صندوق الاسلام 46 : الاسلام و الجنس

أهلاً بيكم في حلقة جديدة من صندوق الإسلام

في الحلقات كنا بنتكلم في مواضيع ناشفة شوية عن الإرهاب والعنف والإخوان المسلمين والنازية

مواضيع كلها مرتبطة بسلسلة الفاشية الإسلامية

عايزين نتكلم النهارده عن موضوع فيه فرفشة شوية، نتكلم عن الإسلام والجنس

وعلاقة الجنس بمفهوم الجهاد في الإسلام

هابدأ بموضوع ممكن يراه البعض بعيد شوية عن قصة الإسلام والجنس وعن الإسلام خالص

في ليلة رأس السنة في ألمانيا حصلت كارثة كبيرة جداً

مجموعة من الشباب المسلمين اللاجئين من شمال أفريقيا ومن العراق وبعضهم من سوريا اللي لسه جايين كلاجئين

بدأوا يعملوا تحرش جماعي بـ النساء الألمانيات اللي كانوا رايحيين يحتفلوا بليلة رأس السنة

طبعًا أول ردة فعل حصلت الموضوع ده ماحصلش في مدينة واحدة بس إنما حصل في عدة مدن ألمانية في أكتر من 12 مدينة ألمانية

الموضوع ده بيحصل سنوياً في أمستردام وفي باريس ودلوقتي الظاهرة مع مجيئ العديد أو المزيد من اللاجيئين العرب إلى أوروبا

إبتدت تزداد الظاهرة أيضًا في السويد والدنيمارك وكل البلاد بتشتكي

طبعًا قبل ما نخش في تفاصيل الموضوع أحب طبعًا أنوِّه إن ممنوع منعًا باتًا إن إحنا نعمم إن إحنا نقول إن كل المسلمين متحرشين وكل المسلمين كذا

إحنا مابنهاجمش بشر وبل بالعكس المسلمين هم أهلي وأسرتي وأصدقائي وكل شئ

إحنا بنتكلم في أيديولوجية معينة وأسلوب حياة وأسلوب فكر متأثِّر بالإسلام وبيأثَّر على كل من يُطبقه بطريقةٍ أو بأخرى

طيب الشباب اللي إتحرشوا بالنساء في ألمانيا ماتقدرش تقول إن هم خارجين من الجامع وطالعين يتحرشوا، ماتقدرش تقول إن هم متدينين أو حافظين القرآن

ممكن بعضهم كان حتى شارب خمور أو مخدرات، يعني بردوا مابيطبقشي زي ما الناس بتقول تعاليم الإسلام الأصلية

لكن هل تستطيع أو نستطيع أن نقول أنَّ التحرش الجنسي لا علاقة له بالإسلام؟ هل يكون مُنصِف اللي بيقول إن التحرش لا علاقة له بالإسلام؟؟

يقولك أه أصل الإسلام بيحرم على الراجل إنه حتى يسلم على المرأة فإزاي إنه يسمحله إنه يتحرش بيها

هأشرح إيه العلاقة اللي أنا شايفها من وجهة نظري بين الإسلام وبين ظاهرة التحرش الجنسي

الإسلام محجِّم المرأة وحاططها في دور معين، من القرآن للأحاديث هتلاقي خط ماشي دايماً إن الست تحت تصرف الرجل

إن الست المفروض ماتخرجش من بيتها ويعني لو خرجت ……….

يعني هي بادئة من نساء النبي  يُدْنِينَ عَلَيْهِنَّ مِن جَلَابِيبِهِنَّ* وَلَا يُبْدِينَ زِينَتَهُنَّ** ذَلِكَ أَدْنَى أَن يُعْرَفْنَ فَلَا يُؤْذَيْنَ*

 يعني المفروض الست لما تطلع من بيتها ماتتعرفش عشان ماتتإذيش

إذًا المجتمع اللي القرآن نزل فيه كان كده، كان مجتمع فيه تحرش جنسي

فعلى ولذلك ماكانش و كان النبي بيقول لنساءه ونساء المؤمنين يُدْنِينَ عَلَيْهِنَّ مِن جَلَابِيبِهِنَّ ذَلِكَ أَدْنَى أَن يُعْرَفْنَ فَلَا يُؤْذَيْنَ يعني كانوا بيتحرشوا بيهم جنسيًّا حتى أيام النبي

يعني الظاهرة موجودة أهيه وإلَّا ماكانش فيه داعي (لنزول الآية أو إنه يقول الكلام ده)

عمر إبن الخطاب كان بيجري ورا الستات، عمر إبن الخطاب ده كان عنده مشكلة مع الستات غريبة جدًا يعني

يلاقي أمة مش محجبة يروح يضربها ويقولها إنتي بتتشبهي بالحراير، عنصرية!!

يلاقي ستات يشم حاطين عطور ييجي يضربهم بالسوط ويقولهم إنتوا ماإنتوش عارفين إن قلوب الرجال تحت إنوفهم

هو طبعًا مايقصدش القلوب القلوب هو يقصد عضو طبعًا أكيد أكيد يعني

لإن الراجل اللي هيهيج جنسيًّا عشان شم عطر ده عنده أزمة عنده مشكلة

فـ هي البداية من هنا إن النظر للمرأة على إنها شئ خطر، لازم يفضل متحجب، تفضل في بيتها

الست تمتلك من زوجها بعقد نكاح، هو إسمه كده عقد نكاح

نكاح في اللغة العربية هي نفس الكلمة اللي بتستخدم للجنس وللزواج

ال ال ال ال في كل لغات العالم الكلمة واللغة الوحيدة اللي تلاقيها (فيها الكلمة اللي بتعبر عن) هي هنا الجنس والنكاح والزواج شئ واحد

النكاح لو إنت دورت في القاموس العربي في لسان العرب لإبن منذور هتلاقي مرادفات النكاح كلها مرادفات عنيفة

هتلاقي صدام هتلاقي ضرب هتلاقي إضراب هتلاقي إصابة هتلاقي وطأ

كلها حاجات كده مصطلحات حرب، وكإن المرأة هي ساحة حرب الرجل يمارس فيها عنفه

هتلاقي المرأة في القرآن ربنا من فوق 7 سموات بيقول للراجل وَاللَّاتِي تَخَافُونَ نُشُوزَهُنَّ فَعِظُوهُنَّ وَاهْجُرُوهُنَّ فِي الْمَضَاجِعِ وَاضْرِبُوهُنَّ

وَاضْرِبُوهُنَّ طبعًا دي الجماعة المتفلسفين اليومين دول اللي بيحاولوا بيرأوا الإسلام يحاول يجيبلها تفسير إن لأ هو مش قصده يضربها وطبعًا الضرب ممكن يكون معناه إنه يسرِّحها أو يخليها تمشي

طب ما ضرب موجودة في القرآن في أكتر من آية يعني، مافيهاش حاجة منهم إسمها يطردها أو يمشيها

وبعدين ماهو كلمة يسرحهنَّ سراحًا جميلاً *** موجودة في القرآن، طب ما كان قال قال لو عايز يقول بقى إن هم يسيبوهم لحالهم يعني زي ما بعض المفسرين الجهابذة بيحاولوا يفسروها

كان قالو اللاتي تخافون نشوذهن فعظهن وأهجرهن في المضاجع وسرحهن سراحاً جميلاً، ماهي سهلة أهيه

بس ربنا بيحب الـ suspense، بيحب إن 1400 سنة الرجالة بيضربوا ستاتهم، لحد ما ييجي عالم مستنير بعد 1400 سنة يقول لأ ده ربنا ماكانش قصده كده

يا سلام!! إنت بقى عرفت قصد ربنا بقى منين ؟؟!!

هو بيستخدم لفظ مصطلح معروف وإضربوهن

فييجي التاني يقولك وإضربوهن بس مش ضرب أوي، يعني النبي ع ص س يا جماعة كان بيضرب بالسواك ييعيعيع ع

إيه ال إيه ده طب ما تسمي الأسماء (الأشياء) بمسماياتها

ربنا محتاج يحط الكلام ده في آية قرآنية ليه أساساً ؟؟

مادام ماهو أصله مش عايزنا نضربهم، كاتب الكلام ده في آيات قرآنية ليه ؟؟

لكن إنت لو فهمت القرآن كحاجة بشرية: إن محمد عنده أزمة مع نساءه وكل شوية يهددهم بحاجة

إقرا سورة الاحزاب كده، وحاول تتمعن في تسلسل سورة الاحزاب هتلاقيها كلها عمالة تبرر لمحمد حاجات

يتجوز ممين ومايتجوزش مين، عايز يتجوز زينب بنت جحش تنزله آية

عائشة وبعض نساءه بيعملوا مؤامرة ضده، فيروح جاي بآية عشان خاطر يقولهم ماتخونوش الرسول

ويهددهم بالضرب بصورة غير مباشرة فينزِّل آية في سورة النساء، وَاضْرِبُوهُنَّ بس !!

هي القصة كلها إن محمد كان عنده أزمة مع النساء

أولاً علاقته بأمه الغريبة، زواجه المتأخر جداً من سيد تكبره بـ 15 سنة

وبعدين اللي إتجوزها بعد كده بنت عندها 7 – 6 سنين وبعدين دخل بيها وهي عندها 9 سنين

هنا دي بدايات الأزمة والآيات والأحاديث اللي مرة تمدح في المرأة ومرة تذم في المرأة

مرة يقول إستوصوا بالنساء خيراً، ومرة يقول ما تركتوا على أمتي فتةً أشد من النساء

ومرة يقول نظرت في النار فوجدت معظم سكانها من النساء

ولو المرأة يعني الراجل المسلم بيصلي والمرأة عدت أو كلب أو حمار صلاته تبطل

شوفتوا إن هو سوَّا المرأة بالكلب والحمار  والحديث ده رواه إبن عمر يعني عبد الله إبن عمر

فـ هتبص تلاقي تقولك بس ده النبي مش عارف إيه، وكاننت أم أيمن مش عارف بتعمل إيه، وكانوا بيحاربوا معاه وكانوا بيمرروا ….

شوف السياق العام، الوضع العام

يقولك والإسلام حرر المرأة، حررها إزاي يعني ؟؟

يعني خلَّى درجة حرارتها قد إيه بالظبط يعني ؟؟

إيه حرر المرأة دي ؟؟ ما تقارن وضع المرأة قبل الإسلام وبعد الإسلام

يقولك ما الإسلام هو اللي جاب الميراث وماكانش فيه ميراث قبل الإسلام

يا سلام!! أُمال خديجة دي كانت وارثة مين؟؟

خديجة اللي هي كانت مشغلة محمد عندها، كانت وارثة إزاي ؟؟ لما الإسلام هو اللي إخترع الميراث

مش مكتوب في السير إن هي اللي كانت وارثة عن زوجها اللي مات وهي كانت أرملة وهي اللي بتَّاجر بفلوسها

وهي اللي جابت محمد يشتغل عندها وهي اللي خطبته واللي إتجوزته رغم إرادة اهلها، يبقى الست كانت متحررة ولا مش متحررة قبل كده (قبل الإسلام)؟؟؟

وقصص زي دي كده كتير، هند بنت عتبة ونساء كتير كانوا هم بيتاجروا وليهم دور في المجتمع

فيحررها إزاي بقى؟؟ يقولك ده نظم العلاقات والزواج وكان قبل كده كله داخل في بعضه وهو اللي النظم وبتاع

طب تعالوا نشوف كده قبل الإسلام كان الجنس ماشي إزاي وإيه اللي إتغير مع محمد؟

كان قبل الإسلام فيه زواج متعة، جه محمد قنن زواج المتعة بآية قرآنية فَمَا اسْتَمْتَعْتُم بِهِ مِنْهُنَّ فَآتُوهُنَّ أُجُورَهُنَّ**** أهيه إستمتاع وأجور، إيه ده؟؟!!

زواج متعة!! حتى الآية في مصحف إبن مسعود وبقسم أنها كانت هكذ   ا بيقول فيها إنها كانت هكذا كانت بتقول وما إستمتعتم بهن إلى أجلٍ مُسمَّى، فآتوهن أجورهن، أجل مُسمَّى يعني كان جواز موقوت (محدد بوقت)

اااا بالنسبة لزواج البدل اللي كان موجود قبل الإسلام

إن ده يتزوج دي ويغير ومش عارف إيه وبتاع، ده مسموح بيه بردوا إن حد يروح يخطب ويقولك أنا هاخد بنتي لإبنك وإنت تجيب إبني وتجيبها لإبنك

ويبدلهم ببعض مش ممنوع في الإسلام ولا حاجة

الحاجة الوحيدة اللي هو محمد منعها هي زيارة صاحبات الرايات الحمر اللي هو الدعارة، إن حد يروح …………

لكن الزواج المتعة اللي هو قننه، هو شبه دعارة، يعني بتدفع مهر صداق وعلى أساسه تمتلك جسد المرأة هو ده الزواج في الإسلام

ومادام الرجل إمتلك جسد المرأة ومادام الرجل إمتلك جسد المرأة ، يبقى يتصرف فيه ومافيش حد ليه حق غيره إنه يتصرف فيه

لكن لازم لابد على المرأة إن هي يعني تتبع قوانين معينة إن هي ماتخرجش من البيت غير بإذن جوزها

إن هي ماا تتتت  اااااااااااااااااااا لما تخرج من بيتها يعني لازم تلبس حجاب

ماتحطش عطور وهنا هارجع لقصة اللي حصل في مدينة كولونيا الألمانية

إن لما مجموعة من الشباب العرب هاجموا النساء واتعدوا عليهم جه إمام أحد أكبر مساجد كولونيا وقال ماهو بردوا النساء هم اللي غلطانين لإنهم كانوا حاطين عطور

فالصحافة الألمانية إتقلبت وماكانتش عارفة الراجل ده بيقول إيه

ما هذا الهذيان؟؟ إيه ده؟؟

فمايعرفوش طبعاً إن فيه حديث في أكتر من رواية عند الحاكم وعند سنن أبي داود وعند النسائي بيقول فيه محمد إن المرأة إذا خرجت من بيتها فتعطرت يعني والناس الرجال شموا عطرها فـ هي زانية

المرأة لو حطت عطر تبقى زانية!! يبقى تستاهل اللي يجرالها، ده المبدأ!!

يبقى المرأة هي الضحية بس الإسلام يجعل منها إن هي الجاني

مسكين الولد العربي قاعد في حاله، بص لقى واحدة معدية لابس حاطة عطر، إيه الفُجر ده؟!!!

فـ طبعاً من حق المتحرش إنه يتحرش لإن الست هي اللي خالفت الكود الإسلامي لللبس وللعطور

مدينة كولونيا اللي هي أصلاً مخترعة العطور عارفين الكولونيا اللي إحنا بنحطها دي، هي دي أصلها مدينة كولونيا الألمانية

هي أول من صنع العطور، ومعظم العرب والمسلمين اللي شغالين هناك شغالين في مصانع العطور والحاجات اللي بتطلع الحاجات دي

بس إحنا عايزين نطبق عليهم الإسلام ونقولك إيه الست ماتـ  ماتحطش عطور

شوفتوا قد إيه إحنا بقينا بنصدر أمراضنا، مش بس الهجرة، أكبر مصدر للمهاجرين في العالم دلوقتي المجتمعات الإسلامية

أكبر مصدر للإرهاب المجتمعات الإسلامية

أكبر مصدر للتحرش الجنسي المجتمعات الإسلامية، ظاهرة التحرش الجنسي اللي ماكانتش معروفة إطلاقاً في الغرب صدَّرناها

وطبعاً أول ردود أفعال تيجيلك بعد الموضوع ده كله، الموضوع لا علاقة له بالإسلام إطلاقًا

لأ ليه علاقة، ليه علاقة وطيدة كمان بالإسلام، أه صحيح الإسلام مابيقولكشي روح إتحرش بالنساء في الشارع وبيقولك غُض البصر صحيح

ولكنه يخلق علاقة مريضة بين الرجل والمرأة

علاقة غير متوازنة علاقة غير متوازية علاقة فيها مرض نفسي

مافيش مجال إن رجل وست يتعاملوا مع بعض كند بإحترام

لازم تكون المرأة تحت وطأة الرجل، يتحكم فيها

وكتر الكبت بيولد الإنفجار

لما إنت تخلق مجتمع، ممنوع البنت والولد يقعدوا مع بعض في المدرسة

ممنوع الولد يبص لبنت وممنوع البنت تبص للولد ممنوع الإختلاط ممنوع الحديث، طب ما كله بيولد كبت

الحجاب النقاب الـ مش عارف إيه فـ ده الممنوع مرغوب، ده طبيعي فطرة بشرية

الإنسان دايماً بيدور على الحاجة اللي هي مش متاحة

يعني فيه قصة للرافعي –قصة قديمة يعني- إن هو كان بيعدي قدام بيت كل يوم  وشوف ست منقبة ويفضل قاعد تحت الشباك كده

ويتمعن فيها ويتخيل جمالها ويحلم بيها وابتدى يكتب قصايد شعر فيها

كل يوم يعدي من تحت الشباك يبص على الست المنقبة دي ويفضل يعني يتخيل الجمال وقصص وهمية في دماغه كده رايحة وجاية

وفي من الأيام معدي من البيت وقاعد قداك الست المنقبة كده جه لقى واحدة تانية مش منقبة ولا حاجة وراحت شايلة الغطا من على الست

طلعت قولة طلعت يعني زي زلعة مية كده بس!!

عمال هو بيكت قصايد شعر في زلعة مية

هو هو هو الإسلام كده، من كتر ما بيحجب وبيخفي وبيعمل أسرار إنت تتت تت تحسب إن تحت القبة شيخ

ياه ده أكيد في حاجة وراء الموضوع ده أكيد فيه حاجة جميلة أوي وراء الموضوع ده وفي النهاية هي زلعة ويمكن فاضية ومافيهاش مية كمان

فـ الـ ااااااا الكبت الكبت يولد الإنفجار

لما الولد من دول متربي في البيت ماتعملش كده ومش عارف إيه والقرآن قال مش عارف إيه

ولو لمست مرأة كأنك ضربت على دماغك بسوط من حديد ومش عارف ويوم القيامة هتلاقي مش عارف إيه

واللي يمارس العادة السرية يحصله كذا وكذا ويأتي يوم القيامة وبيديه حٌبلى تخيل المشهد بقى الغرائبي ده، يعني والت ديزني ماكانش يخطر على باله

إن إن إن شاب عشان مارس العادة الجنسية ييجي يوم القيامة هاه، قدام ربنا واقف وإيديه حبلى

شوفت المنظر الغرائبي وصل لحد فين؟؟ أه النبي النبي قال الكلام ده

فييجي الشاب ده الإسلام بيتكلم مع الناس كإن إحنا عايشين في عصر في القرن السابع

طب إحنا دلوقتي في مجتمع فيه إنترنت والشباب بيدخل على ال ال يشوف حاجات في الفيديو ويشوف العالم بره عايش إزاي

فيحصل نوع من الفصام، يحصل نوع من الإرتباك والفصام، الدين بيقوله حاجة والحقيقة حاجة تانية خالص

وعشان تعرفوا غن الأخلاق الإسلامية مجرد نفاق ورياء، إن دايماً تلاقي علاقة علاقة غريبة جداً

كل ما زاد نسبة الحجاب في مجتمع، زادت فيه نسبة التحرش الجنسي، بالظبط

عارفين أكبر دول فيها تحرش جنسي في العالم إيه؟ أفغانستان وإيران والسعودية ومصر، القمة!!

هتلاقي الهند بقى تيجي بعد كده والبقية معظمهم دول إسلامية

ليه كده ليه كده؟؟؟ طب مصر ما كان فيها من 40 – 50 سنة ماكانش فيها حجاب وماكانش فيها بردوا ظاهرة تحرش وكان الدين لا يلعب اي دور في المجتمع

كل ما الدين ييجي ينظم أخلاق الناس يبدأ النفاق

كل ما الإسلام يحاول يمسك الرجل والمراة ويحجِّم حركتهم ويعلمهم أخلاق الإسلام

تلاقي في الشارع العكس تماماً لإن دي مش طبيعة بشر، لإن هذا الدين لم يراعي طبية البشر

هو راعى أفكار خلينا نقول شهوانية صحراوية

كل ما يدور في مخيلة الإسلام، هو الرجل العربي الصحراوي، إزاي أشجعه إنه يجاهد في سبيل الله عشان ياخد حوريات في الجنة

وإزاي احجم علاقة بحيث إنه مايحصلش إنفجار

فـ الإسلام ليه علاقة وطيدة باللي حصل في مدينة كولونيا والمدن الألمانية من التحرش الجنسي

الشباب اللي عايشين في حالة فصام يسمع في المسجد كلام، ويخش النت يشوف عالم تاني خالص، فـ يحصله تشتت، الشباب دول ماإتعلمش إنه يتعامل مع المرأة بإحترام

ماإتعلمش إنه يرى المرأة إن هي متساوية معاه في الحقوق والواجبات

هو شايف ربنا قاله إضربها في القرآن، ربنا قاله لو إتعطرت تبقى زانية

النبي قال لو عدت من قدام واحد بيصلي هي أو كلب صلاته تبطل، فـ أكيد كل ده إنها تكون تحت تصرف الرجل طول الوقت

نِسَاؤُكُمْ حَرْثٌ لَّكُمْ فَأْتُوا حَرْثَكُمْ أَنَّىٰ شِئْتُمْ5  يعني عايزين تمارسوا الجنس معاهم في أي مكان في أي زمان لازم يسلموا نفسهم

لأنها ملكك عقد النكاح ده يسلمها ليك بيسلمك جسدها، مفتاح جسدها

حتى بيقولك لو راكبة معاه على جمل وطلبت حبكت الليلة يا عمدة لازم تسلمله نفسها على الجمل وهو ماشي، إفترى!!!

ولو الراجل حب ينام معاها ومارضيتشي تبات الملائكة تلعنها طول الليل

الملايكة مابتلعنش المسلمين وهم بيغتصبوا اليازيديات

ولا بتلعن اللي بيتحرشوا جنسياً بالبنات في الشوارع

لأ، بتلعن المرأة اللي مش عايزة تنام مع جوزها

تفضل الملايكة طول الليل إيه اللهم إلعن فوزية اللهم إلعن فوزية، كإن ماوراهمش حاجة في الدنيا خالص

فـ الطريقة المثلى إن إحنا نفرح الملايكة فنعمل إبه فالواحد ينام مع مراته ومراته ماترفضش

فخلى الست سلعة خلاها شئ جامد كده تحت سيطرة الرجل وقت ماهو عايز كإن ليس لها أي إرادة

 فـ كل ده لو هي مامشيتش على الكود ده كله

لو ماكانش فيه عفة لو ماكانش فيه بتاع لو خرجت من البيت من غير إذن

لو مشيت في الشارع من غير حجاب لو حطت عطر، تصبح فريسة شرعية للمسلم إنه ياخدها

فـ طبيعي جداً إن شاب بيسافر بره بيتفرج على أفلام Porno في ال في ال في ال الإنترنت

وإحنا نسبة مشاهد الـ Porno في الدول الإسلامية عالية جداً مقارنةً بعدد مستخدمي الإنترنت يعني

فـ يخرج بره مشتت ويشوف بنت في الشارع ويقول دي أكيد من بتوع الـ Porno

وبعدين كده كده القرآن بيسمحله إن هو يهاجم الغير المسلمة وياخدها سبية في الحرب، فـ جسدها ملكه

فـ ماحدش ييجي بعد كده ويقولك ده الموضوع ده لا علاقة له بالإسلام

لأ، هو الإسلام هو اللي حط صورة المرأة دي إن إن إن فيها إحتقار إن فيها شهوة الراجل هي المسيطرة

هنواصل الحديث في الحلقة القادمة عن نفس الموضوع وأبعاد أخرى ليه بقى

الجنس والجهاد وإزاي توظيف الجنس لخدمة مشرو ع الجهاد والتوسع الإسلامي

نراكم في الحلقة القادمة

تابعونا على Hamed.tv على Youtube وعلى قناة الـ FaceBook   وعلى صفحة الـ FaceBook   BoxOfIslam


Download text file

Box of Islam 046

You may also like

مين اللي سرق مصر ، الحلقة الثانية ، الإسلام و أزمة الإنتماء في مصر
مين اللي سرق مصر مين اللي سرق مصر  مين اللي سرق مصر مين اللي سرق مصر [...]
6 views
صندوق الاسلام 71 : متناقضات القرآن : اليهود في القرآن
أهلًا بيكم في حلقة جديدة من صندوق الإسلام هانتكلم عن موضوع اليهود [...]
1 views
صندوق الاسلام 62 : متناقضات القرآن : مقدمة
أهلًا بيكم في حلقة جديدة من حلقات صندوق الإسلام أو مجموعة جديدة من [...]
20 views
صندوق الإسلام 49 :مقارنة بين الاسلام و الاسلام السياسي
أهلاً بيكم في حلقة جديدة من حلقات صندوق الإسلام ومازلنا نواصل الحديث [...]
1 views
صندوق الإسلام 36 :أمراض الأمة ، الفاشية الاسلامية
أهلاً بيكم في الموسم التالت لحلقات صندوق الإسلام بعد ما عالجنا في [...]
15 views
صندوق الإسلام 152: حوار مع سعيد بن جبلي حول جماعة العدل والإحسان وتجربته في السجن
ح: أهلا بيكم مشاهدي صندوق الإسلام, اليوم معانا شخصية جديدة مثيرة للجدل [...]
2 views
صندوق الإسلام 151 : الجزء الثاني من لقاء كافر مغربي هشام نوستيك
  أهلًا بكم في حلقة جديدة من صندوق الإسلام ونواصل الحديث مع كافر مغربي [...]
33 views
صندوق الإسلام 151: أول حوار لـ كافر مغربي (هشام نوستيك) بالصوت والصورة
أهلاً بكم اعزائي مشاهدي برنامج صندوق الإسلام معنا اليوم يعني شخصية [...]
2 views
صندوق الإسلام 141: لماذا لا يعتذر المسلمون عن جرائمهم التاريخية؟
أهلاً بيكم في حلقة جديدة من صندوق الإسلام ونطرح اليوم السؤال الذي [...]
34 views
صندوق الإسلام 140: تاريخ العبودية في الإسلام منذ محمد حتى داعش
تاريخ العبودية في الإسلام منذ محمد حتى داعش أهلًا بكم في حلقة جديدة من [...]
2 views

Page 3 of 14

اترك تعليقاً