مين اللي سرق مصر
مين اللي سرق مصر
مين اللي سرق مصر
مين اللي سرق مصر
مين اللي سرق مصر
المسرحية دي عمرها 30 سنة
سهير البدري و حسن عابدين سألوا على مسرح مسرحية على الرصيف مين اللي سرق مصر و من ساعتها لحد دلوقتى مش لاقين اجابة أو كل واحد بيلاقي اجابة سطحية
يقولك مبارك هو اللي سرق مصر
حسين سالم هو اللي سرق مصر
رجال الأعمال هما اللي سرقوا مصر
الانفتاح هو اللي ضيع مصر
الانفتاح مبيضيعش بلد الانغلاق هو اللي بيضيع بلد
اللي سرق مصر فكر
اللي سرق مصر اسلوب حياة
اللي سرق مصر هو للي نزعها من دورها التاريخي بعد ما مصر كانت ثقافة و حضارة 7000 سنة
بعد ما كانت بتأثر في كل الدول العربية سياسيًا و اقتصارديًا و اجتماعيًا و فنيًا على كل المستويات
بقت لعبة في ايد بعض الدويلات اللي عمرها لا يتجاوز 70 أو 80 سنة اللي مكنش ليها اي دور في التاريخ
مصر كانت شخصية ثابتة بثبات النيل بثبات دولة مصر اللي هي اقدم دولة في التاريخ
دولة استخدمت الزراعة و الصناعة و الطب و الفن كان فيها قضاء
أول دولة كان فيها قاضية ست
كان فيها حاكمة و ملكة ست
دلوقتي بيحصل فيها ده
مش راجل هو اللي ممكن يضيع كل دة
الشخصية المصرية اتسرقت
الشخصية المصرية اللي كانت معروفه بالبشاشة و خفة الدم اللي بقت متجهمة
الشخصية المصرية اللي كانت معروفه بالتسامح و التعايش بقت دلوقتي تكره جيرانها عشان دينهم مختلف
الشخصية المصرية اللي كانت بتقول كله الا الحرام أو ربنا يغنيها بالحلال
دلوقت كل واحد ايده في جيب التاني
ايه اللي غير ده
فاكرين الست منى ؟
اللي هي فتاة العربه
اللي الاعلام احتفل بيها على اكبر مستوي
علشان ست طيبة بتجر عربية و بتشتغل و بتاكل من عرق جبينها
دي كانت الشخصية المصرية العادية اللي مكانتش حاجة تستحق الاعلام ده كله و رئيس الجمهورية يستقبلها في القصر الجمهوري
دي كانت الشخصية المصرية
بنحتفل بيها دلوقتي عشان معدش منها
عشان بقت نادرة
انا كنت قاعد مع صديق ليا اسمه اسامة جمال و هو يعني راجل محترم و بيحاول يكتب عن مصر و اعلام مصر يعني
و بنسأل اية اللي حصل لمصر و مين اللي سرق مصر
و هو دة اللي هحاول اقدمهلكم في سلسلة الحلقات دي
ايه اللي غير الشخصية المصرية ؟
الشخصية اللي كانت اجتماعية و دلوقت بتقول انا رئيس جمهورية نفسة
الشخصية اللي كانت تقدس العمل و الحرفية و الفن
و دلوقتي تؤمن بالبلطجة و ثقافة الغزو و ثقافة القنص
هنشوف كل ده في مجموعة الحلقات القادمة
تابعونا ……..
Download text file
You may also like
