صندوق الإسلام 020 : مراحل تطور القرآن / فترة المدينة

أهلاً بيكم في حلقة جديدة من سلسلة حلقات صندوق الإسلام

هنكمل التسلسل الزمني للقرآن وتطور نفسية محمد معاه

هاذكركوا باللي إحنا قولناه في الحلقتين اللي فاتوا عن تطور لغة القرآن

إنه بدأ بلغة لينة تجاه أهل مكة

وبعدين لما مامنوش إبتدى يجيبلهم التهديدات بنهاية العالم وزلزلة الأرض زلزالها وإنشق القمر

ماجابتش مفعول إبتدى يجيب قصص الأنبياء العرب عاد هود وصالح وقوم عاد وثمود الذي نسفهم الله لأنهم لم يؤمنوا بقومهم (بانبياءهم)

مانفعش الكلام دون فابتدى يتقرب إليه بإن هو جاب آية تمدح آلهتهم

وبعدين إكتشف الغلطة فصلحها

وبعدين إبتدى يجيب قصص الأنبياء بتاعة التوراة إبراهيم وموسى ونوح

ويقولهم إن عشان مامنوش بربنا ربنا كسرهم وربنا دمرهم

فجم قالوله طب كويس أوي إنت بتقارن بتقارننا إحنا بقوم عاد وثمود وقوم نوح وبفرعون وموسى

طيب إنت المفروض تبقى زيهم إنت كمان زي الأنبياء دول

وتجيب معجزات فين معجزاتك فين معجزاتك؟

ف ماكانش عنده رد     كانت مشكلة بالنسباله    أن هو ماعندوش معجزات

وفي خضم هذا الصراع ماتت خديجة

وكانت ضربة قوية ليه

زي ما قولنا كانت هي السند والمادي والإجتماعي والأخلاقي

هي اللي بتساعده   يعني اللي بتمتص صدماته

ف إبتدى يتغير وحتى لغة القرآن إبتدت تتغير

وإبتدت بقى الخرافة تكتر

يعني زي ما قولنا هو للطائف وبعد رحلة الطائف

ف طبعاً يعني أهانوه فيها وضربوه وحدفوه (بالطوب) وبتاع

جاب سورة الجن عشان يقول لأهل مكة والطائف آمنوا بي

كائن تاني خالص إسمه الجن سمع كلام القرآن الجميع دون    فآمن بيه

دي دي دي اللي هم بيسموها في علم النفس يعني ال  الهلوسة السمعية والهلوسة البصرية

يعني الشخص في أقصى دراجات هزيمته يحلم بإن هو يكون ملك العالم

وده اللي حصل بالظبط

خسر كل شئ خسر مراته حتى عمه أبو طالب مات

ماحدش بيآمن بيه لا في مكة ولا الطائف

فييجي يحلم حتى في عز عين ضعفه

حتى لو تفتكروا في الطائف يقول

اللهم إني أشكوا إليك ضعف قوتي وقلة حيلتي وهواني على الناس

يعني انا إتبهدلت

ف ييجي سورة الجن يؤمن بيه الجن

وبعدين مش بس كده على طول تيجي سورة الإسراء اللي بتقول إن هو طلع لل ااا للقدس على البراق

وبعدين راح للقدس وربط البراق في مكان كده وموجود مكانه دلوقتي للي راح القدس

فيه مكان هناك كده بيقولك ده مربط البراق

يعني جت على الربطة يعني هيسيبه ويمشي

يعني ده مش بتاع ربنا هتربطه ليه

المهم يعني ال إيه      لأ ومش بس كده

يعني صعد للسماء على طول من هناك من القدس طلع على السما على طول

ودي قصة على فكرة متاخدة من كذا أسطورة حكاية المعراج إلى السماء فيه قصة نخنوخ اللي هيدور عليها في النت هيلاقيها

وفيه قصة سلم يعقوب موجودة بردوا في العهد القديم

إن هو كان ببيهرب من بير شيفع (بئر سبع) وشاف سلم عليه بتنزل الملائكة من فوق لتحت

ف يعني كل حاجة ليها أثر (متجاب منها)

بس حنا خدنا الأسطورة دي وبنحتفل بليلة الإسراء والمعراج

والقدس بتاعتنا عشان الموضوع دوت

ده إنت حتى مابيتش ليلة هناك يا أخي

عملت ترانزيت ومشيت يعني ماشتريتش سندوتش فلافل حتى من القدس عشان تقول حتى نفعت أهلها شوية ولا ولا عملت ولا إشتريتلك حتة أرض هناك ولا بيت

لأ هو يقولك عشان الموضوع دون بنى الأسطورة دي كلها والصراع اللي إحنا مش عارفين نطلع منه لحد النهارده بسبب هلوسة إن هو تعبان نفسياً عشان ماحدش مؤمن بيه

فلازم يحلم بالسما ويحلم بكل حاجة

ده للي بيبص للقرآن كتطور نفسي بشري طبيعي

اللي بيؤمن بالأساطير بقى مش هتعرف ت تعمل معاه حاجة

بس الغريب أوي وأنا بأقرا في سورة الإسراء

وإنتوا عندكوا المصحف إفتحوه يعني

هتلاقي فيها حاجات غريبة هتلاقي إن هو بس يجيبلك

سُبحانَ الَّذي أَسرى بِعَبدِهِ لَيلًا مِنَ المَسجِدِ الحَرامِ إِلَى المَسجِدِ الأَقصَى الَّذي بارَكنا حَولَهُ لِنُرِيَهُ مِن آياتِنا

وبعد كده كل الكلام عن بني إسرائيل وبعد كده تلاقي يرجع لصراعه مع أهل مكة تاني

يعني هم في سورة الإسراء هم بيقولوله طيب بيكملوا معاه الحوار اللي هو كان قبل موت خديجة

إيه الحوار؟ فين معجزاتك؟ يعني طب يا سيدي مش بس مش هأقولك ده بقى

هاتلنا    عاقبنا يا عم

أنا أهوه ياللا موتني بقى هاتلي ريح صرصارٍ عاتية

زي ما في سورة الإسراء بيقولوا طب ياللا

أَو تُسقِطَ السَّماءَ كَما زَعَمتَ عَلَينا كِسَفًا  طب ياللا    أَو تَأتِيَ بِاللَّـهِ وَالمَلائِكَةِ قَبيلًا ﴿٩٢  أَو يَكونَ لَكَ بَيتٌ مِن زُخرُفٍ أَو تَرقى فِي السَّماءِ وَلَن نُؤمِنَ لِرُقِيِّكَ حَتّى تُنَزِّلَ عَلَينا كِتابًا نَقرَؤُهُ 

حتى تنزل علينا كتاباً نقرأه أمال القرآن ده إيه ده إحنا في السنة العاشرة دلوقتي من البعثة كل ده ومافيش قرآن كل ده ومافيش كتاب هو بيي بيي بيديهولهم   غريبة شوية صح؟

فيرد عليه إيه يقولهم إيه

قُل سُبحانَ رَبّي هَل كُنتُ إِلّا بَشَرًا رَسولًا ﴿٩٣ 

الله يعني مافيش مااعرجتش السما ما هو بيقولك إنك المفروض ترقى في السماء أوتنزلنا كتاب

أو على الأقل قلهم أهوه الكتاب أهوه والسما ما إنتوا ما أنا طلعت السما

مافيش طب طب إزاي دي التناقض فيها غريب

فين القرآن فين المعراج ؟ ما مافيش

إيه اللي جه بعد كده بقى ودي من أخر الحاجات اللي نزلت في مكة سورة الرعد

سورة الرعد هدفها إن هي ترد على موضوع المعجزات

هدفها كان إن هي ترد على موضوع المعجزات

فيها إيه سورة الرعد بقى بتبدأ مش بمعجزات محمد لأ بمعجزات ربنا نفسه

وتقولهم شوفوا ربنا عمل إيه معجزات في الأرض تقولهم إيه

هم  الَّذي رَفَعَ السَّماواتِ بِغَيرِ عَمَدٍ تَرَونَها   طيب دي معجزة يعني إيه من غير عمد يعني من غير عواميد طيب هو فيه حاجة إسمها السما أصلاً علمياً مافيش

السماء هي إنعكاس للون البحر في ألأثير مافيش حاجة إسمها السما مافيش حاجة مغطينا إسمها السما معروف علمياً دي

ده رسالة للدكتور زغلول النجار عشان يشوفلنا إيه حكاية الإعجاز العلمي في السماء اللي من غير عمد دي

سَخَّرَ الشَّمسَ وَالقَمَرَ كُلٌّ يَجري لِأَجَلٍ مُسَمًّى ربنا طيب هو فين معجزاتك إنت يا محمد

مَدَّ الأَرضَ وَجَعَلَ فيها رَواسِيَ وَأَنهارًا وَمِن كُلِّ الثَّمَراتِ  بردوا مش معجزة محمد

يُغشِي اللَّيلَ النَّهارَ إِنَّ في ذلِكَ لَآياتٍ لِقَومٍ يَتَفَكَّرونَ ﴿٣

لأ حتى الزرع والقلع وال  وَجَنّاتٌ مِن أَعنابٍ وَزَرعٌ وَنَخيلٌ صِنوانٌ وَغَيرُ صِنوانٍ

وَيَستَعجِلونَكَ بِالسَّيِّئَةِ قَبلَ الحَسَنَةِ  وهو بيرد بقى الكلام اللي كانوا بيقولوهوله في سورة إيه  الإسراء طب إيه    أَو تُسقِطَ السَّماءَ كَما زَعَمتَ عَلَينا كِسَفًا 

وهو بيقولهم بقى إيه وَيَستَعجِلونَكَ بِالسَّيِّئَةِ قَبلَ الحَسَنَةِ  عايزينك إن إنت اا يعني مش ااا أنا بردوا مش حاجة مش هاعمل عقلي بعقلهم يا محمد ومش هاسقط عليه السماء كسفا  لا يا عم ما إسقط وريهم  أي معجزة أي مصحلة مش إنت بتقول (إن إنت) أخر الأنبياء وصليت بيهم في القدس كلهم طب هات معجزة زي بتاعتهم واحد منهم

معجزاتك كلها سرية إنت اللي شوفتها بس وإنت الشاهد الوحيد

تيجي تقول أنا طلعت السما وعملت إسراء وعملت معراج

وعايز التاريخ يتغير على هذا الأساس

حتى البرق    هُوَ الَّذي يُريكُمُ البَرقَ خَوفًا وَطَمَعًا وَيُنشِئُ السَّحابَ الثِّقالَ ﴿١٢  

يقولهم شوفوا المعجزة    البرق

وَيُسَبِّحُ الرَّعدُ بِحَمدِهِ وَالمَلائِكَةُ مِن خيفَتِهِ وَيُرسِلُ الصَّواعِقَ فَيُصيبُ بِها مَن يَشاءُ وَهُم يُجادِلونَ فِي اللَّـهِ وَهُوَ شَديدُ المِحالِ ﴿١٣

طيب بس كده هتلاقي إن ال    القرآن بيدافع بيدافع بيدافع

هتلاقي 16 آية بيدافع بيها في مكة عن    أنا مش مجنون أنا مش مجنون أنا مش مجنون

مش شاعر مش شاعر مش شاعر ووما وما مش كداب مش كداب مش كداب   مافتريتهوش

إيه الكتاب اللي موجود في اللوح المحفوظ اللي كله رد فعل ده

كله رد فعل يعني لو ماكانش فيه ناس زي دول وهو بيتحاور معاهم ماكانتش الآيات دي نزلت ماكانتش الآيات دي نزلت

ماهو ردود أفعال كلها خارجة من إختلاجات نفسية من داخل صراعه مع نفسه وصراعه مع قومه

نفسه إن هم يآمنوا بيه

لما ملاقاش مافيش فايدة لما لقى مافيش فايدة مع بتوع مكة خالص أخد بعضه وطلع على المدينة وإستقر فيها بعد ما رستأ أموره مع الصعاليك ومع الأوس والخزرج

 ف لغة القرآن لفترة نسيت إن فيه حاجة إسمها قريش وماعادش بقى يدافع عن نفسه مجنون مش مجنون ولا يحاول ييبرر الوحي لأ

اللغة بقت دخلت على اليهود الأول يتقرب لليهود

وَالَّذِينَ هَادُوا وَالنَّصَارَى وَالصَّابِئِينَ     مَنْ آمَنَ بِاللَّـهِ وَالْيَوْمِ الْآخِرِ      وَلَا خَوْفٌ عَلَيْهِمْ وَلَا هُمْ يَحْزَنُونَ ﴿٦٢ 

إمكانية إن الناس دي تكون مؤمنة موجودة في القرآن ده في العصر المدني

تقرب سياسة دبلوماسية

ويسأل بقى علماء بني إسرائيل وَلَا تُجَادِلُوا أَهْلَ الْكِتَابِ إِلَّا بِالَّتِي هِيَ أَحْسَنُ

وأجمل كلام

وبعدين يطرد يهود بني قوينيقعان بعد غزوة بدر عشان عايز بيوتهم للصعاليك

وللمهاجرين كمان اللي جايين من قبيلة غفار واللي جايين من من مكة عايزين بيوت

فيغير لغة القرآن عشان خاطر المصلحة اللي هي كانت مظبوط

طب ما لسه كانت فيه قبائل يهودية تانية عشان قبيلة واحدة تغير كل التوجه لليهود بعد ما كانوا أهل الكتاب وهم اللي بتستشهد بيهم وتجدونه مكتوباً عندكم في التوراة تييجي بعد كده ت اا

وتظهر فجأةً كده في القرآن كلمة محمد فجأة

مافيش في مكة ولا في آية من آيات مكية كلمة محمد

كل الأربع آيات اللي فيهم إسم محمد جايين من المدينة     ليه؟

حتى كلمة نبي هو كان يقول في مكة بشيراً نذيرا

والكلمة الوحيدة اللي إستخدم فيها رسولا كانت في في سورة الإسراء بشراً رسولا   بس

رسول ده المرسال يعني ماكانش فيها الل الل

لكن نبي إستخدمها بقى فين يا أيها النبي دي في المدينة

محمد كلمة محمد دي جاية منين ؟

طبعاً في نظرية كبيرة جداً إن محمد ماكانش إسمه محمد

وفيه إسم بيتردد كثيراً قُسَم إبن عبد الله أو عبد اللات أو قسم إبن عبد المطلب

المهم إن إسم قسم هو أقرب حسب باحثين مثلاً زي الدكتور هشام جعيط من تونس

من القلائل اللي هو الحقيقة اللي بيعمل أبحاث عن محمد

أبحاث نسميها أبحاث مش زي عبقرية محمد والكتب اللي هي أي كلام دي لأ بحث بحث

فهو قال إن يعني محمد كان ليه أسماء كتيرة منها الماحي والمصطفى والأحمد

ومعظم الاسماء وكان شئ طبيعي ماكانتش أسماء حقيقية

بيبقى فيه إسم حقيقي ماحدش بيذكره بيه وبيبقى دايماً معظم الأسماء التانية ألقاب

يعني مثلاً جده هاشم هاشم كان إسمه زيد أعتقد يعني ماكانش إسمه ماكانش إسمه هاشم هاشم عشان كان بيكسر الخبز هاشم الثريد يعني

وجده عبد المطلب ماكانش إسمه عبد المطلب كان إسمه شيبة أو شيبة الحمد

وحتى عمر إبن الخطاب ماكانش إسمه عمر الخطاب كان ليه إسم تاني

أبو بكر ما مام ماسموش أبو بكر

كلها أسماء يعني ألقاب

ولقب محمد إبتدى بعض الناس يسموا ابناءهم محمد إعتقاداً إن هو ده النبوءة بتاعة النبي الجديد هيكون إسمه محمد

وده قائم على قصة موجودة في إنجيل يوحنا 14 على 16

المسيح بيتكلم بقى  أنا أطلب من الرب فيعطيكم معزياً أخراً ليمكث معكم إلى الأبد معزياً أخراً ليمكث معكم إلى الأبد

معزي دي باليونانية في الوقت اللي كان الإنجيل مكتوب فيه كانت باليوناني كانت براكليتوس المعزي

ف يبدو إن حد ترجمها للسريانية فصارت محمد أو محمدانا

وده يتوافق مع كلمة تانية في نشيد الإنشاد في أحد المزامير صلب بيتكلم عن سليمان وفيه كلمة محمديم

وهي كلمة جمع على فكرة يم في العبرية معاناها جمع يعني

ومعنى الكلمة مالهاش علاقة بنبي جاي أو أي حاجة هي ليها علاقة بكلمة مطلوب او مشتهى وناس بترجمها مبتهج

ف أخد الكلمة دي كلمة محمدانا ال ال أو محمد ال ال ال السريانية

اللي بتمجد المسيح أو ترجمة براكليتوس اللي هي معاناها المعزي

وطبعاً زي ما المسيحيين بيفهموا إن معنى المعزي هنا هو الروح القدس مش نبي جديد جاي ويبقى معهم إلى الأبد والكلمة العبرية محمديم

على هذا الأساس طبعاً كان هو عايش في المدينة كان فيه يهود وكان فيه مسيحيين جاينله فهو بيستخدم هذا اللقب ال بقى إيه للتمجيد نفسه إن هو محمد إنه هو يعتقد إن هو المعزي اللي المسيح بشر بيه في ال …

ف ده يعني اصل كلمة محمد أو نظرية من النظريات الحقيقة اللي بتتكلم في أصل محمد

ف ده كان جزء اللي هو ال ال  السجال بقى مع اليهود   مرة يمدحهم مرة يشتمهم

السجال مع المسيحيين مرة يقول قسيسين ورهبانا إنهم لا يستكبرون

ومرة يقول لقد كفروا الذين قالوا أن الله ثالثُ ثلاثة

ده جزء من مصادر القرآن بردوا اللي هو اللي هو الجدل مع المسيحيين ومع اليهود

نيجي لجزء مهم في القرآن اللي هو الجزء النابع من الأمة نفسها

اللي كلي شوية يجوا يسألوه سؤال

ويسألونك عن الخمر قول كذا

وييجي على مراحل الأول

لا تقربوا الصلاة وانتم سكارى وبعد كده ف

إثم كبير ومنافع للناس وإثمهم اكبر من نفعهم

وبعد في المرحلة اللي بعد كده يقولك لا تقربوا الصلاة وأنتم سكارى

وبعد كده فهل أنتم منتهون

جاي من لو ماكانش حد جاله ماكانش هيرد على هذا السؤال

يعني جاي المسلمين نفسهم يعني هم مؤلفين للقرآن أو على الأقل بالسؤال

حتى القصة الشهيرة بتاعة عبد الله إبن أبي السرح

لما محمد بيصف في القرآن أو القرآن بيصف مراحل تطور الجنين

 ثُمَّ خَلَقْنَا النُّطْفَةَ عَلَقَةً فَخَلَقْنَا الْعَلَقَةَ مُضْغَةً فَخَلَقْنَا الْمُضْغَةَ عِظَامًا فَكَسَوْنَا الْعِظَامَ لَحْمًا  ثُمَّ أَنشَأْنَاهُ خَلْقًا آخَرَ 

فراح الراجل اللي بيكتب الوحي ورا محمد قال تَبَارَكَ اللَّـهُ أَحْسَنُ الْخَالِقِينَ ﴿١٤ 

فمحمد قاله إكتبها كده هي نزلت عليَّ بنفس الكلمة

قاله إزاي ما انا اللي قايلها

قاله هي إكتبها فتبارك راح حاطط ف فتَبَارَكَ اللَّـهُ أَحْسَنُ الْخَالِقِينَ ﴿١٤ 

 وعبد الله إبن سرح قصته إنه ترك الإسلام وهرب إلى مكة ومحمد أهدر دمه يوم فتح مكة

بس عثمان إبن عفان يعني توسط وعفى عنه

خلاصة القول خلاصة القول إن القرآن مجمع مصادره من كذا حتة

ومحمد ما هو يختلج في نفسه يجمع كل ده كل ده وبعدين يخرجه في صورة نص يتماشى مع الموقف اللي هو فيه

عايز يتزوج زينب بنت جحش فتلاقي آيات تبرر ودن

يقولك إن الزواج ده كان عشان يحرم التبني

هو التبني أضر يعني أضر البشرية في إيه

عشان تعمل آية وتتجوز حد وتطلق حد عشان تحرم التبني

التبني حتى في زمن ده إنت يا راجل كنت يتيم

إنت نفسك يتيم وعارف يعني إيه اليتم

يعني حاجة …. ولا إنت بتعاقب الناس       مش مهم

ف كنت إعمل كنت إعمل آية أو إعمل حاجة تحرم زواج ملك اليمين

تحرم سبي النساء     تحرم وطئ أسيرة الحرب مثلاً

يعني دي كانت تبقى حاجة إنسانياً كويسة مثلاً

طب كنت طلق 5 من حريمك وخلي معاك 4 بس عشان تثبت بآية إن مافيش غير بس 4 بس

لكن يقولك ده اللل  كرم لامرأة وال ال ال والإسلام حتى القرآن مسمي سورة بالكامل على على إسماء  سورة النساء

يا سلام يعني لما يبقى فيه سورة بإسم معين يبقى ده تكريم للمرأة رغم إن فيها جواها وإضربوهن

طيب طب طب ما في سورة البقرة هل سورة البقرة تكريم للبقرة؟

في سورة النحل النمل والعنكبوت بيشتم فيها العنكبوت

وَإِنَّ أَوْهَنَ الْبُيُوتِ لَبَيْتُ الْعَنكَبُوتِ لَوْ كَانُوا يَعْلَمُونَ﴿٤١

طب كده كرم العنكبوت ؟؟!!

إحنا الهدف من اللي أنا بأعمله واللي أنا باقوله ده كله

لا إني أزعل حد من المسلمين ولا إني أشتم

وإنما هدفي هو إن الإنسان يفكر أنا شايف من وجهة نظري

إن محمد واقف في حلقنا هو أسير لينا وإحنا أسرى ليه

هو أسير لينا لإن كل التمجيد والتعظيم دون بيخلينا مانعرفش نتعامل معه كبشر ونفهم قصته

وإحنا أسراه لإن كل حاجة لازم نظبطها على تعاليمه وعلى مبادءه

هو عاش في زمن كان عنده أزمة في نفسه ومع قومه

حاول يحلها بمعرفته

إحنا النهارده عندنا أزمات تانية خالص وعندنا مشاكل تانية خالص

مش ممكن كل حاجة عايزين نحلها في حياتنا نرجع لمحمد ونستشيره

هو كان محيطه ضيق جداً اللي بيتعامل فيه

إحنا النهارده إتعرفنا على أشياء كثيرة وشوفنا أشياء كتيرة

ومن وجهة نظري إن محمد وقف في طريقنا إن إحنا يعني نكون في سلام مع الأمم

إنه وقف في طريقنا بنى بينا وبين العالم حاجز أخلاقي ونفسي مش عارفين نتخطاه لحد النهارده

كل حاجة ال ال ال الحدود الوهمية الموجود في ذهننا بين المؤمنين والكفار لسه موجودة من زمن محمد

واللي أنا باعمله في الحلقات دي هي محاولة للتفاوض مع هذه الشخصية

إن إحنا نفهمها من وجهة نظر إنسانية

وننتقدها لإنه لو إحنا مانتقدناش محمد

يبقى إحنا بنتواطئ مع الإرهابيين اللي بيقتلوا باسم محمد

محمد مش أهم من حياة الإنسان

ولا القرآن أهم من قديسة الإنسان

أراكم على خير في حلقات قادمة

تابعونا على حامد دوت تي في


Download text file

Box of Islam 020

You may also like

مين اللي سرق مصر، االحلقة الحادية عشر ، أولاد حارتنا
مين اللي سرق مصر مين اللي سرق مصر مين اللي سرق مصر مين اللي سرق مصر [...]
9 views
مين اللي سرق مصر، الحلقة العاشرة ، مصر السلطة بلدي
مين اللي سرق مصر مين اللي سرق مصر مين اللي سرق مصر مين اللي سرق مصر [...]
6 views
مين اللي سرق مصر، الحلقة التاسعة، الفن في مصر
مين اللي سرق مصر مين اللي سرق مصر مين اللي سرق مصر مين اللي سرق مصر [...]
11 views
مين اللي سرق مصر، الحلقة الثامنه، المصري الحرفي والمصري بلطجي
مين اللي سرق مصر مين اللي سرق مصر مين اللي سرق مصر  مين اللي سرق مصر [...]
2 views
مين اللي سرق مصر، الحلقة السابعة، كنيسة خاتم المرسلين
مين اللي سرق مصر مين اللي سرق مصر مين اللي سرق مصر مين اللي سرق مصر [...]
4 views
مين اللي سرق مصر، الحلقة السادسة، المرأة المصرية
مين اللي سرق مصر مين اللي سرق مصر مين اللي سرق مصر مين اللي سرق مصر [...]
2 views
مين اللي سرق مصر، الحلقة الخامسة ، مصر السماحة و مصر البجاحة
مين اللي سرق مصر مين اللي سرق مصر مين اللي سرق مصر مين اللي سرق مصر [...]
3 views
مين اللي سرق مصر، الحلقة الرابعة، ، دول الفراعنة الكفرة
مين اللي سرق مصر مين اللي سرق مصر مين اللي سرق مصر مين اللي سرق مصر [...]
6 views
مين اللي سرق مصر ، الحلقة الثالثة ، المواطنة والانتماء في مصر
مين الي سرق مصر مين الي سرق مصر مين الي سرق مصر مين الي سرق مصر مين [...]
8 views
مين اللي سرق مصر ، الحلقة الاولى ، مين إللي سرق مصر؟
مين اللي سرق مصر مين اللي سرق مصر مين اللي سرق مصر مين اللي سرق مصر [...]
22 views

Page 2 of 14

اترك تعليقاً