صندوق الاسلام 71 : متناقضات القرآن : اليهود في القرآن

أهلًا بيكم في حلقة جديدة من صندوق الإسلام

هانتكلم عن موضوع اليهود والمسيحين في القرآن

وعايزين نشوف التطور القرآن بيقول إيه عن اليهود وبيقول إيه عن المسيحين

هاتلاقي إن نفس الخط اللي هو بتاع الحرب والسلم وبتاع التسامح والكراهية برضو ماشي مع اليهود والمسيحين بالظبط

إن الآيات الأولى تمدح فيهم والآيات اللي تيجي بعد كده في الآخر تشتم فيهم وتدعو إلى العنف ضدهم وبتدعوا إلى طردهم من ديارهم

 وإن هما المسلمين يقاتلوا ضدهم يعني حتى يؤمنوا بالإسلام أو يعطوا الجزية عن يد وهم صاغرون

نبدء باليهود ونشوف القرآن كان بيقول إيه

في البداية محمد كان بيستشهد بأنبياء اليهود وقصصهم ، إبراهيم وموسى وداود وسليمان علشان يخوف أهل مكة

ربنا هايخسف بيكوا الأرض زي ما عمل في قوم فرعون

ومن ناحية تانية بيتقرب من اليهود كا ديانة إبراهيمية تؤمن بالتوحيد

ويننظر من اليهود إن هما يدعموا رسالته ويعترفوا بنبوته

فا في سورة جاثية بيمدحهم

 وَلَقَدْ آتَيْنَا بَنِي إِسْرَائِيلَ الْكِتَابَ وَالْحُكْمَ وَالنُّبُوَّةَ وَرَزَقْنَاهُم مِّنَ الطَّيِّبَاتِ وَفَضَّلْنَاهُمْ عَلَى الْعَالَمِينَ  ( سورة الجاثية الآية 16 )

يعني بيعترف ب أفضاليتهم على العالمين

يَا بَنِي إِسْرَائِيلَ اذْكُرُوا نِعْمَتِيَ الَّتِي أَنْعَمْتُ عَلَيْكُمْ وَأَنِّي فَضَّلْتُكُمْ عَلَى الْعَالَمِينَ    ( سورة البقرة الآية 47 )

يعني في تفضيل إن هما شعب الله المختار بيتعرف بيها الإسلام

بيستشهد بعلماء بني إسرائيل إن هما يقولوا إن الإسلام صح

بيستشهد بكتبهم وبالزابور

يقول إيه بقى عن القرآن

وَإِنَّهُ لَتَنزِيلُ رَبِّ الْعَالَمِينَ نَزَلَ بِهِ الرُّوحُ الْأَمِينُ عَلَىٰ قَلْبِكَ لِتَكُونَ مِنَ الْمُنذِرِينَ بِلِسَانٍ عَرَبِيٍّ مُّبِينٍ وَإِنَّهُ لَفِي زُبُرِ الْأَوَّلِينَ أَوَلَمْ يَكُن لَّهُمْ آيَةً أَن يَعْلَمَهُ عُلَمَاءُ بَنِي إِسْرَائِيلَ   ( سورة الشعراء الآيات 192-193-194-195-196-197 )

يبقى مين اللي هايشهد إن محمد صح ؟

علماء بني إسرائيل

يبقى ناس كويسين ، يبقى ناس عندهم علم ، عندهم حكمة ، عندهم نبوة في نسلهم

مش بس كده ، القرآن دخل اليهود و المسيحين كمان في زمرة المؤمنين في آيتين كمان

في واحدة في سورة البقرة وواحدة في سورة المائدة بنفس النص مع اختلاف بسيط بينهم

هاقرأ واحدة منهم

إِنَّ الَّذِينَ آمَنُوا وَالَّذِينَ هَادُوا وَالصَّابِئُونَ وَالنَّصَارَىٰ مَنْ آمَنَ بِاللَّهِ وَالْيَوْمِ الْآخِرِ وَعَمِلَ صَالِحًا فَلَا خَوْفٌ عَلَيْهِمْ وَلَا هُمْ يَحْزَنُونَ   ( سورة المائدة الآية 69 )

مايتخفش عليهم

يعني هايخشوا الجنة بس المهم إن هما يعملوا عمل صالح

طب كلام جميل أهو

تعددية ومعترف بيهم ومؤمنين

إيه اللي حصل بعد كده بقى ؟

اللي حصل و عمل قاعدة كمان للحوار مع اليهود ومع المسيحين جميلة جدًا أدب الحوار

وَلَا تُجَادِلُوا أَهْلَ الْكِتَابِ إِلَّا بِالَّتِي هِيَ أَحْسَنُ   ( سورة العنكبوت الآية 46 )

رائع ، إلا بالتي هي أحسن

يعني أنا لو بجادل واحد ماشتموش ، ماأسفهش ( سفاهة ) من دينه  ، ماأحقرش ( تحقير ) من دينه ، مااتبلاش ( افتراء ) عليه صح ؟

وطبعًا العنف والبتاع يبقى مافيش جدال بقى

هي هاتلاقيها قاعدة وَلَا تُجَادِلُوا أَهْلَ الْكِتَابِ إِلَّا بِالَّتِي هِيَ أَحْسَنُ  زي قاعدة كتب على نفسه الرحمة ورحمتي وسعت كل شيء

قولنا إن ربنا نفسه مالتزمش بالقاعدة دي

إن بعد كده بيشوي الجلود وبيحرق وبيبعت ملايكة تقاتل وبينزل بنفسه هو المعركة وبيقتل طب امال كتب على نفسه الرحمة ليه

دا بيدبحهم في الدنيا بنفسه بإيده وبيقولهم اضربوا فوق الأعناق وفي يوم القيامة هايشويهم إلى الآبد في نار جهنم

يبقى فين كتب على نفسه الرحمة ؟ الرحمة لمين ؟

هي الرحمة بس للي مؤمن بيه ؟

مش المفروض كتب على نفسه الرحمة وسعت كل شيء

كل شيء ، الكفار كمان كل شيء

نفس الشيء :وَلَا تُجَادِلُوا أَهْلَ الْكِتَابِ إِلَّا بِالَّتِي هِيَ أَحْسَنُ  القرآن عمل القاعدة للحوار ومالتزمش بيها

يعني عمل القاعدة للحوار وقال بالتي هي أحسن بس بعد كده يشتم اليهود ويقول عليهم قردة وخنازير عادي

يقول عليهم شر الدواب ، يعني اسوء انواع الحيوانات عادي

فين أدب الحوار ؟

بس عشان كان عايز منهم حاجة في الأول

قولنا قبل كده إن هو راح المدينة وابتدى ينسخ قواعد ليهم ، تشريعات ليهم ، قولنا إن كلمة شريعة هي ترجمة حرفية لكلمة هلا خا الطريق

قولنا إن القبلة في اتجاه القدس

تحريم الخنزير رغم إن ماحدش ، الخنزير دا ماكنش موضوع عند العرب  يعني

ماحدش كان بياكل الخنزير بس هو عشان يبقى شبه اليهود

تحريم الاقتراب من المرأة في وقت المحيض

حاجات كتيرة حتى في الطهارة يعني اليهود كانوا مثله الأعلى

كان بينقل منهم حاجات ، لدرجة إن هو بيصلى في إتجاه القدس يعني

فا حصل إن هو لما استشهد بيهم وقالهم أنا نبي ومكتوب عندكم في التوراة قالوا له والله دورنا في التوراة مالقيناش اسمك

نفس الحكاية مع المسيحية ماهو مبشرًا بنبيًا يأتي من بعدي اسمه أحمد

اتبلى على المسيحين إن المسيح قال في واحد هايجي بعدي وأنا مبشر بيه

طب ماهو لو بشر طب ماهو كان الناس عرفوا

بس نظرية المؤامرة ، دا المسيحين واليهود شافوا اسمي عندهم وحرفوا التوراة وحرفوا الإنجيل عشان اسمي مايبانش

فا هو راح يقول لليهود ويقول للمسيحين أنا اسمي مكتوب ؟ لأ

أنا اسمي مكتوب ؟ لأ

فا زعل طبعًا ، اتضايق استنى منهم إنهم يدعموه

فا يرد إزاي بقى ؟

يغير لغة القرآن

طبعًا يغير القبلة من القدس يوديها مكة تاني

ويبتدي ينزل فيهم سخ ويقول إيه بقى عن اليهود في سورة المائدة برضة

سورة المائدة دي برضو من الآواخر

سَمَّاعُونَ لِلْكَذِبِ أَكَّالُونَ لِلسُّحْتِ ۚ فَإِن جَاءُوكَ فَاحْكُم بَيْنَهُمْ أَوْ أَعْرِضْ عَنْهُمْ ۖ    ( سورة المائدة الآية 42 )

شتايم

بياكلوا سحت

بيكلم بقى اليهود : وَلَا تَلْبِسُوا الْحَقَّ بِالْبَاطِلِ وَتَكْتُمُوا الْحَقَّ وَأَنتُمْ تَعْلَمُونَ  ( سورة البقرة الآية 42 )

ياولاد اللذينة أنا اسمي مكتوب عندكوا في التوارة وانت مش عايزين تقولوا

حذفتوا الآية دي عشان مش عايزيني أبقى نبي

نظرية مؤامرة

هو لو كان موجود ماكانوا يعترفوا

ما جاء أنبياء بعد كده ماحصلتش ، مافرقتش معاهم يعني

لأ

يا بني إسرائيل وعمال يعددلهم بقى وعملت فيكوا إيه

وَإِذْ نَجَّيْنَاكُم مِّنْ آلِ فِرْعَوْنَ يَسُومُونَكُمْ سُوءَ الْعَذَابِ ( سورة البقرة الآية 49 )  وكأن محمد هو اللي نجاهم يعني ، هو اللي فلق البحر

وَإِذْ فَرَقْنَا بِكُمُ الْبَحْرَ فَأَنجَيْنَاكُمْ وَأَغْرَقْنَا آلَ فِرْعَوْنَ وَأَنتُمْ تَنظُرُونَ وَإِذْ وَاعَدْنَا مُوسَىٰ أَرْبَعِينَ لَيْلَةً ثُمَّ اتَّخَذْتُمُ الْعِجْلَ مِن بَعْدِهِ وَأَنتُمْ ظَالِمُونَ  ( سورة البقرة الآيات 50-51 )

انت مش لسة قايل عليهم إن هما مؤمنين ؟

طب العجل دا كان أيام موسى بتعاقبهم على إيه دلوقتي وانت لسة مسميهم قبل كده في سورة البقرة إن هما مؤمنين

في نفس السورة

لسة قايل عليهم قبل كده إن هما مؤمنين ، الذين هادوا

طيب لية بقى بتقولهم العجل وبتاع وكأنهم اليهود بتوع انهاردة ، في عصرك هما اللي عبدوا العجل

متضايق منهم فا يجبلهم أي حاجة

ما هو زي أي حد فا يجبلوا القديم والجديد

الموضوع ماتوقفش عند هذا الحد يعني

إن هو جدال لاهوتي عن التوراة وعن القرآن وإيه الأصح

لو كان استمر في كده كان عادي ، كان ممكن حتى يقول إنهم حرفوها

ماشي ، ماشي الأمر

لكن يخلي العداوة بقى عداوة حربية

ابتدى يصطاد القبائل اليهودية اللي عايشة في المدينة واحدة ورا التانية ويتلككلهم

أول واحدة يقولك دا خلعوا الحجاب بتاع واحدة مسلمة وعلقوا ثيابها في عنقها

واحد ، واحد يهودي عمل كده ، بفرض إنه عمل يعني

فا يعاقب القبيلة كلها بني قنينقاع ويطردهم من المدينة ويستولي على بيوتهم

كان بعد معركة أحد عشان ماعهوش فكة

ماجابش غنايم السنة دي فا عايز يعيش

جه بعد كده بني النضير

بني النضير جاتله رؤية كده وهو قاعد معاهم بيكلمهم أو كان رايح يكلمهم في مواضيع عادية حياتية يعني

إن جبريل جاله وقاله دا واحد هايطلع يهودي ويرمي حجر من فوق البيت ويقتلك

فا عشان يعني ، يإما تلكيكة هو اخترعها يإما وسواس قهري paranoia  يعني ، هلوسات

مش برضة كان يجيب الراجل اللي كان في نيته

احنا مابنحاسبش حد على نيته

القانون مابيحسبش حد على نيته

هل في حد طلع ورمى حجر ؟ لأ

المصادر الإسلامية بتقول ماحدش رمي

دا هو جبريل بس جه قاله ناوي واحد يقوم يرمي

طيب الواحد دا هاته يا أخي وحاسبه

اقتله ماشي

تجيب القبيلة كلها وتطلعها وتقطع النخل بتاعها وتستولي على حقولهم وبيوتهم والقرآن يحتفي بهذا الحدث

هُوَ الَّذِي أَخْرَجَ الَّذِينَ كَفَرُوا مِنْ أَهْلِ الْكِتَابِ مِن دِيَارِهِمْ لِأَوَّلِ الْحَشْرِ ۚ مَا ظَنَنتُمْ أَن يَخْرُجُوا ۖ وَظَنُّوا أَنَّهُم مَّانِعَتُهُمْ حُصُونُهُم مِّنَ اللَّهِ فَأَتَاهُمُ اللَّه ( الله نفسه هو اللي جالهم بقى )  مِنْ حَيْثُ لَمْ يَحْتَسِبُوا ۖ وَقَذَفَ فِي قُلُوبِهِمُ الرُّعْبَ ۚ يُخْرِبُونَ بُيُوتَهُم بِأَيْدِيهِمْ وَأَيْدِي الْمُؤْمِنِينَ  ( سورة الحشر الآية 2 )

ربنا بيحتفل بتهديم البيوت

يُخْرِبُونَ بُيُوتَهُم بِأَيْدِيهِمْ وَأَيْدِي الْمُؤْمِنِينَ

اليهود عارفين إن محمد جاي عايز ياخد البيوت بتاعتهم

فا هما بنطردوا ، هاربانين ، بيكسروا بيوتهم عشان ماحدش يستفيد منها

يعني إنتوا جايين تقتلونا عشان البيوت على الأقل

فهو إيه القرآن يروح يقولك : يُخْرِبُونَ بُيُوتَهُم بِأَيْدِيهِمْ وَأَيْدِي الْمُؤْمِنِينَ فَاعْتَبِرُوا يَا أُولِي الْأَبْصَارِ وَلَوْلَا أَن كَتَبَ اللَّهُ عَلَيْهِمُ الْجَلَاءَ لَعَذَّبَهُمْ فِي الدُّنْيَا ۖ وَلَهُمْ فِي الْآخِرَةِ عَذَابُ النَّارِ ( سورة الحشر الآيات 2-3 )

ربنا هو اللي طردهم ، ينطردوا

ذَٰلِكَ بِأَنَّهُمْ شَاقُّوا اللَّهَ وَرَسُولَهُ ۖ وَمَن يُشَاقِّ ( دايمًا هاتلاقيها دي ) اللَّهَ فَإِنَّ اللَّهَ شَدِيدُ الْعِقَابِ مَا قَطَعْتُم مِّن لِّينَةٍ أَوْ تَرَكْتُمُوهَا قَائِمَةً عَلَىٰ أُصُولِهَا فَبِإِذْنِ اللَّهِ وَلِيُخْزِيَ الْفَاسِقِينَ ( سورة الحشر الآيات 4-5 )

لينة يعني نخلة

حتى بيقولهم النخلة اللي انتوا قطعطوها سواء قطعطوها أو سيبتوها قائمة دا برضو أمر من عند ربنا

دا تخريب ، فساد في الأرض ، يعني دا المفروض فساد في الأرض إن الواحد يقطع حقول ويطقع نخل اليهود ويطلعهم من بيوتهم عشان رؤية

حلمت إن  حد منهم رمى فوقك حجر

دا منطق إلهي كتب على نفسه الرحمة

دا منطق جادلهم بالتي هي أحسن ؟

فا مابيلتزمش القرآن بالمبادئ اللي هو رصدها اللي احنا بنقول عليها إيه حاجة كويسة

وبعدين بعد ما كان بيسأل ، روحوا اسألوا علماء بني إسرائيل دول ناس كويسين

لأ

لَتَجِدَنَّ أَشَدَّ النَّاسِ عَدَاوَةً لِّلَّذِينَ آمَنُوا الْيَهُودَ وَالَّذِينَ أَشْرَكُوا ۖ ( سورة المائدة الآية 82 )

طب حلو ومين الكويسين معانا طيب ؟

وَلَتَجِدَنَّ أَقْرَبَهُم مَّوَدَّةً لِّلَّذِينَ آمَنُوا الَّذِينَ قَالُوا إِنَّا نَصَارَىٰ ۚ ذَٰلِكَ بِأَنَّ مِنْهُمْ قِسِّيسِينَ وَرُهْبَانًا وَأَنَّهُمْ لَا يَسْتَكْبِرُونَ ( سورة المائدة الآية 82 )

يعني النصارى حلوين ؟ طب ماشي

إنتظر ، اصبروا شوية يا نصارى دوركوا جاي ماتفرحوش أوي دلوقتي كده

يعني راجعينلكوا بعد شوية

بقى اليهود وحشين وأشد عدواة واللي بيحبونا وأقرباء مننا القسسين والرهبان والنصارى علشان مابيستكبروش

هانشوف الكلام دا هايلتزم بيه وهايستمر ولا برضة هايلاقي للنصارى أسباب يعاديهم بيها

يَا أَيُّهَا الرَّسُولُ لَا يَحْزُنكَ الَّذِينَ يُسَارِعُونَ فِي الْكُفْرِ مِنَ الَّذِينَ قَالُوا آمَنَّا بِأَفْوَاهِهِمْ وَلَمْ تُؤْمِن قُلُوبُهُمْ  ( سورة المائدة الآية 41 )

طب في شوية يهود آمنوا بيه لأ برضو مش كفاية

أنا شاكك فيكوا

انتوا قولتوا إن انتوا آمنتوا صحيح بس أنا مش مصدقكوا

أصل انتوا يهود

مانتوا ممكن تكونوا بتضحكوا عليا

طب يعني يعملولك إيه أكتر من كده

قالوا آمنا بيك أهو يلا سيبنا في حالنا بقى

الناس عايزه تعيش ، ما هما شايفين في واحد جاي مسيطر على كل حاجة

جيش عمال يدبح ويقتل ويطرد قبيلة ورا قبيلة

فا في منهم ناس قالوا طب والله احنا آمنا بيك سيبنا نعيش

لأ دول كمان لازم يشتمهم

قَالُوا آمَنَّا بِأَفْوَاهِهِمْ وَلَمْ تُؤْمِن قُلُوبُهُمْ ۛ وَمِنَ الَّذِينَ هَادُوا ۛ سَمَّاعُونَ لِلْكَذِبِ سَمَّاعُونَ لِقَوْمٍ آخَرِينَ لَمْ يَأْتُوكَ ۖ يُحَرِّفُونَ الْكَلِمَ مِن بَعْدِ مَوَاضِعِهِ ۖ  ( سورة المائدة الآية 41 )

يا عم بقولك آمنوا بيك بتشتمهم ليه تاني

سابوا اللي حرفوه وجولك ، لأ

يَقُولُونَ إِنْ أُوتِيتُمْ هَٰذَا فَخُذُوهُ وَإِن لَّمْ تُؤْتَوْهُ فَاحْذَرُوا ۚ وَمَن يُرِدِ اللَّهُ فِتْنَتَهُ فَلَن تَمْلِكَ لَهُ مِنَ اللَّهِ شَيْئًا ۚ أُولَٰئِكَ الَّذِينَ لَمْ يُرِدِ اللَّهُ أَن يُطَهِّرَ قُلُوبَهُمْ ۚ لَهُمْ فِي الدُّنْيَا خِزْيٌ ۖ وَلَهُمْ فِي الْآخِرَةِ عَذَابٌ عَظِيمٌ  ( سورة المائدة الآية 41 )

حتى اللي آمنوا بيه من اليهود قلبهم مش نضيف

نيتهم مش كويسة

فَبِمَا نَقْضِهِم مِّيثَاقَهُمْ وَكُفْرِهِم بِآيَاتِ اللَّهِ وَقَتْلِهِمُ الْأَنبِيَاءَ بِغَيْرِ حَقٍّ ( سورة النساء الآية 155 )

طب حد من يهود المدينة قتل نبي

هاتلنا اسمه كده ، النبي دا كان اسمه إيه ومين من اليهود اللي قتله

قصص قديمة بتتعمل وهما اللي كاتبينها بنفسهم يعني

فلان عمل وجه ومين قتل مين وبتاع

مين اللي قتل من يهود المدينة اللي انت بتشتمهم وعايز تطردهم

مين منهم قتل أنبياء مش هاتلاقي

ويخبط بقى اليهود في المسيحين يقولك إيه

وَبِكُفْرِهِمْ وَقَوْلِهِمْ عَلَىٰ مَرْيَمَ بُهْتَانًا عَظِيمًا وَقَوْلِهِمْ إِنَّا قَتَلْنَا الْمَسِيحَ عِيسَى ابْنَ مَرْيَمَ ( سورة النساء الآيات 156- 157 )

أكبر دليل على إن اللي كاتب القرآن دا مايعرفش حاجة

سوري يعني

يعني إيه اليهود تقول إنا قتلنا المسيح ؟

اليهود مابيعترفوش أصلا إن عيسي هو المسيح

اليهود مستنين المسيح بتاعهم يجي في آخر الزمان

نبوءتهم كده

لو قالوا إن عيسى كان المسيح كان المفروض يآمنوا بيه صح ؟

فا فين قالوا إنا قتلنا المسيح ؟ دي جات فين دي ؟ جبتها من أي كتاب من أي معلومة

عشان برضو نعرف إنت جايب المعلومة دي منين ؟

زي وقالت اليهود عزير ابن الله قالوا فين ؟

يعني هل فيه اجتماع حصل كده إن اليهود كلهم بتوع البشرية بقى مش بتوع زمانك قالوا إن عزير ابن الله

مافيش أي حاجة زي كده معروفه

في أي نص توارتي أو من التلمود قالوا فيه إن عزير ابن الله

في ناس منهم في وقت ما يمكن قالوا هذا الشيء

لكن هل دا نص مؤسس توراتي مثلًا قالوا فيه كده ؟

أو جبت المعلومة دي منين ؟

بس هو عشان يشتم دول ويشتم دول

فَبِظُلْمٍ مِّنَ الَّذِينَ هَادُوا حَرَّمْنَا عَلَيْهِمْ طَيِّبَاتٍ أُحِلَّتْ لَهُمْ وَبِصَدِّهِمْ عَن سَبِيلِ اللَّهِ كَثِيرًا وَأَخْذِهِمُ الرِّبَا وَقَدْ نُهُوا عَنْهُ وَأَكْلِهِمْ أَمْوَالَ النَّاسِ بِالْبَاطِلِ ۚ ( سورة النساء الآيات 160-161 )

هو عايز فلوسهم ، هو عايز فلوسهم فا ما ادهالوش بالهوادة فا ابتدى ياخد بالعافية بقى

يتلككلهم على أي حاجة ويطردهم

كِنِ الرَّاسِخُونَ فِي الْعِلْمِ مِنْهُمْ وَالْمُؤْمِنُونَ يُؤْمِنُونَ بِمَا أُنزِلَ إِلَيْكَ وَمَا أُنزِلَ مِن قَبْلِكَ ۚ وَالْمُقِيمِينَ الصَّلَاةَ ۚ وَالْمُؤْتُونَ الزَّكَاةَ ( سورة النساء الآية 162 )

هو دا بقى ، مين الراسخون في العلم دول ؟

اليهود اللي قالوا إن محمد نبي وبيدفعوا الزكاة

لازم الإتنين ، وعشان انت تؤمن ومحمد يوقن بإيمانك لازم مش بس تؤمن وتصلى وراه جماعة

تأبجه

لازم تديله فلوس علشان هو يعتبرك مؤمن بجد

وإلا هايشك فيك والدليل عنده

وزي ما شوفنا في سورة التوبة إن دايمًا يربط الصلاة بالزكاة

دايمًا يربط الجهاد وينفقون في سبيل الله

لازم الفلوس تكون موجودة عشان تثبت إنك مؤمن صادق والإيمان من قلبك

بس حتى لو آمنوا يبقى منافقين ؟ ما اضمنهمش

فين بقى ؟

قُلْ هَلْ أُنَبِّئُكُم بِشَرٍّ مِّن ذَٰلِكَ مَثُوبَةً عِندَ اللَّهِ ۚ مَن لَّعَنَهُ اللَّهُ وَغَضِبَ عَلَيْهِ وَجَعَلَ مِنْهُمُ الْقِرَدَةَ وَالْخَنَازِيرَ وَعَبَدَ الطَّاغُوتَ ۚ أُولَٰئِكَ شَرٌّ مَّكَانًا وَأَضَلُّ عَن سَوَاءِ السَّبِيلِ وَإِذَا جَاءُوكُمْ قَالُوا آمَنَّا وَقَد دَّخَلُوا بِالْكُفْرِ وَهُمْ قَدْ خَرَجُوا بِهِ ۚ وَاللَّهُ أَعْلَمُ بِمَا كَانُوا يَكْتُمُونَ   ( سورة المائدة الآيات 60-61 )

يعني جوله ( آتو له ) وبيقوله احنا آمنا بيك

لأ قلبهم مش نضيف

سرة الفلوس ما طلعتش يبقى مش مؤمنين

وَتَرَىٰ كَثِيرًا مِّنْهُمْ يُسَارِعُونَ فِي الْإِثْمِ وَالْعُدْوَانِ وَأَكْلِهِمُ السُّحْتَ ۚ لَبِئْسَ مَا كَانُوا يَعْمَلُونَ   ( سورة المائدة الآية 62 )

في المائدة تاني

يَا أَيُّهَا الَّذِينَ آمَنُوا لَا تَتَّخِذُوا الْيَهُودَ وَالنَّصَارَىٰ أَوْلِيَاءَ ۘ بَعْضُهُمْ أَوْلِيَاءُ بَعْضٍ ۚ وَمَن يَتَوَلَّهُم مِّنكُمْ فَإِنَّهُ مِنْهُمْ ۗ إِنَّ اللَّهَ لَا يَهْدِي الْقَوْمَ الظَّالِمِينَ   ( سورة المائدة الآية 51 )

مش كان بيقول لا ينهاكم الله عن الذين لم يقاتلكم في الدين ولم يخرجوكم من دياركم ؟

آه هل اليهود أخرجوا محمد والمسلمين من ديارهم ؟

ماعملوش

طب ليه بقى بيقول لا تتخذوا اليهود والنصارى ؟

مش النصارى كانوا لسة حبايبنا وأقرب مودة ؟

طب ما تخلينا ما دام هما أقرب مودة احنا كمان نودهم ، نبرهم ، نصادقهم

لأ لا تتخذوا اليهود والنصارى أولياء بعضهم أولياء بعض

فَتَرَى الَّذِينَ فِي قُلُوبِهِم مَّرَضٌ يُسَارِعُونَ فِيهِمْ يَقُولُونَ نَخْشَىٰ أَن تُصِيبَنَا دَائِرَةٌ  ( سورة المائدة الآية 52 )

يعني تلاقي المؤمنين اللي هما المسلمين برضو ليه صاحب يهودي ، ليه صاحب مسيحي يقولك في مصالح ومش عارف إيه وبتاع

لأ ، افصل

الإرهاب بيجي من كده

إن انت أصلًا ربنا بيقولك ماتصادقش دا

بالذمة ابنك لو في دولة أوروبية دلوقتي أو في دولة زي مصر أو سوريا أو لبنان بيروح المدرسة ومعاه حواليه دا مسلم دا مسيحي دا يهودي دا ملحد

هايعيش معاهم إزاي ؟ هايصادقهم إزاي ؟ هايبقى في مجتمع صحي إزاي ؟

هايتعونوا مع بعض إزاي ؟ هايشتغلوا في شركة واحدة إزاي ؟

فا دا كتاب بيعزل الناس عن البشرية

بيبعدهم عن كل حاجة ، ماتبقاش غير جنب الناس اللي بيحبوا النبي وبيجاهدوا مع النبي وبيدفعوا له فلوس

أي حد تاني براءة من الله ورسوله منه

وَقَالَتِ الْيَهُودُ يَدُ اللَّهِ مَغْلُولَةٌ ۚ غُلَّتْ أَيْدِيهِمْ ( سورة المائدة 64 )

قالوها فين دي ؟

مش تقول وقالت اليهود في توراتهم ، وقالت اليهود على جبل الصفا

أي كلام ، افتراء

فقالت اليهود مش عارف إيه

لُعِنَ الَّذِينَ كَفَرُوا مِن بَنِي إِسْرَائِيلَ عَلَىٰ لِسَانِ دَاوُودَ وَعِيسَى ابْنِ مَرْيَمَ ۚ ذَٰلِكَ بِمَا عَصَوا وَّكَانُوا يَعْتَدُونَ ( سورة المائدة 78 )

يبقى اليهود عيسى لعنهم وداود لعنهم ، يبقى كدا ماعترفوش بحاجة اسمها اليهود

ماحصلش

فضل مين بقى في المدينة ؟ ، فضل يهود بني قريظة

أخر مجموعة من اليهود وأغنى مجموعة

وحصنهم حصن منيع يعني ، بس هايروحوا فين ؟

بعد غزوة الأحزاب برضو كان هايبقى فيه غزوة كان هايبقى فيه مكاسب وبتاع

ماحصلتش الغزوة ، جاء ريح والأحزاب مشيوا ومعملش حاجة

طب هاعيش منين السنة دي ، فين اليهود

يروح على اليهود يقولهم دا إنتوا تعاونوا مع مش عارف إيه وكنتم هاتدخلوا

حد دخل المدينة ؟ ماحدش دخل

حد قتل ؟ مافيش

فايروح يحاصرهم لحد ما الأطفال جعانين مش لاقين يأكلوا وخلاص فا سلموا نفسهم

وخلاص متكتفين ، يعمل فيهم إيه بقى ؟

يقطع روؤسهم ، ليه ؟

عشان ماسعدوهوش ومادفعوش فلوس

والقرآن يجي يحتفي بهذا البتاع

وَأَنزَلَ الَّذِينَ ظَاهَرُوهُم مِّنْ أَهْلِ الْكِتَابِ مِن صَيَاصِيهِمْ وَقَذَفَ فِي قُلُوبِهِمُ الرُّعْبَ فَرِيقًا تَقْتُلُونَ وَتَأْسِرُونَ فَرِيقًا وَأَوْرَثَكُمْ أَرْضَهُمْ وَدِيَارَهُمْ وَأَمْوَالَهُمْ وَأَرْضًا لَّمْ تَطَئُوهَا ۚ وَكَانَ اللَّهُ عَلَىٰ كُلِّ شَيْءٍ قَدِيرًا ( سورة الأحزاب 26 & 27 )

ربنا بيبارك السرقة والنهب

أورثكم ديارهم وأرضهم

ليه ، ماتعبوش فيها ، فيه حد من المسلمين كان بناء عشان يبني دار

كان زراع عشان يزرع حقول

ياخد حقولهم وأرضهم وأموالهم ليه ؟ بمناسبة إيه ؟

افتراء ، جباية ، سرقة

بس والقرآن ربنا جاي يبارك السرقة ، السرقة المقدسة اللي قام عليها الإقتصاد الإسلامي كله

أدي علاقة القرآن باليهود

من فضلناكم عن العالمين لحد يبارك دبحهم ويبارك سرقتهم

هانكمل الحلقة اللي جاية ونتكلم عن المسيحيين في القرآن

نراكم في الحلقة القادمة


Download text file

Box of Islam 071

You may also like

ملخص تاريخ الاسلام بداية ونهاية
لم يستجب ياأخوة لمحمد في مكةخلال 13 سنة من الدعوة لم يستجب لدعوته لم [...]
6 views
ندوة للاستاذ حامد عبد الصمد في المغرب بعنوان التنوير فوبيا (الجزء الاول)
احمد عصيد: مساء الخير, يُسعدنا أن يكون معكم في هذا اللقاء الفكري الذي [...]
3 views
مين اللى سرق مصر،الحلقه التاسعة عشر: دور العبادة في مصر
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة الثامنة عشر: إسلام التصدير وإسلام التكفير
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة السابعة عشر: الأزهر عامل زي سُوستة
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة السادسة عشر: مأساة التعليم في مصر
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة الخامسة عشر: خليك فاكر مصر جميلة
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة الرابعة عشر: الإعجاز العلمي في البناء المصري الحديث.
انهارده عايز اكلمكم عن موضوع الإعجاز العلمي في البناء المصري طبعًا [...]
0 views
مين اللي سرق مصر، الحلقه الثانية عشر، البرفان والشعب القرفان
مين اللي سرق مصر مين اللي سرق مصر مين اللي سرق مصر مين اللي سرق مصر [...]
2 views
مين اللي سرق مصر، االحلقة الحادية عشر ، أولاد حارتنا
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views

Page 1 of 13

اترك تعليقاً

لن يتم نشر عنوان بريدك الإلكتروني.