صندوق الإسلام 37: التشابه التنظيمي والفكري بين الإسلام والفاشية

أهلاً بيكم في حلقة جديدة من صندوق الإسلام، سنواصل الحديث عن الفاشية الإسلامية،

تحدثنا في الحلقة السابقة عن نقاط التشابه الأيديولوجية والتطبيقية أو العملية بين الحركة الفاشية وبين الفكر الإسلامي أو ممكن نقول فكر الإسلام السياسي

إتكلمنا عن الأيديولوجية التي تقسم العالم إلى عدو وصديق إلى مؤمن وكافر

الأيديولوجية التي ترى نفسها أنها صفوة إختارها الله لتسود البشرية

إتكلمنا عن فكرة الموت وتقديس الموت

وفكرة الجهاد أو الكفاح كهدف في حد ذاته

إتكلمنا عن دور العدو للفكر الفاشي وللفكر الإسلامي، إن العدو دايماً مهم إن إحنا بنركز على العدو أكتر ما بنركز على الصديق أو أكتر ما بنركز على مجتماعتنا، إحنا دايماً فيه العدو بيتربص بنا بدوائر، العدو دائماً عايز يدمرنا

إحنا في قاع الأمم إقتصادياً وعسكرياً وسياسياً بس الأمم بتتربص بينا بردوا

هوليود بتعمل أفلام عشان تدمر شبابنا

من كام يوم شوفت فيديو لداعية سعودي بيقول إن ماكدونلز بتعمل هامبورجر إن هو بيضعف الحيوانات المنوية عند الرجال عشان المسلمين يبطلوا يجيبوا أولاد

الفيديو: “يحطوهم مع اللحم هذا الذي يأتي من الخارج، مادة تقتل لدى الرجل ولدى المرأة الجينات المنوية الذكورية تقتل الجينات الذكورية لدى الرجل أو لدى الحرمة، من أجل أن يكثر عدد النساء أكثر من الرجال لأنهم يعرفون بأن الرجال قوة قادمة وجيش وأمل لكل القيادات في العالم”

يعني قمة نظريات المؤامرة، نظرية المؤامرة دايماً بتيجي من شخص عنده وسواس قهري، عشان هو ضعيف، عشان هو مش واثق من نفسه، بس مش عايز يعترف بضعفه

 فبيعوض نقص أو عقدة النقص اللي عنده دي بإن هو يمجد وينفخ في ذاته بشكل كبير، ف بتبتدي ذاته تطير في الهوا وتفقد علاقتها بالواقع وبأرض الواقع

الغرب دايماً هو اللي بيتربص بينا لو سمكة قرش ظهرت في شرم الشيخ يبقى الإسرائيليين هم اللي باعتنها عشان يضربوا السياحة

أي حاجة “خائن عميل” “خائن عميل” “خائن عميل” المصطلحين دول أكتر بلاد بتسمعهم فيها هي البلاد العربية أو الإسلامية

يعني أنا عشت في ألمانيا وعشت في سويسرا وعشت في فرنسا وعشت في أمريكا وعشت في اليابان وعشت في هونج كونج، عمري ما سمعت مصطلحات “خائن وعميل” دي إلا في بلادنا إحنا بس!!

طب هو الخيانة والعمالة مش المفروض تبقى في الدول الكبيرة اللي إقتصادها مهدد واللي جيوشها العسكرية اااا يعني فيه منافسة بينهم وبين بعض

الغرب لما يحب يتربص بحد طب ما يتربص بالصين ولا يتربص بروسيا ولا يتربص بالقوى العظمى دي عشان يعمل مؤامرات

لكن إحنا هيعمل علينا مؤامرات على إيه ؟؟

ما إحنا مؤامراتنا في قلبينا كافيانا يعني

فـ الجانب الأيديولوجي في العلاقة بين الفاشية والإسلام واضح جداً في النقاط دي

فيه بقى الجانب التنظيمي والجانب العسكري والجانب الفكري اللي فيه تشابه كبير

أول حاجة فكرة الترهيب الفكري التخويف العقاب الجسدي موجودة في الأيديولوجيتين

فكرة القائد المُلهِم الذي لا يأتيه الباطل من بين يديه ولا من خلف

فكرة الأيديولوجية التي لا تقبل طرح أسئلة، وهنا بالضبط الفرق بينا وبين المجتمعات المتقدمة

إن المجتمعات المتقدمة هي ثقافة طرح أسئلة، دايماً يتساءل مافيش حاجة إسمها مسلمات

ليه؟! الحياة في تطور !! والمسلمات تتغير بتغير الزمن، وتتغير بطبيعة علاقة البشر ببعض

لكن الفاشي والإسلامي يحتاج مسلمات ثوابت، “ما عُلِم من الدين بالضرورة” ، روموز الأمة

يحتاج قائد مُلهِم لا يُنتقد، يحتاج فكرة الرقابة 24 ساعة

الفاشي لا يثق في شعبه، زي ما الإسلامي لا يثق في شعبه

لما الفاشي بيوصل للحكم بيحاول إن هو يسعى إلى التمكين

لما الإسلامي بيصل للحكم بيحاول إنه يتحكم في كل تصرفات البشر حتى من لبسهم لعطرهم لزينتهم كل شئ حتى غرف نومهم

ليه؟! لأنه لا يثق في شعبه، لأنه هو دايماً يرى خطورة في أن أي حرية هي بداية دايماً للإنحراف

أي سؤال أو علامة إستفهام هي خطر!!

وده الفرق المجتمع المدني الحديث هو مجتمع يطرح أسئلة ويمجد السؤال ويعطي للسؤال حقه

المجتمع الفاشي أو الإسلامي أو الدكتاتوري هي ثقافة إجابات مغلَّفة جاهزة، الحقيقة موجودة في جيبي، ماتفكرش

“لا تجادل ولا تناقش يا أخي” هذا مبدأ كان من الإخوان المسلمين من ساعة ما إتأسست الجماعة سنة 28

طب لو هنحكي قصة الفاشية الإسلامية، نبدأ منين؟؟

هنبدأ من داعش وفتح الموصل، ولا نبدأ بمحمد وفتح مكة، نبدأ بمذبحة ليبيا وقتل الأقباط وذبحهم ولا نبدأ بمذبحة يهود بني قريظة في المدينة

لو عايزين نُأسس الفكر الفاشي الإسلامي، جه منين ؟؟

هنبدأ بتأسيس الإخوان المسلمين ومبادئ الإخوان المسلمين ومشروع الخمسين نقطة اللي عمله حسن البنَّا ولا نرجع للقرآن نفسه والأحاديث اللي مهدت لهذا الفكر

هنبدأ بإبن حنبل ولا إبن تيمية ولا محمد إبن عبد الوهاب؟

إحنا في لعبة البحث عن جذور داعش بنحب دايماً نلعب لعبة الكراسي الموسيقية

مش عايزين نشخَّص المرض عند بدايته، لا لا لا بس ده هم الإخوان هم اللي عملوا الــ

أه طبعاً الإخوان هم اللي ….. ، بس الإخوان دول نتاج إيه؟ ما هو الإخوان هم نتاج فكر إسلامي سلفي إصطدم بالحداثة

طب السلفيين دول أصلهم فين ؟ محمد إبن عبد الوهاب بس ؟؟!!

طب ما محمد إبن عبد الوهاب كان جايب أفكار إبن تيمية، طيب إبن تيمية ماإخترعش حاجة من عنده ما هو جايب من الفكر بتاع أهل السنة والجماعة وإبن حنبل،

طب إبن حنبل جاب المبادئ بتاعته دي منين ؟؟ إبن حنبل جايب مبادئه من القرآن والسنة

ماإخترعوش حاجة من عندهم هي سلسلة وهي الفاشية كده هي سلسلة من الأفكار متوارثة عشان مافيش ثقافة طرح سؤال، علشان مافيش ثقافة تشكيك

الغرب قام بحداثته على مبادئ تنويرية، وأهم مبدأ من المبادي دي المبدأ اللي قاله ديكارت “أنا أشك، إذاً أنا موجود” لأن الشك هو حافز على السعي نحو الإجابة

الشك فضيلة، إحنا عندنا الشك خطيئة، إحنا عندنا النبي كان بيدعو “اللهم إني أعوذ بك من الشك” ، “يا مُقلِّب القلوب ثبت قلبي على طاعتك”

مافيش حاجة إسمها شك، الشك خطورة لأن الشك ممكن يخليك تحيد عن الإيمان

داعش بدإت منين جذورها فين ؟؟؟ إنسى حكاية صناعة أمريكية، وإنسى الصراع الشيعي السني بين السعويدية وإيران هو اللي …. لأ !!

الصراعات دي كلها عمالة تتكرر من 1400 سنة بحذافيرها، وحمامات الدم ماتوقفتش

إقرا التاريخ كويس مش التاريخ بتاع أبلة عفاف بتاعة التربية الإجتماعية التاريخ الجميل الكيوت Cute، إقرا التاريخ اللي بجد، التاريخ الموثق تاريخ الدم تاريخ الـ 270 مليون إنسان اللي راحوا ضحايا الفتوحات الإسلامية منذ فتح مكة وحتى إنتهاء الدولة العثمانية

ويستمر لو حسبت ضحايا الإرهاب من ساعة تأسيس الإخوان والجماعات الإسلامية وبوكو حرام وداعش وطالبان وغيرهم وغيرهم وغيرهم

داعش بدإت من فين ؟؟؟ مين اللي أسس هذه المنظمة الإرهابية ؟؟؟
اللي أسس هذه المنظمة الإرهابية هو شخص قال “من بدل دينه فأقتلوه”

اللي أسس داعش هي آية تدعو المسلمين أن يقاتلوا الذين كفروا من أهل الكتاب من الذين لا يدينون دين الحق من أهل الكتاب حتى يعطو الجزية عن يدٍ وهم صاغرون   (  قاتِلُوا الَّذينَ لا يُؤمِنونَ بِاللَّـهِ وَلا بِاليَومِ الآخِرِ وَلا يُحَرِّمونَ ما حَرَّمَ اللَّـهُ وَرَسولُهُ وَلا يَدينونَ دينَ الحَقِّ مِنَ الَّذينَ أوتُوا الكِتابَ حَتّى يُعطُوا الجِزيَةَ عَن يَدٍ وَهُم صاغِرونَ ﴿٢٩﴾  )

اللي أسس داعش هو اللي صوَّر للمؤمنين إن ربنا مقاتل وبيقاتل إلى جوار المسلمين ضد من هم لا يدينوا بهذا الدين

يعني كان فيه 400 – 500 أو 1000 أيام غزوة بدر، بس هم اللي ربنا معاهم وكل باقي البشرية كُفَّار يستحقوا القتل وربنا بينزل بملائكته بل بنفسه وبيحارب وَما رَمَيتَ إِذ رَمَيتَ وَلـكِنَّ اللَّـهَ رَمى وما قتلتهم وَلـكِنَّ اللَّـهَ قَتَلَهُم قتلهم الله قتلهم الله قاتل !!

اللي صوَّر الله على إنه قاتل هو اللي أسس داعش

اللي صوَّر الله إنه قاعد يراقب مين يعشق مين، ومين ينام مع مين، ومين يتْرِجم لهذا السبب، ومين يقتل، ومين ينفى، ومين تقطع أيديه وأرجله من خلاف. هو ده اللي أسس داعش، مستغربين، وبنقولها بالفوم المليان الإسلام برئ من داعش

ده الإسلام ده برئ من حاجات كتيرة أوي يا أخي، الإسلام برئ من داعش وبرئ من إضطهاد المرأة وبرئ من إضطهاد الأقليات

االقرآن يقولك   حَتّى يُعطُوا الجِزيَةَ عَن يَدٍ وَهُم صاغِرونَ ﴿٢٩﴾ لكن المسلم يقول ده إحنا طول عمرنا عايشيين مع الإخوة الأقباط في سلام وأم محمد جمب أم جرجس والبيت جمب البيت ومافيش أي مشاكل

لأ والمصيبة إن أم جرجس تقول اه ده إحنا طول عمرنا عايشيين مع بعض في سلام، ما هي هتعمل إيه ؟!! غلبانة يعني !!

الإسلام برئ من كل حاجة لا إضطهاد مرأة لا عنف لا إرهاب لا ترهيب لا تخويف لأ

النصوص واضحة وصريحة وبتنبض، وحمامات الدم خارجة من خراطيم الآيات مباشرةً، بس الإسلام برئ!!

طب أنا بأقول كده عشان خاطر الناس تبطل تصلي وتبطل تصوم؟ لأ، مطلقاً مطلقاً !!

أنا باقول إنه لابد قطع خراطيم حمامات الدم من جذورها الآيات التي تدعو إلى تكفير الآخر إلى قتل الآخر إلى ترهيب الآخر إلى إضطهاد الآخر عفى عليها الزمن عفى عليها الزمن ماتقوليش نفسرها تفسير عصري كان غيرك أشطر كان غيرك أشطر

شوف إسلام البحيري الإنسان اللي هو حاول إن هو ينقذ النبي وينقذ القرآن من ال ااا إتهمهم بالعنف أو بعدم التسامح ، جراله إيه ؟؟ حبسوه !!

شوفوا فاطمة ناعوت، اللي كانت دايماً تقول أنا ماخالفتش الشريعة وأنا عملت، بس قالت عن موضوع الأضحية إن إزاي الحيوانات دي تذبح بدون ذنب عشان خاطر واحد شاف في الحلم إنه بيدبح إبنه ؟؟!! قامت الدنيا و3 سنين حبس

وغيرهم بس إسألوا بقى فرج فوده مات إزاي ، ومحمود محمد طه اللي دايماً كان يقول آيات السِلْم اللي في مكة هي أصل الإسلام وآيات المدينة دي طارئة لأنها ردود أفعال عن حروب وعن مشاكل وعن تنافسات ولا تصلح لهذا العصر

لأ، إزاي إنت تقول كده إزاي تقول سياق وأسباب نزول هو ربنا محتاج سياق عشان يتكلم ربنا قال وَاقْتُلُوهُمْ حَيْثُ ثَقِفْتُمُوهُمْ ربنا قال وَقاتِلُوا المُشرِكينَ كافَّةً ما با ااا ما هو ربنا قال كده هو ربنا محتاج وقت وموقف عشان يدي أوامر، لأ !!

وهي دي الأزمة بقى الأزم مش إيه اللي موجود في الآية ، الأزمة إن إنت بتاخد الآية دب على إنها صالحة لكل زمانٍ ومكان هتحل الأزمة دي إزاي ؟؟؟

حتى لو جالك أكبر قائد عسكري في التريخ وقالك اااااا يا شيوخ الازهر أنا عايز إصلاح دي حصل في مصر، إيه اللي حصل بعديها ؟

بركات الإصلاح الديني مِغرَّقة الدنيا من ساعتها والعالم عمالة تتحبس أكتر من أيام الإخوان نفسهم

ليه؟ لإن الترعة اللي فيها الوباء ماجفتش، وخراطيم حمامات الدم ماتفصلتش

لا داعش قل بإصلاح الخطاب الديني ولا ملاحقة المفكرين والمصلحين والشعراء بطلت

ليه ؟ لأن ده مرض مستفحل في تفكيرنا مرض مستفحل في تفكيرنا، فكرة إن أنا رقيب على فكرك، أراقبك وإنت بتحلم، ممنوع تحلم كده ممنوع تتخيل ممنوع تفكر

المقدس، ما علم من الدين بالضرورة ، رموز الدولة ، كلها أشياء لها علاقة ببعض

هتقولي ده القدافي كان علماني وصدام….

كلها الثقافة جاية من خليط من حاجتين “الفاشية الإسلامية” أو “الإستالينية البدوية” هم الإتنين ولاد عم وطالعين ومنفدين على بعض ده بينتج ده وده بيعيد إنتاج ده

ماتقوليش العلمانية هي اللي قتلت والإسلام برئ، لأ كلهم ثقافة واحدة ومعجونين في بعض

الإسلام هو اللي تحالف مع هذه الإستالينية البدوية من 1400 سنة وأقام هذه الدولة دولة القمع دولة الخوف دولة الرقابة الذاتية (الفردية) والرقابة الجماعية

طيب داعش بريئة من الإسلام برئ من داعش براءة الذئب من دم إبن يعقوب، وحلينا  الأزمة كده؟؟!!

طيب إحنا عايزين إصلاح الخطاب الديني بقى ونورِّي الإسلام الصحيح، طيب الإسلام الصحيح ده ساكن فين؟ حد يديني عنوان دولة كده بتطبقه ونروح نشوفها قوانينها عاملة إزاي؟ بتتعامل مع البشر إزاي ؟؟ بتتعامل مع الإقليات إزاي؟؟

الإسلام الصحيح إتطبق فترة بسيطة جداً حاجة كده في إندونسيا لما نسيوا الإسلام خالص، كان فيه وقت علماني إبتدى يبقى فيه حريات إبتدى يبقى فيه حرية مرأة

لكن الإسلام ماتدخلش في ده بالعكس تحييد الإسلام هو اللي أنتج هذا الشئ

نفس الشئ في تركيا في الوقت اللي هو كان فيه علمانية وإنفتاح وتحرير المرأة وتعليم، إبتدت تصعد الدولة

جه عمك إردوغان عايز يرجع للخلافة تاني، شايفين بقى كله بيرجع محلك سر وللخلف سر !!

بتضحكوا على نفسكوا إسلام صحيح إيه !!

الإسلام الصحيح ممكن يكون إسلام جدتي وجدتك اللي ماكانش ليهم علاقة لا بسياسة ولا يعرفوا إيه كفر ولا إيه إلحاد ولا الكلام ده كله

يصلوا، يتبركوا بالقرآن ومش فاهمين معاني آيات مابيمضغوهوش، بيعوموله

ممكن ده نقول عليه اللي هو إيه إسلام أسيء فهمه لأنه نزع من روحه السياسية بس على الأقل بيخلي الناس عايشيين في سلام، بس ده مش إنجاز من إنجازات الإسلام لأ، ده تحييد الإسلام

إنه يبقى شئ شخصي في قبل الإنسان وبس

لكن مافيش حاجة إسمها الإسلام الصحيح يطبق

مافيش حاجة إسمها النظرية صح بس التطبيق غلط ، الكلام ده غلبوا الشيوعيين يقنعوا ببيه العالم إن النظرية الشيوعية في حد ذاتها صحيحة وسليمة بس تطبيقها غلط

لكن لما نظرية تتطبق 1400 سنة غلط تبقى نظرية ملعونة!!

يبقى فيها ملعوب في أساسها، يبقى فيه مشكلة في أساسها

فيه نظرية في الدنيا تفضل 1400 سنة تطبق غلط وتيجي الناس مصممة إنها من عند ربنا

ده إيه سوء التفاهم ده، ده ربنا ده باله طويل أوي، إنه سايب حمامات الدم دي شغالة من 1400 سنة مش بس المسلمين يقتلوا في في غيرهم من أصحاب الديانات الأخرى،؟ بيدبحوا في بعض شيعة وسنة وحروب اهلية ونف لا مثيل له، ويقولك النظرية صح بس التطبيق غلط

هي النظرية إيه أساساً؟؟ حد ييجي يقولي إيه أسس النظرية دي !!

يروح جايبلك شوية آيات كده ملخبطين ويقولك  وَمَا أَرْسَلْنَاكَ إِلَّا رَحْمَةً لِّلْعَالَمِينَ ﴿١٠٧﴾ ، و لَا إِكْرَاهَ فِي الدِّينِ  ، يَا أَيُّهَا النَّاسُ إِنَّا خَلَقْنَاكُم مِّن ذَكَرٍ وَأُنثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا

إتطبَّق فين ده؟؟؟ شعوباً وقبائل لتعارفوا إتطبق فين ؟؟  هتقولي الاندلس وإحنا أنارنا البشرية، ماقريتش تاريخ الأندلس وهنرجعلها الاندلس

كل اللي إنت بتحلم بيه ده كله تاريخ مزيف

هجيبلك بقى التاريخ اللي بالوثائق اللي ورَّالك تاريخ حمامات الدم في الاندلس نفسها والإضطهاد في الاندلس نفسها وقتل الأقليات والإبادة الجماعية في الاندلس نفسها هنجيبلك ده كله

فـ لو هنحكي تاريخ داعش أو تاريخ الفاشية الإسلامية نبدأ منين ولا منين ولا منين ؟؟؟

نبدأ باللاجئين اللي لجئوا من مكة إلى المدينة يستجيروا باهلها، ويبحثوا عن العون

وفي ظرف سنوات اللي ماهواش واقف في صفهم ياإما يقتلوه ياإما يطردوه من المدينة

نبدأ بفتح مكة وتحطيم الاصنام وفرض أحادي على الجميع بعد ماكانت مكة فيها تعددية دينية وثقافية وكان أي حد عايز يعبد أي شئ كان يعبده والناس عايشيين في سلام

مبدأ التعددية هو اصل الكون اصل الطبيعة

إسأل أي عالم احياء هيقولك التعددية Multilateralism / pluralism والمرونة هي اصل الحياة أصل كل المخلوقات

ومن يعني يعاند التعددية والمرونة يسقط وينتهي ويصير جثة كريهة الرائحة

كما صار التراث الإسلامي وأنا أأسف وأنا أقول هذا الكلام، صار التراث الإسلامي جثة عفنة جثة عفنة ريحتها تطلع، نطلع نضحك على بعض شوية ونرش شوية برفان عليها، شايف شوية ماء ورد شوية مسك بس ح ح ح الجثة تظل جثة حتى لو معطرة

وللأسف الجديد إن المشروع الإصلاحي في العالم الإسلامي بقاله سنين ماشي على هذا النمط

بيت آيل للسقوط يدهنوه بلون جميل، ويقولك إصلاح

جثة معفنة حط عليها شوية عطور، ويقولك إصلاح

زي ما الرئيس السيسي قالك عايز إصلاح ديني

إصلاح ديني في إيه؟؟!! عربية الفرامل بتاعتها مفوِّتة ، الصاج بتاعها ضارب فيه البارومة، الدريكسيون بتاعها ماتعرفش تتحكم فيه أساساً

العربية ماشية تقتلها في اليوم عشرات رايح جاي، وتيجي إنت تقول بس الطريق هو اللي غلط عشان مش ممهد

لأ أصل هو الشركة اللي كانت عاملة مش عارف المرايات بتاعة العريبة هي اللي مش عارف بتزغلل عين السواق

يا عم إعترف بالحقيقة دي عربية رايحة في 60 داهية

فـ يجيي يقولك عايز إصلاح ديني، إصلاح ديني إيه ؟؟!!

فـ يجييلوه شيوخ الازهر يروحوا داهنلوه العربية بلون أحمر جميل كده، ويكتبوا عليها عربية أخر موديل، عربية صالحة لكل زمانٍ ومكان

نراكم في الحلقة القادمة، هنتكلم بقى في إيه، عن الإخوان والنازية

هنتكلم عن تاريخ الفاشية من دلوقتي لورا، جت منين وراحت فين ؟

تابعونا على Hamed.tv  على اليوتيوب وعلى صفحة BoxofIslam على الفيسبوك


Download text file

Box of Islam 037

You may also like

ملخص تاريخ الاسلام بداية ونهاية
لم يستجب ياأخوة لمحمد في مكةخلال 13 سنة من الدعوة لم يستجب لدعوته لم [...]
6 views
ندوة للاستاذ حامد عبد الصمد في المغرب بعنوان التنوير فوبيا (الجزء الاول)
احمد عصيد: مساء الخير, يُسعدنا أن يكون معكم في هذا اللقاء الفكري الذي [...]
3 views
مين اللى سرق مصر،الحلقه التاسعة عشر: دور العبادة في مصر
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة الثامنة عشر: إسلام التصدير وإسلام التكفير
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة السابعة عشر: الأزهر عامل زي سُوستة
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة السادسة عشر: مأساة التعليم في مصر
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة الخامسة عشر: خليك فاكر مصر جميلة
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة الرابعة عشر: الإعجاز العلمي في البناء المصري الحديث.
انهارده عايز اكلمكم عن موضوع الإعجاز العلمي في البناء المصري طبعًا [...]
0 views
مين اللي سرق مصر، الحلقه الثانية عشر، البرفان والشعب القرفان
مين اللي سرق مصر مين اللي سرق مصر مين اللي سرق مصر مين اللي سرق مصر [...]
2 views
مين اللي سرق مصر، االحلقة الحادية عشر ، أولاد حارتنا
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views

Page 1 of 13

اترك تعليقاً

لن يتم نشر عنوان بريدك الإلكتروني.