صندوق الاسلام 59: حقيقة رسائل الرسول ورايته

أهلا بكم في حلقة جديدة من صندوق الإسلام

دايمًا متعودين إن في موضوع بياخدنا لموضوع بياخدنا لموضوع

الموضوع العملات الحقيقة كان موضوع شائك جدًا وعلاقته بنشأة الإسلام ودور الأمويين فيه خاصتًا دور عبدالملك بن مروان

احنا زي ما قولنا في نهاية الحلقة بنقدملكم شذرات وانتوا بقى بتفكروا فيها بتواصلوا البحث

أنا بفهم مشروع صندوق الإسلام بصفة عامة مش على إنه صندوق الحقيقة ولكن صندوق الحث على التفكير والحث على البحث

أنا اشجع كل الباحثين وكل المهتمين بإن هما يواصلوا البحث طبعًا

لفت نظري واحنا بنتكلم في عملات الدولة الأموية

إن في عملة مكتوب عليها محمد رسول الله

العملة دي بتفكرني بعلم داعش

بتفكرني براية الرسول

بتفكرني بالرسائل اللي المفروض إن محمد أرسلها إلى الملوك والأمراء يدعوهم فيها للإسلام

مازال معنا في الأستوديو الأستاذ محمد المسيح مرحبًا بك استاذ محمد

أهلاً وسهلاً وأهلاً بالجمهور الكريم

بالتحديد العملة اللي هي كان في ضهرها المنورة اليهودية ومكتوب على وجهها الوجه الآخر محمد رسول الله شبيهه في طريقة كتابتها بالختم الموجود على الرسائل المنسوبة لمحمد

والتي أرسلها إلى ملوك وأمراء المناطق المحيطة به

أنا أتذكر أنا كنت في أسطنبول بالتحديد سنة 2001 يعني 15 سنة وفي متحف توب كابي في متحف سرايا الباب العالي في متعلقات كثيرة منسوبة إلى محمد ومنسوبة إلى علي

سيف علي وهكذا وفي رسالة المفروض إن هي أرسلها محمد إلى هرقل عظيم الروم بيدعوه فيها للإسلام

عايزين مع بعض ندرس تاريخية هذه الرسالة

نحللها تاريخيًا وفنيًا

تقدر تقولنا إيه عن رسالة محمد لهرقل

نعم , هو إشارة بس للي حضرتك حكيته عن متحف توب كابي وأنا طبعًا زوته واشتغلت هناك على مخطوطة توب كابي

ما لفت انتباهي هو وجود عصا موسى عندهم

كمان

فا يعني مش الأغرب إن تكون رسالة الرسول بينما الأغرب إن تكون عصا موسى موجوده هناك

فا بالنسبة لهذه الرسائل طبعًا هي موجوده على النت الصور

صور بتاعتها أي شخص حابب يشوف الصور هايلاقيها بسهولة يعني بس يكتب رسالة الرسول إلى هرقل العظيم وعلى طول بتلاقي صور ليها كتير

هو الأول قبل ما نتحدث عن هذه الرسالة يعني نفكر شوية مع بعض ونقول إن الرسول لما كان في ذلك العصر يعني شخص غير معروف عايش في الصحرا بدوي يعني بعيد عن الحضارة

يعني رغم إن هو استطاع إنه يوحد العرب بسيفه

جزء منهم

آه أو جزء منهم

إلا أنه لم تكن له هذه الشهرة حتى يكون معروف لدي الأمبراطور مثلاً هراقيلوس أو لدى المقوقس أو غيره

وإلا كنا وجدنا طبعًا وثائق عندهم بتذكر اسمه نعرف إن هو محمد

احنا عارفين إن أول ذكر لمحمد جاء بعد أكثر من 60 سنة من وفاته وفي وثائق عربية

وبالنسبة للوثائق البيزنطية من القرن ال8 لما يبتدوا يقولوا محمد

نعم نعم فا هذه اشكالية يعني إن فعلاً إن مافيش أي معلومات خارج المنظومة الإسلامية أو خارج المورث الإسلامي يتحدث عن هذا الموضوع

فا لو فحصنا علميًا هذه الرسائل وأخدنا الرسالة اللي حضرتك أشرت ليها اللي هي لهرقل العظيم

أول ما نلاحظ إنها مكتوبة بخط ردئ يعني شبيه بالخط الكوفي

يعني حتى مش حجازي

مش حجازي مثل ما قولنا

المنطقي إنها تكون حجازي طبعًَا لأنه أقدم من الكوفي

والخط الكوفي ظهر فيما بعد في عصر الأمويين

بالضبط

والغريب إن هذا الخط غير شبيه بالخط الكوفي وأنا لا أعتبره إنه خط كوفي بس هو محاولة من الشخص اللي هو كتبه أن يقلد , وافتكر إن الخط الكوفي هو أقدم خط على هذا الأساس

هذا من جهة

من جهة أخرى اللي حضرتك أشرت ليه موضوع الختم

اللي هو مكتوبة الله رسول محمد

وهذا طبعًا شيء غريب جدًا أن نجد هذه العبارة

الله رسول محمد على هذه الوثيقة التي تعتبر أنها تعود لعصر الرسول

فا احنا لما شوفنا في العملة اللي حضرتك أشرت ليها بتاعت مروان موجود بوضوح محمد رسول الله وليس الله رسول محمد

طب إيه تفسيرها هذا الإنعكاس اللي حصل ؟

آه هانشوف ما تفسيرها وسبب وجود هذه

يعني في بعض اللي بيقولوا إن نظرًا لجلالة الله أو مكانته

بتتحط اسم الله فوق وبعدين بيأتي رسول

آه يعني لا يجب أن يعلو أي اسم فوق اسم الله

بالضبط هي ها الفكرة

ولكن بالنسبة للعربي , للغة العربية هي دايمًا من فوق , تكتب من فوق لا تحت سواء كان اسم الله مذكور أو غير مذكور هذا لا يعدل في ترتيب الكتابة

فا المفروض تكون محمد رسول الله كما هو موجود في العملات

واحنا شوفنا الملف اللي هو يضم 1947 عملة وعندنا مش عشرات بس ممكن نقول مئات العملات اللي هي عليها محمد رسول الله وليس الله رسول محمد

إذا فا فنيًا هذا الرسالة مستحيل من زمن محمد لسبب بسيط انها مكتوبة بالخط الكوفي الردئ والذي ظهر طبعًا فيما بعد ونحن نعلم اليوم أن الخط الحجازي هو أقدم والمخطوطات الأولى للقرآن مكتوبة بالخط الحجازي والمخطوطات التي كتبت في العصر الأموي

بدئت من عصر عبدالملك بن مروان باستخدام الخط الكوفي

إذًا من قلد قلد الخط الكوفي

طيب خلينا نبص لمضمون الرسالة الأول ونقرأها مع بعضنا ونشوف النبي كان عايز يقول إيه لهرقل

نعم هي موجود عليها بسم الله الرحمان الرحيم من محمد عبد الله ورسوله إلى هرقل عظيم الروم , سلام على من اتبع الهدى أما بعد فإني أدعوك بدعاية الإسلام , أسلم تسلم

يعني هل هي بدعاء الإسلام أو بدعاية الإسلام

مافيش الياء

مفيش الهمزة , فيه ياء

في نبرة

في نبرة معناها إن في ياء

بدعاية الإسلام

بدعاية الإسلام نعم

أسلم تسلم وأسلم يؤتيك الله أجرك مرتين فإن توليت فعليك اسم الأرس( وليس الأرسيين )

احنا دايما نقراها الأريسيه نعم

موجوده على النص

لكن النص الأصلي مكتوب فيه الأرس

الأرس نعم

يا أهل الكتاب تعالوا إلى كلمة سواء بيننا وبينكم الا نعبد إلا الله ولا نشرك به شيء ولا نتخذ بعضنا بعضًا أربابًا من دون الله فإن تولوا فقولوا أشهد بأنا مسلمون

طبعًا دي آية قرآنية

نعم, هذه الرسالة مش هي الوحيدة كما حضرتك أشرت إن في رسائل أخرى كرسالة المقوقس

اللي عندنا في رسالة المقوقس شيء غريب

الخط بعد اسوأ من اللي سبق وإن طبعًا راحوا في نفس الإتجاه على أساس يقلدوا الخط الكوفي ولكن طبعًا دايمًا هناك فشل ذريع في نقل هذه المعلومة بهذه الطريقة

وبيحاولوا إن هما يضحكوا على الشخص اللي هو بينظر إلى هذه الرسالة بإعجاب على أساس إنها تعود إلى عهد الرسول

ومليئا بالأخطاء يعني لو قريناها فيها ركاكة حتى في التعبير

لو تحب نقرأ النص بيقول :

وحاشا لله طبعًا إن رسول الله يعمل هذه الأخطاء طبعًا

طبعًا

بسم الله الرحمان الرحيم من محمد رسول الله إلى المقوقس عظيم القبط

سلامٌ على من اتبع الهدى ( بعدين في فراغ  , بعدين س د , بعدين في فراغ وفي كاف , وبعدين دعاء , يعني حتى مش مظبوطة س ل م , بنا, وبعدين س ل م يعني ركاكة فظيعة )

سلم بنا سلم

يؤتيك الله أجرك مرتين ( وبعدين) فا لأن توليت فعليك اسم القبط من الكتاب ( وبعدين ت ع ,وفي فراغ و ا إلي كلمة لسواء )

هي تعني كلمة سواء

بالضبط هي نفس الكلمة

بس مكتوبة خطأ

مكتوبة يعني بشكل ردئ جدًا

هذا السيناريو استمر على أساس إن يغطوا كل الوثائق اللي أو الرسائل اللي بعتت من الرسول إلى هؤلاء العظماء

فنجد مخطوطة أخرى وهذه المخطوطة يعني كانت الاسوأ بالنسبة يعني لنقل الخط الكوفي يعني وكأن كان لا يكتب بإيده

مش عارف كان بيكتب إزاي

فا كاتب بسم الله الرحمان الرحيم ( وطبعًا يعني الرحيم دي يعني مبهدلها , من حاطط علامة ألفا مش حتى عربي ) ومحمد رسول الله المنزر انه ساوي

المنزر , حطها بال(ز) مش  بال(ذ)

منذر تكتب بال( ذ ) معجم هو راح حطها  ر ر بمعني الزيرا , المنزر

وكأن يعني في بعض للآسف بعض الشعوب وعندكم في مصر بتخلطوا بين ال(ذ) معجم و ال(ز)

متنتقدش اللهجة بتاعتنا عشان انتم اللهجة المغربية بتاعتكم دمرت اللغة العربية فا لو سمحت ماتقربش من اللهجة المصرية خالص

ماشي أنا آسف بس يعني الشخص اللي كان بينقل هذه المعلومة يعني دمرها

لا واضح ركاكة الكتابة وواضح طبعًا إنه خط متقدم مش ,يعني خط حديث ومحاولة فاشلة يعني

محاولة سيئة يعني لو شوفنا الثلاث رسائل دي يعني كانت أصعب واحدة يعني غير مقبولة تمامًا

الشخص اللي عملها يعني أساء لشخصية الرسول نفسه

هو أنا هاقول لحضرتك على حاجة أنا تصوري لهذه الرسائل وأنا بقرأها إن في مصدرها دايما بيكون حاجتين

في من ناحية إنو بيكون الخلفاء اللي جم بعد كده أو الحكام المسلمين اللي جم بعد كده عايزين يبرروا الفتوحات الإسلامية بشيء مقدس إن النبي يعني كان حاطط عينه على الأماكن دي

يعني كان عايز يعني عايزها تسلم

عايزها تبقى تحت راية الإسلام

فا دا بيدلهم مبرر لما يجي يدي لشعوبه وجيوشه مبرر إن أنا عايز اغزوا منطقة معينة سواء الفرس سواء الروم سواء مصر سواء كذا لازم أجيب أساس ديني لها

فأنا أقول إن النبي كان حاطط عينه على هذه الأماكن

دي نقطة

النقطة التانية إن في بعض الرسائل المزورة كانوا أهل الذمة نفسهم هما اللي بيزوروها

نعم صحيح صحيح

عشان يقولوا إن النبي إدانا الأمان

آه وهذا موجود في كنيسة سانت كاترين أو اللي هو اسمه إيه ؟

دير سانت كاترين

دير سانت كاترين في سيناء عندهم وثيقة تعود لعهد الرسول نفسه

ما دايمًا الرسول يعطي أمان على أقباط مصر

يعطيهم أمان على عليهم على نفسهم لأن هما روم أرثوذوكس وحاطين هذه الوثيقة

بس هذه الوثيقة عليها تنقيط وتشكيل , سوري تنقيط وتهميز

يعني مستحيل تعود لهذا العصر

وبعدين محمد ماكنش مصر حتي تحت حكم الإسلام

وحتى العهدة العمرية موجوده على النت وكذلك بتفحصها بتلاقيها بعيدة كل البعد لا على الخط الحجازي ولا على الخط الكوفي

يعني مفبركة في عصر من العصور يعني ليس لها علاقة بالحقيقة

هو لو عايزين ننظر للخط الكوفي مش هنلاقي أحسن من مخطوطة القاهرة الموجودة عندكم في مشهد الحسين في القاهرة

أو مثلاً مخطوطة سمرقند اللي هي واضحة

حتى هي الآية اللي هما اليوم استشهدوا بيها في الرسالة واضحة ومافيش أي أشكال عليها

هذه الوثائق يعني معظمها موجودة في كتاب اسمه الوثائق السياسية للعهد النبوي والخلافة الرشيدة اللي هو كتبه محمد حميد الله وحضرتك عارف إن هو مترجم

مترجم القرآن

فهو جمع هذه الرسائل بس طبعًا هو بيأيدها على أساس إنها حقيقة

ولكن هي للآسف هي بعيدة كل البعد عن الحقيقة وخصوصًا لما بيحط اللوجو تبع الله رسول محمد بيثبت بوضوح إن هذا تلفيق للرسول

طب احنا عايزين نرجع لهذا اللوجو اللي هو الله رسول محمد دا بيوصلنا طبعًا لعلم داعش

نعم

يعني داعش عندها يقين إن دا الراية اللي الرسول كان بيحملها في حروبه وغزواته

 إنها كانت راية سوداء ومكتوب عليها لا إله إلا الله ومحطوط عليها الختم بتاع الله رسول محمد

ما مدى تاريخية هذا الكلام ؟

إيه أصل علم داعش ؟ جاي منين ؟

نعم آه أوكي

علم داعش عنده نفس الإشكالية الله رسول محمد وهذا كُفر

يعني أن تجعل الله هو رسول محمد

وهما مش عارفين كيف حصل هذا الخلط

يعني هانتكلم عن الموضوع بس الأول نشوف بالنسبة للخط

كذلك في راية داعش حاطين لا إله إلا الله بالخط الكوفي

وكان أحسن حال من الرسائل لكن المشكلة إن حطوا همزة واحنا بنعرف إن الهمزة هي من اختراع الخليل بن أحمد الفراهيدي اللي ولد سنة 100 للهجرة يعني لا تعود لذلك العصر

احنا شوفنا في العملات وعندنا عشرات بل مئات العملات اللي تثبت أن الترتيب هو محمد رسول الله وليس الله رسول محمد

هو أحيانًا بيكون الله رسول

مش عايزك تزعل بس أحيانًا بحس لما بقرأ القرآن إن الله هو اللي رسول محمد فعلاً

يعني اللي هو عايزه بيعملهوله وينفذهوله وينزله آيات على مزاجه

عايز يتجوز زينب يتجوز زينب

عايز يمحي اليهود لازم

يعني بيجبله الآيات اللي هي على مزاجه

فهو أحيانًا بيكون رسوله بس معلش

بس بالنسبة لداعش ولا بالنسبة لهؤلاء اللي كتبوا أو اللي حتى محمد حميد الله يعني ماكنش بالنسبة له هذا الإتجاه

يعني هو القصد إن محمد رسول الله

هذه الظاهرة موجودة عند الأتراك عند الأتراك خصوصًا

إن حتى في بعض الخواتم

الخاتم بيحط عليه الله رسول محمد

و من أين أتت الفكرة ؟

هي أتت من الخط الطغرائي

الخط الطغرائي فيه ما يسمى إيستف

إيستف معناها الترتيب من تحت لفوق

من الذي ابتكر هذا الأقتراح

هما الأتراك

يعني هما طريقتهم في كتابة العربية

هي فن , خط . الخط الطغرائي هو نوع من الخطوط العربية اللي هما الأتراك أبدعوا فيها و هو خط جميل جدًا

هنا مكتوب إنما المؤمنون أخوة

نعم لو شوفنا مثلاً إنما المؤمنون أخوة , يعني شايف …..

من تحت لفوق

من تحت لفوق , لو شوفنا مثلا البسملة بتلاقي  بسم الله الرحمن الرحيم

فهذه طريقة الإيستف عند الأتراك

وهي عندهم بس ؟

هما اللي ابتكروها , هي طريقتهم

هما اللي ابتكروها

فا من هذه الناحية اللي زور أو اللي هو عمل هذه الرسائل هو أكيد عملها في العصر العثماني مش قبل

أكيد لسبب إن معظم هذه الرسائل بشكلها محفوظة في الخزانة العثمانية بدليل وجودها في متحف توب كوبي

نعم ممكن يكون العثمانيون هما أنفسهم اللي عملوا هذه الرسائل حتى يكون عندهم ثراء

أو ممكن يكون ضحك على السلاطين اللي كانوا موجودين العثمانين

أو علشان يوضح احنا ليه افتتحنا بيزنطة والقسطنطينية لأن الرسول كان بعت رسالة قبل كده قال هرقل عظيم الروم أسلم تسلم

إذا أسلمت الدولة البيزنطية

طبعًا احنا عارفين إن القسطنطينة اللي هي أسطنبول كانت عاصمة الدولة البيزنطية و كانت مركز المسيحية الشرقية

فا لما العثمانيين افتتحوا القسطنطينية لازم يدوا هذا الشيء من القدسية الدينية إن مش مجرد حرب سياسية ولكنهم يعني أتوا إلى القسطنطينية بسبب رسالة الرسول

فهذا بالنسبالهم يعني شيء

أنا بالنسبة لي يعني لا أعتقد هذا الطرح لأن الموضوع بكل بساطة كانوا بيجمعوا تحف للسلاطين وحتى إن جابولهم عصا موسى وهما افتكروا فعلاً إن هي عصا موسى فعلاً و مازالت موجوده

يعني كانت مجرد حاجة موجودة كدة إية رمزية

ممكن نقول كده و ممكن يكون فعلاً إن في بعض شعر

شعر رأسه

شعر من لحية الرسول موجود في المتحف والشبشب بتاعة لامؤاخذة

كل اللي …….. يعني بعض الأغراض بتاعته موجودة

يعني حتى مكتوب لو نظرت إلى هذه الشعرة جسدك مش هايخش للنار

طب احنا باقي لنا 5 دقايق في الحلقة معلش والوقت يسعفنا

فا عايزين نعرف إيه علاقة هذا العلم ….

نعم نجد هذه الراية راية العقاب كانت موجودة في الحرب العالمية الأولى والثانية للعثمانيين

إيه راية العقاب ؟

العقاب اللي محمد كان ……

هي الراية, راية العقاب ذكرت في بعض الأحاديث على أساس إن هي الراية اللي كان استخدمها الرسول في فتح مكة مثلاً كانت عنده راية سوداء مربعة

وحتى في منهم , وقيل انه مكتوب عليها لا إله إلا الله

اللي هي العبارة اللي هي موجودة على راية داعش

وطبعًا يعني موجودة في …هذا الحديث ف

الراية السوداء يذكرني بشيء ثاني وهو عمامة أبو بكر البغدادي

نعم , نعم

يوم ما عمل الخطبة بتاعته الشهيرة في الموصل بعد إعلان الخلافة ظهر بعمامة سوداء وحتى رداء أسود ودا أثار اهتمام ناس كتير وسألوا لماذا ؟

فقيل إن النبي وقت فتح  مكة دخل مكة بعمامة سوداء وفك عمامة وعمل منها شيء زي علم أو راية

لا احنا انتقلنا الآن إلى العمامة , بس لازم نعرف الأول دور العمامة وهل هي ….. شو القصد من العمامة ؟

أولاً إن الراية هي سوداء هي للعمامة لو شوفنا مثلاً تاريخ العرب اللي قبل الإسلام للدكتور جواد علي يقول إن الراية بتتربط على الرمح فتصبح راية القوم

لأنه بيقول إن فينزع سيد القوم عمامته و يعقدها لواءً و في ذلك معنى التقدير والإحترام لأنها عمامة سيد القوم

فاهما ماعندهمش حاجة جاهزة

حتى الكتابة هايكتبوها إزاي ؟

فهي كانت عبارة عن قماش أسود ربطوه في الرمح وأصبحت راية وسميت براية العقب

لو احنا قولنا راية العقب جاية من فين .

جاية من اسمه إيه

الشعار هو جاية من الشعار البيزنطي لأن البيزنطين هما اللي كانوا بيستعملوا صور العقاب على الراية ويرمز إلى السلطة وإلى القوة

وحتى العثمانيين نقولوا هذا العقاب في رايتهم بألوان طبعًا بحسب فروق الجيش

والعمامة نرى مثلاً حتى عند الخميني حاطط عمامة سوداء

ويرمز لنفس الشيء بالنسبة للخليفة البغدادي

لأن البغدادي أرخى العمامة وهذا يعني , المفروض إن تكون غير مرخية لأن ليس عنده رخاء هو في حالة حرب

و هذا العقاب , هذه الراية كانت موجودة عند البيزنطيين ولازال الروم الأرثوذكس لغاية الآن بيستعملوا هذه الراية اللي فيها العقاب

العقاب اللي هو النسر

واحنا عندنا دلائل , نعم اللي هو النسر

عندنا دلائل تثبت أن العثمانيين أخذوا هذه الراية عن البيزنطيين و استخدموها في حروبهم

حتى في الفسيفساء اللي موجودة في القصور موجود هذا العقاب وهذا ال…… اسمه إيه ؟

كذلك لو شوفنا هذا النسر أصبح يتداول في الدول العربية مثل مصر وغيرها للدلالة على السلطة

يعني إذًا زي ما احنا كنا بنتكلم في القرآن

بنرجع لنفس الفكرة دايمًا إن زي ما كنا بنتكلم في القرآن ودخل فيه العوامل المسيحية واليهودية , حتى راية الحرب الإسلامية اللي هي بيسموها راية العقاب متاخده من أصل بيزنطي

راية سوداء وعليها نسر

أخدها البيزنطيين وطبعًا طوروها وحطوا التاتش بتاعهم الله رسول محمد حسب خطهم الطغرائي

ولحد علم مصر واخد النسر من الفكرة ونفس الفكرة

وحاجة يعني جميلة جدًا تلاقح الحضارات

لو احنا نسينا حكاية بقى القدسية وانو جاي من عند ربنا هايبقى تطور كويس ان الحضارات تاخد من بعضها

وإن كنا طبعًا مش مع الحروب كما قولنا قبل كده

نحن نفتح المجال للي عايز يبحث وعايز يدور نحن لا نصب الحقيقة كأكواب ماء تشربوها وتعرفوا كل شيء

احنا بنديكم كده بس إيه إشارات للبحث وكل واحد يروح يدور

واللي عنده نية البحث بيجد الطريق

ولا يضل الطريق أكثر مما يظن أنه يعرف الحقيقة ويعرف الطريق

نراكم في الحلقة القادمة


Download text file

Box of Islam 059

You may also like

حامد عبد الصمد -  التمييز والعنصرية في الإسلام
 [00:00:04] حامد عبد الصمد: أهلا بكم أصدقائي الأعزاء في حلقة جديدة من [...]
0 views
ملخص تاريخ الاسلام بداية ونهاية
لم يستجب ياأخوة لمحمد في مكةخلال 13 سنة من الدعوة لم يستجب لدعوته لم [...]
20 views
ندوة للاستاذ حامد عبد الصمد في المغرب بعنوان التنوير فوبيا (الجزء الاول)
احمد عصيد: مساء الخير, يُسعدنا أن يكون معكم في هذا اللقاء الفكري الذي [...]
18 views
مين اللى سرق مصر،الحلقه التاسعة عشر: دور العبادة في مصر
مين اللي سرق مصر مين اللي سرق مصر مين اللي سرق مصر مين اللي سرق مصر [...]
7 views
مين اللى سرق مصر، الحلقة الثامنة عشر: إسلام التصدير وإسلام التكفير
مين اللي سرق مصر مين اللي سرق مصر مين اللي سرق مصر مين اللي سرق مصر [...]
2 views
مين اللى سرق مصر، الحلقة السابعة عشر: الأزهر عامل زي سُوستة
مين اللي سرق مصر مين اللي سرق مصر مين اللي سرق مصر مين اللي سرق مصر [...]
4 views
مين اللى سرق مصر، الحلقة السادسة عشر: مأساة التعليم في مصر
مين اللي سرق مصر مين اللي سرق مصر مين اللي سرق مصر مين اللي سرق مصر [...]
4 views
مين اللى سرق مصر، الحلقة الخامسة عشر: خليك فاكر مصر جميلة
مين اللي سرق مصر مين اللي سرق مصر مين اللي سرق مصر مين اللي سرق مصر [...]
7 views
مين اللى سرق مصر، الحلقة الرابعة عشر: الإعجاز العلمي في البناء المصري الحديث.
انهارده عايز اكلمكم عن موضوع الإعجاز العلمي في البناء المصري طبعًا [...]
6 views
مين اللي سرق مصر، الحلقه الثانية عشر، البرفان والشعب القرفان
مين اللي سرق مصر مين اللي سرق مصر مين اللي سرق مصر مين اللي سرق مصر [...]
3 views

Page 1 of 14

اترك تعليقاً