صندوق الإسلام 30 : مقدمة عن اساطير القرآن ومصدر أسطورة أصحاب الكهف

أهلاً بيكم في حلقة جديدة من صندوق الإسلام

النهارده وفي الحلقات القادمة هنتكلم عن مصادر القرآن وخاصةً الأساطير في القرآن

كلمة أساطير الأولين هنلاقيها موجودة في القرآن 7 مرات

عندك في سورة الأنعام حتى إذا جاؤك يجادلونك يقول الذين كفروا ما هذا إلا اساطير الأولين حَتَّى إِذَا جَاءُوكَ يُجَادِلُونَكَ يَقُولُ الَّذِينَ كَفَرُوا إِنْ هَـذَا إِلَّا أَسَاطِيرُ الْأَوَّلِينَ﴿٢٥ 

هتلاقي في سورة الأمثال لو نشاء لقولنا مثل هذا إن هذا إلا أساطير الأولين  لَو نَشاءُ لَقُلنا مِثلَ هـذا إِن هـذا إِلّا أَساطيرُ الأَوَّلينَ ﴿٣١

وفي سورة النحل وإذ قيل لهم ما أنزل ربكم قالوا أساطير الأولين وَإِذا قيلَ لَهُم ماذا أَنزَلَ رَبُّكُم قالوا أَساطيرُ الأَوَّلينَ ﴿٢٤ 

وفي سورة القلم إذا تُتلى عليه آياتنا قال أساطير الأولين إِذَا تُتْلَى عَلَيْهِ آيَاتُنَا قَالَ أَسَاطِيرُ الْأَوَّلِينَ ﴿١٥  نفس الآية هنلاقيها موجودة في سورة المطففين إذا تُتلا عليه آياتنا قال أساطير الأولين  إِذَا تُتْلَى عَلَيْهِ آيَاتُنَا قَالَ أَسَاطِيرُ الْأَوَّلِينَ ﴿١٣

وهنلاقي إن القرآن مابيدافعش عن نفسه بعد هذه الآيات مابيقولش لا لا لأ دي مش أساطير الأولين

في الـ 6 آيات دول مش هتلاقي القرآن هتلاقي القرآن بيكمل عادي ومابيتطرقش لهذا الشئ

على عكس مثلاً لما كان في القرآن يتهموا محمد بالجنون كان دايماً القرآن يرد وما صاحبكم بمجنون وما هو بشاعر وما هو بقول شاعر

فيه آية واحدة بس بيدافع القرآن عن موضوع الأساطير وهي موجودة في سورة الفرقان وقالوا أساطير الأولين إكتتبها فهي تملى عليه بُكرةً وأصيلا    وَقَالُوا أَسَاطِيرُ الْأَوَّلِينَ اكْتَتَبَهَا فَهِيَ تُمْلَى عَلَيْهِ بُكْرَةً وَأَصِيلًا ﴿٥

فبييجي القرآن بعديها بقى يقول إيه قل أنزله الذي يعلم السر في السماوات والأرض  قُلْ أَنزَلَهُ الَّذِي يَعْلَمُ السِّرَّ فِي السَّمَاوَاتِ وَالْأَرْضِ 

يعني لأ ده مش أساطير لأ ده ربنا هو الذي أنزله

إذاً لما 7 مرات أهل قريش بيتهموا محمد إن هو بينقل أساطير الأولين

قالوا أساطير الأولين إكتتبها فهي تملى عليه بُكرةً وأصيلا يعني خلَّى حد يكتبهاله وفيه حد بيمليه بُكرةً وأصيلا

إذاً فيه أساطير معينة كانت موجودة في الجزيرة العربية وهم كانوا على دراية بها أو بعضهم كان على دراية بهذه الأساطير

 وهم كانوا بيقولوه ده إنت ناقل من الأساطير دي

طبعاً هتلاقي باحثين زي محمد أحمد خلف الله يقولك إن كلمة أساطير مش معناها الأسطورة اللي إحنا نعرفها النهارده

كلمة أساطير هي يعني فكرة البعث مثلاً هم ماكانوش مؤمنين بيها

ف يبقى موضوع البعث بالنسبالهم بعد الموت ده أسطورة

القرآن فيه قصص كتيرة جداً ليها مصادر معلومة يعني إحنا عارفين القصص دي أصلها كان فين مصادر قبل القرآن

يعني لو لقينا مثلاً قصة زي يعني فيه مصادر معروفة طبعاً زي العهد القديم والتوراة هتلاقي نفس القصة موجودة هنا وإتنقلت وإتغيرت شوية

زي مثلاً قصة يوسف في القرآن هتلاقيها متاخدة إلى حدٍ ما من العهد القديم

لكن هتلاقي قصص أنبياء تانيين يعني ماتعرفش هو القرآن جابها منين بالظبط

لأنها مذكورة بشكل آخر في العهد القديم هتلاقي قصة إبراهيم مختلفة في العهد القديم

هتلاقي في العهد مش هتلاقي في العهد القديم ولا في سفر التكوين حاجة إن قوم إبراهيم رموه في النار دي مش هتلاقيها

لكن هتلاقيها في اساطير يهودية تانية كانت موجودة في كتب التفسير الحاجات اللي إحنا بنقول عليها إسرائيليات

الحاجات اللي بعض المفسرين بيرفضوها ويقولولك دي إسرائيليات لأ الإسرائيليات موجودة في القرآن نفسه

إن هي مش موجودة في العهد القديم لكن موجودة في القرآن نفسه

هتلاقي قصص كتيرة زي قصة محمد وأبو بكر في الغار ، يقول لصاحبه لا تحزن إن الله معنا ، هتلاقيها موجودة في الأدب المسيحي قصة فيلكس النولي وهنبقى نتطرقلها في حلقة أخرى

هتلاقي قصة زي قصة لقمان ، هتلاقتيها موجودة في الأدب الأشوري

بحذافيرها وبنفس الأسلوب ، حتى إن أنكر الاصوات لصوت الحمير هتلاقيها بشكل أو بآخر موجودة بردوا في هذا الشئ

النهارده هنبدأ بالكلام عن قصة أهل الكهف الموجودة في القرآن

عندنا سورة في القرآن إسمها سورة الكهف أنا يعني يمكن كل يوم جمعة في حياتي كنت بقرا السورة دي

إِنَّهُم فِتيَةٌ آمَنوا بِرَبِّهِم وَزِدناهُم هُدًى ﴿١٣ القصة دي القرآن مابيقولش عنها إنها أسطورة ، او إن هي مثل يعني احياناً يقولك وَاضرِب لَهُم مَثَلًا رَجُلَينِ جَعَلنا لِأَحَدِهِما جَنَّتَينِ  ممكن تكون قصة ماحصلتش ربنا بيضرب مثل ، لكن في دي بالذات القرآن بيقول نَحنُ نَقُصُّ عَلَيكَ نَبَأَهُم بِالحَقِّ  يعني ده خبرهم ودي حقيقة حصلت

قصة أصحاب الكهف طبعاً معروفة ، مجموعة من الفتية دخلوا مغارة وناموا وربنا ضرب على أذانهم سنين عددا فَضَرَبنا عَلى آذانِهِم فِي الكَهفِ سِنينَ عَدَدًا ﴿١١ وفضلوا نايمين في الكهف ثَلاثَ مِائَةٍ سِنينَ وَازدادوا تِسعًا ﴿٢٥ يعني 300 سنة و9 دي القصة المذكورة في القرآن وكان معاهم كلب باسِطٌ ذِراعَيهِ بِالوَصيدِ  وبيحرسهم

دي القصة وبعدين صحيوا بعد كده وراحوا المدينة بالعملات بالعملة اللي معاهم وإكتشفوا إن العملة دي قديمة وإن هم كانوا في عصر تاني خالص

أنا عمري ما فهمت القصة دي مغذاها إيه في القرآن وإيه اللي حاططها هنا بالظبط ؟

ليه سورة الكهف وليه القصة يعني ما هو المغزى منها ؟

معي في الأستديو الأستاذ محمد المسيح

حامد: أهلاً بيك أستاذ محمد

محمد المسيح: أهلاً وسهلاً

حامد: أنا طبعاً قرأت إن قصة أصحاب الكهف تقريباً زي ما هي موجودة في القرآن كده موجودة في الأدب السرياني على أساس إن هي قصة رمزية

محمد المسيح: نعم

حامد: مش حاجة حصلت بجد

محمد المسيح: نعم

حامد: ما مصدر سورة الكهف أو قصة أصحاب الكهف في القرآن؟ وكيف هي موجودة في الأدب السرياني ؟

محمد المسيح: نعم قبل الحديث عن هذه القصة أود أن أشير إلى كلمة أساطير ومعناها لأنه كلمة أساطير هي مشتقة من فعل سطَّر وسطر بمعنى

حامد: كتب

محمد المسيح: بمعناها القديم كتب ودوَّن فبالتالي هذه القصص التي هي موجودة ومذكورة في النص القرآني هي فعلاً موجودة في كتب قديمة في كتب أخرى سواء منها المدراش أو الكتاب المقدس أو بعض الملاحم كـ ملحمة جلجامش وغيرها من الكتب

وهذا يعني في حد ذاته يعني إن دل على شئ فإنما يدل على التفاعل اللي كان موجود في ظهور أو عند ظهور هذه النصوص أو  النص عند ظهور هذه النصوص في القرن السابع الميلادي

ف قصة أهل الكهف كما حضرتك قولت هي قصة رمزية كتبها يعقوب السروجي في أواخر القرن الخامس الميلادي وبداية القرن السادس

حامد: أي قبل ظهور الإسلام

محمد المسيح: يعني بـ تقريباً أكتر من 100 سنة قبل ظهور الإسلام

هو طبعاً كان المغزى منها هي قصة غير حقيقية يعني قصة رمزية يعني تدل على كموعظة لأنه هو كان عالم لاهوتي يعطي مواعظ في ميماره ، ف هذه القصة بالذات موجودة في ميمار يعقوب السروجي كتبت باللغة السريانية

وطبعاً هذه القصة أو هذه المخطوطة نسخت عنها العديد من المخطوطات سواء باللغة السريانية او بلغات أخرى وترجمت للغات أخرى كاللغة العربية واللغة القبطية واللغة الأمهارية الأثيوبية

حامد: طب النص الأصلي موجود فين النص الأصلي لهذه المخطوطة موجود فين ؟

محمد المسيح: النص الأصلي أو النص السرياني ممكن نقول إنه أقدم نص موجود في في مكتبة الفاتيكان

ممكن نعطي فيه هنا اااا نص المخطوطة باللغة السريانية

وأود أن أقول أنه إنه النص بالسرياني يعني موجود في أقدم نص مكتوب إتكتب في موجود حالياً في المتاحف والمكتبات يعني يعود إلى القرن السابع الميلادي يعني في فترة ظهور الإسلام

ونجد نسخ أخرى تعود حتى للقرن السادس عشر الميلادي

حامد: طيب ااا ما هي اوجه التشابه بين نص يعقوب السروجي وبين قصة أصحاب الكهف الموجودة في القرآن؟

محمد المسيح: نعم هي شبيهة جداً ما عدا بعض الإختلافات البسيطة

ف مخطوطة يعقوب السروجي لما كتبها كان الهدف من وراءها كان تأكيد عقيدة البعث دي من جيهة

من جيهة اخرى كذلك تأكيد الإضطهاد اللي حصل في بدايات القرون الأولى الميلادية يعني الإضطهاد اللي حصل على المسيحيين والكنيسة الأولى

كذلك إنتصار المسيحية والعقيدة المسيحية في عصر من العصور فأصبحت الدولة المضطهِدة اللي هي دول الروم أصبحت هي تعتنق كدولة تعتنق الديانة المسيحية

وإنتشرت الديانة المسيحية بشكل واسع جداً وهذا هو الهدف اللي من وراءه جعل يعقوب السروجي أن يكتب هذه القصة كوعظة كرمز

وطبعاً هو قد إستعان ببعض ببعض الأجزاء من سيرة مثلاً من سيرة القديس فيلكس النولي خصوصاً إنهم أووا إلى مغارة وإستخبوا من الإضطهاد

حامد: القصة قصة يعقوب السروجي بإختصار هي مجموعة من الجنود وبالتحديد هو حدد عددهم هو قال 7

محمد المسيح: قال إنهم 7 طبعاً

حامد: حتى ذاكر أسمائهم كقصة يعني إن هم كانوا جنود آمنوا بالمسيحية

محمد المسيح: نعم

حامد: و في وقت في العصر في القرن الثالث كان الميلادي يعني قبل أن تصبح الدولة الرومانية مسيحية

ورفضوا الخدمة في الجيش لأنهم لا يريدون أن يقتلون

لا يريدون أن يخدموا في جيش الدولة الرومانية

ولجأوا إلى مغارة وأغلقوا عليهم باب المغارة وناموا في المغارة 372 سنة

ويمكن يكون هذا أحد الفروق يعني إن هو في القرآن يقول 309 لكن في القصة الأصلية يقول 372 سنة

وحين إستيقظوا مرةً أخرى كانت الدولة الرومانية اصبحت مسيحية

محمد المسيح: نعم صحيح

حامد: ف مفهوم العظة كما فهمت من حضرتك إن هو بيقولهم يعني شوفوا إحنا كنا فين وبقينا فين ؟

كانت الدولة الرومانية كانت غير مؤمنة  وهو وأصبحت مؤمنة

خلال نوم الجنود

محمد المسيح: نوم الفتية نعم

حامد: وإن الله يحرس المؤمنين ويحافظ عليهم ،والمغارة هي رمز إن ربنا اواهم وكده يعني ،ده الفكرة في في ال في ال القصة

محمد المسيح: كذلك ذكر يعقوب السروجي إنها حصلت في أفسس في مدينة أفسس هو محدد كذلك

حامد: المدينة ، مدينة أفسس موجودة في تركيا النهارده

محمد المسيح: في تركيا نعم

فهو حدد حتى تاريخها أو إطارها التاريخي يعني بـ إطارها التاريخي بحيث إنه من فترة الإضطهاد لغاية فترة ال إزدهار المسيحية وإنتشارها

كما قولنا أن هذه المخطوطة موجودة في عدة مكتبات ، كمكتبة الفاتيكان والمكتبة الوطنية الفرنسية وكذلك المتحف البريطاني لو لو شوفته

حامد: بأي لغات موجودة هذه ؟

محمد المسيح: مثلاً باللغة الأمهرية كما نشاهد على على الصورة لمن يريد …

حامد: الأمهرية هي لغة إثيوبية قديمة

محمد المسيح: نعم نعم ، ف ده هو رقمها العلمي لو أحد عايز يعرف هي موجودة فين

طبعاً الإختلاف في الترجمة تعطينا بعض الإختلافات البسيطة بحسب طبعاً المترجم

وبالنسبة لهذه القصة موجودة في القرآن هي دليل يعكس حقيقة وجود تراث مشترك بين العرب وما بين السريان

لهذا السبب هي موجودة في القرآن لأنه كان فيه أخد وعطاء كان في سؤال عن من هم هؤلاء الفتية

كم كان عددهم ، ربما كانوا من يسأل أعتقد بحسب الموروث الإسلامي اللي هو

حامد: نضر إبن الحارس

محمد المسيح: نضر إبن الحارس كان سأل هذا السؤال أو 3 أسئلة من هم أو عدد فتية أفسس وذو القرنين من هو ذو القرنين وكذلك

حامد: ما هي الروح ؟

محمد المسيح: وما هي الروح ؟

هذا إن دل على شئ إنما يدل على تفاعل ما بين الثقافات

ف هذه المعلومات وخصوصاً بالنسبة لقصة يعقوب السروجي

اللي هي قصة أهل الكهف هي كانت منتشرة على إطار واسع وكانت معروف حتى لل لل  للشعب يعني

الكل يعرف هذه القصة وكانت تتداول

حامد: بس مش كان الكل يعرف إنها قصة رمزية وإن هي ليس لها أصل تاريخي

لأن القرآن يحكيها على أساس إنها قصة حدثت بالفعل وليست مجرد عظة أو رمز وده يمكن نقطة نقطة الإختلاف الأولى

محمد المسيح: نعم فربما نظراً لتفاسير علماء الإسلام يظهر من خلال التفاسير أنها قصة حقيقية ولكن النص القرآني نفسه لا يعطي هذه لا يعطي بوضوح هذه الظاهرة

حامد: لأ النص القرآني بيقول نحن نقص عليك نبأهم بالحق

محمد المسيح: نعم

حامد: دي مافيهاش …. شك يعني ماقالش وأضرب لهم مثل أصحاب الكهف ، قال نحن نقص عليك نبأهم بالحق

إذاً فدول القصة دي حصلت وأنا بأحكيهالك زي ما حصلت بالظبط وباقولك اللي حصل

الغريب في النص القرآني إن يعني حسب أسباب النزول النضر إبن الحارس زي ما حضرتك تفضلت جه يتحدى محمد ويسأله أسئلة، أسئلة تعجيزية

محمد المسيح: صحيح

حامد: يعني إذا كنت إنت مرسل من السماء طب أنا عندي ليك أسئلة جاوبني عليها أو خلي الوحي يجوابك عليها

محمد المسيح: نعم نعم لأنه  …. اسف قاطعت كلامك

حامد: أول أول نقطة قاله إيه أخبار أصحاب الكهف يعني كام عددهم؟ ماقالش أصحاب الكهف قال يعني فتية إفسس

وكانت معروفة على أساس إنهم فتية إفسس أو النائمون في إفسس في مغارة إفسس وسأله عن الروح وسأله عن ذو القرنين

والقصة حتى في التفاسير الإسلامية يقولك إن الرسول قال له يعني غداً سآتيك بالإجابة

ومر الغد ومر يومين ومر أسبوع وأسبوعين وماجاش الإجابة

وكان فيه إحراج تَحَرُّج ولذلك إحنا نجد في في في نهاية قصة أصحاب الكهف في القرآن ولا تقولن في شئ إني فاعلٌ ذلك غداً إلا أن يشاء الله

وَلا تَقولَنَّ لِشَيءٍ إِنّي فاعِلٌ ذلِكَ غَدًا ﴿٢٣ إِلّا أَن يَشاءَ اللَّـهُ 

يعني إيه المرة الجاية ماتوعدش حد إنك هاتجيبله الوحي بكره يعني إيه الموضوع محتاج وقت عشان نجمع المعلومات تقريباً كده يعني إيه يعني مش على طول كده

ف واضح إنه كان بيحاول يبحث وإنه يجمع عشان يجيب هذه المعلومة

ف هو الراجل كان عايز يعرف منه عدد الفتية ، طيب القصة الأصلية بتقول إن هم 7 وأسماءهم موجودة أنا مستغرب ليه القرآن يجيي ويقول سيقولون ثلاثة ورابعهم كلبهم ويقولون خمسة وسادسهم كلبهم رجماً بالغيب  سَيَقولونَ ثَلاثَةٌ رابِعُهُم كَلبُهُم وَيَقولونَ خَمسَةٌ سادِسُهُم كَلبُهُم رَجمًا بِالغَيبِ   يعني يعني أنا ماكنتش فاهم ليه ربنا يقول قالوله ، يعني هو ربنا المفروض عارف القصة وعارف العدد وعارف كل حاجة ف ممكن يوقلك هم 7 وكان معاهم كذا وكذا وكذا

محمد المسيح: نعم ، ف كما قلت إن هو تراث مشترك و يعني حتى العامة كانت تعرف هذه القصة لكن لم تكن تعرفها بتفاصيلها

لإن التفاصيل دي كانت عند علماء الكتاب المقدس أو أو عند الفئة المثقفة فلهذا السبب الحارس سأل هذا السؤال

لو كانت أسباب النزول هي أسباب حقيقية أو هي لأنه في بعض ااا يرفض هذه ال هذه ال أسباب النزول هذه

ف بالنسبة للتفاصيل الموجودة في قصة يعقوب السروجي هي طبعاً ذكر أسماء الفتية وذكر عدد السنين وذكر المكان وذكر كل المعلومات اللي هي موجودة

ف هذه المعلومات لا نجدها في القرآن ليه؟ لأنه مش راح تفيد شئ بالنسبة كفكرة كجوهر

حامد: هو القرآن عموماً بيتجنب الخوض في تفاصيل لما بيحكي قصة بيحكيها على الطاير زي ما بيقولوا مافيش بس غير سورة يوسف هي اللي قصة محكية من أولها لأخرها

غير كده دايماً مافيش تفاصيل حتى قصة إبراهيم تلاقيها مشتتة على  بعض السور ومجرد شذرات

طب السؤال اللي اللي يهمنا عشان الوقت ااا موجود في القرآن أصحاب الكهف والرقيم

محمد المسيح: نعم

حامد: ماذا تقول التفاسير عن هذا الرقيم أنا مش عارف يعني إيه أصحاب الكهف والرقيم ؟

محمد المسيح: نعم هو الموروث أو ال علماء الإسلام إختلفوا في معنى كلمة الرقيم على عدة تفاسير أعتقد 15 تفسير لـ كلمة الرقيم وأنا أعتبرها تأويلات

ف منها مثلاً الرقيم هي اللوحة المكتوب عليها أسماء هؤلاء الفتية

منها كذلك إسم القرية اللي هي بقرب الكهف

منها كذلك إسم الكهف نفسه

منها كذلك إسم الكلب اللي كان موجود معاهم رغم إن فيه أسماء أخرى لهذا لهذا الكلب ف

حامد: كويس إن حضرتك ذكرت الكلب لإن في الأسطورة الأصلية أو في القصة الأصلية ليعقوب السروجي مافيش كلب

محمد المسيح: نعم نعم صحيح

حامد: يعني الكلب موجود في القرآن بس وكلبهم باسطٌ ذراعيه بالوسيط

محمد المسيح: نعم

حامد: ليه هنا فيه كلب وليه هنا مافيش كلب ؟

محمد المسيح: نعم كلمة الرقيم هي ال أو كلمة الرقيم لو عُدنا للنص ف نجد بدل كلمة الرقيم كلمة الرقيب

حامد: الرقيب

محمد المسيح: نعم وكلمة الرقيب هي كيف تطورت من كلمة الرقيب إلى كلمة الرقيم هو هو تطور هو تطور لغوي يعني في في فترة معينة لأنه حرف الباء والميم بياخدوا مكان بعضهم في بعض الأحيان لو أعطينا مثال مثلاً نقول إمرأة حبلت أو حملت

حامد: نفس المعنى

محمد المسيح: نفس نفس المعنى

حامد: حتى في القرآن موجود إِنَّ أَوَّلَ بَيْتٍ وُضِعَ لِلنَّاسِ لَلَّذِي بِبَكَّةَ  وبكة ومكة قالك إن نفس الشئ

محمد المسيح: مثلاً ممكن نقبل هذا المثال

ولكن حتى بالنسبة للخط لو لو الناسخ ضغط شوية على النبرة بحرف الباء ممكن تظهر كـ ميم ف هذا هذا إحتمال إحتمال وارد لكن

حامد: يعني ممكن يكون النص القرآني الأصلي هي أصحاب الكهف والرقيب

محمد المسيح: والرقيب نعم

حامد: طيب لو الرقيب هيبقى معناها إيه ؟

محمد المسيح: الرقيب معناها ب ااا  ااا في النص السرياني ، معناها الملاك اللي هو كان بيحرس أسجاد الفتية

وبهذا المعنى لو عايز أقرا لحضرتك النص الأصلي باللغة العربية

حامد: اه يا ريت

محمد المسيح: بتقول بيقول النص الأصلي: صعدوا الجبل ودخلوا الكهف ومكثوا فيه وصلوا إلى الرب في صوتٍ حزين قائلين: نتضرع إليك أيها الرب الراعي الذي إختار عبيده

إحمي قطيعك من الذئاب العطشى للدماء ، فرأى الرب الإيمان في الحملان المباركة فجاء كي يعطيهم مفاجأة عظيمة لتعويضهم ، أخذ أرواحهم ووضعها في السماء وجعل رقيباً ليحرس أجسادهم

كلمة رقيب هاهنا بين قوسين معناها ملاك ف كل من درس هذه المخطوطة يعرف أن أن القصد هو ملكا وليس ب كلب

حامد: يعني ده يعني شئ اااا interesting  يعني إن أنا وأنا بأقرا ترجمة النص القبطي هو النص القبطي الموجود في روما

لقيت فيه إنه كاتب وأن ملاك الرب حرسهم تحت ظلال أجنحته وستر عليهم فلم ينلهم شئٌ من الشر

محمد المسيح: نعم

حامد: ملاك الرب بسط أجنحته عليهم كي لا يصيبهم شئٌ من الشر

محمد المسيح: نعم

حامد: هل ممكن حكاية يعني كلبهم باسط ذراعيه بالوسيط يعني النص الأصلي بيقول إن فيه جناح ملاك باسط أجنحته ليحمي الفتية النائمين

محمد المسيح: نعم

حامد: والنص القرآني بيقول إن الكلب هو اللي باسط ذراعيه ، ليه الإختلاف ده ؟

محمد المسيح: نعم ، ف لو شوفنا في الل يعني عشان نفهم موضوع موضوع الكلب، لازم نرجع للمخطوطات القديمة لأنها تقدر تساعدنا على على فهم المموضوع إيه هو

كما كما الكل بيعرف إن المخطوطات القديمة لم تكن فيها تنقيط أو تشكيل أو تهميز ، ف لو شوفنا مثلاً على الشاشة

حامد: دي من مخطوطة سمرقند؟

محمد المسيح: مخطوطة سمرقند نعم ، ونلاحظ هنا كلمة وكلبهم وكلبهم اا يعني

حامد: بدون تنقيط

محمد المسيح: بدون تنقيط ف الكلمة هذه ممكن تكون لها قرءات أخرى ، طبعاً قراءة الجماعة تقول وكلبهم باسطٌ ذراعيه بالوسيط

ولكن هناك قراءات أخرى يعتبرها البعض أنها قراءة شاذة لكن هذه القراءة هي أقرب القراءات للنص الأصلي

وهي قراءة لأبو عمر سوري لأبي عمر الزاهد موجودة في في معجم القراءات للخطيب

ف هذه القراءة بتقول كالِئُهم بدل من كلمة كلبهم بتقول كالئهم طبعاً الألف ألف المد ماكانتش موجودة وقتها فهو قرأها كالئهم وبما أن

حامد: كالئهم معناها؟

محمد المسيح: حافظهم بمعنى حافظهم

حامد: هي جاية منها الفعل يكلأ

محمد المسيح: نعم نعم ف طبعاً الهمزة ماكانتش موجودة أو لم تكن موجودة وكانت هي من إختراع الخليل إبن أحمد الفراهدي ولكن أصل الكلمة كليهم وكليهم باسطٌ ذراعيه

وكلمة كليهم دي معناها إيه ؟ اااا يعني لو لو إحنا في ال اااا في اللغة العربية بنقول كلمة كِلَى أو الكلية فالكلية دورها تحفظ الدم من الفساد

حامد: هو فيه أنا أعرف في سورة الأنبياء أعتقد موجود آية بتقول قُل مَن يَكلَؤُكُم بِاللَّيلِ وَالنَّهارِ مِنَ  الله ف بالظبط قُل مَن يَكلَؤُكُم بِاللَّيلِ وَالنَّهارِ مِنَ الرَّحمـنِ

محمد المسيح: نعم بمعنى يحفظكم

حامد: يحفظكم؟

محمد المسيح: نعم

حامد: ف إذاً معنى كليهم باسطٌ ذراعيه بالوقيد حارسهم

محمد المسيح: حارسهم وهذا الحارس يعني ليس كلب لأنه لأنه لو كان كلب يعني أولاً لأنه لما عدَّد الإحتمالات تلاتة ورابعهم كلبهم ف هنا الكلب والكلب حيوان كيف يمكن ضمه لـ للـ ااا  للبشر لهذا جاءت القراءات ما سميت بالقراءات الشاذة

حامد: يعني كاليهم كاليهم باسطٌ ذراعيه بالوقيد هو الملاك الحارس الباسط ذراعيه

محمد المسيح: بالظبط نعم

حامد: فيه حتى آية في القرآن بتقول والملائكة باسطوا أيديهم وَالمَلائِكَةُ باسِطو أَيديهِم  يعني إن هم لل للحفاظ يعني فاتحين إيديهم كده

محمد المسيح: نعم

حامد: إذاً النص القرآني خلى من الملاك كلب

محمد المسيح: لأ مش النص القرآني لكن التفاسير والقراءات

حامد: القراءة … والقراءات

محمد المسيح: لأنه ما يسمى بأسباب النزول هي اللي جعلت هذا التفسير إنه أصبح هكذا لأنه التنقيط لما صار فيه تنقيط ، صارت فيها هذه الإشكالية

حامد: إذاً المفسرون جعلوا من الملاك كلب –أستغفر الله العظيم يا رب-

اااا نراكم في الحلقة القادمة سنواصل الحديث عن أساطير القرآن ومصادر القرآن

أشكرك ضيفي العزيز الأستاذ محمد المسيح

ونراكم على خير في الحلقة القادمة


Download text file

Box of Islam 030

You may also like

ملخص تاريخ الاسلام بداية ونهاية
لم يستجب ياأخوة لمحمد في مكةخلال 13 سنة من الدعوة لم يستجب لدعوته لم [...]
6 views
ندوة للاستاذ حامد عبد الصمد في المغرب بعنوان التنوير فوبيا (الجزء الاول)
احمد عصيد: مساء الخير, يُسعدنا أن يكون معكم في هذا اللقاء الفكري الذي [...]
3 views
مين اللى سرق مصر،الحلقه التاسعة عشر: دور العبادة في مصر
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة الثامنة عشر: إسلام التصدير وإسلام التكفير
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة السابعة عشر: الأزهر عامل زي سُوستة
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة السادسة عشر: مأساة التعليم في مصر
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة الخامسة عشر: خليك فاكر مصر جميلة
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة الرابعة عشر: الإعجاز العلمي في البناء المصري الحديث.
انهارده عايز اكلمكم عن موضوع الإعجاز العلمي في البناء المصري طبعًا [...]
0 views
مين اللي سرق مصر، الحلقه الثانية عشر، البرفان والشعب القرفان
مين اللي سرق مصر مين اللي سرق مصر مين اللي سرق مصر مين اللي سرق مصر [...]
2 views
مين اللي سرق مصر، االحلقة الحادية عشر ، أولاد حارتنا
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views

Page 1 of 13

اترك تعليقاً

لن يتم نشر عنوان بريدك الإلكتروني.