صندوق الاسلام الحلقة 84 : هل كان النبي محمد علمانيا؟

أهلًا بيكوا في حلقة جديدة من صندوق الإسلام

ونواصل الحديث عن موضوع الشائك المربك هل يمكن إصلاح الإسلام؟

ومازلت أحدثكم عن هذا الحوار إللي موجود دلوقتي في صيغة كتاب بالألمانية بيني وبين البروفسور الفلسطيني النمساوي أستاذ دراسات إسلامية

بنحاول نلاقي حل إيه إللي ممكن يتصلح؟ وإيه إللي صعب إن هو يتصلح في الإسلام؟

 فالراجل تقدم بفكرة إن في تنوع في تاريخ الإسلام

وحصل كتير ومش دايما فكر جامد كان في مرة معتزلة ومرة حنابلة ومرة شافعية وفي أشعرية وفي قباضية وفي صوفية بيقول في تنوع في الإسلام وشيعة وسنة وغير ذلك

وأنا يعني رديت عليه وقولت إن مدارس الفقة مابيختلفوش كتير

إن هما واخدين مبدأ ربنا قال إيه والنبي قال إيه وعايزين يطبعوا على هذا الأساس

فهو حتى كان واخد مثال بيقول يعني النبي

القرآن بيقول وَالْخَيْلَ وَالْبِغَالَ وَالْحَمِيرَ لِتَرْكَبُوهَا وَزِينَةً ۚ

دة مش معناه إن مفيش عربيات ولكن لما نقيس على العهد العصر الحديث يبقى دة معناه إن مسموحلنا إننا نركب سيارات

فأنا رديت عليه بهذا الموطن هنا بالظبط  مشكلة الإصلاح بقى

مشكلة الإصلاح بالنسبالي معناها إن أنا بركب سيارة علشان السيارة دي مفيدة وخلاص مقدرش إن أنا أعيش في حياة حديثة من غير سيارات

مقدرش أوصل من مكان لمكان بسرعة بدون سيارات

فمش هينفع إن أنا أعتمد على محمد

لأ الإصلاح بالنسبالي معناها أنا هركب السيارة علشان مفيدة وعلشان جميلة وعلشان مريحة مش

أنا مليش دعوة النبي ركب إيه ومركبش إيه دة مشكلته هو هو لاقى حل لعصره فأنا بلاقي حل لعصري

فمتجليش أنت  إنهاردة بآيه وتقولي بناءاً على ذلك يبقى كدة مطلوب إن أنا أركب سيارة

وإلا بنفس المنطق جية الراجل السعودي قال مادام القرآن بيقول للستات وقارنًا في بيوتكن

وإن الست متخرجكش غير بأذن جوزها من البيت يبقى ممنوع عليها قيادة السيارات

يبقى ممنوع عليها قيادة السيارات بنفس المنطق وبرضو تفسير عصره أهو

فتفسير العصر دة يعني شيء مش هو الحل

الحل مش التفسير العصر للقرآن وإنما التحرر من سلطة هذا القرآن

وهو أداني حق أنا معاك إن القرأن لا يصلح للتشريع وحتى إدى مثال

إن القرآن فيه أكتر من 6 ألاف آيه بس مفيهوش غير 82 آيه بس هما إللي يعني

متعلقين بالتشريع ودي طبعًا فكرة كان طرحها الرائع الراحل فرج فودة وإتقتل بسببها يعني

إن القرآن لا يصلح للتشريع

دين إن القرآن يعني مايملاش كتاب صفحتين ثلاثة في كتاب قانون أو في كتاب عقوبات فمقدرش أعتمد عليه

بس المشكلة طبعًا هي وجهة النظر واعتماد المسلمين على القرآن ككتاب ما فرطنا في الكتاب من شيء

دي المشكلة ودي النقطة إللي أنا شايف إنها مشكلة

الراجل قال إن الإسلام في تاريخه الطويل في مصلحين طبعًا ذكر من الماضي الفاربي وابن رشد وابن سينا والمعتزلة

ومن العصر الحديث طبعًا ذكر الدكتور نصر حامد أبو زين طبعًا وفاضل فضل الرحمان ومحمد أركون

وأسماء رائعة طبعًا أنا كلهم ناس أنا أتعلمت منهم ولا

ومقدرش أنكر فضلهم بس دول مش مدارس فقهية بتدرس دلوقتي في الجامعات وفي الأزهر وفي المدارس

دول ناس معظمهم اتكفروا, دول ناس معظمهم اتكفروا

فمقدرش إن أنا أقول إن دة دليل إن كان في إصلاح في الإسلام

لأ كان في محاولات إصلاحية لا شك بس دي محاولات زي كدة إيه زي أنهار صغيرة جدًا كدة  يعني مجرى  مع مجرى ومشيوا في الصحرا

صحراء الفقة الإسلامي مقدروش يكملوا

مكونوش حركة ممكن نسميها حركة التنوير الإسلامي نقارنها بحركة التنوير الأوروبي

إللي سيطرت على التعليم والفلسفة والجامعات وحتى الكنايس فيما بعد

معندناش كدة عندنا ناس يعني محاربين فرادى أو فُرادى

كل واحد لواحده كدة ويتكفر ويتقتل ويتنفي

فمتجيش تاخدلي الأسماء الرائعة دي وتقول دة دليل إن كان في حركات إصلاحية

لأ لم يكن هناك حركات إصلاحية كانت هناك حركات فردية إصلاحية تحطمت على صخرة السلفية والأصولية الإسلامية دايمًا

لية؟

لأن السلفية والأصولية ومدارس الفقة تحتمي بالمقدس  بالقرآن تيجي تقولك أنت هتكفر؟

أنت كذا كذا يبقى أنت أنكرت معلوم بالدين بالضرورة

أنت بتقول كذا لما نصر حامد أبو زيد حاول مثلًا وقال القرآن هو كلام الله بلغة البشر

دي بالذات بسببها إتكفر وطلقوه من مراته والراجل راح المنفى في بولاندا

فمينفعش إن إحنا نيجي ونقول دة فكر إصلاحي

فين دة في كلية الشريعة والقانون مثلًا   في الأزهر؟

كلية أصول الدين بتدرس نصر حامد أبو زيد وأركون بتدرس إيمانويل كانط, بتدرس إسبينوزا بتدرس فويار باخ والناس إللي كانت بتنتقد الفكر الديني ؟

طبعًا لأ دول بيعتبروا دة كفر ذندقة تشوية للإسلام

إذًا أنا مقدرش أخد دة كدليل إن كان في إصلاح

لأ كان في محاولات إصلاحية بالعكس

دة دليل إن الإصلاح صعب الناس دي كلها دلوقتي فين هما؟

راحوا فين الناس دول؟ فين أركون من الجامعات الإسلامية والأزهر؟

مين بيدرس نصر حامد أبو زيد في المساجد في التربية الدينية؟ مين يعرف نصر حامد أبو زيد؟

مين يعرف ابن رشد؟

 إحنا عندنا دايمًا كدة تلاقي مدرسة ابن رشد الأعدادية

مدرسة ابن رشد الثانوية تيجى تسأل أي طالب في المدرسة ابن رشد دة مين؟

وأفكاره إيه؟ ميعرفش

لكن قوله سيدنا عمر ابن الخطاب قال إيه؟

هايقولك علموا أولادكم ال

هايحفظ إللي قاله عمر ابن الخطاب والأحاديث من حصة التربية الدينية

فمش حكاية إن هو كان موجود مر من هنا ابن رشد مر من هنا يبقى كدة في إصلاح

لأ ابن رشد راح فين؟

ابن رشد كتبه إتحرقت مش بس كتبه عن الفلسفة كتبه عن الطب إتحرقت في قرطبة

بسبب كتاب الغزالي تهافت الفلاسفة

فمتجبليش ابن رشد كمصلح وإن هو عمل مدرسة إصلاحية

حاول وعُقب زي ما حاول نصر حامد أبو زيد وعُقب زي ما حاول محمود محمد طة في السودان إللي قال ياخونا

آيات المدينة كلها آيات بتصف حرب وتشريعات خاصة بزمن المدينة لا يمكن تطبيقها إنهاردة

الأزهر كفره وإتقتل إتعدم في السودان بسبب هذا الكلام

والأزهر إللي هو بيقولك دلوقتي الإصلاح وتعديل الخطاب الديني هو إللي ساعد على ذلك

فرج فودة مين إللي كفره وعلى هذا الأساس إتقتل ؟

الأزهر

علشان قال إن القرآن نفس الكلام إللي قاله مهند خورشد

إن القرآن ميملاش صفحتين في كتاب قانون عقوبات

ودة حقيقي طبعًا القرآن ميملاش كتاب

ميصلحش للتشريع معندوش ميعرفش مجتمعنا وتعقيداته

طب قتلتوهم لية؟

مادام أنتوا ما دة إصلاح إتقتلوا لية الناس دول؟

مين هيعاقب الأزهر؟

الأزهر هيطلع يعتذر أمتى لأسرة نصر فرج فودة؟

أنا أؤمن بالإصلاح لما يجي  الأزهر يقول

لقد أجرمنا في حق المفكر الكبير فرج فودة ونعتذر عن هذا الجرم إن إحنا كفرناه

نعتذر عن تكفير محمود محمد طة وتدعيم إعدامه في السودان لأنه قال إن آيات القرآن في المدينه لا تصلح للتطبيق اليوم لأنها تصف حالات حرب وتشريعات لزمنها وليست لزمنا

هذا الكلام المنطقي إن يبقى في إصلاح

لكن تيجي تقول لأ والله لابد من فهم الآيات في سياقها التاريخي ووضعها في مش عارف أمبوبة

لأ فهمها في سياقها التاريخي معناها الخطوة إللي بعد كدة إن أنا أقول لا تصلح للتطبيق في زماننا هذا

صعبة دي؟ هو دة الإصلاح في وجهة نظري

مش إن أنا أقول لأ لابد من وضعها في السياق وأعرف النبي كان يركب الجمل يبقى مش عارف إيه

أنا مليش دعوة كان بيركب إيه ميلزمنيش

أنا واحد مثلًا لا ديني عايزه يحل عن سمايا

وكمؤمن واحدة مؤمنة ميخشلهاش في تفاصيل حياتها ويقولها تلبس إيه وتاكل إيه وتتجوز مين وتحب مين وتكرة مين

فأنت لو عايز إصلاح من وجهة نظري إن أنا أقول  يبقى من هنا وماشي الدين ميتدخلش في التشريع

 إيه دة معناته يعني الست تجوز نفسها وتطلق نفسها

معناه تحب إللي هي عايزاة سواء مسلم أو غير مسلم وتتجوزه

تحبه حتى وتعيش معاه حتى من غير جواز

اه, هو العلمانية إللي بجد كدة

هتقولي وهوياتنا وهتروح هتيجي عند النقطة دي وتكتشف الأزمة بقى

إن إحنا هويتنا قائمة على فكرة الجنس بس مش هتلاقي غي 3 أو 4 مواضيع إللي بيدور حواليهم فكرة الهوية الإسلامية

ما بين رجلي المرأة

تنام مع مين؟ أنت مالك

تنام مع مين وتحب مين؟ أنت مالك هي تختار

يجي واحد من 1400 سنة مات يتحكم فيها هي تحب مين وتتجوز مين لية؟

هي دي العلمانية بقى بجد إللي أنت لو مؤمن بيها هو دة الإصلاح بجد لما الإنسان يقرر حياته بنفسه

أنا لما قولت الكلام دة لمهند خورشد رد عليا وقالي طب ما هو النبي عايز كدة

قولتله إزاي؟

قالي لما سألوه في المدينة مش عارف تلقيح النخل أو لما راح المدينة كانوا بيلقحوا النخل قالهم هالا توقفتم

وبعد ما بطلوا تلقيح النخل المحصول باظ

فجم قالوله يارسول الله المحصول باظ

قالهم أنتم أعلم بشؤن دُنياكم بأمور دُنياكم

قولتله ياسلام يعني كدة كلمة أنتم أعلم بأمور دُنياكم إللي قالها في الموقف دة

يبقى معناها إن النبي يرفض التدخل في أمور الدنيا؟

طب هو الجواز مش دنيا؟ الطلاق مش دنيا؟ ضرب المرأة في الفراش مش دنيا؟ شرب الكحول مش دنيا؟

الزنا ومش الزنا والسرقة والتشريع مش دنيا؟

الحرب وياخد خُمس الغنايم مش دنيا؟

يبقى إيه أنتم أعلم بأمور دنياكم إمال تدخل دة ماسبش حاجة

دة حتى وأنت داخل الحمام يقولك مش عارف إيه إذا دخلت فخش برجلك اليسرى وقول إني أعوذ بك من الخبس والخباس

دة ماسبش الحمام حتى, دة لمؤاخذة داخل الحمام نفسه مش عارف تاخد 3 حجرات وميبقوش 4 حجرات

وممنوع العظام ويعني  هو ماسبش حاجة في أمور الدنيا وعلشان

قولتله مين إللي بينتقى بقى لأنه كان بيقول أنت إنتقائي بتاخد بس الآيات إللي هي بتدعو للعنف وتقول هو دة الإسلام

قولتله لا بالعكس أنا باخد الآيات إللي بتدعو للعنف والآيات إللي بتدعو للسلم وبقولك إن الأثنين ولا زمانك ياحبيبي

ماعدش لا دي تنفع ولا دي تنفع لأن هما ليهم سياق تاريخي معين

لكن أنت إللي بتجيب لكن أنت إللي بتجيب الآيه وتقولي

تجيب الحديث لما أنا أجبله حديث يقول أصل معظم مش عارفين إيه صحتها والبخاري مش عارف كان نعسان فين؟

وجاب أحاديث ورمى أحاديث ومنعرفش ومش متأكدين

و200 سنة و300 سنة بعد الرسول منقدرشش نعرف إذا كانت الأحاديث دي صحيحة

في الصفحة إللي بعديها يبعتلي وقال الرسول ومش عارف إيه وابن ماجا وابن داود والبخاري والرسول

يعني أنت تاخد الرسول وقت ما أنت عايز ويبقى الحديث صحيح

وبعد كدة ترفض الأحاديث لما يبقى  فيها حاجات محرجة

طب مهو يإما ناخد الأحاديث كلها زي ما هي ونشوف إيه المشكلة فيها يإما نرفضها كلها

مش تاخد بقى هي دي الانتقائية

وأكبر مشكلة بقى في الانتقائية إن هو قال نظرته للقرآن قائمة على آيتين

إللي هي المعاييرإللي بتحكم علاقة الله بالبشر من وجهة نظره آيتين الآيه إللي ربنا بيقول فيها كتب على نفسه الرحمة

والآيه التانية إللي بيقول هو قصها من سياقها يعني مجبش الآيه كلها

دة باعتلي العلاقة بين الإنسان والله في القرآن قائمة على يحبهم ويحبونه

فأنا أخدت الآيتين طبعًا قولتله هذا أكبر دليل على الانتقائية يعني

دة أنت حتى مش جايب الآيه كلها أنت جايبلي يحبهم ويحبونه كأن

وبيسميها علاقة حب بين الله والبشر

وهو وهو علشان يعني  إنسان خلوق الحقيقة يعني لازم أعترف بهذا الشيء

إنسان خلوق وجاد وعايز يُصلح وعايز يخلص الإسلام من فكرة العنف والشباب الإسلامي

 إللي عايش في أوربا محتاج طبعًا خطاب يحفزه على هذا الشيء

علشان أنا مش عايز أكسر مجاديفه أنا بوريله محدوديه خطابه يعني

وبوريله إن دة مش الإسلام الصحيح زي ما هو مُعتقد لكن هو إسلام يتم إختراعه حاليًا

ليتماشي مع روح العصر وأنا لست ضد هذا الإسلام طبعًا لو نجح

وإبتدا يدرس في المدارس و الجامعات والجوامع أنا أول واحد يعني  يسفق لهذا الشيء ويدعمه كمان

بس أنا بوريله ضعف الحجة علشان لما يجي يناقش السلفين بعد كدة ميتعبش

لأن السلفين  بيتهموه هو إن هو بيحاول يموع الإسلام علشان الغرب يرضى عنه

وبيحاول ينزع الإسلام من سياقه التراثي يعني

ويقدم إسلام منزوع الدسم يعني كدة قابل للهضم علشان الغرب يرضى عنه

فتيجي أنت تقولي علاقة الله بالبشر في القرآن قائمة على فكرة يحبهم ويحبونه

مشكلة كبيرة دي الآيه أصلًا قولتله تعالى نجيب الآيه كلها

الآيه دي تهديد مش محبة خالص

ا أَيُّهَا الَّذِينَ آمَنُوا مَن يَرْتَدَّ مِنكُمْ عَن دِينِهِ فَسَوْفَ يَأْتِي اللَّهُ بِقَوْمٍ يُحِبُّهُمْ وَيُحِبُّونَهُ

السياق في الصورة إن كان في ناس مسلمين مش عايزاة تحارب مع محمد مش عايزاة تحارب معاه

أؤمن  اه لكن مش عايزاة أحارب ياأخي

فهو بيهددهم  مَن يَرْتَدَّ مِنكُمْ عَن دِينِهِ ربنا هيجيب ناس تانين يحبهم ويحبوه

يعني مبيقولهوش أنتوا أنا هحبكم أنتوا قالهم أنتوا مابتحاربوش معاي يبقى أنا مبحبكومش وهجيب ناس تانين أحبهم ربنا يحبهم ويحبوه

قولتله دي محبة دي؟ دي محبة دة إبتزاز تهيد وإبتزاز

لو محاربتوش ربنا هيجيب غيرهم وهيبقوا أشداء على الكفار هو عايز ناس أشداء على الكفار عايز ناس تحارب

فين المحبة في دة؟ إيه فكرة المحبة  يعني مش مقتنع بيها مش شايفها خالص فكرة المحبة علاقة

قولتله إللي بيحب حد يهدده 400 مرة بنار جهنم وهيشويه وهطلع عينك وخالدين فيها

إللي يحب حد يقوله هجيبلك ملاكين قاعدين عليك مخابرات يكتبوا إللي أنت بتعمله وأمن دولة

مفيش ثقة إللي بيحب حد بيثق فيه طب إللي يثق في حد يراقبه!

دة بيقوله هعاقبك على إللي في نفسك إللي في ضميرك

إِن تُبْدُواْ مَا فِي أَنفُسِكُمْ أَوْ تُخْفُوهُ يُحَاسِبْكُم بِهِ الله

فين المحبة هنا؟

على رأي الرائع محمد منير في أغنية يونس لما يقولها وأنتي تقوليلي بحبك دة حب إيه دة إللي من غير أي حرية

مش الحب يبقى الحرية

إزاي بتحبني يارب وتقولي لو كفرت هحرقك لو مأمنتش بيا هحرقك

لأ  المحبة إللي يحب إنسان بيحب أن يعطية من ذاته من غير شروط دة مفهومي أنا عن المحبة بدون شروط

إللي بيحب إنسان مبيقولوش تعالى روح موت في سبيلي لا دة بيقوله

دة أنا روح عيش أنا عايزك تعيش مش يقوله روح موت نفسك

إِنَّ اللَّهَ اشْتَرَى مِنَ الْمُؤْمِنِينَ أَنْفُسَهُمْ وَأَمْوَالَهُمْ بِأَنَّ لَهُمُ الْجَنَّةَ

علشان يعملوا إيه بقى؟

يُقَاتِلُونَ فِي سَبِيلِ اللَّهِ  فَيَقْتُلُونَ وَيُقْتَلُونَ

دة The purpose of life  الهدف من الحياة

بالنسبة للمسلم من وجهة نظر ربنا إنه إشترى نفسه إنه يموت في سبيله أو يموت في سبيله إحدى الحسنين يعني

فين المحبة في كدة؟

كلمة المحبة في القرآن لو تدور هتدور عليها بمكرسكوب كدة

لحد ما تلاقي حاجة كدة فيها إيه تحب يحبهم

طب لو لاقيت آيه تانية يبقى فيها إيه

إِنَّ اللَّهَ يُحِبُّ الَّذِينَ يُقَاتِلُونَ فِي سَبِيلِهِ صَفًّا كَأَنَّهُم بُنْيَانٌ مَّرْصُوصٌ

فين بقى المحبة ؟ فين الرحمة؟

اه في آيه بيقول كتب على نفسه الرحمة طيب ما هو في آيه بيقول فيها

لَوْ شِئْنَا لَآتَيْنَا كُلَّ نَفْسٍ هُدَاهَا وَلَٰكِنْ حَقَّ الْقَوْلُ مِنِّي لَأَمْلَأَنَّ جَهَنَّمَ مِنَ الْجِنَّةِ وَالنَّاسِ أَجْمَعِينَ

يعني أنا لو كنت عايز كنت خليت كل الناس أمنو

بس لأ أنا وعدت نفسي  وعدت نفسي الوعد بيقول إيه بقى

لازم أملى جهنم من الناس والجن

لية تملاها تملاها لية يابابا؟ لية يابابا؟

طب وعدت نفسك لية كدة فين رحمتك مش أنت كتبت على نفسك الرحمة ؟

يبقى أنت أول واحد ملتزمش بهذا المبدأ

فمينفهش إن أنا أخد الكلام دة وأبني بقى علية نظرية أن الإسلام دين الرحمة

أصل يقولك أصل سور القرآن في 113 سورة منهم تبدأ ببسم الله الرحمان الرحيم

الرحمان الرحيم يبقى تأسيس أهو

طيب إيه السورة إللي مبتبدأش ببسم الله الرحمان الرحيم يا دكتور مهند؟

سورة التوبة سورة التوبة إللي حسب البخاري هي أخر سورة في القرآن

 لية مبتبدأش ببسم الله الرحمان الرحيم؟

علشان ربنا بيتبرأ بيها والمسلمين بيتبرأوا  بيها من كل معاهدات  السلام

ونازلة السورة دي بالذات سخ في الكفار واليهود والمسيحين والأعراب

الأعراب أشد كُفرًا ونفاق

وحتى المسلمين إللي مابيجهدوش مع محمد بيتشتموا

إللي مبيدفعوش الخراج أو إللي مبيدفعوش الزكاه ليه

طب يبقى كل الآيات دي أنت تقولي الإسلام دين الرحمة والدليل كاتب على نفسه الرحمة

أنا أجبلك  400 آيه فيها عذاب وفيها لعن وأجبلك 260 آيه تمجد الحرب وتأمر بقتل الكافرين وقطع رؤسهم والضرب فوق أصابعهم

أنت تجيب آيه واحدة وأنا أرد عليك ب206 آيه وفي الأخر تقولي أنت انتقائي

أهو دة المنطق الإسلامي إللي أنا مبحبوش

مين إللي انتقائي؟

أنا بجيب دة ودة وبحطه في سياقه ومحمد بيهدد مفيش ربنا مفيش ربنا في الموضوع

Him out of the game

مش فكرة ربنا بيهدد فكرة إن محمد إللي  مرة مؤمن بالبشر علشان شوية أمنوا بيه

فايقولك لقد كرمنا بني ادم

بعد شوية تجار مكة مش عايزين يعترفوا بيه يقولك

قُتِلَ الْإِنْسَانُ مَا أَكْفَرَهُ إن الإنسان لا في خُسر

إِنَّ الْإِنسَانَ لَظَلُومٌ كَفَّارٌ

طب ما ترسالك على حل بتؤمن بالإنسان ولا زعلان منه

محمد ربنا مابيتذبذبش المفروض يعني صح؟

هو إللي هددهم مرة بجهنم ماوافقوش علشان مسمعوش كلامه علشان مش مؤمنين بالبعث أصلًا

فيجي يهددم بحاجات تانية في الدنيا

زي زُلْزِلَتِ الْأَرْضُ زِلْزَالَهَا

فَخَسَفْنَا بِهِ وَبِدَارِهِ الأَرْضَ

والحاجات دي كلها ميقتنعوش فدة أبتدى يهددهم بالسلاح

قَاتِلُوهُمْ يُعَذِّبْهُمُ اللَّهُ بِأَيْدِيكُمْ

 يَشْفِ صُدُورَ يخلي إن القتل يشفى الصدور

زعلان من داعش لية؟

ماهو داعش تعبر القتل علاج للأكتئاب وشفاء للصدور إنهم يقتلوا الكفار

الانتقائية المفروض متكونش من الجانبين

المفروض الأرهابي مينتقيش من القرآن ويقتل صحيح

بس برضو المُصلح ميجيش يقولي دة الإسلام دين الرحمة للذين يحبونهم ويحبونه

وبدليل كتب على نفسه الرحمة ويتجاهل كل البلاوي التانية إللي بتسبب المصايب

الإصلاح مش إن أنا أخد الآيه دي وأحطها في سياقها أو أخد الآيه دي

لأ أتحرر من سلطة هذة الآيه أتحرر من سلطة مدارس الفقة أتحرر من سلطة رجال الدين

وأقول أنا عايش في القرن 21 في قوانين جديدة إتعملت أكثر روعة وتقدمًا من الفكر الصحراوي إللي جابلنا هذة الآيه

أراكم في الحلقة القادمة.


Download text file

Box of Islam 084

You may also like

ملخص تاريخ الاسلام بداية ونهاية
لم يستجب ياأخوة لمحمد في مكةخلال 13 سنة من الدعوة لم يستجب لدعوته لم [...]
6 views
ندوة للاستاذ حامد عبد الصمد في المغرب بعنوان التنوير فوبيا (الجزء الاول)
احمد عصيد: مساء الخير, يُسعدنا أن يكون معكم في هذا اللقاء الفكري الذي [...]
3 views
مين اللى سرق مصر،الحلقه التاسعة عشر: دور العبادة في مصر
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة الثامنة عشر: إسلام التصدير وإسلام التكفير
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة السابعة عشر: الأزهر عامل زي سُوستة
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة السادسة عشر: مأساة التعليم في مصر
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة الخامسة عشر: خليك فاكر مصر جميلة
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة الرابعة عشر: الإعجاز العلمي في البناء المصري الحديث.
انهارده عايز اكلمكم عن موضوع الإعجاز العلمي في البناء المصري طبعًا [...]
0 views
مين اللي سرق مصر، الحلقه الثانية عشر، البرفان والشعب القرفان
مين اللي سرق مصر مين اللي سرق مصر مين اللي سرق مصر مين اللي سرق مصر [...]
2 views
مين اللي سرق مصر، االحلقة الحادية عشر ، أولاد حارتنا
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views

Page 1 of 13

اترك تعليقاً

لن يتم نشر عنوان بريدك الإلكتروني.