صندوق الإسلام 018 :لغز الوحى: من أين جاء القرآن؟

أهلاً بيكم في حلقة جديدة من سلسلة حلقات صندوق الإسلام

إتكلمنا في الحلقة اللي فاتت عن مخطوطات القرآن الأولى

وأنا وجهة دعوة للمسئولين خاصةً في مصر إن هم يقولولنا حقيقة مخطوطة مصحف المشهد الحسيني اللي موجودة في مكتبة المخطوطات الإسلامية في السيدة زينب

عايزين نعرف ده مصحف عثمان ولا مش مصحف عثمان

لحد دلوقتي مفيش ولا مصحف من المصاحف اللي بيتقال عليها مصحف عثمان دي وجدت وتم إثبات بالبحث العلمي بقى مش بالإدعاء إن ده من زمن عثمان فعلاً

أقدم المخطوطات التي تم العثور عليها هي مخطوطة صنعاء

وزي ماإنتم شايفيين أنا مامعاييش مخطوطة صنعاء النهارده لسبب ما

مخطوطة صنعاء تم العثور عليها سنة 1972 في المسجد الكبير في صنعاء

وهي تعتبر أقدم مخطوطات القرآن ولسببٍ ما بعد ما باحثين ألمان إبتدوا يشتغلوا على المخطوطة ونشروا أول بحث ليهم راجل إسمه جرد بوين

وإبتدى يقول إن الكلام القرآن اللي موجود في المخطوطات الأولى دي يختلف عن القرآن اللي عندنا النهارده

راحت الحكومة اليمنية قافلة على وثيقة صنعاء ومنعت أي حد إنه ينشر أي شئ ليه علاقة بيها

بردوا بنوجه نداء إلى المثقفين اليمنين ووزارة الثقافة هناك وزارة الأوقاف هناك

والشيوخ والدنيا كلها

لما هي دي أقدم وثيقة ده تراث إسلامي يمتكله مش بس كل المسلمين كل البشرية

قافلين عليه ليه خايفين من إيه

طلعوا الوثيقة إدوها للباحثين خلوهم يعرفوا عمرها قد إيه بالظبط

خلوهم يعرفوا إيه الإختلافات بين المخطوطات الأولى والقرآن اللي بين إيدينا النهارده عشان الناس تعرف

ما هو إنت في الزمن الفضاء المفتوح دون مش قاتقدر تخبي الحاجات دي كتير

القرآن ليه جانب لغوي وجانب كتابي وجانب بشري لازم الدارسين والباحثين يفتحوه

كارثة إن كبار المتخصصين في دراسات القرآن مايكونوش مسلمين

كارثة إن ناس من فرنسا ومن ألمانيا هم اللي يعرفوا قصة تارخ القرآن أحسن مننا

ده تراثنا بعيداً بقى عن المعتقد والدين و و و وإلى أخره

ده تراثنا الإنساني والحضاري ولازم يتفتح تتفتح

مش كفاية مكة والمدينة قافلينها مش عارفين نعرف نشوف أي حاجة ااا ا ا ا  نفتش عن أثار

نكتششف حاجة من تاريييييييخ الإسلام

كمان اليمن قفلت على أقدم وثيقة للقرآن

ف الموضوع كبير وطويل

أنا بقى هارجع لنص القرآن اللي هو موجود قدامنا وهاحاول على أساسه إن أنا أفهم  تطور القرآن مع تطور نفسية النبي محمد

لأن هم يعني ملتصقين ببعض

أنا لما باحب أقرا سيرة محمد أو تاريخ محمد مابعتمدتش كتير على سيرة إبن إسحق ولا على طبقات إبن سعد ولا على أنصار الأشراف للبلازري ولا على الواقدي ولا على غيره

أهم وثيقة لفهم محمد فعلاً هي القرآن

وهاقولكوا النهارده ليه

لما إبتديت أحط سور القرآن حسب ترتيب نزولها مش حسب المصحف اللي قدامنا

تبتدي تفهم إن فيه تطور ما حصل

يعني مثلاً كان أول سورة نزلت إقرأ بإسم ربك الذي خلق خلق الإنسان من علق

الأسطورة الإسلامية بتقول محمد كان نايم في غار حراء في عمر الأربعين لسببٍ ما ساب الدنيا كلها وراح يعتكف في الغار

وكل شوية مراته تجيبله أكل أو هو يروح يجييب أكل ويرجع تاني مستني إيه ؟

إن هو قاعد ناظر منتظر شئ معين

فيجيله راجل يخنقه يقوله إقرأ يقوله ماذا أقرأ فيرد عليه مرة تانية يقوله إقرأ

القصة دي بنفس تفاصيلها دي يعرفها التراث المسيحي مثلاً

أي حد فيكوا يدور على كتاب إعترافات القديس أوغسطينوس الراجل ده من القرن الرابع يعني بتاع 300 سنة قبل محمد

وكتابه إعترافات القديس كان موجود في زمن محمد

وكان السريان والمسيحيين العرب يعرفوا إعترافات القديس أوغسطينوس لأنه من أباء الكنيسة من الناس المهمين

القديس أوغسطينوس كان راجل مدرس وكانت حياته مستقرة خالص في مدينة ميلانو في إيطاليا

وفجأةً جاتله أزمة نفسية و وجودية ف ساب شغله وساب حياته وراح للفضاء يتأمل ويتعبد

وفجأة وهو نايم تحت شجرة توت سمع صوت بيقوله خذ وأقرأ خذ وأقرأ مرتين بهذا النص مكتوبة

والكتاب على فكرة مترجم للعربية وطلعته دار المشارق في بيروت

دوروا على كتاب إعترافات القديس أوغسطينوس وبالتحديد في صفحة 165 وصفحة 166 هتلاقوا فيه القصة محكية هكذا

ففهم إن ده صوت من السماء بيندهه وبيقوله روح إفتح الكتاب المقدس أو رسائل الرسول بولس أو أو

وراح وكمل وكانت نقطة تحول في حياته

حتى في مصر المسيحيين المصريين هيفهموا أنا قصدي إيه

في قصة القديس أنطونيوس الكبير الراهب المصري اللي هو إخترع الرهبنة

ده بردوا من القرن التالت يعني 4 قرون قبل محمد

بردوا جاتله قصة مشابهة سمع صوت علمه الصلوات و يعني هذه القصة بمعناها يعني

مش شئ جديد يعني إتاخدت زمان

المهم محمد في بداية ما جاله هذا الصوت اااا خاف

ماقابلوش بثقة بالنفس إن ده صوت سماواي إعتبر إن ده شئ مس من الشيطان

هو كان يعتقد إن أصابه شئ من الجنون

وراح لخديجة وقال زميليني زميليني وكان خايف وبيرتعش

فنزلت بعديها السورة اللي إحنا عارفينها يا أيها المتزمل قم الليل إلا قليل

أدي دي السورة التانية

قولنا في الحلقات السابقة إن خديجة إمتصت هذا الخوف خوفاً على زوجها إن هو يروح منها

وخوفاً على تجارتها لأن هو اللي كان قائم بهذه التجارة

ف لو قيل إن محمد مجنون هيبقى تجارتها راحت وماحدش هيتعامل معاها وهيخافوا و

وأقنعته إن هو نبي

وإبتدى إن هو عايز ي ي يجهر بدعوته وعايز إن هو يعني الناس تؤمن بيه

ف تيجي سورة إيه عشان خاطر تقرب وجهات النظر بينه وبين قريش تيجي سورة إسمها قريش

9:26 لإيلاف قريش إلافهم رحلة الشتاء والصيف فليعبدوا رب هذه البيت الذي أطعمهم من جوع وآمنهم من خوف

يعني إيه بيرغبهم خلوا بالكم إنتوا لو آمنتوا برب هذا البيت ربنا هيحافظلكوا على قصة الشتاء والصيف بتاعة التجارة وهأيمنكوا من خوف ومش هيحصلكوا مشاكل

يعني إيه مش بس في الحياة الأخرة لأ في الحياة الدنيا هتستفيدوا كمان

ف خلي بالكوا دي فرصة يعني الدين الجديد دون أو الدعوة الجديدة دي ممكن تستفيدوا منها مادياً في الإيلاف بتاعكم

طبعاً ردة الفعل معروفة إن ماحدش ااا  ماحدش  ااا  إنتبه ليه أو سمعه

وفجأةً مافيش وحي يعني كذا سورة صغيرين أهم وبعدين الوحي توقف تماماً

وهنلاقي هنقرا في صحيح البخاري قصة توقف الوحي غريبة جداً كإن البخاري بيحاول يدينا إشارة معينة كده

يا مسلمين إفهموا فيه حاجة معينة

أنا أحياناً كده وإنت بتقرا البخاري تحس إن هو بيحط دبابيس كده إيه

يعني بيدمر الإسلام من جوه الإسلام

فالبخاري حاطط حديث في قصة بدأ الوحي على لسان عائشة بيقول أو هي بتقول

ولم ينشب ورقة اا توفى ورقة  ااا ولم ينشب   توفى ورقة ولم ينشب أن توفى ورقة فتوقف الوحي

يعني أول ما ورقة مات الحي بطل وبطل قد إيه بقى يا معلم

مش يومين مش إسبوع مش شهر لأ ده من سنيتين ونص إلى 3 سنين حسب

يعني أقل حاجة سنتين ونص وبعدين 3 سنين

طب ده رسالة إيه ده القرآن اللي يبدأ بـ 3 سور قصار وبعدين يروح يبطل 3 سنين مرة واحدة مع موت رجل كان بيشكوا في مكة إن هو اللي كان بيعلمه القرآن

هو إيه ده بالظبط إيه تفسير دون مش هتلاقيلها تفسير هو هيقولك هو كده وخلاص

وطبعاً اللي حصل لمحمد بعد الموضوع دون زي ما الكتب بقى بتقول وزي ما هتلاقي بعد كده أول سورة ما هتنزل بعد كده هتقول كان متدمر وحاول الإنتحار للمرة التانية

يعني يطلع على جبل وهيرمي نفسه

شوف حتى شوف رمزية فكرة الإنتحار

يعني لو واحد ال ال لو إنسان يكره جسمه يعني دايماً هو اللي حاول يرمي نفسه من أعالي الجبال هو بيكره جسمه جداً

الإنسان اللي عنده شعور بالذنب رهيب

الإنسان الكاره للحياة عايز ينتحر من فوق الجبل ليه عشان الوحي ماجالووش

طيب بالنسبة للإنسان السوي المتزن

لو فيه هدف معين في حياته ماوصلوش مش إن هو ممكن يحزن شوية كلنا بشر وممكن إن هو يعني يمر بوعكة

لكن الإنسان اللي بيفكر في الإنتحار بيكون نفسيته دواخله بيكون فيها إيه

مابيكونش إنسان سوي بيكون عنده مشكلة فظيعة

وده اللي بيرجعني دايماً لفكرة مرض محمد النفسي

اللي هو إيه لغز الوحي إيه هو لغز الوحي

أنا شخصياً لا أعتبر محمد إنه كان كاذب فيما يقول

وباحس باخلاصه وبصدقه في كل الكلام اللي كان بيقوله

إنه مؤمن بيه جداً ومؤمن أن السماء تتكلم ليه

ده أنا بالنسبة لي أنا مافيش أي شك في أي شئ

يعني يعني فكرة إن هو كان بينقل من حاجة ومش عارف إيه

هو كان مقتنع تماماً إن اللي كان بيطلع من جواه ده كان من السماء

فتفسيرها إيه ده بقى فيه مرض بيسموه مرض العبقرية

وهو نوع من أنواع الصرع نوع نادر

إحنا عارفين الصرع العادي واحد يقع على الأرض ويترعش ويحطوله حاجة بين سنانه وبتاع

وأثناء موجات الصرع دي بردوا بتجيله تهيؤات وووو وإلى أخره

فيه نوع اخف من ده شوية إسمه صرع الفص الدماغي

واللي عايز يدور على أعراض المرض ده وقصته ومشاكله يخش على الإنترنت

هيلاقي بعض الشئ هو المفروض الإنترنت مش دايماً ماتعتبروش إن هو يعني المرجع النهائي

عشان بردوا باحذر ناس كتير مش كل المراجع موجودة في الإنترنت

وإن الحاجة لو مالقيتهاش في الإنترنت تبقى مش موجودة لأ

فيه حاجة إسمها بحث علمي فيه حاجة إسمها مكتبات ومش كل حاجة مكتوبة في كتاب موجودة على النت

بس على الأقل خش ودور مرض صرع الفص الدماغي والإعراض بتاعته

هتلاقيها أعراض نزول الوحي تقريباً بالظبط

اللي هو الإنسان بيسمع صوت زي الجرس أو صوت زي الموسيقى بيهيجه أو صوت جس بيجيب النوبة

هتلاقي إن أفكار الإنتحار إن الشخص ده بيجيله هاجس ال ال ال الإنتحار

هتلاقي إن الشخص المصاب بهذا المرض لما بتجيله الـ “سيجر”او الل الل الل الموجة بتاعة الصرع

بيبقى بعديها مباشرةً بيتكلم بسرعة شديدة جداً

أو بيكتب بسرعة هائلة يعني عنده يعني قدرة على الكتابة والكتابة أكتر من أي حد مشابه ليه

والكتابة بلغة راقية

وخلي بالك من إن هو بيتكلم بسرعة وترجع لآية قرآنية بتقول

لا تحرك به لسانك لتعجل به إن علينا جمعه وقرءانه

إن محمد لما كان بيجيله الوحي كان بيخاف ينساه فكان يتكلم بسرعة بسرعة بسرعة بسرعة عشان عايز يحتفظ بهذا الكم اللي هو جاله في هذه النوبة

ف الصوت الداخلي اللي جواه بيقوله ماتستعجلش ماتستعجلش

لا تحرك به لسانك لتعجل به

ودي من أعراض بالظبط مرض ال صرع الفص الدماغي

رؤية إنك تشوف ضوء شديد

وفيه مرضى لمرض الفص الدماغي شافوا ناس لابسين أبيض في أبيض

وشافوا ضوء شديد في السماء وسمعوا أصوات بتتكلم إليهم وشافوا ناس بيمشوا قدامهم وكلموهم وردوا عليهم

أشياء كتيرة جداً تقرب هذه النظرية

طب النصوص بقى جت منين

أول حاجة قالوا إن محمد ماكانش بيعرف يقرا ويكتب

أنا ارفض هذه النظرية تماماً النبي الأمي مش معاناها الذي لا يجيد القراءة والكتابة

ولكن الذي ينتمي إلى أمة لم يأتي فيها رسول

فحتى في القرآن نفسه هو الذي بعث في الأميين رسولاً منهم

الأميين يعني اللي ماجالهمشي نبي قبل كده

هم بيستشهدوا بالحكاية بتاعة بني حراء هو قاله إقرأ قاله ما أنا بقارئ

لأ أول رواية قال ما أقرأ يعني أقرا إيه ؟

مش ما أنا بقارئ يعني أقرا إيه ؟

ده اللي كان رده يعني أول رد اللي كان من محمد على على الراجل اللي دخل عليه الغار

اللي هم طبعاً بيعتبروه جبريل

إذاً لو خدنا سيرة كُتاب كتير جداً هنكتشف إنهم كانوا مصابين بنفس المرض بتاع  ااا صرع الفص الدماغي ااا اللي هو لذلك بيسموه مرض العباقرة

أرسطو وسقراط الاتنين كانوا مصابين بهذا المرض

الأكيد من الناس اللي في العصر الحديث سورين كيركيجارد الفليسوف ال ااا الدنيماركي المعروف

و فيدور ديستويفسكي صاحب الروايات الشهيرة الإخوة كرامازوف اللي فيها شخص عنده صرع

الإبن اللي هو اللي عمل الفيلم محي إسماعين بردوا في في مصر عمل شخصية الشخص المجنون اللي عنده صرع

بردوا رواية المجنون الشخص اللي في رواية المجنون اللي هو بطل الرواية الأمير

أصاب بهذا الصرع وهو نفسه بيقول في الرواية إنه يفهم محمد

الرؤى ورؤية السماوات قال نحن المصابين بالصرع نعرف هذا

ديستويفسكي في يومياته كتب هذا الشئ وبإستفاضة

إنه فاهم فاهم رحلة الإسراء والمعراج بتاعة محمد كويس جداً

لإنه مر بتجربة مشابهة ومر برؤية ضوء في السما ومر ب اااا نشوة روحانية جميلة مع كل نوبة صرع

لو عايز تستفيض وتبحث في هذه القصة دور على صرع الفص الدماغي على النت

أو لو بتعرف إنجليزي وهذا أفضل عشان المراجع والمقالات اللي بالإنجليزية أدق وتوصف

دور على مرض إسمه Temporal lobe epilepsy (TLE)

هتلاقي اشياء شبيهة جداً كانوا بيسموها في هذا العصر بالنسبة للي يؤمن بيها وحي

واللي ماكانش يؤمن بيها كان بيقولوا مس من الشيطان مس من الجنون

ولو إنت قريت القرآن هتلاقي إن فيه 16 مرة القرآن بيحاول يدافع عن محمد ويدفع عنه تهمة الجنون وما صاحبكم من مجنون

وفيه بردوا آية غريبة في القرآن وقالوا يا أيها الذي نزل عليه الذكر إنك لمجنون

طبعاً الآية فيها تناقض غريب يعني أنا لو إعترفت إن إنت نزل عليك الذكر وإن الذكر ده نزل يبقى إنت مش مجنون ولا حاجة بس ده دليل يعني

حتى لو بصينا لسورة النجم اللي هي فيها كلام عن رحلة المعراج ورأه بالأفق المبين وو وو وإلى أخره

أنا زي ما قولتلكم في الحلقة السابقة القرآن ماكانش فيه تنقيط

ماكانش فيه فصل بين الآيات وبعضها بنقط

ف ماتعرفش الآية بتبدأ فين وبتنتهي فين

يعني مثلاً والنجم إذا هوى ما ضل صاحبه

إحنا بنقراها والنجم إذا هوى ما ضل صاحبكم وما غوى

طب إنت لو قريتها والنجم. نقطة  زي والسماء والطارق بيقسم بالنجم

والنجم. (نقطة) إذا هوى ما ضل صاحبكم وما غوى

يعني لما وقع على الأرض ماكانش بيخترف لأن دي النوبة اللي كان بيجيله فيها الوحي

وقال فيها إن هو طلع للسماء وإن هو شايف السماء العليا وسيرة المنتهى وو وو وإلى أخره

لأ هو ممكن كانت نوبة صرع جاتله ووقع على الأرض وهو بيبرر وبيقول ما ضل صاحبكم وما غوى وما ينطقه عن الهوى إلا هو وحيٌ يوحى

ف كده منطقية وفيه وصف لمرتين في السيرة

إن محمد سقط على الأرض وعينه بحلقت إلى السماء مرة لما كان بيسمع موسيقى

سمع موسيقى فوقع على الأرض وعينيه بحلقت على السماء

ف فيه أعراض كثيرة لو تابعتوا قصص بدأ الوحي حتشوفوا إن كان شئ غريب

إن كانت رجليه لما تيجي على رجل حد والوحي جاله كانت تتقل دي من أعراض الصرع

إنه يسمع صوت جرس إنه يرتعش إنه يعرق في عز البرد إنه اااا بوقه يطلع منه زي زبد

كل دي من الأعراض بتاعة الصرع

بس اللي مؤمن بيه واللي بيسمع الكلام الجميل الرائع القوي اللي بيطلع من القرآن خاصةً في الفترة المكية يقولك ده أكيد وحي من عند ربنا

هنكمل قصة القرآن وتتطورها مع نفسية محمد في الحلقة القادمة

تابعونا على قناة اليوتيوب حامد دوت تي في

Download text file

Box of Islam 018