مين اللى سرق مصر،الحلقه التاسعة عشر: دور العبادة في مصر

مين اللي سرق مصر

مين اللي سرق مصر

مين اللي سرق مصر

مين اللي سرق مصر

مين اللي سرق مصر

من مشاكل إسلام التصدير و إسلام التكفير هو الصورة اللي بيحاول الازهر و المؤسسات الدينية ان هي تصدر لبره ان احنا بنحترم المسيحية طبعًا

و بنحترم كل الاديان

 و بنعتبر المسيحية و اليهودية ديانات سماوية

و الإسلام جاء ليكمل هذه الديانات لا لينطقس منها

و نحترم عقائد الاخر

و احنا عايشين مع المسيحين بقالنا 1400 سنة في سلام

و هما بيعبدوا الله بامان و مفيش اي مشاكل خالص

لما تيجي بقي على أرض الواقع تستغرب

طب الناس اللي هما بيحترموا اليهود و البهائين و المسيحين و بتاع

عندهم مشاكل مع ان الناس دول يبنوا دور عبادة ليه .؟

لية لما يتمنع في سويسرا بناء المأذن المسلمين اللي هناك و اللي هنا يطلعوا يصرخوا و يقولوا عنصرية

بس لما تيجي حد عايز يبني كنيسة تطلع عينه في دولة زى مصر

و ترفض و ترفض حتى ترميم الكنايس

الكلام ده جاي منين و اية اصله اية

اصله ان من بداية دخول عمرو بن العاص لمصر

بعد 3 سنين بالظبط

حصل ان المسلمين راحوا على بايعة مارمرقس في الاسكندرية و حرقوها

و حرقوا الضريح بتاع مارمرقس نفسه في الاسكندرية

الكلام ده بقي اللي موثق في الوثائق اللي بجد مش في التاريخ الأهبل الإسلامي

اللي يقولك دا احنا جينا و حررناها و بتاع

في مدينة زي مدينة طَحا اللي هي في الصعيد بس

مدينة صغيرة مش كبيرة

في عصر الأمويين اتهدم فيها 25 مدينة

فانت تخيل لو في مدينة واحدة اتهدم فيها 35 مدينة

قيس بقي على مصر كلها

فين الكنايس القديمة اللي كانت في مصر

في كنايس اسكندرية القديمة اللي كانت بالآلاف

راحت فين

مش حد يجي يقولي مادام انتوا بتحافظوا على التراث و بتاع الكنايس دي راحت فين

اتهدت

فين كنايس الصعيد ؟

اتهدت

فالقصة طويلة

قانون أهل الزمة بيطبق في مصر من ساعة وصول عمرو بن العاص

اللي هو إن لا يدق الأجراس و لازم لو حد مسلم جه عليهم يستضيفوه 3 ايام

و ممنوع ان هما يمشوا و هما شايلين الأناجيل في ايديهم

كتبهم المقدسة ممنوع انها تبان للنور

ممنوع ان هما يعلموها للمسلمين

ممنوع ان هما يوقروا في مجالس المسلمين

و الأحاديث بقي اللي بتمنع بناء الكنائس

لا تبني كنيسة في الإسلام

ده حديث صحيح

حديث تاني لقوه الجنة

اليهود والنصاري من جزيرة العرب أو لا يترك في جزيرة العرب دينان

كل ده موجود في ال….

موجود في التراث و اللي على أساسه لما جه الإمام الأكبر

شيخ الجامع الازهر

الشيخ الدمنهوري في القرن ال18

كتب الكتاب بتاعه و اقامة الحجة الباهرة لهدم كنائس مصر

في هدم كنائس مصر و اقامة الحجة الباهرة

في هدم كنائس مصر و

الكتاب ده مرجع

مرجع اتعمل على أساسه قانون مصر

اللي هو ممنوع بناء الكنائس الجديدة و ممنوع ترميمها

اللي حصل في الزاوية الحمرا لما قالوا انهم هيبنوا كنيسة

و الناس راحوا و قتلوا 81

اللي حصل في الكشح مرة أولى و مرة تانية

في اطفيح  المجازر اللي ارتكبت ضد الاقباط

و في نجع حمادي و في العريش

و في السويس

و في القاهرة و في اسكندرية

الراجل القبطي اللي اتدبح دبح عشان بيبع خمور

كل ده مش شوية سلفيين اللي بيعملوه

أنا راجل نشأت في قرية مصرية

كان في فترة كان في تسامح و تعامل مع الناس دول بإريحية

و مرة واحدة أنا صحيت من النوم على كلمة حي على الجهاد و مش فاهم اية اللي بيحصل

طفل , حي على الجهاد

اية اللي حصل

طلعت إشاعة إن هما في بلدنا في قريتنا هيبنوا أكبر كنيسة في الشرق الاوسط

إشاعة

الناس طلعت , حي على الجهاد يروح الكنيسة القديمة ينهب الكنيسة و يسرقوا الالواح الخشب اللي في الكنيسة و يقولك حي على الجهاد

انا شوفت ده بعيني

و اكيد ناس كتير من اللي بيسمعوني شافوا الكلام ده

فانت متحاولش تقول إن القصة كلها دلوقتي بس الإخوان ولا السلفيين هما للي بيعملوا البتاع ده

صحيح دخول السلفية لمصر شجع بداية من أحداث الزاوية الحمرا من التمنيات انه يخلي العنف ضد المسيحين أشد

بس اية اللي خلى العنف اشد ؟

إن السلفين ابتدوا يستخدموا النصوص اللي مكنوش الناس يعرفوها

فابتدوا يقولولهم ده النبي قال كده النبي عمل كده

فالناس ابتدت تغير على دينها بقي

مادام النبي قال متبناش كنيسة يبقي لية في كنيسة

يبقي في مؤامرة

هيبنوا أكبر كنيسة في الشرق الاوسط

يبقوا عايزين ينصرونا

يبقي عايزين

فهو ده المدخل لعدم التسامح

فيقولك دلوقتي هيغيروا قانون دور العبادة بس اية برضو الاجراس مش عارف يبقي فيها اية

و لازم. و الابراج مش عارف يبقي فيها اية

ولازم , طب انت بتعمل كده لية ؟

يقولك عشان خايف من بناء الكنائس ممكن يضر بالأمن القومي

بس بناء الجوامع مبيضرش بالأمن القومي ؟

الجوامع مفيهاش سموم

الجوامع مفيهاش كذا

الجوامع مش هي اللي بتدعوا للكراهية

نراكم في الحلقة القادمة


Download text file

Who stole Egypt? 19

You may also like

ملخص تاريخ الاسلام بداية ونهاية
لم يستجب ياأخوة لمحمد في مكةخلال 13 سنة من الدعوة لم يستجب لدعوته لم [...]
6 views
ندوة للاستاذ حامد عبد الصمد في المغرب بعنوان التنوير فوبيا (الجزء الاول)
احمد عصيد: مساء الخير, يُسعدنا أن يكون معكم في هذا اللقاء الفكري الذي [...]
3 views
مين اللى سرق مصر، الحلقة الثامنة عشر: إسلام التصدير وإسلام التكفير
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة السابعة عشر: الأزهر عامل زي سُوستة
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة السادسة عشر: مأساة التعليم في مصر
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة الخامسة عشر: خليك فاكر مصر جميلة
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة الرابعة عشر: الإعجاز العلمي في البناء المصري الحديث.
انهارده عايز اكلمكم عن موضوع الإعجاز العلمي في البناء المصري طبعًا [...]
0 views
مين اللي سرق مصر، الحلقه الثانية عشر، البرفان والشعب القرفان
مين اللي سرق مصر مين اللي سرق مصر مين اللي سرق مصر مين اللي سرق مصر [...]
2 views
مين اللي سرق مصر، االحلقة الحادية عشر ، أولاد حارتنا
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللي سرق مصر، الحلقة العاشرة ، مصر السلطة بلدي
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views

Page 1 of 13

اترك تعليقاً

لن يتم نشر عنوان بريدك الإلكتروني.