صندوق الإسلام 141: لماذا لا يعتذر المسلمون عن جرائمهم التاريخية؟

أهلاً بيكم في حلقة جديدة من صندوق الإسلام

ونطرح اليوم السؤال الذي طرحناه في نهاية الحلقة السابقة

لماذا لا يعتذر أو لم يعتذر أو متى يعتذر المسلمون عن جرائمهم التاريخية

الاعتذار ثقافة مانعرفهاش

مانعرفش ثقافة الإعتذار لأكثر من سبب

لأن احنا مانعرفش ثقافة المراجعة

الاعتذار والمراجعة يتطلبوا أن تكون الأمة ناضجة

أن تكون الأمة على مسافة نقدية بينها وبين تاريخها ، بينها وبين دينها ، بينها وبين هويتها نفسها

لكن احنا متعصبين لهذه الهوية ، متعصبين لهذا التاريخ

عندنا مش بس النص القرآن المقدس ، مش بس النبي مقدس

لأ التاريخ نفسه صار مقدس عندنا الآن

لذلك لما نقرأ التاريخ مهما شوفنا فيه من جرائم وتجاوزات وانتهاكات لحقوق البشر

الشيزوفرنيا أو الإسكيزوفرنيا بتسيطر علينا ، الإنفصام

مابنعترفش ، مابنعترفش إن احنا أخطأنا

خذها قاعدة ، كلما زاد تقدم الأمم وحريتها كلما زادت قدرتها على الاعتذار ومراجعة تاريخها

احنا عندنا أزمة مع الاعتذار ومع المراجعة

مين اللي راجع تاريخه ومين اللي اعتذر عنه ؟

كثيرين جدًا ، تقريبًا كل البشرية

هاتلاقي الكنسية الكاثوليكية اعتذرت عن الحروب الصليبية

اعتذرت عن اضطهاد اليهود

أخطاء وجرائم تاريخية لم ينطقص ذلك

ولذلك لما البابا جاء وقال الكلام دا الناس صقفتله

ماحدش من الكاثوليك حس بالخزي والعار

قالوا لأ مادام غلطنا لازم نعترف بهذه الأخطاء

بل بالعكس كمان دا قالوا اعتذروا عن إن هما كانوا بيقولوا إن الكاثوليك فقط هما المشمولين بالخلاص

جاء البابا فرنسيس الأخير قال احنا الخلاص دا أخدناه مجانًا

إزاي نحتكره ، إزاي نقول إن احنا بس اللي ربنا راضي عننا وهايدخلنا في الخلاص

كل البشرية لها الحق في هذا الخلاص مهما كان دينها أو توجهاتها حتى قال إن حتى الملحدين عندهم فرصة في الخلاص مادام ناس كويسين وأخلاقهم كويسة

الأمريكان زي ما قولنا في الحلقة اللي فاتت اعتذروا عن تاريخ العبودية

اعتذروا أكثر من مرة يعني لما  ابرهام لينكوين بنفسه قام وقاد حرب تحرير العبيد  يعني ضحى بحياته بسبب هذه القضية اللي هو مؤمن بيها

بيل كلينتون نفسه وقف واعتذر عن انتهاكات في حق العبيد وعن تاريخ العبودية الاسود في أمريكا

احنا زي ما شوفتوا في الحلقة اللي فاتت احنا استعبدنا ناس أكتر منهم أضعاف الأضعاف وقتلناهم واغتصبناهم ولم تأتي كلمة اعتذار واحدة

بل بالعكس احنا نيجي نعايرهم نقولهم يا أمريكان انتوا إزاي تعاملوا العبيد كده اخص عليكم

الاستراليين اعتذروا عن معاملة الأبويرجينس اللي هما سكان أستراليا الأصليين ودفعولهم تعويضات

 فرنسا وانجلترا اعتذروا عن التاريخ الاستعماري وحصلت مراجعات ضخمة جدًا عن هذا التاريخ

واعترفوا بالجرائم خاصةً في الجزائر

حتى اليسار الإسرائيلي والمؤرخين الجدد في إسرائيل عملوا مراجعات تاريخية وابتدوا يعيدوا تقيم الحركة الصهيونية وبعضهم قال الحركة الصهيونية عنصرية  استعمارية

شوفت من داخل إسرائيل نفسها

انت بقى لا راجعت تاريخك مع الفتوحات ولا مع الجهاد ولا مع اليهود ولا مع العبودية

ولا مع استعمارك لشعوب العالم وطمس هويات

امتى هاتعتذر للآشوريين والأقباط وللأمازيغ وللأكراد وللفرس اللي انت استعبدهم وطمست هويتهم التاريخية

للهنود عن مجازر

يعني أكبر مجازر في التاريخ

انسى هولوكوست

مجازر المسلمين في الهند اللي ماحدش بيتكلم عنها

التاريخ مابيذكرهاش

هاتعتذر عن دا امتى ؟

مش  عشان الاعتذار في حد ذاته ب…….

لأن الإعتذار بيفتح قدامك مجال إنك تصلح من نفسك

ماهو طول ما انت مابتعتذرش دا بيترتب عليه أشياء كوارث

بيترتب عليه إنك بتعيد إنتاج نفس الفكر

وبتعيد تجسيد نفس النتائج فا تطلعلك داعش كل شوية

كل حقبة من الزمن يطلعلك داعدوش يخرب البشرية

عشان انت مابتراجعش تاريخك مابتراجعش تراثك

اليابانيين اعتذروا عن جرائمهم في الحرب العالمية التانية ضد الكوريين والصينين والفلبينين والتايوانين ودفعوا تعويضات هائلة مادية ومازالوا لحد الآن يدفعوا

حتى كوريا الشمالية اللي هي دولة دكتاتورية اليابان اعتذرت

مين بقى اللي ماعتذرش ؟

الأتراك ماعتذروش عن مجازرهم ضد الأرمن

العنجهية بقى

ليه ؟ لأنه واخد إن دا حق تاريخي ليه إنه يطمس شعوب كاملة

يمحيها من على وجه الأرض عشان ربنا في ضهره

إنه يغتصب

ليه الأتراك ماعتزروش لحد دلوقتي عن سبي هذا الكم الهائل من الأروبيين خاصةً من شرق أوربا ومن البلقان

ولا كلمة اعتذار واحدة بل بالعكس لو انت سمعت خطاب اردوغان اللي من كام شهر كان واقف بيقول عربية السفير التركي مش عارف كانت رايحة في مقدونيا

مقدونيا اللي هي دولة أروبية دلوقتي مسيحية

وبعدين في راجل عجوز شافه وخبط على العربية كده وقاله انتوا فين احنا منتظرينكوا من 100 سنة

فا الراجل مافهموش فقاله احنا منتظرين العثمانين يرجعوا ويخلصونا عشان عصر الرخاء اللي كانا عايشينه معاكم

الراجل لسة بيحلم إنه يرجع يغزو أوربا تاني

في خطاباته اردوغان لسه بيدي الخطاب دا ، بيبعته للشباب الأتراك

الحلم دا

يعني العالم كله يعتذر يعني بيراجع تاريخه ويقول خطأ واحنا لسة بنحلم بغزو الأندلس مرة آخرى

واستعباد الناس الأوربين مرة تانية وإن نرث الأرض ومن عليها

شوفت البجاحة بقى ، هي دي البجاحة

هو دا الفشل التاريخي الكامل في حين إن كل التانين بيعتذروا عن جرائمهم التاريخية

أحنا لسه بنحلم بإعادة تكرارها ومش بس الإسلامين هما اللي بيحلموا بعودة الأندلس دا العلمانين كمان

اقرأ الاشعار بتاعة أحمد مطر ومش عارف مين ونزار

هاتلاقي دايمًا حلم الأندلس

يابني دا أنت كنت رايح مستعمرها

وسبيت نساءها وقتلت ناس كتير منها

عايز تحلم ترجع الأندلس تاني بأمارة إيه ؟

قدمت إيه للبشرية عشان ترجع تاخد الاندلس من أهلها اللي هما الأسبان الأصليين

حاجة عجيبة جدًا يعني

مرض فصام

طب ليه بقى المسلمين مابيعتذروش ؟

ليه كل الدنيا كان عندها هذه القدرة بس المسلمين مابيعتذروش

طبعًا أول حاجة احنا العيبة مابتطلعش مننا

احنا تاريخنا perfect

يعني ربنا راح جاي بايس الكرة الأرضية عند بقعة معينة بقت هي العالم الإسلامي

ومن ساعتها والزهور عمالة تطلع

فا احنا ماطلعتش مننا العيبة

احنا نروح ندبع ونكسر ونغزو ونسبي ونخصي ونغتصب بس دا فتحٌ من الله

هما التانيين يجي عندنا بس ياخدوا حتة أرض

لا الفرنسويين اغتصبوا وسبوا نساء ولا رجعوا معاهم عبيد مصرين ولا فرنسين ولا جزائرين ولا كل دا حصل

 عملوا جرائم في اثناء الإستعمار نفسه مافيش شك

لكن ماعملوش كده ، ماستعبدوناش

لكن احنا بنطالبهم عن إن هما يعتذروا عن استعمارهم لينا بس مابنطالبش نفسنا عن إننا نعتذر عن استعمارنا ليهم ولغيرهم

فا احنا طبعًا العيبة مابطلعش مننا

عشان كده مابنعرفش نعتذر

تاني حاجة احنا مانعرفش حاجة اسمها الضمير الجمعي

اللي هو بيخلي عندنا مسؤولية تاريخية

يعني أنا لما سافرت ألمانيا كنت بقابل شباب عمرهم 20 سنة و25 سنة وبيكلمني عن مسؤوليته التاريخية تجاه ما فعلته ألمانيا في الحرب العالمية التانية وجرائم ألمانيا في الحرب العالمية التانية

شاب عنده 25 سنة يعني أبوه نفسه ماعاصرش الحرب العالمية التانية

لكن هو الولد عنده مسؤولية تاريخية بيقولي تجاه ما حدث

بيتذكر  وليه بيتذكر عشان هو مش عايز يكرر

مش عايز هتلر جديد يظهر في ألمانيا

مش عايز حركة نازية تيجي وتسيطر على الحكم في ألمانيا

مش عايز الأقليات يتم انتهاكها مرة تانية في ألمانيا

فا هي دي المسؤولية

لكن احنا مانعرفش المسؤولية

ماعندناش المسؤولية التاريخية عشان ماعندناش الضمير الجمعي وعشان مصابين بسميه أنا مرض الكذب الثلاثي

إيه الكذب الثلاثي ؟

الكذب الثلاثي إن انت أولاً تزيف الحقائق

تقول إن دا حصل وهو ماحصلش

أو أنك تصمت عن الحقائق ، تسكت

أو أنك تنكر أصلاً أن هذه الحقائق حدثت

فا احنا مصابين بهذا المرض المركب الثلاثي

الكذب الثلاثي  والنفاق

هما دول أكبر أزمتين

الكذب الثلاثي إنك تزيف الحقائق

إنك تصمت عن الحقائق أو إنك تنكر

مرض الإنكار من أكبر الأمراض اللي  مخليانا واقفين مكانا مش عارفين نتحرك بل بالعكس نتقهقر عشان إحنا ….

ليه بنتقهقر عشان احنا بنشوف مستقبلنا في الماضي والماضي دا لازم نخليه زي الفل

مايطلعش منه العيبه

وماعندناش ثقافة الاعتذار أصلاً عشان هذا الشيء

ماعندناش مسافة حيادية بينا وبين تاريخنا احنا دايمًا بيعملونا في المدارس إن احنا وتاريخنا شيء واحد

وتاريخنا مجيد وكل حاجة خضناها مجيدة والفتوحات المجيدة والخلفاء الراشدين وكله مجيد

والثورة مجيدة

كله مجيد ، ماعندناش بقعة سوداء في تاريخنا احنا دايمًا كنا في حصة التاريخ

كان دايمًا اذكر النقطة السوداء في حياة كل من مش عارف نابليون بونابرت

بس احنا ماعندناش نقط سوداء

مافيش نقط سوداء في تاريخنا احنا أبيض ، بفتة

زي الفل احنا

التانيين بس اللي عندهم نفط سوداء في تاريخم

انما احنا تارخينا مقدس مثل قرآنا ومثل نبينا

فا دي أزمة طبعًا إن التاريخ يكون مقدس

ماعندناش ثقافة الاعتراف بالضعف

الاعتراف بالخطأ

في دراسة في ألمانيا حديثة بتتكلم إن صعب جدًا التعامل مع المرضى النفسيين المسلمين

لأن لما الطبيب يحاول يستشف منه إيه مشاكلة ويحكيله

احكيلي إيه حصلك ؟ عندك إيه مشاكل في طفولتك ، مشاكل في علاقتك الزوجية

مابيعرفوش يتكلموا ، مابيعرفوش يعترفوا بالضعف ، مابيعرفوش يعترفوا بالخطأ

يحب حتى قدام الطبيب انه يوري نفسه اه الحمدلله على كل شيء

طب نحمد الله ونشكر فضله

والله العظيم يا مولانا

والحمد لله الذي لا يحمد على مكروه سواه

طب هاعلجك إزاي يابني ؟

فا في دراسة بتقول إن أصعب ناس في التعامل معاهم المسلمين عشان ماعندهمش الصدق

ماعندهمش القدرة على البوح ، ماعندهمش القدرة على الإعتراف بالخطأ وبنقاط الضعف

مابنعتذرش عشان عندنا أزمة تعاطف

مابنعرفش نتعاطف مع الآخرين

لازم تعاطفنا يكون مرهون بالدين

تعاطف مع اخوانا في البوسنة اللي عمرنا ما شوفناهم أثناء حربهم

  اخوانا في بورما ومانعرفش بورما دي أصلاً فين ولا موقعها إيه على الخريطة

ولا إذا كانت قضيتهم حتى كانت عادلة أو مش عادلة

لأ احنا مادام مسلمين يبقى نتعاطف معاهم

 لكن نتعاطف مع اليزيدية اللي بتغتصب اربع بيوت جمب بيتي

لأ

نتعاطف مع المسيحين اللي في الموصل اللي بيتهجروا

لأ

نتعاطف مع الأقباط ولا المسيحين اللي بيتهجروا من العريش ولا اللي بيتفجر كنايسهم

مش أوي ممكن اتعاطف بس مش اوي برضه

فا عندنا أزمة تعاطف هانعتذر إزاي واحنا عندنا ازمة التعاطف دي

مابنعتذرش لأن الإعتذار بيترتب عليه اننا نزيح آثار ترتبت على الجريمة الأولى

إذا كانت بقى عبودية إذا كانت اغتصاب ، طمس هاويات

ف احنا لازم بقى نروح للأمازيغ ولازم نديهم حقوقهم لازم نشوف الآشوريين والأرمن والكلدان والفرس والأفارقة

وكل اللي احنا استعبدناهم واللي احنا انتهكنا حقوقهم لازم نعتذرلهم

فدا شيء طبعًا شيء صعب على نفسيتنا قوي

والأصعب منه إن احنا لو اعتذرنا يبقى لابد من مساءلة نصوص و  الأجداد والفكر المسؤولين عن اللي حصل

يبقى لازم نساءل نصوص الجهاد

يبقى لازم نساءل النصوص التي أقرت الرق

يبقى لازم نساءل ناس مثل خالد بن الوليد وجرائمهم

وموسى بن نصير وعقبة بن نافع

لازم نساءل كل هذه الأسماء

لازم نساءل عمر بن الخطاب ومحمد نفسه

فطبعًا يانهار اسوووود لأ يا عم خلينا احنا كده مطرمخين وكأن شيئًا لم يكن أحسنلنا

ف طبعًا مساءلة هذا التاريخ يعني مساءلة الهوية نفسها التي ترتبت على هذا التاريخ

واحنا هويتنا بقى إيه نزود عنها

ماينفعش تقرب من هويتي يا عم الحج

ف طبعًا الاعتذار دا مش مجرد حاجة كده إيه i`m sorry

لأ الاعتذار دا بيترتب عليه حاجات احنا مش قدها

ف عشان كده مطرمخين طبعًا عن الموضوع

لو اعتذرنا يبقى لازم نوجه حقيقة إن حقوق الإنسان مش شارع اتجاه واحد

إن أنا اطلب من الأوربيين يدوني حقوق إنسان واطلب من الأمريكان يعتذروا عن مش عارف حرب العراق واطلب ….

لأ يبقى لازم أنا كمان اتعامل بنفس المنطق

إن نفس المعايير تطبق عليا

فا احنا خايفين إن احنا تطبق علينا نفس المعايير

من الآخر الشرق كله عنده أزمة مع المراجعة

 المراجعة دي كانت مشروع أوربي أو غربي

الغرب كله بمسيحيه ، بمسلميه ، بكل دياناته التانية ماحصلش فيه مراجعة تاريخية

بس بما إن المسلمين هما اللي منتصرين وهما اللي قاموا بهذه الجرائم يبقى هما الأولى إن هما يقوموا بهذه المراجعة

الأكراد نفس الحكاية عندهم مشكلة إنهم الأكراد إن هما يعترفوا بجرائمهم وتورطهم في جرائم إبادة الأرمن

لحد دلوقتي الأكراد متحفظين مش عايزين يعترفوا بهذا الشيء

نفس المرض الشرقي

نفس المرض الشرقي

وزي ما قولتوكوا بدل ماحنا بقى نعتذر عن اللي حصل

لأ دا احنا بنمجده

بنمجد هذا التاريخ

الفتوحات الإسلامية يا سلام

العصر الذهبي ، العصر الذهبي للخلافة الإسلامية

دا كان في وقت احنا كنا من الهند شرقًا لحد المغرب غربًا وموريتانيا غربًا

ماشاء الله ، دا بنحلم لحد انهاردة

عندما مش عارف إيه كنا نتسمك بدين الله كنا

طيب لما كنا نتسمك بدين الله ماحنا كنا بنستعبد وكنا بنسبي وكنا بنغتصب

طيب يبقى ده دين الله ولا إيه نظامك ؟

دا دين الله ولا إيه نظامك ؟  مانا عايز أفهم

يعني من أكبر المواضيع اللي بتصيبنا بالشيزوفرنيا هو تمجيد تاريخ

احنا نيجي بعد كده ونتنصل منه ويقولك إيه

داعش بريئة وهذا لا يمثل الإسلام

طب مش انت بتمجد نفس التاريخ الذي قاد أو أدى إلى داعش

مش بتؤمن بنفس النصوص اللي أدت إلى داعش  يبقى إيه ؟

إيه ؟

ماهو قرر ، قرر داعش بريئة أو الإسلام برئ أو داعش لا تمثل الإسلام يبقى لازم تتنصل من كل النصوص ومن كل التاريخ ومن كل الجدود اللي كانوا شبه داعش

قولًا واحدًا ، قولًا واحدًا ماتستهبلش

وهذا جزء من المراجعة ، هذا جزء من مواجهة الذات

يعني أنا رسالتي للي بيدرسوا تاريخ وبيدرسوه

حاول إنك وانت بتدرس أو بتدرّس التاريخ أنك تاخد الكلمتين اللي أنا قولتهم في الحلقة دي وتفكر فيهم

انت بتقرأ التاريخ إزاي وبتقدمه للناس إزاي ؟ وإيه النتايج المترتبة على هذا التاريخ ؟

لما بتمجد واحد زي موسى بن نصير ولا عقبة بن نافع ولا خالد بن الوليد

انت عارف انت بتمجد إيه ؟

انت بتمجد سبي وقتل  وجور

لما بتعتبر إن كل الغزوات دي اللي ترتب عليها عبودية شعوب كاملة

يبقى انت بتمجد العبودية

كون إن قومك ، لو إنت بتقرأ التاريخ بحيادية تخيل إن إنت اللي كنت مكان الفرس لما المسلمين جم فتحوك

إن العكس هو اللي حصل

كان هايبقى ظلم وجور

احسب بقى القتل اللي حصل ، السبايا ، الإغتصاب ، طمس الهوية

كنت انت هاتعتبرها جريمة ضد الإنسانية على طول

وأصدق مثال على ذلك تعاملنا مع موضوع الحروب الصليبية اللي أكيد كان فيها مذابح وأكيد كان فيها اخطاء فادحة وكل حاجة

بس ان لو انت شوفت الخريطة اللي هي بتاعة المعارك بتاعة الحروب الصليبية وعدد الضحايا وشوفت الخريطة بتاعة الفتوحات الإسلامية وعدد ضحاياها

هاتقول دي الحروب الصليبية دي كانت حاجة يعني بلايستيشن

رغم انها كانت خطأ واعتذروا عنها وعن حق اعتذروا عنها وكان لازم يعتذروا عنها

مافيش شك

بس انت مركز الحروب الصليبية

عشان التاريخ عمال يضخملك الموضوع دا

لكن التاريخ مابيقولكش انت فظائعك أكبر بكتير

وإن اللي عملته فيهم

يعني في الوقت اللي الحروب الصليبية جات عليك كنت انت محتل ثلثي العالم المسيحي القديم

وكنت انت سابي ربع نساءه مثلاً

ومستعبد ربع رجاله

يعني حاجة عجيبة

حاجة عجيبة خالص انكار غير عادي يعني

ولسة انت عمال تولول على الحروب الصليبية اللي خلصت وانت لسة فظائك كملت بعد الحروب الصليبية بكتير وبعد الاستعمار بكتير

فا عدم المراجعة بيترتب عليه إنك انت بتحمي وتؤدي إلى استمرارية هذا الفكر الذي خلق هذه الجرائم

عدم الإعتذار بيؤدي إلى إعادة تجسيد أوReincarnation   بتاعة داعش وغيرها

عشان انت مابتراجعش واللي بيجي يراجع شوية

حد زي إسلام البحيري نصر حامد أبو زيد بتيجي تشتمهم وتسجنهم وتنفيهم

عدم المراجعة بيؤدي إلى تأصيل واستمرارية الكراهية المقدسة بين السنة والشيعة

ودي الحاجات اللي لو انت بقى عايز يعني تعمل خط ومن أول السطر كده مع التاريخ

انك تراجع التاريخ دا وتعترف بالنقاط السوداء اللي ليك فيه

تعترف ب إخفاقاتك فيه

تعترف بجرائمك

فأنا لما بسأل سؤال متى يعتذر المسلمون عن جرائمهم التاريخية

أنا لا أريد الحط ( التقليل ) من قدر المسلمين ولا من قدر العرب بل بالعكس أنا أريد أن يصبحوا مثل باقي الأمم

يتحملوا مسؤولية ما حدث في تاريخهم ويعترفوا بأخطائهم حتى لا تتكرر

نراكم في حلقة قادمة


Download text file

Box of Islam 141

You may also like

حامد عبد الصمد -  التمييز والعنصرية في الإسلام
 [00:00:04] حامد عبد الصمد: أهلا بكم أصدقائي الأعزاء في حلقة جديدة من [...]
0 views
ملخص تاريخ الاسلام بداية ونهاية
لم يستجب ياأخوة لمحمد في مكةخلال 13 سنة من الدعوة لم يستجب لدعوته لم [...]
20 views
ندوة للاستاذ حامد عبد الصمد في المغرب بعنوان التنوير فوبيا (الجزء الاول)
احمد عصيد: مساء الخير, يُسعدنا أن يكون معكم في هذا اللقاء الفكري الذي [...]
18 views
مين اللى سرق مصر،الحلقه التاسعة عشر: دور العبادة في مصر
مين اللي سرق مصر مين اللي سرق مصر مين اللي سرق مصر مين اللي سرق مصر [...]
7 views
مين اللى سرق مصر، الحلقة الثامنة عشر: إسلام التصدير وإسلام التكفير
مين اللي سرق مصر مين اللي سرق مصر مين اللي سرق مصر مين اللي سرق مصر [...]
2 views
مين اللى سرق مصر، الحلقة السابعة عشر: الأزهر عامل زي سُوستة
مين اللي سرق مصر مين اللي سرق مصر مين اللي سرق مصر مين اللي سرق مصر [...]
4 views
مين اللى سرق مصر، الحلقة السادسة عشر: مأساة التعليم في مصر
مين اللي سرق مصر مين اللي سرق مصر مين اللي سرق مصر مين اللي سرق مصر [...]
4 views
مين اللى سرق مصر، الحلقة الخامسة عشر: خليك فاكر مصر جميلة
مين اللي سرق مصر مين اللي سرق مصر مين اللي سرق مصر مين اللي سرق مصر [...]
7 views
مين اللى سرق مصر، الحلقة الرابعة عشر: الإعجاز العلمي في البناء المصري الحديث.
انهارده عايز اكلمكم عن موضوع الإعجاز العلمي في البناء المصري طبعًا [...]
6 views
مين اللي سرق مصر، الحلقه الثانية عشر، البرفان والشعب القرفان
مين اللي سرق مصر مين اللي سرق مصر مين اللي سرق مصر مين اللي سرق مصر [...]
3 views

Page 1 of 14

اترك تعليقاً