صندوق الاسلام 62 : متناقضات القرآن : مقدمة

أهلًا بيكم في حلقة جديدة من حلقات صندوق الإسلام أو مجموعة جديدة من الحلقات

هانرجع نتكلم تاني عن القرآن

طبعًا الحديث عن القرآن مابينتهيش

والحوار حول القرآن دايمًا بيجد صعوبة شديدة جدًا لأكتر من سبب

السبب الأول إن بتلاقي دايمًا في الحوار حول القرآن واحد مؤمن بالقرآن إنه كتاب ربنا وبيحبة جدًا وبيدافع عنه بكل ما أتي من طاقة وقوى

وتلاقي واحد تاني مش مؤمن بالقرآن وممكن يكون بيكره القرآن بكل ما أتي من قوة

ودا بيخلي صعوبة شديدة جدًا في تفتيت أو النقاش حول هذا الكتاب بمنطق وبعقل

وأنا اؤكدلكم إن أنا ماعنديش أي عداء تجاة لا القرآن ولا الإسلام والمسلمين طبعًا
وتعاملت مع هذا الكتاب من مراحل مختلفة

يعني أنا وأنا صغير يعني مع لبن الأم كده بتشربه وأنت طفل تستنشق هذا الكتاب

ماعندكش وقت إن يكون بينك وبينه مسافة علشان تشوف التناقضات أو تشوف التسأولات

لأ إنت بتتولد بيقرأولك قرآن في ودانك

قبل ما تتكلم كلام بتسمع قرآن جاي من الراديو ، جاي من المسجد

فأنت محاصر بآيات القرآن وانت طفل ماعندكش أي آلية دفاعية

ماعندكش أي مسافة بينك وبينه علشان تاخد خطوتين تلاتة لوره ( للوراء) وتقول إيه دا

لأنه خلاص بيصير جزء من هويتك زي دمك ،

زي أي أكل بتاكله وبيبقى جزء من دمك زي أي عصير بتشربه وبيبقى جزء من دمك

القرآن بقى جزء من تكوينك قبل ما يبقى عندك أي أهلية أو أي قدرة منطقية إنك تتعامل مع الكلام اللي بيتقال فيه

فا طبعًا إنك قبل ما تتعلم المنطق وقبل ما تتعلم التفكير

بتتعلم إن دا كلام ربنا ونزل على النبي في غار حراء قبل 1400 سنة وجبريل جه وقاله كذا كذا كذا

طبعًا قصة جبريل وغار حراء والقصة دي كلها مش مذكورة في القرآن نفسه

يعني القرآن نفسه مابيحكيلش نزل إزاي

ونشأ إزاي، واتكتب إزاي .

مفيش إنت بيجيلك إنا نحن نزلنا الذكر وإنا له لاحافظون

الذكر اللي هو القرآن

مين قال إن الذكر هو القرآن ؟

المفسرين اللي جم بعد 3 قرون ولا بعد ، الطبري في القرن العاشر وهتلاقي ابن كثير في القرن ال13 يعني مراحل مختلفة

يعني اللي بعد كدة هما اللي بيشرحولك القرآن دا نزل إزاي وجبريل وجاله غار حراء ومش عارف إيه وشده كده وراح رجه رجتين

قاله إنت عايز مني إيه

قاله إقرأ ،

 قاله ما أنا  ……

كل الكلام دا مش موجود في القرآن نفسه

الكلام دا هما حكوهلك فيما بعد
علشان عايزينك ، اللي مسكوا الكتاب دا في القرن العاشر يعني بعد 3 قرون من وفاة محمد
ماقدروش يفهموا حاجات كتيرة
إيه دا طب الكتاب دا أوله فين وأخره فين ؟
بيبدء منين ؟

محدش عارف

فابتدوا يظبطوا حاجات كده زي أسباب النزول ،

زي لأ دي السورة دي مكية والسورة دي مدنية علشان لاقين تناقض

لاقين آية بتقول كلام  وآية بتقول كلام معاكس ليه تمامًا

في آية تانية تقولك اقتلوهم حيث ثقفتموهم واقتلوا(قاتلوا) المشركين كافة
وآية تانية تقولك من قتل نفسًا بغير نفس أو فساد في الأرض فكأنما قتل الناس جميعًا
طيب ماهو بيقولهم اقتلوا المشركين كافة ماهو نفس اهو
حاتلاقي آية بتقولك يا أيها الذين آمنوا ادخلوا في السلم كافة

هاتلاقي آية بتقولك وإن جنحوا للسلم فاجنح لها

تلاقي آية تانية تقولك ولا تهنوا وتدعوا إلى السلم وأنتم الأعلون

يعني ماتروحش تعمل معاهم سلام وانت فايز في المعركة

طيب مبدأ السلام بقى .؟ مش موجود

وقيس على كده بقى حاجات كتيرة جدًا من المتناقضات دي

القرآن في آية الحقيقة جميلة أنا بحبها

أَفَلَا يَتَدَبَّرُونَ الْقُرْآنَ ۚ وَلَوْ كَانَ مِنْ عِندِ غَيْرِ اللَّهِ لَوَجَدُوا فِيهِ اخْتِلَافًا كَثِيرًا ( سورة النساء الآية 82 )

فهو دا اللي انا عايز اعمله
وعايز انتوا كمان اللي بيحب القرآن واللي مابيحبوش
القصة مش حكاية مين يفوز
القصة احنا عايزين نفهم الكتاب دا سطوته جاية منين ، قوته جاية منين.

مراكز قوته فين ومراكز ضعفه فين ؟

أنا لا أميل لشيطنة القرآن إن كل حاجة فيه وحشة وكل مش عارف إيه

ولا أميل إلى تمجيدة إن هو لا يأتيه الباطل من بين يديه ولا من خلفة

ومفيهوش أي غلطات ومفيهوش أي مشاكل

أنا بابصله كا منتج بشري هاتلاقي فيه الخير وهاتلاقي فيه الشر

ده طبيعي

 دايمًا كنت بلاحظ لما يكون في نقاشات خاصًا في أوروبا بين واحد منتقد الإسلام وبين واحد  مسلم أو بيمثل منظمة إسلامية

كنت بتلاقي دايمًا مشكلة كبيرة جدًا

ألا وهي إن النقاش مابتوصلش فيه لنتيجة

هاتبوص تلاقي 2  قاعدين قصاد وقاعدين يلعبوا بينج بونج ( تنس طاولة ) بآيات القرآن

دا يروح راميله آية بيوقل فيها لا إكراه في الدين

هايروح التاني يقوله حتى يعطوا الجزية عن يد وهم صاغرون

يبقى إزاي فيها لا إكراه في الدين

إزاي واحد بيدفع جزية مش هايبقى مكره

هتلاقي واحد بيقول فمن شاء فاليؤمن ومن شاء فيكفر يبقى الإسلام دي التسامح وسايب الناس تكفر براحتها ومفيش

يقولك قاتلوا الذين كفروا من أهل الكتاب

طب والذين لا يدينون بدين الحق من أهل الكتاب

طب عاملوا إيه ؟

لا علشان لا يدينون بدين الحق

طب مش قولت من شاء فليؤمن ومن شاء فليكفر

لأ لا دي حاجة ودي حاجة

طب تفهم التناقد دا إزاي

تفض الإشتباك دا إزاي ؟

واللي أنا عايز انصح سواء الناقدين للإسلام أو المسلمين المتدينن إن هما حط عواطفك كده على جنب

تخيل إن عواطف دي بنتك الصغيرة

قولها يا عواطف اقعدي شوية على جمب كده يا حبيبتي علشان أنا عايز اركز ونشوف نفهم الكتاب دا إيه حكايته بالظبط

لا مشاعر الكراهية هاتساعدك إنك تفهم مراحل تطور هذا الكتاب ولا التقديس الزائد عن الحد

زي ما قولتلك إنت لو كنت اتولدت في عيلة  زراديشتية

بتؤمن إن الأفيستا دا كتاب مقدس ونازل من السماء هاتقرأ الأفيستا وهاتعيط

وبتحصل

إنت لو شوفت جمال الأفيستا باللغة الفارسية القديمة

وشاعرية اللغة وقوة وسطوة الآية عاطفيًا هاتندهش

بس لو الأفيستا اترجمتلك بالعربي هاتقول إيه الكلام الفارغ دا

نفس الشيء على فكرة بيحصل مع الجماعة الألمان والفرنسويين والإنجليز لما القرآن يترجملهم بلغتهم

يقولوا هو دا آخر كتاب للبشرية

ربنا عمال يشتم أبولهب ويشتم دا ويقوله يا زنيم ويشتم الوليد بن المغير وعمال واخد توكتوك من السما رايح جاي

عمال يتخانق مع ناس من أهل مكة هو دا الكتاب القرآن الآخر اللي ربنا كان مدخره لآخر كتاب

مش هايلاقي فيه العظمة اللي انت شايفها

فا الموضوع كله هي وجهة نظرك الذاتية أنت علشان أنت متربي على كده من صغرك

عشان إنت موقن تمامًا وانت داخل على هذا الكتاب إن دا كلام ربنا وأنت طبعًا متعود إن القرآن مش مجرد كتاب إنت بتقرأه

لأ دا كتاب إنت بتسمعه

بتسمعه وبتستمخ

مين فينا ماكنش بيقعد كده مع الشيخ عبدالباسط عبد الصمد وهو بيقرأ آية لمدة دقيقة و30 ثانية

في نفس واحد وتحس إن كده يعني حاجة يعني اورجازم عاطفي بيحصل

إن صوت جميل وخشوع ف إنت بتروح …….

حتى لو أنت مش فاهم هو بيقول إيه عاطفيًا حاجتين متركبين في بعض

إن إنت ادراكك وعقلك الباطن شايف دا كلام ربنا

والصوت اللي بيقرألك الكلام عذب وجميل وفيه خشوع

ف إنت تميل للبكى حتى لو ماكنتش إنت فاهم معني الآية علشان طريقة الإلقاء

متزعلوش مني

أنا هاسمعكوا فيديو دلوقتي علشان اوريلك الايفيكت دا بيحصل ازاي

حاول وأنت بتسمع الفيديو دا تنسى الكلام اللي بيتقال

حاول بس تركز في الصوت وفي الخشوع وفي طريقة الإلقاء

نشوف الفيديو مع بعض ونسمع

عبد الباسط بيقول إيه : ماتزوقيني يا ماما قوام يا ماما دا عريسي هايخدني بالسلامة يا مامي

بيبتدي الشيخ مصطفى إسماعيل بيقول إيه : ياما القمر عل باب نور قناديله ، نور قناديله ، ياما أرد الباب ولا أناديله

الشيخ الطبلاوي لما يقعد يقولك : تتقووون ، تحزنووون ، تلعمووووم ، حاجة كده يعني الأوو بتاعة الفرنساوي دي فا يقولك : السح الدح مبوه ادي الواد لبوه ، الواد عطشان اسقوه

واخد بالك ،فا لو فرض إنهم بيطلبوا مشاريب مثلا فبيبتدي الشيخ عبدالباسط بيقول إيه : أعطني يبني واحد براندي والمزة كافيار

بيبتدي الشيخ مصطفي بيقول إيه : أعطيني ياااا إبني زجاجة جونيوويكو

بيبتدي الشيخ الحصري يقولهم إيه : أعطني يبني إزازة بيره

واخد بالك ، بيبتدي الشيخ البنا يقول إيه : أعطيني يبني واحد نبيذ أبيض

الشيخ رفعت بتاع الخشخشة دي : أعطيني يبني زجاجة كونياك والمزة سلطة

واخد بالك ، فيبتدي الشيخ النقشبندي في النهاية يقولهم إيه :  كونياااااك كونياااك كونياااااك كونياااااك

الله شوف الجمال في ال……..

مش مهم بقى الكلام اللي كان بيتقال إيه إيه ؟

كلام فارغ مالوش أي معني  بس علشان تعرف إن أي حاجة ممكن تتعمل كده

أنت متخيل إن القرآن هي اللي بيخلي السطوة وال…..

لأ هو طريقة الإلقاء و الخشوع والحالة

لو كل اللي قاعدين حواليك مصدقين في الكونياك ولا في البتاع دا

وإن الحاجة دي حاجة روحانية وجميلة هاتتخلق الحالة دي

إذًا الموضوع كله عاطفي مش منطقي

طيب

نتعامل إزاي بقى بالمنطق ونتخلص إزاي من البينج بونج ( تنس الطاولة ) بتاع الآيات ؟

دا يرميلك آية جميلة ودا يرميلك آية بتدعو للعنف

لازم الأول علشان نحلل هذا الكتاب ودي محاولة موضوعية

وتحليله كا منتج بشري بيعبر عن زمنه

أنا بنسى بحط جانبًا فكرة إن هو نازل من السما

لأني ماشفتش بصراحة

يعني ماقدرش أحكم دي

ماشفتوش إن هو نازل من السما

ماحدش شاف

وبنسى برضو إنه متأمر وسارق الكتاب من اليهود وومن الفرس ومن المسيحين

لأ أنا باخد الكتاب دا كإنعكاس لزمنه وإنعكاس للظروف اللي ورد فيها

فأنا بنسى فرضية ألوهية القرآن

بنسى فرضية إنه صالح لكل زمان ومكان

بنسى فرضية إنه مؤامرة ومسروق ومتدبر ومش عارف إيه

لأ عايزين نخش على الكتاب دا بقى ونشوفه كا منتج بشري إيه العوامل اللي دفعت لنشأته

ايه اللي حصل للزمن بتاعه خلاه إن هو يكون بالصورة اللي احنا شايفنها دي

إيه المراحل بتاعة تطور القرآن ؟

انت لو ركزت هتلاقي إن القرآن مر بمراحل معينة

انسى بقى الترتيب بتاع السور الموجودة عندك

وحاول ترجع لترتيب أسباب النزول

إيه السورة اللي نزلت الأول إيه اللي بعديها و إيه اللي بعديها و إيه اللي بعديها

بيقولولنا إن أول سورة هي سورة اقرأ

أو العلق

اقرأ باسم ربك الذي خلق

المفروض إن دي السورة اللي بتيجي بتعرف المسلمين مش المسلمين بس

البشرية

ياخوانا في دين جديد

الدين دا ليه تعاليم معينة

إله هذا الدين هو فلان الفلاني

مكانه هكذا

أرسل هذا النبي عن طريق إيه

يعني المفروض قصة نشأة القرآن وبداية الوحي تكون في أول سورة

إن جبريل نزل وقابله في الغار وقاله اقرأ

قاله ما أنا بقارئ

القصة دي المفروض اللي جاي يقدم دين جديد المفروض إن أخدم البشرية لازم يعرف الناس

يعرف الناس إيه محتوى هذا الدين

إيه تعاليمه ؟ إيه طقوسه ؟ مين إلهه ؟

وإلهه دا بيتواصل مع رسوله دا عن أي طريق

مين الوسيط

كلمة جبريل بدأت تظهر في القرأن امتى ؟

متأخر أوي

في المدينة

في سور المدينة ظهرت كلمة جبريل لأول مرة عشان كلمة جبرائيل كانت موجودة عند اليهود

فا لأ أول سورة بتقول كلام مش مفهوم

اقْرَأْ بِاسْمِ رَبِّكَ الَّذِي خَلَقَ خَلَقَ الْإِنسَانَ مِنْ عَلَقٍ اقْرَأْ وَرَبُّكَ الْأَكْرَمُ الَّذِي عَلَّمَ بِالْقَلَمِ   (  سورة العلق الآيات 1-2-3-4 )

كأنها قصيدة جميلة متاخده من مضمون تاني خالص مالوش علاقة بالناس اللي هو بيكلمهم ، اللي بيخاطبهم

انت جاي بأول كلام من القرآن

خلاص إن هو يعني بتشرحلهم إيه دينك دا

مافيش أي شرح للدين دا

هو جاي عايزهم يؤمنوا بيه من غير ما يقولهم الدين دا فحواه إيه

يا معشر قريش إن رسول الله إليكم جميعًا

كده ، طيب يا رسول الله الله دا مين ؟

الله دا باعتك ليه ؟ وإيه التعاليم اللي باعتك بيها

لا اؤمنوا الأول ، امضولي على بياض وبعدين هاشرحلكوا فيما بعد

لا مش يستنى لما حتى القرآن يكتمل شوية أو يبقى فيه مثلًا 5 ، 6 أجزاء كاملين تروح تقرأهم عليهم علشان الناس تقول آه والله احنا كده إيه ابتدينا نستوعب

لا يقولهم إيه تعالوا أمنوا بربنا كده

وهو باعتني

طب بعتك إزاي ؟ عن طريق أي وسيط

ماعرفش هو كده ربنا باعتني وخلاص

أنا رسول أمنوا بيا مأمنتوش بيا هاتخشوا جهنم

من أول سورة

من أول سورة وهو داخل في تهديدات جهنم

اقرأ سورة اقرأ كده هاتلاقيها داخل على طول على جهنم والتهديد

طب مش نعرف الأول

قول في صلاة ، في صوم ، في زكاة ، في حج

وربنا دا في السما وعنده جنة وعنده نار

وتواصل معايا عن طريق جبريل وجبريل دا بيطير، ملك من الملائكة، ويعني إيه ملائكة ؟

الناس ماتعرفش الحاجات دي كلها في مكة والمدينة

أو في مكة ماكنش لسة الحواديت دي يعرفها

ملائكة وربنا ورُسل وكتب

مش المفروض تشرحلهم الأول ؟

ماعرفش

فا مرحلة التعريف كان فيها أزمة

بيعرف بالدعوة من غير دعوة

جه بعد كده مرحلة عايز يقرب منهم بقى العرب ويغريهم

فايقولهم لي إله في قريش يلافيهم رحلة الشتاء والصيف فاليعبدوا رب هذا البيت الذي اطعمهم من جوعهم

يعني لو اتحدتوا كده وبتاع ربنا هايخلي التجارة بتاعتكم زي الفل

فا فكر التاجر بقى

إن هو يحاول يغريهم وهتلاقي دايمًا فكر التاجر دا في القرآن كله

مَّن ذَا الَّذِي يُقْرِضُ اللَّهَ قَرْضًا حَسَنًا فَيُضَاعِفَهُ لَهُ ( سورة الحديد الآية 11 سورة البقرة الآية 245 )

نظام الربا بينك وبين ربنا

سلف ربنا قرشين هايرجعهملك 10 أضعاف

كمثل فِي كُلِّ سُنبُلَةٍ مِّائَةُ حَبَّةٍ ۗ وَاللَّهُ يُضَاعِفُ لِمَن يَشَاءُ ۗ ( سورة البقرة الآية 261 )

فا منطق التاجر

إِنَّ اللَّهَ اشْتَرَىٰ مِنَ الْمُؤْمِنِينَ أَنفُسَهُمْ وَأَمْوَالَهُم بِأَنَّ لَهُمُ الْجَنَّةَ ۚ ( سورة التوبة الآية 111 )

عقلية التاجر ، نفسية التاجر

التفاوض بتاع التجار هتلاقيه إن هو مسيطر على لغة القرآن

فا مغرق في بشريته هذا الكتاب

وبيتكلم عن شخصية واحد عنده شوية مشاكل مع الناس اللي هو بيتكلم معاهم

مش فاهمينه ، مش قادرين يستوعبوه

فا ماأمنوش بيه

بعد مرحلة الإغراء دا ماأمنوش بيه

فايبتدي تيجي تبدأ مرحلة التهديد ودي هانبقى نفرضلها فصول كاملة بقى

التهديد فصل كامل

الإغراءات فصل كامل

فا ابتدى يهددهم

يهددهم الأول بجهنم

طب هما أصلًا مش مؤمنين إن في غيب وفيه بعث وفيه نشور

فا جهنم مش هاتفيدك

فايبتدي يهددهم بالكوارث الطبيعية

والزلازل والصاعقة والصيحة وإن ربنا يخسف بيهم الأرض زي ما خسف بقارون وزي ما خسف قوم فرعون وزي ما أغرق قوم نوح

تخلص المرحلة دي ماجابتش نتيجة

يخش بقى في التهديدات الشديدة بقى اللي هي مش بس فيما بعد

لأ راح المدينة بقى كون جيش وبتاع وابتدى يهددهم بالسيف

ضرب الرقاب

في بداية الحروب هتلاقي إن القرآن بيتكلم عن الدفاع

وَقَاتِلُوا فِي سَبِيلِ اللَّهِ الَّذِينَ يُقَاتِلُونَكُمْ ( سورة البقرة الآية 190 )

أُذِنَ لِلَّذِينَ يُقَاتَلُونَ بِأَنَّهُمْ ظُلِمُوا ۚ وَإِنَّ اللَّهَ عَلَىٰ نَصْرِهِمْ لَقَدِيرٌ ( سورة الحج الآية 39 )

ولا تعتدوا في البداية كده

في المرحلة اللي بعد كده بتتمحي أخلاقيات الحرب دي خالص و بتبقى العملية تكتك

لو عايزين سلام اديهم سلام

هما جنحوا للسلم اجنح للسلم لكن لو انت اللي كسبان ماتعملش سلم

دي المرحلة المتوسطة

المرحلة الأخيرة بقى

لو عايز تعرف آخر مرحلة في القرآن أقرأ آخر سور القرآن

اقرأ المائدة ومحمد والتوبة

التوبة اللي هي المفروض آخر سور قبل بقى إيه إذا جاء نصر الله الفتح

اقرأ سورة التوبة بس كده هاتبص تلاقيها

ودي هانعملها حلقة كاملة

سورة التوبة دي عايزة حلقة كاملة هتلاقيها نازلة سخ مش بس في الكفار

هتلاقيها نازله سخ في الكفار وفي اليهود وفي المسيحين وفي الأعراب وفي المنافقين بتوع المدينة وفي المسلمين اللي مش عايزين يدفعوا الزكاة أو مش عايزين يجحدوا

يعني ماسبتش حد ماشتمتش فيه

يعني آخر سورة نازلة في القرآن نازلة تشتم في البشرية كلها

هانكمل حديث في الحلقة القادمة عن تناقضات القرآن وعن صورة الإنسان وصورة الإله وصورة الحياة بصفة عامة في القرآن


Download text file

Box of Islam 062

You may also like

حامد عبد الصمد -  التمييز والعنصرية في الإسلام
 [00:00:04] حامد عبد الصمد: أهلا بكم أصدقائي الأعزاء في حلقة جديدة من [...]
0 views
ملخص تاريخ الاسلام بداية ونهاية
لم يستجب ياأخوة لمحمد في مكةخلال 13 سنة من الدعوة لم يستجب لدعوته لم [...]
20 views
ندوة للاستاذ حامد عبد الصمد في المغرب بعنوان التنوير فوبيا (الجزء الاول)
احمد عصيد: مساء الخير, يُسعدنا أن يكون معكم في هذا اللقاء الفكري الذي [...]
18 views
مين اللى سرق مصر،الحلقه التاسعة عشر: دور العبادة في مصر
مين اللي سرق مصر مين اللي سرق مصر مين اللي سرق مصر مين اللي سرق مصر [...]
7 views
مين اللى سرق مصر، الحلقة الثامنة عشر: إسلام التصدير وإسلام التكفير
مين اللي سرق مصر مين اللي سرق مصر مين اللي سرق مصر مين اللي سرق مصر [...]
2 views
مين اللى سرق مصر، الحلقة السابعة عشر: الأزهر عامل زي سُوستة
مين اللي سرق مصر مين اللي سرق مصر مين اللي سرق مصر مين اللي سرق مصر [...]
4 views
مين اللى سرق مصر، الحلقة السادسة عشر: مأساة التعليم في مصر
مين اللي سرق مصر مين اللي سرق مصر مين اللي سرق مصر مين اللي سرق مصر [...]
4 views
مين اللى سرق مصر، الحلقة الخامسة عشر: خليك فاكر مصر جميلة
مين اللي سرق مصر مين اللي سرق مصر مين اللي سرق مصر مين اللي سرق مصر [...]
7 views
مين اللى سرق مصر، الحلقة الرابعة عشر: الإعجاز العلمي في البناء المصري الحديث.
انهارده عايز اكلمكم عن موضوع الإعجاز العلمي في البناء المصري طبعًا [...]
6 views
مين اللي سرق مصر، الحلقه الثانية عشر، البرفان والشعب القرفان
مين اللي سرق مصر مين اللي سرق مصر مين اللي سرق مصر مين اللي سرق مصر [...]
3 views

Page 1 of 14

اترك تعليقاً