صندوق الاسلام 78: أصول تسمية أيام الاسبوع والأصل المسيحي ليوم الجمعة ويوم عرفة

أهلًا بيكم في حلقة جديدة من صندوق الإسلام

تحدثنا في الحلقة السابقة عن الشهور العربية

أصل تسميتها وفكرة التقويم الإسلامي والصراع مع التقويم الميلادي والمشاكل المترتبة على ذلك

انهاردة عايزين نتكلم عن أيام الاسبوع العربية

السبت والأحد والإثنين والتلات والاربعاء والخميس والجمعة

معي في الاستوديو الاستاذ محمد المسيح

استاذ محمد أيام الاسبوع العربية كلها ماشية بوتيرة أرقام الايام

يعني الأحد الإثنين الثلاثاء الأربع الخميس

وبعدين آخر يومين الجمعة والسبت واخدين اتجاه مخالف

أولاً من أين اتت هذه المسميات بتاعة أيام الاسبوع كلها

وليه الجمعة والسبت بالذات هما اللي شذوا عن القاعدة

نعم هو أول ما يتبادر للذهن هو نفسه بالنسبة لليهود شباط

اللي هو يوم السبات اللي هو يوم الراحة

الراحة من العهد القديم أن الله خلق الأرض في 6 أيام وبعدين ارتاح في اليوم السابع

وعلى اساس هذا اليهود مابيشتغلوش يوم السبت وممنوع إن هما يشغلوا أي شيء ولا نار ولا يتحركوا ولا يشتغلوا

نعم صحيح

بالنسبة للعرب عندهم نفس الفكرة

وبالنسبة ليوم الجمعة هو اليوم اللي فيه عدة مواضيع مهم جدًا

واللي ممكن نتحدث فيه انهاردة ، نركز فيه أكتر

لأنه لو شوفنا الأيام عند اليهود أو باللغة العبرية

هانلاقي هادول الأيام تقريبًا نفس ……..

ما عدا يوم الجمعة هو اللي يختلف

اسمهم إيه بالعبري الأيام

بالنسبة للأيام بالعبري عندنا

يوم ريشون هو اليوم الاول

الأحد يعني

الأحد نعم

ويوم شيني

شيني اللي هو الاتنين

شيلشي

شيلشي التلات

ويوم ربيعي

ربيعي الأربع

وخمشي و شيشي

وبعدين شبات

شيشي يعني اليوم السادس

زي شيش بيش كدا

6 و5 في لعبة الدومينو

نعم فا الأيام نفسها تقريبًا بنفس المعنى

ماعدا يوم الجمعة هو اللي يختلف

كلمة الجمعة هل العرب قبل الإسلام كانوا بيستخدموا كلمة الجمعة لوصف هذا اليوم

أم هو توظيف إسلامي

يعني عارفين عندنا آية قرآنية

سورة الجمعة آية 9

وفي حديث بقى عن فضل يوم الجمعة

وليه الجمعة بالتحديد يوم مقدس بالتحديد

في حديث بيقول إن فيه خلق الله آدم وفيه دخل الجنة وفيه خرج من الجنة

ولا تقوم الساعة إلا يوم الجمعة

هل العرب كانوا بيستخدموا كلمة الجمعة لوصف هذا اليوم  أم كان عندهم تسميات آخرى

نعم العرب …. ، طبعًا قبل الإسلام كان اسمه يوم العروبة

العروبة أو عروبة حسب لسان العرب لإبن منظور بيعرفها بالألف واللام

بس بالنسبة للدكتور جواد علي في بحثه عروبة

يوم العروبة ، يوم عروبة

نعم

هل دا ليه علاقة بفكرة العروبة والعرب أم أن التسمية لها

لأ هي ليست ، هي ممكن لو فكرنا على أساس الكلمة أصلها في اللغة الآرامية عروبتا ، غروبتا بمعنى الغروب

فا لو خدنا كلمة العرب على أساس إن هما الشعب الذي يستوطن بلاد ما بين النهرين

يعني من وجهة الآرامين كل من يعيشون في بلاد ما بين النهرين يعيشون في الغرب

نعم يعيشون في الغرب

وكلمة عروبتا جات من هذه التسمية

يعني مش وصف لجنس العرب نفسهم

العرب نفسهم سمو نفسهم العرب لكن هذه التسمية جاءت من وجهة نظر الآرامين

دول زي ما احنا انهاردة بنقول الغرب

نعم بالظبط

حتى أقوام آخرى سمت العرب على أساس إن البدو

 إن اللي ساكنين في الصحرا

دول كمان يعني تعريف لكلمة عرب

طب إيه أصل كلمة يوم عروبة

يوم العروبة قولنا عروبتا ، غروبتا باللغة الآرامية

معناها يوم الغروب العظيم

هذا هو معناها سواءًا

حتى بالنسبة للغة العبرية عندنا الكلمة اللي هي عرفا

أو عربا حسب النطق طبعًا ف بتنتق ب عندنا

نعم

بس عند العبريين بينطقوها ف ، عرفا

معناها بداية المساء

لأنه فيه موضوع مهم

يوم الجمعة بالنسبة لليهود

 غروب يوم الجمعة مهم جدًا لأنه بداية يوم السبت

صحيح هو من الاشياء اللي أنا كنت قرأتها إن يوم الجمعة هو يوم مقدس عند اليهود أيضًا

نعم

لأنه فيه يبدأ السبت

السبت لا يبدأ بفجر السبت ولكنة يبدأ بغروب الجمعة

نعم

وهي الكلمة طبعًا موجودة في النص ، النصوص العبرية

على أساس عرفا

فا في كذلك الفكرة المسيحية أو النصارى بصفة عامة

العرب أنا بخص بالذكر العرب

لأن دايمًا يتبادر للذهن كلمة عرب يعني الناس اللي عايشين بوصت الصحراء الجزيرة العربية

لكن معظم العرب هما كانوا يعيشون بالشمال والجنوب

عندك الغساسنة والمنادرة دول كانوا عرب عايشين بالشمال

لكن هما كانوا مسيحيين ؟

نعم مسيحيين

يعني معظم العرب حضرتك بتقول كانوا مسيحيين

مسيحيين يعاقبة ونساطرة كانوا موجودين

هو احنا عندنا مشكلة دايمًا تصورنا للعرب قبل الإسلام

للآسف فيلم هجرة الرسول وفيلم الشيماء

هما اللي حطوا في دماغنا صورة العربي قبل الإسلام

إن هو الفنان عدلي كاسب وحواجبة تخينة كدا

وكل واحد من العرب ماسك فخدة معزة وعمال ياكل فيها وعايزين يقتلوا محمدًا

نعم

هو دا كل تصورنا للعرب قبل الإسلام مانعرفش إن دا جزء بسيط جدًا عرب الحجاز دول من العرب اللي هما كانوا موجودين ساعتها

عندنا عرب اليمن اللي كانوا مسيحيين

نعم

نجران كانوا مسيحيين

المنادرة يعني كانوا مع الفرس متحالفين ولكنهم كانوا مسيحيين

والغساسنة  كانوا متحالفين مع الروم وبرضو كانو مسيحيين

نعم

إذا غالبية العرب قبل الإسلام

كانوا نصارى

كانوا نصارى ، دا معناه إيه يوم عروبة دا كان بالنسبة لهم كان إيه ؟

هو يوم عروبة او عروبتا غروبتا معناه يوم الغروب العظيم وذلك حصل في يوم صلب المسيح

دا وهو طبعًا يوم الجمعة  يعني الجمعة العظيمة

الجمعة العظيمة طبعًا

بالنسبة للأناجيل تذكر طبعًا هذا اليوم على أساس إن صار ظلام عند الغروب

فا نشوف مثلًا في إنجيل متى الإصحاح 27 الآية 45 بتقول

طبعًا

بحسب تفسير فان دايك أو ترجمة فان دايك من الساعة السادسة بالتوقيت اليهودي

احنا عايزين توقيتنا احنا

توقيتنا احنا من الساعة الثانية عشر ظهرًا يعني 12 لغاية الساعة 3 مساءًا

دا تقريبًا نفس الوقت بتاع صلاة الجمعة

 بالضبط يعني صلاة الجمعة تبدأ في الظهر الساعة 12 تقريبًا بتكون صلاة الظهر

كذلك نفس الموضوع يتكرر في الأناجيل الآخري

كإنجيل مرقس الإصحاح 15 الآية 33

وإنجيل لوقا الإصحاح 23 الآية 44

أني أغير الشمس في الظهر

نعم وهذا طبعًا له كذلك مفهوم عند اليهود في الكتب أو الديانة اليهودية

مثلًا لو شوفت سفر اشعياء النبي كمان بيحكي عن هذا الموضوع الغروب  العظيم أو بداية الغروب

مثلاً لو شوفنا في اشعياء 50 الآية 3

فا هذه تتحدث عن المسيح يعني وقت تقديمته كشاة إلى الذبح

يتحدث عن هذه النبوءة بالنسبة للسيد المسيح

نفس الشيء بالنسبة لسفر عاموس الإصحاح 8 والآية 9

يعني شايفين هنا إنه فيه الفكرتين

الفكرة المسيحية و فكرة يهودية على أساس إن هذا يوم الغروب

يوم الغروب العظيم ومنه غروب الجمعة عند اليهود هو بداية السبت

والغروب الذي حدث في وضح النهار عند صلب المسيح كما يعتقد المسيحيون

وجاء العرب حتى المسلمين وأخدوا نفس التوقيت بالظبط

وعملوه إن هو اليوم المقدس للمسلمين

وسموه يوم الجمعة لأنه تجتمع للصلاة

فا الجمعة طبعًا بيجتمعوا فيه في الجامع

والجامع يعني لو شوفنا كلمة كنيسة

كنس في اللغة أو كنش في اللغة الآرامية معناها جمع

وجات منها كنس جمع

ومنها كناش ، كناش اللي هو الدفتر مجموعة أوراق

 فا الكنيسة معناها الجامع ، نفس الكلمة

نفس الفكرة

آه نفس الفكرة ، فا هي دي

أصل التسمية

أصل التسمية ولما أبدل في عصر الإسلام

أبدلت كلمة عروبة إلى كلمة الجمعة

طب دا بالنسبة للمسيحيين واليهود

طب بالنسبة للعرب اللي ماكنوش لا مسيحيين ولا يهود

هل يوم الجمعة كان يمثل أي نوع من القدسية أو مهم برضو ؟

نعم العرب كانوا ، نعرف إن في القرن الخامس قبل الميلاد كانوا يعبدون الزهرة

والزهرة هي

من الذي ذكر ذلك ؟

هيرودوس

هيرودوس هو اللي ذكر

آه ذكر إن العرب كانوا يعبدون الزهرة

كوكب الزهرة

ويقدسونها خصوصًا يوم الجمعة

فهو يوم خاص بعبادة الزهرة

هو كوكب الزهرة لو احنا خدنا تسمية الأيام حسب التقويم الروماني بقى

هايبقى حسب الكواكب فينوس فعلًا هو يوم الجمعة

نعم يوم الجمعة

فينوس اللي هو الزهرة

نعم اللي هو الزهرة

قبل ذلك كان فيه 8 أيام بالنسبة

قبل التقويم الروماني

قبل التقويم الروماني جوليان أو لوليان كان فيه 8 أيام في الأسبوع مش 7

بعدين تغير فيما بعد

وفي عصر قسطنطين الأول صار في توحيد ما بين الكليندر الروماني والكليندر الشرقي

على أساس إنه ياخدوا يوم الأحد كيوم مقدس للجميع

بس كان دا بيعمل مشكلة لليهود لأنه كان عندهم يوم السبت يوم مقدس

مايقدرش يقدس يوم الأحد لأنه يخلتف تماما

واحنا شوفنا إنه لما صار تغيرإنه صار عى أساس إنه يوحدوا ما بين كل الكليندريات

فا لو شوفنا أيام الأسبوع السبعة

هنلاقي سترن اللي هو

Saturday

اللي هو زحل ، زحل هو اليوم الأول

اللي هو saturday  بالانجليزي

وبعدين عندنا سول اللي هو الشمس

Sunday  اللي هو الشمس

و لونا اللي هو القمر

القمر اللي هو Monday

Monday  اللي هو moonday

Moonday  يعني القمر

يوم القمر

وبعدين في يوم الثلاثاء بالنسبة للكوكب المريخ

يوم الأربعاء اللي هو عطارد

يوم الخميس المشترى اللي هو الجوبيتير

واليوم الأخير اللي احنا قولنا عليه

اللي هو اليوم الجمعة اللي هو يوم بالنسبة للعرب يوم مقدس كانوا يعبدون فيه الكوكب

وعلى فكرة اليوم دا مذكور في القرآن والكوكب دا مذكور في القرآن

نعم

في سورة القصص على ما اتذكر بيقول

وأنه هو رب الشعرى وأنه هو أمات وأحيا

في تفسير القرطبي يقول الشعرى هو نجم الزهرى الذي كان يقدسه العرب قبل الإسلام

نعم نعم ، وهو نفسه طبعًا اللي كان بيقدسه كمان أو لازال الزرادشتيين اللي هو السيريوس

السيريوس بالظبط

تحدثنا في حلقة كاملة عن هذا الموضوع عن نفس تقدس سيريوس

اللي هو الشعرى عن العرب وإن هو الزهرى عند الرومان

نعم

طيب يوم الجمعة مرتبط في الإسلام بقدسيات كثيرة

 نعم

أنا لفتت نظري كلمة وحضرتك بتتكلم وإنت بتقول

إن بالعبرية الغروب أو ميل الشمس غربًا

جاية من كلمة عرفا

نعم عرفا

طب كلمة عرفا مش شبيهة شوية أو كتير بكلمة عرفا

عرفات

أو يوم عرفه ، يوم عرفه

هل فيه أصل لكلمة عرفا لفكرة الغروب عند اليهود وهكذا ؟

هو يعني حضرتك حطيت إيدك على موضوع مهم جدًا

اللي هو ما معنى يوم الجمعة تأكيدًا اللي شوفناه

على أساس حلقة عبدالملك بن مروان

أنه أعطى ولاية العهد لإبنه على اسطاورس

على عمود الآلام

وشوفنا كذلك بالنسبة لمعاوية بن أبي سفيان أو على الأقل في عهده إنه ماسك صليبين في العملة بتاعته

فا كلها تظهر على أنه المسيحية النصرانية كانت بالنسبة للعرب الأساس

بس دا كذلك كان عنده خلفية تاريخية هو الحج

موضوع الحج هو موضوع مهم جدًا بالنسبة للعرب

والحج كما يعرف الوقوف بعرفات

الحج عرفه فيه حديث اسمه الحج عرفه

الحج عرفه

يعني اللي ما يقفش في عرفه لا حج له

نعم ، فا كلمة عرفا في اللغة العبرية اللي هي جذر كلمة عريف

عريف ، عريف اللي هو المسا

اللي هو المسا

مسا حتي عارفينها من مسلسل رأفت الهجان لما كان دايمًا يقولك عرف توف

يعني مساء الخير

عرف توف أدون سمحون

عرف توف كان دايمًا في مسلسل رأفت الهجان حتى المصريين دلوقتي صاروا إن هو بيستخدموا الكلمة دي

عشان هما يقولوا لبعض مساء الخير بطريقة مختلفة

نعم ، ما هي نفس الموضوع

لو لاحظنا أن وقوف بعرفات يبدأ في الزوال

الظهر قبل أن تميل الشمس

ولازم يكون في حدود معينة لجبل الرحمة

يسموه جبل الرحمة أو جبل عرفات

جبل عرفه أوعرفات

أولا هذا يذكرنا بنفس الموضوع موضوع الصلب

موضوع صلب المسيح وموضوع الغروب

الغروب اللي حصل في أثناء

في وسط النهار

يعني الساعة 3 صار في ضلمة

وعلى هذا الأساس يعني الأناجيل تحكي على إن النبؤات من العهد القديم

بالنسبة لأشعياء النبي وكذلك في عاموس

فا نفس الفكرة موجودة بالنسبة للوقوف بعرفا

الوقوف بعرفا منطقة محددة في وقت محدد اللي هو بداية الزوال

واحنا شوفنا بداية صلب المسيح في نفس التوقيت

وصلاة الجمعة في نفس التوقيت

جبل الرحمة كذلك ، جبل الرحمة يشير إلى الهضبة بتاعة الجلجثة اللي اتصلب عليها المسيح

كان اسمه جبل الرحمة ؟

هو جبل الرحمة بالمفهوم الروحي لماذا ؟

لأن الله تصالح مع البشرية على الصليب بالنسبة للعقيدة المسيحية

فا بالتالي يعني الله أعطى الرحمة للبشرية

لأنه آدم أخطأ وبسبب خطأ آدم الكل بشرية عاشت

الخطية الأولى

نتيجة الخطية الأولى نعم

وبسبب فداء السيد المسيح أو ما يسمى في القرآن

وفديناه بذبح عظيم

يعني هل الفداء هو اللي بيرجع الإنسانية للجنة

فا على هذا الأساس إنه سمي بجبل الرحمة

طب وفديناه بذبح عظيم دا طبعًا بيستخدمه الإسلام في قصة إسماعيل وذبحه

نعم نعم

بس هنا بالنسبة للعقيدة المسيحية على أساس إنه إشارة ونبوءة للمسيح لأنه هو اللي راح يتصلب

لأن هو اللي راح يموت

وفديناه بذبح عشان كدا آه الذبح العظيم في العقيدة المسيحية هو المسيح اللي بيخلص من الخطايا الأولى

بالضبط بالضبط

أنا بدور يعني في أصول كلمة جبل عرفات وجبل الصفا وجبل المروة

مافيش أي أشياء ما قبل الإسلام بتشير إلى الجبال الثلاثة

نعم

هل فيه أي أصل لجبل عرفه ؟

ليه ماذكرش إلا في خلال

يعني الجواد على ماذكرش شيء عن جبل عرفه قبل الإسلام

إن كان فيه جبل مهم إسمه جبل عرفه أو عرفات

ماكنش فيه حاجة اسمها الصفا والمروه

كلها مسميات جائت مع الإسلام

هل المسيمات دي بالتحديد ليها علاقة بأي شيء مسيحي أو يهودي أيضًا ؟

هو طبعًا الجواد علي لما تحدث عن الصفا والمروه

الصفا معناها الصخرة

الصفا والمروه بيقولك اسفانوا

بيقولك كان فيه 2 آلهة في مكة بحسب المفصل في تاريخ العرب قبل الإسلام

بس الصفا لو فكرنا الصفا اللي هي الصخرة

والصخرة موجودة فين في القدس

قبة الصخرة

اللي هي قبة الصخرة والمروه جبل مرو

جبل مرو اللي هو عليه مسجد مرو

اللي هو المسجد الأقصى حاليًا اللي بسموه المسجد الأقصى

يعني الصفا والمروه مابين قبة الصخرة والمسجد الأقصى

اللي هما كانوا عند المسيحيين مقدسين وعند اليهود

نعم والجلجثة موجودة في نفس المنطقة يعني في القدس

يعني هما ال3 موجودين في القدس

يعني ما يوزاي عرفه موجود بالقدس

وما يوزاي الصفا والمروه وفي نفس العلاقة ببعضيهم

بالضبط بالضبط

مصادفة غريبة فعلًا

نفس ال3 جبال أو هضبات موجودين في القدس كلهم ونفس العلاقة ببعضيهم

بالضبط كما نعرف إن اليهود كان عندهم حج

موسم الحج للهيكل أو لمعبد سليمان كما يشار

وكانت تقدم ذبائح

كان اليهود يغتسلوا  في بركة سلوان اللي هو تحت الهضبة أو الجبل

ماتقوليش إن دي برضو رمز لبئر زمزم

فا ممكن يعني نشوف إن فيه تطابق غريب

جغرافيا المكان ووصفه في مكة مطابق تقريبا لفكرة

نعم ، فا اليهود في الحج أوعندما كانوا بيقدموا الذبائح

كانت ذبائح كثيرة مثل ذبيحة الغفران

ذبيحة السلام ، ذبيحة الكفارة ، ذبيحة الندر

فا الذبائح دي كانت عندما يغتسل الحاج ويلبس الطاليت

اللي هو الثوب الإحرام

اللباس الأبيض اليهودي اللي هو اتاخد منه الإحرام فيما بعد

نعم وكان يصعد إلى جبل المريا الموجود في الهيكل

وكانت تقدم الذبائح

وهذه الذبائح كانت تحط على عنقها قلائد

وكلمة قلائد موجودة كذلك بالقرآن

والهادي من الشعائر والقلائد

لماذا القلادة ؟

من شعائر الحج فعلاً

نعم ، القلادة ، كانوا بيكتبوا كلمات للضحية

مثلا ذبيحة الغفران ، بيحطوا الكلمة اللي هي تطابق الذبيحة

الأضحية

فا يقولك دي ضحية خطيئة مثلا

فا بيكتبوا على لوحة صغيرة في عنق الخروف عشان يعملوله صلوات مخصصة

اللي هما رجال الدين اليهود وتقدم بطقوس معينة

لكن لو شوفنا الحج في الإسلام مافيش موضوع القلائد

فا طبعًا صرحت كلمة القلائد على أساس إنه في العصر الجاهلي كانت بيحطوا لحاف شجر

كعلامة إنه رايح للحج لكن هذا الشيء

مادام إنه هو شعيرة من شعائر الله المفروض إنه تكون موجودة لغاية الآن

فا هي غير موجودة تمامًا

طيب باقى معنا دقيتين ونصف

بس في موضوع كنت عايز اتطرق ليه قبل ماننهي

بمناسبة الكلام عن الحج

فيه عندنا في الإسلام قصة حجة الوداع

نعم

فيه تشابه يبنها برضو غريب والعظة الأخيرة لل

للرسول

لأ للمسيح ، عظة الجبل

إنه وقف على الجبل ويعظ وبتاع وحجة الوداع

يعني فيه برضو تشابه

هل ليها أي أصل برضو من فكر مسيحي أو يهودي فكرة حجة الوداع

حجة الوداع ممكن نشبها بالوقوف على الجبل

أو موعظة الجبل بالنسبة للمسيح

لكن هو المهم إن في حجة الوداع نفسها

إنه كان يوم جمعة

فا هذا مهم جدًا إن الوقوف بعرفه في يوم الجمعة

إنه بيأكد موضوع الغروبتا دا عروبتا أو عروبة

الغروب العظيم

بتأكدها تمامًا

هي الإشكالية اللي حصلت إنه لما غيروا في عهد عمربن الخطاب التوقيت

التقويم

التقويم وبدأ ما يسمى بالهجري حصل فيه لخبطة

فصارت المفروض الوقوف بعرفه يوم الجمعة

صارت تلف مع الدورة القمرية

هو دا يرجعنا طبعًا للي قاله الدكتور يوسف زيدان

وهو الراجل قال لما اتكلم في الموضوع دا

قال أنا ماقدرش أخش في تفاصيل أكتر

أنا دلوقتي فهمت هو ماكنش عايز يخش في تفاصيل أكتر ليه

لأن التفاصيل دي هاتورينا إن فيه شعائر كتير احنا بنعملها انهاردة

ماعدتش مطابقة للايام بتاعة الشعائر دي بتاعة أيام الرسول

يعني زي ما حضرتك ذكرت الوقوف بعرفه بالحج كان يوم جمعة

علشان يعود تاني ويبقى دايمًا في يوم جمعة لازم يبقى في التقويم الشمسي

عشان الأيام تبقى مظبوطة بالظبط

أو نستنى 32 سنة

أو نستنى 32 سنة عشان يجي على نفس اليوم

لكن بالنسبة للتوقيت الإسلامي

الحج يجي مرة بالشتا مرة بالصيف

دا بسبب حذف النسيء

يعني معنى كدا في أيام محمد كان شيء ثابت

رمضان في الصيف ، الحج في الخريف وهكذا مواقيت معينة

حضرتك أشرت إلى موضوع التقويم الهجري

ودا هايكون موضوع حلقتنا القادمة

أصل التقويم الهجري

هل هذا التقويم تقويم ديني أم سياسي ؟

عمر بن الخطاب هو من قام بهذا التقويم ليه ؟

وفي أي ظروف ؟ وفيه أي ملابسات

تابعونا على hamed.TV  على youtube

وعلى box of Islam  على الfacebook

وتابعونا في الحلقة القادمة هانتكلم عن أصل التقويم الهجري


Download text file

Box of Islam 078

You may also like

ملخص تاريخ الاسلام بداية ونهاية
لم يستجب ياأخوة لمحمد في مكةخلال 13 سنة من الدعوة لم يستجب لدعوته لم [...]
6 views
ندوة للاستاذ حامد عبد الصمد في المغرب بعنوان التنوير فوبيا (الجزء الاول)
احمد عصيد: مساء الخير, يُسعدنا أن يكون معكم في هذا اللقاء الفكري الذي [...]
3 views
مين اللى سرق مصر،الحلقه التاسعة عشر: دور العبادة في مصر
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة الثامنة عشر: إسلام التصدير وإسلام التكفير
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة السابعة عشر: الأزهر عامل زي سُوستة
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة السادسة عشر: مأساة التعليم في مصر
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة الخامسة عشر: خليك فاكر مصر جميلة
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة الرابعة عشر: الإعجاز العلمي في البناء المصري الحديث.
انهارده عايز اكلمكم عن موضوع الإعجاز العلمي في البناء المصري طبعًا [...]
0 views
مين اللي سرق مصر، الحلقه الثانية عشر، البرفان والشعب القرفان
مين اللي سرق مصر مين اللي سرق مصر مين اللي سرق مصر مين اللي سرق مصر [...]
2 views
مين اللي سرق مصر، االحلقة الحادية عشر ، أولاد حارتنا
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views

Page 1 of 13

اترك تعليقاً

لن يتم نشر عنوان بريدك الإلكتروني.