سؤال جرئ 28 مسيحيون من خلفية إسلامية: الأخ صادق عبد المسيح

الاخ رشيد : احبائنا المشاهدين نحيكم بتحية الانجيل سلام ، نرحب بكم في هذه الحلقة الجديدة من سؤال جرئ . حلقة اليوم مع ضيف جديد احد الذين تركوا الاسلام منذ مدة ليست بقصيرة نرحب بك الاخ صادق عبد المسيح نشكرك على المجئ وعلى تخصيص هذا الوقت للبرنامج ولمشاهدينا
الاخ صادق : انا بأشكر الرب انه اعطاني هذه الفرصة الحلوة واحب اقول هنا على القناة الارامية ها اشهد بِكََم صنع الرب فيّ ، انقذني من الظلمة الى النور وبدم صليبه وهبني حياة ابدية كل ده ها اشهد به على القناة الارامية
الاخ رشيد : اشكرك موضوعنا سيكون عن جزء من شهادة الاخ صادق عبد المسيح طبعا لا نستطيع تغطية كل تفاصيلها لان الوقت لا يكفي لهذا لكن سنتطرق الى اهم المحطات واهم الاسئلة والتي نتمنى ان نناقشها معا ضيف ومضيف ومشاهدين قبل ان نبدأ اتوجه بشكري لكل من كتب لنا او ترك رسالة صوتية او علق على البرنامج واقترح او حتى الذين قالوا فينا كلام غير لائق لكم جميعا منا كل الشكر وكل البركة اختارنا لكم باقة متنوعة مما ورد لنا في المسجل الآلي للبرنامج نتابعها جميعا
: هل يوجد دين او اي مذهب يأمر بقتل تاركه غير الاسلام ؟ السؤال ده مهم جداً ولماذا يأمر محمد بقتل من يترك الاسلام وهل اله يرضى بموت الخاطي ؟ ام لا يرضى بموت الخاطي المفروض عندنا الله بيحب كل الناس ويحب الخطاة ان يتوبوا و يرجعوا ولا يرضى بموت الخاطي فكيف لإله يأمر بقتل المرتد ؟
: اسمي طارق من اسبانيا اساسا مغربي كنت في اشهر قليلة ابحث عن النور والان مش عارف اقول موضوعي كان على لفظة الله الغير موجوده في اي كلمة عربية والكثير من المواضيع الاسلامية التي جعلتني اترك الاسلام اصبح شخص علماني غير ديني مبتعد عن كل الاديان
: اتفوه على البرنامج اطفوا البرنامج الخزي والعار كل من الذين يقدمون في البرنامج من احمد والتاني رشيد الزفت
: مرحب الاخ رشيد انا جنان من هولاندا احنا نشكرك على هذا البرنامج الرائع واحنا كلنا المؤمنين في هولندا نصلي لاجل هذا البرنامج
: زعلان جدا ان دي ثالث مرة اخش على الاستوديو وكل مرة اول ما اخش على الاستوديو يتقفل الخط انا اسمي يوسف كذا مرة دخلت ودي طريقة مش ظريفة ان انتم تستقبلوا بيها الناس غيورين على الايمان
: مساء الخير سولا وبأتصل من مصر بس انا عايزة اعرف دلوقتي ليه لما السيد المسيح عمل كل المعجزات دي وعمل كل الحاجات الممتازة دي ازاي يقال على نبي الاسلام انه اشرف خلق الله واشرف المرسلين هل معنى كده ان السيد المسيح مش شريف والانبياء اللي قبله مش شرفاء
: انا عبد الغني من الجزائر بدي اسأل سؤال عن حقوق المرأة في الاسلام ، حقوق المرأة في الاسلام الرسول صلى الله عليه اول من حررهم الدين الاسلامي اول من حرر الانسان هو الرسول صلى الله عليه وسلم ودين الاسلام والسؤال الثاني هو الرسول صلى الله عليه وسلم لم ينطق بكلمة واحدة بسب او شتم اي رسول ولا اي نبي ولا اي دين اسلامي او مسيحي او دين تاني هو يحترم كل الديانات
: احب برضه اكلمكم بخصوص انا كنت مسلم زي ما الرب خلقنا فما ذنب السفية من جدة الى مكة الى زمزم من تحلية المياه من مياه البحر اما مياه زمزم قد انتهت هذه المعلومية لازم يعرفها الاخ رشيد بأن مياه زمزم قد انتهت من زمان
: انا كوردي اسمي خبادجان كنت بس اريد اقول ان الرب يلمس القلوب حتى الاكراد واحنا هون حوالي 50 شخص امنا بالرب
الاخ رشيد : مشاهدينا الكرام نقرأ عليكم ايضا رسالة واحدة من احد مشاهدينا اسمه ايمن الزيدي وبعث بالرسالة التالية يقول ” السام عليك ” وليس السلام ” السام عليك ايها الحقير رشيد والله اتمنى لك الموت لانك قد تماديت كثيرا في الطعن في الاسلام ونبيه محمد من كل قلبي الموت لك لانك مرتد ” واقول لك اخ ايمن الزيدي ولهذا انا ادعوك ان تترك الدين الذي يجعلك تشعر بأنك تريد قتل من ينتقد دينك وتتبع السيد الذي حررني وجعلني احب كل من يريد قتلتي وكل من يلعني وكل من يقول في اي كلمة شريرة اتمنى لك انا البركة بالمقابل واتمنى لك الحياة ، نبدأ موضوعنا لهذه الحلقة الاخ صادق عبد المسيح اولا تعودنا انه تعطينا خلفية من يكون صادق عبد المسيح حتى نتعرف عليك اولا ويتعرف عليك المشاهدون
الاخ صادق : ” اهلا وسهلا اختباري في ثلاث نقاط النقطة الاولى شريعة كنت اصدقها ، رؤيه لم اكن انتظرها ، امورا لم اكن افهمها يبدأ اختباري بالفصل الاول او بالقول الاول شريعة كنت اصدقها انا كان اسمي صديق محمود وبأقول كده في الملكوت اسمي مش موجود في رؤية جالي الرب يسوع اخذني وسقاني من الينبوع ده عن الرؤية لكن ايماني وانا كنت مسلم كنت اؤمن بتلك الاقاويل القرآنية مثلا علشان اي حد بيسمعني يعرف ان انا كنت فعلا مسلم حقيقي ومؤمن بالاسلام ومصدق بكل ما قيل في القرآن او في الشريعة القرآن بيقول ” ان الله اصطفى لكم الدين فلا تموتن إلا وانتم مسلمون” سورة البقرة 132 كنت اؤمن ايضا ان احنا المسلمين كقول القرآن ” كنتم خير امة اخرجت للناس” سورة آل عمران 110 وكنت بأحط ربنا رب الاسلام مع محمد في كفة ميزان واحد فكنت اؤمن بالقول “من يطع الرسول فقد اطاع الله” سورة النساء 80 كنت اؤمن عن المسيح عيسى ابن مريم انه “ما قتلوه وما صلبوه ولكن شبه لهم” سورة النساء 157 وكنت اؤمن ايضا بالقول الذي قال” لقد كفر الذين قالوا بأن الله ثالث ثلاثة وما من إله إلا إله واحد ” سور المائدة 73 واقوال اخرى لكن انهيها بهذا القول ” ومن يرتد منكم عن دينه فيمت وهو كافر” سورة البقرة 217 كنت اؤمن فعلا ان اي واحد يسيب الاسلام كان يستحق الموت ومش كده وبس انا كنت بأبشر ناس مسيحيين بالدين الاسلامي ليه
الاخ رشيد : هل كنت في اسرة متدينة او اسرة مسلمة عادية
الاخ صادق : لا كنت في اسرة مسلمة ومتدينة ايضا كان عمي وانا صغير كان عندي 8 سنين و9 سنين يسحبني معاه ويأخذني معاه الجامع وكنت متربي في منطقة اسمها مصر القديمة ومصر القديمة دي مشهورة بالناس المتمسكين دينيا او فيها بعض كثير من الجماعات الاسلامية فكنت حتى بأروح جامع اسمه جامع ابو جاموس لان اللي بنوا الجامع جماعة عائلة اسمها عائلة ابو جاموس وكان الشيخ يعلمنا في الجامع يقول لنا ان المسلم اللي يجيب واحد نصراني الى دين الله الواحد يبنى له قصر بجوار قصر الرسول فأنا كنت كتير احب اني اسكن بجنب الرسول علشان مثلا اشوف الرسول واشوف نساء الرسول واخذ بركة الرسول وحاجات زي كده فكنت دايما عمال اكلم الناس اللي هم المسيحيين جيراننا دول وكنت اقول لهم عن محمد وعن غزوات محمد واقول لهم شوفوا ازاي الاسلام علي وبقى كتير ده بسبب ان احنا ناس نشطه وناس بنكلم الناس عن الاسلام ناس مش نايمين ناس عارفين الرسالة بتاعتنا ايه
الاخ رشيد : انت تحاول دعوة جيرانك المسيحيين
الاخ صادق : اه ادعوهم الى الاسلام
الاخ رشيد : حتى تأخذ قصر
الاخ صادق : بجوار قصر الرسول زي ما قال لنا عم الشيخ وكمان الشيخ كان يقول لنا في جامع ابو جاموس في مصر القديمة إذا تبول على ثوبك كلب اغسل ثوبك عشر مرات ولكن ان تبول على ثوبك نصراني فاغسل ثوبك 40 مرة فكان بيصور لنا يا اخ رشيد الشيخ ان النصراني المسيحي ده شئ نجس
الاخ رشيد : انجس من الكلب
الاخ صادق : اه الكلب احسن منه بـ 30 درجة فكل دي كانت بتحملني مسئولية نحو الناس المسيحيين جيراننا دول انا بأحبهم ليه ما اجبهمش معايا للاسلام إذا ان النصرانية بهذا الانحطاط وانهم نهايتهم نار جهنم ونار سعيرة فليه انا ما اجبش الناس اللي باحبها دي وادعوها الى لاسلام لما كنت بأبشرهم بالاسلام كانوا يقولوا لي كلمة يقولوا كل واحد على دينه الله يعينه انا فكرتها ان دي موجوده في الكتاب المقدس عندهم لان انا اقول لهم عن عيسى ابن مريم ما قتلوه وما صلبوه وانما الدين عند الله الاسلام شوفوا ربنا زمان مثلا بعت سيدنا موسى ، سيدنا موسى جه ما نفعش ما قدرش يقوم بالرسالة كاملة راح بعت سيدنا عيسى ربنا ما نفعش راح بعت سيدنا محمد مسك السيف ونفع واخد بال حضرتك برضه كانوا يقولوا لي احنا مش ها نؤمن بالاسلام وانت رجل مسلم ومش ها تؤمن بالمسيحية انت خليك في دينك واحنا خلينا في ديننا وده الجواب اللي دايما للاسف بيقدموه المسيحيين في مصر لاي واحد مسلم بيدعوهم للاسلام
الاخ رشيد : هم مساكين ماذا يعملون وتحت سيطرة الاغلبية المسلمة
الاخ صادق : مضبوط لكن يا اخ رشيد الحبيب الكتاب المقدس بيقول كونوا مستعدين دائما لمجاوبة كل من يسألكم عن سبب الرجاء الذي فيكم ما حدش ابدا قال لي يا صديق محمود المسيح بيحبك ما حدش ابدا قال لي ده المسيح مات لاجلك على عود الصليب
الاخ رشيد : لكن يمكن هم كانوا ناس بسطاء وطالبين بس يعيشوا بسلام ده كان مطلبهم الاساسي
الاخ صادق : ده مضبوط زي ما حضرتك قلت وفعلا هما كانوا بهذه الصورة صدقني لكن لما ربنا لقى الناس ساكته ابتدا ربنا هو يتكلم فتكلم الي ، إزاي بقى ؟ اللي حصل ان انا في ليلة 17 / 4 / 1967 يعني بهذا التاريخ النهاردة بقى لي اشكر الرب يسوع 40 سنه واكثر من 4 شهور مع الرب يسوع المسيح وصدقني بأشعر يا اخ رشيد ان كأنهم 4 اسابيع او 4 ايام من حلاوة الرب يسوع وعظمته بأدعو كل مسلم انه يحاول يتعرف بالرب يسوع المسيح يتعرف بالحبيب اللي مات لاجله على عود الصليب شفت انا الرؤية اللي الرب دعاني اليها يا اخي رشيد الحبيب كنت عند هؤلاء المسيحيين النصارى وكان عندهم صورة الرب يسوع بيخبط على الباب اللي هي موجوده في سفر الرؤيا الاصحاح الثالث ها انا ذا واقف عاى الباب واقرع وقلت لهم يا جماعة مما يدل على انكم ناس عايشين في خيال من 2000 سنة وشوية زمان ما كانش فيه كاميرات تصوير ازاي جايبين صورة للمسيح وتقولون ان هو ده المسيح واخد بال حضرتك في نفس الليلة لما روحت البيت وجيت علشان انام بالليل بعد حوالي الساعة 12 وكنت نايم في حجرة لوحدي لان زوجتي ما كانتش بتشتغل وكان عندي بنت صغيرة وكانت بتنام بيها دائما في اوضة لوحدها وإذا بالرب يوريني هذه الرؤية العظيمة الجميلة الرؤيا دي اللي بيقول عنها الرب يسوع المسيح في انجيل يوحنا والاصحاح العاشر ولي خراف اخر ليست من هذه الحظيرة ينبغي ان اتي بتلك ايضا فتسمع صوتي وتكون رعية واحدة وراع واحد واللي بيقول عنها ايضا سفر المزامير مزمور 113 والعدد 7 ، 8 الرافع المسكين من التراب ورافع البائس من المزبله ليجلسه مع اشراف مع اشراف شعبه فكلام الكتاب المقدس بيتحقق فينا احنا المتنصرين احنا اللي جايين من بعيد بيتحقق في شخصك يا اخ رشيد شوف انت جاي من المغرب واخد بال حضرتك وانا جاي من مصر وناس كتير جت من السعودية وناس كتير جت من ايران وها يجوا من كل القبائل ومن كل الامم والشعوب ويتكئوا في حضن ابراهيم واسحاق ويعقوب فنشكر الرب ان كلام الكتاب المقدس بيتحقق وبيتحقق ليس بالقوة ولا بالعنف وله اسلم من في السموات والارض طوعا او كرها لا يا اخويا الحبيب المسيح فاتح ايديه وبيقول”تعالوا الي يا جميع المتعبين وثقيلي الاحمال وانا اريحكم ” الرؤية لما شفتها الرب وراني لما دخلت علشان انام وكانت عيني مش مغمضة وصاحي وباصص بعني لسقف الاوضه شفت ان انا نايم في جبل والجبل عامل دراعى الشمال زي مخده كده وإذا بي اشعر ان إيد حلوة حنونه بتربت على كتفي اليمين لاني كنت نايم على جنبي الشمال فبصيت فوق مني كده فإذا بي ارى الحلو العظيم اللي بيقول عنه القرآن عندنا وانا ماكنتش واخد بالي ان “عيسى ابن مريم وجيها في الدنيا والاخرة ومن المقربين” كمان الانجيل بيقول عنه ان هو ابرع جمالا من جميع بني البشر شفت هذا العظيم الجميل العظيم اللي كنت يا ما كتير اشوف عربية الموتى وعليها الصليب وملاكين ماسكين الصليب من فوق فكنت ابص من بلكونة عمتي في مصر القديمة في شارع بهاء الدين زهير كان في مدافن للاقباط الروم و الكاثوليك قريبه من بيت عمتي و كنت ابصق على الصليب او على العربيه وهي مارة من تحت البلكونة وابقى مبسوط جدا ان انا بأبصق على الصليب ، ليه لأن الكتاب المقدس بيعرف وبيوضح صديق محمود محمد ده مين في 1 كورنثوس 1 : 18 فيقول “فان كلمة الصليب عند الهالكين جهالة أما عندنا نحن المخلصين فهي قوة الله “، ما كنتش عارف أنا هذه القوة ما كانش حد بيكلمني عن خلاص المسيح ، ما كانش حد بيقول لي الرب يسوع بيحبك يا صديق محمود ومات لأجلك على عود الصليب ما حدش بشرني خالص كنت المسيحيين إللي أعرفهم أكلمهم يخافوا كانت كل كلمتهم كل واحد على دينه الله يعينه هو ده اللي أخذته منهم سنين طويلة وأنا بأعرفهم لكن في الليلة دي لما بصيت ولقيت العظيم الحلو الرب يسوع فلما بصيت ولقيته كده بهذا الجمال حبيت إن أنا أقوم من على الأرض اللى أنا نايم عليها
الأخ رشيد : كل دي رؤيه
الأخ صادق : كل ده كان رؤيه وليس حلم ليه بأقول رؤيه لأن بعد إنتهاء الرؤيه ها أقول لك عن الحالة بتاعتي اللي كنت فيها ، فبصيت لقيت الحلو العظيم الرائع الأبرع جمالاً فحبيت أقوم من على الأرض لكن لقيت جسمي لاصق في الأرض ، الأرض دي الرمل دي زي ما قال مصطفي جحا في كتابه محنة العقل في الإسلام ، وصف الإسلام بأنه مثل الكلس والكلس ده الطبقة الثالثة من أسفل التراب فأنا كنت نايم على هذا الكلس واخذ بالك على هذا التراب أو على هذا الرمل ، فلما الرب يسوع أنا حبيت أقوم و ماقدرتش يادوبك وهو واقف الرب يسوع مد لى إيده كده يادوبك لمست أول طرف صابعه ذي المرأة إللي لمست ثوبه وهي عندها نزيف لمدة 38 سنة فشفيت في الحال أول ما مسكت إيد الرب يسوع فقدرت أقف وقمت وبعد ما وقفت قعدت أتأمل في هذا العظيم هذا الجميل الأبرع جمالاً من جميع بني البشر ولما قعدت أتأمل فيه وفي محبته عرفت إن هو المسيح إفتكرت إن أنا خاطي وشرير وأسأت الى هذا الي هو قدامي شخص انسان في صورة إنسان هذا الجميل العظيم إساءة كبيرة لما كنت بأبصق على الصليب بتاعه ففكرت إنه هايؤذيني طبعاً ، ليه لأن أنا عايش في الإسلام عين بعين وسن بسن والبادئ أظلم وأنا وأخويا على إبن عمي وأنا وإبن عمي على الغريب لكن لقيت المحبة العظيمة إللي هو علمها لتلاميذه أحبوا أعدائكم باركوا لاعنيكم أحسنوا إلى مبغضيكم وصلوا لأجل الذين يسيئون إليكم لقيت في وداعتة ومحبته ما زعلنيش أو بص ليّ بتكشيرة كدة لكن كانت كل عنيه حنان وسلام مسكني الرب يسوع من إيده الشمال بإيده اليمين ومشي بيّ في الطريق ، لما مشي بيّ في الطريق كنت حاسس بسلام عجيب وفرح لا يُنطق به شعرت إنا مش ها يؤذيني بل من لمسة إيديه حاسيت إنه بيحبني شوف إنت لما يكون واحد بيحبك ويمشي معاك في الطريق يبقى بيمسكك ، لكن لو واحد عنيف ماسكك بعنف أو عاوز يسبب لك أذي أو يضربك أو يسيئ إليك بيبقى ماسكك بطريقة فيها عنف وفيها قوة لكن لأنه هو الله محبة لمسات إيديه كانت كلها محبة كانت كلها سرور كأنه بيقول لى لا تخف أيها القطيع الصغير ما تخافشي خليك ماشي معاي ، مشيت معاه الرب يسوع المسيح وإذا به عدى بي أربع تباب تلال صغيرة ، اللغة عندكم بيقولوا على التبة إيه
الأخ رشيد : تله
الأخ صادق : أربع تلال صغيرة ، بعد رابع تلة بصيت لقيت شجرة زي شجر الأرز بتاع لبنان وتحت الشجرة طبق مجدول من السعف الأخضر زي بتاع النخل والطبق مليان بالخبز والخبز طالع منه نور عظيم ، فاجج منه نور – فجوج – طالع منه نور عظيم أنا ما عمري شفت خبز طالع منه نور لكن أبوك يسوع بيقول أنا هو الخبز النازل من السماء ، الرب يسوع شاف إن أنا مشتهي إن آكل من هذا الخبز إزاي ، رحت أنا مادد إيدي الشمال اللي هي فاضية لأن الرب يسوع ماسكني من إيدي اليمين وحبيت أمد إيدي على الطبق وآخذ من الخبز الموجود في الطبق لكن كل جسمي قشعر وما قدرتش أمد إيدي أو آخذ من الخبز راح الرب بإبتسامة مايل على الطبق وراح جايب واحد من الخبز وراح كاسر وبعد ما كسر كسر لقمة صغيرة وراح حاطط لي في بقي من الخبز اللي طالع منه هذا النور بعد كده خادني ومشي ومسكني من إيدي الشمال بعد ما كان ماسكني من إيدي اليمين وماشينا في الطريق لغاية في الجبل ما شفت والرب وراني نهر أبيض رايق شفاف كأنه بلوري القاع بتاع النهر باين أصفر ذي الذهب الرملة يتاعت النهر والميه فوق بيضاء ذي الفضة فكان لون
الأخ رشيد : كل ده في الرؤيه
الأخ صادق : آه في الرؤيه وبعد ماوقفنا عند حافة النهر وخلصت بقية الخبز المقدس إللي الرب مدهوني ، راح الرب مايل على النهر وراح مالي إيده ميه ورافعها لي لقيت هنا في آخر كفة إيده هنا ثقب المسمار إللي قال عنه أشعياء 53 مجروح لأجل معاصينا مسحوق لأجل آثامنا تأديب سلامنا عليه وبحبره شفينا واللي قال عنه يوحنا 3 : 16 هكذا أحب الله العالم لكي لا يهلك كل من يؤمن به بل تكون له الحياة الأبدية ، الرب يسوع بعد ما ميل على النهر وملأ إيده مياه الدم كإنه لسة مجروح دلوقتي لدرجة الدم سيطر على لون الميه فبقت الميه كلها حمراء والرب يسوع رفع إيده بالدم لقيت نفسي بأشرب من إيد حبيبك وحبيبي يسوع
الأخ رشيد : معلهش خليني أقاطعك لأنه لازم نختصر شوية لأن الوقت لن يكفينا للإحاطة بكل جوانب إختبارك ، هل ممكن يعني بعد الرؤيه ماذا حصل ؟ صحيت ؟
الأخ صادق: بعد الرؤيه أقول أموراً لم أكن أفهمها
الأخ رشيد : يعني إنت شفت الرؤيه وصحيت في البيت ؟ صحيت في البيت وتأكدت أن هذه رؤية من الله
الأخ صادق : خليني أكمل الرؤية الرب يسوع بعد ما سقاني قال لى كلمات دي لازم نقولها علشان الناس تعرف انا ها ادقق على الرؤيه بس لأن ده هدفنا في الخدمة والمعني الآخر هو ما هي حياتي بعد الرؤيه الرب يسوع بعد ما سقاني قال لي من النهاردة هيكون أسمك صادق عبد المسيح بولس ها تحمل الأنجيل وتبشر بإسمي ها تلاقي ضيقات ومتاعب في العالم ثق من يقبلك يقبلني وإنت أيامك قليلة على هذه الأرض وراح الرب يسوع جايب إيده عند خدي وهو بيشيلها ولقين نفسي صاحي وباصص لسقف الأوضة زي ما دخلت أنام من حوالي عشرين دقيقة علشان كدة بأقول إنها رؤيا وليست حلم بس هي دي الحتة اللى عاوز أقولها اتفضل
الأخ رشيد : ماذا عملت بعد الرؤيه ؟ هل طلبت المسيح بعدها كيف امنت بعد الرؤيه
الأخ صادق : لأ ما هو الرب يسوع زرع الثمار الحقيقية ثمار الإيمان ، لانه وهب لكم لا أن تؤمنوا فقط بل ان تتألموا من أجله وإن إيماننا بالمسيح الرب يسوع بالنعمة أنتم مخلصون هذه النعمة اللي الرب إداها لي في الرؤيه يا أخ رشيد كانت هي كافية زي ما تقابل الرب زمان قبل مني بالفين سنة مع بولس الرسول لما كان شاول عند بوابة دمشق لما الرب تقابل معاه وقال له شاول شاول صعب عليك أن ترفس مناخس ووقع من على الحصان وهو رايح يقتل ويعذب المسحيين كانت هي دي الرؤيه اللي خلت شاول الطرسوسي يصبح بولس الرسول بعد ما جاله حنانيا وصلى له في بيت سمعان جاء له حننيا وصلى له وإمتلاء بالروح القدس في بيت سمعان الدباغ كانت هي دي بس الرؤيه بس اللي خلت شاول يصبح بولس اللي كتب 14 رسالة في الكتاب المقدس فكانت بالنسبة لي أنا الشعور الداخلى التجديد الداخلي الحياة الجديدة اللي أنا عايش فيها السلام العجيب لأنه هو مكتوب عنه في القرآن” و سلام عليه يوم ولد ويوم يموت ويوم يبعث حياً”هو الوحيد اللي يعطي السلام كانت المشاعر دي اللي أخذتها في الرؤيه هي الي أعططني القوة لأبدأ الإيمان و أنا عارف اني انا ماشي في الطريق السليم
الأخ رشيد : وعملت إيه بعد الرؤيه
الأخ صادق : بعد الرؤيه ؟
الأخ رشيد : رحت عند المسيحيين أو طلبت معمودية أو ماذا عملت ؟
الأخ صادق : كان أول حاجة أعملها إن أنا شفت الرؤية بالليل قعدت صاحي طول الليل ما نمتش لحد الصبح بدري جداً رحت رايح عند الجماعة المسيحيين خبطت عليهم الباب فتحوا الباب . . إيه ياصديق فيه إيه ؟ قلت لهم بس أنا مش إسمي صديق أنا إسمي صادق عبد المسيح بولس فطبعاً الناس قالت ده إتجنن ده جرى له إيه ده ؟ سايبنا بالليل الساعة إحدى عشر إسمه صديق محمد وجاي لنا الصبح الساعة ستة ونصف بيقول أنا صادق عبد المسيح من بالليل للصبح إيه إللي جري له ، فطبعاً دخلت عندهم الشقة لأن شقة عمتي قصاد منهم وقلت لهم على الرؤيه وشفت الرب يسوع المسيح وطلبت منهم إنهم يعلموني الفاتحة بتاعة النصاري اللي هي أبانا الذي . .
الأخ رشيد : طيب . . وتعمدت بعد هذا ورحت للكنيسة . .
الأخ صادق : بعد الجماعة دول ما عرفوا إختباري جابوا لي كتاب مقدس ، بعد منها بثلاثة أيام وعرفوني بناس مسيحيين يقدروا يساعدوني ويأخذوني لأماكن أتعمد فيها ، وكان في الوقت ده
الأخ رشيد : سنة سبعة وستين. .
الأخ صادق :في الوقت ده البابا الراحل اللي هو البابا كيرلس السادس هو في الوقت ده اللي قبل بعد محاولات كثيرة مع ناس رفضوني وكنائس قالوا لأ وناس قالوا إحنا ما نجبش لنفسنا المتاعب و و لكن اراد الرب ان انا اتعمد في بطرخانة الاقباط الارثوذكس على يد البابا الانبا كيرلس ودي كانت بركة كبيرة لي واعتقد علشان اثباتا للاختبار اللي قلته عند حضرتك شهادة المعمودية ممكن تحطها على الشاشة
الاخ رشيد : وانا اطلب من مخرج البرنامج ان يضع لنا هذه الوثيقة حتى يتأكد المشاهدين من الكلام الذي نقوله لانه مهم حتى الناس يعرفون هذه المعلومات ، وهي تفيد التاريخ وتفيد المكان وتفيد الاسم وتفيد كل هذه المعلومات. طيب اتفضل الاخ صادق كملنا الاختبار شيق فعلا ولازم نعرف التفاصيل
الاخ صادق : بعد كده كان اقرب ناس لي ابشرهم هي زوجتي زي الرب يسوع ما بعت تلاميذه الى اورشليم اولا كنت بأحاول ان انا ابشر اهل بيتي لكن الجميع رفضوا لدرجة راحوا عملوا لي عمتي عملت لي سحر عند واحد سحار اسمه محمود السحار وجابوا لي السحر ده علشان يرجعوني فكروا ان انا مصاب بخلل فكري او عقلي وان السحر ده هيعقلني ويرجعني تاني وطبعا السحر ده مشهور في الاسلام للأسف وموجود بكثرة في الاسلام حتى الشيخ محمد متولي الشعراوي في كتابه الفتاوي للشيخ الشعراوي بيؤيد السحر ان ممكن الواحد يستعمل السحر يخلي الوحش حلو والقبيح جميل والجميل قبيح وحاجة زي كده ، لكن السحر برضه ما نفعش معايا ليه لان لما حطوا لي السحر في موقد وقالوا لي عدي عليه كده ثلاث مرات رحت معدي ثلاث مرات زي ما قالت لي عمتي كده من الشمال للجنوب وبعدين رحت معدي من الشرق للغرب كده عملت علامة صليب علشان كده السحر خرب ما نفعش وما تأثرتش به
الاخ رشيد : هل تعرضت لاضطهاد بعد هذا
الاخ صادق : بعد ايماني طبعا وبعد معموديتي تعرضت لاضطهادات كثيرة فمثلا تعرضت لاضطهاد اول مرة اتمسكت في المباحث العامة في اسيوط وكنت بأقول اختباري في احد الكنائس وانا على المنبر كان موجود واحد اسمه الاخ احمد هم مسمينه الاخ احمد ليه من حضوره دائما الاجتماعات لان كان ايام الرئيس جمال عبد الناصر وكان في اوامر من المباحث العامة ان اي اجتماع لازم يكون واحد من المباحث موجود علشان يعرفوا الناس دي بتقول ايه فانا كنت بقول اختباري ما قلتش اي حاجة سياسيه لان انا مش سياسي ولا بتدخل في الامور السياسية ولا عامل اي جريمة شخصية ولا سارق ولا قاتل ولا اي حاجة كل اللي انا عملته اني آمنت بحبيبي يسوع وآمنت بالمسيح الحلو العظيم اللي بيقول عنه القرآن ان شعبه واولاده في قلبهم رهبانية ناس عندهم ترهب ناس عندهم الوداعة ناس عندهم المحبة ناس عندهم اللي مكتوب عنه عيسى قول الحق الذي فيه ينظرون سورة مريم 31 فانا كنت آمنت بهذا المسيح العظيم كانت جريمتي ان بعد ما قلت اختباري ان رجل المباحث قال لي تعالى اديني البطاقة بتاعتك قلت له انا ما معنديش بطاقة امال معاك ايه ؟ روحت اديته شهادة معمودية زي اللي حضرتك عرضتها فمسك الشهادة طبقها وحطها في جيبه وقال لي انت مقبوض عليك وانت بكره لازم تكون عند محمد بيه عبد المنعم في المباحث بس ما عنديش امر دلوقتي اني احطك في زنزانة ولا احبسك او ابيتك فين فانا عايز حد من الكنيسه هنا يضمنك لغاية بكره الصبح ففي واحد رجل مبارك ضمني وقال له يا أخي الرجل جاي وقال اختباره طيب ما انتم في ناس من عندنا في المسيحية بتروح عندكم في الاسلام لا حد بيسئ اليها ولاحد بيضربها ولا حد بيقبض عليها ولا حد بيحاكمها ولا حد بيقول لهم انتم بتعملوا ايه قال له لأ بس هو اتكلم عن ان هو كان مسلم وبقى مسيحي وده عندنا حاجات الكلام اللي قاله ده لابد ان هو يتقدم للمحاكمة اومحمد بيه عبد المنعم يشوفوا فقال له طيب انا اضمنه من هنا لبكره وكانت النتيجه ان تاني يوم الصبح ودوني لمحمد عبد المنعم
الاخ رشيد : كانت هذه المرة الاولى ؟
الاخ صادق : فعلا يا اخ رشيد كانت هذه هي دي المرة الاولى الاخوة بالليل قالوا لي
الاخ رشيد : هل كانت المرة الوحيده ؟
الاخ صادق : لأ ثلاث مرات اتمسكت في مصر انا اتحبست ثلاث مرات مرة مع محمد عبد المنعم في اسيوط لما حطني في زنزانة وحطوا لى مياه ثلثين رجلي فيها وقعدت في الزنزانة 24 ساعة في الميه لا اكل ولا شرب والرب يسوع اعطاني كلمات ترنيمه في السجن استريح مادمت مع المسيح في الجنب الجريح اجد متعتي لو سجنتموني او عذبتموني مع يسوع تجدوني اجد متعتي ان كنت في ظلام او شدة او آلام معي رب السلام اجد متعتي لا شدة او جوع او موت او دموع يأخذني من يسوع ده سبب متعتي . الرب اراد ان انا اقعد في اسيوط شويه ايام وانضربت بالفلكة لاول مرة انحط في فلكة بس اقول حته صغيرة لما محمد عبد المنعم ارسلني الى السكة الحديد مع اثنين مخبرين علشان يقطعوا ايدي اللي عليها الصليبين لان قال لي اذا ما كنتش ها تمضي اوراق ترجع الى الدين الاسلام انا ها احط ايدك اللي عليها الصليبين على القضيب وها يجي القطار يقطع ايديك اللي عليها الصليبين فأخذوني اثنين مخبرين وراحوا هناك عند السكة الحديد حته في اسيوط اسمها الحمراء ومحمد عبد المنعم جه العربية بعد كده هو وواحد ضابط تاني والضابط جاي بيهددني او بيقول لي ده هيعمل وهيعمل و يسوي فيك والنهارده ها يقطع ايدك اليمين بكره ها يقطع ليك ايدك الشمال وبعدين رجلك وبعدين رجلك دي ها تبقى عبارة عن حتة لحم الناس تشيلك من هنا وتحطك هنا وقعد يخوفني فقلت له برضه مش ها اسيب حبيبي يسوع زي عروسة نشيد الانشاد اللي قالت امسكته ولم ارخيه
الاخ رشيد : طيب سامحني الاخ صادق عبد المسيح لازم نبتدي في أخذ مكالمات وهذه المكالمة من المملكة العربية السعودية الو اهلا بيك
: الو مساء الخير يا اخ رشيد
الاخ رشيد : مساء الخير مين معايا
: معاك عمرو غانم هو انا كنت احب اعلق على حتة صغيرة الاخ صادق كان بيقولها لأ الاول حضرتك قلت في بداية التقديم حضرتك قولت ان ده مسيحي دخل جديد في المسيحية بس هو بحسب ما انا سمعت او انا دخلت متأخر شوية علىالبرنامج عرفت ان هو من سنة 1967 وهو متنصر صح
الاخ رشيد : انا لم اقل جديد انا قات واحد من الذين تركو الاسلام وتبعوا السيد المسيح وقلت بانه مدة ليست قصيرة
عمرو : في نقطة بس الاخ صادق عبد المسيح كان بيقولها بييقول ان القرآن بيتحدث عن المسيح وقال عنه وجيها في الدنيا ودي فعلا آيه في القرآن اظن ان بالآيه دي هو ادعى انه يؤمن بالاسلام ويؤمن بالقرآن ان القرآن بيعظم السيد المسيح ويقول عنه وجيها في الدنيا النبي محمد عليه الصلاة والسلام أمرنا بإحترام الاديان كلها احترام كل الرسل بلا اي استثناء بس لي سؤال للاخ صادق بعد إذن حضرتك طالما هو كان من صغره وهو ملتزم بالاسلام وكان بيذهب للمسجد بإستمرار وبيحضر جلسات العلم في مسجد ابو جاموس زي ما هو بيقول زي ما هو بيدعي لان انا مش مصدق لغاية دلوقتي الصراحة
الاخ رشيد : ما إحنا وضعنا لك الوثيقة حتى ترى بأن كان اسمه صديق محمود محمد وانه صار صادق عبد المسيح
عمرو : اوكيه انا بس عايز اقول لك كلمة قبل ما اخوض في اي كلام مع السيد صادق اولا انا اغلب اصدقائي مسيحيين ولما كنا في الجيش مع بعض كنا بنشرب وراء بعض من زجاجة واحدة احنا والمسيحيين واحد ما حدش يفتكر ان انا بأهاجم أي احد ، النقطة اللي انا عايز اسألها للأخ صادق ان هو كان ملتزم بإسلامه وكان بيذهب لجلسات العلم زي ما حكى دلوقتي كنت احب اسأل طبعا واحد بالطريقة دي اكيد اكيد ها يكون عارف ان غزوة بدر كانت سنة كام
الاخ رشيد : طيب هذا امتحان حتى تثبت انه كان مسلم ام لم يكن مسلم خليني اسألك انا عندي ملاحظات قبل ما اوجه واسألك بعض الاسئلة يا اخ عمرو هل لو سألت مجموع المسلمين في العالم ولم يعرفوا متى كانت غزوة بدر هل ستقول عنهم انهم ليسوا مسلمين ؟ في العالم كله ؟
عمرو : لا شوف حضرتك
الاخ رشيد : خليني اكملك هذا سؤالي الاول سؤالي الثاني انا ها اكملك ايضا اسئلة سؤالي الثاني انت واصدقائك المسيحيين كنتم تحبون بعض وليس هناك فرق هذا من تعاملكم كأناس لكن العقيدة الاسلامية تفرق بين المسيحي وبين المسلم “لا تبدأوا اهل الكتاب بالسلام” هذا حديث صحيح في صحيح مسلم “لا تبدأوا النصارى واليهود بالسلام وإذا لقيتم احدهم في طريق فإضطروه الى اضيقه ” يعني زحموه تقول انكم كنتم تشربوا من إناء واحد هذا مجرد تعاملكم كأناس لكن الشريعة الاسلامية تختلف عن التعامل . ما قولك في هذا الحديث اولا ؟ هذا في صحيح مسلم
عمرو : اولا انا اسمي اساسا في واو بعد الراء ده اول شئ بعد إذنك
الاخ رشيد : سامحني نطلب من المخرج ان يصلح الاسم سامحني اتفضل
عمرو : الحاجة التانية حضرتك بتقول ان انا كنت بأتعامل مع زمايلي المسيحيين بصفة انسانية اولا احنا اتربينا على الاسلام احنا برضه مسلمين وربنا بيقول في القرآن “أقرب الناس من الذين آمنوا الذين قالوا انا نصاري ذلك ان منهم قسيسين ورهبان وانهم لا يستكبرون”
الاخ رشيد : لكن الآيه التي أتت في سورة التوبه هي تنسخ كل هذه الآيات آيات المودة وآيات المهادنة لعلمك سورة التوبة هي آخر ما انزل على محمد كما يقول المسلمون
عمرو : سورة التوبة هي آخر ما انزل على محمد نعم برضه ما تأكدتش من الاخ صادق برضه لم يرد عليّ
الاخ رشيد : انا ها أحول سؤالك له و
عمرو : يا رشيد انت شكلك كده بترد عنه
الاخ رشيد : لأ هذا سؤال يراد به باطل وكأن اختبار كل المسلمين في العالم المليار وكم نختبرهم ونقول لهم متى حدثت غزوة بدر ستجد انهم كلهم لا يعرفون متى حدثت غزوة بدر خصوصا ان الامية في العالم الاسلامي تفوق ال60 او 70 %
عمرو : اوكيه سؤال لو سمحت للأخ صادق 67 لما تنصركان عمره كان سنه لامؤاخذه
الاخ رشيد : انا ها احول اسئلتك وشكرا للمشاركة سيد عمرو هو ها يجاوبك لازم نأخذ مكالمات اخرى يا سيد عمرو ، اتفضل كان سنك كام وهل تعرف متى حدثت غزوة بدر
الاخ صادق : كان عمري لما حدثت لي الرؤبه دي كان عمري 27 سنه لاني من مواليد 1940
الاخ رشيد : يعني كنت كبير بعقلك وبكامل
الاخ صادق : ايوه طبعا كان عندي 27 سنة
الاخ رشيد : اتفضل وقال لك ان لو لم تعرف متى حدثت غزوة بدر ستكون لم تكن انت مسلم
الاخ صادق : صدقني ها أقول لحضرتك على حاجة الغزوات كلها اللي عملها محمد واخد بالك هو الاسلام بدأ طبعا بعد المسيحية بحوالي 600 سنة وشوية الغزوات اللي حصلت ،غزوات حصلت كلها في سنين متتاليه من محمد في اول العشرة خاصة اللي هو محمد بدأ فيها نشر الاسلام لانه كان في السنين العشرة اولا اللي بدأ فيها الاسلام كان بيحاول يلم المسلمين وكان بيحاول يجمع اكبر جيش من الجيش الاسلامي ويدعم
الاخ رشيد : تقصد السنوات العشر الاخيرة في المدينة
الاخ صادق : ايوه في المدينة فهدا التاريخ اللي حصل في غزوة بدر واكثر الغزوات المحمدية
الاخ رشيد : وهذا تاريخ معقول لان حتى التواريخ اختلفوا فيها المسلمين انفسهم ليس هناك تواريخ مضبوطة في كل شئ
الاخ صادق : لان حتى حور العين بتوع الجنه في ناس بيقولوا 40 وناس يقولوا 70 ، الغلمان المخلدون بيقولوا ده غلمان ها يمروا عليك بس يسقوك الخمر ويخدموك وفي تاني مواضيع تانية انه للشهوه والجنس احنا ممكن نصدق ايه زي مثلا عيسى ابن مريم وجيها في الدنيا والآخرة وبعدين يقول هل انت قلت للناس خذوني انا وامي إلهين من دون الله ففي اشياء كثيرة حتى في القرآن بتنقض بعضها البعض
الاخ رشيد : هناك سؤال آخر لكن خلينا نأخذ مكالمة اخرى حتى نأخذ اكبر قدر من المكالمات من المشاهدين سيد عدلي من فرنسا اهلا بيك
عدلي : اهلا يا استاذ رشيد مساء الخير انا بأرحب بصديقك الاستاذ صادق عبد المسيح ده اول واحد متنصر من 40 سنة يعني الحقيقة انا مبسوط اني اشوفه على الهواء الحقيقة انا لي سؤال بالنسبة انه اتمسك في اسيوط وكانوا عايزين يقطعوا ايديه ده في مباحث اسيوط هل يفتكر يعني ان فيه جزء في الشرطة المصرية متخصصة لمكافحة الناس اللي بتسيب الاسلام وهل ده لحماية للاسلام ولا حماية للإستعمار العربي اللي موجود في بلادنا يعني انا باستغرب فين حرية حقوق الانسان ليه المسيحي يقى مسلم في يوم وليلة وليه المسلم لما يبقى مسيحي يتعذب هل عذبوه في السجون وايه طريقة التعذيب وهل بتفتكر بتستمر في جميع المستعمرات العربية بنفس الطريقة برضه اي واحد عاوز يعرف حقيقة المسيح او حرية العقيدة بتاعته بيدوق نفس العذاب برضه شكرا يا استاذ رشيد وانا الحقيقثة مبسوط ان انا اشوف الاستاذ صادق عبد المسيح لاول مرة ربينا يباركك
الاخ رشيد : اشكرك سيد عدلي على هذه المشاركة اتفضل الاخ صادق هل سمعت السؤال
الاخ صادق : يا اخ عدلي الحبيب هو احنا ما عندناش في الانجيل ان اللي يسيب المسيحية ويروح الاسلام فيمت وهو كافر لكن موجوده دي في القرآن وفي الاحاديث النبوية وزي ما قلنا عليها انها موجوده في القرآن موجوده في سورة البقره 217 وموجوده في الاحاديث في البخاري الجزء التاسع 57″من بدل دينه فأقتلوه ” اما عندنا احنا في المسيحية ما فيش كل هذه المواضيع وبعدين مافيش اللي يرضى يحاكم هؤلاء الناس بل بالعكس بنصلي لاجلهم ونطلب لهم انهم يرجعوا ويعرفوا طريق الحق اللي هو شخص الرب يسوع المسيح
الاخ رشيد : هو سألك سؤال خاص هل هناك فرقة خاصة لمحاربة مثل حضرتك الناس اللي تركوا الاسلام هل يوجد فرقة خاصة في العالم وما هي انواع التعذيب بالضبط التي يمارسونها
الاخ صادق : هو تقدر تقول ان الحكومات العربية كلها او خلينا نتكلم على مصر لاني انا مصري في مصر هناك بيحاولوا انهم يدخلوا الدين في السياسة ودي حاجة مش كويسة زي مثلا اللي بيحصل في مصر دلوقتي المسيحيين اللي بيتقتلوا وبينضربوا وبتتكسر محلتهم وتتسرق وتتنهب يطلبوا البوليس البوليس بيجي بعد 4 ، 5 ساعات بعد يكون القاتل والسارق اخد بعضه ومشي وسافر من بلد الى بلد فالموضوع هناك ان الدولة واخده السياسة بتاعتها هو الدين ، الدين هناك بيصرح ليهم انهم كبوليس يعذبوني انا لما اترك الدين الاسلامي وينفذوا كلام القرآن ” من يرتد منكم عن دينه فليمت وهو كافر ” سورة البقره 217 اللي بيعملوه هم تنفيذا لاقوال القرآن
الاخ رشيد : الاخ اللي من السعوديه عودا لسؤاله قال ان ذكر القرآن على المسيح انه وجيها في الدنيا والآخرة فكان بالاحرى انك تتبع القرآن وما تتبعش الانجيل
الاخ صادق : القرآن فيه اشياء توديك مرة شمال ومرة يمين يعني مرة يمجد في المسيح والمسيحيين ومرة يقول الذين” كفروا الذين قالوا ان الله ثالث ثلاثة ” فأي الاثنين نتبع ، ومرة يقول “من يرتد عن دينه فليمت وهو كافر” وبعدين يقول “لا اكراه في الدين” سورة البقرة 256 فهل ننفذ لا إكراه في الدين ولا من يرتد منكم فليمت وهو كافر فالقرآن يتكلم على سور عديدة في اماكن
الاخ رشيد : وهناك الناسخ والمنسوخ وهذه هي التي حلوا بها هذه المشاكل فمن يرتد منكم عن دينه تلغي الاخرى
الاخ صادق : بالضبط لا اكراه في الدين
الاخ رشيد : نأخذ مكالمة اخرى هذه من مصر الو سيد عبد اتفضل
عبد : انا بأحي الاخ صادق وبأقول له انا فرحان اسمع صوتك بعد حوالي 38 سنة او اقل شوية من 38 سنة هو شهد شهادته دي بالضبط انا كنت حافظها مسجلة عندي في احد الكنائس الانجيلية بشبرا اذا كان هو يذكر كان لسه خارج من السجن من اسبوع او اسبوعين او شهر تقريبا وانا بقول له ربنا يباركك وفرحان ان انا اشوفك واسمع صوتك بعد الوقت الطويل ده من سنه تقريبا 1971 بعد احداث ثورة التصحيص ربنا يباركك ويديلك طولة العمر وتشهد للمسيح في كل وقت
الاخ رشيد : اشكرك على هذه المكالمة واعتقد ان الاخ صادق سيكون فرح بهذه المكالمة نأخذ مكالمة اخرى الولايات المتحدة سيد عماد اهلا بيك
عماد : اهلا يا اخ رشيد كيف حالك يا اخي
الاخ رشيد : انا بخير والحمد لله اتفضل
عماد : انا احي الاخ صادق عبد المسيح ورجائي الخاص انا اود منه ان يعطيني بعض النصائح لكي اسير على منواله وان شاء الله اكون نعم العبد للرب ان شاء الله عندي سؤال يا اخي الكريم للاخ صادق عبد المسيح اذا تكرمت هل قرأت الانجيل من العهد القديم الي العهد الجديد ؟
الاخ رشيد : اتفضل ما هي الغاية من سؤالك ؟ اعطي السؤال كاملا
عماد : حاضر يا اخي الكريم انا اود انا قرأت في انجيل متى 5 في باب الطلاق ” وقيل من طلق امرأته فليعطها طلاق واما انا فأقول لكم ان من طلق امرأته الا لعلة الزنى يجعلها تزني ومن يتزوج مطلقة فإنه يزني فهل معنى ان انا إذا تزوجت بمطلقة هل يحسب الى كانني ازني هذا سؤالي الاول سؤالي الثاني انا قرأت في الانجيل عن تلاميذ المسيح الغريب في الامر اني اكتشفت شيئا غريبا وهو ان ولا واحد تطرق الى حياته الشخصية هل تزوج هل له اولاد هل المسيح تزوج
الاخ رشيد : اخ عماد سؤال وكن صادق معي من فضلك هل انت مسلم ؟
عماد : لا ياأخي الكريم لا
الاخ رشيد : ما هو إيمانك ؟انا فقط اسأل
عماد : انا إيماني بالله وحده فقط لا غير
الاخ رشيد : يعني من غير دين
عماد : نعم من غير دين انا اؤمن بالله سبحانه وتعالى هو الذي خلقني وهو الذي يتولاني فقط لا غير
الاخ رشيد : وما الهدف من اسئلتك هل تريد المعرفة ؟ هل انت في اطار البحث ام فقط للمحاججة هنا ؟ انا فقط اسأل حتى يكون للحوار فائده
عماد : لا ياأخي الكريم انا اصلا اعجبت في طريقتك في الكلام فقلت مرة إذا اردتم معرفة الحقيقة ففتشوا عنها فانا افتش عن الحقيقة فقط لا غير انا اكتشفت شيئا ثانيا يا اخي الكريم وسؤالي هو التالي ان كلما كان المسيح يكلم عموم الشعب كان يقول لهم انا ابن الله ولما كان يكلم الكهنة والفريسيين بقول لهم انا ابن الانسان فما السبب ؟
الاخ رشيد : اشكرك اخ عماد واسئلتك نحولها للاخ صادق حتى يجيب عنها واحد واحد ونتمنى تكون الاجابة كافية لاشباع رغبتك وفضولك وبحثك عن الحقيقة
عماد : شكرا اخي الكريم
الاخ رشيد : اشكرك . الاخ عماد عنده اسئلة ونابعه عن بحث حقيقي عن الله فهو سأل مثلا السؤال الاول في قضية الطلاق الذي يتزوج بمطلقة هل هو يزني كما يقول عنه الكتاب والسؤال الثاني لماذا لم يتطرق الانجيل لحياة المسيح الشخصية هل تزوج هل عنده اولاد هذه هي اسئلته اعذرني يعني
الاخ صادق : بيقول المسيح ولا تلاميذ المسيح
الاخ رشيد : لأ تكلم عن تلاميذ المسيح لماذا لم يذكروا حياة المسيح الشخصية انا فهمت هكذا وايضا نأتي للاسئلة واحد واحد حتى لا نفقد التركيز
الاخ صادق : يا أخ عماد الحبيب هو موضوع الطلاق ومن يتزوج بمطلقة فهو يزني مادام انت حضرتك بتقول انك ما انتش مسيحي و انك تؤمن بالله وان فيه إله موجود لكن القول ده عن من يتزوج بمطلقة او زنى بها يجعلها تزني ده قول مسيحي المفروض انك انت لو تصدقه وتعمل بيه يبقى لازم تصدق بالكتاب المقدس كله وتمشي عليه وكلام المسيح انا هو الطريق والحق والحياة يا اخويا الحبيب بيعرفك وبيعرف العالم كله ان ما فيش طريق ولا إله وما فيش طريق يؤدي الى الحياة الابديه الا هو طريق شخص الرب يسوع المسيح وحده ده من ناحية ان انت بتدور على إله او لسه بتدرس او عاوز زي ما قلت لي كلمة منفعة مني انا طبعا ما عنديش كلمة منفعة إلا عن طريق الكتاب المقدس الرب يسوع المسيح قال كده كل من يؤمن بي لا يدان ومن لايؤمن بي قد دين فأنا احب ما تكنش عليك هذه الدينونة وانك انت تحاول تقرأ الكتاب المقدس لانك لما يكون واحد ماشي في شارع كبير بالعربية لازم يبقى له هدف في آخر الشارع هو هيقف فين حتى لما بتروح تشتري بيت بيبقى عندك مزايا للبيت اللي ها تشتريه شكله ايه ولونه ايه فيه بلكونه ما فهوش بلكونه فأنت في حياتك لازم يكون لك إله ومش هتلاقي إله احسن من هذا الإله العظيم اللي احنا بنشهد له وبتشهد ليه الكتب جميعا على ان هو المسيح ، والمسيح لما كان بيكلم الكهنة والكتبة المسيح هو ابن الله الظاهر في الجسد عظيم هو سر التقوى الله ظهر في الجسد فكان المسيح لما يتكلم عن اللاهوت يبين لاهوته ان هو ابن الله وكان لما يتكلم على انه جاي ويفدي وواخد جسد انسان فكان يتكلم عن الجسد او عن ان هو ابن الانسان لان في الانسان الاول ادم مات الجميع وفي الانسان الثاني ( الاخير ) الرب يسوع يحيا الجميع
الاخ رشيد : حتي جوابا ببساطة انا كأنسان مسلم كنت ادرس هذه الاشياء لما كنت مسلم ورأيت هذا القول ان لايطلق احد إلا لعلة الزنا ومن يتزوج بمطلقة يزني المفروض ان ولا واحد يطلق لان الطلاق مكروه مبغوض من عند الله ولا تطلق إلا لعلة الزنا فإذا اي شخص يتزوج بمطلقة هو يزني لان هي لازالت في عرف الله هي في ملك زوجها فلازم ان زوجها لايطلقها إلا لعلة الزنا فده واضح الانسان ينبغي ان يحترم الزواج ويجعله علاقة مقدسة خليني لانه لازم نتوقف مع فاصل بعد ذلك نكمل الاجابة للسؤالين التالين اعزائنا المشاهدين كما جرت العاده نتوقف مع فاصل قصير نعود بعده لاكمال هذه الحلقة من سؤال جرئ مع شهادة الاخ صادق عبد المسيح نعتذر لكل الذين لم نأخذ مكالمتهم لكن سنحاول قدر الامكان أخذ اكبر عدد من المكالمات ونرجو ان تصب في الموضوع وان تكون مركزه على شهادة الاخ صادق عبد المسيح وعلى امور جوهرية فيها حتى لا يضيع وقتنا اشكركم عوده بعد هذا الفاصل
بعد الفاصل
الاخ رشيد : نرحب بكم مشاهدينا بعد هذا الفاصل وعوده للاخ صادق نكمل الاجابه على السؤالين الاخرين السؤال الذي سأله عن الحياه الشخصية للمسيح والسؤال الآخر عن لماذ كان المسيح يتوجه بعبارة ابن الله للشعب وعبارة ابن الانسان للكتبة والفريسيين
الاخ صادق : الرب يسوع المسيح احنا نؤمن بيه زي الملاك ما بشر العذراء مريم وقال لها ها تحبلي بالروح القدس يدعى ابن الله إذا في حالتين مولود بالجسد ويدعى ابن الله فالمسيح كان له صفتين والرب يسوع المسيح لما اتصلب اسئ الى الجسد ولم يساء الى الروح اللاهوت الموجود فيه المسيح اخذ صورة هذا الجسد علشان يتألم بهذا الجسد علشان يحرر هذا الجسد ، لكن هو في قوته قائدنا الله ان الله فيه وهو في الله ومن يراه يرى الله وان الاعمال كلها اللي بيعمله الآب هو يستطيع ان يعملها ـ واخد بال حضرتك ـ لذلك قوة المسيح وعظمة المسيح باينه في معجزاته واعماله وشفاء الابرص والاعمى وكل الاشياء اللي عملها الرب يسوع وكل الاقوال اللي قالها ـ واخد بال حضرتك ـ تثبت ان هو فعلا إله عظيم ورب عظيم زي ما شهدوا له الكتبة قالوا عنه انه يتكلم كان لو له سلطان وهذا السلطان لايعطي الا لله
الاخ رشيد : شئ آخر كلمة لبن الانسان لها معاني ويعرفها الكتبة والفريسيين في كتبهم التي كانوا يقرأونها كان لها معاني وهو كان يريد ان يقول لهم الذي تنتظرونه هو هذا ابن الانسان حتى انه عندما قال عبارات اعتبروها تجديف لانهم عرفوا مغزاها بالضبط ماذا يقصد عندما قال انا هو او عندما كان يقول لهم قبل ان يكون ابراهيم انا كائن عرفوا انه جدف كان يستعمل عبارات لها معاني خاصة لاهوتيا عندهم في الكتب ومنها عبارة ابن الانسان ، مصطلح ابن الانسان طيب نأخذ بعض المكالمات الاخرى سيد رضا من ايطاليا اهلا بيك
رضا : اهلا وسهلا مساء الخير
الاخ رشيد : مساء الخير اتفضل
رضا : صدقني انا كان لي سؤال صغير للاخ صادق بما اني مسيحي ومصري وعايش في ايطاليا بس انا لي تعليق بسيط على البرنامج بتاع حضرتك عايز اعرف ايه الاساس بتاعه من الحوارات دي كلها ، هل الاساس بتاعه ، ان احنا نعمل فتنة بين المسيحيين والمسلمين وانتم عارفين كويس جدا ان المسيحيين ضعفاء جدا في مصر ولا حول لهم ولا قوة ، وبالحوارات دي كلها احنا بنضايق المسلمين وبنضايق الناس اللي ما بيفهموش وبالتالي بنأذي الناس اللي مالهومش ذنب لكن واحد زي الاخ صادق عايش اكيد يا في انجلترا او كند او في امريكا بعيد عن كل المشاكل وسايب المسيحيين اللي مالهومش ذنب في كنائسهم تحصل مشاكل طبعا بسب ناس بيسمعوا الحاجات دي كلها ويكرهوا المسيحية اكثر انتم ما بتحببوش اي دين تاني في المسيحية بالعكس احنا بنعمل مشاكل بين الاديان .
الاخ رشيد : طيب السيد رضا خليني اجاوبك مادام السؤال يتعلق بهدف البرنامج ، هدف البرنامج بما اننا مسلمون سابقون يعني نحن مسلمون سابقون نحن نشهد .
رضا : يا سيدي انا بأكلمك بما اني مسيحي
الاخ رشيد : انت مسيحي انا مسلم يا سيد انت مسيحي ونحترم ايمانك ان كنت مسلم لا ارضى لاهلي ان يبقوا يعانوا نفس المعاناه التي عانيتها انا من قبل الاخ صادق نفس الشئ انت مسيحي نحترم ايمانك لا تريد ان يمسك اي شخص بالسوء هذا مشكلتك ، لكن انا سامحني انت تريد ان تبقى تعيش دون ان يمسك اي شخص بأي شئ لو كان هذا هو هدف الرسل الاوائل لما كان انتشر الانجيل ابدا لو كان هو هذا هدف بطرس و بولس ويوحنا ، هم قتلوا من اجل المسيح صرنا نخاف من الشهادة للمسيح مازلنا نفضل هنائنا وحياتنا
رضا : ليه اليهودية والبوذية ليه المسلمين بالذات
الاخ رشيد : انا كنت مسلم سابق لست بوذيا سابقا لست هندوسيا سابقا انا كنت مسلم سابق يا اخ رضا اسمعني انا كنت مسلم سابق لست بوذيا سابق حتى اكرز للبوذيين والاخ صادق نفس الشئ انا اشكرك لاجل هذه المكالمة واطلب من الاخ صادق لو عنده تكملة للموضوع
الاخ صادق : يا اخ رضا اطلب منك تسمع ردي ويكون عندك رضى بانك انت تقتنع يا أخ رضا شوف يا اخ رضى لو عندك اخت واختك دي سوري ، لو انا بلاش انت انا لو عندي اخت واختي ولدت عمياء وانا عندي البصر وعارف نعمة البصر وبعدين لقيت دكتورعظيم بس الدكتور ده لو هيعمل عملية علشان اختي تبصر مطلوب مني انا اعطي له كل الاموال اللي معايا وابيع البيت بتاعي وكل اللي ورايا واللي قدامي لو انا عندي رحمة وانا عندي محبة اعمل ايه يا اخ رشيد ابيع اللي ورايا واللي قدامي علشان اعالج اختي ده مش كده مضبوط ولا اسيب اختي عمياء
الاخ رشيد : تضحي لاجلها
الاخ صادق : اللي احنا بنقوله يا اخ رضا ان احنا عايزين الاعمى يبصر والميت يقوم واللي ما يعرفش يعرف لان الرب بيقول شعبي هلك لعدم المعرفة
الاخ رشيد : لكن هل هدفنا إثارة الفتنة او إثارة الاحقاد او إثارة النعرات الدينية
الاخ صادق : يا حبيبي الكلام ده من سنه 1967 وقبل الكنائس ما تتكسر والناس تنضرب من تاريخ من قبل مني من زمان من ايام العثمانيين والفاطميين وكانوا يقولوا للنصراني اشول يا نصراني يعني مش من حقك يا نصراني تمشي على اليمين لازم تمشي على الشمال والجزية كان مين بيِأخذوها ؟ المسلمين من المسيحيين زمان وحكاية الصليب يا ابو عظمة زرقاء لانهم كانوا بيلبسوا صلبان ثقيلة من الحديد وخصوصا الناس اللي بتشتغل في السجاد والنول وكانوا لما يتهزوا شمال ويمين كانت السلسلة الحديد بتعمل لهم في العظمه بتاعتهم في القفا علامة زرقاء فكانوا مسمين النصارى علامة زرقاء وبعدين إذا احنا تكلمنا اة لم نتكلم الاسلام له هدف والشريعة لها هدف ولهم مخطط واحنا مش عايزين نخش في الامور السياسية والحكومات لان احنا دلوقتي على اختبار وعلى اسئلة مثقفة وموجودة في حيازة الاختبار بس مش عاوزين نتوسع والا نأخذ ساعات طويلة
الاخ رشيد : اشكرك نأخذ هذه المكالمة ايضا الو اسم الكريم من فضلك
مداخلة : الو سلام المسيح مع حضرتك يا اخ رشيد معاك مندوب منظمه مسيحي الشرق الاوسط في اوروبا حضرتك المنظمة بتاعتنا لحقوق الانسان من اسبوعين تم القبض على رئيس فرع المنظمة في مصر اسمه الدكتور عادل فوزي والمهندس بيتر قبض عليهم بتهمة انهم بيطالبوا بالمساواة و حرية العقيدة وحاجات زي كده اتحولوا للنيابه اخذوا 15 يوم وانتهى ال15 يوم وتم تجديد 15 يوم بدون اي تهمة ، ما فيش اي تهمة ثابتة عليهم واتهموهم بإزدراء الاديان وحاجات زي كده بس مافيش اي دليل على الكلام ده ، هذا الكلام غير قانوني هل في حكومات الشرق الاوسط هل الشخص اللي يطالب بالمواطنة وحريه العقيدة والمساواة ده المفروض يتسجن ؟ طيب نعمل ايه انا كواحد متنصر نعمل ايه لما انا اطالب بحقي اقول عايز اغير بطاقتي من مسلم لمسيحي اسمي الحقيقي محمود علوان ده اسمي الحقيقي في الباسبور المصري ، ايه رأي حضرتك يا اخ رشيد في الموضوع ده .
الاخ رشيد : بصراحة انا اشكرك على المداخلة و نحن في البرنامج لا نخلط بين الامور السياسية وبين الامور الدينية لكن على العموم نحن مع كل الحريات مع كل حقوق الانسان أينما كانوا سواء كانوا مسلمين او مسيحيين من حق المسلم ان يعتنق المسلم ان يعتنق اي دين شاء من حق المسيحي ان يعتنق اي دين شاء لازم ان تكون هناك مساواة ولازم ان نفصل الدين عن الدولة لان الاسلام الآن في الدول الاسلامية كلها هو المسيطر وهو الدافع وهو العامل وراء احداث كثيرة تقع في عالمنا العربي والاسلامي و نحن ضد هذا طبعا ضد ان يكون الاسلام يعامل يطريقة مختلفة عن باقي الاديان كل القوانين ينبغي ان تسري على الكل بدون تمييز وبدون تفضيل هذا عن ذاك
بوب : كيف يحدث هذا يا اخ رشيد و عندنا المبدأ الرئيسي للتشريع هو الشريعة الاسلامية
الاخ رشيد : نعم وهذا نطالب بتغيره لا ينبغي ان يكون الاسلام هو المصدر للقوانين القوانين ينبغي ان تضمن حقوق الكل في كل البلدان وهذا مطلب اساسي حتى يعيش المسلمون بسلام ويعيش المسيحيون ايضا بسلام
بوب : طيب خليني اتكلم مع حضرتك بصراحة اكثر كانت المشكلة الرئيسية لما عملنا تسجيل اول جهة عن التسجيل للاخ محمد حجازي كمتنصر وعرضناه عندنا على غرفة البال توك بتاعتنا الحكومة اتهمتنا بالتبشير رقم واحد فكر المنظمة اولا مش فكر تبشيري لكن سؤالي لحضرتك هل التبشير جريمة ؟
الاخ رشيد : لا التبشير ليس بجريمة ونحن هذا الموضوع هذا السؤال سأطرحه على الاخ صادق عبد المسيح اشكرك الاخ بوب على المشاركة حتى نعطي فرصة لأناس اخرين اشكرك ، الاخ صادق عبد المسيح لماذا دائما يعني رأينا قضية الاخ محمد حجازي قبل فترة اكيد أنك انت ايضا عانيت من سنة 1967 من اجل هذا الامر فلماذا ليس هناك تعامل واقعي معقول مع هذه الحالات
الاخ صادق : ايام ما انا اعتنقت المسيحية وشهور بعد مارجعت من اسيوط الى المباحث العامة مصر وتقابلت مع واحد اسمه منصور احمد حلمي يمكن اكثر مسلمين مصر يعرفوه طبعا في المباحث العامة ايامها وطلبت بعد ما الكنيسة طلبت ان انا اطلع من السجن لاني ما عملتش اي جريمة الا اني اعتنقت المسيحية بالنسبة للإسلان جريمة لكن كانوا هم بالتحقيق معايا كانت الكنيسة تطالب بخروجي فلما جه يخرجوني بعد حوالي ثلاث شهور إلا كام يوم فبقول لمنصور حلمي عقيد المباحث العامة ، بيديني البطاقة بتاعتي القديمة اللي هي فيها صديق محمود محمد قلت له ازاي وانا اصبحت صادق عبد المسيح بولس انا مش صديق محمود محمد قال لي لا وعايز ايه قلت له غيروا لي البطاقة قال لي لا انت كفرت بربنا انت كان اسمك صديق بقى اسمك صادق ، جرجس ، بولس ، بطرس اي حاجة لكن ابوك محمود محمد مات وهو مسلم وجدك مات وهم مسلم فلما نديلك صادق عبد المسيح بولس كأننا احنا خلناك انت وابوك وجدك بقيتم نصارى فرفضوا كل الرفض انهم يدوني بطاقة بالاسم الجديد صادق عبد المسيح بولس فالموضوع ده موجود وده شئ معوق من ضمن المعوقات علشان يقللوا او يهزموا الخدمة الموجوده في المتنصرين او الامل الموجود في المتنصرين انهم يزدادوا وانهم يثبتوا على ايمانهم الجديد بإن في عقبة من ضمن العقبات بأن حياتهم ومستقبلهم ومعيشتهم هتكون في خطر بسبب عدم وجود بطاقة او عدم تجديد اوراق بأسمائهم الجديدة
الاخ رشيد : اشكرك على هذا التوضيح اخ صادق نأخذ هذه المكالمة من فرنسا سيد سعد اهلا بيك
سعد : اهلا سيد رشيد احييك واحيي ضيفك
الاخ رشيد : اشكرك سيد سعد
سعد : عندي مداخلة قصيرة وهي في سياق الحديث لقد تكلمتم عن مقارنة بين الارتداد في الاسلام والارتداد في المسيحية صحيح الارتداد في الاسلام مدان بالموت كما قلتم كما قال ضيفك العزيز للحديث ” من بدل دينه فاقتلوه ” ولكن في المسيحية الامور كانت اشد لأن العالم الغربي كان يقتل فقط لان الرجل لم يكن يقف امام الراعي اتكلم عن الكاثوليكية انني دارس أيضاً تاريخ الديانةالكاثولكية ولكن بما ان العالم في الغرب الان لم يعد يحكم بالديانه المسيحية نجد أنه يمكن للإنسان ان يبدل الانسان دينه اما في العادة أما في العالم الإسلامي
الاخ رشيد : خليني اقول لك الاخ سعد هناك فرق بين القوانين التي يمارسها اشخاص واعتقد انك باحث وتفهم هذه الامور وهناك فرق بين اصل العقيدة او اصل التشريع فعندما تقول ان الغرب كان يحكم بالمسيحية هل يوجد نص تشريعي مثلا في الانجيل يقول ينبغي ان يقتل المسيحي الذي يغير دينه بينما نجد العكس انه الآن في البلدان العربية اغلبية القوانين ليس فيها قانون الردة لكن التشريع فيه ، الذي هو القرآن والحديث او القرآن والسنه كما نقول
سعد : عندك حق سيد رشيد ولكن العرف كما تعرف قانون والعرف في العالم الغربي ان لا لتبديل الدين وحتى الشك بالأمور الدينية مدانا بالقتل واعرف ما دين به وحتى ضعف الايمان وليس الايمان ضعف الايمان نعرف محاكم التفتيش في اسبانيا ضعف الايمان مدانا بالفتل
الاخ رشيد : نعم لكن لا ينبغي ان تلام المسيحية بالعرف السائد في المجتمع او بتصرفات المجتمع انا لا الوم ميلا عندما نقارن الآن لا نقول انظر الى فلان الذي هو مسلم انظر ماذا يعمل نحن نتعامل مع نصوص فعندما نريد ان نحاكم النصوص هذا امر مفهوم لكن ان نحاكم النصوص انطلاقا من تصرفات المجتمعات اعتقد ان هذا ليس عادل في نطاق البحث
سعد : اعطيك نص سيد رشيد في بداية القرن الثالث عشر عندما ارسل بابا الفاتيكان حمله للتخلص من الهرطقات كان هناك كاثوليك وكان هناك متدينون وكان هناك إيمانهم صحيح لكن عندما سألوا البابا قال اقتلوهم جميعا فالله يعرف من هم له
الاخ رشيد : انا لم اتأكد من صحة المعلومة لكن حتى لو وافقتك على صحتها لكن انا مازلت اطرح سؤالي هل يوجد في الانجيل او في المصادر التشريعية الرسمية للإيمان المسيحي مثلا هل يوجد نص يقول بقتل المرتد هذا هو السؤال
سعد : لا لا سؤالك جيد جدا ولكنك تعرف الديانة الكاثوليكية عندما يقول البابا كلمة فكأن الله قالها الدين يتجدد كل يوم عندما يقول بابا الفاتيكان
الاخ رشيد : اعتقد هل هذا دفاع عن الاسلام يا سيد سعد ؟
سعد : لا لا انا علماني فقط
الاخ رشيد : لكن الاسلام فيه نص واضح من بدل دينه فاقتلوه لن تجد نص في الانجيل يقول من بدل دينه فاقتلوه فبناءاً على هذا الاساس نحن نحاسب النصوص
سعد : ولكن لا يجب ان نحاسب هذا فقط للأمانة العلمية هذا من اصل تاريخي فقط من المادة التاريخية وانا احب البرنامج جدا واتابعه اسبوعيا وهناك فرق اريد ان ازيد ان محمد شخصية تاريخية اما المسيح فليس شخصية تاريخية محمد نعرف انه تزوج وقتل وقاتل وقال كلاما وله اولاد وهو شخصية تاريخية متفق عليها اما المسيح فهو شخصية دينية حتى الان لم يثبت انه شخصية تاريخية
الاخ رشيد : اشكرك لا لا بالعكس انت تؤرخ كام سنه نعيش فيها الآن
سعد : لا لايمكن اي تاريخ الإنشاء
الاخ رشيد : انت تؤرخ بميلاد المسيح عندما تقول 2007 نحن في 2007 من ميلاد المسيح
سعد : اخي رشيد اسمع لي ان في التاريخ هناك التاريخ الديني مثل ابراهيم وموسى و الاشخاص الدينين كمحمد وبوذا هما فقط مؤسسين الاديان الذين يعترف بهم التاريخ وهنا نجد فعلا امورا ان تحصل لنا مثل القتل ومثل الحروب التي قام بها محمد اما السيد المسيح فكل ما نجده عنه هو ما قام به اتباعه مثلما تعرف حضرتك ما قيل عنه بولس وبيير والحواريين
الاخ رشيد : اشكرك سيد سعد ، هل من كلمة تعليق على قول الاخ سعد
الاخ صادق : الاخ سعد بينكر وجود المسيح كابن الله
الاخ رشيد : تاريخيا حتى ليس لاهوتيا
الاخ صادق : المسيح فوق التاريخ ، المسيح تاريخيا موجود وزي ما حضرتك قلت ان احنا دلوقتي في سنة 2007 بسبب ميلاد المسيح وهو الانسان اللي ما داقش العسل واحد عمره ما داق العسل وتسأله العسل طعمه ايه ها يقول لك ايه ما اعرفش علشان كده الاخ مش عارف لكن لما يذوق حلاوة المسيح ويقرأ الكتاب المقدس ككتاب الهي مقدس حتي لوكان هو مش بيؤمن انه كتاب مقدس انا واثق انه لو قرأ الكتاب المقدس بس العهد الجديد من اوله لأخره في خلال هذه القرآت هيتعرف بشخص يسوع المسيح اللي بس مش تاريخي ان محمد علشان تزوج وله حاجات يبقى تاريخي واحنا ايمانه كله على باطل ابدا يا حبيبي لان احنا ايماننا ثابت على رصيد عظيم قوي وهذا هو الرصيد ان احنا بالمسيح عرفين الطريق بتاعنا ايه وعارفين بعد مانموت رايحين فين وها نتقابل مع مين
الاخ رشيد : خليني اخذ مكالمة اخرى من سيد عدلي مرة اخرى من اوروبا اهلا بيك
عدلي : الو مساء الخير
الاخ رشيد : مساء الخير أهلاً بيك
عدلي : ازيك اخويا رشيد وازاي بيتك الحبيب وازاي ابونا زكريا المهم بسرعة علشان انا بأخاطب ضيفك وبأخاطبك وبأخاطب الاخ عمرو بالواو الاول ضيفك لي ثلاث اسئلة بسرعة له اول سؤال بالرؤية الي شافها انا مقتنع بالرؤيه تماما الرؤية اللي شافها ديه قال ان ةالمسيح اخذه من يده اليمين الاول وبعدين اخذه من يده الشمال بعد كده ومش عارف سبب قوله هذا دي اسئلة اعتقد كل المسلمين بيسألوها ثاني شئ الصليب اللي دقه في يده تاريخ دقه متى يهمنا جدا نعرف تاريخ دق الصليب ده امتى حط الصليب متى الحاجة الثالثة وهي الاهم بيخاطب اي مستوى من الناس لو قسمنا الناس ناس جهلة ناس انصاف متعلمة ناس متعلمة بيخاطب اي طبقه من الناس دي ، ده لضيف حضرتك بالنسبة للاخ عمرو بالواو مهم اني ارد عليه ارجوك بالنسبه انه سأل تاريخ غزوة بدر اعتقد فانا بأسأله هل انت اصلا لما تيجي تسأل تاريخ غزوة بدر تاريخ حرب اهم لك ولا تاريخ تحريمي لما تسأل اي مسلم قول له تاريخ تحريم الخمر في الاسلام كان متى ها تلاقي 99.9% من المسلمين مش عارفين تاريخ تحريم الخمر في الاسلام كان إمتى فهل من الاصح ليك انك تدور على تاريخ تحريم الخمر ولا تاريخ حرب حصلت في وسط 83 ولا 84 حرب حصلت لو ها تدور على مسيحي 99.9 % ما يعرفش اول واحد انتحر في الكتاب المقدس مين انا ها اقولها لك هو اسمه اخيتوفل في العهد القديم 99.9% من المسيحيين ما يعرفش مين اول واحد انتحر فدي مش اسئلة وردي على الاخ عمرو بالواو يا سيدي الفاضل في مثل في مصر بيتقال بالساطة جدا طفل قال لابوه عايز ابقى عبد المهم قال له تعالى في الهايفة واتصدر، دي حقيقة معلش انا آسف بالنسبة لك يااستاذ رشيد يا سيدي الفاضل انت أعديت برنامج في تنصير مسلمين في المغرب العربي للاسف انت عديت جنب نقطة مهمة جدا المغرب العربي اولا الجزائر ، المغرب ، تونس عديت جنب نقطة مهمة جدا ان حتى في البرنامج بتاعك لو شفنا كويس من ده كتير ان مسلمين اتنصروا في منطق القبائل في الجزائر ليه منطقة القبائل بالذات فيه تنصير جامد اقول لك السبب الحقيقي انا لي علاقة جامدة بالناس دي جدا جدا علاقة اعرفهم من تاريخهم ناس احترمهم اكثر من الشعب القبطي في مصر ناس حافظت على لغلتهم وعاداتهم وتقاليدهم الناس ديه عندهم حريه جامدة جدا اكثر ما بيعتبروش نفسهم عرب عندهم حريه اكثر علشان عندهم حرية الناس بتخش بالحرية في الدين الاسلامي ادي حرية النهاردة لاي شعب عربي او شعب مسلم وشوف النتيجة
الاخ رشيد : نعم وانا اتفق معاك وانا اعرف اسباب كثيره التي ادت الى دخول الامازيغ او اتباع الامازيغ للسيد المسيح لان تاريخهم اصلا مسيحي هم ارغموا على الاسلام وهذا موجود في مقدمة ابن خلدون ، اشكرك سيد عدلي ، هو سألك ثلاث اسئلة لو يسمح الوقت بإختصار شديد جدا الرؤيه دي لماذا ذكرت بعض التفاصيل يأخذك منيدك اليمين ثم الشمال وتاريخ دق الصليب وبتخاطب اي نوع من الناس
الاخ صادق : الرؤية بالطبع انا احكيها زي ما حصلت معايا ان الرب يسوع كان ماسكني من يدي اليمين فلما اداني الخبز المقدس اداه لي في يدي اليمين وكانت يدي الشمال فاضية فبالتالي جه مسكني من يدي الشمال وهو كان ممكن الرب يسوع ما يمسكنيش انا مش صغير مش سني صغير بيبي لكن هو عايز يعرفني ان انا عن يمينك وعن يسارك فلا تتزعزع ، دقيت الصليب بعد المعمودية بعشر ايام وكنت في البلد ده في بلد اسمها الحامول براري وكان هناك فيه مولد القديسة دميانه ورحت المولد وهناك كانوا بيدقوا الصلبان فدقيت الصليب
الاخ رشيد : طيب بتخاطب اي نوع من الناس انا مضطر اسألك هذه الاسئلة
الاخ صادق : انا بأخاطب جميع الناس المثقف جدا بأقول له اقرأ الكتاب المقدس وتعالى للرب يسوع وانت تكتشف ان هو الطريق والحق والحياة والرجل البلدي البسيط زي ما كان في اسيوط وارسلوا معي الاثنين المخبرين واحد منهم في السكة بيسألني ويقول لي انت صحيح كنت مسلم وبقيت كافر نصراني قلت له ايوه قال لي وايه اللي يخليك تسيب دين الله ورسوله دين الحق قلت له طيب ممكن اقول لك انا ليه عملت كده الثاني رد عليه وقال له يا اخي سيبه احنا مش عايزين نسأل ولا نكلمه محمد بيه بيقول خده هنا خده غوره هنا لقحه مالناش دعوة ، قلت له لا يااخويا الحبيب خلي الاخ يسأل خليني اجاوبه قلت له يااخويا الغالي لو انت ساكن في اوضه مظلمة وفيها عفريت وبيعاكسك طول الليل يوقع الطبق ويهز السرير وعايز يوقعك من عليه ويكسر الاكواب وبعدين مش مخليك عايش في استقرار ولا هدوء وبعدين لاقيت واحد عظيم غني خدك من الاودة المعتمة وسكنك في بيت ابيض وجميل ترضى تسكن في البيت الابيض ولا ترجع للحجرة اللي فيها عفريت قال لأ اقعد طبعا في البيت الابيض النظيف قلت له ده اللي انا عملته كنت في الاسلام مع محمد في سورة اسمها سورة الجن وسورة الجن يعني اسمها سورة الجن والعفاريت فسبت الجن والعفاريت اللي في الاسلام وروحت للمسيح اللي بيطلع الجن والعفاريت قال لي علي الطلاق حلال عليك
الاخ رشيد : اشكرك الاخ صادق معانا مكالمة اخرى نأخذ هذه المكالمة الو اهلا بيك الاسم الكريم
: انا اسمي ابو علي يا اخ رشيد انا منبهر جدا بذكائك و سرعة بداهتك وادبك بالنقاش انا عرف ان البرنامج في اخر دقائق لكن اقول بسرعة للاخ الذي اتصل من ايطاليا فهو يقول بطريقة غير مباشرة ان هذا البرنامج وخصوصا قناة الحياة تعمل على ازدراء الاديان بانكم تبشرون وتكرزون للمسلمين وهذا ضد الانجيل
الاخ رشيد : وهذا ليس هدفنا طبعا
ابو على : وهذا ضد الانجيل ، الانجيل الشامل يشمل ايضا انجيل ولاهوت الاضطهاد لان المسيح ايضا ونحن نعلم ان الرسول بولس كما ذكرت انت اضطهد والآن في التاريخ الحالي كيف يفسر هذا الاخ المبارك ان كنائس كثيرة في مصر حسب ماسمعنا من القمص زكريا بطرس ومن كثيرين احترقت في السنوات الستين الاخيرة ، قبل قناة الحياة وقبل رشيد الذي الآن يبتسم امامنا وكيف يقول ان هذا هو البرنامج الذي يفعل اضطهاد ولكن هناك نقطة واحدة اخيرة اقولها ان كان المسلم يأتي اليك انت ايها المسيحي المبارك وربما يضطهدك او يبصق عليك لانك انت مسيحي وتبشره هناك يوجد ماء وتستطيع ان تغسلها ، ولكن ماذا تفعل بأهلي واحبابي الذين يذهبون الى الجحيم الى الابد لانني لم ابشرهم الويل لي ان لم ابشر وهذا اقوله لكل مسيحي في الشرق الاوسط شكرا اخ رشيد على استماعك
الاخ رشيد : اشكرك سيد ابو علي اخ صادق عبد المسيح اشكرك على المجئ اشكرك على تعب محبتك و اشكرك لكل الايضاحات واتمنى تكون فرصة قادمة حتى نكمل الاختبارات
الاخ صادق : لاكمل الاختبارات العظيمة والسجون والاضطهادات الرب يباركك ويبارك البرنانمج وانا بأقول لكل اخواتي المسلمين في نهاية المقالة دي ” لانه انزل الكتاب على طائفتين من قبلكم وانتم عن دراسته لغافلين ” سورة الانعام 156 ياريت احبائنا المسلمين ما يكونوش من هنا ورايح غافلين
الاخ رشيد : اشكرك ان شاء الله سيكون معنا الحلقة القادمة دكتور عماري حلقة عن الحج كونوا معنا الحلقة القادمة


Download text file

Daring Question 028

You may also like

سؤال جرئ 61 مسيحيون من خلفية إسلامية : الأخ كمال سليم
الاخ رشيد : مرحبا بكم مشاهدينا في حلقة اخرى من برنامج سؤال جرئ ، هذه [...]
3 views
سؤال جرئ 60 الطهارة بين الإسلام والمسيحية
الاخ رشيد : اعزائنا المشاهدين مرحبا بكم في حلقة جديد من سؤال جرئ [...]
4 views
سؤال جرئ 57 عقوبة شاتم محمد في التاريخ والعقيدة
الأخ رشيد: أعزائنا المشاهدين نرحب بكم في حلقة أخرى من حلقات سؤال جريء. [...]
1 views
سؤال جرئ 56 مسيحيون من خلفية إسلامية : الأخ توفيق
الاخ رشيد : اعزائنا المشاهدين سعيد ان اكون معكم في هذه الحلقة من سؤال [...]
25 views
سؤال جرئ 52 الجن في الإسلام : الجزء الثانى
الاخ رشيد : اعزائنا المشاهدين نرحب بكم في هذه الحلقة الجديدة من [...]
14 views
سؤال جرئ 50 رد القمص زكريا بطرس على ردود السيد فاضل سليمان
الاخ رشيد : نرحب بمشاهدي سؤال جرئ في كل مكان في هذه الحلقة سيكون معنا [...]
97 views
سؤال جرئ 49 مسيحيون من خلفية إسلامية : الأخت أمانى
الاخ رشيد : مرحبا بمشاهدينا الكرام في حلقة اخرى من سؤال جرئ هذه ثاني [...]
12 views
سؤال جرئ 46 حلقة خاصة عن السيد المسيح
الاخ رشيد : كل سنة وانتم بخير وعيد ميلاد مجيد للجميع اينما كنتم نرحب [...]
19 views
سؤال جرئ 45 عيد الأضحى
الاخ رشيد : اهلا بكم مشاهدينا اينما كنتم في هذه الحلقة الجديدة من سؤال [...]
1 views
سؤال جرئ 43 مسيحيون من خلفية إسلامية : الأخ سامى
الاخ رشيد : اعزائنا المشاهدين نرحب بكم في هذه الحلقة من برنامج سؤال [...]
1 views

Page 13 of 15

اترك تعليقاً