مين اللي سرق مصر
مين اللي سرق مصر
مين اللي سرق مصر
مين اللي سرق مصر
مين اللي سرق مصر
مصر سلطة بلدي
عارفين السلطة البلدي بتتعمل ازاي ؟
بتقطع الطماطم على الخيار على الجرجير على البصل مع شوية ليمون مع شوية زيت مع شوية كمون
تشكيلة , حاجات كتير يعني
الوان مختلفة فتشوف السلطة المصرية
أنا لما ببقي مسافر أي حتة و اروح أي بلد اورح مطعم مصري و اطلب السلطة المصرية دي يحس التشكيلة اللي فيها دي روح التنوع بتاع مصر
مصر القديمة الحلوة
مصر اللي كان فيها فن بتاع ليلى مراد اليهودية و منير مراد أخوها و ماري منيب المسيحية و فريد الاطرش و أسمهان الدروز
و غيرهم و غيرهم , عمر الشريف
مكنش حكاية ده دينه اية و ده بيعمل اية ؟
أول من عملوا الصحف في مصر كانوا مسيحين
أول من دخَلّوا المسرح و الفن , اللي جابوا الجامعة الأمريكية لمصر و لبيروت
اللي خرجت أهم عقول في العالم العربي
اللي جابت ثقافة النهضة و علمت الناس
مكنش في حاجة اسمها مين مسلم , مين مسيحي , مين يهودي , مين بهائي , مين مبيأمنش اصلا
كان فكرة التنوع دي طبيعية
اللي كان بيلبس يلبس اللي عايز يلبسه و يمشي
اللي بيروح يصلي
فكرة موسى نبي , عيسى نبي , محمد نبي و كل من له نبي يصلي علية
دي معادتش , راحت فين ؟
لية اتباع محمد دلوقت هما اللي طالعين برة المنظومة دي و يجي يقولك اية ده
دا كُفتِس
دا عضمة زرقة
الكلام ده جه منين ؟
روح الفن بطبيعتها مبتشوفش من الإنسان غير إنسانيته
و الحضارة الحديثة اكتشفت النقطة دي
إن احنا لو بدأنا نصنف البشر على أساس بيعتقدوا إية مش هنعرف نعيش مع بعض
بالعكس . هيبتدي الصراعات أقوي الحاجات اللي بتجمعنا و مصر كانت قوية بإن الحاجة اللي بتجمع المصريين أقوي من أي إختلاف
و كان اللي بيجمع المصريين حبهم للبلد دي
البلد اللي كانت دولة قبل ما يبقي في دول في العالم
الدولة اللي كان فيها قانون قبل ما العالم يعرف يعني اية قانون
اللي كان في فن قبل ما العالم يكتشف يعني اية فن و يعني اية جمال و يعني ايه ؟
فا الشىء القديم اللي جوانا ده صعب انه يضيع . صعب انه يروح هَدَر
فأنا مؤمن ان الشخصية المصرية موجودة بس عليها شوية تراب
الجمال و الفن المصري موجود بس علية شوية غبار
عايزين يتنضفوا و يتنفضوا عشان تظهر الشخصية المصرية تاني
اللي فيها الإنقاذ لمصر
الإنقاذ لمصر مش هايجي عن طريق رئيس جمهورية جديد أو قديم
لان اللي سرق مصر مش واحد
اللي سرق مصر اسلوب فكر و اسلوب حياة
و لازم نرجع لاسلوب الفكر المصري الاصيل
و اسلوب الحياة المصرية الاصيلة اللي قائم على التنوع , على السلطة البلدي
Download text file
You may also like
