صندوق الإسلام 38 :الاخوان المسلمين وعلاقتهم بالنازية

أهلاً بيكم في حلقة جديدة من صندوق الإسلام، وهنواصل الكلام عن الفاشية الإسلامية

عايزين نتكلم النهارده عن اأخوان المسلمين وعلاقتهم بالنازية نازية هتلر في ألمانيا

بس قبل ده خلينا نبدأ بـ لما الإخوان وصلوا للحكم في مصر

طبعاً الناس هتيجي بقى تقولك سيب بقى الإخوان ما الإخوان سقطوا مااا ، إحنا عندنا مشاكل تانية وبتاع

لأ، الإخوان مش فترة الحكم بتاعة محمد مرسي وبس

الإخوان سوس ضارب في الفكر الإسلامي والمصري من سنين، ومأثر لحد دلوقتي

وإن كانوا سقطوا عن الحكم في مصر ، لأن المبادئ والأفكار والبنية المجتمعية اللي كوِّنوها على مدى 88 سنة لسه موجودة

لما الإخوان نجحوا في إنتخابات البرلمان في مصر، لو تفتكروا كان فيه مصطلح بيستخدموه إسمه “غزوة الصناديق”

لما نجحوا في البرلمان بإكتساح إستخدموا مصطلح “غزوة الصناديق” إن اللي معناه إن جعلوا من الصناديق دي زي مقابر يدفن فيها أعدائهم

غزوة المصطلح الإسلامي القديم اللي هو نسف الأعداء، اللي هو لا يؤمن بوجود الآخر

إن إيه يا قاتل يا مقتول مش حكاية إن أنا أنجح مرة وإنت تنجح مرة لأ، الإنتخابات دي وسيلة للتمكين

وكلمة التمكين دي هترافقنا  أكتر من مرة وإحنا بنتكلم عن الفاشية الإسلامية، لإن ده بالظبط اللي عمله هتلر لما وصلوا للحكم في ألمانيا سنة 1933

إن هو الحزب بتاعه كان بس واخد 32% من المقاعد وماكانش مسيطر هذه السيطرة الكبيرة

ولكن أول ما وصل هتلر للحكم إبتدى يقول إن ألمانيا تحيط بها المخاطر والمؤامرات من كل جانب

ونحتاج لجيش قوي ونحتاج إلى قانون يمكن الدولة من النيل من رقاب المارقين والخارجين عن القانون ولإستتباب الأمن وووو إلى أخره

وبإسم المؤامرات الخارجية والداخلية وبإسم الخوف على مصلحة ألمانيا عمل قانون إسمه بالنص إسمه قانون التمكين ……………. زي ما هو إسمه بالألماني اللغة الأصلية

ولما الإخوان وصلوا للبرلمان إبتدوا إن هو يعملوا نفس الخطوة بالظبط

ليه؟! لإن الديموقراطية عن الإخوان وعند النازية هي نفس المبدأ “حصان طرواده للحصول على الحكم”

ديموقراطية أه لحد ما أوصل للكرسي لكن بعد ما أوصل للكرسي مافيش حاجة إسمها ديموقراطية

مافيش حاجة إسمها تبادل سلطة ، مافيش حاجة إسمها التعايش بين الأحزاب وووو وإلى أخره

فأنا لما بأتذكر لما الإخوان نجحوا في البرلمان في أول إنتخابات إتعملت بعد سقوط مبارك في مصر

فرحة بقى ونزلوا الشوارع وخلاص بقى يعني إيه !!

وقالت الصناديق للدين نعم، أنا كنت كتبت عبارة على الفيسبوك وزعلوا اصدقاء إن أنا بأخلط دي بـ دي

كنت كاتب “فاشي بنور الله، بادعي وأقول يارب” عارفين إنتوا الأغنية القديمة بتاعة الكحلاوي ماشي في نور الله، بادعي وأقول يارب فأنا خليتها فاشي بنور الله، بادعي وأقول يارب، الناس زعلت !!

لما مرسي إنتخبوه كتبت نفس العبارة “فاشي بنور الله، بادعي وأقول يارب” زعلوا تاني قالوا يعني إنت كنت عايز شفيق اللي يبقى الرئيس؟؟

أنا باقول إن إنتوا مش عارفين إنتوا مقبلين على إيه يعني، القصة مش حكاية رئيس أحسن من رئيس

ده ده ، ده منظمة لو تملكت من رقابنا هتودينا في 60 داهية

فـ لما بقى مرسي بعدها بكام شهر عمل قاون سماه بردوا “تغيير دستوري” ده كان قانون تمكين

حط كل السلطات في إيده، كان بيحاول يبتدي يعمل علاقات مع إيران عشان يعمل جيش عشان يبقى بديل عن الجيش

وإبتدى إن هو هم يغيروا في القوانين، وإبتدوا يناقشوا حاجة في البرلمان إسمها مشروع الـ 50 نقطة أو الـ 50 مبدأ اللي حطهم حسن البنا سنة 1936 كأساس لإعادة الخلافة الإسلامية

نرجع بقى لورا 88 سنة لما إتأسست جماعة الإخوان المسلمين ونشوف إيه علاقتها بالنازية وإيه علاقتها بهتلر؟؟

حسن البنا زي ما كتير منكم عارفين كان مدرس لغة عربية في مدرسة في مدينة الإسماعيلية

أخد 500 جنيه من الشركة الفرنسية اللي مسؤلة عن قناة السويس في الإسماعيلية وعمل نادي أو مجموعة كده للشباب الشبان المسلمين

وإبتدى يعني إيه يعمل حاجة إسمها الدعوة

إبتدى يروح على المقاهي ودي كانت حاجة جديدة على فكرة الدعوة، إن حد يروح المقاهي ويدعوا إلى أفكاره

جابها منين فكرة إنه يروح المقاهي ويدعوا إلى أفكاره دي ؟؟؟

ده نفس الشئ اللي كان هتلر بيعمله في العشرينيات لما كان بيدعوا للحزب القومي الإشتراكي بتاعه في ألمانيا اليميني المتطرف

كان بيروح المقاهي وينشر أفكاره هناك، طب ده دليل إن حسن البنا كان ليه علاقة بهتلر ؟؟

لأ، مش ده بس القصة طويلة جداً !!

قولنا إن النازية والفاشية نشأوا يعني كـ  نتيجة التطورات في أوروبا وخاصةً الحرب العالمية الأولى اللي إنتهت 1918 بهزيمة ألمانيا وهروب إمبراطور ألمانيا، وحصلت ثورة وكانوا خايفين من الشيوعية

إبتدى الشعب الألماني يبقى حاسس بالهزيمة حاسس بالخزلان الخزيّ ، لازم يدفع تعويضات لإنجلترا وفرنسا على الحرب العالمية الأولى

ومن منطق الهزيمة ومن منطق الذل، قامت الحركة النازية وقالت سنعيد بناء ألمانيا مرة أخرى

الحرب العالمية الأولى أنهت 3 إمبراطوريات كببيرة كانت موجودة

الإمبراطورية الألمانية، والإمبراطورية الروسية بتاعة ال يعني الثائر القيصر الروسي اللي الثورة البلشوبية جت أنهت عليها

والإمبراطورية العثمانية أنهكت تماماً وتحطمت تماماً وكانوا بيسموها الرجل المريض على محيط على مضيق الفسفور

ف اااا وزعوا إنجلترا وفرنسا إرث الإمبراطورية العثمانية بينهم وبين بعض

والمسلمين اللي كانوا تحت الخلافة العثمانية حسوا باليتم الثقافي والسياسي

طبعاً الدول الإسلامية هي ماكانتش دول طبعاً كانت مجرد محميات تحت الإحتلال الفرنسي بقى والبريطاني أو الإيطالي زي ليبيا

مش عارفين يروحوا فين، مش عارفين يقرروا ، يا ترى نعمل دولة مدنية ؟!!

ولا نعمل نرجع قبائل تاني ؟؟!! الإستالينية البدوية اللي إتكلمت عنها قبل كده، أو نرجع للخلافة

هو ده بالظبط ميلاد الإخوان المسلمين زي ما النازية نشأت عشان تعيد مجد ألمانيا مرة تانية ومجد إيطاليا الفاشية مرة تانية الفاشية، الإخوان أسسوا الحركة بتاعتهم عشان يعيدوا مجد الخلافة الإسلامية مرة تانية

طب حسن البنا كان يعرف حاجو إسمها هتلر ؟؟!! كان يعرف حاجة إسمها موسوليني؟؟!!

طبعاً مش بس كان يعرفهم، ده كان معجب بيهم وكان شايفهم كمثل أعلى !!

يعني كان بيكتب يعني تغزل في موسوليني كتب مقالة سنة 1935 في جريدة النذير اللي هو كان بيعملها

وعلى فكرة جريدة النذير ترجمة حرفية لجريدة كان عاملها هتلر في العشرينات كان إسمها النذير بردوا نفس الإسم

ف اااا حسن البنا كان شايف هتلر وموسوليني عملوا الدولة بتاعتهم إزاي

وكانوا شباب هتلر والمنظمات العسكرية والمليشيات العشكرية بتاعة القمصان السوداء لموسوليني والقمصان البني لهتلر

كل ده هيعيد عمله حسن البنا مع الإخوان المسلمين وفرق الجوالة والتنظيم السري

نفس الخطوات بالضبط !! ونفس الأفكار !!

حتى الشعار بتاع الإخوان المسلمين اللي هم السيفين المتعانقين واخدها من الصليب المعكوف بتاع هتلر علامة النازية المعروفة يعيني

فـ كان فيه تأثير واضح للفكر الفاشي والمبادئ النازية على الإخوان المسلمين

حسن البنا كتب سنة 1935 مقالة عن موسوليني إسمها “السنيور موسولينى يشرح مبدأ من مبادىء الاسلام” **السنيور موسوليني يشرح مبدأ من مبادئ الإسلام،

إيه هو المبدأ دون؟؟ مبدأ الجهاد !!

إن موسوليني كان عمل خطبه كان واقف فوق دبابة وبيحرض الشعب الإيطالي إن كل الشعب يبقى جنود

وقال إن إيطاليا يعني القدر واقف إلى جانبها ولابد أن يكون كل شخص في إيطاليا ما بين عمر 8 سنوات و55 سنة لابد أن يكون عسكري

وإن فقط الأمة الإيطالية هي القادرة على عمل هذا الشئ

لإن الجينات الإيطالية أو الطبيعة الإيطالية أو التاريخ الإيطالي هو الوحيد الذي يسمح بهذا الشئ

وحسن البنا قال هو ده!! مجد الامم لا يعاد إلا هكذا بـ “عسكرة الدولة” كلها!!

بس قاله بس إنت وقعت في غلطة يا عم موسوليني لإن مش إنت ولا إيطاليا اللي إخترعت فكرة إن كل الشعب من 8 إلى 55 يكونوا جنود ومستعدين للحرب، ده النبي محمد عمل كده من 1300 سنة !

فـ هو كان نفسه بيقارن حسن البنا الفاشية بالإسلام والتقارب بينهم

ماشافش غير فرق واحد بس إن الفاشية تحاول الوصول إلى أهداف دنياوية أم الإسلام فهو في سبيل الله في سبيل الله

حسن البنا عمل كذا مبدأ كانوا واضحين في الشعارات اللي هو بيستخدمها

اللي هو زي:  الرسول قائدنا، والقرآن دستورنا ، والجهاد في سبيلنا ، والموت في سبيل الله أسمى أمانينا

والموت في سبيل الله أسمى أمانينا، حين يكون الموت هو أسمى الاماني، فأعلم أن النهاية مفجعة

إعرف إن الطريق ده هيكون مليان دم، لما يكون أسمى الأماني هو أن تموت، لا أن تعيش وأن تجعل الآخرين يعيشون معك في رخاء وسلام وتعاون لأ، الموت !!

لما يكون أسمى الأماني، يبقى هذا الطريق محفوف بالدماء وبالأشلاء

وده تاريخ الإسلام السياسي زي ما هو تاريخ الفتوحات الإسلامية من قبل الإخوان بقرون

طيب حسن البنا كان بيختار أعضاء التنظيم بتاعه إزاي؟

فيه أكتر من واحد الحقيقة كتبوا في الموضوع دون يعني اللي عايز يتابع بقى كتاب Islamic Fascism اللي أنا نشرته في أمريكا مؤخراً فيه تفاصيل كتير عن اللي كتبوا في تاريخ الإخوان

خاصةً الدكتور حلمي النمنم اللي هو حالياً وزير الثقافة

وقبل منه كان علي العشماوي اللي هو كان قائد التنظيم السرِّي للإخوان وخرج عنهم

وفيه طبعاً ثروت الخرباوي فيه كتابين ليه ااااا مشهورين “سر المعبد” هو الأهم فيهم يعني

بس أنا شايف إن علي العشماوي أهم لإنه كان قائد في التنظيم السري وكان بيشرحلك إزاي ال ال ال  حسن البنا كان بيختار العضو الجديد في التنظيم

جو سري، غرفة مظلمة، مسدس ومصحف، يجيي يقسم على الولاء والسمع والطاعة وده مبدأ “السمع والطاعة” اللي هو يعني ……

ومبدأ التجنيد على هذا الأساس يعني إنه يراقب العضو قبل ما ياخده، هتلر كان بيعمل كان مع التنظيم السري بتاعه قبل ما ياخده كمان

ومبدأ السمع والطاعة لاتناقش ولا تجادل، ده كان مهم جداً عند الفاشية وعند الإخوان

مبدأ الولاء التام للأمير، مبدأ عند الفاشية وعند الإخوان

لا تنتقد الأمير، لا تنتقد سياسة الحزب، ده بالظبط ال ال  الفاشية

ده بالظبط اللي جاي منه من أساسه قانون إزدراء الأديان

ماتطرحش علامة إستفهام على فكرة

الأفكار دي فاشية أو إسلامية محصنة بأسوار عليها أسلاك شائكة وصواعق كهربائية وسيوف

الإسلام زي  ما الراجل الشيعي المحترم أوي العراقي إياد جمال الدين قال:” الإسلام بين حافتين حافتي شفرتي سيفين”

سيف الفتوحات الإسلامية من ناحية مسلط على غير المسلمين، وسيف الردة مسلط على المسلمين

هتروح فين كده كده هتتقطع رقبتك، فماتعرفش تخرج

فالسيفين دول هم اللي حاميين هذا الفكر

الفكرة التي تحتاج إلى أسوار وسيوف لحمايتها هي فكرة هشة جداً

ولكنها قادرة إن هي تعيش 14 قرن، ليه؟! عشان السيفين دول سيف الفتوحات وسيف الردة

لو السيفين دول مش موجودين الفكرة دي كانت تبخرت وماكانش هيبقى ليها وجود

كنت هتلاقي المسلمين النهارده عددهم محدود جداً وهتلاقيهم أقلية مش معترف بيهم

ومش مسموحلهم يدرسواحتى قرآنهم أصلاً في المدارس

اللي مدي جعجعة الصوت والبجاحة دي كلها، الأعداد !!!

إن دول سوق والعالم مش عايز يغضبهم عشان بيبيعولهم منتجاتهم وعشان شوية عندهم بترول وعشان خايفين من الإرهاب

آدي ملخص ما تبقى من ثقافتك العربية الإسلامية اللي إنت ممم مقطع الدنيا عليها يعني

طيب الإخوان بعد ما عملوا التنظيم السري وبعد ما عملوا الجوالة وبعد ما عملوا كل التنظيمات دي كلها، كانوا عايزين إيه؟؟!!

كانوا عايزين يعيدوا الخلافة الإسلامية

طبعاً اللي كان ماسك مصر في الفترة دي، كان ال يعني اللي تولَّى الحكم بعد فترة بعد فؤاد تولى فاروق إبنه

فـ فاروق كان راجل علماني وبيحاول يعمل توازونات بقى، الإنجليز من ناحية، الفرنساويين من ناحية وكان بردوا فتح قناة مع الألمان، مش عايز يعني إيه يعزل مصر

فـ بس كان فيه في مصر حركة ديموقراطية بادئة، يمكن ده أقوى من الحركة اللي موجودة دلوقتي

لو تسمعوا عن الدستور اللي إتعمل بعد إستقلال مصر سنة 22 اللي كان فيه مواد جديدة وحديثة – حداثة

بس طبعاً جم الإخوان المسلمين مش عايزين كده إزاي واحدإسمه قطَّاوي باشا كان وزير مالية، إزاي واحد يهودي يبقى وزير مالية ؟؟!!

إزاي ااا وصفي ناصف قبطي ويبقى رئيس البرلمان ؟؟!!

هو يعني خلاص يعني، المفروض لا يولَّى أمور المسلمين غير المسلمين

شوفتوا القصة بعيدة وزمنها إزاي ؟؟ اللي عايشيين مع بعض من 1400 سنة في سلام ومافيش فرق بين القبطي والمسلم

حبوا يرجعوا ال ال ال العجلة للوراء فإبتدوا فإبتدى يروح وا للملك فاروق يقولوله يقوله إيه بقى حسن البنا،

يقوله -لما لقى فيه تيارات يسارية عايزة إستقلال أكتر من الملك وعايزة تقلص من سلطات الملك ويطلعوا في الشارع مظاهرتا ضد الملك-

فحسن البنا –والإخوان طول عمرهم كده بقى يصطادوا في المية العكرة يصطادوا في المية العكرة-

فحسن البنا راح لفاروق وقاله ماتيجيي أتوجك أمير المؤمنين وتبقى إنت كده خلصت بقى بلا ديموقراطية بلا برلمان بلا كلام فارغ

ونشر رسالة هتلاقوها في رسائل حسن البنا، كاتب فيها –إسمها رسالة نحو النور- فيها 50 نقطة اللي هو بيحدد فيها معالم الدولة الإسلامية وإزاي نعود للخلافة مرة أخرى

بيطالب فيها الدول العربية والإسلامية بإيه حل جميع الاحزاب السياسية بلا ديموقراطية بلا كلام فارغ

نفس الخطوة اللي عملها هتلر أول ما عمل قانون التمكين بتاع سنة 1933 لما مسك الحكم

أول خطوة عملها حل جميع الاحزاب السياسية

حسن البنا خدها أول نقطة حل جميع الاحزاب السياسية

ليه؟؟ أحزاب بقى وديموقراطية وسياسة ده يسير الفتن يا جلالة الملك يعني هيعمل مشاكل وبلبلة

إحنا عايزين قائد نمشي وراه زي هتلر وخلاص

وليكن إنت مبدإياً، لحد إحنا ما ننقلب على الحكم وناخد إحنا والإخوان يبقوا هم اللي يرجعوا الخلافة تاني

ف أول نقطة من الـ 50 نقطة حل الاحزاب السياسية اللي طالبوا بيها

مراقبة العاملين في الدولة، حتى في حياتهم الخاصة

يعني مافيش فرق بين ………….. العامل في الدولة لازم تراقبه في بيته تشوف بيعمل إيه وفي حياته الخاصة بيعمل إيه!! مبدأ نازي فاشي من الصميم

كإنه قاري الكتالوج بتاع هتلر لما وصل الحكم عمل إزاي

ومحمد مرسي لما كان عنده الادوات لما كان في الحكم عشان الناس اللي لسه ساذجة كان هيعمل ده بالظبط

اللي هو خد الخطوات بتاعة التمكين خد الخطوات بتاعة التمكين إن لابد من توطيد العلاقات -في الـ 50 نقطة- بين كل الدول العربية والإسلامية لإعادة الخلافة مرة أخرى

إن الأزهر يروح موظفين منه يشتغلوا في الجيش ويقوِّموا أخلاق الجنود والضباط عشان كله يبقى على الشريعة الإسلامية

بس طبعاً الملك فاروق لم ينصت لكلام حسن البنا

وحسن البنا فضل بقى إيه يرقص بين النوادي، يشوف المخابرات البريطانية نظامها إيه؟

يشوف الألمان نظامهم إيه

ودي نقطة هنبتدي نتكلم فيها في الحلقة الجاية بقى عن مش بس العلاقة الفكرية والتنظيمية بين الإخوان المسلمين والنازية

وإنما نقطة أهم بكتير هي علاقة التعاون العسكري والتنظيمي المباشرة والمادية

وفيه وثائق مهمة عن هذا الموضوع

مش بس عن علاقة الحج أمين الحسيني اللي هو مفتي القدس اللي راح ألمانيا

واللي أسس فرقتين عسكريتين نازيتين من مسلمين مقاتلين مسلمين من دول البلقان بس

واللي كان على دراية تامة بالمحرقة اللي حصلت لليهود وإنه كان يشجع على هذا الشئ

وإن هو من أول الناس اللي قالوا الإسلام والنازية يلتقيان في أفكار كثيرة ومبادئ كثيرة وإن علاقتهم وطيدة ببعض

لأ !!  ده كمان الإخوان المسلمين اللي في مصر كان ليهم علاقة بالمخابرات الألمانية

وده اللي هنتكلم عنه في الحلقة القادمة

تابعونا على BoxofIslam على الفيسبوك  على اليوتيوب على قناةHamed.tv


Download text file

Box of Islam 038

You may also like

صندوق الإسلام  009 : لماذا طعنت قريش في نسب محمد؟
أهلاً بيكم في الحلقة التاسعة من سلسلة حلقات صندوق الإسلام الصندوق [...]
34 views
صندوق الإسلام  008 : لُغز كتابة سيرة إبن إسحق ولُغز إختفائها فيما بعد
أهلاً بيكم في الحلقة التامنة من سلسلة صندوق الإسلام طلعنا الحلقة اللي [...]
24 views
صندوق الإسلام 007 : ماهي وصية محمد الاخيرة قبل وفاتة
أهلاً بيكم في حلقة من صندوق الإسلام طلعنا الحلقة اللي فاتت من الصندوق [...]
11 views
صندوق الإسلام 06 : من قتل محمد؟ ولماذا؟
أهلاً بيكم في الحلقة السادسة من سلسلة حلقات صندوق الإسلام طلعنا من [...]
2 views
صندوق الإسلام 05 : نقاط التحول فى حياة محمد
أهلاً بيكم في الحلقة الخامسة من سلسلة حلقات صندوق الإسلام النهارده [...]
1 views
صندوق الإسلام 04 :  إختراع شخصية النبي محمد
 قبة الصخرة في القدس قبة الصخرة تأسست ما بين 691 وبين 693 ميلادية قبة [...]
5 views
صندوق الإسلام 03 : هل كان هناك نبي إسمة محمد؟
اهلا بيكم في الحلقة الثالثة من سلسلة صندوق الاسلام الحلقة دي هتبدا [...]
1 views
صندوق الإسلام 02 : الإسلام والمافيا الجزء الثاني
الحلقة الثانية من صندوق الاسلام: اتكلمنا في الحلقة اللي فاتت عن [...]
0 views
صندوق الإسلام 01 : الإسلام والمافيا
اهلا بيكم في الحلقة الأولى من سلسلة حلقات صندوق الاسلام، صندوق الاسلام [...]
5 views
Box of Islam Episode 2 صندوق الإسلام - الثانية :  الإسلام والماڤيا - الجزء الثاني
- أهلا بكم في الحلقة الثانية من سلسلة حلقات صندوق الاسلام - اتكلمنا في [...]
18 views

Page 13 of 14

اترك تعليقاً