مين اللي سرق مصر
مين اللي سرق مصر
مين اللي سرق مصر
مين اللي سرق مصر
مين اللي سرق مصر
كل اللي درسوا الشخصية المصرية من أيام هيروديت لحد الدكتور جمال حمدان شايفين إن الشخصية المصرية ركيزة من ركائزها هي السماحة و التسامح
الخجل و إن الإنسان يكون دمث الخلق
يكون عنده خجل , عنده حياء , عنده احترام لمحيطه
عنده قدرة رائعة على التسامح و التعايش مع اطياف
و مصر اثبتت عبر التاريخ إنها قادرة على امتصاص أي حضارة تدخلها وأي دين يدخل
كان يدخل يتمصر
اللي بيحصل في السنين الأخيرة هو التحول من السماحة للبجاحة
عارفين البجاحة؟
البجاحة مش بس إنك تظلم انسان و لكن إنك تعتبر ظلمك ليه عدل و إنك تمنع عليه إن هو يقاوم الظلم
دي البجاحة
في مشهد رائع جدًا من السينما المصرية من فيلم رايا و سكينة
الفنانة نجمة إبراهيم واخدة ضحية من ضحايا رايا و سكينة و بتخنقها و بتموتها عشان تسرق السيغة بتاعتها
فا و هي بتخنقها الست دي عضتها
فا طالعة هي من البدروم بعد ما خنقتها و طالعة بتقول بنت الحرام عضتني في إيدي تقولش عدوتها
هي دي البجاحة بالظبط
إنك إنت لا تتوقع من اللي انت بظلمه اللي انت بتتعدي عليه انه يتذمر
انه حتى يشتكي من الظلم
تلاقي الحرامي و هو بيسرقك يقولك دا حقي
بيسرقك و يقولك دا حقي
تلاقي جاي غازيك من الدول من الصحراء و يقولك دا انا اخرجتك من الظلمات الى النور
تلاقيه سرق خير مصر كله و وداه خير مصر اللي كان للمصريين خده وداه للمدينة , واده لمكة , وداه للصحراء و يقولك دانا نورتك
نورتني ازاي ؟ علمتني اية انت
انا كمصري يا عربي ياللي جيت علمتني ايه؟ انت نورتني في اية ؟
مصر بقت أغني لما انت جيت ولا ازدادت فقرًا لا انت كنت بتاخد محاصيلها
هي دي البجاحة
البجاحة انك تقول للقبطي أو للبهائي أو الشيعي احمد ربنا إن أنا سايبك تعيش
أو اللي مش عاجبة يروح كندا
البجاحة دي تأثر بيها الخطاب الديني أيام الإخوان لما كانوا ماسكين الحكم في فترة كدة و يقولك غزوة الصناديق
و يجي الشيخ عبدالله بدر يشتم و يقولك كم رجل اعتلاكي و يشتم في …. ثقافة الغوغائية
هي دي البجاحة اللي جديد على فعلاً على مصر
إن الظلم طول عمره موجود , لكن اللي مكنش موجود الظلم بالبجاحة
إني اظلمك و اسلب حقوقك و اسرقك و في الوقت نفسة استني منك إنك بس متقاومش
لا , إنك تدين ليا بالعرفان
إن أنا اخد من المرأة كل حقوقها بعد ما كانت قاضية أيام الفراعنة و بعد ما كانت ملكة و بعد ما كانت لها كل الحقوق , كان ممكن تطلق نفسها و اجي و أقولها الإسلام كرم المرأة
هو كده , بلطجة , بجاحة
Download text file
You may also like
