مين اللي سرق مصر
مين اللي سرق مصر
مين اللي سرق مصر
مين اللي سرق مصر
مين اللي سرق مصر
لما الست منى اللي هي فتاة العربة بيستقبلها رئيس الجمهورية و يقولها انتي عايزة اية قالتة ربنا يسترها بالحلال
مش عايزة غير الستر
المبدأ ده كان من مبادئ المصريين المتأصل
حد الله ما بيني و بين الحرام
لقمة هنية تكفي ميه
فكرة الحلال كانت عند المصري مهمة جدًا انة ميحطش إيده في جيب حد
إنه ياكل من عرق جبينه
الكلمة دي مصرية صميمة , إنه ياكل من عرق جبينه
المصري طول عمره من أيام الفراعنة و هو بيشتغل و يكدح و يجري على أكل عيشه
فكرة البلطجة و الكسب السريع و الفهلوه و الالبندا حاجات جديدة طارئة على الشخصية المصرية مش من صميم الشخصية المصرية
الصناعات المصرية , الطب , الزراعة , كل حاجة ممكن تتخيلها في التاريخ , الكتابة مثلاً المصريين هما اللي ابتكروها عشان المصري ذكي بطبيعته و بيفكر و عشان إن هو بيحب ينتج
حب الإنتاج كانت من أهم الصفات اللي خلي المصريين في أيام الراعنة هما في زعامة الأمم
و بعدين جاتلهم ثقافة جديدة
ثقافة لا تنتج , ثقافة تعتمد في إقتصادها على الجزية , على الغزو , على السبي , على بيع العبيد
الإقتصاد الإسلامي اللي دخل مصر , دخل من هذا المنطلق
حد ممكن يقولي من التاريخ
العرب اللي جم مصر كانوا بيشتغلوا اية في مصر ؟
انتجوا اية في مصر ؟ بنوا اية في مصر ؟ العرب
مانتجوش حاجة
كانوا بياخدوا الغلال و بياخدوا الخِراج من المسلمين اللي آمنوا و المصريين اللي آمنوا بالإسلام
و الأقباط اللي مامنوش كانوا بيدفعوا أكتر عشان الجزية
ادي الثقافة اللي فيما بعد ولدت ثقافة البلطجة
ان أنا مادام عندي سلاح و عندي سطوة أروح اغير عليك , أخد حقك , أخد عرقك و اعتبر دة كمان شىء جميل
أنا اصبوا علية كلمة جهاد في سبيل الله كمان
تبقي حاجة جميلة جدًا
البلطجي ثقافته كده
إن هو معندوش أي مهنة
معندوش أي حرفة , معندوش أي قدرة على الإنتاج بس عنده حتة سلاح
يبقي يروح يسطو على بني آدم , ياخد فلوسه أو يسرق عربيته
أنا واحد صاحبي بيحكيلي قصة زميل ليه عربيته اتسرقت
عربيته اتسرقت
فا اللي سوقوا عربيته بيتصلوا بيه في التليفون عشا يساوموه
فقالوله تدفع كذا الف جنية نجيبلك العربية
فالراجل طبعًا عايز عربيته فقالهم طب أنا هدفع بس ايش ضمني إن أنا لو دفعتلكوا الفلوس إن العربية ترجعلي
قالوله عيب يا أستاذ احنا بنفهم في الأصول
اللي سارقين عربيته بيفهموا في الأصول
السرقة اصبحت عندهم من الأصول
مش شايفين اي تناقض أبدًا بين السرقة و بين إن الإنسان يكون شهم و كريم و يحافظ على كلمته
دي من البجاحة الجديدة اللي مش من طبيعة المصريين اصلاً
لما بسأل مين اللي سرق مصر مبقولش كده عشان اشتم في حد أو عشان اضايق حد
انا بقول من اللي سرق مصر عشان كل واحد يفكر
عشان نفسي مصر بتاعت زمان ترجع
و مش هترجع غير لما نجاوب على السؤال دة
مين اللي سرق مصر
Download text file
You may also like
