صندوق الإسلام 010 : علاقة الطعن فى نسب محمد بقصة بناء الكعبة

أهلاً بيكم في الحلقة العاشرة من سلسلة حلقات صندوق الإسلام

الصندوق الحلقة اللي فاتت كان ساخن أكتر من اللازم وطبعاً منطقي إن ناس كثير تكون زعلت

بس ده مايمنعش إن إحنا نكمل ونوضح لأن موضوع نسب محمد زي ما أنا قولت في الحلقة اللي فاتت مش مجرد شخص

لأ إحنا بنتكلم عن ردود أفعال تسببت في أمراض أصيبت بها أمة بالكامل

يعني مرض تعظيم الذات والإفتخار بالأنساب

والتعنت والتصميم على إن إحنا خير أمة أخرجت للناس

وإحنا خيارٌ من خيار من خيار وإحنا ربنا ماخلقش أحسن مننا وإحنا كل أفضل شئ

ده أصله مرض ودي النقطة اللي إحنا هنتكلم عنها في الحلقات اللي جاية كتير

الأمراض التي أصيب بها محمد وأصاب كل الأمة

ورثتها الأمة الإسلامية من بعده على مدى قرون

مرض تعظيم الذات مرض النرجسية

مرض الغضب لأتفه الأسباب

مرض البرانويا  paranoia والشعور بالإضطهاد

مرض الوسواس القهري فعل الأشياء تحت الضغط

أمراض كتيرة هنتكلم عنها فيما بعد

فموضوع النسب ليس شخص مش شخصي

لأن أنا شخصياً ماعنديش أي مشكلة مع إنسان مانعرفش أبوه مين

مش مشكلتي مش قضيتي

أنا اللي يهمني تصرفاته التي ترتبت على هذا الموضوع

ده اللي بيخلي الإنسان يعني يبحث المرض ده أصله إيه وردت فعل المرض ده سببها إيه

وقفنا في الحلقة اللي فاتت عند حديث حديثين الحقيقية الأول رواه الترمذي والتاني مروي في مسند الإمام أحمد

إن قريش كانت تسترجع أنسابها وحسبها وإعتبرت محمد إن هو نبت شيطاني نخلة نبتت في زبالة

ليه؟ تفسير مانعرفوش لكن واضح المعنى إن هو يعني بيقولوا إن إنت أصلك مش مننا

لكن قولنا إن بني عباس لما كتبوا السيرة فيما بعد كان لازم يجددوا العلاقة دي ويخلوها نسب

ممكن جداً يكون محمد كان من بني هاشم فعلاً

بس عشان كان يتيم والمال كان بيلعب دور مهم في المجتمع إن هو كان منبوذ

أو ممكن يكون هو مش من بني هاشم أصلاً وإنما كان مولى من موالي بني هاشم

أو كان طلب جوار بني هاشم وأخده

 أو أسباب كثيرة جداً لأن فيه واقعة أخرى

إن فيه قوم أو بعض الناس من قبيلة إسمها كِنده

جم للمدينة وطلبوا يقابلوا النبي وقبل ما يوصلوله بيقولوا في المدينة محمد منا من قبيلة كنده يعني

كده يعني مافيش بني هاشم ولا حاجة

الموضوع ده بردوا زعل محمد جداً وغضب وقالهم نحن بنوا النضر إبن كنانة اللي هو أسس قريش

لا ننتفي من أبائنا زعل يعني ناس بيقولك إنت مننا حتى بين العرب كده

إحنا مننا وإنت منك

إيه اللي يخلي ردة الفعل بهذا التجنج إلا إذا كان فيه مشكلة فعلاً أثرت فيه

واضح جداً هذا الشئ

لأن القصة مش بس الإتهامات وهكذا

لكن ردود أفعاله غريبة وكان هو دايماً حاسس إن هو منبوذ حتى من قومه

وإحنا في الحلقات اللي فاتت إديت أنا كذا مثال

إن مثلاً لما حب يتزوج بنت عمه أبو طالب

عمه أبو طالب رفض وزوجها لرجل تاني

ولما محمد بيقوله زوجة هبيرة وتركتني يا عم

قاله الكريم للكريم وإن حتى عمه نفسه مش معتبره إن هو ذو قيمة

لما حب يتزوج خديجة اللي هي عندها 40 سنة وهو عنده 25 سنة

أبوها رفض أبوها رفض وقال يعني أزوجك ليتيم أبي طالب

يعني يعني مالوش أي ي ي

ف حكاية إن هم كانوا يعتبروه من قريش ومن بني هاشم دي مش وارده

أمثلة كتيرة يعني مثلاً

يعني لما هو فتح مكة وقال ده يتعمل وده يتعمل

ف بيسأله أبو سفيان هنعمل إيه ؟ في الجماعة اللي لسه ماأسلموش بقى

ف قال بقى إيه قال الأمر بما أمر إبن أبي كبشة

ده بيتكلم عن محمد الأمر بما أمر إبن أبي كبشة يعني هنعمل إيه بقى اللي يؤمر بيه أبي كبشة منين أبي كبشة ده بقى؟

أبو كبشة ده بقى جد محمد من أمه يعني آمنة طب اللي ينسب واحد لأمه ده بينسبه لأمه ليه ؟

مش المفروض إن هو رجل من قريش ومن بني هاشم وإبن عبد الله إبن عبد المطلب إبن عبد منافي إبن قصي إبن ك اا يعني ااا

ليه يروح لسكة أمه ويقول إبن أبي كبشة ؟

مين أبي كبشة ده بقى ؟

وأنا بأفتش في تفسير القرطبي أنا أصلاً كنت بأدور على حاجة تانية خالص كنت بأدور على تفسير سورة النجم اللي هي بيتكلم فيها عن رحلة المعراج ثم دنى فتدلى ووو والقصة اللي إحنا عارفينها بتاعة الإسراء والمعراج

أنا لقيت الآية اللي هي بتقول وإنه هو رب الشعرى وإنه هو رب الشعرى فأنا بأقرا في تفسير القرطبي

إيه الشعرى دي

إحنا المسلمين ما شاء الله بنقرا وبنعدي ولا بنسأل إيه ده ولو سألنا هنوصل لحاجات مهمة

فأنا بقول إيه الشعرى دي فبقرا في تفسير االقرطبي قال الشعرى دي هو نجم الزهرة اللي هو فينوس كوكب فينوس فهم كانوا بيعتبروه نجم مش كوكب

ومانوا بيعبدوه في الجزيرة العربية وأول من عبده بيقول القرطبي في تفسير سورة النجم

تفصيل الآية وإنه هو رب الشعرى هو أبو كبشة جد الرسول لأمه

وأبو كبشة هو اللي دخَّل موضوع عبادة النجوم إلى مكة

وكان يعني يُسميه أهل قريش

إبن أبي كبشة من ناحية عشان يقولوا إن ده من بتوع العرافين وعبدة النجوم اللي هم كان يعني منظورلهم نظرة مش ولابد في مكة

وكانت خالته كمان سودة بنت زهرة كانت عرافة

وبردوا ليها قصة غريبة جداً إنها إتولدت سودة يعني سوداء اللون وأهلها مشش سود

فقالوا بقى شيطان أو حبوا يدفنوها ف مادفنوهاش وسابوها زي ماهي ف بقت عرافه

يعني يعني المقصود إن العرافة وعبادة النجوم إن الموضوع ده لعائلته لأمه الموضوع ده كان منتشر فيه القصة دي

لكن الغريب إن واحد المفروض إن هو ينتمي لبني هاشم يندهوه بإبن أبي كبشة يعني إيه لإتجاه أمه

وإحنا عارفين ده في البلاد العريبية لحد النهارده لما واحد يُكنى بأمه بيكون معناها مش عارفين أبوه مين

أو بتكون ده إذلالاً ليه مش شئ مشرف يعني

ف دي نقطة يعني بتوضح العامل النفسي اللي هو خلاه يرد بتشنج في الموضوع

طيب إحنا شوفنا إنه عمه أبو طالب رفض يزوجه بنته أبو خديجة رفض يزوجه بنته

لما كان عنده 40 سنة وجه حتى بعديها كان عنده 42 – 43 سنة يعني كانوا بيقولوا إنه جهر بالدعوة بعد 3 سنين

يعني 43 سنة وراح لبني قريش بيقولهم يعني أنا جاتلي يعني رسالة من السماء يعني أعبدوا الإله الواحد ووو وإلى أخره

ف في سيرة إبن هشام نفسه بيقولك إن أسنان قريش سادة قريش يعني

قالوا غلام ابي طالب يدعي أن السماء تتكلم إليه

غلام ابي طالب كلمة غلام كلمة غلام بتتقال لمين فيهع حد عنده 43 سنة يتقال عليه كلمة غلام

كلمة غلام دي بتطلق فقط يا إما على الطفل الصغير يعني الصبي أو بتطلق على العبد مهما كان سنه

والحقيقة أنا لما قريت سيرة محمد وطفولته بتمعُن إكتشفت إن هو كان فعلاً عايش حياة العبيد في وسط بني هاشم

من أول ما إتولد أمه لسبب مجهول تسيبه يبعد عنها 4 سنين

يروح سنتين يرضع عند واحدة غريبة وأمه تسيبه وهو المفروض إن هو إبنها الوحيد

وإبنها الوحيد دي فيه علامة إستفهام كبيرة أوي حواليها هنرجعلها بعد شوية

طب فيه أم بتسيب إبنها 4 سنين طب الرضاعة وقولنا سنتين

طب بعد ما رجع من الرضاعة طب ده حد حاجة ما حدش بيعملها يعني مانعرفش أي حد أعمامه أولاد عمامه لا علي إبن أبي طالب ولا حمزة إن هو راح رضع في قبيلة تانية

المسلمين بقى هيقولك إيه أصل كان عشان يشتد عوده ويتعلم اللغة العربية السليمة عند بني سعده

اللغة العربية السليمة ده إنتوا بتقولوا إن بنو قريش كانت أفصح العرب عشان كده ربنا نزل القرآن فيهم عشان يتحداهم في لغاتهم

تيجي تقولي راح يتعلم اللغة العربية الصحيحة عند بني سعد

طب مين تاني من العرب كان بيروح

طب إدونا أمثلة كده عمر إبن الخطاب علي إبن ابي طالب ما هو أولاد عمه

هو محمد نفسه مش كان عنده إبنين المفروض ااا ابي القاسم القاسم وعبد الله وداهم فين ؟

وداهم يرضعوا في

ف أمه سابته يرضع عند بني سعد ولما رجع رجعته تاني

ف فضل عندهم سنتين وشوية

يعني 4 سنين كله على بعضه

طب إيه السبب مانعرفش

آمنة مشكلتها كانت إيه مانعرفش

وبعدين نقرا إن هو ماتزوجتش حد تاني خالص غير عبد الله

وماخلفتش غير محمد يعني مالوش إخوات صح ؟

طب ما هو عند إبن هشام وفي الأحاديث وعند إبن سعد طبقات إبن سعد

بينقلوا عنها رواية إن هي قالت ما شهدت حملاً قط أخف من حمل محمد

طب يبقى إيه يعني ما شهدت حملاً قط أخف من حمل محمد يعني كان فيه حمل تاني

يعني كان فيه حمل تاني طب راح فين

مين دول اللي حملت بيهم ومن مين؟

إذا كان عبد الله بعد 3 شهور مات

يعني إتزوجت حد تاني يعني كانت بتتزوج كتير

يعني الزيجات الكتيرة دي كانت موجودة في في في مكة

أنواع كتيرة من الزواج وعلى فكرة قصة عمر إبن العاص إتولد إزاي؟

بردوا قصة غريبة أوي قولت في الحلقة اللي فاتت إن كان فيه أنواع مختلفة من الزواج

وكان فيه حاجة إسمها زواج الرهط إن مجموعة من الرجالة كده يعني ييختاروا واحدة يعني يناموا معاها كلهم

واللي ييجي أي ولد ييجي عن هذا الزيجة هي تختار تنسبه لمين

ويُحكى في السير إن الوليد إبن المغيرة والعاصي إبن وائل ومجموعة من ال

يعني 4 من قريش راحوا عند واحدة من صاحبة الرايات الحمر زانية يعني يعني عاهرة

وعملوا معاها زواج الرهط ده وناموا معاها فنتج عن ده طفل وأصبح عمر إبن العاص

الولد قالوا إن هو شبه الوليد إبن المغيرة

يعني المفروض يبقى هو أخو خالد إبن الوليد يعني

بس الأم إختارت العاصي إبن وائل إن هم يكون أبوه

وهو كان الإتفاق كده ف بقى أبوه

وماكانش يعني جريمة كبيرة ولا حاجة عادي

لما يبقى بقى قائد وفارس وبتاع بيعيد تأهيله مرة تانية

ف بس محمد هو اللي كان على موضوع الأنساب ده وإن نسبه لازم يبقى طاهر وشريف لحد آدم لأنه كان بيتشبه بالمسيح

وعايز يبقى النسب لحد آدم معلوم ومعروف ومافيش عليه علامات إستفهام

هو دي الأزمة وهو ده على فكرة سبب أزمة الشرف ونقاء ال بتاع لأن الكلام ده ماكانش موجود عند العرب قبل الإسلام

يعني زي ما قولتلكوا قصة عمر إبن العاص يعني يكون إبن زانية وياخدوه

أهم حاجة الولد ما هو العبد تمنه غالي ف أهو ولد وخلاص لو بنت تبقى مشكلة لكن ولد فايدة يشتغل

بس هو كان مصمم لازم يكون من خير الأنساب وأطهر الأرحام وبالغ في الموضوع ده جامد جداً

المهم إن الطفل لما يكون منبوذ من أهله بيبتدي يخترع صديق وهمي ويحكيله ويكلمه

لما يكون القبيلة بتاعته تلفظه أو لا تقبله يبتدي يدور على إنتماء أكبر وأعظم وأعمق

ف قريش أنا مش عاجبك إن أنا مش واحد منكم

طب تعرفوا بقى أنا إبن سيدنا إبراهيم نفسه

وهكذا تولد أسطورة نسب محمد من إبراهيم

فهو وهو بيدور لـ نسبه من إبراهيم

مش يختار الخط اللي هو خط الأنبيا المعروفين

ما هو قصص الأنبياء هو عارفها من التوراه ومن العهد القديم يعني

لأ ده هو يختار ال إيه المجهول في العهد القديم ويكمل القصة براحته بقى فهو دور في أبناء إبراهيم لقى إسماعيل

قصة إسماعيل فكرته بنفسه الطفل المنبوذ اللي ماحدش عايزه اللي رموه

العهد القديم بيحكي قصة إلإبراهيم بيحكي قصة إسماعيل لحد لحد ما سابه ومشيوا هو ووأمه وراح صحراء إسمها فاران وبس ويتقطع بقى إيه الحكي عن إسماعيل

بتتكمل القصص مع إسحق وأولاده اللي هو المفروض ان ربنا عمل عهد مع إبراهيم إن هم دول اللي هيبقى فيهم النبوة وهيبقى هم دول اللي يعني اللي العهد بين ربنا وبين أبناء إسحق

فحتى إبراهيم لما بيسأل في العهد القديم بيسأل ربنا طب وإسماعيل معانا في العهد قاله لأ

يعني منبوذ حتى العهد القديم بيتكلم عن إسماعيل إن هو حمار وحشي محارب

إيديه على الجميع وإيدين الجميع ضده

يعني من الأول كده هو شكله بتاع مشاكل

ف هربت هاجر زي القصة ما هي مذكورة يعني في القرآن عندنا بنقول إن هو إبراهيم هو اللي راح وداها مكة وحطها هناك

بس هوديها مكة ليه ؟ بالمنطق إحنا بنتكلم إن هو كان في فلسطين

من فلسطين لمكة بتاع 1200 كيلو ليه؟

ليه ليه المسافة دي كلها يمشيها وهو معاه مليون مدينة في الطريق

وعنده أماكن جمبه وعايز يحطها في أي مكان

طب هي هاجر هو جايبها من مصر يرجعها مصر على الأقل لأهلها اللغة اللي بتعرف تتكلمها

ف علامة إستفهام كبيرة إختار إسماعيل ليه؟

وحكى القصة بهذا المفهوم ليه؟

طيب إسماعيل بيمثل حاجة معينة داخل نفسية محمد

أزمة الهوية أزمة إن هو مطرود منبوذ ماحدش عايزه

 ف يعمل منه النبي أسطورة كبيرة أكيد كان ليها أصول عند العرب على فكرة أكيد كان ليها أصل

لكن كان هو القصد اللي كان عند العرب

الإسلام بيقول إن إبراهيم وإسماعيل بنوا الكعبة مكة يعني سابوا فلسطين وجم المسافة البعيدة دي كلها عشان يبنوا الكعبة

لكن التاريخ بيقول إيه عن الكعبة

التاريخ بيقول إن قبل القرن الثالث الميلادي ماكانش فيه حاجة في مكة خالص

يعني بعد المسيح أهوه ماكانش فيه حاجة في مكة

يعني قبل إبراهيم قبليهم ب بتاع 3000 سنة ولا الهوا

طب إيه حكاية ااا الكعة تاريخها جاي مينين ؟

فيه مؤرخ بيزنطيني إسمه زوزيموس المؤرخ دون بيقول إن العرب كانوا يحجوا إلى مكان في منطقة الخليل اللي هي فلسطين النهارده

لحد القرن الرابع وكانوا يضحوا بـ أضحيات ويدبحوا حيوانات

لحد ما الدولة البيزنطينية اللي هي مسيطرة على المنطقة أصبحت مسيحية في القرن الرابع إيه اللي حصل في القرن الرابع

قنسطنطين حول الدولة البيزنطية إلى إمبراطورية مسيحية

ف راح هو شاف المنظر في المكان اللي بيحجوله العرب في فلسطين ده وقال إيه ده يا عم إنت نضف الكلام ده كله

ومنع العرب من ان هم ييجوا يحجوا لهذا المكان

في هذا التوقيت بالظبط فيه قبيلة إسمها خزاعة هاجرت من اليمن راحت على مكة

وراح ابتدى واحد إسمه عمر إبن روحي تقريباً جاب من الشام إله إسمه هبل وحطه في الكعبة

وإبتدت قصة الكعبة تنشأ وقصة إبراهيم يعني خدوها من فلسطين وحطوها في الكعبة

بس أضافوا إليها بقى إيه الفلفل والبهارات العربية

وهكذا نشأت إبراهيم وأسطورة إبراهيم اللي محمد لضم نفسه فيها بعد كده وقال إن هو من نسل إسماعيل

رغم إن القبائل الإسماعيلية كانت تعيش في الأردن وفي سيناء وإنقرضت قبل أن تهاجر قريش من اليمن إلى الجزيرة العربية

موال كبير ومشاكل كبيرة

وتابعونا الحلقة اللي جاية هنكمل قصة الكعبة

وقصة إبراهيم وعلاقة إبراهيم وعلاقة محمد بإسماعيل

وإزاي إن هو أخد قصة إبراهيم من العهد القديم وحكاها بأسلوب مختلف تماماً

يتماشى مع مشاكله مع قريش ومع أصنام قريش

وبتوضح مشاكله هو النفسية بسبب إن هو كان منبوذ وإن هو كان مرفوض من قومه

تابعونا على قناة حامد دوت تي في على اليوتيوب وعلى الفيسبوك صندوق الإسلام

نراكم في الحلقة القادمة


Download text file

Box of Islam 010

You may also like

حامد عبد الصمد -  التمييز والعنصرية في الإسلام
 [00:00:04] حامد عبد الصمد: أهلا بكم أصدقائي الأعزاء في حلقة جديدة من [...]
0 views
ملخص تاريخ الاسلام بداية ونهاية
لم يستجب ياأخوة لمحمد في مكةخلال 13 سنة من الدعوة لم يستجب لدعوته لم [...]
20 views
ندوة للاستاذ حامد عبد الصمد في المغرب بعنوان التنوير فوبيا (الجزء الاول)
احمد عصيد: مساء الخير, يُسعدنا أن يكون معكم في هذا اللقاء الفكري الذي [...]
18 views
مين اللى سرق مصر،الحلقه التاسعة عشر: دور العبادة في مصر
مين اللي سرق مصر مين اللي سرق مصر مين اللي سرق مصر مين اللي سرق مصر [...]
7 views
مين اللى سرق مصر، الحلقة الثامنة عشر: إسلام التصدير وإسلام التكفير
مين اللي سرق مصر مين اللي سرق مصر مين اللي سرق مصر مين اللي سرق مصر [...]
2 views
مين اللى سرق مصر، الحلقة السابعة عشر: الأزهر عامل زي سُوستة
مين اللي سرق مصر مين اللي سرق مصر مين اللي سرق مصر مين اللي سرق مصر [...]
4 views
مين اللى سرق مصر، الحلقة السادسة عشر: مأساة التعليم في مصر
مين اللي سرق مصر مين اللي سرق مصر مين اللي سرق مصر مين اللي سرق مصر [...]
4 views
مين اللى سرق مصر، الحلقة الخامسة عشر: خليك فاكر مصر جميلة
مين اللي سرق مصر مين اللي سرق مصر مين اللي سرق مصر مين اللي سرق مصر [...]
7 views
مين اللى سرق مصر، الحلقة الرابعة عشر: الإعجاز العلمي في البناء المصري الحديث.
انهارده عايز اكلمكم عن موضوع الإعجاز العلمي في البناء المصري طبعًا [...]
6 views
مين اللي سرق مصر، الحلقه الثانية عشر، البرفان والشعب القرفان
مين اللي سرق مصر مين اللي سرق مصر مين اللي سرق مصر مين اللي سرق مصر [...]
3 views

Page 1 of 14

اترك تعليقاً