مين اللي سرق مصر، الحلقة الرابعة، ، دول الفراعنة الكفرة

مين اللي سرق مصر

في مثل شعبي في مصر بيستخدم بيحط من قيمة الحضارة الفرعونية

يقولك اللي تحسبوا موسى يطلع فرعون

يعني كدة اي حاجة ليها علاقة بالفراعنة بالظلم لها علاقة بالكفر لها علاقة بأشياء سيئة و السلام

صديق مغربي كان في زيارة زيارته الأولي لمصر حكالي قصة غريبة من وجهة نظره بس للأسف شوفتها كتير

الراجل اخد لا مؤخذة حانطور وراح عشان يعني يتفسح حوالين الأهرامات

فالراجل اللي بيسوق بيه الحانظور بيورله الآثار و مش عارف اية و بتاع

فا الراجل دة كان مبسوط بإنتاج الحضارة المصرية

فالتاني المصري يرد عليه و يقوله دول كفرة

دي اصنام

فا الراجل المغربي غار على حضارة مصر و ثقافة مصر

و قاله انت ازاي تقول كده على جدودك اللي انت عايش من خيرهم لحد انهاردة

انت لولا الإنتاج اللي عملوه الفراعنة انت مكنش هيبقي عندك حانطور انهاردة و مكنش هيبقي لية اي قيمة

العقلية دي أنا شوفتها كذا مرة

أنا مرة كنت في الأقصر و كان في مرشد سياحي ماسك عصاية و بيشاور بيها للسياح على الجدران و بيحك بالعصاية على الجدران

سائحة هولندية وقفته و قالتله لازم تحترم تراثك و ثقافتك ازاي تجرح في جدران معبدك

انا حسيت اني مكسوف من نفسي كمصري و انا واقف بتفرج علمشهد ده إن الهولنديين عايزين يحافظوا على تراثنا و اخنا معدناش مهتمين بيه , و احنا معدناش بنحترمه

دا بقي ليه قصة طويلة جدًا قصة طويلة جدًا من ساعة العرب ما جم غزوا مصر

و مش معترفين بقي لا باهرام و لا تراث فرعوني ولا بالكلام ده كله

اي حاجة مفيهاش إسلام لا يعترفوا بيها

هيقولك طب هما لية المسلمين محطموش الاهرامات

حاولوا , الخليفة المأمون حاول يكسر الأهرامات بس ملقاش ايدي عاملة كفاية انها تقدر تعمل الحاجات دي كلة

محمد صائم الدهر في القرن ال15 شاف إن ابو الهول ده صنم و حب إن هو يضربوا بالمنجنيق وكسر مناخيره

طبعًا احنا بعد كده قالوا إن نابليون هو اللي عمل كده

نابليون اللي جاب معاه بعثة علمية لبحث تاريخ مصر , لفك رموز اللغة الفرعونية القديمة ,اللي بيحترموا اثارنا لحد انهاردة و بيرممولنا الموميات بتاعتنا في المعابد بتاعتهم قولنا ده ضرب ابو الهول بالمنجنيق قال اية يعني علشان غيران من عظمتة

كلام فارغ و هو ده بالظبط و هي دي الثقافة بالظبط اللي بنتعامل بيها في التعامل مع التراث

ان احنا نسينا تراثنا الفرعوني

صدقنا اللي قالوا ان الإسلام اخرجنا من الظلمات إلى النور

و صدقنا ان الإسلام جه و كرم المرأة بعد ما كانت المرأة الفرعونية ليها مكانة غير مسبوقة في التاريخ و هنتكلم عن الموضوع ده في الحلقات القادمة

Download text file

Who stole Egypt? 04