صندوق الإسلام 52 : عمر بن الخطاب وميوله اليهودية

أهلاً بكم في حلقة جديدة من برنامجكم صندوق الإسلام

و نواصل الحديث عن الشخصيات الأولى في الإسلام التي شكلت هذا الدين إلى جانب النبي محمد

هنتكلم النهاردة عن عمر بن الخطاب و هو طبعاً نُسجت حولة أسطورة كبيرة جداً كشخص عادل متقشف

كشخص نوراني

حلم , أصبح حلم عمر بن الخطاب في التاريخ الإسلامي كله

إن في كل عصور الفتن أو عصور الضعف

عصور الظلم

يعني يحلم المسلمين بعودة عمربن الخطاب بسيف العدل ليحقق العدالة

و أعتقد إن حلم المسلمين بالإمام العادل و كأن كل مصايب و مشاكل الأمة يحلمها شخص بعدله

طبعاً هذا مستحيل

مكنش حد غلب

لأن مش رأس الدولة أو عنوان الدولة هو اللي بيغير الدولة

لكن الشعوب نفسها

ف دة سبب أن احنا مأمناش بدولة مؤسسات

مأمناش بإن الشعب نفسة هو اللي المفروض يغير لأننا دايماً في انتظار يا إما عمر بن الخطاب علشان يحقق العدل يا إما صلاح الدين علشان يحرر القدس

مرحباً بضيفي الكريم الأستاذ محمد المسيح

عايزين النهاردة نتكلم عن عمر بن الخطاب

الأسطورة و الحقيقة

من هو عمر بن الخطاب ؟

ما هي خلفيتة ؟

ماذا نعرف عنة ؟

و لنبدأ مثلاً أسرته أو طفولته

نعم

هو طبعاً القرآن لا يتحدث عن هذه الشخصية

مصدرنا الوحيد يعني هو المراجع الإسلامية

احنا مجبرين أن نقبل بها كمبدأ أولي علشان لغياب شواهد علمية

مثل المخطوطات أو عملات تُظهر بوضوح أن هذه الشخصية هي شخصية حقيقية موجودة

و لكن على العموم أن هذا الرجل لا شك أنه كان موجود و له دور مميز في تطور الفكر الإسلامي الأول

و طبعاً بحسب الموروث الإسلامي أن عمر بن الخطاب نشأ في عائلة فقيرة

عائلة كان مضغوطة جداً من الناحية الإقتصادية

يعني كانوا ينتمون إلى والده الخطاب بن نُفيل أخو زيب بن عمر بن نُفيل

المعروف أنة من الموحدين الأوائل الأحناف

اللي هو كان عزف عن أكل ما ذبح لغير الله و إلا لغير الله لوع

و شرب الخمر و ممارسة الجنس خارج الزواج

و هو كان بيتكلم عن الله الواحد الأحد

و محمد كان متأثر بية و بدعوتة لأنة كان شبة نبى

حتى قيل عنة سوف يبعث يوم القيامة كأُمة كاملة

فدة حديث يعني …..

يعني عمر من هذا قبيلة عَدي حسب النطق اللي هو بيقال عنها أنها من أضعف بطون قريش

لأنها كانت فقيرة و كانت تقليدها تقوم بما يسمى ….

لما بتقوم قبيلتين بينهم مشاكل (نزاعات ) فهما دورهم إنهم يحلوا (يفضوا ) هذه النزاعات

مكنش لهم في تجارة مكة مثل القبائل الأخري زي يعني بني هاشم و بني أُمية

نعم ,هما لم يكونوا مثل سادة القوم

فكانوا من الطبقة العادية

والده طبعاً هو الخطاب هو رجل كما تقول مثلاً بعض الكتب الإسلامية

تقول عنة كان رجلاً فضاً غليظاً

كان يتعبة أي عمر إذا عمل و يضربة إذا قصى

يعني هو شايفين إن هو كان لأن درك العيش يؤثر على تربية الخطاب لأبنه عمر

شئ مش نادر يعني الشخصية العربية أو الأب العربي التقليدي حتي في عصرنا نفس الفكرة يعني

في شئ كان يعاب علية أنة كان له جدور حبشية

و خاصاً من الجده

عمر جدته كانت حبشية

كانت حبشية و تسمي السهر

و هي كانت عَبدة لعبد لمطلب

كانت ترعى الأغنام و في موضوع بيقولوا عن أنها مارست الجنس مع راعي كان كذلك يرعي الإبل إسمة عبد المطلب

فولدت الخطاب اللي هو الأب القاسي دة

في منهم كان يعايرة بهذا الجدر الحبشي لأنة ليس من أصل عربي أصيل يعني في خلط في الأنساب

و قيل أمه حنتمة بنت هشام بن المغيرة فهي قيل عنها أقاويل أعتقد إن هي لفقت له من هذه القصص من جانب ….

أحب طبعاً انوه إن احنا بنتكلم النهاردة عن عمر بن الخطاب بالتحديد

إن احنا نتجنب المسبات التي الصقت به بسبب كراهية الشيعة ليه بالتحديد

هو احنا بنحاول نتعاون مع الشخصية من منظور التاريخ و ليس من منظور عقائدي منافس

احنا لا ندعم رواية الشعية ولا رواية السنة

احنا بنحاول نشوف اية اللي محكي عن هذه الشخصية

يعني في حاجات كتيرة

يعني عندنا في مصر مثلاً لما الستات كانوا يشتموا حد كانوا بيقولوله لية يا عمر

اية عمر دي ليها اصل عندنا في مصر في فترة من الفترات اللي هي الفترة الفاطمية

كانت أصبحت شيعية الجامع الأزهر كان شيعي

و كان الأئمه و هما بيخطبوا الجمعة بيشتموا عمر من علي منبر المسجد الأزهر

و يقولوا لماذا فعلت هذا يا عمر

لماذا نكلت بفاطمة يا عمر

و يشتموه

فالمصريين أخدوا بس المقولة يا عمر

و صارت شتيمة النهاردة و يقولوا لبعض يا عمر من غير ما يعرفوا أنها مسبة للخليفة اللي هما بيمجدوه كسُنة يعني النهاردة

فا احنا مش عايزين بقي نخوض بقي في الكلام دة

و بعدين بقي قصة أن أمه حبشية

أمه مكنتش متزوجة

هذا لا يهمنا في أي شئ

نعم صحيح

هذا الأشياء يعني دايماً بتستخدم لعمرو بن العاص و عمر بن الخطاب و خالد بن الوليد كسباب ليهم

احنا مبنسبش حد بأهلة

احنا بنشوف الشخصية دي اللي أثرت في الإسلام بهذا الشكل خلفيتها اية و جاي منين ؟

واضح إن أبوه كان رجل قاسي علية

و واضح إنة كان من عائلة فقيرة

زي ما سمعت إن هو كان بيُستأجر بخيز أو لسد جوعة بس

نعم صحيح

يعني لم يكن من السادة فأنا مستغرب محمد لية كان كتير مهتم أن عمر يصير مسلم

يعني حتي في الحديث الشهير

اللهم أعز الإسلام بأحد عمر

و هذه فكرة طبعاً تتنافي مع فكرة أن الإسلام هو الذي يعز البشر و ليس العكس

المهم خلينا نرجع لطفولتة

بالنسبة لطفولته يُقال عنة أنه كان يجلب الماء لخالاته المخزونيات أنه كان يقابل أجر حفنة من الزبيب

مبلغ زهيد جداً

كان يذهب و يجمع الحطب هو و أبوه  يعني حتي كان البعض يُعايرة بهذه المسألة

دة بالعكس دة فيه إشارة إن ممكن يكون إسمة الحقيقي الحطاب و ليس الخطاب

فعلا بما إن مكنش فية تنقيط في هذه الفترة

و هذا أكثر دلالة كان كتير بيسمي الناس كنية بالشغلانة االلي بيشتغلوها

الخطاب ليس لها أي معني و مفيش عائلة إسمها الخطاب

مفيش إسم مشهور إسمة الخطاب في هذا الوقت

لكن الحطاب ممكن

يعني يكون إسمة عمر بن الحطاب

بنا إن ذكرة متأخر يعني

فا اللي بيقرأ يعني حط عليها نقطة و قال الخطاب

نعم احتمال , احتمال قوي

هذا الأب يعني كيف ربى عمر بن الخطاب

يعني كان يقسو علية و كان فضاً

بيقول علية يتعبني إذا عملت و يضربني إذا قصرت

في بعض المراجع

نعرف إية عن شخصية عمر

يعني فية قصص نسمعها عنة بس اية الكتب الإسلامية بتوصف طباعة و شخصيتة ازاي

هو طباعة كانت طباع قاسية نظراً للتربية اللي هو عاشها فكان انسان قاسي حتي علي نفسة مرات

يقول مثلاً ابن أبي الحديد

قيل إنة شتم أبى هريرة و طعن في روايتة و شتم خالد بن الوليد

و طعن في دينة و حكم بفسقة

و بوجوب قتلة و خَون عمرو بن العاص و معاوية بن أبي سفيان

و نسبهما إلى سرقة مال الفئ و اقتطاعة

كان سريعاً الإساءة

كثير الشتم و السب لكل أحد

و طبعاً احنا عارفين عمر يعني مشهور عنة أأقطع عنقة يا رسول الله

كان كتير بينفعل

بنسمع عن عمر إن هو كان قبل الإسلام

كان شخص يعاقر الخمر و النساء و لما تحول إلى الإسلام صار يعادي هذه الأشياء و يطالب بتحريمها

و أنة أثر على التشريعات الإسلامية

و النقطة اللي كتير ميعرفوهاش هو تأثر عمر باليهودية

و طبعاً لوتتبعا الإسلام هنلاقي إن في مرحلتة الأولى و بالتحديد حتي الهجرة إلى الحبشة و الهجرة التانية إلى الحبشة و العودة

كان تأثير مسيحي كبير على الإسلام

لم يكن هناك أي تشريعات

لم تكن هناك أي ميول عدائية

لم يكن هناك كلام عن حروب أو أنتقام أو أي شئ دنيوي

و مع تولي عمر للإسلام أو مع اعتناق عمر للإسلام

أبتدت الروائح اليهودية حتى قبل الهجرة

إن هي تتأتي بالإسلام القصص و إلى أخرة

اية حكاية عمر مع اليهودية

نعم , هو الظاهر أن القصة المروية عن تربية أبوه اللي هو الخطاب

كان في يهودية لما الأمة بتاعتة عبد المطلب لما حبلت بالخطاب

ثم رمتة في إحدى المزابل

حتي لا يُكتشف أمرها

بتقول الأسطورة أنة جائت يهودية و أخذت الخطاب و ربتة

فعلى هذا الأساس يعني جدته

جدة عمر بن الخطاب

لأن هي اللي ربت أبوه فكان عندها

هي يهودية فكانت أكيد

تلك رواية سنية

يعني منتشرة

برضو معلش في هذا الصدد

أنا بسمع قصص كتير عن حكام عرب

نفس القصة

يعني أنا سمعت نفس القصة عن ملك المغرب

و سمعتها عن السيسي

و سمعتها عن حسني مبارك و سمعتها عن القذافي

إن دايما جدتة يهودية و أمة يهودية

هذه طبعاً في حد ذاتها ليست مسبة و ليست أي شئ بالعكس

أي حد ممكن يكون ابن أي حد و من أي نسب

أنا بتكلم عن عمر نفسة

نعم ,ما الفكرة يعني انا لا أريد أن اجرح في شخص عمر أو اي صحابي

و لكن يعني أنة الميول

اللي بيقول انة عنده ميول يهودية

الظاهر أنة اتحكت عنها حكايات عن هذا الموضوع لكي نصل إلى أن كان عنده ميول يهودية

حتي أن في الإسلام في حد ذاتة لما راح عند أختة

القصة المشهورة أن اللي برضو لسة مش متأكيدين أنها حصلت بالفعل

هي موجودة في التراث

لكن لسة مش عارفين إن هي أسطورة بس اختلقت أن هي تعظم من شأنه

أن هي خلتة إمام مثل عند المسيحين إسلام بولس

اللي تحول من زاولس إلى بولس المُعادي للمسيحية

اللي مرة واحدة انقلب و صار

يعني في تشابة شوية

أن هو راح عند أخته لقاها بتقرأ

لأن سمع أن هي أسلمت فراح ليقتلها

فدخل عليها البيت فوجدها تقرأ سورة طه

جزء من سورة طه

فيعني خشع قلبة و ابتعد و قال لها اية دة

فقالت له مش هديلك تقراه إلا لو اغتسلت فدخل أغتسل

و طبعاً فكرة الأغتسال و الوضوء مكنتش موجودة في الإسلام

لكنها بالفعل لأنها  تراث يهودي

أنه قبل أن يمس التوراة يجب أن يتم الإغتسال

عندنا بالنسبة للمراجع

عندنا تاريخ مدينة دمشق للإمام الحافظ بن أبي القاسم علي بن الحسن الشافعي

بتقول أنة لما سمع الجزء من طه أنه قال

قولت بهذا جاء موسى

علي إن هو اللي سمعه من سورة طه أن كأنه بيسمع ما أتى بة موسى

معناه إن هو كان له دراية بما جاء بة موسى

يعني مرجعة كانت التوراة

نعم ,

في قصة أخرى أن حديث يتحدث عن أن كان يقرأ التوراة

طبعاً التوراة كان مكتوب باللغة العبرية

في بعض المصادر بتقول أنه كان يجيد العبرية و حتى السريانية

عندنا حديث بيقول عن جابر عن البني صلي الله علية و سلم

حين أتاه عمر فقال إنا نسمع احاديث من يهود تعجبنا

أفنرى أن نكتب بعضها فقال

يعني هنا بيوضح ميوله أو

بعد ما أسلم جاي بيقول احنا بنسمع قصص من اليهود حلوة هل ممكن إن احنا نكتبها

فرد علية محمد قالة

فقال : أمتهوكون أنت كما تهوكت اليهود و النصارى

لقد جئتكم بها بيضاء نقية و لو كان موسى حياً ما وسعة إلا اتباعي

فيعني إن موسى لو كان موجود وقت الرسول كان ….

المهم إن هو بيقولة متقربوش من الحاجات دي

بالضبط

خلي الحاجات اللي أنا بديهالكم هي الأهم

متنظروش للوراء

و إلا لو بصوا و قرأوا كانوا هيعرفوا أن الحاجات دي هي نفس القصص

و في رواية أخرى أن النبي صلي الله علية و سلم

غضب حين رأى مع عمر صحيفة فيها شئ من التوراة

قال : أفي شك أنت يا ابن الخطاب ألم اتي بها بيضاء نقية لو كان أخي موسى حياً ما وسعه إلا اتباعي

فطبعاً الموضوع يبين إنة كان له إلمام بالديانة اليهودية

عمر ليه تأثري ما أنا ذكرت قبل كدة في تشريعات إسلامية كتيرة

و هو من الشخصيات اللي كان أحياناً حتي يعطيك انطباع إن شخصيته أقوي من شخصية محمد

إن هو يزجر النساء في حضرة محمد

إنه يمنع الفرح و المزامير

إن هو يغصب زوجات النبى على إن هما يتحجبن

لما سودى بنت زمعة خرجت بالليل تقضي حاجتها في الخلاء

ف عمر مشي ورئها و بيقولها عرفتكي يا سودى

يعني نظام مراقب للمجتمع

و نعرف عنه إنه كان يمشي في الأسواق يضرب الإماء ويقول تشبهتن بالحرائر

يعني أنتم عاملين نفسكوا حرائر بالحجاب لما يكونوا لابسين حجاب

الحجاب نزل مكنش الهدف منه العفة و و و إلى أخرة

إنما فصل عنصري

إن الحرة تلبس حجاب و الأمى لا تلبس حجاب

هي الأمى دى مش ممكن تغري الأنسان بزينتها و بجمالها

ف ليه يضربها هو بالسوط

يجي بقي عمك الحبيب علي الجعفري

إن عمر كان متحيز للحق

و لا يقبل التزوير

الأمى أمى و ألحرة حرة

فلازم الشخص اللي عايز يتزوج يعرف مين الحرة و مين الأمى

يعني كلامهم نفس الفصل العنصري اللي في أمريكا برضو

اللي هو الأبيض أبيض و الأسود أسود

انت هتيجي تزور و تخش الأتوبيس بتاعي مينفعش طبعاً

منطق لسة محبوسين فية الناس دية

بس عمر حتى الحديث المشهور كمان إن هو ضرب نساء متعطرات في الأسواق

أنتوا مش عارفين إن تحت أنوف الرجال قلوبهم

فيعني واضح إن كان لية دور في التأثير على بعض التشريعات حتي في لغة القرآن

يعني هو نفسة كان بيفتخر أن هو

و هو كان بيقول إن وافقني ربي في ثلاثة

يعني هو كان عنده فكرة فالله سبحانة إن هو يعني أتي بنفس الفكرة

في آية قرآنية

فبيقول ثلاث حاجات وافقني فيها ربي

الحاجة الأولى

قولت يارسول الله إنه يدخل على يكم البر و الفاجر فلو أمرت نساءك بالحجاب

اللي حضرتك أشرت ليها

موضوع الحجاب

تاني حاجة موضوع : أن يتخد من مقام إبراهيم مصلى و طبعاً بحسب الموروث الإسلامي  فالإتجاه نحو الكعبة

و ليس نحو مقام إبراهيم الموجود في الخليل

فالمسألة الثالثة و هي :مسألة لما آذى زوجات الرسول آذوا الرسولَ

 فهو كان بيقولهم إن ربنا قادر إن يزوجهم بنساء أحسن منكن

مسلمات ,مؤمنات , قانطات

فعلي هذا الأساس

نزلت الآية بنفس النص حتى مسلمات , مؤمنات , قانطات

و في أشياء أخري اعتقد موجودة في التراث الإسلامي مثلا : تحريم الخمر

إن هو كان مصمم على هذا الشئ

بما إنه كان قبل الإسلام يعاقر الخمر و يشرب كثيرا

إن هو تدخل و مقتنعش بحكاية المراحل الأولى لتحريم الخمر

يعني احنا عارفين الآية  الأولى لتحريم الخمر جائت علي مراحل

اللي هي المرحلة الأولى

يعني فيهن إثم كبير و منافع الناس و في إثمهم أكبر من نفعهما

المرحلة الثانية : لا تقربوا الصلاة و انتم سكارى

و عمر يعني علم و هو صمم إن هو لازم يعرف لا مش كفاية

يعني ادينا رأي حاسم في الموضوع أنا عايز تحريم أنا مش طايق

لأنة كان عنده إشكالية مع الخمر نفسة

مهو علشان كدة

دايما المدخن السابق يكون غير متسامح مع المدخنين أكثر من اللي مدخنش عمره

يعني اللي بيقريف

فواضح إنة كان مقريف يعني خمرة ف طول ما في رخصة هايروح يشرب

مش عايز هو هذا الشئ

و أعتقد نفس الشئ مع موضوع تحريم الزنا واضح أنة كان مع النساء بالذات في فظاظة غير عادية لهذه الشخصية

و عمر يمكن الشخصية الوحيدة اللي تجرأت إن هو يغير تشريعات موجودة في القرآن و موجودة في الشريعة ثابتة

زي حد السرقة و زي حد الزنا و زي كمان زواج المتعة كمان ياريت تكلمنا عنة

هو طبعاً احنا نشوف أولاً قبل أن ندخل في هذه النقط يعني له دور

و دور رائع و جيد جداً بالنسبة لطرح فكرة تدوين القرآن هذا الموضوع كان لولا فكرة عمر كان ممكن أن يضيع القرآن

خصوصاً إن أولا الأشخاص حفظت القرآن بحسب الرواية أنهم عديد منهم قتلوا في حرب اليمامة و حروب الردة

يعني الباقي من حفظت القرآن كانوا كان في تأكيد مثلاً لو شوفنا معاذ بن جبل و أحد الحفظة و هو مات بالطاعون

يعني الخسارة كانت كبيرة بالنسبة حتي لو كان اللي هو محفوظ بالصدور

طبعاً احنا بحسب اللي اتكلمنا عنة في الحلقات السابقة  عن موضوع تنقيط القرآن القراءات جائت فيما بعد هي كلها المواضيع اللي احنا حكينا فيها

تبين على ان الأمر يختلف عما هو بنقول علي مسألة حد القرآن

ف أكيد هو كان صاحب القرار أنة يتكتب القرآن و كتابتة كانت مهمة جداً

استعان بمن ؟

طبعاً استعان بزيب بن ثابت و احنا قولنا إن زيب بن ثابت أمه يهودية

من أصول يهودية

على الأقل متربي في مدارس يهودية

بالضبط , و استعان كذلك بكعب الأحبار و احنا بنعرف إن كعب الأحبار دة

دة كان صاحب القصص اللي الخرافية مثل مثلاً أن الأرض يحملها ثور

و الثور كان فوق حوت و الحوت فوق ملاك

فهذه الخرافات دخلت للفكر الإسلامي من خلاله

عمر كمان خلى لية حصة في مسجد المدينة

إن هو على المنبر يحكي بهذه القصص

و هو كان لا يسمح لأحد من القصاصين إنة يحكي

فاعطي لكعب الأحبار هذا الإمتياز

كذلك في شخصية أخري و هو محمد بن مَسلمة بيقول إن هو كذلك انه من أصل يهودي و كان محالف باليهود

و هو كان ليه علاقة بكعب بن الأشرف و هو من الأحناف اللي قتلوه

فهذا الرجل قد أعطي أنه يكون صاحب العمال

وزير القوى العاملة

بالضبط , فهذا الرجل فعلاً أن ما قيل عنة أن لة ميول يهودية في أشياء اخرى

مثل الفاروق , لماذا سمى الفاروق ؟

و غالباً ما أن اليهود هما اللي سموه الفاروق

لأنة كما اتكلمنا في إحدي الحلقات عن سيبيوس و التحالف اليهودي العربي لاسترجاع القدس و فعلا لما استرجعوا القدس اعتبروه المخلص الفاروق

باللغة الآرامية معناها المخلص

فأصبح هو المخلص الذي خلصهم من اضطهاد البيزنطيين

لأنة فعلاً كان في اضطهاد في عصر هيراكيوس

أشكرك جدا الموضوع شيق و واضح ان نصف ساعة لا تكفي لمعالجة شخصية عمر

لكن كما نري الإسلام صنعه رجال و علي مراحل مختلفة منهم عمر بن الخطاب

منهم ورقة بن نوفل

منهم سلمان الفارسي

و في شخصيات أخرى سنواصل الحديث عنها في الحلقات القادمة مثل معاوية بن أبي سفيان

و مثل عبدالملك بن مروان

نحن نحاول أن نتتبع التاريخ الإنساني للإسلام ليس التاريخ الإلهي الذي لا يعرف عنة أحد

و لكن التاريخ  الإنساني المرصود في الكتب لنفهم من أين جاء هذا الدين و من قام علي تشكيله

تابعونا علي hamed.tv  علي YOUTUBE

و علي box of isalm  علي facebook

أشكركم


Download text file

Box of Islam 052

You may also like

حامد عبد الصمد -  التمييز والعنصرية في الإسلام
 [00:00:04] حامد عبد الصمد: أهلا بكم أصدقائي الأعزاء في حلقة جديدة من [...]
0 views
ملخص تاريخ الاسلام بداية ونهاية
لم يستجب ياأخوة لمحمد في مكةخلال 13 سنة من الدعوة لم يستجب لدعوته لم [...]
20 views
ندوة للاستاذ حامد عبد الصمد في المغرب بعنوان التنوير فوبيا (الجزء الاول)
احمد عصيد: مساء الخير, يُسعدنا أن يكون معكم في هذا اللقاء الفكري الذي [...]
18 views
مين اللى سرق مصر،الحلقه التاسعة عشر: دور العبادة في مصر
مين اللي سرق مصر مين اللي سرق مصر مين اللي سرق مصر مين اللي سرق مصر [...]
7 views
مين اللى سرق مصر، الحلقة الثامنة عشر: إسلام التصدير وإسلام التكفير
مين اللي سرق مصر مين اللي سرق مصر مين اللي سرق مصر مين اللي سرق مصر [...]
2 views
مين اللى سرق مصر، الحلقة السابعة عشر: الأزهر عامل زي سُوستة
مين اللي سرق مصر مين اللي سرق مصر مين اللي سرق مصر مين اللي سرق مصر [...]
4 views
مين اللى سرق مصر، الحلقة السادسة عشر: مأساة التعليم في مصر
مين اللي سرق مصر مين اللي سرق مصر مين اللي سرق مصر مين اللي سرق مصر [...]
4 views
مين اللى سرق مصر، الحلقة الخامسة عشر: خليك فاكر مصر جميلة
مين اللي سرق مصر مين اللي سرق مصر مين اللي سرق مصر مين اللي سرق مصر [...]
7 views
مين اللى سرق مصر، الحلقة الرابعة عشر: الإعجاز العلمي في البناء المصري الحديث.
انهارده عايز اكلمكم عن موضوع الإعجاز العلمي في البناء المصري طبعًا [...]
6 views
مين اللي سرق مصر، الحلقه الثانية عشر، البرفان والشعب القرفان
مين اللي سرق مصر مين اللي سرق مصر مين اللي سرق مصر مين اللي سرق مصر [...]
3 views

Page 1 of 14

اترك تعليقاً