صندوق الاسلام 74 : متناقضات القرآن : الزنا الحلال والزنا الحرام في القرآن

أهلاً بكم في حلقة جديدة من صندوق الإسلام

هانتكلم انهاردة عن تحريم الزنا في القرآن

محمد كان بيحاول إن هو يظبط الcommunity بتاعه

أو الدولة الصغيرة اللي هو اسسها في المدينة

وكان بيحاول ينظم علاقاته بأزواجه خاصةً بعد ما كتروا

يعني لما كان متزوج من إمرأة واحدة ماكنش في أي كلام عن الأزواج والطلاق والزنا ومش الزنا والحاجات دي كلها

الكلام دا كله بدأ في المدينة لأهداف معينة

طبعًا محمد كان خايف على المجموعة الصغيرة اللي جاية معاه

كان شباب كتير منهم

كان خايف عليهم من التأثيرات الخارجية

فا كنت تلاقيه يحرم عليهم شرب الخمور

علشان الخمرة يعني بتخلي الناس يتخانقوا

بتخلي الناس ….

مابيشرابوش زي انهاردة الفرنساوي ولا الإيطالي لما يشرب كاس خمرة كده بالمساء

مايحصلش حاجة بالعكس دا كل الأطباء بيقولوا إن دا شيء صحي يعني

لأ الشرب زمان كان يمكن الناس تعمى من كتر الكحول يعني

ويتخانقوا مع بعض ويقطعوا بعض

وبيحط الناس في مواقف إن هما يخسروا هويتهم أو استقلاليتهم

نفس الشيء حرم عليهم الربا عشان ميبقوش عبيد

لأن اللي مابيعرفش يسدد ديونه كان

كان قانون على الكل بيصير عبد يعني

فا اللي بيسلفه فلوس بيبقى سيده

فا هو مش عايز يخسرهم

وتالت حاجة استقلالية الجنس يعني

إن هو ماكنش عايزهم يرحوا خارج السيطرة بتاعته

لأن لو راح واتعرف على إمرأة تانية ونام معاها وحبها وحبته

وحب يتجوزها وهي مش مسلمة دا هاسيببه مشاكل

فا دي أول نقطة يعني

النقطة التانية هي علاقته بالمحاربين بتوعه

لما كان بيطلع حرب كان بيطلع ……..

يعني كان بيفضل فترة طويلة

فا كان في رجالة لسة عايشة في المدينة ومابيطلعوش مع الحرب

وفي ستات المقاتلين التانيين قعدين بقى مستنين ومافيش

فا هو كان بيرجع بيلاقي عاكين الدنيا

دا نايم مع دي ودا نايم مع دي

والفارس دا يتخانق مع دا

فا هو خاف إن الموضوع دا يحصل قلق

ويخسر الCOMMUNITY بتاعه

فا هو للسلام الداخلي داخل الCOMMUNITY بتاعه ابتدى يحرم الزنا

اللي هو كان في مكة وفي المدينة كان شيء طبيعي جدًا إن راجل يروح

دا ينام مع دي ودي تنام مع دا

وكان في أنواع كتيرة من العلاقات

مجموعة رجالة ياخدوا واحدة وتبقى هي العشيقة الدايما بتاعتهم يعني هما بس

وزواج الرهت وزواج المتعة

حاجات كتيرة كانت موجودة يعني عشان تسهل للراجل المتعة الجنسية

فا هو حب يحجم الموضوع دا فا حرم الزنا

الموضوع كان ليه سبب كمان شق نفسي عن محمد نفسه

إنه في مرة من المرات حديث الإفك طبعًا قصة مشهورة

عائشة واتهمت مع صفوان وبعدين جاء القرآن وبرءها

بس في نفس السورة سورة النور اللي هي بتبرأ عائشة

بيجي تحريم الزنا بالشكل اللي هو ، العقوبة يعني

اللي هو سورة النور 2

دي برضو من الحاجات اللي … إن تطبيق الحد لازم يكون في شيء رادع

لازم يكون في مجموعة من الناس بيتفرجوا عليه

انهاردة بنقول على دا يعني همجية ووحشية وانتهاك لحقوق الإنسان

العقوبة أمام على مشهد من البشر يعني

بس السعودية بتطبق الحد دا علنًا

بيقطعوا الروس علنًا

بيجلدوا رأف بدوي علنًا وواخدين الكلام دا من القرآن

وليشهد عذابهما طائفة من المؤمنين

القصة إن محمد حب يحجم الجنس بين المسلمين بس ماعرش يبظبطها

دايمًا كان يعمل حاجة تروح فالته منه حاجة تانية

فا أول حاجة حرم الزنا فا جه بعد كده الرجالة متعودين على الرمرمه مش ماشي معاهم

فا بتدى يسمحلهم بتعدد الزوجات مثنى وثلاث وروباع

برضو مش كفايا الراجل عايز أكتر

وما ملكت أيمانكم ، يشتري جارية وينام معاها من غير جواز عادي

برضو مش كفايا

سبايا الحرب ، لما نروح كل حرب بدل ما نستنى لما ترجع لزوجتك تاني

وأزواجك وملك يمينك اللي مستنينك في المدينة

لأ احنا بقى روحنا بني المسطلق وروحنا حنين ، روحنا خيبر ، روحنا

بنقاتل أي مجموعة الستات اللي نلاقيهم هناك قشر وكل

على طول ماتستناش بقى لما ترجع

على طول وانت قاعد في نفس اليوم

اسبيها ونام معاها في نفس الليلة ، متجوزة مش متجوزة رخصة تانية

بس كرم المرأة طبعًا القرآن اوعى تنسى دي

دايمًا حطها في خلفيتك كده إن هو اللي ادى الراجل كل الرخص دي

ومداش للمرأة ولا رخصة إنها خارج زوجها

إنها يكون لها ولو أي نظرة

لأ دا بالعكس دا يحجبها ويقول وقرن في بيوتكن

الرجالة وبعد كل دا كمان اداهم رخصة زواج المتعة كمان

يعني عشان لو مش لاقي يروح يشتري ست بفلوسه لمدة 3 ساعات وينام معاها

اللي هو بيسموه احنا انهاردة الدعارة

بس لازم يحطلها الشكل الشيك دا يسميها زواج المتعة يعني

المسيار

يقولك السنة لا لا لا ماعندناش الكلام دا

الشيعة هما اللي بيعملوه

لأ دا يعني في آية في القرآن

سورة النساء 24

وفي قراءة عبدالله بن مسعود فما استمتعتم به منهن إلى أجل مسمى فأتوهن أجورهن

لأجل مسمى ، يعني إلى وقت محدد

إذا الرجل ليه رخصة الزواج من 4

ليه رخصة استبدال زوجة مكان زوجة

ليه رخصة إنه يشتري جارية وينام معاها

ليه رخصة إنه يسبى إمرأة في الحرب وينام معاها حتى لو متجوزة

وليه رخصة إنه يشتري إمرأة لمدة ساعات عشان ينام معاها

كل دا وتقولي الإسلام كرم المرأة والقرآن كرم المرأة

طب هو التكريم دا على أي أساس يعني

عشان كلمتين ذكر وأنثى وجعلناكم شعوبًا وقبائل وأن لا نحسن المرأس

بيعتبرها على طول الخط إن هي سلعة

إن بيعتبرها إن هي شيء

إنها مجرد ليها وظيفة معينة لقضاء حاجة الرجل في الحديث المشهور

إن الرسول كان قاعد مع صحابة ومرت إمرأة جميلة

فا هو اتحرك جسديًا وشاف المرأة

شوف المنطق يعني دا المفروض آخر ، أعظم واحد بيعلم الناس الأخلاق يعني

قاعد فا شاف مرأة جميلة ماعرفش يمسك نفسه فا ساب صحابة

ودخل على زوجته زينب قضى حاجته زي ما الحديث بيقول

قضى حاجته ورجع ، شوف الإمتهان

يعني هو كده أهان المرأة اللي معديا اللي هي شافيها إن هي تثيرة جنسيًا

أهان زوجته إن هي مجرد شيء يفرغ فيه

قضى حاجته زي ما بيتكلم عن المرحاض

قضى حاجته وبعدين رجع لصحابة يعني حتى ماكملش السهرة مع مراته يداعبها أو يضحك معاها بتاع

لأ خلاص ، معلش أنا شوفت واحدة حلوة أنا بس عايز أفضي نفسي وأرجع لهم

وهي مجرد وعاء

وعاء إجتماعي ، وعاء جنسي

دا تكريم للمرأة ، الحديث دا في تكريم للمرأة ؟

هاتقولي لأ أصل الأحاديث ومش متأكدين

طبعًا الحديث صحيح

بس لو مش متأكد أقرأ آيات القرآن اللي قولتلك عليها دي كلها

القرآن اللي هو بيدي الراجل كل الرخص دي

القرآن اللي بيقول نساءكم حرث لكم فأتوا حرثكم حيثما شئتم

القرآن اللي بيدي الراجل حق إنه يسبى إمرأة

مالهاش أي ذنب في أي حرب ماختارتش

بس إنها وقعت فريستك في الحرب

ينام معاها حتى لو متجوزة ومعاها أطفال مافيش أي مشكلة

كل دا مافيهوش أي مشكلة إطلاقًا

بس مادام إنت دبستها في دماغك إن الإسلام كرم المرأة يبقى كرمها

الإسلام اللي بيدي الحق إنه يضربها

طب ما كل دا جاي من نفس المنبع ويصب في نفس المحيط

جاي من منبع نظرة دونية للمرأة ويصب في محيط إضطهداها

امتهانها ، إستغلالها ، التحرش بيها

التحرش ماهو جاي من المباديء دي

إن المرأة مالهاش غير بيتها

إن الراجل مافيش غير هو اللي في الفضاء العام

إن المرأة ماتتعطرش ، إن هي ماتتزينش

إن لو اتعطرت واتزينت وخرجت يبقى هي بتعرض نفسها

التحرش جاي من فكرة المصاصة والحلوى اللي انتوا قرفينا بيها

إن المرأة الإسلام كرمها وحطها في قطعة سلوفان وبتاع

والغرب الكافر هي اللي بينتهك المرأة وبيخليها سلعة وعارية

لأ إنت اللي بتستغل المرأة كاسلعة وبالفلوس وبالقرآن

المرأة لو بتقلع في أوروبا وتلبس بيكيني وتعمل إعلانات فا بمزاجها

وبتاخد أجر على دا وماحدش بيغصبها

لكن إنت بتعمل دا بالتشريع ، هي عايزة مش عايزة حطها في الحرب سبيه

أنهي اللي بينتهك المرأة أكتر بقى

يبقى من حقك تنام معاها

إذًا فا الموضوع مش كلمتين شعارية

بص على أرض الواقع شوف نسبة التحرش عندك قد إيه

شوف نسبة إضطهاد المرأة قد إيه

شوف المرأة في بلد زي مصر بتمشي في الشارع محاصرة من العيون القذرة ليه ؟

ليه مش قادرة تتنفس

شوف المرأة اللي مش محجبة بتعاني الأمرين

في الشغل ، الطريق للشغل

لو راكبة المترو أو الأتوبيس حدث ولا حرج على اللي هايحصلها لحد ما توصل

لو ماشية في الشارع حدث ولا حرج على الكلمات القذرة

دا إذا لم يأتي حد بقى ومد إيده عليها

لو ركبت تاكسي وهي مش محجبة

يا إما التاكسي يقول استغفر الله العظيم أول ما تدخل

أو إنه يرفض خالص إنها تدخل

أو يشغلها شريط من الشرايط اللي هما ، أختاه الحجاب وقبل الحساب

وسينتهي الغلاء لو تحجبت النساء والكلام الفارغ دا كله

حصار ، مش عارفه تتنفس

وتيجي إنت تقولي الإسلام هو اللي كرمها

وتقولي قطعة الحلوى ، دا أكبر احتقار للمرأة إنك تعتبرها قطعة حلوة

المرأة كيان مستقل بنفسه مش حاجة تحلي بوقك بيها

احترم نفسك ، مش مصاصة

الصور اللي عمالة تنتشر على النت وبتاع

المرأة كامصاصة لو اتعرت يجي عليها الذباب

انت بتحتقر نفسك وبتحتقر المرأة في صورة واحدة

إنك بتعتبر نفسك ذبابة وبتعتبر المرأة مصاصة أو قطعة حلوة

بتعتبر نفسك حيوان هاتهجم على قطعة لحم عارية

احترم نفسك هاتحترم المرأة على طول

قول أنا مش ذبابة هاتلاقي نفسك بالمنطق بتقول أنا مامدش إيدي وماحتقرش المرأة

جاء محمد لما عمل موضوع الزنا دا حرموا

ابتدى يحصل مشاكل تاني هانرصد الظاهرة إزاي وهانعاقبها إزاي

إنت قولت بقى هانجلدهم

دا غير بقى قصة الرجم اللي فيها كلام كتير إن كان فيه آية

بتقول الشيخ والشيخة إذا زنيا فارجموهما نيكالًا من الله

ومش عارف الدابة أكلتها ومأكلتهاش

حواديت كده يعني تخويف عمال يرعب

يعني بعد الجلد في الرجم بقى

عشان يهدي الناس فابتدى يجي الرجالة

هو شاكك إن مراته بتعمل حاجة بس مافيش دليل

فا ناس إبتدت تتبلى على ناس وتقول دا نام مع فلانة ودا نام مع فلان

ماهو عمال يعمل قوانين ومش عارف أبعادها

إنت مفكر بقى إن ربنا اللي عمال قانون لأ

دا هو محمد بيعمل القانون من دول ويعملو ا testing على الأرض

يشوف هايمشي ولا مش هايمشي

فا اكتشف إن الموضوع دا مش ماشي خالص

هايثبت إزاي إن حد نام مع حد

ما أي حد يتبلى على أي حد

فا قالك لأ لازم 4 شهود

جات جديدة دي

لازم 4 شهود يمسكوهم وهما متلبسين بالحدث

طب بالذمة كده واحد راجع من سفر أو من حرب

جه لقى مراته مع حد في السرير على ما يروح يجيب 4 شهود

هايكونوا لسة موجودين وبيمارسوا كمان ؟

ما أكيد هايكونوا خلصوا ، هرب ،لبس حاجة

لأ لازم مايكونش بينهم حتى شعرة

يكونوا ملتصقين كده في بعض

فا هو بيعمل حاجات علشان يتجنب ظواهر معينة ويكتشف إنها على أرض الواقع ماتطبقتش

فا يجي رجالة ، واحد من سادات المدينة مش عارف إذا كان سعد بن معاذ تقريبًا

فا بيسأله طب إزاي أنا هاجي من البتاع وعلى ما يجي ال4

يجي الموضوع إزاي ؟

ماينفعش كده

فا جه بعد كده يقولك يشهد الرجل على زوجته يكفي

طب ماهو كده ممكن الراجل يتبلى على مراته نحلها إزاي ؟

فا قالك نعمل حاجة اسمها الملاعنة

إن هو لو اتبلى عليها وقال إن أنا مسكتها في السرير مع راجل

هو يحلف بالله 4 مرات إنه مسكها وتترجم أو تعاقب

لو هو حلف عليها ويرجع عنها العذاب

يعني ممكن تحمي نفسها من العذاب إن هي تحلف 4 مرات واللهي ما حصل

فا يخلص الموضوع

بس لو حصلت الملاعنة دي يبقى لازم يتطلقوا من بعض

فا المهم زي ما بقولك كده

مش قانون إلهي وأخلاقي وبتاع

دا هو عمال يظبط ، يجي يعملها كده تفرط منه مايعرفش يلاقيلها حل

فا يروح جايب الآية اللي بعدها عشان يظبطها

طب ماهو ربنا لو عارف كده من الأول

هو بقى الحكيم والعالم الغيب كان جابلك القانون متظبط من الأساس

لأ هو عمال يظبط دي وبعدين تفرط منه هنا يروح مغيرها ويروح مظبطها

زي الخمور ، زي تحريم الخمر بالتدريج

حاجة ورا حاجة يقول لأ مش كفاية مش بتاع

فا تمشي العملية على هذا الأساس

دا المنطق اللي خلى محمد خايف على ال community بتاعه أو إنه ينفرط

خايف على نساءه اللي كتره وهو راجل كبير في السن وعدى ال60

وهما لسه صغيرات شباب نغشين

في رجالة عنيهم على بعض نساءه

برضو دي نقطة اتكلمنا فيها قبل كده

إن كان فيه طلحة بن عبيد الله كان حاطط عينه على عائشة

وفي قصة إن محمد رجع ولقاه خارج من غرفة عائشة فا اتضايق

وابتدى بقى يعمل إيه قوانين يعني إذا جيتوا للنبي ودعيتم على طعام

فلا تنظروا الإناء وإذا أكلتم فانتشروا

إنتوا مش هاتنتشروا ، أكلتوا عند النبي امشوا

بلاش لوكلوك في الحديث مع نساء النبي إن ذالكم كان يؤذي النبي

ولا يحل لكم أن تنكحوا أزواجه من بعده

ماتتجوزوش نسوانه بعد ما يموت

هو ممكن يطلق زينب من جوزها ويتجوزها

زينب بن جحش من زيد ويتجوزها عادي مسموح له

لكن إن إنتوا تتجوزا نساء النبي بعد ما يموت لأ

بس النبي طبعًا هو اللي كرم النساء خلي بالك

يعني يطلقها من جوزها ويتجوزها عادي

ياخدها سبية في الحرب ويتجوزها يبقى كده بيكرمها

القرآن كرم صفية ، الإسلام كرم صفية

إن هو قتل جوزها ونام معاها في نفس الليلة دا تكريم للمرأة

إنه يطلق زينب من زوجها وينام معاها اللي كان ابنه بالتبني

دا تكريم لزينب وتكريم لزيد أكيد طبعًا

إنت تطول يابني ، إن بعد ما إنت تطأها إن رسول الله يتطأها ؟

دا تشريف ليك ، دا تكريم

إن هو يقول : وَقَرْنَ فِي بُيُوتِكُنَّ وَلَا تَبَرَّجْنَ تَبَرُّجَ الْجَاهِلِيَّةِ الْأُولَ

سورة الأحزاب 33

يبقى تكريم ، اقعدوا في بيوتكم ماتخرجوش بره البيت دا تكريم للمرأة

أي تكريم دا إن الدين يقولك اقعدوا في بيتكم

المرأة اللي عندها ذكاء اللي عندها طاقة اللي عندها إبداع تروح فين

تطلع الطاقة دي فين ؟ في تربية أولادها

يا سلام ، طب ما تربي إنت ما تطلع إنت طاقاتك الإبداعية في التربية كده

فا جاء بعد كده بقى موضوع رمي المحصنات

طبعًا برضو عشان خاطر عائشة من ناحية

وعشان الحاجات اللي ابتدوا يتبلوا على زوجاتهم

شوف عمال يطلع حاجة تروح فارطة منه

يجي يقولك بس الراجل يشهد على مراته

فا بتدوا ناس كتير يقولوا آه أنا مراتي مسكتها مع فلان

وممكن يكون كان عندهم حق لأن المجتمع كان متشرح

إحنا مفكرين إن المجتمع دا مجتمع الفضيلة اللي احنا بنتعلم منه الأخلاق

تخيل المجتمع اللي احنا بنتعلم منه الأخلاق دا كان كله متحرش

آية الحجاب اللي هي نزلت نازلة ليه ؟

يقولك : وَالَّذِينَ يُؤْذُونَ الْمُؤْمِنِينَ وَالْمُؤْمِنَاتِ بِغَيْرِ مَا اكْتَسَبُوا فَقَدِ احْتَمَلُوا بُهْتَانًا وَإِثْمًا مُّبِينًا

سورة الأحزاب 58

كان في حد بيأذي المؤمنات ، بيأذيهم إزاي ؟

بالتحرش ، باللسان ، بالمسك

اللي بعديها على طول

يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ ۚ ذَٰلِكَ أَدْنَىٰ أَن يُعْرَفْنَ فَلَا يُؤْذَيْنَ ۗ

سورة الأحزاب 59

يعني خليهم يغطوا نفسهم عشان ماحدش يعرفهم

عشان مايتأذوش

دا الهدف من الحجاب

إنه جاي من مجتمع متحرش بطبيعته

دا بينط على دا ودا بينام مع دا

والأنساب خايفين عليها من الإختلاط والمرأة ماتعرفش تمشي

القصة المشهورة بتاعة عمر بن الخطاب

اللي هي جات بعدها الآية دي على طول

إن سودة زوجة النبي خارجة للخلاء عشان تقضي حاجتها

مشي وراها عمر وقالها عرفناكي يا سودة ، مش تحرش دا؟

وإن يقول لعائشة والله إنكي لقطة