مين اللي سرق مصر
مين اللي سرق مصر
مين اللي سرق مصر
مين اللي سرق مصر
مين اللي سرق مصر
هنتكلم عن مأساة التعليم في مصر
التعليم في مصر مأساة كبيرة جدًا
أنا فاكر و أنا في المدرسة الكلام طبعًا مش جيد
طول عمره مأساة من ساعة على الأقل ما أنا وعيت على الدنيا
أنا فاكر وأنا طفل في نشيد بناخده في المدرسة أنا كنت بكرهه جدًا و كان بيوريني نفاق التعليم المصري من وأنا لسة طفل
النشيد كان يقولك اية : صباح الخير مدرستي صباح الخير و النور اشتقت اليك في أمسي فزاد اليوم تبكري
يعني أنا صباح الخير يا مدرستي من كتر اشتياقي ليكي جايلك بدري عن معاد الجرس
و ده طبعًا أنا دايمًا باجي متأخر و مش طايق أروح المرسة
و مش طايق المدرسين و حاسس انك مبتتعلمش حاجة مفيدة
حاسس انك بتكرر و الملل
احنا عندنا صورة كده ايه
الكلام المكتوب على سور المدرسة و العلم مش عارف اية
و اطلبوا العلم ولو في الصين
الشعارات اللي مبنطبقوش على أرض الواقع
الشعارات اللي الدولة مبتتبنهاش
يعني بنستخدم الشعارات دي كتير بس مبنفذهاش على ارض الواقع
شعار أذكى طفل في العالم و المصريين بتاع الاعدادية اللي اخترع طياره بتمشي بقش الرز
و لا مش عارف عمل صاروخ أرض ارض جو و هيدمر الأسطول السادس الامريكي
حاجات كده اية في الهفء في الهوا
و طالبة الثانوية العامة المحجبة اللي حطمت نظرية اينشتين و اثبتت وجود الله
حاجات , عمال تقرا حاجات زي كده و تقول هو ده نتاج بقي نتاج التعليم المصري
فين ترجمة ده على أرض الواقع , فين الابداع , فين ال…؟
إن مصر يعني . فين براءة الاختراعات اللي فيها ؟.
فين عالميًا فين المنتجات اللي مصر بتصدرها لهذا ؟ مفيش
المأساة بتقول بقي في بالنسبة لمنتدى الاقتصاد العالمي كان عامل جدول اية الدول المتقدمة في التعليم و اية الدول اللي تعليمها فاشل
مصر بعون الله المرتبة قبل الاخيرة
المرتبة قبل الأخيرة من حيث جودة التعليم و كفأته و تناسبة مع الحياة العصرية
يعني احنا بنضيع وقتنا 16 سنة لحد ما نخلص جامعة في معظم الاوقات في كلام ملوش لازمة
ثقافة تلقين , ثقافة تخويف , ثقافة تمجيد الذات , مبتعلمش الناس الكفاءات , مبتعلمش الناس skills , مبتعلمش ازاي بفكر بتفكير حر , مبتعلمش ازاي يتاخد قرار , مبتعلمش ازاي يعمل مع مجموعة
اللي هي المقومات اللي بتخلق شخصية منتجة
انت بتعلمه إن احنا بنو عبس و نحن مش عارف اية
و تاخد قصايد يعني في قصيدة عربية بيقولك فيها اية بقي
نشرب ان وردنا الماء صفوا و يشرب غيرنا كدرًا و طينًا
انت تقف قدام القصيدة تقول اولاً أنا بدرس دي لية
ثانيًا يعني اية نشرب صفوا و غيرنا ..
طب ما تسيب التانين يشربوا اية المشكلة في دي يعني
يعني دايمًا الثقافة دي هتلاقيها في التعليم المصري على طول
زي قصيدة الجاهلية بالظبط اللي هي تبدأ بالبكاء على الاطلال ثم مدح القبيلة و بعدين ذم قبائل الاخرين
ده هتلاقية في كتاب التاريخ كده هتلاقية في كتاب الجغرافيا كده هتلاقية في كتاب التربية الوطنية كده
إن لازم انت تتباكي على اطلال الماضي و بعدين يعد كدة تمجد ذاتك اوي و تنفخها اوي و احنا اللي دهنا الهوا دوكو
و بعدين التانين الغرب الكافر الغرب ابن الذين و هو اللي عمل فينا و الاستعمار وقبل الاستعمار الحروب الصليبية
و دلوقتي النير و البراليزم
المهم الدنيا كلها هي الازمة و هي المشكلة و عبي بقي في دماغ الطفل و حفظه و ياريت تحفظه جزء عامة هو عنده 3 سنين و تحفظه تلت القرآن و هو عنده 8 سنين و تحشي دماغه بحاجات ميقدرش دماغه يستوعبها ميقدرش يفهمها فابيحجز مساحات في مخه
بيحجز مساحات في مخه يحتاجها هو للإبداع
يحتاجها هو للتفكير
فانت بتقفل علية الطريق
فا ثقافة التعليم في مصر طبعًا واضح من الدولة إن مش عايزين
انا اللي ايقنته كده
لا حسني مبارك كان عايز تعليم كويس و لا الإخوان كانوا عايزين تعليم كويس و لا السيسي و ادارته عايزين تعليم كويس دا اللي انا شايفه
إن دا مش اولويه من اولويات التعليم
إن الإنسان اللي مبيفكرش يتحكم بسهولة و الإنسان اللي بيكفر بيتمرد و بيطرح اسئلة
و ده ولا الإسلامين عايزينوا ولا العلمانيين اللي بيدعوا إن هما ديموقراطين عايزينوا
Download text file
You may also like
