كيف تقاتل الغزاة العرب على نهب ثروات مصر؟
يعني قاتلوا بعض علشان كل واحد فيهم عايز ينهب أكتر من التاني؟
كيف حصل قاعدة قبيلة قُريش على نصيب الأسد من ثروات مصر؟
والفُتات بقى سبيته لباقية القبائل
كيف أحتقر قادة قبيلة قُريش باقي الجنود، إللي من القابائل التانية وتعاملوا معاهم بعنصرية وبتحقير، وبشتيمة كمان
اهلاً بيكم مع سيد شُعيب
زي ما قلت الحلقة إللي فاتت، يعني الصورة المستقرة والمرسومة على الغُزاة العرب دول أنهم مجموعة من الزاهاد
ناس زاهدين الدنيا وجايين من أجل نشر دعوة الإسلام وكذا وكذا
وطبعاً ما فيش حد بيدعوه إلى دين بالسلاح يعني لكن يعني دي الصورة المرسومة
صورة ملائكية جداً يعني ، إلي درجة ان المسلم بقي هما دولَ المثل الأعلى بالنسبة له يعني في الحلقة دي أنا بكمل رسم الجانب الأخر من الصورة
لأن الغُزاة دولَ قتلوا بعض صراعاً على حكم مصر وصراعاً على ثروات المصريين
نهب ثروات المصريين، كان جيش الغزو مكون من عدة قبائل من العدننية أو عرب الشمال
والقحطنية الاصول أو من يسمونهم بعرب الجنوب
عرب الشمال كانوا أكثر الثراء وكانوا يتابهوا بالأنساب وشرف القُرب من الكعبة
وأحتقار تجارة الجزيرة العربية، وكما يقول ياقوت الحموي في معجم البلدان
كان أهل مكة آمنون يغزون الناس ولا يتم غزوهم يسبون ولا يتم سبيهم ولم تُسبى قُرشية يعني مافيش واحدة ست من عندهم تم أخذها كاعبدة فتوطق قهراً لكن هما يعملوا ده
بعض القبائل الشمالية صاحبة السيادة والنفوذ لم تشارك في جيش الغزو إلا بأعداد قليلة
ومن هذه القبائل قريش و خزاعة يعني قريش شاركت بأعداد قليلة جداً في جيش الغزو إللي راح مصر
عشان كده القبائل الجنوبية تلتين الجيش ولأن القبائل الشمالية دية عدد جنودها قليل فكان صعب يبقى كل قبيلة فيهم يبقى ليها لواء خاص
كانت كل قبيلة بتسمى لواء يعني خاص يعني طبعاً تحت قيادة الجيش يعني فلما حبوا يعملوا لواء من الأعداد القيلية دول اتخانقوا مين إللي يبقى القائد يعني
وده إللي يفكرنا بي إللي قاله بن خلدون وانا قلته في حلقات سابقة قبل كده
إن طبيعة القبائل المُسلحة دية بالك هو الصراع على الحكم يعني، واخد بالك
فأيه الحل فا عمرو بن العاص قائد الجيش قال خلاص نلمهم تحت قيادتي انا الشخصية يعني
بقى هو القائد بتاعهم يعني، من ضمن قبائل الجنوب واخد بالك
المروات العربية أطلقت عليهم المردتين، يعني الكفار وهما مش مرتدين ولا حاجة
وحتى لو مردتين ده حقهم يعني، بس هما ماكانوش مرتدين، هما عندما قرر سيدنا ابو بكر أن يكون ملكاً وحاكماً بيقولك رفضوا سلطته، وقالوله احنا مش هاندفعلك الضرايب لأن.. واخد بالك
طبعاً دخل معاهم حرب وحرقهم وسبى ستاتهم وحرق زعمائهم و و
إللي اتبقي منهم بقي وده بيأكدلك ان المسألة مش في نشر الإسلام ولا بتاع
لكن إللي اتبقى من القبائل دي إللي ما ماتوش طبعاً وارد انهم يعملوا قلق تاني
فاعمر بن الخطاب خلاهم جزء من الجيش واخد بالك فا يبقى خلص من دوشتهم ولو ماتوا
يبقى خير وبركة ولو ماماتوش هياخدوا من الثروات او إللي بيتم نهبها من الشعوب إللي مُحتلة يعني واخد بالك
حتى الغزو العباسي عشان يقولك انه إزاي في تمييز للقريش لأنها قبيلة سيدنا النبي والحقيقة
كونها قبيلة سيدنا النبي ده لا يعطيها وضع مميز ولا يعطي لأي حد وضع مميز
لأننا كامسلمين كلنا زي بعض مش لأنك انت قريب من سيدنا النبي فانت أحسن مني لأ
لا خالص ولا هتاخد ميزة، خد بالك الميزة في الأفعال من يفعل الخير فهو مسلم كويس
ومن يفعل الشر فهو مسلم وحش واخد بالك لأن احنا مش قبيلة ومش مفروض كمان يبقى عنصري يعني
المهم حتى الغزو العباسي تولى مصر 28 والياً 11 من قريش و8 من قبائل ذات أصول شمالية
و4 من أصول جنوبية و6 من أصول جنوبية صرف
يعني 10 10 من قبائل الجنوب و 18 من قبائل الشمال و18 من قبائل الشمال
و18 دول 11 لقريش، يعني كان فيه تمييز.. ما بين مش سوسية بقى كأسنان المشط ولا حاجة يعني
وطبعاً العدد ده لا يتناسب مع عدد الجيش الكرويين كانوا تلتين الجيش تلتين الجيش
خدوا 10 من 28 كويس
يذكر بعض المؤرخين، المؤرخين طبعاً إللي مستند عليهم هنا المؤرخين المسلمين، يذكر بعضهم يعني، أنه حدث نزاع بين بن العاص و أحد الجنود
فقال له بن العاص غاضباً أخرس فانما أنت كلب
يعني عمرو بن العاص مش قديس يعني يعني خد بالك مش قديس عشان نمشي وراه
ده راجل بيرتكب أخطاء وبيشتم يعني، الظريف بقي أن الراجل رد عليه وقاله وأنت أمير الكلاب
أثناء غزو حصن بابليون حصل خلاف بين الزوبير بن العوام إللي هو من قريش وابن عمة سيدنا النبي وقائد جيش المدد إللي أنقذ عمرو بن العاص
وبين شرحبيل المرادي من قبيلة مراد وكانوا من اهل الردة يعني من الناس إللي رفضت حكم أبو بكر الصديق يعني
فاتنازعا على من يكون له شرف أنه هو يدخل الأول فقال زوبير بن العوام بقى واخد بالك
ابن الزوبير أسف يعني قاله أيه ايه من النغفة من نغف اليمن أستقيدو بابن النابغة
يعني ايه النغفة دي معناها ايه؟ معناها الدود إللي بيطلع في مناخير الغنم والزوبل واخد بالك
يعني بيحقره، يعني واحد زيك زي الدود إللي في مناخير الغنم أنا امشي وراه يسبقني واخد بالك
يعني النظرة فيها تعالي وفيها عنصرية شديدة جداً يعني واخد بالك
والتعالي والعنصرية الشديدة دية موجهة ضد القبائل إللي هما من الجنوب
طبعاً الأفضلية كانت لقيبلة قريش في كل حاجة، يعني هما إللي ياخدوا الفلوس الأكتر والخراج الأكتر وكل حاجة الأكتر يعني
في مناطق الأرتياع المميزة في مدينة الفسطاط عمرو بن العاص بنى مدينه لجيشه أسمها الفسطاط يعني
في مناطق الأرتياع المميزة يعني اماكن رعي الحيوانات واخد بالك بجوار المدينة يعني
المناطق الوافرة بالخيرات والقريبة يديها طبعاً للقبائل الشمالية ومنها قبيلة قريش
أما بقى لأي كلام تاني يديها للقبائل الجنوبية
وكمان حصل كتير خلاف على توزيع الثروات يعني
يعني خلاف على توزيع الثروات ما بين قبائل الجنوب والشمال وجوة الشمال جوة الشمال
ما بينهم قُريش وجوة قُريش ما بين الفرع إللي بيحكم والفروع إللي ما بتحكمش
حدث خلاف طبعاً على الأرض يعني، لكن هو عمرو بن العاص كان مقرر ومعاه عمر بن الخطاب
مقررين إن الأرض هايشموا النظام الروماني، النظام الروماني بيقول أيه؟
ماتوزعش الأرض على الجيش، نمرة 1 واخد بالك في الحالة دي مش هايبقى في خراج
يعني الخراج هايقل لا خلي المصريين يزرعوا واخد بالك، زي ما هما وناخد منهم الخراج
والجيش يتفرغ لي لي الحرب والكذا والكذا والكذا
ولو أنتوا فاكرين يعني في حلقة من حلقات المروايات العربية بتنسب إسأتنا عمر بمقولة
فالتخرج مصر في عمران المدينة، يعني أهم حاجة عندي الخراج يستمر
يعني انا مش عايز اخد اخد المصريين كلهم عبيد ومايبقاش عندي ناس بتشتغل
كان عاوز يحافظ على القوة العاملة، وده نفس النظام إللي عمله الأحتلال الروماني واخد بالك
واخدة بالك لما جه دخلوا أسكندرية، أسكندرية بقى كان فيها بيوت وقصور وحاجة فخمة جداً يعني، يعني واخد بالك والبيوت كانت مفروشة وفيها رخام ملون وفيها حمامات
طبعا الحاجات دي أيامها دي إعجاز يعني واخد بالك، فاتخناقت الجنود دول الملايكة إللي بتصورهم إللي بيتم تصوريهم لينا كملايكة، وزاهدين في الدنيا أتخناقوا على البيوت دية
فاعمرو بن العاص قالك إللي يوصل بيت الأول ياخده، فاوصل اتنين وتلاتة وقعدوا بقي وهيتخانقوا وهتحصل مدبحة يعني
فاقلك لا طيب إللي هيحط رمحه الأول هايبقي هو صاحب البيت فلاقى على البيت عليه رمح واتنين وتلاته وعشرة يعني أيه
و ده محلش المشكلة فكان بيخلي اكتر من قبيلة يعني تاخد بيت المهم ده بيصور بيتناقد مع
الصورة المثالية المرسومة ليهم يعني، يعني الصورة المرسومة ليهم وللاسف المسلم صدقها
والمصري صدقها وكل الشعوب غللي احتلتها الغزاة العرب يعني
بتحكي المروايات العربية إن عمرو بن العاص كان بيحتفظ لنفسه بمظاهر الأوبها بقى بعد ما حكم يعني وانا قولت في حلقة سابقة قبل كده أنهم لبسهم كان بسيط جداً يعني ناس جاية من الصحرا
يعني ناس جاية من حضارة أقل بكتير يعني، فا طبعاً بقى لما حكم مصر وتمكن يعني بقى يلبس
أغلى الهدوم بقى والحرير الموشى بالذهب، وعنده حراس وعنده حكام بقى دنيا يعني
فا في واحد اسمه بن زاخر المعفالي بيوصف اقبل رجال بإيديهم سياط كرابيج يزجرون الناس
فاجالي رعب، بيقولك مين دولَ فا قالك هؤلاء اصحاب الشرط إللي هما بوليس الشرط من هنا جت كلمة الشرطة
إللي محاوطين عمرو بن العاص، أوبها بقى، وده خلى المرويات العربية كمان
فقد جمع عمرو بن العاص ثروة طائلة حتى أن الخليفة عمر بن الخطاب سأله عما حصل إلى
بلغني إنك فشت لك فاشيا من خيلٍ وإبل، فاكتب لنا من اين لك هذا المال؟
ورد عليه بن العاص إعلم يا أمير المؤمنين أني ببلد السعر فيها رخيص وإني اعالج من الزراعة
ما يعالجه الناس وفي رزق أمير المؤمنين سعة
لم يُصدق عمر بن الخطاب الكلام ده وأرسل من يقاسمه الثروة، واخد بالك
وبعتله قاله، أنتم يا معاشر العمال يعني الحكام إللي هو عينّهم على البلاد المُحتلة إللي تم إحتلالها يعني، قعدتم على عيون الأمواج فاجبيتم الحرام وأكلتم الحرام وورثتنم الحرام
ورد عمرو بن العاص بقى الغاضب يعني، قبّح الله يوماً يوماً كنت فيه لأبن الخطاب والياً
إللي هو زعلان إن جه اليوم إللي هو يبقي و الي عند عمر بن الخطاب يعني، كويس
فقد رايت العاصي بن و الي الساهمي إللي هو ابوه يلبس الديباج المزرقش بالدهب
والخطاب بن نفيل إللي هو والد عمر بن الخطاب يحمل الحطب على حماره بمكة
بيعيرو بعض بيعيرو، بيعاير عمر بن الخطاب
فرد عليه بن مسلمة إللي كان عمر إللي كان سيدنا عمر أرسله عشان يقاسمه في ثروته
فقاله ايه بقى، ابوك وابوه إللي هو أبو عمر بن الخطاب في النار
ولولا اليوم الذي اصبحت فيه تُزم يعني، لولا اليوم الذي عيّنك فيه بن الخطاب والياً لمصر
لأنفيت نفسك ماسك عنزة واخد بالك وعايش عليها يعني
طبعاً هنا كتير بقى من الإسلامين وهكذا الاخوان وكده يقوللك شوف عدالة عمر بن الخطاب
لا الحقيقة مافيش عدالة في الموضوع ليه؟ لأنه هو مش عايز الخراج، ما يتم أخذه من الشعوب إللي تم إحتلالها واخد بالك واحد ياخده منه
عايزه كله يوصل لمركز الحكم يعني، فاسيدنا عمر لم يكن مشغولاً بأن يكون هناك عكن بين المصريين يقلل الخراج عن الرومان لأن عمرو بن العاص خلى 3 اضعاف
يقلل حوداث الاكل، يقلل حوداث الحرق، وهكذا يعني
كان في إيده يعمل كتير يعني، لكن هو كان مشغول بالخراج
والمرويات العربية باتنسب له، فالتخرج مصر في عمران المدينة
يعني المسأله هنا ما كانتش عداله للشعوب إللي تم إحتلالها خالص يعني لكن الخراج يروح ويتم توزيعه بناءً على قُربك من مين إللي بيحكمه
يعني مش كل الناس بتاخد نفس الفلوس من بيت المال بالعمل الناس بتاخد الفلوس بالعمل
وبتاخد فلوس شعوب تانية هى إللي شقيت وتعبت يعني واخد بالك
فاعلشان كده دي مش عدالة من سيدنا عمر وعكس الصورة المثالية إللي أترسمت ليه
نروح دلوقتي فاصل ونعود إن شاء الله
أهلاً بحضراتكو نكمل الصورة الغايبة وإللي مش موجودة عن الغزو العربي لمصر
وإزاي إن هما كانوا بيقتلوا بعض، وإزاي إن هما كان في صراع فظيع بينهم جداً على الثروة
في عنصرية في التعامل وفي حاجات كتيرة أووي
تقول المروايات العربية أيضاً عن بن العاص عمرو بن العاص جاب ثروة هائلة من مصر
70 رقبة جمل مملؤة بالذهب و70 بهارة دنانير هذا بخلاف ضيعة وبستان
ضيعة يعني حاجة زي قرية يعني كده وورث أبنه عبدالله وواحد ابن من أبنائه
قناطير مقنطرة من الذهب المصري وأمتلك قرية في عسقلان في الشام بكل ما فيها وما عليها
الزوبير بن العوام أو الزوبير أسف يعني الزوبير إللي هو ابن عم سيدنا النبي ابن عمة سيدنا النبي
وكان يملك خطة في الفسطاط خطى يعني قطعة ارض كبيرة يعني وأخرى في الإسكندرية
وفي دار الكوفى واخرى بالبصرة و 11 بالمدينة وأرضين يعني قطعتين أرض كبار جداً فيهم غابة
فيهم غابات يعني ومن كثرة ثروته عندما مات حصلت كل زوجة من زوجاته الاربعة على مليون ومائة الف دينار
وحسب رواية بن سعد كانت ثروة الزوبير 35 مليون ومائة الف دينا
وكان يحلم طبعاً بأنه يكون خليل المسلمين فاتم قتله يعنى
نعود لجيش الغزاة من الجنوبيين وطبعاً كان عندهم غضب شديد جداً يعني ليه ؟
لأن توزيع الغنايم بتاعة مصر غير عادل يعني واخد بالك لأن أبن عمرو بن العاص
ركز أدى اكتر يعني ميز بني سهم إللي هما قرايبوا من طرف أبوه في حين تجاهل قرايبه من جهة امه اليمنية خالص يعني
لأنها كانت عبدة سبية وكان بيعيروه أنه ابن عبدة يعني واخدبالك
بعد وفاة سيدنا عمر بن الخطاب جعل الخليفة عثمان بن عفان
عمرو بن العاص مسؤلاً عن شئون الحرب فقط أما الخراج فقد عين له بن ابي سرح واخد بالك
يعني هو خلاه بس هو للجيش يعني والتاني للخراج فا عمرو بن العاص قال ايه بقى
أكون مثل مالك البقرة وغيري يحلبها، مصر بالنسبة ليهم بقرة، في خناقة على مين إللي يحلبها وياخد اكتر
وطبعاً حصل خلاف فاسيدنا عثمان عزله بقى من كل حاجة، عزل عمرو بن العاص من كل حاجة
فلما أندلعت الحرب الأهلية بين أنصار سيدنا علي وأنصار معاوية بن أبي سفيان كان
عمرو ابن العاص احد القادة الكبار ضد الخليفة عثمان طبعاً طبيعي يزهق لنفسه بقى يعني
وكانت الفروق بين الجنوبيين والشماليين في عهد عمر صارخة، زادات في عهد عثمان بقى
زادات في عهد عثمان، واخد بالك ووالي مصر وقتها هو بن ابي السرح دوة ضّيق على
أنصار عمرو بن العاص وعلى الجنوبيين، واخد بالك ضيق على الاتنين يعني
ربما نُفيد هنا إن إحنا نقول إللي ذاكرته المرويات العربية، وهو أن بن ابي السرح ده
كان سيدنا النبي المروية العربية هي إللي بتحكي كده وأنا قلت ده كتير وبأكده
أن المروات العربية ليس عندنا دليل تاريخي حتى الأن عليها
ماعندناش دليل تاريخي عليها، واخد بالك أنها حصلت بالشكل ده ولا لأ يعني
لكن anyway فاسيدنا كان أمر بقتله يعني لأنه كان من أشد معارضيه يعني عند فتح مكة
لكن إللي شفعله كان عثمان بن عفان لأنه هو اخوه في الرضاعة
يعني جاب اخوه في الرضاعة عينه حاكم لمصر يعني
بن ابي السرح ده بقى غالة في جمع الضرايب من المصريين واخد بالك وكتر الخراج
عند سيدنا ابو بكر بقت الفلوس كتيرة جداً جداً تيجي من مصر وغيرها بقى
وكان طبعاً بيوزع الثروات دي على إللي ليه يعني زاد الغضب في الأمصار
الأمصار هى البلاد إللي تم إحتلالها فقام بن ابي السرح بجلد عبد الرحمن بن عديس
وعمرو بن الحمق وهما من قبيلة بنى اليمنية أصولها يمنية يعني
وحلق رؤوسهما ولحيهما وحبسهما وصلب قوماً أخرين من المصريين يعني إللي بيعارض مافيش تفاهم
تقولي بقى إسلام ولا أخلاق إسلام ولا كل الكلام ده
الغضب لم يتوقف عند الجنوبيين المضطهدين المظلومين بس لا ده كمان عند القُريشين
من غير العثمان والحكم لأن سيدنا عثمان بن عفان ميز قرايبه وبالتالي كان غضبان باقية الفروع يعني
وانضموا للغاضبين وأصبحوا قادة الثورة ضده ضد سيدنا عثمان، وانضم محمد بن ابي بكر
إللي هو وابن الخليفة الأول سيدنا ابي بكر إلي الغاضبين حتى اضطر ابن ابي السرح إلي في عزله
في مركب لوحده عزله في مركب ومعاه مصريين مابعوش أي حد من جيش الغُزاة يعني هتلاحظ هنا في تميز ضد قبائل الجنوب لصالح قبيلة قريش لصالح الشماليين كلهم
وبعدين قبيلة قريش بتميز نفسها جوة الشماليين وجوة قبيلة قريش في تمييز للي هما لفرع عثمان
وفرع اهل الحكم عن باقية قريش يعني الحكاية كلها تمييز في تمييز مافيش بقى عدالة سوسية
كأسنان المشط ولا الكلام ده يعني واخد بالك
واخدة بالك يعني، وخرج من مصر كتير من الجنوبيين جنود في شكل حجاج ومعاهم بعض الشماليين
ووصلوا عند مقر الحكم عند الخليفة عثمان بن عفان وحاصروه، ولما وصلت وفوود البصرة والكوفى قتلوه، وانضم إليهم سيدنا علي طبعاً بعد ذلك لقتال أنصار عثمان إللي هو بقى في
إللي كانوا انصار سيدنا عثمان كان عمرو بن العاص ومعاوية بن ابي سفيان والفرع التاني
كان سيدنا علي والأتنين عايزيين الحكم يعني خناقة على الحكم
خناقة مين يحكم، مين يحكم مش بس المنطقة الصحراء الجزيرة، لكن كمان الشعوب إللي تم إحتلالها البلاد إللي تم إحتلالها واخد بالك
في خلافة سيدنا علي القصيرة تحكي المرويات العربية انه عين قيس بن سعد والياً على مصر
لأن سيدنا علي حكم حكم ، وأراد الحاكم الجديد مُهادنة أنصار عثمان ومعاوية في مصر تجنباً للشرورهم مش عاوز يعمل مشاكل يعني
فا سيدنا علي شاله شاله من الحكم، لأنه شك في ولائه وعين بدلاً منه محمد بن ابي بكر
لكنه لم يستطع السيطرة على الثائرين فعين مكانه الأشطر يعني بقى حاكم مصر الأشطر يعني
لكن بن العاص، عمر بن العاص ومعاوية دس له السم في العسل ومات على ابواب مصر
والمرويات العربية بتقول أن سيدنا معاوية وعمرو بن العاص كانوا كثرين التنضل على الحادثة دية ويقولوا إن لله جنوداً من عسل لأنه هما دسوله السم في الشرب والعسل إللي هو بيشربه يعني
أما محمد بن ابي بكر سيدنا ابو بكر فقد اعد لمعاوية جيشاً وهزمه وقتله مش بس قتله
ده حط جثته في بطن حمار ميت وولع فيه يعني حاجة يعني بشعة يعني
وطبعاً عاد عمر بن العاص لولاية مصر المكافاة ليه بقى هو كان بيأيد معاوية
ابنه كمان خد الكوفى يحكم الكوفى يعني ابنه عبدالله يعني
الصراع العربي على ثروات مصر لم يتوقف حتى اثناء بعد ما استقر الحكم لمعاوية
يعني لم يتوقف اثناء الامبراطورية الاستعمارية الاموية خد بالك بقى
احتدما، عندما ظهر بعض الانصار لعبدالله بن الزوبير في مصر فتم إعدامهم جميعاً وكان 80 واحد ما فيش تفاهم، وتتجدد الصراع مرة اخرى في عهد حيفاء بن سهيل الباهلي
من قبيلة العددنية الشمالية فقبض على الزعماء الثورة زوايو الوصول الجنوبية وقتلهم كلهم
يعني من يحكمون مكانوش بس بيضطهدوا المصريين لكن هما كمان في بعضهم كانوا بيضطهدوا بعض
وماكانش بقي فيه عدالة ولا سواسية ولا الصورة الملائكية إللي إحنا اتعلمنها في المدراس وفي المديا وفي كل حتة يعني
فا لصراع الدموي دوه كان على الثروة والسلطة ودولا عملوا وارتكبوا جرايم إللي نفس إللي ارتكبها الغزاة من التاطار وغيرهم وده لا يبررهم يعني ولا يبررهم
هل ده يهز إيمان المسلم ؟ اطلاقاً لأننا لا نعبد أفراد إحنا لا نعبد أفراد
في الإسلام لا يجب إننا نعبد الأفراد إحنا بنعبد الله وحده فقط
ولا نعبد سيدنا محمد، سيدنا محمد رسول إحنا لا نعبد افراد
ولو عبدنا أفراد وخلينهم المثل الأعلى لينا يبقى احنا كده ضد القيم الأساسية في الإسلام
إحنا بنخلي ربنا وكأن ليه شركاء معاه في إن احنا نعبده لأ
الله وحده لا شريك له دي نمرة واحد
نمرة اتنين انت من مصلحتك انك تنهي حالة القداسة دي
لازم تنهي حالة القداسة دي
ان حاله القداسة هتورطك في الدفاع عن حاجات غلط عملها بشر
عشان كده ده مش تاريخ الإسلام، ده تاريخ بعض المسلمين الغُزاه مش تاريخ الإسلام
يجب إن إحنا نتوقف عن إننا نقول التاريخ الإسلامي لأ
هو مش تاريخ إسلامي هو تاريخ بعض العرب مش كل العرب طبعاً المسلمين وعملوا حاجات غلط وحاجات صح
الحاجات اللي عملوها الغلط نتجنبها والحاجات غللي عملوها صح اهلاً وسهلاً
علشان كده بقى والحلقة دي وإللي فاتت وإللي قبليها ده إستكمال لفكرة الحلقات
إللي انا كنت قلت فيها أكذوبة الحضارة العربية الإسلامية إن مافيش الحضارة عربية إسلامية
دول يصنعوا حضارة دول، بالعكس دول ماصنعوش حضارة زي ما أنا قولت وأثبت إنهم سرقوا المنتجات الحضارية من علوم وثقافة وفنون دي الشعوب إللي إحتلوها ونسبوها لنفسهم
الحاجة التانية كمان إن دولا لا يمكن يعملوا فيه تعبيرين بيترددوا إللي هو الإسلام الحضاري
والإسلام عمل إطار لبوطقة إنصهرت فيها كل الإقليات وكل الشعوب ديه يعني
وهذا غير صحيح غير صحيح، أولاً تعبير الإسلام الحضاري ده تعبير خادع
الأديان لا تصنع حضارة زي ما انا حكيت قبل كده زي ما انا اثبت قبل كده
الاديان لا تصنع حضارة خالص لا الإسلام ولا المسيحية ولا أي دين دي حاجة
الحاجة التانية كلمه الحضاري برضو كلمة خادعة لأن الحضاري معناها دول صنعوا حضارة
ودول ما صنعوش حضارة، خالص الشعوب إللي تم إحتلالها هي إللي صنعت حضارة
كونه أنه هو الحاكم ده مش معناه أنه صانع زي ما ضربت مثل بلإحتلال البريطاني واخد بالك
الإحتلال البريطاني ماصنعش طه حسين ماصنعش أم كلثوم ما صنعش سيد درويش
ماصنعش سلامة موسى، دول أبناء الحضارة المصرية اثناء الإحتلال البريطاني
وما انتجه المصريون نقول عليه ما انتجه المصريون ابناء الحضارة المصرية أثناء الاحتلال العربي
عشان كده كلمة الحضارة العربية الإسلامية غلط
أسمها حضارة شعوب الشرق الأوسط
كلمة بوطقة دي برضو كلمة خادعة لأنها بتدي إيحاء وكأنها المسألة مشيت بشكل سلمي
يعني إنصهار ثقافات متنوعة وشعوب متنوعة مع بعضها لأ السلمية دي ينفع نقولها في كندا
لأن مافيش إجبار ليا أنا كامسلم على الإنصهار في المجتمع الكندي
أو الإنصهار مع باقي الوان المجتمع الكندي فاماكانش في بوطقة الحقيقة
لكن كان في قمع حكم إستبدادي واحد بالك
حكم قمع استبدادي ناس غلطت حكم قمع استبدادي بعض المسلمين أنا أمشي وراهم ليه
أنا كا مسلم أمشي وراهم ليه، علشان كده إحنا إيمانا مش مرتبط بأفراد خالص
ولا يجب أن يرتبط بأفراد ولا يجب تقديس أي شخص وطبعاً غير المسلمين عليهم مايقعوش في فخ إللي اسمه الحضارة العربية الإسلامية دول كانوا غزاة زيهم زي التاطار لا فرق يعني
دول ارتكبوا جرايم ودول ارتكبوا جرايم يعني باعتبار إنهم بشر يصبون ويخطئون واحنا كامسلمين
أو غير مسلمين إحنا بنتبع القيم الإنسانية
إللي يتبع قيمة العدل نصقفله وإللي يقف ضد العدل نتجنبه
إللي يعمل خير نتمثله وإللي يعمل شر نتجنبه
شكراً جزيلاً وإن شاء الله نشوفكم في الحلقات القادمة على خير
شكراً جزيلاً
Download text file
You may also like
