صندوق الإسلام 026 : اكذوبة مصحف عثمان في سمرقند وكذب سليم العوا

أهلاً بيكم في حلقة جديدة من برنامج صندوق الإسلام

هنتكلم النهارده عن مخطوطة قديمة للقرآن إسمها مخطوطة سمرقند أو مخطوطة طشقند

طبعاً المستمع المصري والعربي هيسمع الإسم ويقولك أنا ماليش دعوة بالكلام دون ده موضوع ممل والبتاع ده

هتكتشف معايا النهارده إنه مش ممل خالص وإن لينا علاقة بيه

طبعاً قولنا إن فيه مصاحف كتير بتنسب لعثمان كإن عثمان قعد فترة حكمه كلها من سنة 644 لسنة 656

عمال بس إيه يكتب مصاحف ويبعتها للأمصار ويدبح 1000 شاة كل شهر ويعمل منهم مصحف ويبعته للأمصار، طبعاً ماحصلش

عندنا مخطوطة إسمها مخطوطة سمرقند ودي موجودة في المكتبة الدينية الإدارية في العاصمة الأوذبيكية طشقند ليها يعني لفة لفة طويلة

كانت موجودة عند الأمبراطور العثماني الخليفة يعني وإداها لواحد تلميذ يعني إمام يعني هدية وهو مسافر راجع سمرقند يعني

فخدها الراجل ده وراح مديها هدية للمدرس بتاعه اللي إسمه خوجة أحرار

وأكبر دليل إنها مش مصحف عثمان ولا حاجة لأن الخليفة العثماني مش هيدي مصحف عثمان هدية لواحد إمام كان قاعد عنده كده

نتخيل شيخ الأزهر عنده مسخة من مصحف عثمان وجه طالب يدرس من أوزباكستان وإتخرج وهو ماشي فبيقوله بقى إيه خد بقى مصحف عثمان هدية وإنت ماشي فطبعاً كلام فارغ

المصحف دون مكون من 338 رقعة حتى فيهم 369 رقعة مكتوبين على ورق مش على جلد ومكتوبين بخط حديث كمان

لكن مجملاً هي مكتوبة بالخط الكوفي

إيه اهمية المخطوطة دي وليه أنا باناقشها النهارده؟

كنت شوفت فيديو غريب جداً من كام سنة للدكتور سليم العوا كان طالع مع عمر أديب

كان حصل بعض اللغط حول مخطوطة سمرقند
وكان بيقول يعني كان فيه ناس شافت أجزاء من هذا المصحف على النت أو وريقات وشافت هذا المصحف وإكتشفت فيه بعض الأخطاء الإملائية

فطبعاً الموضوع أثير في الإعلام وجه عمر أديب أستضاف الدكتور سليم العوا

الدكتور سليم العوا اللي هو بتاع كله اللي بيفهم في كل حاجة هو ما شاء الله

في القانون في الشريعة الإسلامية في المخطوطات أي حاجة في رغيف

والدكتور سليم العوا ده مثال للمعرفة وحال المعرفة اللي وصلها العالم العربي

الفتي بدون دراية والتصميم على رأيه والتصميم على خطأءه

هنشوف مع بعض الفيديو وبعدين نناقشه مع الأستاذ محمد المسيح

نشوف الفيديو مع بعض

عمر أديب: من أشهر على الإنترنت أيضاً بعض المواقع اللي حاطه المصحف العثماني

اللي هو نسبةً إلى سيدنا عثمان إبن عفان وبيقولوا الفرق بين المصحف وبين المصحف الذي بين أيدينا يعني حتى اللي مكتوب بتاع عثمان ويمكن إحنا حطينا صور

أولاً أنا عايز أسأل حضرتك سؤال: كيفية قراءة الآيات يعني الآية نفسها اللي كانت مكتوبة يعني صعبة حتى الحروف بدون نقاط

العوا: صعبة علينا

أديب: علينا
العوا: هو الخط تطور بيقولوا إن الكتابة العربية بدأت بحاجة إسمها الكتابة المسمارية وتطورت للكتابة الكوفية وتطورت تطورت لغاية ما وصلت للي إحنا فيه الآن

زي ما قولت لحضرتك كده في الأول والحمدلله إني قولتلك كده في الأول قبل ما تجيب الكلام ده عشان مابقاش بادافع عن الكلام ده

قولت لحضرتك لا يوثق بكتابة كاتب إلا إذا وافقت حفظ الحفاظ

ولا يوثق بحفظ حافظ إلا إذا وافقت كتابة الكتاب

القرآن كان مكتوب بهذا الحرف إلى زمن الرسول (ص)

أديب: ممكن نرجع للآية الأولانية لو سمحت عشان تبقى هي كمثال

الآية الأولانية بيقولوا هي الآية مكتوبة ناقة الله لكم

العوا: هذه ناقة الله لكم

هَٰذِهِ نَاقَةُ اللَّهِ لَكُمْ آيَةً فَذَرُوهَا تَأْكُلْ فِي أَرْضِ اللَّهِ وَلَا تَمَسُّوهَا بِسُوءٍ فَيَأْخُذَكُمْ عَذَابٌ قَرِيبٌ   هود (64)

أديب: بالظبط النص في المخطوطة بيقول هذا مش هذه

العوا: لأ هو مش عارف يقرا بس مش عارف يقرا
اللي إنت عامل عليها علامة من فوق دي هي دي الهاء بتاعتنا
أديب: دي الهاء

العوا: الهاء بتاعتنا كانت بتتكتب كده

أنا روحت الفاتيكان يا أخ عمر

أديب: إشرحلنا على الأقل الناس بس تبقى فاهمة
العوا: ده حرف الهاء

عشان عايزين بس نوضح للناس إيه اللي بيتقال
العوا: هذا الحرف اللي عليه الدايرة ده

العوا: إنت عندك ٤ حروف في الأخر ن ا ق ة قبلهم حرف هذا الحرف هو ده الهاء بتاعة هذه بتاعة هذه

أديب: ده الهاء بتاعته
العوا: ده الهاء بتاعته هذه ناقة

وحتى الناقة مافيهاش نقط
لإن القرآن لما كتب لأول مرة ماكانش منقوط
النقط ده جه في أيام أبي الأسود الدوقالي
فهذا القرآن كما كتب في أول أمره هذا هو الهاء
والمصحف ده نسخة من مصحف عثمان موجودة في متحف توب دي سراي في إسطنبول حتى اليوم

أديب: نعم
العوا: وهناك رقاع بهذا الخط في الدنيا كلها وأنا عاوز أوصل لأكتر من كده

أديب: طب إيه اكتر من كده؟

العوا: يعني أقصد يعني اللي عامل كده مغرض يعني

أديب: مغرض طبعاً مغرض مغرض عارف الدين عارف

العوا: هو أحد رجلين هو أحد رجلين إما إنه مغرض وإما إنه جاهل
إذا كان جاهل فجهله على نفسه
وإذا كان مغرض فنحن لا يجوز أن نقف عند أصحاب الهوا (الهوى) والغرض

الأمر التاني اللي عايز أقولهولك مصحف المغرب
المصحف الذي يقرأ بالقراءة بالخط المغربي
في المغرب بيقروا بقراءة ورش

أديب: كوفي
العوا: لا لأ المغاربة ليهم خط إسمه الخط المغربي

يطبع في القاهرة هذا المصحف وأنا أريد إذا جينا المرة الجاية اجيبلك المصحف مغربي تشوف صفحة منه لو حد مصري عرف يقرا صحفحة منه وتحطها للسادة المشاهدين على التليفزيون لو حد مصري عرف يقرا صفحة أو يقرا سطرين منه
أديب: طبعاً
العوا: يبقى كويس ف هذه الكتابة لا حجة فيها
الحجة في حفظ الحفاظ وموافقته لكتابات الكتاب دي كل ال..

أديب: خلينا بردوا نيجي عند الآية دي جايز حضرتك شرحتلنا الهاء
أَوْ تُخْفُوهُ يُحَاسِبْكُم بِهِ اللَّـهُ فَيَغْفِرُ لِمَن يَشَاءُ وَيُعَذِّبُ مَن يَشَاءُ وَاللَّـهُ عَلَىٰ كُلِّ شَيْءٍ قَدِيرٌ ﴿٢٨٤ 

العوا: هذه مكتوبة أهه واللهِ
دي ال هـ أهه اللي  قدامك اللي عليها الدايرة اللي فوق دي
دي لام ولام واللام القصيرة الأخيرة والهاء

أديب: هم بيقولوا المخطوطة بتقول من عند الله يرزق من يشاء بغير حساب
وإنما اللي موجود من عند الله إن الله يرزق من يشاء بغير حساب

العوا: لا لا اللي موجود من عند الله إن الله يرزق من يشاء والله الله فيغفر لمن يشاء
متأسف إن تبدو ما في أيديكم الآية اللي في سورة البقرة

أديب: اه

العوا: وَإِن تُبْدُوا مَا فِي أَنفُسِكُمْ أَوْ تُخْفُوهُ يُحَاسِبْكُم بِهِ اللَّـهُ

أديب: بالظبط كده

العوا: فَيَغْفِرُ لِمَن يَشَاءُ وَيُعَذِّبُ مَن يَشَاءُ وَاللَّـهُ عَلَىٰ كُلِّ شَيْءٍ قَدِيرٌ ﴿٢٨٤ 

أديب: ممممم

العوا: أهيه أخر كلمة في السطر التاني واللهِ
هي الكتابة كانت كده هنعملهم إيه ؟
نقولهم هاتوا كمبيوتر وإعملوا خط النسخ وخط الرقعة

أديب: ده عشان الناس تبقى عارفة بس

العوا: والخط السرياني والخط الفارسي
أيوة دي الكتابة يا أخ عمر

أديب: عشان تبقى عارفة
أصل كل الناس اللي بتخش على النت ماعندهاش علم بتشوف الكلام بتتلخبط

العوا: ماعندهاش علم

العوا: لأ العفو
أنا أقصد أن هذه هي الكتابة القرآنية القديمة وقرأت وكتبت على نحوٍ واحد لا يختلف

حامد: ههههه لا حول ولا قوة إلا بالله العلي العظيم
ماقدرش أقول أكتر من كده تعليقاً على الكلام اللي إحنا سمعناه
يعني أنا حاولت أدور، شوفت الفيديو كام مرة، حاولت ادور على معلومة واحدة صح قالها مالاقتش
من بداية ما بيتكلم عن تطور الخط ال كتابة القرآن لما يقولك ااا
الخط الكوفي تطور من الخط من الكتابة المسمارية

يا نهار إسود ومنيل بستين نيلة الكتابة المسمارية يا دكتور سليم
الكتابة المسمارية دي كانت موجودة 3000 سنة أكتر من 3000 سنة قبل الميلاد
يعني ااا على الأقل 4000 سنة قبل القرآن
وماكانتش خطوط ماكانش خط إسمه الخط المسماري
ماكانتش حروف أبجدية الحروف الأبجدية جات بعد المسمارية بـ 1500 سنة
الفينيقية في العراق والهيروغليفية في مصر
أنا سعيد جداً إن معي في الأستديو الأستاذ محمد المسيح خبير المخطوطات والدراسات الإسلامية
حامد: أنا تعودت منك حتى في مناقشاتنا اللي خارج التصوير إنك ما بتقولي أي معلومة إلا ما بتوثقها الأول بتقولي إستنى

محمد المسيح: نعم

حامد: وتوثق المعلومة وهذا يعني شئ كما لاحظنا إنه ماكانش موجود في كلام الدكتور سليم العوا
هو قاعد على الكرسي المريح دون وعمال يرمي كلام
ويرميلنا حقول ألغام ويرميلنا قنابل ويقول حاجات غريبة جداً قال هو هي تتكتب زي الله في الكوفي
الألف زي الهاء هذا وهذه نفس القصة

محمد المسيح: نعم
حامد: والمصيبة الأولى إن هذه القصة اللي قاللك الزمن الكوفي في زمن الرسول

محمد المسيح:

حامد: ماكانش فيه أقدم من الزمن الكوفي ماظهرش في عهد عبد الملك إبن مروان
وا اللي قاله إن الخط الكوفي تطور من الكتابة المسمارية

محمد المسيح: المسمارية

حامد: الكلام ده بصراحة عندنا ماخدناهوش في الكلية ف ممكن إنتوا درستوا حاجة مختلفة يعني

محمد المسيح: نعم وطبعاً كل ما قاله الدكتور سليم العوا هو غير صحيح بكل بساطة لأنه هو دخل في منطقة غير إختصاصه
المهم إنه ذكر إن الخط المسماري تطور عنه الخط الكوفي وهذا غير صحيح لأنه فرق كبير جداً بين الخط المسماري والخط الكوفي
لإن الخط المسماري هي ليست أحرف وإنما رموز
وهي قبل ذكرت قبل كما حضرتك ذكرت قبل 1500 سنة كما حضرتك ذكرت من الأبجديات كالفينيقية والأبجديات الأخرى
ف أول أبجدية سامية هي الخط الأرامي ومن الخط الأرامي تفرع عدة خطوط كالخط السرياني والخط المندائي والخط ااا النبطي وطبعاً الخط العربي هو إبن للخط –إن جاز التعبير- للخط النبطي

حامد: أنا باقول دايماً إن هو الخط القرآن هو زواج بين الخط النبطي والخط السرياني خاصةً الإسطرانجيلو اللي هو سطر الإنجيل أو كتابة الإنجيل

محمد المسيح: طبعاً هي هي تأثير الخطوط الأخرى كالخط السرياني وكذلك الخط الحجازي وهو أول خط أو أقدم خط كتب به كتبت به المصاحف

حامد: نعم

محمد المسيح: من الخط الحجازي تطور بتأثر بـ الخط الإسطرانجيلو

حامد: السرياني

محمد المسيح: وهو خط سرياني فأصبح عندنا الخط الكوفي فبالتالي

حامد: ده مشوار كبير جداً أولاً لا علاقة له بالمسمارية ولكن هو تطور من الأبجديات السامية خاصةً الأرامية اللي تطور منها العبري والنبطي

محمد المسيح: والسرياني

حامد: والمندائي والسرياني وحدث تلاقي في النهاية نتج عنه الخط الكوفي
بس الدكتور سليم العوا خد البراشوط من الكتابة من أول كتابة في التاريخ للخط الكوفي كإن مافيش تاريخ بينهم بتاع 3000  \ 4000  سنة

محمد المسيح: نعم

حامد: طب دي نقطة يعني بسيطة يعني خلينا نقول إييه معلش مش مختص في الخطوط

محمد المسيح: نعم

حامد: لكن الراجل ده بيقرا قرآن مكتوب قدامه

محمد المسيح: نعم

حامد: وشاف بيقول هذا ناقة الله
وهو مصمم إن دي هذه ناقة الله وهم بكتبوا الهاء بهذا الشكل
هل ممكن توضحلنا ال ال ال ال الخطأ اللي وقع فيه فين

محمد المسيح: نعم

حامد: فين في هذا ؟

محمد المسيح: نعم فهو هذا الخطأ هو طبعاً من الناسخ أو الشخص اللي رسم المخطوطة
هو الشخص اللي أخطأ في كلمة أو في عبارة هذا ناقة الله هي كانت هذه ناقة الله هو رسمها هذا ناقة الله بالألف
وهذا طبعاً وارد لأن هو نفسه قد أخطأ عنده العديد من الأخطاء والمجال مش هيسعفنا إن إحنا نذكر العديد من الأخطاء ولكن هذه واحدة منها
فنرى مثلاً على الشاشة اااا أن هذا ألف وليس هاء كما كما إدعى الدكتور العوا  هذا ألف

حامد: هي واضحة يعني هذا ناقة الله

محمد المسيح: نعم هو الخط الوفي

حامد: يعني نشوف إحنا عايزين نشوف في نفس الرقعة اللي هو وضحها حطها نشوف ألفات أخرى ، ما هي كلمة الله مكتوبة كذا مرة في نفس الصفحة

محمد المسيح: ألف اللي هي أول ألف لكلمة الله أهيه

حامد: نفسها هي هي زي ما (مكتوب) هذا بالظبط

محمد المسيح: نعم ف دي ألف يعني مش هاء

حامد: مش مش مش هاء

محمد المسيح: طبعاً مش هاقولها

حامد: هل فيه هاء موجودة في ال في ال في ال في نفس الرقعة دي ؟

محمد المسيح: نعم يعني مثلاً من إلهٍ غيره أهيه حرف الهاء مثلاً

حامد: يبقى الهاء في نفس الرقعة اللي هو بيشرح منها موجودة الهاء already  زي ما بتكتبها

محمد المسيح: نعم موجودة الهاء

حامد: وهذه هي الكتابة ال ااا

محمد المسيح: نعم

حامد: لكن إن هو بقول إن دي الألف بتاعة ناقة

محمد المسيح: هي الهاء ده كلام غير صيحيح

حامد: يقولك هي دي بالهاء بتاعتنا ؟

محمد المسيح: هو جاب المعلومة دي من فين ؟
أنا عايز اعرف

حامد: لأ هو قاعد ومش متخيل إن فيه حد مختص متخصص هيسمع الكلام ده

محمد المسيح: نعم

حامد: وهو بيشوف كده ويقولك إيه هي دي الهيه بتاعتنا يا جماعة

محمد المسيح: نعم

حامد: خلاص بقى أنا الدكتور سليم العوا معايا دكتوراه صدقوني وخلاص على كده

محمد المسيح: طب الألف اللي قدام الله كلمة اللي هي في بداية عبارة الله هل يقراها هاء يعني مش مش نافع مش نافعة فبالتالي

حامد: لأ هي الأزمة أنا هأقول لحضرتك على حاجة
الازمة هو إن دول بيقولوا إن ده مصحف عثمان

محمد المسيح: نعم

حامد: ف طبعاً مصحف عثمان ده المفروض مايكونش فيه خطأ واحد ليه؟

محمد المسيح: نعم

حامد: لإن إحنا كلنا نقلنا عن مصحف عثمان
إذاً لو كان عثمان أخطأ

محمد المسيح: نعم

حامد: يبقى إحنا نقلنا المصاخف خطأ

محمد المسيح: بالظبط

حامد: أو إن مصحف عثمان ده هو الصح إن إحنا طول عمرنا مخدوعين وناقة دي هي مذكر

محمد المسيح: نعم

حامد: وهو الراجل بيقول هذا ناقة الله زي ما بيقول قل هذه سبيلي والسبيل ممكن تكون هذا أو هذه
ف إحنا اللي غلطنا وقولنا إن الناقة مؤنث وده غلطة وإحنا متأسفين
فهي القصة القدسية اللي أضفيت على مصحف سمرقند إن ده مصحف عثمان يبقى مايكونش فيه أخطاء
طيب قال حاجة تانية أنا شايفها كارثية جداً اللي هو بيقول الله كانت بتكتب زي هو طبعاً إحنا عندنا اللآية اللي هي بتاعة سورة البقرة

محمد المسيح: نعم

حامد: 200

محمد المسيح: 284

حامد: 284 اللي هي إيه ثانية واحدة بيقول إيه
لِّلَّـهِ مَا فِي السَّمَاوَاتِ وَمَا فِي الْأَرْضِ وَإِن تُبْدُوا مَا فِي أَنفُسِكُمْ أَوْ تُخْفُوهُ يُحَاسِبْكُم بِهِ اللَّـهُ فَيَغْفِرُ لِمَن يَشَاءُ وَيُعَذِّبُ مَن يَشَاءُ وَاللَّـهُ عَلَىٰ كُلِّ شَيْءٍ قَدِيرٌ ﴿٢٨٤ 

حامد: الآية اللي بنقراها في المصحف
محمد المسيح: نعم

حامد: هي مكتوبة في مصحف سمرقند وهو على كل شئٍ قدير مش والله على كل شئٍ قدير
والدكتور سليم االعوا عمل فيلم هندي عشان يحاول يثبتلنا إن إن دي أه واللهِ
الله بتتكتب كده هو الخط الكوفي بيكتبها كده
طب ممكن نشوف الرقعة اللي هو وضحها

محمد المسيح: بس قبل ما قبل ما ما ننتقل للرقعة اللي في سورة البقرة الآية 284

أنا كنت أتمنى إنه يكلف نفسه وينظر إلى إلى سورة هود مثلاً في الآية 64 مثلاً
بنفس العبارة هذه ناقة الله
فلو نظرنا مثلاً إلى هذه الرقعة إلى هي تظهر على الشاشة أن  كلمة ناقة الله

حامد: نعم

محمد المسيح: هذه هرسمها عشان المشاهد الكريم
هنا ويا قوم هذه ناقة الله هذه الهاء دال هذه

حامد: ويا قوم هذه

محمد المسيح: هذه هاء ذال هاء

حامد: ناقة الله لكم اهيه

محمد المسيح: هذه ناقة الله يعني في نفس المخطوطة

حامد: يعني الهاء اهية بتتكتب بهذا الأسلوب

محمد المسيح: نعم

حامد: بس ده واضح إنه ناسخ تاني غير الناسخ اللي

محمد المسيح: لأ هو نفسه

حامد: نفس الناسخ

محمد المسيح: نفس الناسخ نعم

حامد: نعم

محمد المسيح: هو أخطأ يعني ممكن يخطأ

حامد: إذا كان خطأ وخلاص كان المفروض الدكتور سليم العوا يقول جلاَّ من لا يسهو

محمد المسيح: نعم

حامد: وخلاص يا إخواننا ممكن عادي ممكن واحد يخطأ
وبعدين دول كانوا بيكتبوا بالإيد وكانوا تعبانين

محمد المسيح: نعم

حامد: وكانوا تركيزه راح منه
لكن الدكتور سليم العوا عايز يقول بقى إيه هو مافيش أخطاء

محمد المسيح: هو الظاهر إن هو مثل ما حضرتك قولت إنه إنه إفتكر إنه دي مخطوطة عثمان إبن عفان فبالتالي ماينفعش يطعن فيها

حامد: ماينفعش يطعن فيها

محمد المسيح: ويكون فيها أخطاء

حامد: ويكون فيها أخطاء

محمد المسيح: ولكن هو لا يعرف إن هذه المخطوطة بالذات هي أكتر مخطوطة بها أخطاء إملائية

حامد: نعم

محمد المسيح: ممكن نحسب فوق الـ 300 أو 400 خطأ

حامد: يعني في كل رقعة خطأ

محمد المسيح: تقريباً في كل رقعة خطأ نعم

حامد: هو إحنا زي ما بنقول بالمصري جه يكحلها عماها

محمد المسيح: يعني هو حاول يصحل حاجة ف بوظها خالص
طب نرجع للمثال التاني اللي أنا ذكرته من سورة البقرة

حامد: والله على كل شئٍ قدير

محمد المسيح: نعم

حامد: هو قال لأ والله بتكتب بهذا الأسلوب

محمد المسيح: نعم

حامد: طب ممكن نشوف الرقعة الأصلية

محمد المسيح: نعم

حامد: ونشوف إذا كان كلامه صح ولا لأ

محمد المسيح: نعم ف نرى على ال على ال على الرقعة
ها هنا وأهيه كلمة وهو  وهو على كل شئٍ قدير
يعني ظاهرة يعني مافيهاش

حامد: مافيهاش أي لبس خالص

محمد المسيح: هو مافيهاش أي لبس

حامد: هو قالك والله بتكتب كده

محمد المسيح: الله لا تكتب تكتب كهذا

حامد: طب ما الله فوقيها اهيه

محمد المسيح: نعم الله اهيه الله فوقها كلمة الله
يعني لو كان إنتبه بس فوق السطر اللي قبلها كان شاف كلمة الله

حامد: الله تاني شوف الله مكتوبة كام مرة

محمد المسيح: نعم أنا مش عارف كيف كيف يعني هو يتخيل ان هذه الكلمة هذه هي الله
رغم إنه بوضوح هنا الواو ظاهر
وأعتقد حتى للغير متخصص واضح هنشوف الوضوح بتاعها واو هاء واو يعني هتقراها إزاي

حامد: وفي التكبير بردوا الله فوقيها مكتوبة

محمد المسيح: نعم الله واضحة بألف لام لام هاء
فهي بكل وضوح وهو وليست وليست كلمة الله
فبالتالي أنا مش عارف ليه سليم الدكتور سليم العوا ااا

حامد: المفروض المفروض

محمد المسيح: قراها هكذا

حامد: المفروض يروح نحو الأمية
يروح محو الأمية

محمد المسيح: لأ ما هو دايماً لمؤاخذة شئ أنا مش عايز ااا ااا أدخل في الدين الإسلامي عشان مش عايز أزعل حد مني طبعاً دلوقتي خاصةً إن أنا باتكلم مع مختص بس
التقديس هو اللي بيخلي بيدي غشاوة على عين الإنسان
إن هو لا يقبل إن هو يفكر بعقله يعني إن هو لو نسي حكاية إنه مصحف عثمان
وإن القرآن من عند ربنا وإن مافيهوش أخطاء وإن ماحصلش فيه تبديل حرف واحد
لو نسي كل ده وبص للآية زي ما إحنا بصينلها بعين المتخصص هيكتشف طبعاً آدي خطأ وآدي إتنين
طيب إحنا ذكر دلوقتي خطأين هذا ناقة الله و وهو على كل شئٍ قدير

محمد المسيح: نعم

حامد: يعني كلمة كاملة خطأ مش حرف أهوه

محمد المسيح: نعم

حامد: هل فيه أخطاء أخرى أم فيه –حضرتك ذكرت إن فيه أكتر من 300 بس ال وقت البرنامج لا يتسع للـ 300

محمد المسيح: نعم

حامد: هل فيه أمثلة اخرى لأخطاء من مخطوطة سمرقند ؟

محمد المسيح: نعم هو فيه أخطاء مثلاً هي أخطاء كثيرة
ما يميز بعض الأخطاء هي سقوط بعض الاحرف

حامد: نعم

محمد المسيح: وخصوصاً مثلاً حرف العين فهو يسقطها
ولكن سقوط حرف العين هو ده هو بعض المرات بيصير دمج حرف العين ببعض الأحرف الأخرى كحرف الطاء مثلاً لكن في المثال الذي سوف نقدمه
هو موجود في سورة البقرة الآية 30 بدل من كلمة تعلمون هو حطها بدون عين
فلو شوفنا مثلاً في الرقعة هحاول أرسم فكلمة يعلمون هي دي

حامد: يلا يلا يلمون

محمد المسيح: يلمون

حامد: يلمون يلمون

محمد المسيح: يلمون وعلى فكرة صادفت إنه إنه إلمَّ بالشئ بمعنى علم به

حامد: نعم

محمد المسيح: يعني صادفت بالرغم من إن هو خطأ

حامد: كتابي

محمد المسيح: أسقط أسقط حرف العين ولكنه في هذه المرة قد اااا قد تماشى مع ال مع ال مع الشرح

حامد: طب ما ممكن يكون طبعا ً اللي هو الناسخ مش من أصل عربي
والقصة دي يعني ممكن في الفترة دي معروف إن اللي كانوا بيكتبوا في العصور دي
كانوا ممكن يعني عجم من أمصار أخرى

وإحنا عارفين إن ده العين لغة سامية بس

محمد المسيح: نعم

حامد: الفرس وإحنا والسريان اللي بنستخدمها

محمد المسيح: نعم

حامد: لكن في ألمانيا مثلاً مكان ما كنت عايش كان مايعرفش ينطق حرف العين حتى لو هو بيتكلم اللغة العربية
طيب عايزين إحنا بس أمثلة تانية عشان إحنا باقي معانا بس 3 دقايق

محمد المسيح: نعم

حامد: فعايزين نشوف مثال تاني من ال

محمد المسيح: نشوف ال هو المثال ال ال ال اللي حضرتك قولته على أساس غنه ربما يكون غير عربي وهذا وارد جداً لأنه يتبع ما هو منطوق
لأنه لم يكن ينقل من مصحف آخر وإنما كان أكتر يعتمد على السمع

حامد: واضح إنه ماكانش حافظ وواضح إن هو نفسه مش حافظ

محمد المسيح: نعم مش حافظ لهذا عمل اخطاء كتيرة
وكلن بالنسبة فيه معلومة مهمة جداً ذكرها الدكتور كريستوف لكسنبرج على كلمة  على كلمة في سورة الأعراف الآية 11

حامد: من مصحف سمرقند ؟

محمد المسيح: من مصحف سمرقند

حامد: نعم

محمد المسيح: طبعاً هي قولنا للمكلائكةِ أقعدوا لآدم أقعدوا لآدم هذه هي

حامد: نعم

محمد المسيح: أولاً عندنا حرف القاف وهذا القاف قاف تقريباً يشبه القاف السرياني
زيادة على حرف العين اللي هو حرف عين سرياني
وكلمة أقعدوا في اللغة السريانية تعني اسجدوا

حامد: أنا أعرف أنا قرأت مرة للدكتور كريستوف لكسنبرج إن إن كلمة أقعد معناها أسجد

محمد المسيح: نعم نعم فالسجود والصلاة والتبرك بالبركة بمعنى نزل و

حامد: امممم

محمد المسيح: ف هذه طبعاً من أصل أرامي ف بتعطي هذه المصطلحات
فبالتالي يعني هو أخدها بالمنطوق السرياني
فبدل ما يكتب أقعدوا أسجدوا لآدم

حامد: كتبها أقعدوا

محمد المسيح: كتبها أقعدوا لآدم

حامد: خد الأصل السرياني لل لل لل

محمد المسيح: نعم نعم وهذه المعلومة طبعاً ذكرها إبن ورَّاق في كتابه اااا  اللي هو لسه في 2015 أعتقد
اللي هو تحدث عن كتاب لكسنبرج

حامد: عموماً إحنا سوف نفرغ حلقة أو أكثر ل الحديث عن كتاب الدكتور كريستوف لكسنبرج عن القراءة السريانية الأرامية للقرآن
الراجل دون إكتشف كلمات كثيرة جداً من القرآن هو حصرها وقال تقريباً 25% من كلمات القرآن فهمت خطأ

محمد المسيح: نعم

حامد: وهو لا بيهاجم الإسلام ولا بيهاجم القرآن بل بالعكس ده هو بيحاول تقديم الفهم الصحيح للكلمات التي فهمت بالخطأ
نحن نحاول الإتصال بخبير على علاقة وطيدة ب كريستوف لكسنبرج
ويعرف شغله كويس جداً ودرسه وعمل عليه أبحاث
وفي الحلقات القادمة هنحاول نحلل الكلمات السريانية الأرامية الموجودة في القرآن وقراءتها بالمعنى الصحيح
تابعونا على الفيسبوك Box of Islam
وعلى قناة اليويتيوب Hamed.tv

نراكم في الحلقة القادمة


Download text file

box of Islam 026

You may also like

مين اللي سرق مصر، االحلقة الحادية عشر ، أولاد حارتنا
مين اللي سرق مصر مين اللي سرق مصر مين اللي سرق مصر مين اللي سرق مصر [...]
9 views
مين اللي سرق مصر، الحلقة العاشرة ، مصر السلطة بلدي
مين اللي سرق مصر مين اللي سرق مصر مين اللي سرق مصر مين اللي سرق مصر [...]
6 views
مين اللي سرق مصر، الحلقة التاسعة، الفن في مصر
مين اللي سرق مصر مين اللي سرق مصر مين اللي سرق مصر مين اللي سرق مصر [...]
11 views
مين اللي سرق مصر، الحلقة الثامنه، المصري الحرفي والمصري بلطجي
مين اللي سرق مصر مين اللي سرق مصر مين اللي سرق مصر  مين اللي سرق مصر [...]
2 views
مين اللي سرق مصر، الحلقة السابعة، كنيسة خاتم المرسلين
مين اللي سرق مصر مين اللي سرق مصر مين اللي سرق مصر مين اللي سرق مصر [...]
4 views
مين اللي سرق مصر، الحلقة السادسة، المرأة المصرية
مين اللي سرق مصر مين اللي سرق مصر مين اللي سرق مصر مين اللي سرق مصر [...]
2 views
مين اللي سرق مصر، الحلقة الخامسة ، مصر السماحة و مصر البجاحة
مين اللي سرق مصر مين اللي سرق مصر مين اللي سرق مصر مين اللي سرق مصر [...]
3 views
مين اللي سرق مصر، الحلقة الرابعة، ، دول الفراعنة الكفرة
مين اللي سرق مصر مين اللي سرق مصر مين اللي سرق مصر مين اللي سرق مصر [...]
6 views
مين اللي سرق مصر ، الحلقة الثالثة ، المواطنة والانتماء في مصر
مين الي سرق مصر مين الي سرق مصر مين الي سرق مصر مين الي سرق مصر مين [...]
8 views
مين اللي سرق مصر ، الحلقة الاولى ، مين إللي سرق مصر؟
مين اللي سرق مصر مين اللي سرق مصر مين اللي سرق مصر مين اللي سرق مصر [...]
22 views

Page 2 of 14

اترك تعليقاً