صندوق الاسلام الحلقة 85 : الإسلام لا يحتاج إلى مارتن لوثر، بل يحتاج إلى كوكو شانيل

أهلًا بيكوا في حلقة جديدة من صندوق الإسلام ونواصل الحديث عن سؤال هل يمكن إصلاح الإسلام؟

و إيه إللي ممكن يتعمل لو حبينا إن إحنا نصلح الإسلام؟

دايمًا لما فكرة إصلاح الإسلام تُطرح يجي اسم مارتن لوثر ويقولك طب ما المسيحية في القرون الوسطى فيها مشاكل,

 مشاكل مع قبولها للعلم, مشاكل مع قبولها للحرية

 وإن العهد القديم فيه آيات تدعو للعنف أو فيها الله يبدو وكإنه عنده جبروت وعنيف و و إلى أخرة..

فزي ما المسيحية تم إصلاحها في أوربا وجاء التنوير لية لأ مايحصلش دة مع الإسلام؟

ولذلك الإسلام يحتاج إلى مارتن لوثر مسلم ويسلام في أوربا بقى هتلاقي ناس كتير بُكلقوا عليهم مارتن لوثر الإسلام منهم عدنان إبراهيم

الشيخ عدنان إبراهيم طبعًا الداعية المشهور إللي هو على فكرة الدكتور مهند خورشد إللي بيعمل معايا الكتاب دة يعني يعتبر صديقه ويعرفه

وهو بيعتره كمان ناس من المُصلحين

أنا عندي مشكلة طبعًا مع عدنان إبراهيم ونظرته للإسلام وعندي مشكلة مع فكرة مقارنة إصلاح الإسلام بإصلاح المسيحية لية؟

لأن إصلاح المسيحية كان فيه فكرة العودة إلى الأصل المسيحية والأقتداء بمن أسس المسيحية أو الأقتداء بالمسيح

إصلاح المسيحية إللي بدأ بيه مارتن لوثر وخلينا ناخد الحكاية من أولها علشان نعرف إن دي نقره ودي نقره تانية

إن إصلاح إن الإسلام غير المسيحية, نشأت الإسلام غير نشأت المسيحية, مؤسس الإسلام غير مؤسس المسيحية

وبالتالي إصلاح الإسلام ماينفعش يكون على نفس نمط إصلاح المسيحية

قولنا قبل كدة بس نخش في التفاصيل مارتن لوثر هذا الراهب شاف إن الكنيسة بتمارس ممارسات حسب وجة نظره ومعتقده المسيحي ضد العقيدة المسيحية

وضد النصوص المسيحية وضد ما فعله المسيح فراح قالهم الكلام دة ماينفعش

ماينفعش تبيع للفقرا صكوك غفران تشتريها منهم وتدخلهم بيها الجنة مافيش كدة

مافيش غفران بيجي بالفلوس لا المسيح عمل كدة ولا العهد الجديد ولا الإناجيل مكتوب فيها الكلام دة

يقولك طب ما هو أصل العهد القديم فيها آيات فيها عنف و و إلى أخرة

طيب العهد القديم جية بعده عهد جديد في المسيحية

العهد القديم لو كان فيه كلام بيقول العين بالعين والسن بالسن ففي في الهعد الجديد المسيح قال مَنْ كانَ مِنكُم بِلا خَطيئَةٍ، فَليَرْمِها بأوّلِ حجَرٍ.

وإن مش الناموس لما  يعني الناموس جاء من أجل الإنسان وليس الإنسان من أجل الناموس يعني مش الإنسان  هو إللي إتخلق علشان يطبق الشريعة

الشريعة جت علشان تتماشى مع غحتياجات الإنسان فدة غير دة صلح دة

أنت عندك في الإسلام عندك عهد جديد بعد القرآن؟

لأ عندك السنة إللي أسواء إللي بتصعب المشكلة أكتر ماعندكش update  ماعندكش virgin حديثة من هذا الشيء

والنقطة التانية إن فكرة المثل الأعلى يعني لما أنت تقول المسيحين في القرون الوسطى في أوربا عملوا حملات صليبية وعملوا كذا وعملوا كذا وعملوا كذا

لما كان حد بيجي ويقارن الكلام دة بنشأة المسيحية كان بيقولهم هو المسيح مسك سيف؟

يقولوا لأ. هو قتل هو عمل؟ أمر بقتل؟

يبقى ماتقدرش تقول إن دة بسبب, دة البشر فعلًا هما إللي حادوا وطبقوا غلط

أهو دة إللي ممكن تقول النظرية كانت صح والتطبيق كان غلط

إن هما هل هو قالهم روحوا أقتلوا نفسكم في سبيلي إللي أسس المسيحية؟

لأ دة قالهم دة أنا هاموت من أجلكم, أنت أنت إلهك في القرآن بيقولهم  روحوا موتوا في سبيلي أنا عايزكم

إن الله يحب الذين يقاتلون في سبيله صفًا إن الله إشترى من المؤمنين أنفسهم

فأنت لما لما هو بيرجع لنصوص مارتن لوثر عرف يصلح قالهم لأ لأ دة مش المسيحية الصحيحة تعالوا أوريكم المسيحية الصحيحة موجودة في الكتاب أهو

تعالوا أوريكم المسيح عمل كذا كذا كذا ماعملش كذا ماشرعش الصكوك

فحصل فيه إصلاح لكن أنت هتيجي بأي حجة هتقولهم النبي ماعملش؟ هتقولهم القرآن مافيهوش قتل القرآن بيحب الكافرين بيقولنا هنحبهم؟

هل هتقولهم القرآن بيرفض العنف؟ الأصل بتاعك إيه؟

فماينفعش مارتن لوثر نجح في موضوع الإصلاح دة علشان الشعب كان ملتف حوالين الفكرة

وعلشان هو كان متحصن بنصوص دينية  تساعده إن الكلام دة غلط ولازم نصلح

لكن أنت هتحصن نفسك بإيه؟ هتجيب إيه ونص من القرآن يعني يقولك إيه كدة فيهم سلام وبتاع هتلاقي التاني السلفي جايلك ب400 آيه تانية عكس إللي أنت بتطلبه تمامًا

مش هينفع  مش هنخلص, فلذلك لما هو يعني سألني الدكتور مهند خورشد وقالي نعمل حاجة عن إصلاح الإسلام

وطبعًا مارتن لوثر يعني العيد بتاعه ال500 سنة

فأنا كتبت نظرية أحد ال95 نظرية إحنا عملنا زي مارتن لوثر كدة برضو عملنا 95 نظرية لإصلاح الإسلام تمام

فعملت أنا نظرية سميتها الإسلام لا يحتاج إلى مارتن لوثر ولكنه يحتاج إلى كوكو شانيل

عارفين كوكو شانيل مصممة الأزياء الفرنسية المشهورة إللي حررت المرأة الفرنسية

كان في المرأة الفرنسية في القرن ال19 و أوائل القرن ال20 كانت المرأة الفرنسية لازم تلبس الكورسيت

الكورسيت عارفين أنتوا اللبس الضيق دة إللي عامل زي رباط الجزمة يتشد كدة فالست ماتبقاش واخده نفسها وعلشان تبان إن هي رفيعة وبتاع

الملابس إللي هي إيه يعني الحركة فيها صعبة

فاكرين الفيلم بتاع عادل أمام لما عادل أمام كان داخل على فيلم وفاكره فيلم ثقافي ولقاهم لابيسن ملابس كدة  الستات كلهم لابسين الكورستات

قالهم دة عقبال ماهيقلعوا هيكون الفيلم خلص

إن هو يعني إيه ضيقه الملابس وصعب تشيلها من نفسك

فأنا فكرة إللي أنا بقوله  يعني الإسلام يحتاج إلى كوكو شانيل

كوكو شانيل جت وقالت للمرأة الفرنسية أنتي معذبة نفسك ومكتفه نفسك لية؟

فإخترعت بقى اللبس إللي بيسموه الأتوكيور بقى اللبس إللي هو الكاجول الجميل إللي الست بتلبسه وبقى موضة في العالم كلة دلوقتي

كوكو شانيل مش غيرت الموضة بس في فرنسا في العالم كلة وحررت المرأة من الكورسيت إللي خنقها

خليتها تتنفس الست مكنتش عارفه تتنفس علشان تبدو إن هي جميلة وعلشان تبدو إن هي محافظة على تقاليد المجتمع

فجت قالتلها متعذبيش نفسك علشان الرجالة يرضوا عنك قالتلها عيشي عيشي بحرية وإتحركي بحرية

فهو الإسلام بقى مش عايز مارتن لوثر يرجعه لنصوص النبي والقرأن وأصله لأن دي المشكلة أصلاً

محتاج حد يجي يخلص الناس من الكورسيت دة

ينزعهم من السلطاوية دي يشموا نفسهم يتحركوا بحرية يتنفسوا حرية يفكروا بدون خوف

هو دة إللي الإسلام محتاجه الإسلام محتاج ثورة تعليمية تصالحوا على الإنسانية والبشرية

تعلمه إن علاقة البشر بالبشر ماتقومش على أساس ديني إنما على أساس المحبة في الإنسانية

إنت مسيحي أنت يهودي أنت ملحد أنت بوذي ماتفرقش

أنت  أخويا في البشرية الإسلام قال إيه والقرآن قال إيه؟ مش مهم

المهم إن إحنا نتعاون مافيش حد يؤذي حد علشان عقيدته لأن في أغلب الأحوال ماحدش اختار عقيدته

أنت مولود فيها بتدافع عنها كدة علشان علموك إن دة جزء منك

لأ دة أنت بالصدفة إن أنت جيت في عيلة مسلمة وبالصدفة إن جارك بهائي ولا شيعي ولا مسيحي ولا يهودي مش

فمتجيش أنت وتقولي مارتن لوثر الإسلام محتاج مارتن لوثر الإسلام محتاج حد زي رازموس أوف نوتردام إللي هو عمل ثورة تعليمية  في أوربا

تعليم يعلم الناس فكر الشباب من أول وهما  أطفال يعلمه  فكر ماتهضمش أي حاجة كدة على إنها مُسلم بيها مافيش حاجة  اسمها مُسلمات  في المعرفة

في حاجة اسمها كل حاجة تتعرض عليك تمحصها  تفكر الكلام دة منطقي ولا لأ؟ الكلام دة مفيد ولا مضر؟

قبل ما, قبل ما  الطفل عندنا بيفكر الكلام دة مفيد ولا مضر إللي بيقراه بيكون إدبس يعني بيحفظوه القرآن وهو عنده سنتين وتلات سنين

فبيصير جزء من دمه مافيش مسافة بينه وبينه إنه يفكر  يقول الآيه دي إيه الكلام إللي أنا بقراه دة؟

الكلام دة منين؟ ربنا يعمل كدة إزاي؟ يعني إيه يعذبني في نار جهنم أنا عملت إيه؟

يعني إيه ربنا مراقبني 24 ساعة وحاطت ملاكين هنا؟

إيه السادية دي يعني ؟ فين  الرحمةفي كدة؟ فين المحبة في كدة؟ فين الثقة في كدة؟

إن الطفل يتعلم الكلام دو إنه مايمضيش على بياض وهو دة إللي أنا من ساعة  ما عملت سلسلة صندوق الإسلام دة ودة الهدف منه طول الوقت إن أنا بقول

لي الأخت المسلمة والأخ المسلم إللي بيسمعنا وحتى من أي تصور يعني سني شيعي بهائي مسيحي بقول للناس دايمًا فكر

أعمل عقلك وماتمضيش لحد على بياض ولا لي أنا خد الكلام إللي أنا بقوله دة وأنظر إليه بعين النقد

أنا كلامي مش قرآن بس ماتسلمش نفسك بدري لفكر وتقول هو كدة وهو دة هويتي

لأ أنت هويتك مش كيان جامد هويتك أنت ممكن تمطها وتبني فوقيها زي بيت تجيب أحجار جديدة وتبني دور تاني ودور تالت

ويبقى أغنى البيت وأكثر متسع مافيش حاجة اسمها هوية خلصت وإتقفلت على كدة

وبعدين أنا بقولك أنت ماعندكش الأهلية دي أصلًا الأطفال بيحفظوهم قرآن وبيعلموهم مبادىء كدة زي الجنة والنار

ومش عارف إيه وربنا هيعذبك وهيحرقك فيتربى على الخوف

فثقافة الخوف ما تنفعش مع الإصلاح خالص طب أنا لو نزعت عبائة الخوف عن الإسلام؟

مش أنا  كدة هبتدي حاجات كتير هتدمر؟ مش الخوف دة كان حامي الإسلام من بلاوي كتيرة؟

 من الردة  من الكفر أمال قانون إزدراء الأديان دة جاي منين وحروب الردة جت لية ؟

مهو علشان خايفين أنا لو سبت الباب مفتوح كدة ما الناس هتمشي والناس هتمشي يعني خلاص مافيش جزية مافيش زكاة مافيش دخل مالي

فإللي بيقولوا إصلاح الإسلام لازم يعرفوا إن هذا المشروع مشروع خطير جدًا

وممكن ينتهي بيك المطاف إنك تدمر الدعائم إللي أنت بتحافظ عليها

لأن في الأساس الإسلام في جزء كبير منه  قائم على الخوف الوف من ربنا

لكن أنت لو نزعت الخوف ونزعت القدسية عن النصوص والناس إبتدت تفكر بجد هتكتشف الناس

الكلام دة مش منطقي هو ربنا بيشتم أبو لهب لية؟

مارتن لوثر لما بدأ المشروع الإصلاحي بتاعه أبتدا يترجم الإناجيل إلى اللغة الإلمانية الشعبية

علشان الشعب يقراها علشان قبل كدة الإناجيل مكتوبه باللاتينية

 فرجال الدين بس هما إللي بيشرحوا للناس يعني إيه مسيحية والمسيح قال إيه ومقالش إيه وبتاع

لكن لما الناس إبتدت تقرا إبتدت تعرف أهو دة الدين بتاعنا

معظم الناس إنهاردة بيقرا القرآن ولا فاهم أي حاجة

بِسْمِ اللَّهِ الرَّحْمَنِ الرَّحِيمِ وَالْعَادِيَاتِ ضَبْحًا * فَالْمُورِيَاتِ قَدْحًا * فَالْمُغِيرَاتِ صُبْحًا  فَوَسَطْنَ بِهِ جَمْعًا. فَأَثَرْنَ بِهِ نَقْعًا

 طب حد يقولي أي  جملة من دول معناها إيه؟

وهتعرف وتسمعه وتكرر والاطفال وبيحفظوا ويكرروا وخلاص

(تَبَّتْ يَدَا أَبِي لَهَبٍ وَتَبَّ )

محدش بيفكر كدة ربنا بيشتم أبو لهب كدة لية؟ وربنا يشتم أصلاً بني أدم لية؟

ويدخل مراته في الموضوع بدون أي ذنب وبأي دخلها كدة في الفيلم

وحاول أنت  بتعمل بقى إصلاح وترجم القرآن كدة للهجة المصرية هترجم تَبَّتْ يَدَا أَبِي لَهَبٍ  تقول ككقطع إيد أبو لهب؟ ومراته الولية إللي في حبلها في رقبتها

هتلاقي نفسه إنه بيردح زي الستات إللي في الحواري

جرى إيه ياعمر؟ جرى إيه يا مش عارف إيه دة أنا هخدك  ومش عارف دة أنا أشحورك, لمي نفسك يابت بدل ما أجي ألمك

القرآن بيكلم أبو لهب كدة ومراته طب مراته مالها؟ مراته ابو لهب زعل محمد تدخل مراته في الموضوع لية؟

ترجم أنت للهجة المصرية وخد على كدة بقى حاجات كتير

إن أعطيناك الكوثر. وترجم بقى باللهجة المصرية علشان الناس تفهم القرآن وتعمله هتلاقي إن الرهبة بتاع الكتاب راحت

لأن الموضوع مش المعنى الحبكة والطريقة إللي بيتقري بيها

فدة جزء من الإصلاح هيدمرلك القدسية مافيش إصلاح بيحصل من فكرة القداسة دي ماتتغير

من غير الرهبة والخوف والإجلال المبالغ فيه لنص مابتروح خلاص

علشان أنت بتفهم لما بتحط حاجات في سياقها التاريخي بتعرف والله عمل كذا ومحمد عمل كذا علشان الناس دول كانوا مزعلينه

وأبو لهب قاله كذا فبيرد عليه  مش عارف مين ابن المغيره والعاصي ابن مش عارف مين قاله قاله أبطر فقاله لأ دة أنت إللي أبطر

هتلاقي حواديت, طب القدسية أخر كتاب ربنا منزله للبشرية جايبلي الحودايت دي فيه لية؟

ماهسأل نفسي دة جزء من الإصلاح برضو ربنا بيقدم أخر كتاب للبشرية هيبقى دستور للبشرية

يشتم أبو لهب فيه لية؟ يجيب 400 آيه للعذاب لية؟

علشان التاني إللي بيقولي دة إستعارات ومجرد صور طب حاشي الكتاب بالإستعارات دي كلها لية؟

طب ما كان خفض الكتاب شوية عمله  100 صفحة بس وجاب فيها الآيات الجميلة إللي فيها رحمة وفيها كذا

والحاجات إللي مافيهاش فيها لبث دة إيه الكتاب إللي أسيء فهمة 1400 سنة دة يعني دة؟ إيه المنطق في كدة؟

وأخر كتاب يعني المفروض الكتاب بيقول عن نفسه فُسرت آياته

مافيهوش لبث مافيهوش شك لا ريب فيه

ففكرةإن  الإسلام يحتاج مارتن لوثر ماينفعش طبعًا لأن الظروف مختلفه

أوربا في الفترة دي كانت كان حركة الطباعة إبتديت تنتشر فيها  ودة ساهم طبعًا كان في أمراء ساعدوا مارتن لوثر

قالوا الراجل دة بيقول كلام كويس فعلًا المؤمنين هما لازم يعرفوا دينهم بنفسيهم مش الكنيسة هي إللي تشرحلهم وتتحكم فيهم

فدعموه خبوه في الفترة إللي كان بيترجم فيها الإناجيل كان مستخبي في قلعة في مدينة أيزينخ في ساكسونيا في شرق ألمانيا

 جمب المدينة إللي كنت بشتغل فيها علطول مدينة أرفود إللي مارتن لوثر كان في الدير راهب فيها

أنا عارف المنطقة دي يعني وعارف المكان إللي إستخبى فيه والأوضة إللي كان قاعد فيها بيترجم فيها وبتاع

فكان فيه دعم من برة دعم سياسي برضو من أمراء رحبوا بفكرة الإصلاح

 رحبوا بفكرة تحرير الناس من سطوة الكنيسة وإن الناس تعرف دينها بنفسها مش إن حد يبقى واصي عليها

فدة ساهم لكن أنت عندك دلوقتي لما حد يجي يقول بس إصلاح هتلاقي 100 واحد بينهشوا فيه

هتلاقي الدولة بتقولك إحنا عايزين إصلاح الخطاب الديني بس بتحبس إسلام البحيري

دة إيه الهبل دة؟ دة إيه الهبل دة؟

 تقولك إحنا عايزين نحارب التطرف بس يجي كاتب علشان كاتب كلمتين في رواية

زي أحمد ناجي يحبسوه علشان كلمتين في رواية

إيه, الإصلاح عايز حرية والحرية معناها مافيش خطوط حمرا

فدي ماتمشيش مع دي ماتقوليش لأ بس إصلاح بس ما عُلم من الدين بالضرورة

الإصلاح يبقى مافيش حاجة اسمها ما عُلم من الدين بالضرورة ولا من غير ضرورة

يبقى كلة عرضة للنقد وللتحليل والتمحيص ونقول لأ ياخونا الكلام دة ماينفعش

الكلام دة نتخلص منه والكلام دة نحطه على جنب مين إللي عندك بقى في البلاد الإسلامية عنده إستعداد لكدة؟

لا الإسلاميين هيقبلوا ولا السلافين هيقبلوا ولا المؤمنين العادين هيقبلوا ولا السايسين إللي بيسموا نفسهم علامنيين هيقبلوا

لية بقى؟ لأن الدين بالنسبالهم جزء من إخضاع الشعوب أنا محتاج الأزهر علشان يظبطلي الحاجات

ولو الأزهر مانفعش نجيب الحبيب على الجفري ولا الشيخ اسامة الأزهري

فهنجيب أي شيخ يظبط لنا القاعدة حتى لو إحنا بنقول إن إحنا علمانيين وإن إحنا مش أصوليين ولا إسلاميين ولا الحاجات دي كلها

الراجل مهند خورشد طبعًا هو الراجل عايز حل لأوربا مهو شايف الشباب المسلمين في أوربا في ورطة

عمالين يروحوا جوامع تركية وجوامع إخوان مسلمين وجوامع سلفية مبوظين عقول الشباب

عدد المتطرفين زاد في أوربا بشكل رهيب فالحكومات تعبانة

هما شرقانين على أي حد, أي حد يقولهم الإسلام ممكن إصلاحه ياخدوه بالحضن الله يخليك إنقذنا دة إحنا تعبنا

ما أنت إسلامك  إللي أنت مفكرإن الناس غيرانه منه وبيحاربوه وعايزين يطفؤا نوره

مبوظ الدنيا على أكتر من مستوى وراعب الناس المرض إستفحل وأنت قاعد في العسل وبتقول

الإسلام دين مش عارف إيه؟

الإسلام مسبب أزمة للمسلمين ولغير المسلمين في العالم كله

كل الدول دلوقتي أقرا الصحف  هتلاقي دايمًا ترامب مش عارف إيه الإسلام, فرنسا لوبن مش عارفة عملت إيه علشان الإسلام

راحت مش عارف لبنان وقالولها تلبسي الحجاب

يعني أنتوا شايفين بلاويكم  حد شايف يمكن جي هيساعدكوا في حاجة تقولوله ألبس الحجاب !

أصل الحجاب عندكم  أوي يعني حل الأزمات والمشاكل الطائفيه إللي عندكوا في لبنان

جتكوا خيبة, فالإسلام عامل أزمة لما يجي حد يقولهم الإسلام ممكن إصلاحه يقولوله دة إحنا في عرضك أعمل أي حاجة

حتى لو النظرية أو الفكرة صعب تحقيقها يعني بس عايزين يتعلقوا بأي أشاية علشان إن المرض مسبب مشاكل

وبيضيع مصادر وفلوس شباب بيتعملوا في مدارس ومش عارف إيه وبتاع وبدل ما يفيدوا البلد إللي إتربوا فيها

إللي عطياهم حرية, إللي عطياهم يعني اماكنية إنهم يعيشوا في رفاهية

إن هما يكونوا بني أدمين لأ يجي أبوة وأمة في البيت يقوله ما تقعدش مع الألمان دول بياكلوا خنزير طيب

ما تعملش معاهم أصل بيشربوا كوحلات متصاحبش مش عارف إيه علشان بيناموا مع بعض كلهم

وبيناموا مع أمهاتهم وكذب بقى فيصورلك العالم دي كلهم إن هما شياطين

الجامع يروح مكررلهم نفس الكلام وأسواء

وأنتوا عايشين في معاصي وأنتوا مش عارف إيه؟

فالشاب يبقى عنده عذاب ضمير عايش طبعًا شايف حواليه زميلاته في المدرسة بيتصاحب عليهم يشرب حاجة يخرج معاهم وبتاع

يحسسوه إن عذاب الله وعذاب جهنم وإنت بتعمل كدة والإسلام لازم ترجع للإسلام فالواد من كتر عذاب الضمير

بيطرف وبيخاف فيصير إربهابي أو على الأقل يصير غير منتج في المجتمع إللي هو فيه

فأوربا عايزة إصلاح الإسلام علشان مش محبتًا في الإسلام يعني

أو إن هما عايزين يطفؤا نور الله ولا حاجة لا سمح الله

تعبانين بتكلفهم أنت معونات إجتماعية بتكلفهم محاربة إرهاب

أنا لما روحت أوربا سنة 95 أول مرة مكنش فيه الخوف دة كدة كنا بنسافر في المطارات بدون أي تفتيش

وبدون أي حاجة ومحدش خايف من حاجة ماكنش فيه رجال أمن واقفين قدام المؤسسات بأسلحة

كنت مستغرب أنا مافيش فين الشرطة؟

دلوقتي في كل مكان مليانة مين إللي عمل دة؟

الدين إللي جية رحمة للعالمين فا م..

إيه إللي سبب كل دة؟ كل الدنيا بتتكلم عنك وعن مشاكلك وعن إسلامك وبتاع وأنت في الطراوة قاعد أنت لوحدك كدة

دول حاقدين على الإسلام. حاقدين إيه دة بيدفعوا دم قلبهم علشان يصلحوا فكرك

إذًا فالإصلاح مش ضحك على الدقون الإصلاح مش إن أنت السلسلة إللي مقيداك تيجي داهنها لون جميل كدة

وتقول اه هو دة الإصلاح مش العربية إللي عمالة تقتل البشر وفراميلها بايظة تديها وشين دوكو وتكتب عليها سيارة أخر موديل وصالحة لكل زمان ومكان

لأ إنك توقف السيارة الأول تسحبها من الطريق طول ماهي بتقتل الناس وبعدين تشوف الخلل فين وتصلحه

ولما الخلل يتصلح هه تبقى تجرب بقى إذا كان تنزل بالعربية دي السوق تاني ولا تشوفلك حل فيها

الإصلاح ش إنك تضحك على نفسك وتجيب عبارتين وتقول لابد من وضع مش عارف إيه في السياق الإيه المعنوي التربوي البنيوي التحتوي

وتضحك على الناس  بكلمتين كدة مش فاهمين يعني إيه سياق ويعني إيه بتاع

لأ الإصلاح مؤلم ويبدأ بمواجة الذات وإدراك الحقيقة والأعتراف بالمصيبة

عندنا مصيبة نراكم في الحلقة القادمة.


Download text file

Box of Islam 085

You may also like

مين اللي سرق مصر، االحلقة الحادية عشر ، أولاد حارتنا
مين اللي سرق مصر مين اللي سرق مصر مين اللي سرق مصر مين اللي سرق مصر [...]
9 views
مين اللي سرق مصر، الحلقة العاشرة ، مصر السلطة بلدي
مين اللي سرق مصر مين اللي سرق مصر مين اللي سرق مصر مين اللي سرق مصر [...]
6 views
مين اللي سرق مصر، الحلقة التاسعة، الفن في مصر
مين اللي سرق مصر مين اللي سرق مصر مين اللي سرق مصر مين اللي سرق مصر [...]
11 views
مين اللي سرق مصر، الحلقة الثامنه، المصري الحرفي والمصري بلطجي
مين اللي سرق مصر مين اللي سرق مصر مين اللي سرق مصر  مين اللي سرق مصر [...]
2 views
مين اللي سرق مصر، الحلقة السابعة، كنيسة خاتم المرسلين
مين اللي سرق مصر مين اللي سرق مصر مين اللي سرق مصر مين اللي سرق مصر [...]
4 views
مين اللي سرق مصر، الحلقة السادسة، المرأة المصرية
مين اللي سرق مصر مين اللي سرق مصر مين اللي سرق مصر مين اللي سرق مصر [...]
2 views
مين اللي سرق مصر، الحلقة الخامسة ، مصر السماحة و مصر البجاحة
مين اللي سرق مصر مين اللي سرق مصر مين اللي سرق مصر مين اللي سرق مصر [...]
3 views
مين اللي سرق مصر، الحلقة الرابعة، ، دول الفراعنة الكفرة
مين اللي سرق مصر مين اللي سرق مصر مين اللي سرق مصر مين اللي سرق مصر [...]
6 views
مين اللي سرق مصر ، الحلقة الثالثة ، المواطنة والانتماء في مصر
مين الي سرق مصر مين الي سرق مصر مين الي سرق مصر مين الي سرق مصر مين [...]
8 views
مين اللي سرق مصر ، الحلقة الاولى ، مين إللي سرق مصر؟
مين اللي سرق مصر مين اللي سرق مصر مين اللي سرق مصر مين اللي سرق مصر [...]
22 views

Page 2 of 14

اترك تعليقاً