صندوق الإسلام 016 : محمد والنساء، لماذا تزوج محمد عائشة؟

أهلاً بيكم في الحلقة السادسة عشرة من سلسلة حلقات صندوق الإسلام

طلعنا في الحلقات السابقة قصص عن النساء في حياة محمد

الحلقة السابقة بالذات إتكلمنا عن المرأة التي هزمت محمد وتحدته وإنتصرت بالحب زينب بنت محمد

التي صممت على زواجها من زوجها التي تحبه وإنتصرت للنهاية

النهارده هنتكلم عن نساء أخريات في حياة محمد

هنتكلم في البداية عن عائشة

بردوا عائشة تحدت محمد

عائشة هي الوحيدة اللي قالت لمحمد أتزعم أنك رسول الله؟

إني أرى أن ربك يسارع في هواك

يعني ربنا بينزل الوحي على مزاجك

لما لقت إن الوحي نزل يسمحله إنه يتزوج من زينب بنت جحش

والوحي نزل إن هو يفتح الطريق أمام أي واحدة عايزة تتزوج النبي

وإن إمرأةٌ وهبة نفسها للنبي وإن أراد النبي أن يستنكح يستنكحها خالصةً لك من دون المؤمنين

يعني النبي ليه إيه إمتياز عن كل البشر

إن لو واحدة إمرأة مؤمنة عرضت نفسها على النبي ممكن ينكحها بدون صداق وبدون اااا رضا الأهل بدون التفاصيل اللي هي إيه المعروفة للزواج يعني

ف عائشة إنتبهت لهذه النقطة وقالتله إني أرى إن ربك يسارع في هواك

طبعاً إحنا شوفنا في الهوجة بتاعة إصلاح الإسلام وتجديد الخطاب الديني

كلام كتير بقى أوي إيه تبرير بأثر رجعي لموضوع زواج محمد من عائشة

لأ ماكانش عندها 6 سنين وكان عندها 18 سنة

لأ عارفين بقى هم كانوا موجودين هناك وعارفين

التاريخ الإسلامي كله لم يدرك إن عائشة كان عندها 18 سنة

الأستاذ إبراهيم عيسى والأستاذ إسلام البحيري هم بس اللي إكتشفوا الموضوع دون في القرن الحادي والعشرين عبقرية يعني ليه؟

لأن القرآن بيقول لأنك لعلى خلقٍ عظيم

ومستحيل النبي يكون على خلق عظيم ويتزوج طفلة عندها 6 سنين ده المنطق بتاعهم

هل ينفع حد على خلق عظيم إنه يسبي إمرأة من الحرب لسه قاتل أبوها وزوجها ويتجوزها

طب ما صفية طب لقيتوا حل لموضوع صفية لأ مالقوش

يقولك دي وقعت في غرام النبي في نفس اليوم بس

سيبك من موضوع على خلقٍ عظيم

وخلينا نتكلم عن القصص اللي موجودة بين إيدينا

ليه عائشة وليه طفلة ليه يتزوج طفلة ؟

فيه ناس بتاخد منها الجانب المرضي يقولك بيتوفليا وبيحب الأطفال ومش عارف إيه

وجنى على مستقبلها أنا شايف إن موضوع الزواج من عائشة كان ليه شق نفسي إنساني عميق جداً في محمد وشق سياسي إقتصادي

محمد كان متزوج من خديجة لمدة 25 سنة وكان هو اللي دايماً تحت وطئتها هي الل هي سيدة البيت هي اللي بتصرف عليه وهي اللي بتحميه

لما ماتت خديجة محمد حب إن هو اللي يلعب دورها إنه مايبقاش يجيب حد هي اللي ت ت ت  تحكمه لا بقى هو كان بينفق عليه حب إن يبقى هو المنفق

ف دي اللي لعبت لعب الدور ده مع مين من سودة بنت زمعة

ست قربت من السبعين سنة إتزوجها عشان يبقى هو العائل بتاعها وينفق عليها

أنا بقى أنا الراجل الكريم اللي هاعولك

ومن ناحية تانية كان محتاج دادة للأطفال

ل خاصةً لفاطمة اللي كانت لسه صغيرة

ف لو تزوج فتاة صغيرة مش هتعرف اااا تربي الأولاد وتاخد بالها من البيت وتطبخ بقى وتعمل كل الحاجات اللي خديجة كانت بتعملها

وفي الوقت نفسه عائشة الطفلة كانت الطفل الذي يتمنى محمد أن يكون هو في حياته

الطفل اللي أهله بيحموه ومدلعينه ويعطوها لعب ويحبوها ويغمروها بحنانهم

فهو كان واخد عائشة كده يبص عليها

ويشوف محمد اللي كان نفسه إنه يكون هو

ف رغبة محمد إن هو يعوض طفولته

لذلك إحنا بنسمع بنقرأ إن هو كان بيجري معاها كان بيتسابق معاها ويضحك معاها

ويسمحلها بكل شئ بتقول كل حاجة

الوحيدة زي ما قولنا اللي قالتله إنت مفكر نفسك رسول الله ولا إيه

وفي الوقت نفسه الجانب الإقتصادي

هو صحيح محمد ورث عن خديجة بعض المال لكن ماكانش يكفي لأنه مابيشتغلش

ف عايز حد يكمل بردوا يبقى سند ليه مادي وإقتصادي

طيب أبو بكر تاجر وعلى فكرة أبو بكر كان بيشتغل عند زوج خديجة الأول

يعني هو اللي كان ماسك تجارة زوج خديجة اللي قبل محمد

فالقصة مستمرة بقى إيه هو اللي مسك التجارة بعد كده وبقى تاجر لوحده وبقى عنده فلوس

ف ده دعم مادي محتاجه محمد فيما بعد وأبو بكر لعب الدور دون

فهو بيأمن نفسه مادياً وسياسياً وبيضمن ولاء صديقه أبو بكر بردوا

أنا هاسيب القصص بتاعة فاخذها وعانقها وعمل دي لإن مش ده موضوعي

الأزمة هو ماترتب على ذلك للأسف الشديد يعني

وده الشئ اللي أنا بأحب أقوله للمرأة المسلمة اللي بتسمعني قبل ما تكرري كلام زي الإسلام كرم المرأة الإسلام كرم المرأة فكري في الحاجات دي وتابعاتها

ولما تقول اا أنا سمعت ست محجبة تقول أنا ليبرالية جداً ومش عارف إيه وبتاع بس أنا ما  جدتي كانت إتجوزت وهي عندها 9 سنين ومافيش أي حاجة وبتاع ومش عارف إيه

بتحاولي تبرر حاجة بأثر رجعي حرام عليكي

بقى إنتي بتكرري الأزمة مرتين يعني هم عملوا المصيبة من وإنتي جاية تبرريها كأن اا

وناس وواحدة تانية تيجي تقولك ما أصل أيامهم ده شئ طبيعي

وهو محمد كان جاي عشان يعمل زي أيامهم ولا جاي عشان يغير البشرية ويبقى رحمة للعالمين

يا هو وقت ما تيجوا تطبقوا الشريعة تقولوا صالحة لكل زمان ومكان

ووقت أما يبقى فيه مشاكل يقولك ما أصل ده لازم تفهمه في سياق عصره ولازم تفهمه مش عارف إيه خلاص

يبقى في سياق عصره يبقى محمد لا علاقة له ب القرن الحادي والعشرين بس

القرن الحادي والعشرين لا فيه زواج من 9 ستات في وقت واحد ولا فيه ملك يمين

ولا فيه سبي واحدة وتنام معاها في نفس اليوم وتغصبها على الجماع وإنت لسه قاتل أهلها

كل دي بنسميه النهارده جرايم حرب

وأي جريمة هي جريمة حتى لو فهمنا سياقها تظل جريمة

لو فهمنا دوافع القاتل يظل قاتل

فأنا اللي أنا عايزه من المرأة المسلمة بالذات إن هي تفهم تابعات الكلام ده لان الكلام ده هو اللي ترتب عليه قوانين في كل الدول الإسلامية

إن الست ممكن تتزوج في أي وقت وهي طفلة مادام النبي عمل كده

وكام إمرأة جني عليها بصي إنتي شوفي حياتك

بصي حواليكي وشوفي حياتك عايشة إزاي عايشاها إزاي عشان تعرفي إن ده أثاره جاي منين قبل ما تقولي الإسلام كرم المرأة

إنتي متكرمة بس إسألي نفسك لو لقيتي نفسك متكرمة الله يباركلك وماتفكريش في حاجة بقى

خلاص يبقى إنتي دي مشكلتك وده مش موضوعك

بس ماتجنيش على غيرك وماتبرريش حاجات هي جرائم هي جرائم بس

عائشة كان ليها مكانة خاصة طبعاً عند محمد لأسباب كثيرة وهي كانت تفتخر بالموضوع دون

إن هي المرأة الوحيدة اللي تزوجها محمد وهي عذراء

وكانت تقول إن هي المرأة الوحيدة التي كان يأتيه الوحي وهو في ثوبها

يعني إيه وهو معاها تحت ال …     في السرير يعني

ودي غريبة جداً إن جبريل غير طبيعته عشا خاطر عيون عائشة

يعني إحنا سمعنا في قصة خديجة إن خديجة ماقدرتش تشوف الملك

وإن هي أول ما خلعت ثيابها جبريل هرب

عائشة بقى جبريل غير طبيعته بسببها بقى كان ييجي لمحمد بالوحي وهو في ثوب عائشة وهي قالعة بردوا مافيش أي مشاكل

وفي مرة كمان حتى يعني عشان تشوفوا سفاهة الموضوع

عائشة شافت جبريل شافته إزاي بقى إنها شافت راجل خارج من عند النبي وركب الحصان بتاعه ومشي

ف سألت النبي بتقوله من هذا؟

ف محمد قالها هو إنتي شوفتيه؟

قالتله أه شوفته

قالها غريبة أوي أصل ده جبريل

اه يمكن يكون بيضحك عليها

بقت خلاص أسطورة وكُتاب الأحاديث خدوا الموضوع وخلاص عائشة شافت جبريل

وقال إيه شبه دحيا الكلبي يعني عائشة بتقول

يعني جبريل إختاروا رجل وسيم يعني كان معروف إن هو وسيم إسمه دحيا الكلبي وكان بيجي على صورته     يا نهار إسود وصدق بقى صدق جبريل كان بيجي على هيئة دحيا الكلبي

عادي ما هو كان قاعد على كرسي بين السما والأرض

ومحمد كان بيشوفه عادي كل حاجة ممكنة بقى دلوقتي

وييجي ببراق وخده للقدس طب ما كان ييجي يشيله على كتفه

ما هو بيطير كده كده لازم براق يعني لازم حصان مادام هو كان جبيرل شاله على جناح من جناحاته المهم

المهم عائشة كانت بتقول يا أرض إتهدي ما عليكي قدي

وخلاص بقى أنا الزوجة اللي هي بقى المفضلة

وكانت بتحكي تفاصيل يا لهوي على التفاصيل اللي عائشة كانت بتحكيها عن الفراش ومع محمد

أنا لو كتبت الكلام دون في رواية هتتمنع أه والله

ليه لأن عاشة كانت بتحكي الكلام ده كله

محمد مات وهي عندها 18 سنة

ست عندها 18 ممنوع عليها الزواج طول حياتها

عايشة بقى من الذكريات تألِّف شوية تتذكر شوية لإن هو ده اللي هتعيش عليه

تقولك الرسول مش عارف إيه حتى في رمضان كان يمص يقبلني ويمص لساني

طب إنتي بتحكي الكلام ده ليه؟

وحتى في أيام المحيض كان يقول مش عارف إيه ويحط ويخبي بس ويتمتع بما فوق

ياااا يعني ده هو     هنستفاد إحنا بكلام ده إيه

بس طبعاً جه فترة عائشة فقدت الإمتياز دون

كانت مفكرة بقى إن هي أحسن من خديجة بقى عذراء وإلى أخره

إبتدى محمد بقى يتزوج غيرها كل ما يشوف واحدة حلوة هات

أم سلمة يقولك كانت جميلة جداً

إنسى بقى كل القصص اللي إنت سمعتها إن كل زيجة كان ليها سبب ديني أو إقتصادي

أو سياسي قصدي ت

لأ معظم النساء اللي تزوجهم محمد من قبيلة واحدة

يعني مش إيه من إنه هو إن كل القبائل وإن هو يجمع

معظمهم الجامع المشترك ماعدا سودة كان إن هي إن هو الجمال بس

حتى عائشة كان يقول يعني خذوا نصف دينكم عن هذه الحُميراء

الحميراء فيه ناس بيترجموها حمارة لأ هي الحميراء هي اللي خدودها حمرة

أو الشقيراء اللي شعرها أشقر

أم سلمة قالك كانت جميلة جداً وعائشة كانت بتغير منها جداً

مارية القبطية كانت جميلة وعائشة يعني

كان فيه بقى مشاحنات لما تقرا كل قصص نساء النبي هتلاقي الجانب الإنساني جميل جداً بقى والمؤامرات و و و وإلى  أخره

كل الحاجات اللي ترتبت على علاقة محمد بالنساء لسه النساء المسلمين محشورين فيها لحد النهارده

يعني محمد في البداية كان سايب الموضوع كده في البداية يلعب معاهم يسيب دي تعمل

يعني ماكانش دكتاتور معاهم الحقيقة يعني كان بيحاول يجمعهم زي الدمى أه

يعني عشان ماتسيبونيش ماتسيبونيش خايف من الوحدة ومابيسيبش حد وخايف ومنعهم يتجوزوا حد بعديه اه

لكن ماكانش دكتاتور الحقيقة

لكن لحد ما إبتدوا هو زي الصياد اللي بيصطاد فريسة وبعد قترة هو اللي بيصير فريسة اللي هو كان بيصطاده وده اللي حصل معاه مع النساء

إن هو إبتدى يتعب وأزمة ومابيخلفش من ولا واحدة فيهم

ف جه حديث الإفك الأول وقبل منه حصلت حاجة بردوا ضايقت محمد جداً

إيه اللي حصل؟

كان فيه واحد طلحة إبن عبيد الله طلحة إبن عبيد الله كان بيحب عائشة جداً

وقال وقالهالها بصراحة قال أنا هتجوز عائشة بعد ما النبي ما يموت

ومحمد وصله المعلومة دي

ف إتضايق جداً ف نزلت الآية لإنه شاف شاف طلحة طالع من غرفة عائشة

ف نزل الآية بتاعت إن ذلكم كان يؤذي النبي 15:17 ماكان لكم ان تنكحوا نساءه من بعده

يعنني ماتخشوش بيوت النبي بدون إستئذان وماتتجوزوش ستاته من بعده

يعني نازلة عشان حاجة معينة بس راحت نازلة عليه البتاعة ده

جه بعد كده حديث الإفك حديث الإفك بقى ترك

إن عائشة وهي راجعة من غزو تقريباً بنو المصطلق وحاجة زي كده في الطريق مع محمد

ف فقدت الطريق للهوزج بتاعها ف مسكوها عند صفوان

المهم طلعت القصة اللي إحنا عارفينها دي كلها

لا خوض في الأعراض إحتمال كبير جداً يكون إن هي طفلة بقى وضلت الطريق وووو وإلى أخره

بس طلع عليها شئ أثر في نفسية محمد جداً إن فيه 4 أسابيع مافيش قرآن

وإن هي خانت النبي مع صفوان ومنع المسلمين بعديها من الخوض في هذا الحديث

عشان ماحدش ااا ماشي

ترتب على ذلك بقى خد سورة النور ورجم وجلد اللي لسه بيتطبق في أفغانستان والصومال عشان عشان محمد غيران عنده غيرة عنده مشاكل

خد عندك رجم وخد جلد وخد عندك المشاكل دي كلها

والمحصنات ورجم ورمي المحصنات كل الآيات اللي هي ترتب عليها قانون إسلامي

جاية من محمد يعني إن هو مهزوم إنصدم

وبعد 4 أسابيع القرآن جه وقال هي بريئة خلاص

لأن لا  خوض في الأعراض مانعرفش

القصة أو الأزمة بقى العامل النفسي تخيل إنت راجل عندك داخل على الـ 60

وطفلة لسه صغيرة 14 سنة يمكن أو حاجة يعني لسه فففرورر (في وردها)

ما إنت هتشك في نفسك ومافيش أطفال ولا بتجييب لا منها ولا من غيرها أطفال ف ما هتشك في نفسك أكيد بالمنطق الل

ف كل  الل الحاجات اللي ليها علاقة بتحجيم النساء ويتحجبوا وماحدش يعرفهم وهم

ده من نفسية شخص غيران ومريض وخايف

إنت خدت دي بقى إن هي عفة وشرف ووو لأ

كل القوانين اللي معمولة وتحجيم النساء والسيطرة عليهم جاية من إنسان غيران مش واثق في نفسه وفي رجولته

ف يطلع بقى أحاديث تقولك إن النبي كان عنده قوة 6    30 راجل

وواحد تاني بيقول إن كان عنده قوة 4000

إنت عندك جهاز بيقيس يعني القوة الجنسية؟ إيه ده !!

الحاجات دي طاللعة ردود أفعال على عن شخص مش واثق في رجولته

المشكلة راجل كبير في السن ومتجوز نساء أصغر منه تعبوه نفسياً

ااا جا اااا تزوج بعد كده كان لما يشوف بنت لما بيشوف بنت جميلة يتجوز يتزوجها

لحد ما وصل بيه الأمر إلى زينب بنت جحش

زينب بنت جحش كانت مراة إبنه إبنه بالتبني زيد إبن حارسة وكان إسمه زيد إبن محمد

ف شافها كما تقول الرواية إنه كانت متخففة في ملابسها

ف شافها ف سبحان الله باسم الله زي الأفلام كده يا ماشاء الله يا ماشاء الله

فنزلت الآية بقى ف تخفي في نفسك ما الله مبديه 18:47

وربنا قاعد فوق بيشتغل خاطبة يعني إيه أه دي تتجوزها ودي لأ ومش عارف إيه

ونزل آيه ويقولك إن هو طلب من زيد نفسه إن هو يروح يخطبها لنفسه شوف بقى قمة اللل

ف زينب تقول لأ مش هيتزوج النبي غير لما تييجي آية من القرآن

ف طلبت مهرها آية من القرآن ف نزلت الآية من القرآن

فلما قضى زيدٌ منها وطناً زوجناكها

ف بكده التبرير إشتغل ومافيش أي أزمة خالص

ف خلاصة القول يعني إن القرآن كان العقل الباطن بتاع محمد

مخاوفه إنهزاماته إنتصاراته تأنيب ضميره عايز يعاقب حد القرآن ييجي يديله المبرر عنده مشكلة كل ده

ف قصص النساء في حياة محمد إبتدت تزيد وتسببله هو مشكلة

ف خاصةً لما جت مارية القبطية بقى كان هو بيفضل أسابيع حابس نفسه معاها

كان يحبها جداً ف غاروا منها النساء ف عملوا روباطية

ف لما خلفت منه إبراهيم الوحيدة اللي خلفت منه وده بردوا لغز غريب

ف جت عائشة نساء بقى قالتله على فكرة إبراهيم ده مش شبهك

إزاي مش شبهي إزاي

راح سأل واحدة تانية كانت عايشة كانت مربطة معاها

قالتله أه مش شبهك

اااا ف طبعاً قامت الدنيا وبتاع

وأمر محمد علي إبن أبي طالب إنه يروح يقتل

ف قالت إيه عائشة بقى قالت إن العبد المصري اللي جه معاها

ما هي مارية جاية من ال مصر وكان فيه عبد مصري بيقولوا إن هو إبن عمها

مش عارف ماربورة بيسموه كده

قالوا إن هو ده أبو الطفل أبو إبراهيم

ف المهم راحوا وكانوا هيقتلوه وإكتشفوا وقالك لأ ده كان مخصي حديث إفك تاني

ورغم إن عائشة طلعت إنها رمت محصنة إمرأة محصنة أهيه مارجمهاش ماجلدهاش ولا حاجة زي ما القرآن ما بيقول

ليه؟ لأن مارية غلبانة غريبة جاية من مصر وعبده ف مايمشيش عليها النظام دون

الإسلام كرم المرأة لا تنسوا دي أبداً

الإسلام كرم المرأة وقال إنها ناقصة عقل ودين

كرم المرأة وقال للراجل لو خوفت منها نشوذاً إضربها

كرم المرأة وقال لو عدت قدام المسلم وهو بيصلي هي أو كلب أو حمار صلاته تبطل

الإسلام كرم المرأة وقال إنها خلقت من ضلع أعوج

الإسلام كرم المرأة وقال نساءكم حرث لكم فأتوا حرثكم أنى شئتم

وقال لو حطت عطر تبقى زنت

الإسلام كرم المرأة وقال إيه قال إنها لو نامت مع راجل بتحبه بس من غير عقد زواج تبقى زنت وتجلد وتترجم وتموت

لكن لو إنت يا مسلم سبيتها في حرب وهي متزوجة وهي عندها أطفال تخادها تنام معاها غصبٍ عنك (عنها) وحلال

الإسلام كرم المرأة

نراكم في الحلقة القادمة هنتكلم بقى عن القرآن وعن المشاكل الكتيرة جداً اللي مرتبطة بالقرآن

تابعونا على قناة حامد دوت تي في وعلى الفيسبوك صندوق الإسلام

Download text file

Box of Islam 016