أهلاً بيكم في حلقة جديدة من حلقات صندوق الإسلام
الحلقة بتاعة اليوم بعنوان أنا مسلم إذًا أنا زعلان
زي ما شعار التنوير كان أنا أفكر إذًا أنا موجود، أو أنا أفكر إذًا أنا إنسان، أو أنا أشك إذًا أنا موجود
إحنا شعار دائم مُستدام موجود معانا على طول في تاريخ الإسلام: أنا مسلم إذًا أنا زعلان
تجارة الغضب والدم هي أهم تجارة للفاشية إنك دايماً لازم تتاجر في غضب شعوبك، لازم تستثمر في هذا الغضب
لما مايكونش عندك شئ تقدمه للبشرية يبقى تصدَّر دور الضحية، ده مستقصدني ده بيتأمروا عليَّ، ده عايزين يدمروا حضارتي
طب إنت حضارتك إنت بعون الله يعني إنت اللي دمرتها بنفسك
بعزلتك برجعيَّتك بتخلفك، لكنت الإعتراف بالذنب ليست فضيلة إسلامية لازم تشوف الآخرين، لازم تلوم
القرآن بيقولك لا تتخذ اليهود والنصارى أولياء من دون الله يَا أَيُّهَا الَّذِينَ آمَنُوا لَا تَتَّخِذُوا الْيَهُودَ وَالنَّصَارَى أَوْلِيَاءَ بَعْضُهُمْ أَوْلِيَاءُ بَعْضٍ وَمَن يَتَوَلَّهُم مِّنكُمْ فَإِنَّهُ مِنْهُمْ إِنَّ اللَّـهَ لَا يَهْدِي الْقَوْمَ الظَّالِمِينَ ﴿٥١﴾ سورة المائدة
أكيد إنت خسرت عشان يمكن صادقت اليهود والنصارى، ممكن ده يكون السبب
ااااااااااا النبي محمد غرس فيك التوجس من الآخرين دائماً
يعني الأمم ستتتت ت تت يوشك ان ** يوشك الأمم أن تتداعى عليكم كما تتداعى القصعة على آكلتها
يعني هييجي يوم الأمم هتتكالب عليكم عايزة تاكلكوا أكل
أو من قلةٌ نحن يا رسول الله لأ. يعني ستكونون يعني كغُثاء السيل كتير، لكن عثاء السيل يعني مافيهوش فايدة
وسيلقي الله في قلوبكم الوهن وقالوا وما الوهن يا رسول الله؟ الوهن هو حب الحياة وكراهية الموت
أخص على كده، أخص على البشر اللي بيحبوا الحياة ومش عايزين يموتوا، حاجة وحشة يا أخي شوفت قلة الأدب ربنا خالقهم وبيديهم الحياة دي كنعمة وكهدية وعايزين يعيشوا ولاد الكلب
بدل ما الواد ينزل من بطن أمه يقول إيه: فين الحزام الناسف يا أمَّة؟ أنا عايز اموت في سبيل الله
تلاقي الواد عايز يلعب وعايز ياكل أكلة حلوة وعايز يضحك وعايز يتفرج على مطش برشيلونة، إيه قلة الأدب والسفالة دي ؟؟
فالتربية الإسلامية مربِّياه إن هو ربنا نادره (من الفعل نَذَر) للموت، مديله الحياة بصك، خد ديه وروح موت في سبيلي إِنَّ اللَّـهَ يُحِبُّ الَّذِينَ يُقَاتِلُونَ فِي سَبِيلِهِ صَفًّا كَأَنَّهُم بُنْيَانٌ مَّرْصُوصٌ ﴿٤﴾
ربنا إشترى من المؤمنين أنفسهم وأموالهم بإن لهم الجنة إِنَّ اللَّـهَ اشتَرى مِنَ المُؤمِنينَ أَنفُسَهُم وَأَموالَهُم بِأَنَّ لَهُمُ الجَنَّةَ يُقاتِلونَ في سَبيلِ اللَّـهِ فَيَقتُلونَ وَيُقتَلونَ وَعدًا عَلَيهِ حَقًّا فِي التَّوراةِ وَالإِنجيلِ وَالقُرآنِ وَمَن أَوفى بِعَهدِهِ مِنَ اللَّـهِ فَاستَبشِروا بِبَيعِكُمُ الَّذي بايَعتُم بِهِ وَذلِكَ هُوَ الفَوزُ العَظيمُ ﴿١١١﴾
فهو مبرمجه على حياة تانية خالص، فييجي الشخص ده يصطدم بالحياة الطبيعية العادية اللي البشر فيها
لا ده عايز يقتل ده ولا ده عايز يعمل (يأذي) ده عايزين يعيشوا وخلاص
فيحس إنه غريب في هذا العالم مابينجزش في هذا العالم
فبيبتدي يقوم من النوم الصبح –ماهو بقاله 1000 سنة ماأنجزش حاجة وعايش على إيه الماضي، ده إحنا زمان زي ما يكون من البشوات اللي فلِّسوا
ويقولك يا سلام لما كنا نركب يخت المحروسة وهو قاعد خلاص تحت الكوبري خلاص فقد كل حاجة بالظبط
هو إحنا كده، نظرتنا للتاريخ هي دي، يا سلام زمان ومش عارف لما كنا متمسكين بالإسلام الصحيح كنا سادة الأمم
الإسلام الصحيح اللي هو إيه بالظبط يعني؟؟ اللي هو إزازة الخمرة بتاعة هارون الرشيد
ما هو ده الوقت اللي كان الذروة فيه،كان إيه الإسلام الصحيح؟! هو هارون الرشيد كان بيطبق الإسلام الصحيح يعني، إنت وجهة نظرك كده؟!
فبتضحك على نفسك وخلاص ما هو عشان تبرر موقفك أو تصرفاتك
هم حاجتين إحنا سيبنا الإسلام الصحيح والغرب إبن الكلب هو اللي مستقصدنا وهو اللي بيدمرنا
فنقوم من النوم كل يوم الصبح نغسل وشنا ونقرا الجرايد ونشوف الفضائيات يا ترى مين اللي شتم الإسلام النهارده؟!!
يا ترى مين اللي عمل فيلم مسيئ النهارده؟!!
يا ترى بابا الفاتيكان قال جملة كده فيها أي تلميح إن النبي محمد كان لا سمح الله عنيف ؟!!
يا مسلم كان في سنة 2010 الفريق كرة القدم بتاع نادي شلقة الألماني كان عامل أغنية بيقول فيها النبي محمد أو محمد كان نبيًّا
يعني بيعترف بنبوة محمد أهوه، ولكنه كان لا يفقه شيئًا في كرة القدم
ولكنه إختار اللون الأبيض والأزرق طبعًا هم بيألفوا أي حاجة عشان يجيبوا ألوان النادي بتاعهم يعني
تيجي الجاليات الإسلامية تعمل إحتجاج وإزاي تجيبوا إسم النبي مع أغنية لكرة القدم
وتقلب الدنيا، ولازم يخرج حد من النادي يعتذر، ويسحبوا البتاع (الأغنية)
رسام رسم الكعبة ومش عارف إيه، إزاي تتجرأ وترسم الكعبة ومش عارف إيه، لا يسلم الشرف الرفيعُ من الأذى حتى يُراق على جوانبه الدمُ إقتلوه إنفوه إعملوا
الرسوم الدنيماركية يا نهارإسود علي حصل مع رسوم الدنيمارك،
القصة كانت إن هم عايزين يعملوا كتاب للأطفال يحكوا فيه قصة الإسلام، أصل القصة بقى، القصة اللي يمكن ماوصلتلكش
عايزين يعملوا كتاب يشرحوا فيه تاريخ الإسلام وقصة النبي محمد
وعلى فكرة بدون إساءة، يعني ماكانوش عايزين يعملوا حاجة مسيئة خالص، كانوا عايزين بس مجرد كتاب أطفال
فـ دار النشر اللي عايزة تعمل الموضوع ده إبتدوا يجيبوا رسامين كاريكاتير وقالوا عايزين ترسمولنا رسومات للأطفال عشان ده قصة للأطفال
عايزين بس يقولوا ده محمد هاجر من مكة للمدينة ومش عارف إيه وبعدين رجع زي ما السيرة بتحكيها
ماهو مش هيألفوا من عندهم لأنه مافيش أي مصادر غير المصادر الإسلامية
فـ رسامين الكاركاتير خافوا قالوا يقتلونا المسلمين، هو ده هي دي صورتان في العالم
إحنا مفكرين إن إحنا إيه لما نجبر الناس على إحترامنا بالجعير والصراخ لكن في الحقيقة هي الناس عايزة تتجنب الوحشية
لإن الإنسان دلوقتي في أوروبا أو في العالم كله ممكن يرسم أي شئ أو أي حد
الشخصين الوحيدين اللي ممنوع رسمهم في العالم هاه، أو على الأقل يعني في مجتمعاتهم النبي محمد وكيم جيم أوول بتاع كوريا الشمالية وخير صحبة يعني
أي حد أي زعيم تاني بيترسم أي شخصية تاريخية بتترسم بيُسخر منها والناس ممكن تتضايق لكن ماحدش بيرفع سلاح ويروح يقتل ويدبَّح ويعمل
فـ لما بتوع الدنيمارك حبوا يعملوا الكتاب دون رسامين الكاريكاتير خافوا
فـ جريدة وولان بوستن اللي في كوبن هاجن قالوا ماينفعش كده يعني إحنا حاربنا كتير من أجل حرية الفكر وحرية التعليم وحرية البحث العلمي
معقول خوفنا من شوية متعصبين هيخلينا نمنع (المشروع بتاعنا ده)، طب هم مش عايزين يرسموا النبي محمد مايرسموهوش
لكن النبي محمد تراث إنساني للبشرية وللتاريخ مش ملك للمسلمين بس
فـ عملوا المسابقة “إرسم محمد” وطلعت فيها الرسوم اللي إحنا شايفينها دي بتاعة أشهرهم الرسمة بتاعة كورت فيستار جارد Kurt Westergaard اللي هو راسم النبي محمد عليه الصلاة والسلام وعليه قنبلة جميلة كده في العمامة بتاعته
فالدنيا إتقلبت!! إزاي ترسم النبي وفي دماغه قنبلة ؟؟؟
هو الراجل بيحاول رسالة تعبيرية بسيطة يعني بيقول الدين ده فيه قنبلة موقوتة
واللي ينكر هذه الحقيقة يا إما أعمى يا إما مابيبصش حواليه ومابيشوفش إيه اللي بيحصل في العالم
لإن الدين ده فيه قنبلة موقوتة فعلاً مش موقوتة بس ده بتنفجر كل يوم فهو الراجل ده بيعبر عن كده
إزاي إن الراجل ده يرسم النبي محمد وف اااا وفي دماغه قنبلة داداداد دا أهان الإسلام دا مش عارف إيه أوعى سيبوني عليه، عقدة النص!!
طيب يا مسلم يا اللي إنت زعلت من كورت فيستار جارد Kurt Westergaard لما حط قنبلة إفتراضية في عمامة نبيك
مازعلتش ليه لما داعش حطت إسم محمد كده محمد رسول الله على العلم الإسود الجميل بتاعهم ده
وصاروا يدبحوا بجد ويرموا قنابل بجد ويغتصبوا نساء بجد ويدمروا بجد ويطردوا مسيحيين بجد من بيوتهم
طب ما إسم نبيك محطوط في البتاع والناس بتتقتل بجد اهيه؟، مش مجرد حاجة إفتراضية في عمامة
ماإتضايقتش ليه؟ ماخرجتش بالآلاف في الشوارع لتتظاهر ليه؟؟ يا منافق!!
عارف ليه؟ عشان إنت مايهمكشي الضحية لا محمد ولا أطفال غزة اللي بيموتوا ولا المسلمين اللي في العالم
إنت يهمك الجاني لو الجاني من الغرب تتجنن وكله إلا إنت الإسلام وإنت أهنت الرسول
مين اللي أهان الرسول أكتر؟؟ الراجل اللي رسمه ولَّا اللي بيقتلوا بإسمه وحاطين إسمه على العلم يعني بيستشهدوا بيه في كل جريمة بيرتكبوها سواء قتل أو ذبح أو إغتصاب
إيه إيه مين اللي أساء للمسلمين؟؟؟ سيبك من الرسول أكتر؟ اللي رسموا الرسمة دي ولا اللي عمالين يرتكبوا الفواحش والقتل والعربدة ويستشهدوا بالقرآن ويستشهدوا بمحمد
مابتزعلش من دول ليه؟ إشمعنا زعلك إنت بس لازم كده؟
ماتزعلش لما الأطفال بيموتوا في سوريا، ياللا الله يرحمهم
لكن لو في غزة ماتوا يا نهار إسود أوعى إلحق اليهود بيدبحوا إلحق المجازر إلحق مش عارف؟
إعمل قافلة الإنقاذ …… ، طب ماعملتش قافلة لبتوع حلب ليه؟ ماعملتش قافلة للي بيدبحوهم في كل بلاد الإسلام ليه؟؟
هو إنت ماتتعاطفش غير مع اللي الغرب أو الإسرائيليين يقتلوهم بس ؟؟
إيه إيه إيه ال إيه النفاق ده، إيه الإذواجية دي ؟؟!!
اللي بيزعل المفروض يزعل على الضحية، مهم كان الجاني مين من الغرب من الشرق من البتاع
لكن إنت مبرمج زعلك على الغرب، عقدة نقصك الأبدية
وعلى إسرائيل علشان إنت بردوا معتبرها جزء من الغرب
وعشان بردوا هم بيوروك عقدة نقصك يوم بعد يوم بعد يوم
إزعل وكُل زعلك ورجَّعه وكُله تاني وإزعل
كل يوم كل يوم تلاقي حدوته جديدة، المسلمين مش عارف إيه
أعداء الإسلام والإسلاموفوبيا، الإسلاموفوبيا مصطلح غريب، أول واحد إستخدمه أياتالله الخوميني عشان يضغط بيه على الغرب
كل ما كانوا ينتقدوا النظام في إيران يقولك إسلاموفوبيا ظد ظد الإسلام كل حاجة يقولك ظد الإسلام (ضد الإسلام)
عشان يعني يعمل منها حاجة هوية إن هم بيهاجمونا وبتاع
وبعدين لنفترض إن فيه ناس عندهم فوبيا، فوبيا يعني خوف ما هو مايخافوش ليه؟ مايخافوش ليه؟ كل ما يفتحوا جريدة أويفتحوا نشرة الأخبار بإسم الله ما شاء الله إحنا ماليين الفضائيات العالمية إحنا اللي محتكرين العناوين الأولى دائماً
إنفجار هنا دبحوا كام واحد هنا اليمن بتتحرق في لبنان في سوريا في أفغانستان في إندونسيا في سينا إنفجار في تونس تحرش جنسي جماعي في ألمانيا
مين اللي عمله؟ مسلمين. مين اللي دبَّح؟ مسلمين. مين اللي عمل؟ مسلمين طب مايخافوش ليه؟؟!! مايخافوش ليه؟؟!!
وهم شايفين إن إنت ماإنتاش ماسك أمراضك تحت السيطرة في مجتمعك، وشايفين إن إنت عمال تصدَّر أمراضك للبشرية
مايخافوش ليه؟؟!! يقولك دول بيكرهوا الإسلام، ولتفرض يا أخي!!
فيه أجزاء من الإسلام لازم تتكره، خاصةً الأجزاء التي تدعو للكراهية نفسها
إيه المشكلة في كده إنت مش عايزني أنا لو لو واحد مسيحي والمسلم بيقرا كل يوم في المسجد بتاعه بيسمعني لَّقَدْ كَفَرَ الَّذِينَ قَالُوا إِنَّ اللَّـهَ ثَالِثُ ثَلَاثَةٍ ،
الَّذِينَ كَفَرُوا مِنْ أَهْلِ الْكِتَابِ ماكرهش ليه؟؟ أحبه ليه؟؟
هو إنت بس اللي مشاعرك اللي مرهفة مافيش غيرك؟ المسيحي مالوش مشاعر؟
البهاءي مالوش مشاعر؟ اللا ديني مالوش مشاعر؟ اللي إنت بتخوفه على حياته
أنا مسلم إذًا أنا زعلان، أصلها إيه ؟؟؟
أصلها نبي كان عنده عقدة نقص، أصلها نبي كان مأزوم مع قومه
نبي يروح يقولهم دا أنا جايلكم برسالة عظيمة من البشر (من الله للبشر)، يقولوله إنَّكَ لمجنون، يقولهم والله ما مجنون
دا إنت ناقله من أساطير الأولين والله ما من أساطير الأولين دا من عند ربنا
يا إخوانَّا طب خدوا، طب والله دا جايبلكوا حكم، طب إسمع الآية دي، طب خد السورة دي، مافيش!!
فـ إبتدى يسمعوه إمتى، وإبتدى ينشر دينه بجد إمتى؟؟؟ لما طلع السيف وقالهم بقى إيه طب مافيش بقى لا معجزات، ومافيش آيات بتاع كده ااااا يعني … يا السيف، يا الإيمان!!
هاتوا من الآخر، جابلهم من الآخر، فـ مشي المشروع من أول ما السيف طلع من الغَمد إبتدى يَدْخُلُونَ فِي دِينِ اللَّـهِ أَفْوَاجًا ﴿٢﴾
وغنايم بقى وحرب وبقى بيزنيس ااا ماتوقفش، طب طب ما مشروع هو هو ده أصل المشروع
إن أنا لما اجيلكوا بالأدب وبالذوق أقولكوا الدين أهون من عند ربنا بتقولوا لأ، أطلع السيف تؤمنوا
طب ما إستراتيجية حلوة، فـ إبتدوا يستخدموها بعد كده إستخدموها بعد كده
يقولك إحنا مش عارف إيه وعايزين نحسن صورة الإسلام في الغرب
أنا لست إرهابيًا ومش عارف إيه، ماتمشيش الحملة دي، يقولك طب خد بقى يروح على بتوع شارل إبدو رسموا النبي
نروح ندمر الــ ااا اللي حصل في 15 يناير 2015، لما راحوا 2 إخوة مسلمين مولودين في فرنسا ومتربيين في فرنسا
مواطنين أوروبيين لكنهم عمرهم ما كانوا فرنسيين بالمعنى الحقيقي
لأن عمرهم ما عاشوا داخل أوروبا بجد ولا إتعلموا الفكر الأوروبي بجد عايشين داخل قوقعة محمد، عايشين داخل العزلة
محمد اللي كان بيخوفهم من الأمم، ستتداعى عليكم الامم ولا تتخذوا اليهود والنصراى أولياءً من دون الله
توجس! دول كفار، دول بياكلوا لحم خنزير، فـ هيبقوا أصدقائك إزاي؟؟ هتتعايش معاهم وتبقوا مجتمع واحد ودولة واحدة أزاي ؟؟!!
مرض مرض! فهم عايشيين مولودين داخل فرنسا، لكن عايشيين في قوقعة الإسلام المنعزلة عن العالم
فيبتدي يغزي نفسه بالكراهية، وعملوا فينا وسووا وبيدبحوا فينا
والصليبيين عملوا ودايما يربط الحاجات ببعضيها
الصليبيين بالإستعمار بسوريا بفلسطين
كله حاجة واحدة التاريخ عنده سهل أوي، مافيش تعقيدات في التاريخ كإن واحد بس هو اللي عايش في العصور وبيروح راجع يكرر كل اللـ ااااا (كل الأحداث اللي حصلت)
الجاهل هو اللي بيتعامل مع التاريخ دايماً كده، بيقراه بهذه البساطة يعني
فطبعاً من الطبيعي إن هو لو مولود حتى في أوروبا، إنه يكون عنده كم هذا (هذا الكم من) الحقد والكراهية والتوجس
فـ بيحاول يستدر عطفهم، دا أنا غلبان وبأعاني من العنصرية ومش عارف
فلما مايجيبش نتيجة يكون المبرر دا أنا فشلت في المدرسة عشان العنصرية دا أنا ماعنديش وظيفة عشان العنصرية، دا أنا مش عارف أتجوز عشان العنصرية، كل حاجة شماعة العنصرية!!
فـ ماتمشيش ال ال ال ماهو كتيرين بيستخدموا الموضوع ده ماتمشيش
يقولهم خلاص بقى أنا مش هاستعطفكم، آدي السيف أهوه، حبيبي يا رسول الله، بـ أبي أنت وإبني يا رسول الله وهادبَّح بتوع شارل إبدوا
وييجي طبعًا بعد ما قتلوا 12 واحد وهم بيقولوا الله أكبر هو بيقولوا إنتقاماً لرسول الله
تيجي الرد الجميل بتاع المسلمين، هؤلاء لا علاقة لهم بالإسلام!
هم يسيئوا للإسلام ويبقى الإسلام فجأةً هو الضحية كمان
وده حاجة هتلاقوها دايماً ظاهرة غريبة جداً، اللي إندبحوا فرانساويين واللي إتقتلوا فرانساويين، سواء في الهجوم الـ بتاع شارل إبدوا أو في الهجوم الجديد اللي هو بتاع المسرح اللي إتقتلوا فرانساويين
وتبص تلاقي عند المكان اللي المفروض بيتذكروا فيه الضحايا وجايبين ورود للضحايا تبص تلاقي واحد مسلم جاي كده ومغمي عنيه ويقولك أنا مسلم أحضني أنا مش إرهابي
يا إبني مش دورك مش مكانك مش مكانك إن إنت تقتحم مسرح الضحايا وتلعب إنت دور الضحية وده جزء من المصيبة ولأ الموضوع ده عاجب ناس كتير أوي
أنا مسلم طب ماجابش واحدة ست ليه؟ يحضنوها الناس مش كانت هتبقى حاجة أجمل أظرف حتى كده؟ لأ ماعندناش حريم تتكشف على رجالة
إيه ده؟ مش مكانك مش إنت الضحية يا حبيبي
إيه اللي إحضني أنا مسلم وأنا مش عارف إيه وأنا مش إرهابي
سيب الناس تحزن لل ل ل ل ل لضحاياهم اللي إخواتك قتلوهم الأول
سيب دم الناس ينشف الأول، قبل ما تيجي وتقول لا لا لا لأ حتى في دي أنا الضحية كمان
هييجوا العنصريين بقى وهيطردونا من فرنسا وهيطردونا ، يا إبني نتكلم نتناقش في المواضيع دي بعدين بس صدقني مش إنت الضحية دلوقتي
الضحية الناس اللي ماتت وأهاليهم بيسألوا نفسهم ليه ؟؟؟
ليه؟ واحد رايح مسرح ماعملكش حاجة وماأذاكش في حاجة دمه يسيل عشان خاطر عقيدتك اللي عمال تغرس فيك الكراهية طول الوقت
إن .. ماعلمكش في المسجد إن النبي قتل كعب إبن الأشرف ووو عشان ااااا هزَّأ النبي
ماعلمكش إن الجارية بتاعة إبن خطل دبحوها عشان كانت بتغني أشعار ضد النبي
مافيش أكتر من 40 حديث بيحكي قصص خد عندك أم قرفة، خد عندك إهدار دم اااا اااا إبن اااا عبد الله إبن أبي السرح
كل اللي قالوا كلام عن النبي يضايقه ماتوا وضُربت أعناقهم، النضر إبن الحارس القصص دي كلها مش بتُحكى في المساجد وإنت وفي التراث وإنت بتسمعها بنفسك
تيجي تقول لا علاقة لها بالإسلام إزاي ؟؟!!
يبقى قول القصص دي كلها كذب
الفلسفة دي تعرفش يعني فلسفة عدم الإعتراف بالخطأ أو بالحقيقة، مع إن النصوص واضحة اللي بتقول اللي بتتكلم عن الجهاد وتكفير أهل الكتاب
وَاقْتُلُوهُمْ حَيْثُ ثَقِفْتُمُوهُمْ و بَراءَةٌ مِنَ اللَّـهِ وَرَسولِهِ ، وإقتلوا وَقاتِلُوا المُشرِكينَ كافَّةً وضرب الرقاب فَإِذَا لَقِيتُمُ الَّذِينَ كَفَرُوا فَضَرْبَ الرِّقَابِ
يقولك الإسلام مافيهوش دبح، ده فيه آيتين في القرآن فيهم دبح
مافيش إعتراف!! أنا الضحية، أنا مسلم إذًا أنا زعلان
حتى لما المسلمين يرتكبوا جريمة، أقولك دول بيشوهوا صورة الإسلام يبقى الإسلام هو الضحية
الإسلام هو اللي قاله إقتل وهو اللي علمه الكراهية، هو اللي علمه إن اللي يغلط في النبي يتدبح
لكن لما هم ينفذوا اللي موجود في الكتب يبقى الإسلام هو ضحية التطرف
قمة إنكار الحقيقة، ودور الضحية سمة من أهم سمات الفاشية
الفاشية مش عايزة تقرر إحنا سادة العالم ولَّا ضحايا العالم
دايماً عمالين إحنا بين الجزئين: خير أمةٍ أخرجت للناس، وقاع الأمم
مش عارفين يظبطوا العلاقة بين الأتنين وهي دي أزمة الإسلام المعاصر
أهم أزمة من أزمات الإسلام المعاصر، هو الزعل الوجودي الأزلي اللي مش عارفين مصدره إيه، مصدره إن إحنا مش في المكان الصح
مصدره إن إحنا ماعندناش القدرة على نقد الذات
ماعندناش القدرة في إننا نضحك على نفسنا
لذلك أنا بأعتبر الرسوم الكاريكاتيرية بتاعة الدنيمارك ورسوم شارل إبدوا هدية للمسلمين عشان يتعلموا يضحكوا على نفسهم ويضحكوا على دينهم
زي ما البشرية كلها إتعلمت إنها تتحرر من التعصب ده
نراكم في الحلقة القادمة
تابعونا على Hamed.tv على قناة الـ YouTubeوعلى صفحتنا على الـ Facebook BoxofIslam
Download text file
You may also like
