مين اللى سرق مصر، الحلقة الخامسة عشر: خليك فاكر مصر جميلة

مين اللي سرق مصر

مين اللي سرق مصر

مين اللي سرق مصر

مين اللي سرق مصر

مين اللي سرق مصر

خليك فاكر مصر جميلة دي أغنية أنا بحبها جدًا للفنان محمد طة

و فكرت فيها كده

خليك فاكر مصر جميلة لأأن احنا ممكن ننسي من كتر القبح اللي زاد حوالينا من اختفاء الجمال بقينا بندور علية بصعوبة عشان نلاقية

الجمال حوالينا في كل مكان

في النيل و القرى في النخيل في الصحرا في الصعيد في الشمال  على البحر

كان الجمال دايمًا موجود عندنا و كنا بنشوفه في الحقول مع الحياة المدنية الحديثة اللي فيها أستهلاك أكتر ما بننتج

 فا احنا بننتج زبالة الحاجات اللي بنستهلكها

و للأسف كان في مرة عائلة المانيا كان أب و بنت و ابنه كنت أنا معاهم في رحلة في مصر و الراجل ده أحرجني اكتر من مرة إن يقولي اية اللي حصل لبلدك و حضارتك مالها اتبهدلت ليه

فأنا طبعًا كنت برد الرد اللي هو الطبيعي بتاع واحد بيدافع عن مصر يعني

الاستعمار و الفقر و و الى اخره

فقال هوالاستعمار هو اللي يخلي الناس ترمي الزبالة قدام بيوتها

و لا الفقر هو اللي يخلي الناس ترمي الزبالة قدام بيوتها

طب ما في قري كتيرة في أوروبا و أمريكا الاتينية بس الناس بينضفوا الزبالة قدام بيوتهم

الحاجات دي كانت بتوجعني

بس طبعًا بدافع بدافع بدافع

فا بالفعل الزبالة غطط على الجمال

انت دلوقت علشان تدور علي حاجة جميلة في مصر تمشى كتير

انا كنت ماشي مع الناس دي و روحنا الواحات

و كانت أول مرة بالنسبالي إن الواحات فيها اماكن جميلة لسة فيها قرى جميلة على الطراز المصري القديم و فيها حقول لسة عذراء و فيها صحراء الصحرا البيضاء عند الفرافرة و عند الواحات البحرية و الداخلة و الخارجة

اماكن جميلة جدًا و البنيات اللي هي الحلوة بس الواحد لازم يدور عشان يوصل هناك

لازم يسافر سفر طويل عشان  يوصل هناك

و القري في النوبة أو يعني النوبة اللي هجروها يعني

في أسوان تقف قدام البيوت و تستمتع بالالوان

الالوان المصرية القديمة

في انسانه عزيزة عليَّ جًدا بحبها جدًا لفتت نظري عشان عارفة إن أنا بتكلم عن الفن و عشان عارفة الجمال راح فين في مصر

فلفتت نظري لقرية , قرية البُرُلُس في كفر الشيخ

بتقولي القرية يعني فيها حاجات حلوة و ورتني مقال عنها و فرحت بالمكان

و راجل فنان تشكيلي من كفر الشيخ دعي 14 فنان أو 40 فنان من 14 دولة و ابتدوا يرسموا علي الجددران بتاعت البيوت بتوع الفلاحين

مش إن هما يرسموا بس و دي كانت الفكرة العبقرية يعني

إن هما جابوا الاطفال و جابوا النساء و جابوا الناس الكبار و خلوهم يرسموا معاهم اللوحات دي

فطلعت لوحات جميلة جدًا

قرية بقت في وسط الدلتا كدة و تفرح بيها

الالوان المصرية رجعت تاني

و الجميل اكتر إن الناس دول عشان شاركوا بنفسهم في رسم الحاجات دي بيحافظوا عليها

فمحدش بيجي يشخبط

محدش بيجي يرمي عليها مايه وسخة

بقوا يحافظوا عليها لأن هم شاركوا بخلق هذا الشىء و ده يعني يعتبر نموذج يحتذى بية من الفنانين يبتدي يرسموا على الجدران تاني و يعملوا المصريين أو مش هيعملوهم الجمال

لان الجمال في روح المصريين

انهم يوصلوا روح الجمال اللي هو في فطرهم من الأساس

فأنا لما شوفت الصور دي فرحت جدًا و كنت ممتن جدًا للإنسانه اللي ورتني بلدك لسة فيها خير لسة فيها جمال

فياريت نتعرف على الجمال , نتواصل معاه

قريت كمان عن قرية اسمها قرية تونس في الفيوم

كان بناها واحد تونسى على الطراز التونسي من 70 سنة

البناء الجميل و جات واحدة سويسرية اسمها ايفيلين من 40 سنة و ابتدت تعمل تعيد صناعات الخزف الفرعونية و الفخار مرة تانية و خلقت وظايف و نشطت السياحة و جم ناس وعلموا فنادق ريفية جميلة على بحيرة قارون

فا برضو في حاجات جميلة بتحصل اهي

ياريت التجربة دي تتعمم

و ياريت يعني تتكرر في قرى كتير على النيل مثلاً

الغريب بقي ان ايفيلن اللي جاية تبذل مجهود ده كله لازم تروح تجدد تاشيرتها من 40 سنة و كل سنة تقف في طابور في القاهرة في المجمع و مرة يجددوا و مرة يعصلجوا جدًا

لو واحدة مصرية سافرت سويسرا هيدوها الجنسية المصرية بعد 3 سنين لو عندها شغلانة محترمة

فما بالك بقي دي عملت لمصر حاجة جميلة جدًا

و لما جم يكتبوا عنها في مجلة الشباب كتبوا عنوان مخزل

و يقولك طليقة سيد حجاب عشان كانت متجوزة من الشاعر الكبير سيد حجاب

و كأن لا وجود لها و لا كيان لها بدون سيد حجاب

الجمال في مصر موجود ياريت ندور علية  و ياريت نتواصل بيه و نكتشف الروح اللي غبار الصحراء دفنتها


Download text file

Who stole Egypt? 15

You may also like

ملخص تاريخ الاسلام بداية ونهاية
لم يستجب ياأخوة لمحمد في مكةخلال 13 سنة من الدعوة لم يستجب لدعوته لم [...]
6 views
ندوة للاستاذ حامد عبد الصمد في المغرب بعنوان التنوير فوبيا (الجزء الاول)
احمد عصيد: مساء الخير, يُسعدنا أن يكون معكم في هذا اللقاء الفكري الذي [...]
3 views
مين اللى سرق مصر،الحلقه التاسعة عشر: دور العبادة في مصر
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة الثامنة عشر: إسلام التصدير وإسلام التكفير
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة السابعة عشر: الأزهر عامل زي سُوستة
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة السادسة عشر: مأساة التعليم في مصر
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة الرابعة عشر: الإعجاز العلمي في البناء المصري الحديث.
انهارده عايز اكلمكم عن موضوع الإعجاز العلمي في البناء المصري طبعًا [...]
0 views
مين اللي سرق مصر، الحلقه الثانية عشر، البرفان والشعب القرفان
مين اللي سرق مصر مين اللي سرق مصر مين اللي سرق مصر مين اللي سرق مصر [...]
2 views
مين اللي سرق مصر، االحلقة الحادية عشر ، أولاد حارتنا
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللي سرق مصر، الحلقة العاشرة ، مصر السلطة بلدي
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views

Page 1 of 13

اترك تعليقاً

لن يتم نشر عنوان بريدك الإلكتروني.