صندوق الاسلام 60 : سيد القمني: أنا كافر

أهلا بيكم في حلقة جديدة , حلقة خاصة من برنامج صندوق الإسلام

هانتكلم انهاردة عن قضية الدكتور سيد القمني

اللي قبل كده الأزهر كفره و دلوقتي متقدم بلاغ ضده في النيابة العامة

إنه إزدري الدين الإسلامي وإنه سب الذات الإلهية وإنه يدعو إلي احتلال مصر وحاجات كتيرة جدًا

هانتطرق لملابثات هذه القضية

شيء طبعًا مخزي وغريب, ماعدش بيحصل في الدنيا كلها غير عندنا احنا بس

إن مفكر يمثل أمام القضاء يدافع عن أفكاره

أفكاره اللي هي تدعو إلى إعمال العقل مش جريمة تانية

إيه قانون إزدراء الاديان وسببه جاء منين و من تواطأ حتى يطبق هذا القانون؟

هل هما بس الإسلاميين ؟ هل هم بس الأزهر ؟ ولا ممكن يكونوا الوسطين المسلمين كمان تواطئوا ولهم دور في الموضوع ؟

يعني إيه إزدراء اديان ؟

ويعني إيه قانون إزدراء اديان “؟

تخيل يا صديقي المسلم لو إنت وعشرة مسلمين من دول مختلفة كدة قررتوا إن انتوا تعملوا منتخب لكرة القدم وسمتوه منتخب المسلمين

وحبيتوا تلعبوا مع الإنسانية بقى والبشرية في كأس العالم

الفيفا اللي بتدير المسابقة دي عملت قواعد معينة للعبة كرة القدم

القواعد دي بتسري على الجميع مهما كانت قوميتهم أو دينهم أو لونهم

قواعد واحدة للكل

الحكم اللي بيحكم الماتش دينه ودولته و عرقية لا تلعب أي دور

الدنيا كلها اتفقت على كده

فا إنت حبيت تلعب مع البشرية

المسيحيين لهم فريق و اليهود لهم فريق والملحدين لهم فريق و أنصار إلفس برسلي و مشجعين مايكل جاكسون والنباتين لهم فريق

المهم الدنيا كلها متنوعة ومختلفة وإنت عايز تلعب

عايز تشاركهم

إنت بتقول أنا جزء من الإنسانية احترموني

 اقبلوني معاكم

قبلوك وجيت أول ماتش هاتلعب قولت آه أنا موافق ألعب معاكم بس في شرط واحد بس

ممنوع تشوطوا على الجول بتاعي

دي كرة قدم

لا بس أنا الجول بتاعي مقدس

وحارس المرمى بتاعي مشاعره ياعيني بتنجرح بسرعة فا لو شوطوا عليه هايزعل , هايعيط

فابلاش تشوطوا عليه ولو لعبوا وجه جول بالغلط يقولك لا دا الحكم ضدنا

دا الفيفا متأمرة ضدنا

مايقبلش بالنتيجة

عايز قواعد خاصة ليه هو بس

ماتطبقش على التانين

ليه هو بس

هو قانون إزدراء الاديان بالظبط طالع من الروح دي

من روح الدين اللي ماسبش دين وماسخرش منه

ولا إزدراه

ولا يعني هزق المؤمنين بيه

عادي , دينك يقول لقد كفر الذين قالوا إن الله ثالث ثلاثة

دينك يقول اليهود حرفوا التوارة بتاعتهم

دينك يقول عن المشركين إنما المشركون نجس

عادي , حقك , إنت طفل الله المدلل

إنت أخر العنقود اللي ربنا حطك على حجره

 مافيش غيرك

إنت تقول عن التانين كل حاجة

تقول عليهم شر الدواب

يعني الحيوانات لامؤخذة

تقول عليهم إن هما كالإنعام بل أضل سبيلا

تقول عليهم في القرآن مثله كمثل الكلب إن تحمل عليه  يلهث وإن تتركه يلهث

تقول عليه مثله كمثل الحمار يحمل اصفاره

عادي , حقك إنا مسلم

إنت تبع ربنا على طول تقول عليهم

تقول إن هما هايدخلوا جهنم وهايتشوا و هايبدل جلودهم و في الدنيا كمان تأمر بقتلهم و اقتلوهم حيث ثكفتموهم

عادي , كل دا عادي

يعني مكان ماتلاقي الكفار اقتلوهم

فا الدين بقى اللي بيستهزء من أصحاب الديانات الأخرى أو اللي مالهمش ديانات

اللي بيطالب بقتلهم , اللي بيقول عليهم نجس

نفس الدين دا بيطلب منهم هما انهم يحترموه هو

بأمارة إيه ؟

مش الاحترام دا شيء متبادل ؟

إزاي إنت تحترم حد مابيحترمكش

منطقي إنه مايحترمكش

الدنيا مليانة اديان غير الاديان السماوية

قانون إزدراء الاديان إيه عاملوا تفصيله كده بيقول إيه الاديان السماوية لا تزدرى

لأ برضو ما هو مش حقيقي على فكرة

لأن إنت ممكن تزدرى المسيحي وعقيدته وطقوسه ومش هاتدخل السجن في مصر

عادي والجوامع مابتبطلش

بتزدري اليهودي و عقيدته وتشتم في التوارة وتقول إنها محرفه مافيش أي مشكلة

حتى تشتم الشيعي اللي هو يعني المفروض إنه مسلم

إذا فا هو مش قانون إزدراء الاديان

دا هو قانون إزدراء الدين الإسلامي السني بس

بلطجة

هي بلطجة

عايز قواعد اللعبة اللي بتمشي على اللعبة كلها ماتمشيش عليك إنت

عمل إيه بقى سيد القمني علشان يتحكم عليه أو علشان يتحول يحول النائب العام البلاغ للنيابة العامة و يتحاكم

الراجل عمل محاضرة في بلجيكا من كام أسبوع و المحاضرة دي رفض بعض الأشياء التي تدرس في كتب الأزهر و قال أنا أكفر بهذه الأشياء اللي هي من داخل الدين الإسلامي كما يعلمه الأزهر

فا عايزين نشوف هو قال إيه و عايزين نشوف مين اللي المفروض أصلا إنه يتحاكم

مين اللي المفروض انه هو يتحاكم لما نشوف هو قال إيه

خلينا نشوف الفيديو رقم 1 ونشوف سيد القمني بيكفر بإيه بالظبط

سيد القمني : بقت مهمة الأزهر أن يثبت إن أنا مش مسلم عشان كده أنا جيت أقولهم أنا كافر هنا

الأزهر عرف حكاية إن أنا …. وابتديت أجهز بقى الأدوات اللي هنقدمها للأمم المتحدة علشان نعتبره مؤسسة إرهابية

أصدر بيان بكفري , طلعوا الفيلم اللي أنا فيه كافر

أنا الحقيقة عايز أرمي من ايدهم هذا السلاح

يعني هو بيقول سيد القمني كافر ماتسمعوش ليه يا مسلمين

فا أنا الحقيقة جاي أقولهم من الأخر أنا كافر

حامد : إيه بقى اللي خلى مفكر كبير زي سيد القمني يقول الكلمة دي

الكلمة طبعًا المعروفه إنها بتودي في 60 داهية

دا حكم إن دا ممكن أي حد يصطاده يقتله والأزهر كفره قبل كده

كفره عشان إيه بقى

هل عشان موقفه من العقيدة أم موقفه من الأزهر و اللي بيدرسه في كتبه

تعالوا نشوف بقى سيد القمني بقى كافر بإيه  بالظبط

واحدة ورا واحدة كده

نشوف الفيديو التاني

سيد القمني : لدينا في ديننا ما لا أستطيع أن اوفق عليه

أنا أكفر بالعبودية

أنا ارفض أن تقول لي هناك عبد يمكنك أن تشتريه بالمال

يقول النبي , العبد الأبق كافر حتى يعود إلى مواليه

يعني فيه عبد مسلم هرب هو كافر لحد مايرجع لسيده تاني ويفضل عبد

يا اخوانا انتوا علمتونا في كتبكم الإنسانية إن الراجل اللي يعمل كده نعمله تماثيل في الميادين ونحيه ونقدره ونرفع من شأنه

العبد الأبق دا حد عظيم

أنا أكفر بهذا

أنا استنكر وأنكر أن أسبي إمرأة في حرب وأشتري إمرأة بمالي وامارس عليها ما قاله السمعاني في الانساب الجزء الأول صفحة 207

وطئ الجارية اللي هو ركوبها

اللي هو كما يركب الدابة

أو بالشراء من السوق ويطأها بملكها

هو امتلكها بالفلوس , يطأها بذلك

هذا وهو يفسر أو ما ملكت أيمانكم فإنهم غير ملومين

ست المؤمنين و23 آية , 23 سورة بتتحدث نفس الحديث

أنا أرفض هذا المعلوم من الدين بالضرورة

فهل أنا كافر يا أزهر ؟

أم هل أنا كافر يا إنسانية ؟

المرأة كانت في سوق مكة ويثرب تقف كما ولدتها أمها

يراها الرجل والمرأة والطفل والطفله و يمكنك إن إنك إنت تتحسس البضاعة المعروضة عشان تشوفها

وأنا قولت الكلام دا قبل كده زي ما كان عبدالله بن عمر بيعمل

كان يروح السوق و يحسس ويشوف ويمد إيده على الإيلية

ويحط إيده بين الثديين ويهزهم وبيعاين جاموسة

بيشتري شيء هايستخدمه

حامد : بيشتري شيء هايستخدمه

سيد القمني يكفر بالعبودية , يكفر بالسبي , يكفر بمعاملة المرأة كأنها سلعة بتباع وتشترى وتمتهن لتكون مجرد شيء يفض شهوة الرجل

لما سيد القمني يقول أنا كافر بهذه الأشياء المفروض يكرم من كل إنسان يحترم الإنسانية مش إن هو يتحاكم بسببها

المفروض إن كل مسلم اللي بيقول على نفسه إن هو معتدل يطلع وينطق كلمة أنا كافر

أنا هاعمل هاشتاج بهذا المضمون

أنا كافر

أنا كافر باللي بيؤمنوا بالعبودية

أنا كافر بالعبودية وبالسبي وبإمتهان المرأة

إيه الغلط في كده

يتحاكم علشان دا ليه ؟

خلينا نشوف فيديو تاني

نشوف بيكفر بإيه كمان

سيد القمني : لدي ثلاث زوجات أخريات وإن أنكرت هذا ممكن ماعملوش

لكن إن أنكرت وأنا أنكره فإني أنكر معلومًا من الدين بالضرورة

أقولكم النص

إذا تزوج أحدكم إمرأة أو اشترى عبدًا أو خادمًا أو جملاً فليقل اللهم إني أسألك خيرها و خير ما جبلتها علي و أعوذ بك من شرها و من شر ما جبلتها علي

الألباني صحيح الجامع الصغير وزيادته إلى آخره

قال النبي الشوئم في ثلاثة المرأة والفرس والدار

ولذلك لما تيجي تتجوز أو تشتري إمرأة تحط إيدك عليها وتقول اللهم اكفني شر ما جبلتها علي وأعطني خير ما جبلتها علي

نفس الحكاية تعمله مع المعزة . اللهم أعطني خير ما جبلتها على و شر ماعرفش إيه

و نفس الحكاية مع الجمل

إن أنكرت حقي في تأديبها أنكر معلومًا من الدين بالضرورة

حامد : هو طبعًا أنكر آية من آيات القرآن و دي مشكلة وَاللَّاتِي تَخَافُونَ نُشُوزَهُنَّ فَعِظُوهُنَّ وَاهْجُرُوهُنَّ فِي الْمَضَاجِعِ وَاضْرِبُوهُنَّ

ربنا من فوق سبع سموات بيشرع للراجل , بيدله الحق إنه ممكن يضرب مراته

فا سيد القمني بيقول حتى لو الكلام دا موجود في القرآن أنا أنكره

أنا أكفر به

أكفر بالشيء الذي يعطي الرجل الحق في ضرب المرأة

الإنسانية تكرم سيد القمني

تعطيه الوسام إنه بيقف في صف المرأة

بيقف مع حقوق الإنسان ويرفض إن رجل بأمر إلهي , بصك إلهي يضرب زوجته ,

مايتحاكمش

يتحاكموا اللي حاطين هذه القوانين وبيدافعوا عنها بإيدهم وسنانهم وخايفين لا تتحط في معيار العقل والإنسانية

كل التخويف وكل قانون إزدراء الاديان وكل الحاجات دي كلها عشان خايفين يتحط الدين في ميزان العقل و في ميزان حقوق الإنسان

عشان هايخسر , هاتبان عورته

وهو دا بالظبط اللي مخليهم يهاجموا ويحاكموا حد زي سيد القمني

إن هو بيعري الحاجات اللي في الدين اللي هما عمالين يخبوها ويجملوها

الأزهر والإسلاميين

الإسلاميين يتقلوا بيها ويسبوا المرأة بيها ويغتصبوا اليزيديين بيها

الإسلاميين التانيين يخبوها في البتاع كده و يجملوها

و الوسطيين يقولوا لأ أصل دي برضو هويتنا و مش عارف إيه وبتاع

تعالوا نكمل فيديو تاني و نشوف سيد القمني بيكفر بإيه بالظبط

سيد القمني : أنا أرفض ما يطلبه مني ابن قدامى في كتابه المغني

ومن هو ابن قدامى المغني على مختصر الخرق

أرفض وطئ الطفلة

أكفر بوطئ طفلة ما بين ما قبل الرضاع وما بعد الرضاع حتى سن تسع سنوات كما قالوا أو حتى سن 18 كما يقول القانون لأن بالنسبالي لو أنا اتجوز بنت عندها 18 سنة أكيد أنا عندي خلل نفسي أو عقلي

ويمكنك في رمضان وأنت صايم

حديث يقول و أرفضه و أكفر به

من امتلأت انثياه

مش عارف اشرحهالكم إزاي

انثياه

خلاص فهمتوها

من امتلأت انثياه بالماء في نهار رمضان ( وهو صايم ) وخاف أن تنفجر ( تنشق مثانته من كثرة الماء فيها فا ممكن يتصرف من غير ما يفطر

يعمل إيه يستمني بيد طفلة صغيرة عمرها سنتين أو ثلاثة

هو كده مافطرش ليه ؟

لأن ماء الرجل عندما يخرج لا ينجسه

ما ينجس الذكر هو ماء الأنثى في الجماع

فالرجل طاهر بالتكوين ومائه طاهر بالخلقة

لذلك يمكنه في نهار رمضان أن يقضي حاجته الجنسية بالإيلاج في قرد أو نحواه

لا حد على من وطئ صغيره لم تبلغ تسع لأنه لا يشتهى مثلها

فأشبه كما لو كان قد أدخل اصبعه في فرجها

الراجل بيستكشف مفيش مشكلة

اغتصاب الصغار ليس عليه حد

أن اغتصب طفلة ليس عليّ حد

أنا كافر

أنا أكفر بهذا

نعم هذا كله كتب أزهرية ومصادر أزهرية قلت يا سيدي من البدء

أسست

هم يعلمون هذا

هذا من داخل ما يدرسه بناتنا في الأزهر في سن المراهقة و أولادنا

حامد : أنا كافر, مادام سيد القمني كافر بالحاجات دي

أنا مش عارف مين الإنسان اللي عنده عقل وعنده إنسانية وعنده احساس  اللي يبص على أطفاله الصغار ويرضى إن حد يعبث فيهم و يطأهم

أو يتجوزهم في سن 6 سنوات أو تسع سنوات

أو يستخدمهم كأداة جنسية لفض شهوته

أي امتهان للبشرية أفظع من ذلك

لو ماحافظتش على استقلالية جسد الطفل والطفلة

يبقى أنا المجتمع راح

لو مجرد نظرتلهم إنهم إن بس عشان مابيحملوش يبقى عادي طفله صغيرة يستخدمها لفض شهوته أو يتزوجها في سن صغير

مين اللي يتحاكم

مين اللي يتحاكم

اللي بيدرس دا في كتبه في الأزهر ولا الراجل اللي بيشاور على الكلام دا و بيقول ياخوانا الكلام دا غلط

ياخوانا شيلوا الموضوع مش بس من مناهجكم من دماغكم من أسلوبكم في التفكير عن المرأة وعن الأطفال وعن التربية

شيله هذا الهوس الجنسي من روؤسكم وانتوا بتشرعوا

و انتوا بتدرسوا

ادوا الأطفال فرصة إن هما يعني يطلعوا في مجتمع صحي

مايخافوش على أجسادهم

مايخافوش من الضرب والعنف والتحرش

هي دي الأفكار اللي بتخلق تحرش جنسي

لما إنت بتشوف الطفلة وتقولها ياعروسة من وهي عندنا سنتين بتقولها يا عروسة

خليتها عروسة

يعني خليتها مشروع جنسي

يكفر سيد القمني علشان بيشاور على دا

الطبيب اللي بيشخص المرض يتحاكم

لكن اللي حقنونا بالفيروس ومازالوا لحد انهادرة

معقل الوسطية الأزهر هو اللي يحاكمه

إيه شي خيال يا ناس ؟!

احنا عايشين في أي عالم ؟! مين يحاكم مين؟!

طبعًا نقطة تانية نتكلم فيها

حكاية لما الزواج من بنت تحت سن ال18

أو سن 12

أنا بسأل دلوقتي الناس اللي وجعوا راسنا بحكاية لا تعارض بين الإسلام والمدنية وحقوق الإنسان ومش عارف إيه

تخيل أو تخيلي أنتي في راجل عنده 50 أو 51 سنة جه عندكوا البيت وطفلتك عندها 6 سنوات و قالك بسم الله الرحمن الرحيم

لَّقَدْ كَانَ لَكُمْ فِي رَسُولِ اللَّهِ أُسْوَةٌ حَسَنَةٌ لِّمَن كَانَ يَرْجُو اللَّهَ وَالْيَوْمَ الْآخِرَ وَذَكَرَ اللَّهَ كَثِيرًا

الرسول كان قدوتنا

والرسول زي ما كل كتب السنة والسيرة أجمعت اتزوج السيدة عائشة وهي عمرها 6 سنوات و دنا بها وهي عندنا 9 سنوات

فا الراجل دا عنده 51 سنة وجاي لبنتك وبيقولك إنشاء الله يعني العروسة عايزين نكتب كتابنا

مش ها مش ها . هافاخزها يعني كده لمدة 3 سنوات و احضنها وبتاع وفي عمر 9 سنوات سأبني بها

سأطأها

هاتقوليه إيه

هاتطلبيله مستشفى الأمراض العقلية أو هتطلبيله الشرطة وتقوليه امشي يا راجل يا نجس

طفلة

لكن مادام النبي هو القدوة الحسنة خلاص دا يتدرس في الأزهر ويبقى الزواج من طفلة شيء ويتشرع

هي دي الأزمة بقى

ودا رجائي دايمًا واحنا بنتكلم مع الوسطين قبل ما تدافع و تبرر وتقول لأ دا ماكنش عندها 6 دا كان عندها 18 و كان عندها 16 و تفضل تلف وتدور

لأ كل الكتب أجمعت على كده لمده 1400 سنة أنت اللي جاي دلوقتي تلعب في لعبة الأرقام دي علشان النبي مستحيل يعمل كده

عشان أنت واخد في دماغك إن كل حاجة أوامر من عند ربنا كانت بتجيله

مش إن هو بشر وبرضو بيعمل حاجات زي الناس في قومه ما كانوا بيعملوا

لأ

الفيديو الأخير وهي دي بقى إيه أزمة طبعًا

مش بس الإسلامين بس هاجموا سيد القمني على دي لأ القوميين كمان بيتهموه إن هو بيطالب بإحتلال مصر

بس أسمع الفيديو كويس أو أسمعي الفيديو كويس وشوفه الراجل قصده إيه لأن الفكرة كويسة جدًا ومن مميزات سيد المقني إنه بيستخدم اسلوب الصدمات

علشان هو اكتشف إن اسلوب المحايلة مع العالم دول ماعدتش بتجيب

نسمع الفيديو و بعدين نعلق عليه

سيد القمني : بلادنا ماعرفتش الحداسة ودخلتها وبنت دولة حديثة ومحمد علي ماعملش دا إلا بعد ما فرنسا دخلت مصر

ماعرفناش يعني إيه سياسة وقانون ووطن ومسؤلية إلا بتواجد الاستعمار الأوربي الانجليزي 73 سنة

فكان يعاشرنا ونعاشره فنتعلم منه

ياريت حد يجي يستعمرنا

مصيبة لو عملنا إعلان حد يجي يستعمرنا ياخوانا هايقولك ياعم روح بعيد عني بلا نيلة أعمل بيك إيه

الحل

مالهاش حل غير انغراس الحضارة في المنطقة

أو خلاص تعملوا بقى بتاع كده , جدار عازل زي جونسك بارك علينا كده وكهربا وبتاع وتيجوا تعملوا عندنا سفاري وبرضو تدونا أكل وشرب وترمولنا كلاشنكوف ومدافع هاون علشان برضو نصفي بعض

يعني ماتحرومناش من حاجة وتتسلوا ترمولنا فسدق ولوز

ماهو مافيش حل تاني

إما إن العالم المتحضر يقف إذاء هذا الوحش لتحجيمة وفرض العلمانية فرضًا أُمميًا على هذه البلاد مع مراقبين دوليين , مع حقوقيين عالميين , مع اساتذة علم وقانون في هذه البلاد وإلا ستخرج عليكم منها شرور ستقضي على الإنسانية

فإذا كنتوا خايفين من ألينز فنحن أشر انواع الألينز

حامد : الراجل قال كلام طبعًا خطير و كلام يوجع طبعًا مافيش شك

بيتكلم عن وحش

الوحش دا أنا وأنت والمجتمع سابوه يتوحش أكتر

سابوه يدرس في المدارس ويقولك هويتنا الدينية والثقافية

سابوا الأزهر وضحكوا على نفسهم وقالوا معقل الوسطية يدرس الكلام الفارغ اللي احنا سمعناه دا كله

وطلع وحش العنف

وحش التحرش الجنسي

وحش اضطهاد المرأة

كل دا طالع من التعاليم اللي انتوا سمتعوها دي

ما هي فكرة بتبني على فكرة بتبني على فكرة

أنا لم بشوف الطفل مالوش خصوصية

خلاص الطفلة دي

طبيعي إنها لما تكبر وتبقى بالغة إني استخدمها كسلعة

اشتريها وابيعها زي الجمل وزي المعزة

يبقى طبيعي إني اضربها . أدبها

يبقى طبيعي إن أنا احجبها واحطها في البيت وإن ماخلهاش تخرج

ولو خرجت اتحرش بيها ما هو أصل مش مكانها الشارع

فا الحالة العامة في المجتمع خلقتها التربية دي وخلقتها التعاليم دي اللي جاية من داخل دينك

وأنت , فاكرين لما كنا بنتخانق ونقول ياخونا المادة التانية من الدستور خطر

إن الشريعة الإسلامية هي مصدر التشريع

مش الإسلاميين بس اللي كانوا بيدافعوا عنها لأ اخوانا الوسطيين المسلمين الجمال أوي كان يقولك هويتنا

ما هو احنا لازم أي حاجة نرتكز عليها في هويتنا وهي دي الأزمة بقى

إن احنا مش عايزين نعترف إن مشروعنا الثقافي ومشروع الهوية بتاعنا فشل فشل ذريع بسبب توغل الدين فيه

بسبب إن احنا سبنا كل الانحرافات دي كلها تتعمل باسم الدين عشان نقول الهوية

عشان نبقى مختلفين شوية عن الغرب

مكسوفين من نفسنا

مكسوفين من نفسنا من الغرب هو اللي جايبلنا القوانين وجايبلنا الكمبيوتر وجايبلنا التكيف و جايبلنا اساليب البناء الحديثة

كل حاجة بنعملها في حياتنا الغرب هو اللي اخترعها

بس في دي بالذات عايزين شوية حاجات يعني تحفظ ماء الوجه

فا نحطوهم ياعيني على الأطفال وعلى المرأة وخلاص

ما هو إنت هاتلاقي هويتنا الإسلامية في النهاية هاتلاقيها الجنس

بس أي حاجة تحجم دور المرأة وتخلي الدين تحكمه قوانين معينة

غير كده هويتك الثقافية

إديني كده . بأمارة إيه

في إيه تاني غير موضوع الجنس والمرأة والعذرية غطاء الرأس

فين ؟ مافيش تاني

مش هاتلاقيهم غير هما بس القضيتين دول

فا الراجل جه وحط إيده على الجرح ده وقال الوحش دا

ما خلاص ما البشرية تعبت مننا وعنده حق

إنت سافر بره كده وروح أي مكان

روح أي بارك أو روح أي اجتماع أو أي محاضرة في أي جامعة و اطلع وقول الله أكبر وشوف إيه اللي هايحصل

كل العالم هاتجري منك

خلاص إنت بقيت رمز للتخويف

علشان سبت الوحش يزداد وحشية وينمو وكنت بتأكله بإيدك

بتأكله وتقول دي هويتنا

وتربي أولادك عليه

فا الراجل دلوقتي بعد ما المصيبة استفحلت

بيقولك والله يا غرب إنتو كمان لو عايزين تتخلصوا من الوحش إنتوا كمان لازم تتصرفوا ماتسبوش العالم

ودا أمر طبيعي

احنا عندنا أزمة ومصيبة كبيرة جدًا اننا مش عارفين نقرر

مش عارفين نقرر

ناخد أنهي قانون

فا نجيب شوية قانون مدني وبعدين نروح حاطين عليهم إيه شوية شريعة إسلامية عشان برضو مكسوفين عشان نقول هويتنا

لأ

خليك شجاع

لو إنت شايف إن القرآن والشريعة هما الصح ومن عند ربنا

دا أخر كتاب دي أخر قصة

طبقها زي ما هي

طبقها زي ما نزلت

اشرب بريل كده و استرجل وطبق الشريعة وقطع رؤوس وقطع ايادي وارجم في ميادين عامة واعمل سوق نخاسة وخلي العالم تروح تشتري عبيد بقى و خلاص

يعني طبق الشريعة زي ماهي

ماتخدش فتافيت من الشريعة وتروح مكملها بالقانون المدني تبقى إنت منافق

تبقى إنت رقصت على السلم وقانونك مشوه علشان كده

مارجريت تاتشر قالت مرة كلمة جميلة اوي

قالت إن اللي بيقف في نصف الطريق بيندهس من الناحيتين

اللي جاي واللي رايح بيدهسوه

مش عارف يقرر

زي اللي بيرقص على السلم لا اللي فوق شافوه ولا اللي تحت سمعوه

واحنا ثقافتنا وهويتنا بقالها فترة من ساعة ما دخلنا فترة الحداثة واحنا مش عايزين نقرر

اروحله يا فاطمة

شريعة ولا دولة مدنية نروح ناخد خطوة ونرجع خطوتين

ودا سر التخلف

وعشان كده عمالين نحمي اللي لسة باقى من هذا التراث بالعافية بقوانين إزدراء اديان

أي دين ده ؟!

اللي محتاج إنك تخوف التانين عشان يحترمك

أي فكرة دي ؟!

إيه الهشاشة بتاعة الفكرة لما يكون أصحابها بيدافعوا عنها بكل هذا العنف والتوحش

إيه الإله دا ؟! اللي محتاج بشر المفروض إن هو اللي خلقهم  يدافعوا عنه ضد بشر تانين المفروض إن هو خلقهم برضو

دا أكبر إزدراء لفكرة الإله

إنك مش تعتقد إن هو اللي بيحميك

لا  إن إنت تروح عايز تحميه

دا إنت كده بتهينه

دا إنت كده بتهزقه

يارب أنا هاخدلك حقك

أنا هاحميك

قانون إزدراء الاديان دا يا إما يتطبق على الجميع  يبقى لا نشتم مسيحي ولا يهودي ولا هندوسى

في اديان كتير ليها حاجات غريبة وعجيبة

يعني إنت عارف في دين من الاديان البدائية

رجالة بيقلعوا ملط و بيروحوا غابة وبيولعوا نار تحت حجر ويقفوا حوالين الحجر

يعملوا دايرة حوالين الحجر ويتبولوا على الحجر الأسود , الساخن

آسف إني غلط في الحجر الأسود معلش

الحجر الساخن

و دا طقس ديني زي عندنا كده بالظبط

إنت هاتشوف المنظر دا هاتضحك وتقول المتخلفين ولاد الكلب اللي بيتبولوا على حجر ويعتبروا إن دا دين

هما ممكن يسخروا منك ويقولوا شوف اللي بيشرب بول البعير و بيقول إن دا النبي بتاعه اللي قاله

ويضحكوا عليك ويقولوا شوفوا بتاع إرضاع الكبير

ما إنت عندك بلاوي إنت كمان

نفس البشرية دول تقول شوف الهندوس بيعبدوا البقر أهه

ما يمكن الهندوس برضو يضحكوا ويقولوا شوف النبي المسلم عمالين يطوفوا حوالين حجر في مكة وبعدين يروحوا يرجموا حجر تاني ويقولوا دا الشيطان

يقولوا بتاع ربنا ودا بتاع الشيطان

طب ما هو حاجة مضحكة

طب ما هو واقفين طوابير على حجر أسود وعمالين يبوسوا فيه ولعاب بقى وجراثيم وأمراض عماله تطلع منهم

وجع بطن

ويجي اللي بعده يتشرف بيه ويبوس وياخد أمراض ويضحكوا عليك

ما إنت عندك إنت كمان

ودي الفكرة اللي أنا عايز اوصلهاك إن قانون إزدراء الاديان دا لو اتطبق على الجميع إنت مش هاتعرف تعيش

إنت هايتمنع عليك على فكرة إنك تأكل لحم بقر عشان ماتزعلش الهندوسي

صح

لو قانون إزدراء الاديان اطبق في اوروبا القرآن هايتمنع

آه هايبقى ليه ؟

هايقولك  القرآن بيشتم المسيحين و بيشتم اليهود

 وبيشتم اللادينين

امنعوا الكتاب دا بيدعوا إلى العنف

دا بيقول اقتلوهم

شوفت بقى إن أحسن إن احنا نفتح المجال ؟

والدين فكرة

القانون يحمي إنسانيتك إنت مابيحميش افكارك

فكرة ضد فكرة انزلوا اتحاوروا مع بعض

إنت تجيب حجة , المسيحي يجيب حجة , اليهودي يجيب حجة , اللاديني يجيب حجة ونتناقش

واللي حجته أقوى يكسب

قلم ضد قلم

مش واحد يتكلم تديله بالقلم

تسكته وتقول هوية

فاخلونا نتفق إن القواعد تسري على الجميع

لو إنت عايز الناس يتحرموا دينك حاول إنت تحترم دينهم

ماتتعالاش عليهم

عايز تبني جامع المسيحي يبني كنيسته

مش دا يبني جامع ياخد مية وكهربا ببلاش والتاني يبني كنيسة يطلع عينه دا لو بناها أصلا

مش كده برضو ؟

يبقى تسمح بإنتقاد دينك

و تكتشف إن سيد القمني في صفك كمسلم عايزك تبقى بني آدم

عايزك تتحرر من الخرافة والخزعبلات

لو دي جريمة يبقى المفروض كلنا ندخل نشارك في الهاشتاج ونقول أنا كافر

نراكم في الحلقة القادمة


Download text file

Box of Islam 060

You may also like

ملخص تاريخ الاسلام بداية ونهاية
لم يستجب ياأخوة لمحمد في مكةخلال 13 سنة من الدعوة لم يستجب لدعوته لم [...]
6 views
ندوة للاستاذ حامد عبد الصمد في المغرب بعنوان التنوير فوبيا (الجزء الاول)
احمد عصيد: مساء الخير, يُسعدنا أن يكون معكم في هذا اللقاء الفكري الذي [...]
3 views
مين اللى سرق مصر،الحلقه التاسعة عشر: دور العبادة في مصر
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة الثامنة عشر: إسلام التصدير وإسلام التكفير
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة السابعة عشر: الأزهر عامل زي سُوستة
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة السادسة عشر: مأساة التعليم في مصر
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة الخامسة عشر: خليك فاكر مصر جميلة
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة الرابعة عشر: الإعجاز العلمي في البناء المصري الحديث.
انهارده عايز اكلمكم عن موضوع الإعجاز العلمي في البناء المصري طبعًا [...]
0 views
مين اللي سرق مصر، الحلقه الثانية عشر، البرفان والشعب القرفان
مين اللي سرق مصر مين اللي سرق مصر مين اللي سرق مصر مين اللي سرق مصر [...]
2 views
مين اللي سرق مصر، االحلقة الحادية عشر ، أولاد حارتنا
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views

Page 1 of 13

اترك تعليقاً

لن يتم نشر عنوان بريدك الإلكتروني.