عبد الله رشدي – حقيقة ملك اليمين

[00:00:01] قصي بيطار:

للأسف بوقتنا الحالي. الشيوخ اللي بيتكلموا عن مصيبة ملك اليمين بالإسلام هم 3 أنواع. النوع الأول هم أصحاب العقول المتحجرة.

[00:00:10] الشيخ الحويني:

طب أنا دخلت على بلد وتعدادها مثلا نص مليون. تاخدلك اتنين رجالة واتنين ستات وعيل.

[00:00:16] قصي بيطار:

النوع التاني هم اللي ما عندهم عقول أصلا.

[00:00:19] الشيخ:

الرق هو رحمة للمرأة. نقطة انتهى.

[00:00:25] قصي بيطار:

أما النوع التالت فهم اللي أنا بسميهم حراس الوهم.

[00:00:28] الشيخ عبد الله رشدي:

هل في عندي مرجعية بتقول إن السبي ده غلط؟

[00:00:34] قصي بيطار:

اليوم دكتور راح أعمل معك الشي اللي أغلب مجتمعنا ما بيعملو معاك. رح أدقق على كلامك وخلينا نشوف إن كنت أنت من حراس الحق. ولا حراس الوهم.  ( ما مشكلة ملك اليمين في الإسلام؟)

[00:00:52]

ملك اليمين والسبي والتجري والتسري والتملك كلهن تفاصيل كتير في الإسلام. لكن التفاصيل مو هي مشكلتنا. مشكلتنا الأساسية المفهوم نفسه إنو هاي الأشياء هي عبودية بمعنى امتلاك الناس كعبيد أو كملكية شخصية.

[00:01:13]

الشي اللي كانو يعملوه اجدادنا على مدى الاف السنين وكانوا فاكرينه شي جيد بسبب جهلهم وقصورهم المعرفي.

[00:01:20]

ولكن بما أن الإسلام هو دين السلام والرحمة والعدل والرسالة الأخيرة والأكثر أهمية اللي مكتوبة على أيد إله كامل المواصفات، فمن المتوقع انه هاي الرسالة يكون فيها تحريم للاشياء الجاهلية واللا اخلاقية خاصة العبودية امتلاك البشر.

[00:01:36]

ولكن لا لما نقرأ القران ما بنلاقي تحريم للعبودية. بالعكس بنلاقي تحليل لإلها وهون هي المشكلة. لكن من حسن حظنا اليوم عندنا الدكتور عبد الله رشدي جاي يشرح لنا بشكل واضح عاليوتيوب الشي اللي خالق الكون على ما يبدو ما عرف يشرحه بشكل واضح بكتابه. خلونا نسمع.

[00:02:01] الشيخ عبد الله رشدي:

غير [00:02:00] المسلم ده هيكون حاجة من اتنين. اما انه هيكون لاديني ملحد. او هيكون عنده دين من الاديان الاخري. يلا نشوف الدنيا مع بعض. اول حاجة لو انت انسان ملحد فانا مش بهاجمك. خلي بالك. انما انا بتناقش معاك بالعقل الصرف اللي انا وانت نحتكم اليه. لو انت انسان ملحد فانت عارف ان الماديات حتمية.

[00:02:21]

ده ردي لو انت انسان ملحد. طب لو انت انسان دلوقتي متدين يهودي او نصراني. هقول لك ببساطة شديدة. ارجع لقضايا السبي وقضايا الغزو في الكتاب المقدس.

[00:02:31] قصي بيطار:

اتفق معك بموضوع العقل. لازم الكل يحتكم للعقل بهاي الحوارات. ولكن ليش من بعدها بلشت تحكيلي عن الملحدين والمسيحيه واليهوديه. الفيديو تبعك هو عن مشكله ملك اليمين في الاسلام.

[00:02:42]

اهدرت ست دقايق على مفهوم لحتى احكي لك شو مشكله ملك اليمين بالاسلام. خليني اثبت لك انه الملحدين ما عندهم قاعده اخلاقيه والمسيحيه واليهود عندهم عبوديه اسوأ من الدين تبعي. هاد الشي بيعترض مع العقل اللي وعدتني تتكلم فيه وما له علاقه بالفيديو تبعك.

[00:02:58]

لانه لأنه الحقيقة حتى ولو كان الملحدين فعلا ما عندهم قاعدة اخلاقية ولو المسيحية واليهود فعلا عندهم عبودية اسوا من الاسلام.

[00:03:05]

هذا الشيء ما بيحول ملك اليمين لشيء ايجابي ولا بيلغي ملك اليمين من القران بيضل ملك اليمين. عبودية وبيضل موجود بالقران. اسمح لي اعطيك مثال بسيط لانه واضح انك بحاجته. لو افترضنا انو ابنك رسب بالمدرسة وانت قلت له يا بابا ليش رسبت؟ فراح جبلك لائحة بأسماء الطلاب اللي هنن ايضا رسبوا واثبت لك انو جابوا علامات اقل منه. حسب المنطق تبعك لازم نعمل له حفلة نجاح للولد. هاد الشي غلط. لانو حتى ولو فعلا كل الطلاب رسب وجابوا علامات اقل. هذا ما بيلغي انه هو كمان رسب. ومو بس هيك حتى لو اجوا الطلاب الراسبين وعيروه لابنك انه رسب بضل كلامهم صحيح بغض النظر انهم جابوا علامات اقل.

[00:03:41]

ونفس الشي موضوع الملحدين بلا اخلاق. والمسيحية واليهود عندهم عبودية حتى ولو كان هذا الشيء صحيح. واجوا قالوا لك انه دينك غير اخلاقي لانه فيه ملك اليمين بيضل كلامهم صحيح.

[00:03:52]

المغالطة المنطقية اللي انت واقع فيها يا صديقي اسمها… أو مغالطة وانت ايضا وهاي بتصير لما نحنا نفشل نثبت [00:04:00] صحة الموقف تبعنا. فبنحاول نثبت خطأ موقف الاخرين وهي مغالطة لانه بالحقيقة حتى ولو ثبت خطأ موقف الاخرين هذا الشيء ما بيلغي انه نحنا بحاجة لاثبات صحة موقفنا هذا اللي صاير معك.

[00:04:13]

وعدم قدرتك على استخدام المنطق مو هي المشكلة الوحيدة في هذه المقدمة. الظاهر من المقدمة انك انسان حافظ مش فاهم. والدليل هو انك ناقضت نفسك بشكل مباشر من دون ما تنتبه ببداية الفيديو. انت قلت.

[00:04:27] الشيخ عبد الله رشدي:

اول حاجة لو انت انسان ملحد فانا مش بهاجمك خلي بالك. انما انا بتناقش معك بالعقل الصرف اللي انا وانت نحتكم اليه.

[00:04:34] قصي بيطار:

ولكن حرفيا بعد دقيقتين بتقول.

[00:04:36] الشيخ عبد الله رشدي:

فما تجيش ابدا كانسان ملحد تقول لي ان انا شايف ان ده لا انساني الا لما تجيب لي اولا المرجع اللي انت تحتكم اليه، واوعى تقول لي العقل البشري لان العقل البشري لا يتفق على شيء.

[00:04:47] قصي بيطار:

فكيف زبطت معك؟ انه لما انت بدك تشرح لي عن قواعدك الاخلاقية تلزمني وتجبرني بالعقل.

[00:04:52] الشيخ عبد الله رشدي:

انما انا بتناقش معك بالعقل الصرف اللي انا وانت نحتكم اليه.

[00:04:56] قصي بيطار:

ولكن لما بتسألني أنا عن قواعدي الأخلاقية فجأه العقل بيصير غير ملزم وغير قادر على استنتاج اي شيء او الاتفاق على اي شيء.

[00:05:03] الشيخ عبد الله رشدي:

واوعى تقول للعقل البشري ان العقل البشري لا يتفق على شيء.

[00:05:07] قصي بيطار:

هذا اللي بيصير لما بتكون حافظ مش فاهم. وأنا ما رح افوت بهادا الموضوع. لأنو الفيديو تبعك هو عن ملك اليمين في الإسلام وليس عن قواعد ومصادر الأخلاق. إذا حابب تحكي عن قواعد مصادر الاخلاق فينا نطلع انا واياك اذا بتحب مناظرة مباشرة او حوار مباشر اذا بتفضل الحوار. بما انك معلق على منشوراتي على الفيس بوك مسبقا بتعرف وين تلاقيني أو ابعتلي ايميل إذا بتحب. لكن واخيرا بعد 6 دقائق من مقدمة ما لأي قيمة بلش الفيديو.

[00:05:33] الشيخ عبد الله رشدي:

يلا نشوف الدنيا مع بعض. ( الرد علي شبهة ملك اليمين في الاسلام)

[00:05:42]

في لما الإسلام جه بقى ما اخترع فكرة السبي دي. بل بالعكس الاسلام حطلها قيود كتيرة جدا. رقم واحد.

[00:05:49] قصي بيطار:

انتهى الفيديو حرفيا. أول جملة بتقولها بعد ما تحكي بالموضوع بتلغي الحلقة كلها من أساسها. وبتشرح لنا انه إلهك ودينك ما حرموا العبودية وإنما أبقوا [00:06:00] عليها لكن مع قواعد جديدة.

[00:06:02] الشيخ عبد الله رشدي:

لما الإسلام جه بقى لما اخترع فكرة السبي ده. بالعكس الاسلام حطلها قيود كتيرة جدا.

[00:06:07] قصي بيطار:

الثقة والفخر اللي عم تحكي فيه بيدل على انك مالك مستوعب المشكلة. فاسمح لي اشرح لك إياها. نحن ما بنقول على دينك إنه دين لا أخلاقي. لأنو القوانين تبع العبودية مو عاجبتنا. نحنا بنقول إنه دينك أخلاقي لإنه فيه مفهوم العبودية أصلا من أساسه.

[00:06:23]

انت صاير معك متل إذا حدا قال لك دينك غير أخلاقي لأنه في عبودية فأنت بتجاوب بتحداك تجيب لي اية واحدة بتثبت انه العبد ممنوع يكون عنده فيس بوك. المشكله مو القواعد تبع المشكله انه في شي اسمه عبد اصلا من اساسه بدينك. صديقي انت مالك شايفها هاي المشكلة.

[00:06:39]

لكن اللي عم بيصير هلأ انه انت عم تحاول تشرح لنا انه لما بكون في فعل لا أخلاقي مثل استعباد البشر. الغاء هذا الفعل او تحريمه هو ليس الحل الافضل برأيك انت حسب كلامك الحل الافضل انه ابقي على هذا الفعل اللا اخلاقي لكن مع قواعد جديده وهذا كلام غلط.

[00:06:59]

إلغاء الفعل هو دائما الحل الأفضل وهذا الشي اللي عملناه نحن البشر لما ألغينا العبودية وأثبتنا بشكل واضح أنه أفضل للفرد وللمجتمع. فالسؤال بيصير كيف إلهك كلي المواصفات ما عرف يلغي العبودية. ونحن البشر محدودين المواصفات عملنا شغلة أفضل من إلهك.

[00:07:17]

ما هو الأفضل؟ هل من الأفضل إنو يكون محرم ملك اليمين بالقرأن ولا محلل مع شروط وإلخ. الأفضل بكل بساطة إنو يكون محرم. لكن مو هذا هو الواقع. فنحن أمام حلين لا ثالث لهما. إما انو نحنا البشر عندنا استيعاب للأخلاق والإنسانية أكتر من خالق الكون. أو إنو هذا الكتاب أصلا مالو جاي من عند خالق الكون.

[00:07:41]

دكتوري العزيز. إعلم أن الإتيان بقواعد جديدة لعمل لا أخلاقي عوضا عن تحريمه أو إلغائه هو تماما الشي المتوقع يحصل لما يكون البشر هم مصدر تلك النصوص.

[00:07:53] الشيخ عبد الله رشدي:

لما الإسلام جه بقى. لما اخترع فكرة السبي، بل بالعكس الاسلام حط لها قيود كثيرة جدا.

[00:07:59] قصي بيطار:

بهذه الجملة الصغيرة [00:08:00] اللي انت ابتديت فيها ان ديني لم يحرم العبودية وانما اتى بقواعد جديدة. انت مو بس نهيت الفيديو تبعك بمحاولة بدايته. انت كمان وضحت انه دينك صناعة بشرية ووضحت انه نحن كمسلمين سابقين انتقادنا صحيح وفي محله ولغيت الحاجة لاني تابع الفيديو تبعك ونرد عليه. ولكن ومع ذلك رح نتابع.

[00:08:20] الشيخ عبد الله رشدي:

يلا نشوف الدنيا مع بعض. (شروط ملك اليمين ) ان عشان تمتلك او يكون فيه سبي في الاسلام لازم يكون سليل معركة. ولازم ميكونش المسلم معتدي في المعركة دي. هييجي واحد يقول لي اه انت قصدك ان كل الغزوات بتاعة المسلمين دي كلها كانت كلها عدوان؟ ايوة كل الغزوات التي قام بها المسلمين دي كلها كانت لرد العدوان. فاوعى تقول لي ان المسلمين كانوا بيعتدوا ولا السبي بتاعهم ده كان عن اعتداء؟ ابدا. ده كان نتيجة لعدوان والاحتلال قائم موجود كانوا هم بيحرروا البلاد دي من الاحتلال.

[00:08:54] قصي بيطار:

من وين طلعت لنا فيه هذا الحكم. ان المسلم حصرا ما لازم يكون معتدي. والمضحك انك عم تقرأ هاي الاية تبع قاتلوا الذين يقاتلونكم ولا تعتدوا. وكأنه هي الاية الوحيدة اللي بالقران بتتكلم عن الجهاد والفتح والغزوات والقتال ما في أي اية تانيه. والله قال ان الله لا يحب المعتدين. وكأنه ما في شي اسمه جهاد طلب او جهاد ابتداء بدينك.

[00:09:16] الشيخ عثمان الخميس:

ان نعلم ان الجهاد ابتداء لتحقيق غاية الا وهي عبادة الله وحده سبحانه وتعالى. تحقيق عبادة الله في الارض وتحكيم شرع الله.

[00:09:23] شيخ:

فالجهاد ذروة سنام الاسلام وهو ماض الى قيام الساعة. فلا يملك احد ايا كان حاله في اي عصر ولا مصر ان يقول ان الجهاد ليس من شرع الله.

[00:09:36] قصي بيطار:

وكأن محمد لما اكتسب قوه كافيه ما كان يبعت الجيوش على القرى تبع الكفار. يللي عدوانهم الوحيد كان انهم كافرون ولا اي شي تاني. وكان يعرض عليهم الاسلام الجزيه او القتل.

[00:09:48] الشيخ عبد العزيز الطريفي:

ولهذا النبي عليه الصلاة والسلام كان إذا بعث سرية في سبيل الله عز وجل امرهم أمرهم بأن يأمروا عدوهم بأن ينزلوا على حكم الله سبحانه وتعالى، ثم أمرهم بعد ذلك أن يدفعوا [00:10:00] الجزية للمسلمين، ثم بعد ذلك إذا امتنعوا من هذا كله أن يكون بينهم وبين المسلمين الشيء.

[00:10:06] الشيخ عثمان الخميس:

لذلك النبي صلى الله عليه واله وسلم كان إذا ارسل الجيش كما في حديث بريدة وغيره أنه إذا أرسل الجيش يقول إذا حاصرت أهل حصن فليكن أول ما تدعوهم إليه شهادة أن لا إله إلا الله فإن هم أجابوك إليها يعني دخلوا في الإسلام فأمرهم بالهجرة وكف عنهم يعني ما يقاتلون انتهى الأمر فإن أبوا الاسلام فأمرهم بالجزية فإن أجابوك إليها فكف عنهم لا يقاتلون فإن هم أبوا الجزية. استعن بالله وقاتلهم.

[00:10:30] قصي بيطار:

ولكن المشكلة مو بس انك تجاهلت كل ايات الجهاد بالقران واخترت الاية التي تقول ولا تعتدوا. المشكلة انك اخترت اية منسوخة.

[00:10:38] الشيخ زيد بن مسفر البحري:

وقاتلوا في سبيل الله الذين يقاتلونكم. قال بعض أهل العلم هذه منسوخة بالايات التي امرت بالقتال. في كل الاحوال.

[00:10:48] قصي بيطار:

هاي الاية كانت فعالة لما محمد ما كان عنده جيش أو قوة كافية للقتال.

[00:10:52] الشيخ عزيز العنزي:

ومعلوم بأن النبي عليه الصلاة والسلام والصحابة في الفترة المكية كانوا ممنوعين من الجهاد والقتال، ثم لما هاجر النبي عليه الصلاة والسلام إلى المدينة، وبدأ الناس يدخلون في دين الله عز وجل، وبدأت بدأ، بدأ المسلمون يشعرون بالقوة، أمرهم الله عز وجل بالقتال.

[00:11:13] قصي بيطار:

على كل حال دكتور بما انك نسيت تشرح للناس ان الاية اللي انت اخترتها هي اية منسوخة غير فعالة. خلينا نقرأ لهم بعض الايات الغير منسوخة. والفعالة. هذه الاية بتوضح ان الله لا يحب المعتدين. “يَا أَيُّهَا الَّذِينَ آمَنُوا قَاتِلُوا الَّذِينَ يَلُونَكُم مِّنَ الْكُفَّارِ وَلْيَجِدُوا فِيكُمْ غِلْظَةً ۚ وَاعْلَمُوا أَنَّ اللَّهَ مَعَ الْمُتَّقِينَ (123)” التوبة

[00:11:32] الشيخ علي بن غازي التويجري:

قال جل وعلا “يَا أَيُّهَا الَّذِينَ آمَنُوا قَاتِلُوا الَّذِينَ يَلُونَكُم مِّنَ الْكُفَّارِ وَلْيَجِدُوا فِيكُمْ غِلْظَةً” قالوا الذين يلونكم يعني الاقرب فالاقرب من يليكم ويقربوا منكم ديارهم وهم الروم في الشام وفي غيرها من الكفار وليجدوا فيكم غلظة يجدوا فيكم شدة عليهم وقوة لكفرهم جزاء وفاقا على كفرهم حتى يكون ذلك سببا في تركهم ما هم عليه من الكفر.

[00:11:55] قصي بيطار:

“كُتِبَ عَلَيْكُمُ الْقِتَالُ وَهُوَ كُرْهٌ لَّكُمْ ۖ وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ” البقرة 216. [00:12:00] ومعنى عسى أن تكرهوا شيئا وهو خير لكم. أي لأن القتال يعقبه النصر، والظفر على الأعداء، والاستيلاء على بلادهم وأموالهم وذرياتهم وأولادهم.

[00:12:09] الشيخ عزيز العنزي:

أخي الفاضل هذه الأية جاءت في سياق أم أمر الله عز وجل المسلمين بالجهاد في سبيل الله. كتب عليكم القتال وهو كره لكم.

[00:12:18] قصي بيطار:

وهذه الاية طبعا ما فيها اعتداء على اي احد. تقول “قَاتِلُوا الَّذِينَ لَا يُؤْمِنُونَ بِاللَّهِ وَلَا بِالْيَوْمِ الْآخِرِ وَلَا يُحَرِّمُونَ مَا حَرَّمَ اللَّهُ وَرَسُولُهُ وَلَا يَدِينُونَ دِينَ الْحَقِّ مِنَ الَّذِينَ أُوتُوا الْكِتَابَ حَتَّىٰ يُعْطُوا الْجِزْيَةَ عَن يَدٍ وَهُمْ صَاغِرُونَ (29)” التوبة.

[00:12:31]

ايات مثل هي التي استخدمت بوقت محمد لوقت ابو بكر البغدادي لحتى تحرك الناس على الجهاد والقتال والغزو والعدوان والخ. فا ليش عم بتحاول ان توضح للناس ان القران ما فيه غير اية واحده عن القتال. وبتقول لكم اقعدوا بالبيت ولا تهاجموا حدا. ولحتى حدا يهجم على بيتكم ساعتها يحق لكم ان تقاتلوه لان الله لا يحب المعتدين.

[00:12:50]

ليش عم تحاول توضح هاي الصورة؟ أنت عم تنتقي الكرز دكتور سمعان بمغالطة انتقاء الكرز. هاي المغالطة بتوضح شغلتين. أولا إنو حجتك واهية إنك مجبور تنتقي الكرز لحتى توصل للنقطة اللي بدك ياها. والشي التاني انه الكرز نفسه فاسد لانه يحتمل الانتقاء.

[00:13:06]

بصراحة هون بلشت حس. اما انك انت ما بتعرف هاي الاشياء. انك جاهل عنا بدينك. او انك انت مستحي منها. والحقيقة لو كانت التانية أنا بتفهمك. لأنه بيوم من الأيام أنا أيضا كنت مستحي من هاي الأمور. لكن الفرق بيني وبينك بعد ما تعلمت كل هالمصايب. أنا قررت بيني وبين نفسي أنه لا يمكن يكون إلهي بيحتمل هاي المواصفات. لا يمكن يكون الهي على هذا المستوى من الجهل والدموية واللا أخلاقية. ولكن أنت قررت تقبل أنه هو فعلا على هذا المستوى. وقررت ترقع له حتى كمان مو بس تتقبله.

[00:13:37] الشيخ عبد الله رشدي:

وزي ما أنا وضحت الكلام ده قبل كده. لما راح المدينة صنع صلح بينه وبين اليهود وبين بعض قبائل العرب. وفضل الصلح ده موجود لحد ما اليهود نقضت العهود. حلو الكلام ده.

[00:13:49] قصي بيطار:

لا مش حلو كده ابدا. لانك قلت ان سبب قتال الرسول للكفار هو انهم نكسوا العهود معه أو خانوا العهد. وهذا الشيء غير صحيح من القران نفسه. انا عن [00:14:00] جد حاسس انك انت مالك واصل لهاي السورة. يمكن مالك قاريها فيها سبويلر. دير بالك مشان ما احرق لك الحبكة تبع الستوري..

[00:14:08]

اللي صار حسب القرأن هو انه محمد كان ضعيف عمل عهود مع الكفار. لكن لما اكتسب جيش كافي انه يقتل الجميع. هو لغى هاي العهود او كما يقال في القران تبرأ منها. هو طلع من هاي العهود. طبعا رماها على الاله وما دخله الله هيك بده لكن انت فكر فيه عقليا. دكتور لو الكفار عملوا عهود مع محمد وهو ضعيف ليش لحتى يستنوا ليصير قوي وعنده جيش ويقرروا يخونوا العهد معه؟ نقرأ الاية.

[00:14:36]

“بَرَاءَةٌ مِّنَ اللَّهِ وَرَسُولِهِ إِلَى الَّذِينَ عَاهَدتُّم مِّنَ الْمُشْرِكِينَ (1) فَسِيحُوا فِي الْأَرْضِ” التوبة.

[00:14:42]

هدول الكفار يعني روحوا هجوا واهجروا من الأرض ” أَرْبَعَةَ أَشْهُرٍ وَاعْلَمُوا أَنَّكُمْ غَيْرُ مُعْجِزِي اللَّهِ” الى اخر الاية.

[00:14:49] الشيخ علي بن غازي التويجري:

يقول الله جل وعلا براءة من الله ورسوله مأخوذة من قوله برئت من الشيء وأنا منه بريء اذا ازلته عن نفسك لان النبي صل الله عليه وسلم قد عاهد المشركين. عاهد كفار قريش في الحديبية وعهد بعض القبائل جذيمة وقبائل اخرى كان بينهم النبي عليه وسلم عهد. كذلك الله عز وجل تبرأ منهم وامر النبي ان يتبرأ من الكفار من عهودهم التي معهم لظهور الاسلام وقوته ما بقي الا الاسلام لكن يترك من له امد الى امده ثم بعد ذلك الله ورسوله بريئان منه. اما ان يدخل في الاسلام واما ان يقتل.

[00:15:23] قصي بيطار:

شايف شو عم يصير دكتور انتم جماعة دعاة يوتيوب عم تخسروا مصداقية امام الناس. الناس ما عادت تصدقكم مثل اول لانه كل مرة راحوا يدوروا على أي شيء حكيتوا بتطلع يا إما آكل نص الاية يا مخبي عليه موضوع مالك حاكيه يا منتقي الكرز. على كيفك يا مكذبين بشكل واضح.

[00:15:40]

عم تخسروا مصداقيتكم والناس ما عاد تصدق شو بتقولو. ما عادت توثق بالشغلات اللي اتعلمتها اصلا منكم. وشوي شوي عم تشك بدينها بسببكم. فليش زعلان انو. استمروا. شكرا كتير علي اللي بتعملوه.

[00:15:52] الشيخ عبد الله رشدي:

يلا نشوف الدنيا مع بعض. (الاسلام اعز العبيد) فالاسلام [00:16:00] جاي بيحط العبيد والسادة في مرحلة رتبة انسانية واحدة زي ما انت ورئيس الجمهورية في رتبة انسانية واحدة. في فرق منكم رتبة ادارية. اه كذلك في فرق رتبة ادارية بين السيد والمملوك او السيد والعبد. لكن الانسانية واحدة.

[00:16:15] قصي بيطار:

عبودية. انت عم تسمع حالك وانت عم تحكي ما فيك تقول انه بمفهومك انت البشر هنن كلهم بنفس الرتبة الانسانية او برتبة واحدة. وبنفس الوقت تسمي بعض الناس اسياد واحرار واخرين عبيد ومملوكين.

[00:16:31] الشيخ عبد الله رشدي:

العبيد والسادة في مرحلة او رتبة انسانية واحدة.

[00:16:35] قصي بيطار:

انك انت مانك شايف تناقض بكلامك. غريب كتير هاد الموضوع. ورجاء لا تقارن بين الموظف والمدير والمملوك والسيد تبعو لان مقارنة زائفة.

[00:16:45]

الموظف أول شي ماله عبد أو مملوك للمدير تبعه.

[00:16:49]

تاني شي عندو حقوق كاملة كإنسان وبيقدر بنفس الوقت يترك الوظيفة بأي وقت بدو ياها. والشركة مجبورة تقدم له حصانة اجتماعية وطبية عدا حقوقه كإنسان يلي هي موجودة بشكل عام وبده ياخد راتب شهري بيتماشى مع خبرته أو مع شهادته. هاي المواصفات هي نفسها بتنطبق على العبد؟ ما في داعي نضيع وقت على هاي الوحدة. يلا بينا نشوف الدنيا سوا.

[00:17:18] الشيخ عبد الله رشدي:

(الفرق بين السبي والاغتصاب) هنا بقى نيجي لقضية تانية وهي قضية مهمة جدا. يقول لك اذا الاسلام اباح اغتصاب الأسيرات هرد عليك بردين. الرد الاول ان البشرية كلها كانت بتمارس العلاقة الجسدية مع المسبيات والبشرية بتفرق بين مصطلح اغتصاب ومصطلح زواج ومصطلح سبي. فلما تيجي تقول لي ان السبي هو هو الاغتصاب. اقول لك انت غلطان انت عندك خلل في المعرفة او العلمانيين وكهنة الالحاد فهموك ان السبي يعادل الاغتصاب وده غلط لان البشرية بتفرق بينهم. وكان في زمان موجود عقوبات على الاغتصاب لكن السبي كان معاملة طبيعية جدا. معلش متزعلش [00:18:00] مني. انا بتكلم معاك بمنطق فلازم تعاملني بالمنطق.

[00:18:03] قصي بيطار:

لا صديقي ماراح أزعل منك لأنك أبعد ما يمكن ان تتخيل عما يسمى المنطق. فما رح أزعل منك أكيد. خليني اشرح لك ليش لما بتقول السبي هو ليس الاغتصاب. شو الدليل علي هاي الحجة تبعك؟ الدليل جهل اجدادنا. الناس من زمان كانوا يفرقوا بين السبي والاغتصاب مما يعني انه في فرق بين السبي والاغتصاب.

[00:18:25]

بداية قبل ما أشرح لك شو هي المغالطة المنطقية اللي انت واقع فيها بدون ما تنتبه. بداية انت هيك عم بتثبت كلامنا. نحنا بنقول لك انه دينك هو فعلا تراكم خرافات وجهل الاوليين وانت عم تحتكم فيهن. انت عم تحتكم بجهل الاولين على صحة دينك فاحسنت بهاي الحركة.

[00:18:42]

ثانيا المغالطة اللي انت واعي فيها هي الاحتكام بالاغلبيه وهاي بتصير لما نحن نفشل نثبت اثبت صحة ادعائنا فنلجأ. لانه بما انو في ناس كتير مؤمنين او مصدقين بدعائنا هذا يعني حصرا انه دعائنا صحيح. وهذا الاستنتاج لا يمكن الاعتماد عليه.

[00:18:57]

لانه حسب هذا المنطق تبعك بما انه الناس اغلب البشريه اذا كانت مفكره انه الامراض هي مس شيطاني او ارواح شريرة او سحر اسود. معناها هاد الشي صحيح. ما في شي اسمه جراثيم وميكروبات. السحر الاسود هو.

[00:19:12]

اغلب البشر عبر التاريخ كانوا يتزوجوا الاطفال. مما يعني انه هذا الشي صحيح لازم نعمله في وقتنا الحالي؟ غلط. ونفس الشي لما بتقول ان.

[00:19:20] الشيخ عبد الله رشدي:

البشرية كلها كانت بتمارس العلاقة الجسدية مع المسبيات. والبشرية بتفرق بين مصطلح اغتصاب ومصطلح زواج ومصطلح سبي.

[00:19:32] قصي بيطار:

اغلب الناس مدى التاريخ كانوا يفرقوا بين السبي والاغتصاب مما يعني ان هذا صحيح. كلامك غلط صديقي سأشرح لك بكل بساطة ليش؟ ما هو الاغتصاب؟ شو تعريف الاغتصاب؟ باختصار الاغتصاب هو الاجبار على ممارسة الجنس ضد إرادة الشخص الأخر. متى ما رأينا شخص يجبر شخص أخر ليمارس الجنس معه ضد إرادته نسميه اغتصاب.

[00:19:58]

شو هو السبي؟ السبي [00:20:00] هو أن المسلمين يخرجوا على الكفار يوصلوا على البلدة تبعهم ويقولوا لهم اما الاسلام او الجزية او القتل. الكفار بدو يدافعوا عن نفسهم بيصير حرب. بينتصروا المسلمين بعد الحرب. بيصير في اسرى بهدول الاسرى في سبايا. وهدول السبايا مسلمين بيحق لهم يمارسوا الجنس معهم.

[00:20:17]

فالسؤال بيصير هل ساعتها المسلم بكون عم بيجبر الامراه على ممارسة الجنس ضد إرادتها؟ الإجابة نعم. لأنو الإمرأة ما حتكون متشوقة لممارسة الجنس مع المجاهدين الذين اعتدوا على البلد تبعهم وخربوا بيوتهم وذبحوا أهلهم وأطفالهم. على الأغلب لن يرغبوا بممارسة الجنس معهن. ولا شو رأيك؟ فشو الفرق بين السبي والاغتصاب؟ الاتنين ممارسة جنس أو إجبار على ممارسة الجنس ضد إرادة الشخص الأخر.

[00:20:43] الشيخ عبد الله رشدي:

فلما تيجي تقول لي ان السبي هو هو الاغتصاب؟ أقول اقول لك انت غلطان. انت عندك خلل في المعرفة او العلمانيين وكهنة الالحاد فهموك ان السبي يعادل الاغتصاب وده غلط لان البشرية بتفرق بينهم. معلش ما تزعلش مني انا بتكلم معاك بمنطق فلازم تعاملني بالمنطق.

[00:21:00] قصي بيطار:

الحقيقة انت انت ما كنت بدك تعتمد. انا برايي على قصة انه اجدادنا كانوا يقولوها فهي صحيحة. انت كنت حابب تقول شغلة تانية لكن استحيت.

[00:21:08]

انت حابب كنت تقول ان هذا هو شرع الله. الله حلل وطء السبايا لهيك هذا الشيء هو شيء صحيح. لكنك اتحرجت بهذا الموضوع لانه بالحقيقة مو مهم. اذا انت بتعتقد انه إلهك او صديقك المخفي اللي بالسما شرع شغلة معينة. مو مهم اذا المجتمع حتى شرع لك شغلة معينة مو مهم اذا انت متزوجها بعقود حقيقية ومغرم فيها للمرأة.

[00:21:30]

ايمتى ما رجل او شخص ما مارس الجنس بالاجبار مع شخص اخر ضد ارادته اسمه اغتصاب دائما. بغض النظر شو في بيناتهن عقود واتفاقات روحية والاجتماعية دائما هذا الشيء اسمه اغتصاب. ورجاء عندي طلب خاص دكتور اذا بتريد خفف من استخدام كلمة. عقليا وبالمنطق بليز.

[00:21:50] الشيخ عبد الله رشدي:

لان سيدنا النبي عليه السلام امر بالاحسان الى المملوك. وسيدنا النبي عليه الصلاة والسلام نهى عن ايذاء المملوك مجرد [00:22:00] الايذاء. ولا اعتقد ان هناك ايذاء على وجه الارض اكثر من اغتصاب انسانة بالعافية ف الحتة دي. الهسهس اللي اتحطت زرع في دماغك ان الاسلام بيقول او بيبيح للمرأة لما تكون اسيرة في المعركة ان هي تغتصب. ده مش موجود خلاص طلع دي من دماغك.

[00:22:19] قصي بيطار:

انا بعرف شو هو التفكير تبعك او شلون شايف الموضوع. الشي اللي انت ما عم تشرحه للمشاهدين اللي انا حساعدك تشرحه. انو انت برأيك طالما في عقد شرعي بينك وبين الامراة ما في شي اسمه اغتصاب. انا بيني وبين المملوكة اللي هلأ ذبحت اهلها واولادها وقتلت. وملكتها ملك يمين بيني وبينها في عقد شرعي من عند الاله. فحتى لو مارست معها الجنس وضد ارادتها وبالاجبار لا يمكن أن يكون اغتصاب لأنه في عقد شرعي.

[00:22:46]

وهذا الخلل الفكري انت نفسه بتطبقه على الزوجة لما بتقول انه لا يمكن للزوج أن يغتصب زوجته حتى ولو مارس معها الجنس ضد إرادتها وبالإجبار حتى لو وصل معها للضرب واضربوهن. لو شحطها على التخت وهي عم تبكي من الألم تبع الضرب ومارس معها الجنس ضد إرادتها. انت برايك هذا لا يمكن ان يكون اغتصاب لانه شرعيا هي زوجته في عقد نكاح بيناتهن. ليش؟ ليش ما عم تحكي هاي التفاصيل الجميلة للمشاهدين. صديقي مالك بحاجتي لان اشرح لهم اياها.

[00:23:15] الشيخ عبد الله رشدي:

انما الموجود عكس ذلك تماما. موجود حكايات الغزل التي حملها التاريخ الاسلامي وغيره من التواريخ للامم السابقة بين المملوك وبين او عفوا بين الجارية وبين سيدها.

[00:23:28] قصي بيطار:

هاي هاي هاي مسكتني فيها هاي ما عندي اجابه بالنسبه. كلامك صحيح بس نفذت فيها ما عندي شي. وللناس الي بتحب تقرا او تتابع بنصحكن تقروا الرواية الرومانسية الرائعة يللي للأسف ظلمها التاريخ. يعني من ناحية القصائد والأغاني ما بعرف ليش ما حدا حكى عنها لما محمد. أو مو لما محمد. طريقة تعرف محمد وزواجه من صفية. قصة ولا اجمل من هيك. الحبكات الدرامية الموجودة كيف بتاجر بالبشر لحتى يصل لعندها. وكيف قتل زوجها اللي كانوا عرسان جداد لسه وابوها وعمها [00:24:00] واخوها. واخر شي كان ما بدو يقرب عليها هو بنفس الليلة لانو جديدة لسه. لكن من كتر جمالها ما قدر يقاوم فبنى بها على الطريق.

[00:24:09]

يعني اليوم ذبحنا اهلها على الطريق رايحين على المدينة اتسبرأ بحيضة. لكن هاي الحبكات الرومانسيه في دراما اكيد بالموضوع. لكن الحبكات الرومانسيه هي اللي بتدوب القلب. بنصحكم تقروا عن هذه الروايه كتير حلوه فهي نفدت فيها يا دكتور ما عندي شيء اعلق عليه.

[00:24:25] الشيخ عبد الله رشدي:

يلا نشوف الدنيا مع بعض. (سبايا اوطاس) حتة أخيرة بقى أنا عايز أتكلم عنها وهي غزوة أو سبايا أوطاس لما حصل بعد غزوة حنين ارسل النبي صلى الله عليه وسلم سرية. الى. الى. الى اوطاس. فحصل سبي لبعض الرجال والنساء. اللي حصل ايه بقى انهن دخلن بعضهن دخل في الاسلام. فاللي دخلت في الاسلام ديت كان لها زوج في الجاهلية. فالمسلمين تحرجوا. يعني دي كانت واحدة متجوزة انا هعمل ايه. فسيدنا النبي عليه الصلاة والسلام وضح وبين ان الاسلام بيقطع بيقطع. لما واحدة تكون مشركة وتسلم انقطع عقد الزوجية بينها وبين زوجها. والاسلام لا يبيح للرجل المسلم ان هو يعاشر السبية ولو برضاها. ولو عملت له اللي كده ما دامت مشركة لازم تكون كتابية. يعني يهودية أو نصرانية. ده الحل الوحيد اللي هو يجوز له معاشرتها.

[00:25:28] قصي بيطار:

بأي شريعة عندك دكتور.. ليكون عندك دكتوراه بالشريعه نسخه تانيه من الدين الاسلامي اذا هيك شاركها معنا رجاء. لانه الكلام اللي انت قلته كله غلط. حرفيا ما في عليه اي شيء صحيح لا نقلا ولا عقلا شو هي بتحبوها انتوا انو ولا نقلا ولا عقلا.

[00:25:44]

بداية ما يفسد عقد الزواج بين المشركة والمشرك أو زوجها المشرك هو ليس إسلامها مثل ما أنت قلت وإنما سبيها. السبي هو اللي بيكسر عقد الزواج بين المشركة وزوجها المشرك وليس إسلامها. القرءان يقول والمحصنات [00:26:00] من النساء إلا ما ملكت أيمانكم. ما بيقول إلا ما ملكت أيمانكم من المؤمنات ولا المحصنات ولا المسلمات فقط أيمانكم. ما في اي شيء تاني اضافي.

[00:26:10] شيخ:

فأنزل الله جل وعلا والمحصنات من النساء إلا ما ملكت أيمانكم. وذلك أنه ينفسخ عقدها من الكافر إذا سبيت صارت ملكا للمسلمين انفسخ عقد نكاح الكافر عليها وصارت ملكا للمسلم. فهذا الحديث يدل على أن عقد الكافر ينفسخ عن المسبية تصبح ملكا للمسلمين.

[00:26:35] قصي بيطار:

فمتل ما شايفين الموضوع ما في عليه خلاف ابدا. المسلم لما يسبي امرأة يحق له يمارس معها الجنس. شو ما كانت تكون مشركه مسلمه مؤمنه كافره متزوجه شو ما كانت تكون مارس معها الجنس فورا.

[00:26:47]

فمن وين اجا الخلاف يلي عم يتكلم فيه هو الدكتور. الخلاف اجا بعدين من فقهاء المسلمين لما كانوا عم يواجهوا مشاكل بالمجتمعات الإسلامية تبعهن. لما الرجال عندهم سبايا او عبدات كافرات ويمارسوا معهن الجنس. واحيانا يجيبوا اولاد والولد يروح كافر مع امه ويربوا الى اخره.

[00:27:05]

فلما صار في مشاكل قرروا انه بكل بساطه حرام ممارسه الجنس مع الكافرات العبدات الكافرات. فلما انسألوا هدول الفقهاء شو دليلكم انه حرام ممارسة الجنس مع العبدة الكافرة. القران ما بيقول هيك والاحاديث ما بتقول هيك. قالوا لهن دليلنا بكل بساطة هو الاتي. الكلام هنا عن الحديث نفسه اللي ذكرناه تبع سبايا أوطاس. وهؤلاء المسبيات كن من مشركي العرب عباد الأوثان فيؤول الحديث وشبهه على أنهن أسلمن. وهذا التأويل لا بد منه والله أعلم.

[00:27:34]

هذا هو الدليل تبعهن على أنه لا يجوز وطء العبدة المشركة. لازم نقول احاديث الاحاديث لازم نغيرها ليش ما حدا بيعرف ولازم نفترض إنهن أسلمنا. شلون نفترض إنه أسلموا علي اي أساس؟ لا بد من ذلك. هذا هو الدليل. دكتور ليش عم تخبي هذا الدليل الرائع للمشاهدين؟ ليش ما عم تشرح للمشاهدين انه الدليل على كلامك يلي عم تحكي فيه بكل ثقة؟ ولا يمكن ولا كل [00:28:00] هاي الثقة عم تحكي فيها مبنية لا على القران ولا على الاحاديث. لا مبنية على شي معارض للقران والاحاديث وهو راي الفقهاء يلي معتمد على افتراض غير منطقي. لا بد أنهن أسلمن.

[00:28:14] الشيخ عبد الله رشدي:

والاسلام لا يبيح للرجل المسلم ان هو يعاشر السبية ولو برضاها. ولو عملتله اللي كده ما دامت مشركة لازم تكون كتابية. يعني يهودية أو نصرانية. ده الحل الوحيد اللي هو يجوز له معاشرتها.

[00:28:31] قصي بيطار:

واللي بيضحك بالحجة تبعك هو انه حسب رأيك انت بما ان المجاهدين مارسوا الجنس مع سبايا أوطاس فهذا يعني انه لا بد انهن أسلمن. هذا الكلام يقترح انو هنن شافوا المجاهدين عم يدبحوا اهاليهن وينصبوا وياخدوا اموالهم. قام فجأة اقتنعوا بدين الاسلام انو فعلا هذا هو الدين الحق. هذا هو الدين الصح وهذا هو رسول الله. والبعرة تدل على البعير. واين ترى عقلك؟ فجاة اقتنعوا ان فعلا هذا هو الدين الصح. مو بس هيك قرروا يسلموا لحتى يتمارس معهن الجنس. يعني لقوهم حتى.. المجاهدين لانه هي مشركه. حسب كلامك ما حدا بيقدر يقرب عليها. لا يجوز وطئها.

[00:29:10] الشيخ عبد الله رشدي:

ما دامت مشركة لازم تكون كتابية يعني يهودية أو نصرانية. ده الحل الوحيد اللي هو يجوز له معاشرتها.

[00:29:17] قصي بيطار:

لكن بعد ما بتأسلم بنكافئها بمجاهد يغتصبها. انت؟ اوكي اوكي.

[00:29:32]

دكتوري العزيز أنا بصراحة خاب املي كتير بهادا الفيديو. وانا شايف انك انت فشلت بهادا الفيديو. لأنه الحقيقة حتى ولو تجاهلنا كل الأخطاء اللي لاقيتها لك إياها. حتى لو سلمنا بكل كلامك شو رح يصير.

[00:29:44]

بالنهاية رح ننتهي بإله ما حرم العبودية وإنما حلل العبودية لكن بقواعد جديدة. هاي هي الملخص تبع الكلام فلهيك أنا شايف انك فشلت.

[00:29:55]

وهلأ رح أعطيك ترقيم بناء على رأيي الشخصي طبعا بالاداء تبعك. نبلش [00:30:00] بالمنطق هاي. ما في داعي كتير نضيع وقت. عليه صفر بتاخد صفر من 10.

[00:30:05]

لو LOL كانت رقم كنت عطيتك LOL من 10. لكن.. بعد هالمعلومات الإسلامية هاي الحقيقة أنا عن جد ما عم بعرف فرق. هل انت انسان بيعرف شو هي النصوص وعم يخبيها ويكذب عالناس؟ ولا انت بكل بساطة ما عندك فكرة شو هي هاي النصوص يلي يفترض عندك دكتوراه فيها ولاني ما عم بعرف فرق. رح اعطيك 3 من عشرة .. 3 من عشرة. رقم جيد.

[00:30:28]

البرزنتيشن. هلأ بالنهاية اللي هي التقديم انا شايفه.. كرينج لكن رح اعطيك 8 من 10. الحق يقال 8 من 10 لانه انت عندك ميزة غريبة دكتور اللي هي لو عم تحكي كل شي غلط وكل شي غير منطقي وتخبيص كلام ميه بالميه. عندك طريقه توضح على انه انت انسان عاقل ومنطقي وصاحب علم كمان بنفس الوقت بطريقه الطرح تبعك.

[00:30:52] قصي بيطار:

مع انه كلامك كله غلط بكون 8 من 10. وبالنهايه العنوان اللي بتربهح معنا او التسميه هاي اخترت لك اياها بشكل شخصي. حشوي مرقع. أنا لقيتها مناسبه لك. لأنه أنت إنسان واضح انه بيعبد النصوص. لكن بنفس الوقت متحرج منها. فهو خليط غريب ولكن حشوي مرقع. شايفه انه مناسب هذا الشي. مبروك عليك حبيبي.

[00:31:15]

بالنهاية هذا الفيديو مو معمول لأوضح أني أنا صح وهو غلط. هاي الأشياء غير مهمة. المهم انه نحن نقيم الأفكار اللي بنسمعها وندور على مصادر حقيقية. إن كان بيهمنا الحقيقة تبع الأمور لازم نقيم الشي اللي بنسمعه. ما لازم ناخذ اي شي مسلمات لانه نفس ديني او عرقي او بحبه للشخص.

[00:31:35]

لازم دائما نقيم الأفكار ندور على عن مصادر وهذا هو العدو اللدود لحراس الوهم. بالمناسبة.

[00:31:42]

الناس التي تفكر وتقيم وتبحث.

[00:31:46]

إن أعجبكم هذا الفيديو فلا تعملوا شير. تعرفوا ليش الشير ممكن يكون له تأثير سلبي على حياتكم؟ حياتكم أهم من الشيرات فيكن تعملوا لايك. ما حدا بيشوف اللايك.

[00:31:57]

فيكن تعملوا تعليق باسم وهمي. حركة ذكية ولكن [00:32:00] المشاركين كونوا حذرين فيها. والأهم من هيك متل العادة حبوا بقلبكم. بس فكروا بعقلكم. يلا نشوف الدنيا سوا بيس. (شكرا لداعمي القناة الحلوين ).