صندوق الإسلام 35 : أساطير القرآن، قصة موسى والخضر في القرآن

أهلاً بيكم في حلقة جديدة من صندوق الإسلام

هنواصل الحديث عن مصادر القصص القرآني وأساطير القرآن

النهارده زي ما إنتوا شايفين هاكون لوحدي في الإستديو

الضيف الكريم الأستاذ محمد المسيح اللي رافقني في 15 حلقة طبعاً عنده ظروف عمل وسفر

فـ أنا هاكمل معاكم لوحدي وأرجو أن أكون على قدر المسئولية في موضوع المصادر والأساطير

أنا بذلت مجهود كبير في بحث في المصادر عشان أتعامل مع الموضوع اللي أنا إخترتهولكوا النهارده

اللي هو موسى وخضر في القرآن والأساطير

بدايةً أحب طبعاً عبر الهواء إني أشكر الأستاذ محمد المسيح على سعة صدره وعلى المجهود الكبير اللي بذله معي

قمنا برحلة بحث وغوص في أعماق مخطوطات القرآن وموضوع قراءات القرآن وموضوع القصص القرآني وأنا تعملت كثير في هذه الرحلة

ومن الآن بقى هبتدي أغوص لوحدي وأتمنى إني أطلعكم معلومة جديدة على الأقل أو خيط تبدأوا إن إنتوا تشتغلوا بيه

أذكركم دائماً إني أنا لا أدعي إني بأقدملكوا الحقيقة المطلقة اللي باقوله مش قرآن

ودايماً باكرر واقول ماتمضيش ورايا على بياض

خد الخيط وشك في الكلام اللي بتقولهولي (اللي باقولهولك) لا تصدقني ولا تصدق شيوخ الإسلام صدق المنطق والعقل

وإبحث بنفسك ودور بنفسك وشوف هاتوصل لحد فين، المصادر موجودة واللي عايز يلاقي المصادر بيلاقيها

موسى والخضر في القرآن، طبعاً مافيش نبي في القرآن بيحظى بمكانة مثل مكانة موسى

موسى أكتر من 500 آية بالتحديد 503 آية بتتكلم عن موسى وقصته

مافيش شخصية ولا أي نبي في القرآن زي موسى، 503 آية بتتكلم عنه

مذكور بالإسم 136 مرة في القرآن

موسى طبعاً هو قلب الديانة اليهودية وزي ما قولنا إن محمد لما هاجر من مكة للمدينة كان عايز يقدم بطاقة تعارف لل لليهود

فابتدى يجييب قصص موسى ويحطها في القرآن، قصص كتيرة من اللي مذكورة عن موسى هنلاقيها أيضاً في العهد القديم وفي سفر الخروج

هنلاقي تشابه في قصص كتيرة أكتر من أي نبي تاني

هتلاقي التشابه بين قصص التوراة وقصص القرآن في قصة موسى يعني أكتر شئ (متشابهة)

إن هو قصة ميلاده وإن هو كطفل راح راح اااا وصل إلى قصر فرعون وربته حسب بقى هنا هنا الإختلاف هي بنت فرعون أو إمرأة فرعون هنا يختلف ال ال تختلف القصتين

ااااااااااا هتلاقي إن قصة قتله للمصري وهروبه إلى ماديان هتلاقيها بردوا في ال في القصتين في القرآن وفي العهد القديم

هتلاقي الخروج قصة الخروج الـ Exodus من مصر وضرب البحر وإنفلق البحر وهكذا، هتلاقيها موجودة في العهد القديم وفي القرآن

بتفاصيل بسيطة (مختلفة) يعني هتلاقي مثلاً لما “الوحي” جاء لموسى، هتلاقي إن هو الرسالة بقى إن هو يروح يبلغ وبتاع ويروح لفرعون

هتلاقي في العهد القديم إن موسى عنده شك هل أستطيع إن أنا اعمل هذا الشئ، القرآن مافيهوش شك طبعاً القرآن على طول كده طوالي ودي حاجة هنقابلها كذا مرة

فالمهم نرجع لموضوع موسى ومحمد في القرآن وموسى في العهد القديم

موسى في العهد القديم هتلاقيه بيتلقى الوصايا العشر كاملة وفي لوحة واحدة

اااا يعني لا تتخذ آلهةً أخرى أمامي، لا تقتل، لا تسرق، لا تزني، لا تشتهي زوجة جارك، ااا ماتشهدش شهادة زور

يعني هتلاقيهم كلهم في قالب واحد

هتلاقي الوصايا العشر في القرآن متنتورين، هتلاقي آيات مختلفة بقى يعني اااا مش حاططهم كوصايا عشر، حاططهم كوصايا إسلامية يعني

يعني لا تدعوا مع الله إلهً آخر، هتلاقيها زي بتاعة لا تتخذ آلهةً أخرى أمامي

هتلاقي أكرم أباكم وأمك، هتلاقيها وصينا الإنسان بوالديه

لا تزني، هيقولك ولا تقربوا الزنا

هتلاقي ولا تشهد شهادة الزور هيقولك أه وأجتنبوا الرجس من الأوثان وأجتنبوا قول الزور

يعني ممم بببم مم مشتتهم مبعثرهم على ال على القرآن

لكن هنلاقي قصة في القرآن مش موجودة في العهد القديم عن موسى إطلاقاً

ألا وهي قصة رحلة موسى مع الخضر، طبعاً مافيش كلمة الخضر في القرآن ده التفاسير هي اللي حطت هذا الإسم فيما بعد

هو بيسميه في القرآن إيه بقى بيسميه عبداً من عبادي

يعني لو روحنا لسورة الكهف، وشوفنا ال اااا قولنا طبعاً إن سورة الكهف دي هي سورة الأسطير سورة اااا اللي فيها قصة أصحاب الكهف اللي فيها وأضرب لهما مثلاً رجلين جعلنا لأحدهما جنتين

والقصة اللي زي ما شوفنا في الحلقات اللي فاتت، اللي فيها قصة ذو القرنين ويأجوج ومأجوج وجمع كذا حاجة

بتقول إيه بقى قصة موسى والخضر في بدايتها وَإِذ قالَ موسى لِفَتاهُ لا أَبرَحُ حَتّى أَبلُغَ مَجمَعَ البَحرَينِ أَو أَمضِيَ حُقُبًا ﴿٦٠﴾ فَلَمّا بَلَغا مَجمَعَ بَينِهِما نَسِيا حوتَهُما فَاتَّخَذَ سَبيلَهُ فِي البَحرِ سَرَبًا ﴿٦١﴾

ركز معايا في كلمتين في هذا في الآيتين دول، كلمتين ركز فيهم

أول كلمة هي مجمع البحرين، نشوفها هنا أهيه ” مَجمَعَ البَحرَينِ” وكلمة ” نَسِيا حوتَهُما” دول مهمين علشان هيشرحولنا فيما بعد ليه ليه ال اااا الكلمتين دول جايين منين؟

ماتنساهمش يعني حطهم كده في خلفية راسك وإحنا بنحكي القصة ” مَجمَعَ البَحرَينِ” و ” نَسِيا حوتَهُما “

نكمل بقية القصة كما وردت في سورة الكهف بيقول إيه بقى؟

فَوَجَدا عَبدًا مِن عِبادِنا آتَيناهُ رَحمَةً مِن عِندِنا وَعَلَّمناهُ مِن لَدُنّا عِلمًا ﴿٦٥﴾ قالَ لَهُ موسى هَل أَتَّبِعُكَ عَلى أَن تُعَلِّمَنِ مِمّا عُلِّمتَ رُشدًا ﴿٦٦﴾ قالَ إِنَّكَ لَن تَستَطيعَ مَعِيَ صَبرًا ﴿٦٧﴾ وَكَيفَ تَصبِرُ عَلى ما لَم تُحِط بِهِ خُبرًا ﴿٦٨﴾

تذكر معايا أيضاً اااا الكلام دون لبعدين حطه في خلفية راسك قالَ إِنَّكَ لَن تَستَطيعَ مَعِيَ صَبرًا وَكَيفَ تَصبِرُ عَلى ما لَم تُحِط بِهِ خُبرًا ﴿٦٨﴾

ركز في القصتين دول وتذكرهم يبقى إحنا معانا دلوقتي إيه معانا ” مَجمَعَ البَحرَينِ” ومعانا ” نَسِيا حوتَهُما ” ومعانا إِنَّكَ لَن تَستَطيعَ مَعِيَ صَبرًا الخضر بيقوله إنت مش هتقدر تصبر معايا، تذكروا القصة دي

بيكمل بقى بيمشي معاه موسى في رحلة طويلة وبيمروا بمحطات معينة

بيعدوا على سفينة فطبعاً بيجي الخضر خرق السفينة

خرق السفينة ليه؟ مش غلاسة يعني كل شئ وليه حكمة

فـ موسى إزاي إنت تعمل كده؟ دول مساكين في البحر يعني ماعندهمش حاجة

قاله مش أنا قولتلك مش هتقدر تصبر معايا

فقال انا خلاص هاسكت مش هاقول حاجة تاني

ييجي ياخده ويمشي يكمل القصة نرجع للقصة تاني

بيقوله إيه؟ إن بيقوله ااااا إن بعد ما مشي لقوا لقوا غلام، اخد الغلام الخضر ده وجاي قاتله، ليه؟ ماإنت ماتعرفش بقى حكمة ربنا

ما هو المنطق الإسلامي هنا إيه؟ إن إنت لا تناقش ولا تجادل يا أخي يَا أَيُّهَا الَّذِينَ آمَنُوا لَا تَسْأَلُوا عَنْ أَشْيَاءَ إِن تُبْدَ لَكُمْ تَسُؤْكُمْ القصة دي سببت لأجيال أزمة في فهم مفهوم العدالة

التعامل مع الطفل، القصة دي هتلاقيها شبيهة جداً بقصة إبراهيم اللي بيدبح إبنه

هو مافيش حاجة إسمها إبنه أساساً، فيه حاجة إسمها ربنا وفيه حاجة إسمها إبراهيم، أي حاجة تانية يعني هي مجرد يعني أدوات

يدبحه!! ليه؟ عشان السمع والطاعة، ربنا قالك إدبح!! تدبح

طلق يا أبو العلا!! تطلق يا أبو العلا أَطِيعُوا اللَّـهَ وَأَطِيعُوا الرَّسُولَ وَأُولِي الْأَمْرِ مِنكُمْ

وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّـهُ وَرَسُولُهُ أَمْرًا أَن يَكُونَ لَهُمُ الْخِيَرَةُ مِنْ أَمْرِهِمْ إنت هتفكر؟؟ إنت هتختار؟؟ وربنااااا قرر خلاص والنبي قرر مافيش الكلام دون

طيب قتل الراجل الخضر وموسى طبعاً هيتجنن مش قادر يمسك نفسه إيه اللي بيحصل ده، قاله إنت لَن تَستَطيعَ مَعِيَ صَبرًا ﴿٧٥﴾

مش قولتلك ماتسألش، قاله لو سألتك بقى بعد كده بقى إيه إبقى فارقني

فـ مشيوا عدوا كملوا الرحلة بتاعتهم لحد ما يعني حبوا إن هو إن هم ناس يستضيفوهم (ينزلوا) في قرية معينة ماحدش من القرية رضي يستضيفهم خالص، ناس بخلا بقى ماتعرفش مابيحبوش الغربا

فالمهم لقى جدار يعني يكاد أن ينهار راح وراح إيه يعني مصلحه الخضر، فـ موسى بيقوله إيه فـ لَو شِئتَ لَاتَّخَذتَ عَلَيهِ أَجرًا ﴿٧٧﴾

قاله مش قال ااااا (مش أنا قولتلك مش هتقدر تصبر معايا) فـ دي اللي زعلته مازعلتوش موضوع القتل دي اللي زعلته بقى قال إيه قالَ هـذا فِراقُ بَيني وَبَينِكَ

وإبتدى يشرحله إن القصة إن السَّفينَةُ فَكانَت لِمَساكينَ يَعمَلونَ فِي البَحرِ وَراءَهُم مَلِكٌ يَأخُذُ كُلَّ سَفينَةٍ غَصبًا ﴿٧٩﴾ هياخد كل السفينة غصبٍ عنهم

الغلام كان لما هيكبر يا عين أمه هيرهق والديه طُغيانًا وَكُفرًا ﴿٨٠﴾ يعني بي بيع بيع بيعاقبه بإعتبار ما سيكون، بجريمة ماعملهاش طب ما يكفروا ويروحوا في 60 داهية إيه المشكلة؟

هو كفر بني آدم أرحم ولا قتل طفل؟ لأ، طبعاً الكفر أسوأ طبعاً من كل حاجة لأن إحنا في الإسلام إحنا بنتكلم في حاجة مافيهاش فلسفة يعني

طيب إيه موضوع الجدار؟ أه كان لأيتام وتحته كنز مدفون ليهم فلازم الجدار لو إنهار الناس هتشوف الكنز وهتسرقه فـ اا ياه قمة الحكمة وال ال وال والجمال يعني وإتعلم موسى القصة

فالمهم تختتم القصة الإسلامية كده كده وإحنا طبعاً مادام موسى قالنا دي قصة موسى والخضر، تبقى قصة موسى والخضر

أو قص موسى والعبد الصالح يعني

إنما القصة دي جات منين؟؟ بما إنها مش موجودة لا في التوراة ولا في التراث اليهودي اللي بيشرح التوراة، نادرة من نوعها يعني

فـ أنا طبعاً كواحد باشمشم الأساطير فين؟ التفاسير اليهودية فين؟

عشان نشوف القصص دي، ما هي القصص دي كلها جاية من مشكاة واحدة يعني في النهاية

فـ أنا ب ب ب بادور اا في المصادر لقيت أول حاجة أسطورة جلجامش

دي بداية ال كل القصص اللي إحنا نعرفها

كل القصص اللي إحنا نعرفها ده أساسها لإن دي أقدم ملحمة في التاريخ

أقدم بقى من توراة من إنجيل من قرآن من اااا قصص إغريقية، ملحمة جلجامش هي أصل التاريخ الحديث اللي إحنا نعرفه

جلجامش ده إيه حكايته؟؟ جلجامش اللي هي تهمنا يعني

كان ليه صديق إسمه أنكيدوا، أنكيدوا مات. جلجامش حصلتله أزمة وذهب في رحلة يبحث عن الخلود

فـ راح لواحد إسمه أوتنابشتيم أوتنابشتيم، أوتنابشتيم ده شخص خالد مابيموتش مابيموتش

ليه مابيموتش أوتنابشتيم؟ لأنه –وركز معايا في الكلام دون- أوتنابشتيم عندما أغرق الله الأرض عندما أغرق الله الأرض كان أوتنابشتيم دون هو الوحيد اللي نجا من هذا الطوفان

الوحيد اللي نجا هو وعائلته وحصل على الخلود، وأصبح الوحيد اللي هو ممكن يمنح الخلود

فراحله أوتنابشتيم جلجامش وقاله أنا عايز الخلود قاله فيه نبات معين في قاع البحر روح هاته

فـ نزل قاع البحر وجاب جلجامش النبات دون

وهو لسه ماتناولش النبات راحت جاية حية –ركز في موضوع الحية ده- وراحت خاطفة منه شجرت الخلود

أوتنابشتيم ده كان عايش فين؟ كان عايش عند فُم مجمع البحرين، الفم بتاع مجمع البحرين عند، جنة عدن

طيب لحد كده يعني فيه قصة مجمع البحرين وشجرة الخلد والبتاع دون التشابه مش واضح بين قصة موسى والخضر وأوتنابشتيم

ليه بقى؟ لإن قصة موسى والخضر ماخدتش مصدر واحد، دي مجمعة 3 مصادر في بعض

وده اللي توصله العالم الألماني الشهير أول واحد درس تاريخ القرآن تيودورنولدكا

قال إيه نولدكا يقى؟ قال القصة دي بتاعة موسى والخضر ليها 3 مصادر

المصدر الأول هو ملحمة جلجامش اللي هي علاقة موسى علاقة جلجامش بـ أوتنابشتيم اللي هو المعلم اللي هيعلمه الخلود يبقى إزاي

قالك المصدر التاني بقى هي ملحمة الإسكندر الأسطورية اللي كنا إتكلمنا عنها قبل كده في قصة ذو القرنين

فيه واحد كده يعني حكواتي جه عمل أسطورة إن الإسكندر كان بيبحث عن الخلود كان بيلف الدنيا وكان بيبحث عن الخلود واللي هي بيسموها أليكسندر رومانس يعني ملحمة الإسكندر

اااا نتذكر بقى قصة الإسكندر ذو القرنين

وأنا وقعت تحت إيدي عملة أصلية يعني موجودة عندنا ولو ركزت في الصورة دي بتاعة الإسكندر هتلاقي فيها قرن

دي عملة من زمن الإسكندر نفسه، ااااا فـ هتلاقي هنا القرن أهوه اللي هو ده

الإسكندر الأكبر يعني إحنا خدنا منه كذا حدوتة في القرآن من غير ما نحس

قصة ذو القرنين ويأجوج ومأجوج والموضوع دون

وفي نفس الملحمة بيقول اللي كاتب هذه الملحمة الأسطورية إن الإسكندر خرج في رحلة مع الطباخ بتاعه اللي هو إسمه أندرياس

علشان بيبحثوا عن الخلود وهيتقابلوا فين؟ عند مجمع البحرين بالظبط هي كده هيتقابلوا عند مجمع البحرين

وااا وهم ماشين في الطريق عايزين يعرفوا مجمع البحرين فين وينبوع الحياة، عايزين ينبوع الحياة

هو نفس القصة اللي هو جلجامش أوتنابشتيم اللي هو رايحله جلجامش عايش عند مجمع البحرين اللي هو عند ينبوع الحياة

والإسكندر بيبحث عن ينبوع الحياة، يلاقيه إيه الإسكندر؟ راح هو وأندرياس

فـ أندرياس لقى معاه سمكة ميتة، لقى ينبوع فبيغسل السمكة الميتة فيه، فالسمكة صحيت وراحت ناطة في الينبوع عاشت!!

وأندرياس نط رواها فـ حصل على الخلود لأنه هو ده كان ينبوع الخلود، لكن الإسكندر رجع من غير ما يحصل على ينبوع الخلود

فكر بقى في القصة اللي أنا ذكرتُكَ بها ذكرتك بها حتى إذا “نسيا حوتهما” قالوا أأ ذلِكَ ما كُنّا نَبغِ

فـ ده ده هي دي الإشارة بقى إن إحنا لما نسينا الحوت يعني لما الحوت هو يعني إيه هو المفروض إن الحوت ينط منهم في الينبوع

فهو قالك نَسِيا حوتَهُما فـ طبعاً كلمة نَسِيا حوتَهُما مالهاش أي دلالة

بس هو اللي بينقل واللي بيترجم بقى ما هو القصة دي إترجمت سرياني وبعدين من السرياني للعربي، بتوه التفاصيل في النص كده

طيب طب ما شبيهة جداً بقصة الخضر وو وموسى بس لحد كده لسه فيه تفاصيل مش موجودة

إيه التفاصيل اللي غايبة بقى في القصة؟ حكاية الغلام اللي قتله والسفينة اللي خرقها والجدار اللي أقامه

المصدر يكون إيه؟ تيودورنولدكا يقول بعد ما جمع جلجامش، راح مدخل عليهم أسطورة يهودية موجودة في التلمود البابلي، نشوف إيه الحكاية دي

في التلمود البابلي بيذكر قصة شبيهة جداً بموسى بقصة موسى والخضر لكنها ليست قصة موسى والخضر

يعني في التلمود بيقول إن دي قصة لـ واحد ااا حاخام يعني أو رابي إسمه يوحانان بن ليفي

يوحانان بن ليفي دعى ربنا إن هو يجمعه بـ الملك إلياهو أو النبي إلياهو

إلياهو ده مين؟ إلياهو ده اللي هو في المسيحية بيسموه إيليا وفي الإسلام وفي القرآن إسمه إلياس

طيب بعد ما جمعه ووافق إن هو يقابله، إيه اللي حصل؟ نشوف القصة بتحكي إيه!!

القصة دي موجودة في التلمود البابلي، التلمود البابلي طبعاً لغز كبير لأنه ماترجمش للعربية خالص

أول ترجمة ليه إتعملت كانت -كاملة يعني- كانت سنة 2012 عملتها دار دراسات الشرق الأوسط في عمان ونسخة غالية جداً ومن أكتر من 20 جزء وبـ 700 دولار وغالية على الناس إنها تلاقيها

إيه السبب في إن عدم وجود ترجمة لحد دلوقتي؟ لإن التلمود البابلي بالذات مليان قصص، هتلاقيها في القرآن

زي مدراش ربا اللي إحنا إتكلمنا عنه في الحلقات اللي فاتت

إيه القصة اللي موجودة بقى في التلمود البابلي؟ لو قرينا مع بعض شوية إيه كذا حتة عشان نفتكر بس نشوف

ااااااااااا اااااااااااا ال الوثوق بالله ده ال ال القصة العبرة منها إيه إن إنت تثق في الله

فـ بعد كام سطر هتلاقي ال ال الرابي توسل الرابي إلى إلياهو قائلاً دعني أتبعك إلى في طوافك عبر البلاد وأراقب أفعالك وأحوالك فأكسب لنفسي حكمةً وفهماً

فقال ألياهو لا فأفعالي لا سبيل إلى فهمها وتصرفاتي لا صبر لك عليها

فكيف تصبر على ما ليس لك به علم؟ إِنَّكَ لَن تَستَطيعَ مَعِيَ صَبرًا

بيكمل القصة والنص قدامكم ممكن تشوفوه براحتكم وموجود على فكرة على النت لو كتبت التلمود الوثوق بالله، هتلاقيها.

نكمل مع بعض النص نفس النص بيقول إيه؟ قال إلياهو إذاً هلم ولكن ليلزم لسانك الصمت وعند أول سؤال تسألنيه أو أول إشارة تعجب فهو الفراق ما بيننا

وبيكمل القصة بقى هنا فجاء الإثنان معاً عبر البلاد وبلغا بيت رجلٍ فقير لم يكن يملك من المال وأسباب الرزق سوا بقرة

فلما إقتربا خلف الرجل وإمرأته لإستقبالهما وأستحلفاهما بالدخول إلى كوخهما وتناولا الطعام والشراب من الميسور لديهما وبأن يمضيا الليل تحت سقفهما

وبتكمل القصة بقى إن إلياهو قام صلى قدام البقرة فالبقرة راحت واقعة ميتة وطبعاً ال يوحانام بليفي مستغرب إيه اللي إنت عملته دون مش ممكن أبداً

وبتستمر القصة لو كملنا إلى الصفحة التاينة -بأعرضهالكوا بس على الشاشة عشان تبقوا إنتوا تقروها ب ب بنفسكوا يعني-

بياخد بقى الحيرة اللي دخلت فيه وبياخد قصة تانية ااااااااااا ولقى اااااااااااا ومروا بردوا على ناس تانيين مارضوش يضيفوهم ومش عارف إيه وبنالهم الجدار بس مافيهاش قتل غلام يعني

فهي قصة السفينة خرق السفينة والبقرة هم الإسلام جود عليهم بقى إيه حكاية الغلام دي من عنده عشان حكاية إنت ربنا بيتكلم فـ ماينفعش

إيه إيه مصادر الحاجات دي كلها بقى ؟؟

لو إحنا شوفنا الصورة اللي قدامنا دي هنعرف إنها لمت كل حاجة

دي صورة من كتاب قصص الأنبياء للنسيابوري بي حاطط فيها إيه بقى؟؟

حاطط الخضر وإيليا جمب عند ينبوع الحياة جمب بعض لو ركزت في الصورة شوية لما ترجع يعني

إذاً فالقصة كلها تجميعة من 3 مصادر المصدر الأول هو أسطورة جلجامش

المصدر التاني هو الإسكندر، أخد من جلجامش إيه؟ إن هو رايح للـ اااااا لـ عند ينبوع الحياة عند مجمع البحرين عشان يقابل الراجل اللي هو بيدي ماء الحياة أو الخلود

أخد من قصة الإسكندر إن هو ماشي مع فتاة وماشيين في مكان لحد ما فقدوا الحوت أو لحد إيه السمكة ما ما وقعت منه أو نَسِيا حوتَهُما

وخد من التلمود البابلي قصة الراجل اللي رايح يسافر مع واحد ويتعلم منه الحكمة وماقدرش يصبر عليه،

وفي الآخر بردوا إلياهو أو إيليا أو إلياس بقى بيوضح لموسى في النهاية إن إنت المفروض يعني تثق بالله وتعرف إن كل حاجة وراها حكمة

قصة الخضر وموسى من أكتر القصص اللي بتثبت إن مافيش ثقافة بتيجي من الهوا ومافيش نص إلهي بيترمي علينا ماحدش يعرفه خالص

كل النصوص بتبني من بعض زي ما اليهود اخدوا من القصص البابلية الإسلام أخد من قصص اليهود اللي هي مبنية على قصص بابلية قديمة

وهكذا الثقافة وهكذا الحياة وهكذا الإنسان وهكذا الكتب

مافيش حاجة بتسقط من السماء

نراكم في حلقة قادمة

يمكن هاغيب عنكم شوية علشان عندي بعض المشاغل

لكن سأعود إليكم قريباً بقصص أخرى ومواضيع أخرى في صندوق الإسلام

تابعونا على Hamed.tv وعلى قناة صندوق الإسلام على الـ FaceBook BoxOfIslam

Download text file