أهلاً بيكم في حلقة جديدة من صندوق الإسلام، سنواصل الحديث عن موضوع الفاشية الإسلامية
بدأنا في الحلقة السابقة الكلام عن علاقة الإخوان المسلمين بالنازية وعلاقة حسن البنا بالتحديد بالنازية
قولنا إن الحرب العالمية الأولى أسقطت 3 إمبراطوريات كبيرة في العالم الإمبراطورية الألمانية والإمبراطورية الروسية والإمبراطورية العثمانية
وعوضاً عن الـ 3 إمبراطوريات دول ظهرت 3 أيديولوجيات أو 3 أديان سياسية جديدة لتعطي هذه الشعوب هوية جديدة
فـ عند الروس ظهرت الشيوعية وكانت زي دين جديد بردوا ليه أنبياء وليه كتب مقدسة بتاعة إنجلس وماركس وقواعد وجنة ونار حتى !!
ونفس الشئ كان عند النازية والفاشية اللي جاءت في ألمانيا كـ عوضاً عن هزيمة ألمانيا وسقوط الإمبراطورية الألمانية
وبعد سقوط الإمبراطورية العثمانية ظهر الإسلام السياسي في مصر والهند
الإخوان المسلمين في مصر وجماعة الماودودي في الهند لإعادة فكرة الخلافة مرة أخرى وإعطاء هوية لهذه الشعوب
الـ 3 حركات دول الشيوعية والنازية والإسلام السياسي كانوا زي ثورات مضادة ضد الحداثة
كل أفكار التنوير وأفكار الفردية والحرية الشخصية والديموقراطية اللي جاء بها التنوير
هذه الأيديولوجيات الـ 3 رفضوها وحبوا يرجعوا بالمجتمعات إلى فكرة العسكرة وفكرة إن الفرد ليس له دور وإنما الجماعة هي أهم شئ
حسن البنا بعد ما أسس جماعته كان بيبص على نماذج يتعلم منها
وذكرنا في الحلقة السابقة إن هو إبتدى ياخد من موسوليني ومن هتلر أفكار معينة
فأخد فكرة الشعار اللي هو السيفين المتعانقين دول والمتقاطعين بتوع شعار الإخوان المسلمين
وخدها بالظبط من الصليب المعكوف علامة النازية
وخد إسم الجريدة اللي هتلر كان بيستخدمها اللي هي النذير وعمل جريدة النذير أيضاً في مصر
إبتدى حسب كتاب الأستاذ علي عشماوي اللي هو كان عضو في الإخوان المسلمين وكان قائد الجهاز السري للإخوان المسلمين كمان علي عشماوي
بعد ما خرج من الجماعة كتب كتاب مهم جداً إسمه التاريخ السري للإخوان المسلمين بيحكي فيه إزاي حسن البنا كان بيدرس نظم المخابارات العالمية
زي المخابارات الألمانية الجستابو أو البوليس السري يعني وحتى جماعة الهاجانا اليهودية درس إزاي إتكونت إزاي إتأسست وإبتدى يتعلم فكرة المليشيات العسكرية المسلحة من هتلر ومن موسوليني
إتعلم فكرة شباب هتلر وعمل الجوالة على نفس الأساس إنه يربي الشباب من الصغر على العسكرة وعلى الإنتماء
أخد مبدأ السمع والطاعة وأخد مبدأ ترهيب العدو بقوة السلاح
ظل حسن البنا فترة إن هو يقول إنه مسالم وإن هو مابيحبش إن هو يعني يستخدم السلاح أو هكذا وقال إنه بيربي أجيال
وكان عامل يعني مخطط هو قاله : لابد من أسلمة الفرد ثم أسلمة الأسرة ثم أسلمة المجتمع ثم السيطرة على الحكم في كل الدول الإسلامية
ثم أخر مرحلة هو سماها أستاذية العالم، نفس الفكرة اللي هو هتلر كان بيسميها بالألماني Weltherrschaftالسيطرة على العالم
أستاذية العالم أو السيطرة على العالم هي نفس الفكرة تقريباً لإن دول المفروض شعوب إصطفاها ربنا وإداها رسالة إنها تسيطر على البشرية
إبتدى بدايةً من الحرب العالمية التانية بدايةً من سنة 39، لحد هذا التوقيت الإخوان المسلمين في مصر كانوا مجموعة محدودة جداً ماعندهاش موارد مادية تساعدها إن هي تعمل شغل كبير
وفجأة يعني اصبح لدى هذه الجماعة أموال طائلة وماحدش عارف جت منين
أصبح عندها أسلحة متقدمة جداً وأجهزة لاسلكي وحاجات غريبة يعني مش ااا مرة واحدة كده
إيه اللي حصل في الحرب العالمية التانية بقى؟ في الحرب العالمية التانية النازي كان بيحاول إنه يضعف إنجلترا في دول شمال أفريقيا
فإبتدت المخابرات الألمانية تتصل بقوى المفروض إنها معارضة للبريطان يعني وإبتدوا يشتغلوا مع الإخوان المسلمين
فحسن البنا إبتدى يعمل إيه بقى في أثناء الحرب العالمية التانية؟ يطلع إشاعات يطلع إشاعات إن ألمانيا وإيطاليا واليابان اللي هم دول المحور اللي بيحاربوا الحلافاء
إن الدول دي تميل للإسلام وإحنا لازم نبعتلهم شيوخ من الأزهر
الكلام ده موجود في رسالة من رسائل حسن البنا اللي بيقول إن الدول دي ألمانيا وإيطاليا واليابان تميل للإسلام ولازم نبعتلهم شيوخ أزهر يعني يدرسولهم في الإسلام يعني عشان بس المصريين يتعاطفوا معاهم
الجزء التاني اللي هو مجلة الإخوان المسلمين إبتدت تتطلع إشاعة وتنشرها في الملأ يعني إن هتلر أعلن إسلامه وسمى نفسه الحج محمد هتلر
وراح عمل رحلة حج سرية لمكة وإن هو عمره ما هيرمي قنابل على مساجد في الدول الإسلامية لإنه مسلم
يعني كده يبقى المفروض الشعوب الإسلامية تبتدي تدعم هتلر ضد الإنجليز
سنة 41 مفتي القدس الحج أمين الحسيني طبعاً اللي هو طبعاً فرع الإخوان المسلمين في فلسطين هرب إلى ألمانيا
وقابل هتلر شخصياً وهتلر قعده في فيلا كبيرة في برلين وإبتدى يساعده مادياً وإبتدى يبنيله محطة راديو
والحج أمين الحسيني إبتدى بقى يعمل إيه باللغات العربية التركية والكردية والأردية والفارسية إبتدى يعمل بروباجاندا للنازي
إبتدى بقى إنه يقول إن فيه قرابة بين النازية وبين الإسلام وإن نفس موقفنا من اليهود هو موقف واحد
وإن إحنا التعاون بينا مهم للقضاء على اليهود وهكذا وهكذا
الإخوان المسلمين بيحاولوا ينفوا أي علاقة لحسن البنا بأمين الحسيني قبل ما يرجع من ألمانيا هربان
طبعاً التاريخ بيرصد إن لما الحرب إنتهت الحلافاء كانوا بيدوروا على الحج أمين الحسيني لإنه مجرم حرب
ليه مجرم حرب؟ أولاً لإنه كان مأسس فرقتين إرهابيتين في الجيش النازي من المسلمين فقط
كان بيجندهم من البلقان من المسلمين البلقان وكانوا بيرتكبوا مجازر في الحرب العالمية التانية
غير كده إن الحج أمين الحسيني كان متطلع على خطط هتلر وهملر لـ القضاء على اليهود في شرق أوروبا
ورحب بهذا الشئ ولم يستنكره ولم ينفيه
فلما رجع هربان بعد الحرب العالمية التانية ما خلصت والحلافاء بيدوروا عليه عشان يحاكموه في نودمبرج، لجأ لمصر !!
والإخوان المسلمين يعني إيه إدوله مخبأ وحسن البنا كتب فيه رسالة من رسائله بيمدحه وبيمدح تعاونه مع هتلر ومع موسوليني وهكذا
طيب هل كان حسن البنا ليه علاقة بأمين الحسيني قبل كده؟؟ قبل تأسيس الإخوان المسلمين
الإخوان بيحاولوا ينفوا هذا الشئ !!
أنا بقى وقعت تحت إيدي صورة موجود فيها حسن البنا مع أمين الحسيني سنة 27
يعني قبل تأسيس جماعة الإخوان المسلمين
وهو كان كتب رسالة لأمين الحسيني بيخبره فيها إنه هـ يأسس جماعة الإخوان المسلمين وأمين الحسيني بارك هذه الخطوة
أنا بأقول الكلام ده ليه؟؟ لإن أنا لما نشرت الكتاب بتاع الفاشية الإسلامية في ألمانيا كان جاي حفيد حسن البنا اللي هو طارق رمضان لألمانيا وبيعمل محاضرة
فحد وقف وسأله في واحد إسمه حامد عبد الصمد كتب كتاب بيقول فيه إن حسن البنا كان بيتعاون مع أمين الحسيني وكان بيتعاون مع النازية ووووووو وإلى أخره
فهو نفى هذا الكلام وقال ده كلام فارغ
الكلام اللي أنا كنت بأقوله كله كان موجود على موسوعة الإخوان المسلمين اللي إسمها إخوان كيبديا اااا إخوان أونلاين إخوان أونلاين
دي اللي هي الويكيبيديا بتاعة الإخوان المسلمين وكانت موجودة على النت
تاني يوم ما طارق رمضان عمل المحاضرة دي ونفى إن كان في علاقة بين البنا وأمين الحسيني وأي علاقة بالنازية المقالتين اللي كانوا على إخوان ويكيبيديا مع صورة حسن البنا مع أمين الحسيني لما كان 27 ، إختفوا من على موسسوعة إخوان ويكيبيديا بس أنا معايا الصورة وهاعرضها على حضراتكم على الشاشة
الإخوان ظلوا في مصر يحاولوا يقاوموا فكرتين، كانوا بيحاولوا يحاولوا إن هم يقاوموا التيار اليساري أو أي ميول لبرالية ديموقراطية
لما إبتدوا يعملوا المليشيات بتاععتهم كانوا بيجروا ورا الشيوعين واليساريين وأي طلاب يخرجوا ضد الملك في الشارع ، كان ييجي حسن البنا باعت المليشيات بتاعته تضربهم
لما كانوا الظلاب ثاروا من أجل النحاس باشا وقالوا الشعب مع النحاس، طلع حسن البنا مظاهرات تقول إن الله مع الملك
الله مع الملك بيستخدم الدين عشان يقوض القوة الديموقراطية الموجودة
كل ده مانفعهوش هو كان بيحاول يتقرب من الملك عشان يبقى ليه نفوذ سياسي أكتر
بس الملك كان متوجس منه وكان سايبه كده، يستخدمه لأغراض معينة بس يحجمه
فلما لقى إن هو الموضوع مش جايب نتيجة، قاللك أخش الإنتخابات
دخل الإنتخابات حسن البنا عن الدايرة بتاعته في الإسماعيلية سنة 1945
وكان طبعاً متأكد إن هو هينجح في الإنتخابات لكن فجأةً سقط في الإنتخابات مانفعتش العملية معاه
فـ من هنا إبتدى يغير الإستراتيجية بتاعته بقى الله اللله ده كده مش هايعرف ياخد الحكم بالـ إيه بشرعية الإنتخابات
فإبتدى يعمل إيه، من هذا العام إبتدى الإخوان يمارس أعمال إرهابية صريحة
أول حاجة عملوها هو كان إعتبر إن علي ماهر رئيس الوزراء هو السبب المباشر في سقوطه في الإنتخابات
فـ إتقتل علي ماهر وظلوا فترة طويلة جداً مايعرفوش مين قتل علي ماهر
إلى أن إكتشفوا إن مصطفى العيسوي اللي قتل علي ماهر ده كان عضو سري في التنظيم السري للإخوان المسلمين
فإبتدت تكتشف خيوط اللعبة بقى إن الإخوان خرجوا من حيز الأيديولوجية وإبتدوا يمارسوا الإرهاب على الأرض
تاريخ طويل واخده من أول هجرة محمد للمدينة
فكرة التمكين إن أنا أتمسكن لما مايكنش عندي إمكانيات لكن لما يبقى عندي سلاح ويبقى عندي قوة أبتدي بقى إيه أظهر وجهي الحقيقي
وهنبقى بقى إيه نرجع للقصة دي بالظبط فكرة التمكين من أول محمد ولحد محمد مرسي
بعد كده بعد إغتيال علي ماهر إبتدت الدولة تفطن إن التنظيم ده مش هنعرف نسيبه كده، معاه سلاح وأعضاء سريين وتدريبات سرية ماينفعش الكلام دون
فـ صدرت عدة أحكام ضد أعضاء التنظيم السري من قاضي إسمه أحمد الخازندار
فـ بعد ما القاضي أحمد الخاذندار أصدر الاحكام دي ضد أعضاء التنظيم بردوا الإخوان إغتالوه
وإبتدوا بقى يعملوا موجة من الإرهاب العنيف في السينمات والمباني العامة ويفجروا
وده التطور الطبيعي لما تيجي منظمة تقولك الله غايتنا والقرآن دستورنا والرسول قائدنا والجهاد سبيلنا والموت في سبيل الله أسمى أمانينا
منتظر منها إيه في النهاية؟؟ منتظر … طبيعي اللي يبدأ بهذا الأساس، اللي يقول وأعدوا لهم ما إستطعتم من قوة ده شعار الإخوان
وأعدوا لهم ما إستطعتم من قوة ومن رباط الخيل ترهبون به عدو الله وعدوكم
ترهبون يعني أصل الجماعة قائمة على فكرة الإرهاب
زي ما أصل الآية دي معمولة عشان تؤسس لفكرة الإرهاب
مادام هو مش مؤمن بما جاء به محمد يبقى من حقك إنت كمسلم إنك ترهبه وأن ترعبه
طيب بعد ما عملوا هذه الأحداث، من أخر الحاجات اللي هي مفجعة اللي هم عملوها طبعاً إغتيال رئيس الوزراء محمود النقراشي باشا
وأنا طبعاً صديق لإبن النقراشي باشا هو من أحد المصريين المهمين في ألمانيا يعني
وأعرف تفاصيل كتيرة عن هذه الواقعة ذكرتها طبعاً في هذا الكتاب الفاشية الإسلامية
إن وصل الإخوان بقى لمرحلة اليأس التام وقتلوا النقراشي باشا وده كانت نهايتهم المؤقتة
ولكن الجماعة دي عندها قدرة غير عادية على التلون إن هي بعد ما إتمنعت وبعد ما إتقتل حسن البنا سنة 49 إبتدت ترجع تاني تتلون وتتعاون مع الملك
تعاونت مع الملك تاني ضد الأحزاب التانية وبعد ما الضباط الأحرار عملوا إنقلاب 52 أو ثورة 52 تعاونوا مع الإنقلاب ضد القوة اللي كانت بتساند الملك
وبعد فترة طلبوا من جمال عبد الناصر إن هم يطبقوا الشريعة الإسلامية وطبعاً هو طرقعلهم
راحوا رايحين متعاونين مع الإنجليز وكانوا بيحاولوا سنة 54 إن هم يموتوا جمال عبد الناصر
وهكذا تمشي السكة مرة يعملوا عمليات إرهابية ومرة يرجعوا يتعاونوا مع الدولة تاني
لما عبد الناصر حطهم في السجون واعدم سيد قطب وظل يعني ماكانش ليهم أي مكانة
لكن رجعوا تاني في عصر السادات، لما السادات إحتاجهم علشان إن هم يضعفوا التيار الناصري واليساري
لما هو إبتدى يعمل فتوحات وإن هو يعني إنفتاح إقتصادي
هو جم وأصدرولوه فتاوى إن الإسلام هو دين الحرية الشخصية والملكية الفردية وإنه مع الرأسمالية ولا يرفض الرأسمالية وهكذا
كانوا أيام عبد الناصر بيقولوا إن الإسلام دين إشتراكي
لكن لما جه السادات قالك الإسلام دين الربح والنبي كان تاجر والرابح حبيب الرحمان وهكذا
نفاق، هو الدين بتركيبته دي مايعرفش يعلم الناس إلَّا النفاق خاصةً لما يدخلوا مجال السياسة
لازم لازم ينافق لإنه مبادئ متضاربة وهو بيشوف مصلحته مع مين بالظبط
طيب حسن البنا بعد ما راح وسيد قطب بعد ما راح، إيه اللي لسه فاضل من هذا الفكر ؟؟
اللي فاضل من هذا الفكر هو حلم الخلافة الإسلامية
حلم الخلافة الإسلامية اللي حسن البنا جه بيه والمودوي جه بيه
طب راحوا بقى الجماعتين دول اللي ماتقابلوش بس نفس الفكر بالظبط
اللي هو كان بيحب الفاشية جداً وعايز يرجع الخلاف تاني
المودوي أحفاده بقوا طالبان و ااااا عملوا القاعدة
حسن البنا احفاده عملوا إنبثق عنهم بعد كده الجهاد الإسلامي والجماعة الإسلامية
وراحوا إتلاقوا مع طالبان في القاعدة وعملوا تنظيم القاعدة مع بعض
اللي منه جت داعش فيما بعد وتتطورت واللي منه أساساً إنبثقت كل العمليات الاإرهابية اللي إحنا نعرفها دي كلها
ونرجع بعد ده كله يقولك داعش لا علاقة لها بالإسلام
وداعش صناعة أمريكية ولَّا إسرائيلية ولَّا إقليمية
مافيش القدرة على الإعتراف بإن ده نتاج ثقافي ديني موجود منذ الأزل
وهنحاول في الحلقة القادمة نبتدي نرجع لجذور الإرهاب منذ بدايتها الكلام ده جاي منين
أساسه أول حاجة أول واحد عمل الكلام ده كان مين ؟
قبل ما نقول داعش لا علاقة لها بالإسلام، اللي بيقول لا علاقة لها بالإسلام يقصد إيه بالظبط؟؟
يقصد لا علاقة لها بالقرآن والـ 93 آية اللي في القرآن اللي بتحد على القتال
وقتل الكافرين مكان ما نلاقيهم
وقتل حتى أهل الكتاب حتى يدفعوا الجزية عن يدٍ وهو صاغرين
مِنَ الَّذينَ أوتُوا الكِتابَ حَتّى يُعطُوا الجِزيَةَ عَن يَدٍ وَهُم صاغِرونَ ﴿٢٩﴾
ولَّا لا علاقة له بتاريخ الإسلام اللي كله فتوحات دموية من أيام فتح مكة وخالد إبن الوليد وموسى إبن نصير وعقبة إبن نافع
وفتوحات الدولة العثمانية وكم العبيد والسبايا اللي كانوا بياخدوهم
كل ده لا علاقة له بالإسلام ؟؟
كل الـ 270 مليون بشر اللي فقدوا حياتهم، وكل هؤلاء العبيد والسبايا اللي أنتهكت أعراضهم وخصوصياتهم لمجرد إنهم مش مسلمين
كل ده لا علاقة له بالإسلام؟؟
طب هايفضل الواحد يضحك على نفسه لحد إمتى؟؟
لما الإخوان لا علاقة لهم بالإسلام والسلفيين لا علاقة لهم بالإسلام وبوكو حرام لا علاقة لهم بالإسلام وإبن تيمية لا علاقة له بالإسلام
الإسلام يبقى إيه بالظبط ؟؟ أكلم مين لما أحب أكلم الإسلام الصحيح
سؤال دايماً باطرحه، أي حد ييجي يقولي الإسلام الصحيح أقوله طب أكلم مين؟ عشان أعرف الكلام ده جاي منين ؟
الإسلام الصحيح ده جاي منين وبيطبقوه فين ؟ وإيه النتايج اللي إحنا شوفناها لحد دلوقتي ؟؟
عندنا 53 دولة إسلامية و57 دولة فيها الإسلام يلعب دور كبير جداً
وروني دولة واحدة الإسلام طبق فيها بطريقة صحيحة وجابت نتايج تخلينا نقول إن هو ده الإسلام الصحيح، فين ده بقى؟؟
خد على الخريطة الإسلامية أي دولة كده تعجبك، وقول الإسلام الصحيح بيتطبق هنا، فين؟؟ في مصر ؟!!
مصر اللي حبست إسلام البحيري على رأي، وحبست فاطمة ناعوت على Post على Facebook
اللي بتحاكم 4 أطفال أقباط قصر بتهمة إزدراء الأديان، إيه إزدراء الأديان ؟؟
الشيوخ على المنابر عمالين يزدروا أديان البشرية كل يوم هو القانون مابيطبقش، ما تسموه إزدراء الإسلام وخلاص
بتسموه إزدراء الاديان ليه ؟ وبعدين إيه فكرة إزدراء الأديان دي؟ مين اللي إخترع فكرة إزدراء الاديان ؟؟
لأ، هي الفكرة كلها بدأت بإزدراء محمد، ممنوع!! ماتنتقدش النبي.
لكن الاديان إزدري الأديان، القرآن نفسه يعني شبعان إزدراء في الاديان
إقرا الآيات اللي بيتكلم فيها عن النصارى وعن اليهود، يعني قمة الإزدراء!!
لكن إيه إنك تعمل قانون عشان تحمي ربنا؟؟ يعني ده ده فكرة الإله في حد ذاتها تنفي
يعني هي أكبر إزدراء لفكرة الإله هو إنك تعمل قانون يحمي الإله إن بشر يزدروه
يبقى الله ده ضعيف ومش قادر يدافع عن نفسه ومش قادر يدافع عن نفسه ومحتاج قانون عشان يحميه منك إنت كبشر اللي هو خلقك
ده إستهبال !!! إستهبال، بس عشان الإستهبال ده مغلف في إطار مقدس إسمه الإسلام يبدوا وكإنه حاجة جميلة جداً
وقانون ليه أساس، مافيش دولة في العالم دلوقتي بتحاكم الناس على فكرها إلَّا الدول الديكتاتورية
الإسلام وكوريا الشمالية بس!!
نراكم في الحلقة القادمة وهنحاول إن إحنا نتعامل مع تاريخ الفاشية من اول محمد وحتى حسن البنا وسيد قطب
تابعونا على Hamed.tv على الـ Youtube وعلى BoxOfIslam على الـ FaceBook
Download text file
You may also like
