صندوق الاسلام الحلقة 82 : هل يمكن إصلاح الإسلام؟ المعوقات التي تمنع الإصلاح الإسلامي.

أهلاً بيكوا في حلقة جديدة من حلقات صندوق الإسلام

ونواصل سلسلة التساءول هل يمكن إصلاح الإسلام؟

قولتلكم في الحلقة الأولى إن يعني في رئيس قسم الدراسات الإسلامية في ألمانيا

كتبلي رسالة وقالي تعالى نحاول ندور على سُبل لإصلاح الإسلام مع بعضينا يعني كدة بطريقة نقدية طبعًا

وأنا كنت كتبتله في النظرية الأولى من النظريات مناعة الإسلام ضد الإصلاح

كذا بند هكرر بعضهم وهكمل البنود لية أنا من وجهة نظري صعب إصلاح الإسلام

نظرية إلهية القرآن وعدم المساس بيه إنك ما تقدرش تنتقده

نظرية إن النبي قدوة حسنة للمسلمين على كل المستويات سياسيًا وإجتماعيًا وأخلاقيًا

دي تعوق لأنه عمل أشياء ما ينفعش نطبقها على أرض الواقع في مجتمع ديموقراطي إنهاردة هيسببلنا مشاكل

فلازم ننفصا عن هذة الفكرة فكرة القدوة الحسنة وفكرة ألُهية القرآن وعدم المساس بيه

وطبعًا العيب الخلقي للإسلام وهو مزج الدين بالسياسة بالتشريع بالأقتصاد بشؤون المجتمع بشؤون المؤمن وحياته الخاصة

 بيحب إيه؟ وبياكل إيه؟ وبينام مع مين؟ ويتجوز مين؟ ويخش الحمام إزاي؟

يعني مسابش حاجة يعني الإسلام محشرش مناخيره فيها ودي صعبة

أنك تفصل دة عن دة يبقى لازم تتخلص من كل الحاجات دي كلها

الشيء التاني طبعًا إن مافيش مؤسسة مركزية تقدر تاخد فكرة الإصلاح دي وتطبق وتطبق على المدارس وتطبق في السياسة والأعلام مافيش

دة هايقولك موافقين على الإصلاح في الحالة الفلانية

هتلاقي مجموعة تانية تقولك دة مش الإسلام الصيحيح دة بيحاولوا يقلدوا الغرب

دة الغرب بيحاول إن هو يعني يعوم الإسلام بتاعنا كدة ويدينا إسلام مايع مافيهوش جهاد ومفيهوش خلافة ومفيهوش قوة ومفيهوش عزة

علشان الغرب يسيطر علينا, نظرية المؤامرة عائق مهم جدًا من معوقات إصلاح الإسلام

أي حد يجي مُصلح يقولك دة الغرب هو إللي محركه دة مين إللي بيدفعلك؟ دة صهيوني

دة صهيوعلماني دة صهيوأوربي, أمريكي

يريدون أن يطفؤا نور الله بأفواههم ويأبى الله أن يتم

أي حاجة حد ينتقد يقولك عايز يُطفىء نور الله

ماشاء الله نور الله مالي الدنيا

شوفتوا نور الله مالي ألمانيا وفرنسا وأمريكا إزاي؟

والناس منبهرين بنور الله إللي الإسلام عمال ينشره في  للبشرية

حقوق إنسان إيه بقى وإقتصادات بارعة وإختراعات كل يوم نور الله عمال مكسر الدنيا

فالناس طيرانين منه دة المنظر بقى

أنت في حضيض الدول في كل حاجة بس مُقتنع إن الناس غيرانين منك ومن إسلامك الجميل

مش إن الناس قرفانين ومرعوبين وخلاص طهقوا مش قادرين خلاص يعني

يتعاملوا مع هذا الفكر لأ أنت مقتنع دة هما غيرانين مننا

علشان الإسلام جميل أوي وباهرهم

فكرة طبعًا إن الإصلاح محتاج شك وتشكيك دي مهمة جدًا مافيش إصلاح بيجي كدة بإجراءات سهلة

لازم الناس تشك في مُسلمات لازم تهز أركان المُسلمات الإسلامية لو عايز تعمل إصلاح

لكن الإسلام بيعتبر الشك رذيلة

المسلم وهو بيحق ويطوف حوالين الكعبة في دعاء كدة بيقول

اللهما أعوذ بك من الشك والشرك

الشك دة إللي هو يعني خلى أوربا أوربا

الشك دة موتور للتقدم إن الإنسان يغير

لازم تشك لازم تتساءل

لكن إحنا مش ثقافة أسئلة

إحنا ثقافة إجابات جاهزة ومُغَلَّفة ثقافة إجابات جاهزة ومغلفة

الحقيقة أهي في جيبي متروحش تدور على الحقيقة

ما فرطنا في الكتاب من شيء

القرآن في كل حاجة

طب هتصلح إيه؟

هتصلح إيه أنت بتقولي القرآن في كل حاجة طب هتصلح إيه؟

معرفش أتحرك برا القرآن هتيجي تقولي أنت كفرت

قولنا حد الردة وازدراء الأديان سور تالت بيحجم

حماة الدين بقى الأزهر والمؤسسات البوديجاردات بتوع الإسلام

يمنعوك تعمل أي حاجة يقولك دة ثوابت الأمة

دة هوية الأمة دة بيقضي على الأمة

الخوف الرعب إن أي نقد يهز إيه الهوية التعبانة دي؟

إيه الهوية التعبانة دي؟ إللي أي نقد بيخليها تتشحتف على نفسها أو تخاف وتحس ب

الهوية إللي لو شافوا شوية شيعة بيتكلموا عن عقيدتهم شوية يقولك ينشرون التشيع

لو شافوا شوية مسيحين معاهم كتب تبشيرية

يانهارأسود التنصير, التبشير طب ما أنت عمال تبشر في الدنيا كلها

أنت يا أزهر ما أنت عمال تبعت أئمتك وتعلمهم ألماني وأنجليزي وفرنساوي

وتقولهم روحوا أدعوا في سبيل الله أدعو الناس للإسلام

مش دينك أنت قوي وجميل وأركانه طب ما تخش المسابقة مع الشيعة والمسيحين والبوذيين كدة

وخليهم يبشروا عندك وأنت تبشر عندهم والناس تقتنع

لأ أنت  مرعوب مرعوب لية؟ علشان حاسس بعقدة نقص ماهو أنت لو مقتنع إن أفكارك ودينك

حامين نفسهم بنفسهم بالمنطق والحجة مش هتخاف لا من تشيع ولا تنصير ولا البوذية تيجي تنشر أفكارها ولا البهائين ينشروا أفكارهم عندك

مش هتخاف منهم لكن أنت خايف لية؟

لأن الفكرة الواهية تحتاج أسوار تحتاج تخويف متنتقدنيش أنا أنتقدك وأنشر ديني عندك

بس أنت ماتجيش تنتقدني ولا تنشر دينك عندي

هو كدة فطبعًا دة سور إن أنت متعرفش

لازم تطرح الأفكار دي في سوق الأفكار وتتعامل بالحجج

معندكش أنت الأستعداد دة الإصلاح محتاج تعاون مع الغرب

علشان نتعلم منه تقدم إزاي؟ تقدم في العلوم إزاي؟ غير طريقة تفكيره إزاي؟

وصل لهذا القدر من الحرية والتقدم التكنولوجي إزاي؟

لازم نتعلم منهم هما دلوقتي الأستاندرد هو دلوقتي أي حد ياباني أي فيتنامي أي صيني عايز يعمل أي حاجة يتعلمها من الغرب

عملتوا الموضوع دة إزاي ياجماعة؟

صنعتوا الطيارة دي إزاي؟ صنعتوا الكمبيوتر دة إزاي ؟ صنعتوا الأيفون

لأ أنا أستخدمه بس ما أفكرش أنتوا عملتوا كدة لية

أنا أخد الأيفون أسجل عليه القرآن وأسمع وأشتم الغرب وأقول إنما المشركون نجس

إنما المشركون إللي عملولي الأيفون نجس

أهي دة الإسلام

يبقى هتصلح إزاي؟ فأنت لازم تفتح باب التعاون وسُبل التعاون مع الغرب

وبالتالي لازم تنهي هذا الحلم الإسلامي القديم إنك هتنتصر على الغرب و إن أنت هتعيد تقيم دولة الله مرة أخرى وإنك هتحارب اليهود

واليهودي هيستخبى ورا الحجر والحجر هيقولك إلحق يامؤمن في ورايا يهودي تعالى أقتله

وأفلام هاري بوتر إللي أنت مفكرها إن دة الدين بتاعك

دة لازم تتخلص منه الأول علشان تخش في موضوع الإصلاح

لازم تعترف إن دة إستهبال مافيش حاجة اسمها الحجر هايتكلم ويقولك ورايا يهودي فتعالى أقتله

مافيش حاجة اسمها عداوة أبدية بينك وبين حد قائمة على واحد قالك كلام فارغ من 1400 سنة

إللي عايز الإصلاح لازم يقول الكلام دة كلام فارغ ومينفعش خلاص

مش تيجي تقولى لأ دة إحنا لازم نحطه في سياقه التاريخي ومش عارف إيه

السياق التاريخي بيقولك لن تقوم الساعة حتى يحارب المسلمين اليهود

حطلي سياق أنت بقى قيام الساعة يعني خلى العداوة دي أبدية مافيش حل

فأنت لازم تكتشف الخلل في هذا التفكيري إللي أنتج هذة النصوص الركيكة التعبانه إللي بتعلم الكراهية وبس

لازم تقول إن إللي يقول إنما المشركون نجس دة بيمحي وجود إنسان بيحقر منه

إللي بيقول قردة خاسئين إللي بيقول يعني هُمْ إِلَّا كَالْأَنْعَامِ بَلْ هُمْ أَضَلُّ سَبِيلًا

فدة كل دة بيعيق الإصلاح طبعًا فالازم يكون في تعاون مع الغرب

الإصلاح عايز شجاعة والشجاعة عايزاة حرية والإسلام ما بيطقش حاجة اسمها حرية

الحرية يعني أفكر الحرية أقول طب ممكن القرآن دة مايكونش من عند ربنا

الحرية يعني أخد راحتي وأقول إزاي أنا أقتدي بمحمد بعد الحاجات إللي أنا بقراها

إنه أخد صفية سبية في الحرب ونام معاها في نفس الليلة ومش عارف إيه

مش إن أنا أفضل أبررله أبررله أبررله ودي أزمة المصلحين

ودي مشكلتي وع واحد زي إسلام البحيري

إنه بدل ما يقف عند قصة من زي دي ويقول الكلام دة نتاج فكر صحراوي قبلي

ما ينفعناش, لأ يقولك الرسول مستحيل يعمل كدة لية؟

لأن القرآن قال مَا أَرْسَلْنَاكَ إِلَّا رَحْمَةً لِّلْعَالَمِينَ

طب مكنش رحمة لليهود إللي خرجهم؟ مكنش رحمة للي بيقول اضْرِبُوا فَوْقَ الْأَعْنَاقِ وَاضْرِبُوا مِنْهُمْ كُلَّ بَنَانٍ؟ مكنش رحمة لصفية؟

مكنش رحمة للناس إللي ماتوا في التاريخ الإسلامي كله من أيام محمد لحد إنهاردة؟

مكنش رحمة للمسيحين إللي أتقتلوا في العريش؟

 وإللي اتقتلوا فيالكنيسة في رأس السنة في الاحتفالات بتاعتهم؟

فين الرحمات دي؟

بس أنتوا لأ هو ما أرسلناك إلا رحمة للعالمين ربنا قالها يبقى هو الصح

طب تطبيق دة على أرض الواقع فين؟

لازم كل دة تطرح النقاش حواليه مش تدافع عن فكرة جوفاء مبتطبقش على أرض الواقع إلا بالدم وتيجي تقولي لا دة التطبيق هو إللي غلط

ماهو بعد كل دة 1400 سنة غلط يبقى لازم تيجي في يوم من الأيام تقول ما يمكن الفكرة نفسها  هي إللي غلط

الإسلام بيطالب المسلم بالألتصاق بالدين

الإسلام والمسلم كيان واحد فدة مستحيل الإصلاح

لأن الإصلاح بيتطلب أنك تاخد مسافة بينك وبين هويتك

سواء القومية أو الدينية وفكر وتحس أنا لو مولود في ديانة تانية

هبص على الدين دة بنفس الحماسة والأحترام دة إللي ببص بيها على الدين دة؟

ولا إن علشان ماعنديش خيار أخر؟

علشان من وأنا عندي 6 دقايق مولود عمال يقولولي قرآن ودة كلام ربنا ودة كذا والنبي عمل وأعمل كدا واسم النبي حارسك وصاينك

والحاجات دي كلها والأدان والصلاة

قبل ما أفكر بيتحشي في دماغي كل الحاجات دي

فأنا محتاج المسافة النقدية علشان أفكر وأشوف الخلل فين؟

علشان تُصلح كيان,علشان تعالج مريض لازم الأول تقنعه إنه مريض

لازم الأول تقنعه إنه عنده مشكلة وإن المشكلة دي هة محتاجة حلول ولازم تعترف بالخلل وتشوف مصدره فين

مش تراوغ وتقول لأ هما  التانيين,دة هما السبب, لأ  دة التطبيق غلط, لأ دة الدواعش, لأ دة الأخوان, دة السلفين,دة مش عارف إيه

لأ, الإصلاح يتطلب التخلص من الخوف والإسلام يحكم بالخوف

يحكم بالخوف من الخطيئة, يحكم بالخوف من النار, يحكم بالخوف من الأخر,التوجس منه,نظرية المؤامرة ضده

وبيدجوديّا الخوف دي القايمة على الترهيب والتخويف بتعيق التفكير تخليك أنت كدة هتفكر في النبي

أعوذ بالله من الشيطان الرجيم يارب لا لا اللهم أعوذ بك من الشك والشرك والشقاق … ومش عارف

تروح مدخل نفسك في دروشة لكن التفكير

هو أوربا عملت الإصلاح والتقدم بإنها حررت الإنسان من خوفه من التفكير

لما إيمانويل كانط طرح نظريته للتنوير قال  التنوير هو التخلص الإنسان من الوصايا التي فرضها على نفسه بالخوف

إنك تتخلص من هذة الوصايا فتفكر فتكتشف الخلل فين؟

فتتقدم فتغير لكن طول ما أنت راعب نفسك

طول ما أنت متخيل إن الإسلام دة مفيهوش خلل وإن الخلل في البشرية وفي الناس وفي الدنيا كلها ما عدا الإسلام

عايز تصلح إيه؟ عايز تصلح إيه؟

يقولك إصلاح الخطاب الديني كان فيه الإنسان الرائع مؤمن المحمدي

 صديق عزيز كان كاتب على الفيس بوك حاجة جميلة جدًا كان بيقول فيها

لإصلاح الخطاب الديني دوس نجمة *

بالسهولة كدة أسهل حاجة

يقولك إصلح الخطاب الديني يعني إيه إصلح الخطاب الديني؟

يعني هي المشكلة بس مشكلة تسويق الدين!

ودي مشكلة كبيرة جدًا الراجل البروفسور دة لما كتبلي

إنُ عايزين نعمل حاجة لإصلاح الإسلام

أنا كنت كتبتله مثال قولت له أنا بسافر كتير بالطيارة وفي الأيام دي بالذات يعني كان التليفون إللي هو جالكسي كان فيه مشكلة

تليفون جالكسي كان فيه مشكلة إن هو البطارية بتاعته بتولع بسهولة لما بيسخن يعني لما بتستخدمه كتير بيولع بسهولة بيسخن

فكل ما نخش الطيارة

جالكسي طبعًا الشركة عرفت الموضوع مباشرة لمت الأجهزة وصلحت الخطأ و و إلى أخرة

بس كان في بعض الناس مرجعوش التليفون بتاعهم

ففي الطيارة بيقولك إللي معاه تليفون جالكسي لو سمحتوا يسلمه للمضيفة ولازم الطيار يحتفظ بدة لأن في خطورة

علشان ممكن يولع علشان محدش يستخدمه علشان ميولعش

إللي عندهم تليفون جالكسي بيطلعوا التليفون علطول وبيسلم المضيفة ما بيقولهاش ليه العنصرية بتاعتكم دي؟

طب أنتوا لية ماخدتوش الأيفون؟ طب أنتوا لية مأخدتوش النوكيا؟ طب أنتوا لية مأخدتوش السوني؟

لأ هما عارفين التليفون دة مشكلة فبيسلم مبيقولش في عنصرية بقى

مابيقولش أنتي بتفرقي بيني وبين الأيفون

لأ لأن أثبت التجربة إن الجالكسي بيولع والأيفون مابيولعش

يبقى ماقدش أساوي بينهم يبقى لازم أسحب الأيفون من السوق وأصلح الخلل

دة إللي لازم يحصل مع الإسلام

أي شركة, أي شركة بتقدم منتج للسوق والمنتج دة بيثبت إن فيه خطورة على صحة الناس

أو فيه مشكلة أمنية أو مشكلة تقنية الشركة ملزمة إنها تسحب المنتج من السوق

 وتصلح الخطأ وتعوض كل من خسر شيء أو تضرر بسبب هذا المنتج

دة العصر الحديث إللي أنت يامسلم عايز تبقى جزء منه

المنتج بتاعك مليان خلل المنتج الوحيد الإسلام  هو إللي كل ما الخلل بتاعه يبان أكتر نسوق له أكتر

مش نسحبه من السوق لا دة إحنا نقول صالح لكل زمان ومكان

دة إحنا نقول دة مفيش أحسن منه إلل بيسوقوا للتليفون الإسلامي أو للمنتج الإسلامي دة مش معترفين

الدنيا كلها عمالة تشتكي, تشتكي من الأرهاب, تشتكي من العنف ضد المرأة

تشتكي من جرائم الشرف, تشتكي من إنتهاك حقوق الإنسان بأسم الإسلام

وأنت مصمم أبعت أئمة علشان تدعو الناس للإسلام أكتر سوق المنتج أكتر

لأ. لأ أسحب منتجك من السوق وشوف الخلل فين وصلحه

البطارية إللي بتولع صلحها ومتخليش الناس تستخدمها غير لما تتأكد إنها مش هتولع تاني

لكن أنت واخد الرسك

دة أخر كتاب ربنا جابه للبشرية, دة أخر دين ربنا جابة للبشرية مستحيل يكون فيه خلل

لأن الخلل فيكوا أنتوا دي نظرية دة أنتم بتفتروا على الإسلام

دة أنتوا تريدون أن تطفئوا نور الله بأفواهكم

محدش عايز يطفىء نور الله والله, محدش يكرة النور

محدش بيكرة النور, الراجل الدليلامة إللي هو عامل دين إللي هو البوذية التبيتية  من التبت

الراجل دة كل ما يروح أوربا السياسين والشعب والدنيا كلها بتروح تلتف حواليه وتسمع محاضراته

لية؟ علشان الراجل دة بيتكلم عن السلام فقط

وتعاليم دينه بتحثه على السلام فمحدش

هيريدون أن يطفئوا نور الله, حد هيطفىء نوره ليه دة؟

المسيحين إللي بيروحوا يبشروا في اليابان  في أي مكان بيروحوا يبشروا المسيحين

لية محدش بيزعل منهم غير في مصرعندنا  والدول الإسلامية؟

خلاص بيخشوا, لما دخلوا المسيحين في اليابان في القرن ال17

الراجل إللي هو مكنش بيحب الأديان وكان ملحد أصلاً نوفونجا

قالهم أنتوا بتدخلوا في السياسة؟

قالولوا ملناش دعوة بالسياسة

قالهم خلاص هدخلكم وأحميكم وبشروا براحتكم ولحد إنهاردة في اليابان بيبشروا عادي

ولا حد بيقرب منهم ولا حد بيقولهم يري\ون أن يطفئوا نور الله بأفواههم ولا عايزين يمحوا الهوية اليابانية

والمسيحية دين غريب علينا محدش بيقول كدة

محدش بيقول كدة لية؟

لأن الراجل بيجي بيقوله محبة وحب جارك ومتستخدمش العنف وسعر خدك للي ضربك على خدك التاني

حد يزعل من الكلام دة لية؟

البوذي بيقول إن الخير جواك أنت والنور جواك أنت

وأنت بالتأملات ممكن تطلع دة وتحس

هيطفئون نور البوذية لية؟

محدش, لكن أنت بتيجي بتقوله لو سمحت تعالى أنت نجس وكافر وتستحق الموت وقردة وخنازير وأحترمني

بجاحة. إزاي بقى؟

يبقى هو مش عايز يطفىء نور الله هو عايز يتجنب شرك

هو عايز يتجنب شرورك فايقولك أبعد عني

فا مش عايز يطفىء نور الله ولا حاجة صدقني يعني

فدي نقطة من النقاط

الأوضاع السياسية في العالم الإسلامي دلوقتي متسمحش بحاجة اسمها إصلاح خالص

وإللي حصل مع إسلام البحيري خير دليل على ذلك

إن بعد ما الأخوان حصل معاهم إللي حصل في رابعة

وممكن نوقف عند هذا المشهد طبعًا وننتقده ونقول الدم لأ وكل حاجة بس أنا

بعد كل إللي حصل إن لما الأخوان طغوا في حكمهم ظهرت فكرة بقى إن أيه

إن الفاشية الدينية دي ماتنفعش في الحكم

فدة شجع واحد زي إسلام البحيري إنُ يطلع ويتكلم عن جزء من الحقيقة مش حتى كلها جزء من الحقيقة

إن يقول الأزهر في بلاوي في الكتب بتاعته ويقول إن مدارس الفقة بتعلم الكراهية ودي ثقافة مدارس الموت وعنده حق طبعًا في دة

لأ دة لسة في كلام كتير لازم يتقال إن القرآن نفسه والحديث نفسه والنبي نفسه فيهم مشاكل

فإية إللي حصل رغم إن إسلام البحيري لا غلط لا في النبي ولا في القرآن

رفعوا عليه قضية وأتحبس وأتبهدل وخلاص بقى إيه الموضوع بقى فيه

فلازم التحالف السياسي مع الإسلامين دة إللي هو غير معلن

على الشاشة كدة تحس إن أنت إيه إن لأ الدولة بتحارب التطرف وبتحارب الأرهاب

لأ الدولة بتحارب خصم سياسي لكن بتسمح بالتطرف والأرهاب

الدولة لسة متحالفه مع السلفين إللي بيجيبوا هذا الفكر

الدولة لسة بتتستر على الجرايم إللي بتحصل في حق الأقباط

إللي حصل في العريش دة ما يمرش كدة والناس تسكت وتستنى الكارثة إللي بعديها

زي ما أستنينا بعد كنيسة القديسين محصلش حاجة فجت كنيسة العباسية ومحصلش حاجة

دلوقتي طردهم للبتاع

الست إللي عروها في المنيا

عادي, الشيعي حسن شحاتة إللي أتقتل في بيته علشان أفكار مأذاش حد

سكتنا, إحنا بنسمح للسرطان إللي بيكبر وأي حد يجي يقول ياخونا لازم نصلح لازم نغير الكلام دة كلة

نرفع عليه بقى قضايا ازدراء أديان دة أنت مافهمتش الإسلام

إسلامك طلع عين الناس البشرية, الناس قرفت

المشكلة مش إن أنا أجي أنتقده المشكلة إن أنت سايبه كدة عمال يلطش في البشرية هي دي المشكلة

فأنت لما تيجي تقولي أنا عايز إصلاح إسلامي

تعالى ناخد الموضوع بقى كل البنود إللي أنا كلمتها دي كلها

هنحلها إزاي؟ هنتخلص من هذا المرض إزاي؟

هنعترف إن في مرض الأول, هنقبل الدوا,هيبقى عندنا الشجاعة إننا نشوف الأزمة ونعترف بيها ونعلنها

ولا كالعادة نخفي كل حاجة تحت السجادة ونقول لا لا دة الإسلام جميل وبرىء ولا علاقة له بكل دة

وداعش الغرب هو إللي عملها وطبعًا القاعدة برضو الغرب هو إللي عملها

وأزمة التعليم في مصر هو إللي عملها وأزمة الأخلاق والتحرش الجنسي

كل الغرب دة طبعًا هو غللي عمله

طب مش هنخلص

الأعتراف بالحق فضيلة, الأعتراف بالمرض هو أول خطوة من خطوات العلاج بعد كدة عمل التحليلات اللازمة

بعد كدة قبول الدواء مهما كان مرًا

غير كدة محدش يكلمني في موضوع الإصلاح تاني

أراكم في الحلقة القادمة.


Download text file

Box of Islam 082

You may also like

مين اللي سرق مصر، االحلقة الحادية عشر ، أولاد حارتنا
مين اللي سرق مصر مين اللي سرق مصر مين اللي سرق مصر مين اللي سرق مصر [...]
9 views
مين اللي سرق مصر، الحلقة العاشرة ، مصر السلطة بلدي
مين اللي سرق مصر مين اللي سرق مصر مين اللي سرق مصر مين اللي سرق مصر [...]
6 views
مين اللي سرق مصر، الحلقة التاسعة، الفن في مصر
مين اللي سرق مصر مين اللي سرق مصر مين اللي سرق مصر مين اللي سرق مصر [...]
11 views
مين اللي سرق مصر، الحلقة الثامنه، المصري الحرفي والمصري بلطجي
مين اللي سرق مصر مين اللي سرق مصر مين اللي سرق مصر  مين اللي سرق مصر [...]
2 views
مين اللي سرق مصر، الحلقة السابعة، كنيسة خاتم المرسلين
مين اللي سرق مصر مين اللي سرق مصر مين اللي سرق مصر مين اللي سرق مصر [...]
4 views
مين اللي سرق مصر، الحلقة السادسة، المرأة المصرية
مين اللي سرق مصر مين اللي سرق مصر مين اللي سرق مصر مين اللي سرق مصر [...]
2 views
مين اللي سرق مصر، الحلقة الخامسة ، مصر السماحة و مصر البجاحة
مين اللي سرق مصر مين اللي سرق مصر مين اللي سرق مصر مين اللي سرق مصر [...]
3 views
مين اللي سرق مصر، الحلقة الرابعة، ، دول الفراعنة الكفرة
مين اللي سرق مصر مين اللي سرق مصر مين اللي سرق مصر مين اللي سرق مصر [...]
6 views
مين اللي سرق مصر ، الحلقة الثالثة ، المواطنة والانتماء في مصر
مين الي سرق مصر مين الي سرق مصر مين الي سرق مصر مين الي سرق مصر مين [...]
8 views
مين اللي سرق مصر ، الحلقة الاولى ، مين إللي سرق مصر؟
مين اللي سرق مصر مين اللي سرق مصر مين اللي سرق مصر مين اللي سرق مصر [...]
22 views

Page 2 of 14

اترك تعليقاً