صندوق الإسلام 007 : ماهي وصية محمد الاخيرة قبل وفاتة

أهلاً بيكم في حلقة من صندوق الإسلام

طلعنا الحلقة اللي فاتت من الصندوق قصة وفاة محمد وماترتب عليها من أنشقاقات وخلافات

وقولنا محمد قبل ما يموت ماكانش في باله إن هيبقى فيه حياة هتستمر بعديه

ف ماتركش للمسلمين أي شئ يرشدهم عن أساليب الحكم السليمة ومين يحكم ويحكم إزاي؟

وقولنا إن هو قال بُعِثْتُ أنا والساعة كهاتين يعني كان بعد مني مش هيبقى فيه حاجة

والدليل على كده كمان إن هو ماجمعش القرآن يعني مافيش قرآن كان موجود في كتاب واحد أيام هو ما مات

وإنما كان فيه صحف كده منتشرة في أماكن مختلفة وهو ماجمعش الكلام ده كله

فيه قصة بقى قبل وفاته لفتت إنتباهي يعني لازم نفكر فيها إيه اللي حصل بالظبط

وهي إن هو طلب من أصحابه المجتمعين حوله في فراش الموت إن هم يجيبوله ورقة وقلم عشان يكتب وصية

طبعاً أول نقطة هنا إزاي فجأةً إن هو بيعرف يكتب ويقرا

ثانياً رد فعل عمر إبن الخطاب كان غريب جداً قال إتركوا رسول الله فقد إشتد عليه الوجع

وفي رواية تانية إتركوا رسول الله فإنه يهجر يعني إيه يهجر يعني يهذي يعني لمؤاخذة بيخرَّف

عمر إبن الخطاب رفض إن النبي يكتب وصيته الأخيرة

لحد النهارده إحنا مش عارفين الوصية دي كان المفروض يبقى فيها إيه

ممكن كان هيقولهم على فكرة أنا مش لا نبي ولا حاجة ممكن جداً

ممكن يكون توصل في نهاية حياته إلى قناعة إن كل اللي عاشه وكل اللي حسه دون كان تهيوآت

أو يمكن ضميره صحي لأشياء عملها في حياته وحب إن هو يعترف بيها فلما عمر إبن الخطاب رفض كان هو خايف يمكن إن هو يوصي بالخلافة لعلي إبن أبي طالب

أو كان خايف إن محمد يذيع أو يكتب شئ هو عمر يعرفه جيداً ليه علاقة بقى بالقرآن مصادر القرآن أي حاجة مانعرفش

المهم إن شئ خطير جداً إن النبي الذي أسس هذه الأمة قبل ما يموت يحرم من إن هو يكتب وصيته الأخيرة

اللي يمكن يكون فيها مفتاح لسر من الأسرار اللي إحنا مانعرفوش لحد دلوقتي

حتى عمه العباس إنتفض وقال الرذية كل الرذية يعني يا لها من كارثة يادي المصيبة

إزاي واحد يمنع الرسول من كتابة وصيته

المهم بعديها على طول محمد مات وسابوه ميت سابوا جثته زي ماهي في غرفة عائشة وراحوا على سقيفة بني ساعدة يتخانقوا مين يبقى الخليفة بتاعهم

فيه 3 فرق إتكونت

الفريق الأول كان علي إبن أبي طالب والعباس اللي هم بيطالبوا بالخلافة إنها تكون من بني هاشم من نسب النبي أهله أهل البيت

وفيه مجموعة أبو بكر وعمر اللي هم تحالف رهيب قالوا لازم يكون واحد من الإتنين دول يا أبو بكر يا عمر لأن هم نصروه ولأنهم من قريش ووووو إلى أخره

المجموعة التالتة طبعاً اللي هي الأنصار الأوس والخزرج اللي هم شالوا الليلة كلها اللي هم يعني بدونهم ماكانش هيبقى فيه حاجة إسمها إسلام

وماكانش هتنتشر الدولة وماكاانش هيبقى فيه جيش قوي بهذا الشكل

المهم في سقيفة بني ساعدة إتخانقوا مع بعض وسعد إبن عبادة اللي هو سيد الخزرج رفض قال أبو بكر مايحكمش

ف وساب ال البتاع وو ومشي ساب البتاع وو ومشي  و قال مش هابايع أبو بكر

يشاء العزيز القدير إن سعد إبن عباده ده يتقتل في الشام بعديها بسنتين يتقتل في الشام بعديها بسنتين

ليه بعديها بسنتين؟ لأن بعدها بسنتين أبو بكر مات وعمر تولى وطلبوا من سعد إبن عبادة إنه يبايع عمر فرفض

ف يبرروا إزاي موت سعد إبن عبيده تبرير يعني مضحك ومؤرخين مسلمين بيكتبوا الكلام دون

قالوا إيه قالوا إن سعد إبن عبادة في الشام كان يتبول فقتلته الجن أه والله مكتوبة مؤرخين زي إبن حجر وهتلاقيها عند إبن سعد قتلته الجن

لأ مش بس قتلته وسابته لأ ده قتلته وكتبت فيه شعر كمان قالت إيه لقد قتلنا سيد الخزرج سعد إبن عُبادة رميناهُ بسهمٍ فلم نخطئ فؤاده

حاجة فل يعني الجن ما هو خلاص ما هو مادام النبي قالهم إن اااا إن كان فيه جن نزل سمع القرآن وأسلم وآمن

وكان بيقولهم إن النجوم وظيفتها رجوماً للشياطين

النجوم اللي أصلاً بتاخد ملايين السنين عشان توصل الأرض ربنا عملها عشان ترجم الشياطين

إن الشياطين طالعين يتجسسوا على ربنا ف يسمع الجن الل ف فيطلع الجن يسمع كلام ربنا فربنا يروح إيه

والكلام ده موجود في القرآن ده بقى نتيجة اللي بيصدق الهذيان بيوصل لحد كده

لما ييجي سورة الجن تقولك أن فيه بشر إن فيه حاجة إسمها الجن وبيآمنوا وفيه جن مسلم وجن كافر والنبي يوثق هذا الكلام والقرآن يأكد هذا الكلام يترتب على ده كل القصص دي كلها

إنت ممكن تروح في أي دولة عربية دلوقتي هتلاقي في أقسام الشرطة بلاغات ضد الجن مش تهريج يقولك الجن هو وأي حد يتهرب من جريمة عملها يقولك الجن قتله الجن حرقه

الجن هو اللي حرق البيت هو اللي حرق الغيط خلاص مادام النبي بتاعك والقرآن بتاعك إدالك البوابة الخلفية دي للتبرير فخد عندك

ياما ناس مساكين مرضى نفسيين وعندهم مشاكل عقلية يحتاجوا إلى مستشفيات ييجي يقولك دول ممسوسين من الجن

وهات بقى وإديلوا بالقلم على وشه وإطلع من رجلها وإطلع من دماغها وإطلع من نفوخها والعالم تتبهدل ويضربوهم بالكرابيج والناس في النهاية تموت

ويقولك خلاص الجن ده أصل الجن ده كان دماغه ناشفة شوية وماعرفش يطلع منها بقى قضاء الله وقدر بقى هنعمل إيه ياما ناس راحت بسب هذه الخرافات

ف سعد إبن عبادة كده خلصوا منه

نرجع لسقيفة بني ساعدة الموضوع اللي لسه ماتحلش أبو بكر وعمر هزموا الأنصار هزموا أهل المدينة وقالوا الخلافة عندنا

طب علي وبنته فاطمة مصممين الخلافة تكون في بيت النبي كل ده وهم عمالين يتخانقوا وجثة محمد مرمية في غرفة عائشة وفضلوا سايبينُه والتانيين المؤمنين اللي بجد اللي مؤمنين إن محمد كان نبي بجد ورسول و وإلى أخره

معتقدين مات إزاي مامتش طبعاً

وسايبينه فضل 3 تيام على فكرة مادفنهوش

ليه ليه 3 تيام بالتحديد ؟ لأنه كانوا متخيلين إنه هيبقى زي المسيح

إنه بعد 3 تيام هيقوم من بين الأموات مرة أخرى وهيرفع إلى السماء

لكن ماحصلش وريحته إبتدت تطلع

طب ما دي أزمة يعملوا أيه لازم يخلصوا بسرعة موضوع الخلافة ف راح عمر يُجبر علي على مُبايعة أبو بكر علي طبعاً رافض

وهنا بقى تلاقي إيه روايتين مختلفتين تماماً

تلاقي رواية السنة بيحكيها الطبري في الجزء التاني من كتاب تاريخ الطبري

إن يعني علي كان مزرجن شوية وبعدين عمر ضغط عليه فقال خلاص موافق أبايعه وبعد كده تبقى الخلافة تيجي لعلي فيما بعد ومش عارف إيه

الرواية الشيعية بقى في كتاب تاريخ اليعقوبي مختلفىة تماماً اليعقوبي بيحكي بلاوي بقى

بيقولك ده عمر هدد فاطمة إنه يحرق البيت عليها وعلى علي

إحنا بنتكلم دلوقتي والنبي لسه ماإندفنش

وحصل مبارزة بالسيف بين عمر وعلي كان هيقتل علي إبن أبي طالب

وهو تحت تهديد السيف وافق علي أو أجبر بقى ما ما ممممم مابقاش فيه حل تاني

دي نتيجة إن هم إن النبي ماسابش أي حاجة تقول مين اللي يحكم وعلى أي أساس

طيب خلص الفيلم ده ودفنوا محمد وكان لسه فيه ناس معترضة يقولوا سيبوه 40 يوم كمان بس طبعاً هم إكتشفوا تماماً إن حكاية إن هو إن الأنبياء الأرض لا تأكلهم والدود إكتشفوا إن الريحة طلعت فدفنوه

وأجبر علي وأهل البيت على إنهم يقبلوا هذا الحل يعني

بعد كده أبو بكر لما لقى فيه قال وقيل وقال

طلع يخطب في الناس عشان يهديهم ف غلط غلطة عمره إزاي؟ قال فلتت منه كلمة تسببت في مشاكل خطيرة جداً قال من كان يعبد محمداً فإن محمداً قد مات ومن كان يعبد الله فإن الله حيٌ لا يموت

ف قالوله شكراً معظم القبائل أصلاً كانت دخلت الإسلام ليه؟

ما هم دخلوا عشان يا إما بيألهوا محمد وشايفين إن هو فعلاً معجزة أو إن هم خايفين منه وغاصبهم أو إن هو بيستفيدوا من الحروب والغنائم وبيشاركوه

فهي العملية كلها بعد محمد الفيلم إتهد والليلة خلصت وخلاص لموا الكراسي بقى

ف قالوله شكراً يا عم الحج أبو بكر يبقى كده إيه خالتي وخالتك وإتفرقوا الخلات وكل واحد يروح في حاله

ف طبعاً أبو بكر كارثة يا نهار إسود ماعملوش أي كارزمة ومالوش أي تأثير عليهم زي محمد طب يعمل إيه دلوقتي؟

فيه قبائل قالوا إحنا مش مسلمين ياعم الحج

ف إبتدت ظاهرة تظهر لذيذة أوي

إن هو مش قالوا هنرجع نعبد الأصنام تاني

لأ ده هم إبتدوا يقولوا اه إحنا مؤمنين بالله وكل حاجة بس كل قبيلة يطلع منها بقى النبي بتاعها زي إبي الأسود العنسي مثلاً

طب واحد يطلع بالقبيلة بتاعته ويجيب القرآن بتاعه فبقى رجع الموضوع قَبَلي مرة أخرى

فأبو بكر طبعاً أزمة بالنسباله يعمل بقى إيه بقى

طب فيه قبائل قالوا إحنا لسه مسلمين بس مش هندفع زكاة مش هندفع خراج

طب بردوا فلوس دخل العملية كلها الأوبيج الفلوس طب يعمل إزاي بقى

مافيش آية في القرآن تقول اللي مايدفعش زكاة يتقتل يجييب الحل ده إزاي ؟

ف ظهر عمك أبو هريرة أبو هريرة ده بقى كان راجل شحات شحات بب مالوش وظيفة جاي هو وأمه

أسلم متأخر يعني سنتين ونص قبل محمد ما يموت وكان بييجي يقعد في المسجد أي حد يديله لقمة ياكلها حتى كانت الناس بتستهزأ بيه يزقه عمر كان بيضربه بالل بالسوط

يعني مافيش ال ايه الاحترام الموجود لأ وسنتين ونص بس عاشهم في المدينة

والسنتين دول النبي كان في حروب يتجوز دي يطلق ف مش فاضيله

ف يخرجلك آلاف الأحاديث الراجل ده فجأةً كده طلعت من تحت الأرض

وأهم حديث الل عمر وأبو بكر عايزينه قالك أمرت أن أقاتل الناس حتى يشهدوا أن لا إله إلا الله وأن محمداً رسول الله

مش بس كده لأ ويقيموا الصلاة ويأتوا الزاكاة هو الحديث معمول عشان دي ويأتوا الزاكاة

فإن فعلوا عصموا مني دمائهم وأموالهم بس كده بقى إيه علم الحديث إتولد

فكرة إن إحنا محتاجين أحاديث ليه ما القرآن متجمع آية من هنا وآية من هنا مش عارف مالمش كل حاجة

يقولك ما فرطنا في الكتاب من شئ لأ فرطتوا في حاجات كتير جداً وأهم مسألة فرطوا فيها اللي هي أيه الحكم

نحكم إزاي يقرا فرطت ولا مافرطتش ؟

بس هو يقرا ما فرطنا في الكتاب من شئ

ما الكتاب ساب حاجات كتير ماتكلمش فيها

ساب حاجات كتير جداً ماتكلمش فيها

فبقى كنز بقى ما خلاص القرآن مش هيحل كل أزمة

فالحديث بتاع أمرت أن أقاتل الناس راح مخرجه أبي هريرة كهدية بقى خد يا عم الحج دي هديتي ليك

مين اللي إشتغل في الحديث بقى ركز مين اللي إبتدى يشتغل في الحديث؟

والأحاديث المهمة اللي على أساسها إتعملت تشريعات اللي مش موجودة في القرآن مين؟

عائشة بنت أبو بكر طلع  طلع عنها بقى بتاع 2300 حديث خدوه عنها

طب إشمعنا عائشة بالذات اللي أخذوا عنها كم الأحاديث ده؟

طب هي مش أم سلمة كانت مرات النبي وعاشت معاه سنين

ماخدوش منها غير 6 – 7 أحاديث ليه ؟

صفية مش كانت مراته بردوا أخدوا عنها كام حديث 9

ونساءه التانيين بعضهم ولا حديث

إشمعنا عائشة بالذات اللي إتاخد عنها هذا الكم الهائل من الأحاديث عشان بنت أبو بكر

وعشان كان لازم الأحاديث تظبط الدولة بعد ما النبي ما راح وساب نص المسائل مش محسومة

مين تاني إشتغل في الحديث عبد الله إبن عمر إبن عمر إبن الخطاب

كان صغير كده عنده بتاع 20 سنة كده وقت النبي ما مات ف إيه إبتدى هو حتى حديث أمرت أن أقاتل الناس ده بقى ااااا أبو هريرة طلعه وإبن عمر أكده

بالذمة أحاديث زي من بدل دينه فأقتلوه وزي أمرت أن أقاتل الناس دي حاجات مسائل حياة أو موت مسائل حياة أو موت إزاي حديث بهذا الثقل والأهمية مايكونش ليه أصل في القرآن

مش ربنا بقى بيعمل المانيفستو أو الوصية الأخيرة ما القرآن ده مش هييجي بعديه كتب القرآن مش هييجي بعديه كتب فاللي يعمل وصية زي دي اللي يعمل وصية زي دي يعني ينسى يكتب فيها الحياة والموت إمتى إنسان يتقتل وإمتى إنسان يعيش ماينفعش

فالحديث والقصص اللي عن النبي إبتدى يبقى ليها دور بقى وإبتدى يشتغل فيهم ناس قريبين أوي من المجموعة الحلف بتاع أبة بكر وعمر

عائشة حافصة طلعت بردوا أحاديث

يعني حافصة طلعت أكتر من الزوجات التانيات بردوا

عبد الله إبن عمر بردوا طلعله بتاع 2000 حديث

هتلاقي أبو زيد الغفاري اللي هو من قبيلة قطاع الطرق

هتلاقي عورة إبن الزوبير إبن العوام اللي هي عائشة تبقى خالته

ده أول واحد كتب سير سيرة النبي أو أجزاء من السيرة

أول واحد عمل المغازي كان عورة إبن الزوبير إبن العوام عائشة تبقى خالته

أبو هريرة بردوا يعني كم الأحاديث اللي خرجها كان يعني يعني فيه روايات بتقول إن هو طلع 25000 حديث والمحدثين أخدوا منه من 5 إلى 6 الآف حديث

طب بالزمة واحد قعد مع النبي سنتين ونص والنبي مشغول لشوشته في حروب وحواديت وقضايا يعني مش نايم جمبه في السرير يعني

لو حسبت إنت 25000 حديث على سنتين ونص هتلاقي إن النبي كان بيقول لأبو هريرة كل يوم بتاع حوالي 30 حديث طب منين إزاي لأ وأبو هريرة كان بيقولك إيه كان بيتوضى قبل كل حديث ومش عارف

طب كل ده يعني فات على الناس ده إزاي القصص دي فاتت على الناس اللي بتسمع الكلام ده إزاي

ف طبعاً القصة كلها كانت معمولة عشان تبرير الحكم اللي جه بعد كده كل واحد بقى مسك الحكم عايزله كذا حديث يظبطوه

فاللي هيمسك بعد كده من بني أمية عايز أحاديث تشكر بني أمية

اللي مسك بعديهم العباسيين عايز أحاديث تشتم بني أمية وتمدح العباسيين ونسل العباس ونسل بني هاشم وهكذا

وتطورت بقى القصص دي من أبو هريرة اللي هو على فكرة يعني ااا كان معروف عنه إن هو مش بس شحات لأ إن هو نصاب كمان إزاي؟

إن عمر كافئُه فيما بعد بعد ما عمر تولى الخلافة كافئ أبو هريرة بإنه عينه والي البحرين

بس قعد فيها بتاع 3 سنين نهب البحرين وخد فلوس بيت المال لنفسه

لحد ما عمر رجعه تاني وشتمه وقاله أكلت مال المسلمين

وعزله من ولاية ال     ومع ذلك أحاديث وخد عنه الأحاديث وماحدش جرح فيه أبو هريرة ده راجل

ليه لأن أبو هريرة مفيد لكل حاكم يحكم

حتى لدرجة إن عبد الملك إبن مروان لما تولى الحكم زار المدينة وراح زار أبو هريرة

ما هو راجل مفيد  راجل كأنه زي القرآن بالظبط

يا عم أبو هريرة عايزين حديث عن الموضوع الفلاني

من عيني يا باشا إنت تؤمرني أنا سمعت رسول الله ص أو أي حاجة بقى بينما نحن جلوس عند رسول الله سمعته بيقول إن بني قريش هم ملح الأرض ليه لأن بتوع قريش عايزين يستفيدوا

بنو أمية تتت ومش عارف   …

خد عندك الأحاديث الحديث ونقيضه

هتلاقي الحديث ونقيضه وهكذا

ونفس الحكاية القصص فضلت تتجمع تتجمع لحد 130 سنة بعد وفاة محمد

إبتدى واحد إسمه إبن إسحق يجمع الكلام ده كله ويعمل السيرة اللي هي صلحها فيما بعد إبن هشام واللي هي بين إيدينا النهارده

واللي إحنا بنقراها على أساس إنها زي القرآن كده إيه هو ده اللي حصل وهو ده اللي إيه ده النبي بالظبط رغم إنها مليانة أساطير ومليانة خرافات

وده هيكون موضوع حلقتنا الجاية سيرة إبن إسحق دي إيه حكايتها؟ ونشإت إزاي وكان هدفها إيه لما إتكتبت بالظبط

تابعونا على قناة اليوتيوب حامد دوت تي في وعلى الفيسبوك صندوق الإسلام

نراكم الحلقة القادمة


Download text file

Box of Islam 007

You may also like

حامد عبد الصمد -  التمييز والعنصرية في الإسلام
 [00:00:04] حامد عبد الصمد: أهلا بكم أصدقائي الأعزاء في حلقة جديدة من [...]
0 views
ملخص تاريخ الاسلام بداية ونهاية
لم يستجب ياأخوة لمحمد في مكةخلال 13 سنة من الدعوة لم يستجب لدعوته لم [...]
20 views
ندوة للاستاذ حامد عبد الصمد في المغرب بعنوان التنوير فوبيا (الجزء الاول)
احمد عصيد: مساء الخير, يُسعدنا أن يكون معكم في هذا اللقاء الفكري الذي [...]
18 views
مين اللى سرق مصر،الحلقه التاسعة عشر: دور العبادة في مصر
مين اللي سرق مصر مين اللي سرق مصر مين اللي سرق مصر مين اللي سرق مصر [...]
7 views
مين اللى سرق مصر، الحلقة الثامنة عشر: إسلام التصدير وإسلام التكفير
مين اللي سرق مصر مين اللي سرق مصر مين اللي سرق مصر مين اللي سرق مصر [...]
2 views
مين اللى سرق مصر، الحلقة السابعة عشر: الأزهر عامل زي سُوستة
مين اللي سرق مصر مين اللي سرق مصر مين اللي سرق مصر مين اللي سرق مصر [...]
4 views
مين اللى سرق مصر، الحلقة السادسة عشر: مأساة التعليم في مصر
مين اللي سرق مصر مين اللي سرق مصر مين اللي سرق مصر مين اللي سرق مصر [...]
4 views
مين اللى سرق مصر، الحلقة الخامسة عشر: خليك فاكر مصر جميلة
مين اللي سرق مصر مين اللي سرق مصر مين اللي سرق مصر مين اللي سرق مصر [...]
7 views
مين اللى سرق مصر، الحلقة الرابعة عشر: الإعجاز العلمي في البناء المصري الحديث.
انهارده عايز اكلمكم عن موضوع الإعجاز العلمي في البناء المصري طبعًا [...]
6 views
مين اللي سرق مصر، الحلقه الثانية عشر، البرفان والشعب القرفان
مين اللي سرق مصر مين اللي سرق مصر مين اللي سرق مصر مين اللي سرق مصر [...]
3 views

Page 1 of 14

اترك تعليقاً