلادهم تاني

فا اللي حصل إن في التمنينيات وبدون سابق إنذار كده لسة يوغسلافيا موجودة

ولسة المبداء العام إن الدين لا يتدخل في الشأن العام ولا يتدخل في السياسة قائم

جاء مجموعة من المفكرين والإئمة في البوسنة وعملوا إعلان إسمه الإعلان الإسلامي

نهضة بقي والصحوة الإسلامية وعايزين الهوية الإسلامية ترجع تاني والهوية الإسلامية إنطمثت

طبعا ده كان وقت الأخوان في كل العالم نشيطين في مشروع الصحوة الاسلامية

وكانوا بيتنبئوا بقي إن القرن القادم ده هيكون قرن الإسلام والمارد الإسلامي أخيرا هايطلع من القمقم

 فا من المجموعة إللي عملت الإعلان ده .. علي عزت بيجوفيتش

اللي هو بعد كده أصبح رئيس دولة البوسنة بعد الحرب وبعض الأئمة

منهم إمام مشهور هناك في البوسنة قابلته في الزيارة الإخيرة إسمه مصطفي إسباهتش وقعد بقي وعملوا إعلان الإعلان الإسلامي

طبعا الجماعة السرب والكروات إللي هما في البلد حاسوا بالرعب

اوبا الناس دي عايزة تنفصل بالدولة عايزيين بقي يعملوا شريعة

عايزين يرجعونا لعصر العثماني تاني

هيخلونا أهل ذمة تاني هيعملونا بالعنف تاني

فحصل حالة من الرعب خاصةً إن يوغسلافيا كدولة بعد وفاة تيتو

أبتدت تبقي يعني أيه داخلة في إتجاه التفتيت وإتجاه العرقيات بقي وكل عرقية هاتكون قوية

فاطبعاً السرب راحو رايحين يا روسيا إلحقينا الكلام ده مش ها ينفع

ومش عايزين إحنا ان المسلمين يكون ليهم السيطرة علي البوسنة وإلا البلد 50/50

فا لو عاملة زي لبنان كده بالظبط

يعني تخيل لبنان كده وشايف إنت إللي حاصل فيها

وعلي فكرة التطورات إللي حصلت في البوسنة والهرسك تقريباً تقريباً نفس تطورات إللي حصلت في لبنان

لبنان كانت دولة علمانية لحد السبيعينات

طوائف كتيرة موجودة بس إللي كان القانون إللي بيحكمها كان قانون علماني مش ديني

مافيش دين للسيطرة 18 طايفة هاتروح فين ولافين مين هايحكم بشريعته هاتخرب البلد

في كان فيه علمانية

إبتديت لبنان تخرب إمتي بقي لما في سيطرة من برة إبتديت تدخل

لما إبتدي فلسطنين مع عرفات جم وحبوا إنهما يسطيروا علي بيروت وجابوا بقي الإسلام السني وهكذا

راحوا الشيعة جايبين إيران عشان كده يا أخوانا مش هاينفع  الدروز ومش عارف أيه

وده يتحالف مع إسرائيل وده يتحالف مع مين وده يتحالف مع فرنسا

كل طائفة بقي مدام المسلمين جابوا إخواتهم الثنة جابوا إخواتهم والشيعة جابوا إخواتهم

كان لازم التانيين يروحوا جايبين إخواتهم هما كمان

وأيه إللي حصل بقي خد عندك حرب أهلية طحنت لبنان وضمرته وشوهته وخلته لحد النهاردة

مش عارفين كل ما يجبيوا رئيس يروح رئيس الوزراء فالت منهم يجي يرجع رئيس الوزراء

يروح يلاقي الطايفة حسب الله عايزة مش عارف أيه

مش عارفين يلاقوا كيان دولة

فالتشوه يبيجي بقي أيه من أمتي من حاجتين دايماً في الدولة

بيجي لما طائفة تحب إن هي تسطوا علي باقي الطوائف

ولما تبتدي تستقوي بإخواتها في الخارج في الطوائف التانية

كل طائفة منهم تروح تستقوي بإخواتها في الخارج

السنة يجبيوا السعودية والشيعة يجبيوا إيران إلروم الكاثوليك يجبيوا الفرنساويين

ومش عارف مين يروح يجيب الكنيسة إللي هي مش عارف فين

والاميريكان يجيوا يحطوا مناخيرهم في الموضوع وسوريا برضه ليها مصالح وتخرب لبنان

ونفس القصة تقريباً بالحرف وكأن الإنسان لا يتعلم من إلتاريخ تخلص الحرب الإهلية في لبنان

والناس تقعد بقي ويرحوا يعملوا إعلان الطائف ويلصموا التلصيمة الغريبة الموجودة في لبنان لحد دلوقتي إللي لسة مش عارفين يظبوطها

مافيش سنتين يعدوا بعد كده تروح بدأت الحرب في البوسنة والهرسك

بعد الإعلان الإسلامي ده السرب والكروات إبتدوا سلح نفسك سلح نفسك

السرب وراثوا الترسنة العسكرية بتاعة يوغسلافيا لإنه كان معظمها كانت في جمهورية السرب

وأبتدات حرب أهلية طاحنة في البوسنة يعني شيء محزن طبعاً

انا روحت زورت سبرنتسا المكان اللي هو إتقتل فيه الألاف من المسلمين في يوم واحد

هتروح علي أماكن تانيه عند السرب هتلاقي مجازر عملوها  المسلمين ضد السرب

إحنا طبعاً بنميل في سرد القصة إلي إن نقول إن اللوم دايماً بيكون جاي من طرف واحد

لكن للأسف الشديد لما بنتكلم عن حروب أهليه دايماً بيكونوا كل الأطراف متورطين

وبيكونوا كل الأطراف إستقوا بالخارج وبيكون كل الأطراف سببت أزمة

طبعا إللي خلي السرب وخلي العالم كله يتوجس من إللي بيحصل في البوسنة

 إن بدات الحرب وفتحت سرايفوا أبوابها لمين بقي للأسامة بن بلدن

أسامة بلدن لحد ما مات كان معه جواز السفر البوسني وكان مش بس كده

مدينة سرايفوا أعطته يعني بيسموها ايه انك تكون (Citizen of honor) (مواطن شرف)

مواطن شرف مدينة سرايفوا كان أسامة بلدن

جه بالمجاهدين بتوعه وجاب ناس بقي من الشيشان من العرب

وتنظيم القاعدة إللي هو كان فيه بدايته فده طبعا المناظر بقي جايين باللُحاه

وبالإسلحة والمناظر الغريبة إللي إحنا عارفيناها دي كلها ده طبعاً

رغم إن البوسنيكس يعني إنطحونوا في الحرب لا شك وأكبر ناس

إللي ماتوا ماتوا كانوا من المسلمين في البوسنة والهرسك دي حقيقة

ومجزرة سبرنتسا من أفظع إلمجازر إللي ممكن تتخيلها

شيء أي حد ينُكره يبقي بيستهبل يعني

أنا روحت وشفت واتكلمت مع السرب وأتكلمت ومع مسلمين

لكن إنك تتحالف مع الشيطان ده برضه بيدي للطرف الأخر حجج

إن أنت كده فعلا كنت ناوي إنك تدمر التنايين

جايبلهم المجاهدين جايبلهم ناس عرب حتي فده طبعاً أصاب الجماعة التنايين بزعر

فابتدوا يزودوا من وتيرة القسوة ضد المسلمين في الحرب ويدمروا المدن

في الحلقات الجاية

هاوريكوا بقي مدينة موستر إللي هي كانت من أجمل المدن إللي موجودة في البوسنة إللي إدمرت في الحرب الإهلية دي

هاوريكوا سبرنتسا المكان اللي حصلت فيه المجزرة المشهورة وقابلت واحد أبوه وأمه ماتوا في مجزرة يعني بتاعة سبرنستا

المدخل إللي أنا بعملوه ده عشان أشوف الإسلام في هذا البلد تطور إزاي

وكيف بعد ما كان فيه إسلام في البوسنة والهرسك متسامح جداً ومازال بعض بقاياه موجودة

مع المجاهدين إللي جم دول بقي ماجابوش سلاح ومعونة وغذاء بس

 لأ ده جابوا طبعاً الفكر الوهابي والفكر الجهادي وأبتدوا يستطونوا

وأبتدوا علي أطراف سرايفوا يبنوا المساجد ومدن أخري

وابتدا السلفيين هما إللي يسطيروا علي بعض الأحياء بعد ما كانت البوسنة وسريفوا بالذات مدينة جميلة تمشي فيها كده هتلاقي كل حاجة

هتلاقي الحي الإسلامي تطلع ما فيش ب 1000متر هتلاقي الحي إللي هو النمساوي كأنك ماشي في فيينا

هتلاقي المعبد اليهودي جمب الجامع جمب الكنيسة كان فيه حالة من التعايش وفجأة

أبتدت تختفي هذه الحالة من التعايش وقامت حرب أهلية طاحنة أثارها بقي

ومخلفتها هاتكون البوسنة إللي إحنا شيافينها النهاردة وإللي أنا قمت فيها برحلة بقي

من شرقها لغربها ومن شمالها إلي جنوبها

قابلت أئمة مساجد قابلت مفكرين وأساتذة جامعة قابلت فنانين قابلت يعني ناس من إللي هما أهل ضحايا سبرنتسا

قابلت ناس في مكتبات وبحاول أفهم كنت الإسلام إللي في البوسنة إللي هو كان جميل وكان متسامح ده وكان يعني منزوع الدسم أيه إللي باقي منه

ولما روحنا بقي نزور الإكاديمية بتاعة الملك فهد في سرايفوا حصل معنا نفس المشهد

زي اللي يحصل عند مسجد برليين بالظبط  جم صرخوا وشتموا وهجموا الكاميرا نفس المناظر نفس المناظر

بعد ما كانت البلد في طريقها إنها تكون بلد متسامح وبلد هادي ونظام يعني

نموزج ممكن يحتذي به في العالم الإسلامي

التطرف الإسلامي جه دمره فكرة الهوية والصحوة الإسلامية

جم يعملوا صحوة إسلامية راحوا قاضيين علي أجلهم

حصل ظلم للمسلمين في البوسنة طبعاً

حصل قتل غير مبرر لناس عزل طبعاً لاشك في ذلك

لكن كمان إللي كان في أيدهم الأمر سائوا تقدير القضية

وأصبحت البوسنة للأسف مثل لبنان بلد ممزق

ولحد النهاردة كل الدول التانية قدرت إنها تقوم علي رجليها وتخش الإتحاد الإروبي

كروايتا خلاص دخلت الإتحاد الإروبي السرب في طريقهم أنهم يدخلوا الإتحاد الإروبي

لكن البوسنة والهرسك لسة عماله تشوف بقايا بلدن والإسلام السلفي وبتاع

وتركيا أردوغان دخل كمان بسيطير مش عارفين إن هما يمشوا في الطريق الصحيح

في الحلقات الجاية هنبتدي نتكلم عن الإسلام في البوسنة ونتائج الحوارات اللي عملتها مع الأئممة هناك نراكم في الحلقة القادمة


Download text file

Box of Islam 126

You may also like

ملخص تاريخ الاسلام بداية ونهاية
لم يستجب ياأخوة لمحمد في مكةخلال 13 سنة من الدعوة لم يستجب لدعوته لم [...]
6 views
ندوة للاستاذ حامد عبد الصمد في المغرب بعنوان التنوير فوبيا (الجزء الاول)
احمد عصيد: مساء الخير, يُسعدنا أن يكون معكم في هذا اللقاء الفكري الذي [...]
3 views
مين اللى سرق مصر،الحلقه التاسعة عشر: دور العبادة في مصر
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة الثامنة عشر: إسلام التصدير وإسلام التكفير
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة السابعة عشر: الأزهر عامل زي سُوستة
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة السادسة عشر: مأساة التعليم في مصر
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة الخامسة عشر: خليك فاكر مصر جميلة
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة الرابعة عشر: الإعجاز العلمي في البناء المصري الحديث.
انهارده عايز اكلمكم عن موضوع الإعجاز العلمي في البناء المصري طبعًا [...]
0 views
مين اللي سرق مصر، الحلقه الثانية عشر، البرفان والشعب القرفان
مين اللي سرق مصر مين اللي سرق مصر مين اللي سرق مصر مين اللي سرق مصر [...]
2 views
مين اللي سرق مصر، االحلقة الحادية عشر ، أولاد حارتنا
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views

Page 1 of 13

اترك تعليقاً

لن يتم نشر عنوان بريدك الإلكتروني.