صندوق الإسلام 012 :لماذا فشل قصىّ وهاشم ونجح محمد؟

أهلاً بيكم في حلقة جديدة من صندوق الإسلام

توقفنا في اللقاء السابق عند قبيلة خزاعة اللي هاجرت من اليمن

وبنت الكعبة وجابت أصنام من الشام وحطتها هناك

وجعلت مكة مبدأياً مركز للوثنية في الجزيرة العربية

بعديهم بشوية هاجرت مجموعة من القبائل سمت نفسها فيما بعد أو أطلق عليها فيما بعد قريش أيضاً من اليمن إلى مكة

من اليمن يعني لا علاقة لهم لا بإبراهيم ولا بإسماعيل اللي زي ما قولنا كانوا في شمال الجزيرة أو في فلسطين

بعد فترة عاشوا مع بعض دول يمنيين ودول يمنيين فعاشوا مع بعض فترة في سلام لحد ما فيه واحد إسمه قُصي إبن كِلاب جه من الشام خلي بالك من الشام

مين قصي إبن كلاب حسب القصص الإسلامية هو الجد الخامس لمحمد

وهو من قريش بس لسبب يعلمه الله ماتولدش في مكة

بيقولوا إن أمه وهو صغير تزوجت من رجل من قبيلة قضاعة وراحت معاه على الشام

ورجع قصي وهو لسه شاب يافع يعني 18-19 سنة إلى قريش يعني مابيتكلمش عربي كويس يعني لسه صبي

ومع ذلك قصي إبن كلاب يصير زعيم قريش فجأةً

ماحدش عارف إزاي وليه إحنا عارفين بقى القبائل العربية الراجل يكون كبير في السن عشان يبقى إيه هو زعيم االقبيلة

طب إزاي شاب لسه يعتبر مراهق يبقى هو زعيم قريش

لغز عريب بيحكيه كتاب لذيذ جداً لما تقراه إسمه المنمق في أخبار قريش

إفتح كتاب المنمق في أخبار قريش لإبن حبيب وبالتحديد صفحة 42

وشوف قصة قصي بقى زعيم مكة إزاي بقى زعيم قريش إزاي

قصي كان فيه تاجر حبشي كان بيمر بتجارته على مكة

إبن حبيبي بيحكي إن قصي تتبعه لحد ما ساب مكة ومشي

وقتله وأخد كل الكنوز اللي معاه وبذلك أصبح أغنى واحد في مكة

يعني بداية قطع الطريق اللي إحنا هنقابله بعد كده في تاريخ الإسلام كثيراً جداً

السطو على ما ليس لك والسطو على الأشياء التي ليست من حقك

لما أخد الفلوس بتاعة التاجر الحبشي

خلاص بقى السن مايفرقشي وإن هو مابتكلمش عربي وإن هو ماترباش في مكة أساساً كل ده مالعبش أي دور بيزنيس بقى

فكانت الخطوة اللي جاية بعد كده إن قصي كان عايز يطرد خزاعة اللي هم زعماء مكة

طب يطردهم إزاي أول شئ محتاج حليف قريب ومحتاج حليف بعيد

الحليف القريب هم الصعاليك فاكرين الصعاليك اللي إتكلمنا عليهم قبل كده الصعاليك اللي هم القبائل طردتهم عشان إرتكبوا جرائم

أو الأبناء لما يكون مثلاً واحد من مكة نام مع جارية حبشية أو سوداء وجاء إبن ومش إبنه ينتسب إليه وهو إسود عنصرية فيطردوه

فالمهم إتجمعوا الصعاليك دول وكان ليهم مركز معين إيه مركز الصعاليك كان جبل إسمه تُهامة يعني بين مكة وبين وبين المدينة

ف قصي جاب الصعاليك دول عشان يساعدوه في هزيمة خزاعة

فراح جاب اللي هي أمه كانت متجوزة منهم

قبيلة قضاعة اللي هم القبائل العربية اللي كانوا حلفاء للشام كانوا حلفاء للدولة البيزنطينية

وركز معايا في حلفاء الدولة البيزنطينية دي لأن فيها سر وفيها مفتاح لقصة بداية الإسلام

تحالفوا تحالف قصي إبن كلاب مع قبيلة قضاعة اللي هي متحالفة مع الدولة البيزنطينية وبتحارب معاها في حروبها ضد الفرس

هي دي البداية وهو ده التحالف اللي هيظل قائماً وهو ده اللي يفسر كلمة قريش أي التجمع أي التحالف

ترجمتها بالروماني هتبقى أو باللاتيني “فوذاراتي”  يعني القبائل المتحالفة مع الدولة البيزنطينية

فالمهم قصي قدر بمساعدة الصعاليك وقبيلة قضاعة إنه يطرد أصحاب سكان مكة الأصليين اللي أسسوها  خزاعة

ويخلي قريش بس هي اللي ليها السيطرة عليها

وإبتدى الراجل يعمل إصلاحات في مكة خطيرة جداً

إبتدى يحفر أبار

إبتدى ينظم الحج بأسلوب منظم

وعمل حاجة إسمها دار الندوة كأنه برلمان بردوا فكرة جاية من بيزنطة

مش مافيش حد في العرب كان يعرف يعني إيه برلمان وتجييب 10 قبائل وكل قبيلة يبقى ليها ممثل في البرلمان والتصويت يكون بالإجماع

حاجات حديثة جداً وعلى فكرة حاجات كويسة

يعني إحنا وإحنا بنقرا تاريخ الإسلام وبنقول إن قبل الإسلام كان جاهلية وماكانوش يعرفوا حاجة وعصر الظلمات والإسلام هو اللي جه نوَّر

مش حقيقي كان فيه بدايات تأثر بالثقافات الأخرى جابت ثمارها

وقصي وغيره على فكرة هييجي بعد كده أمية

بردوا كان ليه قصة مع الشام ورجوعه من الشام

عمل في التجارة شغل كويس جداً وفي التحالف مع الشام شغل كويس جداً هتستفيد منه الدولة الأوماوية فيما بعد لما تيجي تأسس سلطانها

طيب قصي عمل دار الندوة وإدى كل بطن من بطون قريش كل بطن من بطون قريش هم 10 بطون إداله مقعد في برلمان مكة اللي هو إسمه دار الندوة وإداله وظيفة في الحج

إنت عليك السقاية إنت عليك الرواية إنت عليك اللقاء إنت عليك الوفــــ

كل فريق إستفاد من موضوع الحج ف كان فيه شئ جميل

دي قصة هذا هو الأسلوب اللي قدر يتخلص منه فيه طبعاً أسطورة بتتحكي

وموجودة للأسف في كذا كتاب من كتب تاريخ الإسلام إن قصي إشترى الكعبة من أبو غباش اللي هو من قبيلة خزاعة اللي هو كان معاه مفتاح الكعبة

إشترى الكعبة بإيه إشترى الكعبة ب قالك بإزازة خمرة جايبها من الشام

يعني حاجة لذيذة جداً إن الكعبة كان تمنها إزازة خمرة

بس دي حطها على جمب من الأساطير يعني

بس بأوريك مثال إن التاريخ الإسلامي كان بيتكتب بإيه بعته أي حاجة إكتب أي حاجة في رغيف وخلاص

الكعبة إشتراها قصي بإزازة خمرة كلام فارغ طبعاً

بقت قصي إبتدى يعمل يفتح أبواب التجارة مع الشام وده اللي خلى مكة مكة بقى

إبتدى يعمل تحالفات مع القبائل اللي هي في طريقه وهو رايح الشام كده

ونفس الخط ده أخده (هاشم إبن عبد المطلب) هاشم إبن عبد مناف فيما بعد

هاشم اللي هو ال إيه جد محمد وجد الهاشميين وجد العباسيين

حصل خلاف بين هاشم وإبن أخوه أمية إبن حرب

ماتعرفش بقى أصول القصة بتتحكي بسرعة أوي أوي

إن حصل تحكيم والتحكيم حكم على أمية بإنه يسييب مكة 10 سنين ويروح للشام منفى

يعني كإن الشام دي منفى مع إن الشام كانت مركز الحضارة في الوقت دون

ف الـ 10 سنين اللي قضاهم أمية في الشام ولما رجع بردوا ٌقلب الموازين وفجأة هو اللي أخد موضوع التجارة

بس قبل كده المفروض إن هاشم عمل حاجة إسمها الإيلاف

الإيلاف اللي القرآن بيتكلم عنه في السورة بتاعة بني قريش

10:05 إلفهم رحلة الشتاء والصيف فليعبدوا رب هذا البيت الذي أطعمهم من جوعٍ وآمنهم من خوف

إيه قصة الإيلاف دي فيه بقى كذا يعني جواد علي بيحكيها في كتابه المفصل في تاريخ العرب وكتاب التاريخ الإسلامي من طبري لـ لـ المنمق في أخبار قريش لإبن إبي حبيب وغيرهم بيقولوا إن هاشم

عمل تحالف مع كل القبائل من مكة إلى الشام

إن ماحدش يهجم على القوافل

وسافر لحد الدولة البيزنطينية نفسها وراح كبادوكيا اللي هي في تركيا

وقابل الإمبراطور البيزنطي نفسه وعمل وخد منه خطاب أمان إن قوافل تمر بأمان في داخل الدولة البيزنطية

طبعاً ممكن جداً  جداً يكون لقاءه بالإمبراطور أسطورة

بس أكيد فيه شئ من الحقيقة في الموضوع إن هو إرتباط معين بين قريش وبين الدولة البيزنطينية

ممكن يكون بقى قابل رئيس حي او اااا ا أو قابل ااااا القائم بأعمال مدينة

يعني حد من قواد الجيش مش لازم يكون الإمبراطور ذات نفسه يعني

بس ده هو لغز مكة ولغز قريش ولغز الإسسلام هو البحث عن التحالف مع الدولة البيزنطينية

هو ده السر والمفتاح إنك تفهم لغة القرآن

إنك تفهم كان فيه إيه القبائل دي إتوحدت إزاي وعلى أي أساس

ف المهم المفروض يعني إن هاشم رجع لمكة ومعاه الإتفاق دون وأصبحت مكة بقى مكان ثري

لأن خلاص بقى التجارة رايحة جاية والطريق آمن وبني هاشم إستقر ليهم الأمر لفترة

لحد ما أمية رجع من الشام وكان هو اللي عمل الأتفاقات الأحسن مع دولة بيزنطة

وهو اللي مسك التجارة وبني هاشم إبتدوا يعني إيه يقل سلطتهم لأنهم ركزوا على حكاية سقاية الحجيج والرفادة وماركزوش في التجارة أوي فأفتقروا

كان فيه محاولات بقى من ساعة قصي مروراً بهاشم حتى بعبد المطلب نفسه

إن القبائل العربية بتاعة الجزيرة العربية تتحد وتبقى كيان واحد لكن مانفعش

الدكتور سيد القمني بيتكلم عن الموضوع دون في كتابه الحزب الهاشمي

إن فكرة إتحاد قبائل العرب وإن يبقى ليهم ملك واحد دي كانت مستحيلة

لأن كل قبيلة كانت عايزة الملك يبقى منها

وعايزة يبقى مركز الملك يبقى فيها

طيب ميين اللي يقدر يوحد كل العرب

إيه المقومات اللي المفروض تكون عند الراجل دون عشان يوحد كل العرب

 إيه اللي ماكانش عند قصي وإيه اللي ماكانش عند هاشم

وإيه اللي ماكانش عند عبد المطلب وماكانش عند أمية بس كان عند محمد

أول شئ أول كتاب عربي أول كتاب باللغة العربية كتاب مقدس إسمه القرآن

ده بيدي هوية لحد النهارده طبعاً لكل العرب ولكل المسلمين

ماكانش موجود قبل كده فهو جابلهم حاجة إتفضل كتاب كامل …………

تاني حاجة أسطورة التأسيس أسطورة التـــ   أي دولة بتتأسس محتاجة أسطورة تأسيس

فكل قبيلة كانت في العرب ليها أسطورتها الخاصة بيها بقبيلتها هي

لكن ماكانش فيه أسطورة تجمع كل العرب في هوية واحدة

لكن محمد جه وقالهم أبونا إسماعيل جدنا إبراهيم وآدي القصة

ف ده الشئ التالت الطقوس التي تجمع الجميع

ربط الحج بإبراهيم بالله الواحد

بردوا فكرة جديدة عبقرية جداً إن هو يخلط حاجات من القانون اليهودي حاجات من الشريعة اليهودية حاجات من الفكر المسيحي مع الوثنية العربية

لذلك إن هو ماغيرش حاجة في طقوس الحج زي ما هي بالظبط

من لبيك اللهم لبيك للطواف للتمسح بالحجر الأسود لتقبيل الحجر الأسود

السعي بين الصفا والمروة كله

ماسابش طقس من طقوس الحج الوثنية إلا وحطها في الإسلام

ف ده بردوا عامل ربط الناس ببعض

وأهم نقطة طبعاً إن هو الوحيد اللي أشعل الجزيرة العربية كلها حروباً

كان فيه حروب طبعاً قبل محمد في الجزيرة العربية

لكن الحروب دي كانت محدودة حول بئر ماء

الثأر لموت ناقة الثأر لموت لضرب إمرأة

الحاجات اللي هي بسيطة اللي هي حرب محدودة يروح …..

أو حروب الإغارة إن هو بس بيغير على قبيلة يسبي منها شوية ويبيع البتاع في سوق العبيد عشان يستفيد

لكن ماحدش كان عنده الطاقة إن هو يحارب في كل الجزيرة العربية

لكن محمد هو أول واحد عمل الحرب الشاملة في الجزيرة العربية

الحرب الشاملة دي هي اللي صهرت القبائل في بعضها

وإن هو ربط بعبقرية شديدة جداً فكرة الحرب المقدسة بـ الإستفادة في الحياة الدنيا

يعني مش بس هو حط المقاتل في موقف إنت كده كده كسبان إنت كده كده كسبان

مت هتروح الجنة ونعيم وخلد وجواري وكواعب عِطرابة واللي إنت عايزه

مامتش وكسبت الحرب هتاخد غنائم وهتتقسم وهتاخد سهم من الغنائم وبردوا هتاخد ستات مش بطالين من القبائل اللي بنغزوها

خاصةً بقى لما الموضوع تطور ودخلوا في أراضي الروم بقى النساء الشقراوات كان ليهم حتى سعر أغلى

هو ده تراثك عايز تنقي إيه بقى من التراث ده

يا إما تقول إن الكلام ده كله لا ينتمي لتاريخي وماعرفوش

يا إما تعترف إن هو ده أصل داعش

وهو ده أصل المشاكل اللي إحنا عايشينها دلوقتي

علشان محمد يحتفظ بالقوة في الجزيرة العربية

كان لازم يتخلص من أي حد يرفض هيمنته على الجزيرة العربية

وهنبقى نتكلم في الموضوع ده بإستفاضة أكتر فيما بعد

بس هاديكوا مثال بسيط جداً في تعامله مع اليهود

يعني قصة إبراهيم وإسماعيل بدايته ولضموا فيها كان هو بيتحرر من أهل مكة اللي رافضينه وبيجيب مثال إبراهيم

فييجي يحكي قصة إبراهيم فيحكيها بأسلوب يختلف عن العهد القديم

إبراهيم في العهد القديم خرج من مدينة أور في العراق ورايح لكنعان

خد أبوه معاه ماكانش معاه مشاكل مع أبوه خالص

وأبوه اللي هو في العهد القديم إسمه تارح مات في الطريق في حاران

لأ محمد بقى ياخد القصة ويخلي أبو إبراهيم كان بيصنع أصنام

ماهو عايز بقى يجييب قصة تشبه قصته مع بني مكة

فخلى إبراهيم عنده مشاكل مع أبوه وبيتخانق مع أبوه

وأبوه بيصنع أصنام وقومه معذبينه

فييجي إبراهيم يعافر مع قومه ويجييب ياخد فاس ويكسر الأصنام بتاعة قومه

ويعلق الفاس في رقبة ال كبيرهم ويستهزئ بقى ويقول إن كبيرهم بقى اللي عمل كده

ف ااا هه ياخده بقى قومه ويحطوه في النار

ف ربنا يتدخل ويعمل معجزة ويقول يا نار كوني برداً وسلاماً على إبراهيم

محمد جاب القصة دي منين

القصة دي مش موجودة في التوراة ومش موجودة في العهد القديم

ولا قصة إبراهيم والنمرود موجودة في العهد القديم

بس موجودة في كتب تفاسير يهودية تانية

كتاب إسمه المدراش خاصة مدراش ربه كان موجود عند اليهود العرب

وكان يعرفه السريان هو ده اللي فيه قصة الأصنام واللي فيه قصة النار

بس طبعاُ مش بنفس الحكاية هو محمد حط بردوا البهارات بتاعته عشان تبقى القصة تبقى شبيهه ب قصة قصته مع قريش

هو عايز يقول لقريش ايه خلي بالكوا أنا ممكن أكسرلكوا الأصنام بتاعتكوا

الكلام ده كان في مكة ماكانش لسه راح المدينة

فلما بيحكي القصة دي هو بيهددهم إن أنا لو عندي القوة هاكسر ولما رجع بعد كده فتح مكة بقى يكسر الأصنام يعني تيمُماً بقا بإبراهيم

ولما داعش راحت الموصل وراحت متحف نينوى راحت مكسرة الأصنام تيمُماً بمحمد

هذه اللي هي القصة كدا وتقولي عايز تنقي التراث وابن تيمية هو السبب والبخاري هو اللي عك الدنيا لا يا حبيبي هو ده الأصل

هو ده اللي انت هو ده اللي انت مصمم وتقولي كله إلا رسول الله

بسبب ان انت بتقول كله إلا رسول الله انت بتساعد بقا داعش وبتساعد التانيين

إن إنت بتحرم الناس إن هي تنتقد الكلام ده وتقول الكلام ده أصله جاي منين

ف محمد في البداية كان بيحاول يتنصل من مكة وزعلان منهم

وبيقرب من اليهود ولما هاجر للمدينة في الأول إبتدى ياخد من اليهود خد عندك بقى

كلمة شريعة جاية من كلة هالاخا اللي هي القانون اليهودي

بنفس المعنى على فكرة الطريق الشريعة هالاخا

خد منهم بقى الطقوس اللي إنت عارفها كلها

طقوس الطهارة كلها الوضوء فكرة الصلاة نفسها

تحريم أكل الخنزير ااااا المحيض ااا حتى القبلة إن هو يصلي في إتجاه القدس

يحاول يتقرب منهم بأي شكل قالوله شكراً مش عايزين

إحنا عندنا ديانتنا إحنا بنعتز بيها ومش عايزين

شوية وراح قالب عليهم وهنكمل الحلقة اللي جاية بقى

إزاي التحول ده حصل في علاقة محمد مع اليهود

ولسه مأثر على فهمنا على تاريخ اليهود

ومشاكلنا مع اليهود لحد النهارده

نراكم الحقلة القادمة تابعونا على حامد دوت تي في في قناة اليوتيوب الخاصة بينا وعلى الفيسبوك صندوق الإسلام


Download text file

Box of Islam 012

You may also like

مين اللي سرق مصر ، الحلقة الثانية ، الإسلام و أزمة الإنتماء في مصر
مين اللي سرق مصر مين اللي سرق مصر  مين اللي سرق مصر مين اللي سرق مصر [...]
6 views
صندوق الاسلام 71 : متناقضات القرآن : اليهود في القرآن
أهلًا بيكم في حلقة جديدة من صندوق الإسلام هانتكلم عن موضوع اليهود [...]
1 views
صندوق الاسلام 62 : متناقضات القرآن : مقدمة
أهلًا بيكم في حلقة جديدة من حلقات صندوق الإسلام أو مجموعة جديدة من [...]
20 views
صندوق الإسلام 49 :مقارنة بين الاسلام و الاسلام السياسي
أهلاً بيكم في حلقة جديدة من حلقات صندوق الإسلام ومازلنا نواصل الحديث [...]
1 views
صندوق الإسلام 36 :أمراض الأمة ، الفاشية الاسلامية
أهلاً بيكم في الموسم التالت لحلقات صندوق الإسلام بعد ما عالجنا في [...]
15 views
صندوق الإسلام 152: حوار مع سعيد بن جبلي حول جماعة العدل والإحسان وتجربته في السجن
ح: أهلا بيكم مشاهدي صندوق الإسلام, اليوم معانا شخصية جديدة مثيرة للجدل [...]
2 views
صندوق الإسلام 151 : الجزء الثاني من لقاء كافر مغربي هشام نوستيك
  أهلًا بكم في حلقة جديدة من صندوق الإسلام ونواصل الحديث مع كافر مغربي [...]
33 views
صندوق الإسلام 151: أول حوار لـ كافر مغربي (هشام نوستيك) بالصوت والصورة
أهلاً بكم اعزائي مشاهدي برنامج صندوق الإسلام معنا اليوم يعني شخصية [...]
2 views
صندوق الإسلام 141: لماذا لا يعتذر المسلمون عن جرائمهم التاريخية؟
أهلاً بيكم في حلقة جديدة من صندوق الإسلام ونطرح اليوم السؤال الذي [...]
34 views
صندوق الإسلام 140: تاريخ العبودية في الإسلام منذ محمد حتى داعش
تاريخ العبودية في الإسلام منذ محمد حتى داعش أهلًا بكم في حلقة جديدة من [...]
2 views

Page 3 of 14

اترك تعليقاً