صندوق الاسلام 47 :الجنس والجهاد في الاسلام

أهلاً بيكم في حلقة جديدة من صندوق الإسلام

مازلنا بنواصل سلسلة الفاشية الإسلامية

وبنتكلم في موضوع الإسلام والجنس الإسلام والمرأة

والنهارده عايزين نتكلم شوية عن الجنس والجهاد في الإسلام

خلينا نبدأ بفيديو صغير نشوف شيوخ الإسلام بيبصوا لموضوع الجنس والجنة إزاي ؟؟

الفيديو:

لكلٍ إنسان مسلم في الجنة كام؟ لكل مسلم في الجنة حوريتين هذا أقل شئ !!

كل حورية لها 70 وصيفة معها، الحورية حلالك والوصيفة حلالك

ولكل إمرأة من أهل الدنيا دخلت الجنة 70 حورية

فترتيب نساء الجنة 4: أول شئ إمرأة الدنيا، هذه رقم 1 معها 70 حورية

ثاني شئ الحورية معها 70 وصيفة، الثالث الوصيفة. ثلاثة هم عفوًا، ثلاث أنواع، النساء في الجنة ثلاث أنواع

إثنين الحورية وهي كمُلك اليمين وتوصف كما وصف الولدان المخلدون

تتزوج في الدنيا بزوجة، فعندك واحدة زوجة، زوجتك اللي في الدنيا

ثم 70 حورية معها حلالك، ثم مع كل حورية 70 وصيفة

أصبح كام عندك من إمرأة؟ هذا أقل واحد!!

طيب لو فرضنا عندك 4 زوجات مع كل واحدة 70 حورية مع كل حورية 70 وصيفة

كم صار الجميع ؟؟ أعانكم الله

إذا كان لك أربع زوجات
4زوجات+280حوريات+19600وصيفات=19884

إذًا عندما تقبل على زوجتك في الجنة وتتنازع أنت وياها الكأس ويتقارب سريرك مع سريرها

سُرر (جمع سرير) مصفوفة عليها ما في عزل وما فيه زعل، تحط ظهرك عليها ولا تحط ظهرها عليك

وجوهٌ متقابلة، تنظر إلى وجهك في وجهها وتنظر إلى وجهها في وجهك، والحديث الطيب بينكما

ثم إذا إلتقيتما، في ذلك اللقاء مدته 70 سنة، 70سنة من سنوات الدنيا هذا اللقاء الواحد

فإذا كملت ما يقرب الـ 70 سنة تناديك حوريتك التانية من درجة فوق درجتك

وتقول لك: يا عبد الله يا وليّ الله، أليس لنا فيك نصيب

فترفع بصرك إذا هي أجمل من اللي عندك

تقولها من أنت يا أمة الله، تقولك أنا حوريتك في الجنة

أنا التي ذكرني الله عز وجل لك وقال لدينا مزيد، أنا من المزيد

تترك هذه وتروح للثانية، أعانك الله. تجلس ويَّاها حوالي 70 سنة،

شوية وتناديك الثالثة، وتقول لك: يا عبد الله يا وليّ الله، أليس لنا فيك نصيب

تنظر إنها أجمل من اللي عندك

رحمك الله من أنتِ؟ تقولك أنا من قال الله عز وجل فينا فَلَا تَعْلَمُ نَفْسٌ مَّا أُخْفِيَ لَهُم مِّن قُرَّةِ أَعْيُنٍ أنا من ما أخفي من قرة العين لك

تترك هذه تروح عند هذه، وهكذا كل 70 تغير

لذلك الله عز وجل أكرم أهل الجنة كرم لا مزيد عليه  وفي كل أسبوع من اسابيع الجنة زيادة ولدينا مزيد*1

حامد:

ماشاء الله يعني ربنا يعينكم جميعًا يعني

هو ده تصورنا للجنة، الجنة مش مكان هيتوحَّد فيه المرؤ مع إلهه

هيشعر بروحانية فيه يتحد مع النور الإلهي. لأ، الجنة مخور سواء سماوي زي مطاعم All you can eat  كده

هيبقى All you can  إستغفر الله العظيم يعني

هو ده تصورنا للجنة إن جنس طول الوقت 70 سنة في المرة الواحدة

وعدد لا حصر له من النساء تحت تصرفك الجنسي

مين اللي فكر في الحاجات دي؟ مين اللي جاب الأحاديث دي؟

ما هو ده بادئ من القرآن اللي خلَّى متعة الإنسان في الجنة متعة جنسية

مش المفروض إن الجنة دي تكون مكان الإنسان يتحرر فيه من كل النزوات

ويرقى إلى درجة أعلى ويسمو فوق الجانب الحيواني منه، مش ده المفروض؟؟

لأ، ده خلَّاها لحم طير وخلَّاها عنب وخلاَّها خمر وخلّاها نساء

زي زي الفيلم الأفلام اللي إحنا كنا بنشوفها بتاعة فجر الإسلام والرسالة ومش عارف إيه وبتاع

لما الكفار يقعدوا كده هاهاهاها اليوم خمرٌ ونساء وغدًا نفعل ما نشاء

فالتصور ده مش حاجة مضحكة ده حاجة مبكية جدًا

وليها علاقة بموضوع العنف والإرهاب والجهاد جدًا

شوف هي العملية كلها ملحَّمة في بعضيها أو منفِّدة على بعضيها

الشاب المكبوت اللي عايش في قهر سياسي وأقتصادي وجنسي ومحروم على الـ 3 مستوايات

أكيد لما بيقرا الأحاديث بتاعة النبي عن الجنة والجنس والحورية اللي بتبسق في المحيط يحلو ويمارس معاها الجنس 70 سنة

بيبقى عنده حافز إنه هو يروح للحورية دي بأسرع ما يمكن

فهو في الحياة الدنيا الفرص بتاعته إنه يدخل الجنة مش مضمونة

لإن الإسلام مابيديلكش ضمان للخلاص مابيديلكش الضمان إن إنت أكيد لو عملت ده هتجد رحمة ربنا

لا أأمن مكر ربي ولو كانت إحدى قدميَّ في الجنة، ده مين اللي بيقول كده؟ أبو بكر الصديق

فإذا كان أبو بكر الصديق مش آمن مكر ربه، يعني كده ربنا بقى مكَّار

مش عارف مافيش مافيش أسماء يعني مفيش حد بيسمَّي إبنه عبد المكَّار ليه ؟؟

رغم إن ده وجود في القرآن وَيَمكُرونَ وَيَمكُرُ اللَّـهُ وَاللَّـهُ خَيرُ الماكِرينَ ﴿٣٠﴾

فـ أبو بكر خايف من ربنا وهو إيه من العشرة المبشرين بالجنة المفروض

فما بالك بقى بالشاب المسلم الغلبان اللي كله خطيئة

اللي مش عارف يمشي على الكتالوج الإسلامي اللي هو ، وحتى لو مشي على الكتالوج ده مافيش ضمان للجنة

فيعمل إيه؟ إيه الضمان الوحيد للجنة؟ هو الشهادة في سبيل الله

ماهو ربنا قايلها صريحة إِنَّ اللَّـهَ اشتَرى مِنَ المُؤمِنينَ أَنفُسَهُم وَأَموالَهُم بِأَنَّ لَهُمُ الجَنَّةَ يُقاتِلونَ في سَبيلِ اللَّـهِ فَيَقتُلونَ وَيُقتَلونَ

طب الجنة اللي هنروحها دي شكلها عامل إزاي وصفهالك عمك الشيخ وصفهالك عمك الشيخ

كإنها كده يعني إيه الراجل صاحب ال مجلة الـ Play boy  اللي هو هافنر ولَّا هيفنر ده

اللي هو دايما بيجي يتصور وحواليه كده إيه 60 – 70 بنت بالبيكيني وكله ألوان مختلفة

هو ربنا خلَّى الجنة زي الـ Play boy  كده، الفيلا بتاعة الـ Play boy

إستهزاء يآدمية الإنسان،  إستهزاء بعقول البشر

وإستهزاء بالمرأة إن مش بس في الدنيا بيجعلها تحت وطأة الرجل يتصرف فيها جنسيًّا كيف يشاء، لأ، ده حتى في الجنة هي بتلعب نفس الدور

يعني مالهاش خصوصية جسدية ليها، طب هي متعتها فين؟

يقول هيجيب الأربع زوجات بتوعه ومعاهم كمان 70 وصيفة

طب يا أخي إحترم الست اللي داخلة الجنة المفروض إن هي ست كانت طيبة يعني، لأ

طب هاتكافيئها بإيه في الجنة؟ يقولك هيكافئها بجوزها

طب لو جوزها أصلًا كان هي ماكانتش طايقاه في حياته حياتها تعمل تعمل معاه إيه دي بقى؟

هتجيبلها بردوا شباب كده مفتول العضلات وو70 واحد و     طب ما توصفلها كده شجعها

بس الدين معمول من راجل، والقرآن مكتوب من راجل، وكان بيخاطب رجالة

هي دي الحقيقة لو إحنا ركزّنا فيها شوية، هتكتشف الجانب الذكوري في الإسلام

إن مافيش إلوهية في الموضوع

هتلاقي رجل صحراوي متجوز متأخر حياته كانت كلها بردوا نساء

يتجوز دي ومش عارف إيه وبعد ما إتجوز كام ست لسه بردوا إيه ربنا بيديله متسع اكتر  وَبَنَاتِ عَمَّاتِكَ     وَبَنَاتِ خَالَاتِكَ     وَامْرَأَةً مُّؤْمِنَةً إِن وَهَبَتْ نَفْسَهَا لِلنَّبِيِّ إِنْ أَرَادَ النَّبِيُّ أَن يَسْتَنكِحَهَا

نفس التطور راح موصله للجنة، لكن لأ، ده من عند ربنا

إحنا متخيلين إن ربنا بيوصف الكلام دون وحورٌ عين بقى وحور مقصوراتٍ في الخيام و

فـ ده ليه علاقة بمفهوم الجهاد، لإن ده أقصر الطرق للشاب المسلم إن هو يحصل على كل النعيم ده وينجو من عذاب النار بقى، أي حاجة تانية مش مضمونة

فـ لذلك لما تلاقي ال بعض الشباب لما بيعمل علميات إنتحارية بيغلف القضيب بتاعه لموأخذة بورق ألومنيوم،

عشان يفضل سليم زي ما هو عشان بقى إيه الحوريات تتبسط بيه ما هو هيتنقل مباشرةً للجنة بدون حساب

ففكرة الجنس في الإسلام ليها توظيف مهم

محمد كان يهمه إن المسلمين أو المقاتلين يكونوا تحت سيطرته وإن هم يكونوا متحفزين

هتلاقي فيديوهات تانية على النت بتتكلم على القوة الجنسية للرسول

أحاديث كتيرة تتكلم عن القوة الجنسية للرسول، 36 رجل مش عارف قوة كام وكام رجل

أنا مش عارف إيه الجهاز اللي ممكن يقيس الحاجات دي وكان موجود في مكة ساعتها إزاي أو في المدينة ؟؟

يعني الـ  Sexo-meter ولا الـ Potento-meter  ده جايبينه منين؟ اللي عرفوا بالظبط 36 راجل يعني مش 37 مش 38 ده عرفوا بالظبط النبي عنده قوة 36 راجل

الكلام ده جايبينه منين وإيه وظيفته ؟؟؟

لو ركزنا شوية هتلاقي إن الموضوع ده ليه وظيفة جهادية بردوا والراجل المسلم رجل قوي جنسيًّا

يعني مقتحم أرحام الأعداء، الإغتصاب في الحروب الإسلامية مش مجرد حاجة كده ال ال مجرد متعة وخلاص

هو ليه وظيفتين: التوظيف الأول مكافئة الجنود المسلمين طبعًا اللي هم مش دايمًا الفكرة عندهم عقائديَّة وإن هو يجاهد

هو طالع بردوا إيه عايز يستفيد، فـ فيه غنائم مادية وفيه نساء بييجوا سبايا، فـ ده بيشجع جنود اكتر إن هم يشاركوا اكتر في المشروع الإسلامي الجميل اللي جاي رحمة للعالمين

مش جاي رحمة للسبايا طبعًا، مش رحمة للأطفال اللي بيتاخدوا عبيد، رحمة للمقاتل المسلم، هيستفيد!!

هم اليازيديات مش عالمين، ماداقوش رحمة الإسلام ليه؟؟

ما هم مش من العالمين مش من البشر، البشر هم المسلمين بس!!

يا أيها الناس    بيكلم المسلمين، فـ بيوظف الجنس من ناحية على أساس إن هو يشجع المقاتل

ومن ناحية تانية إن الست اللي هي زوجة الرجل الكافر أو من أهل الكتاب أو البلد اللي إحنا بنغير عليها أو بنفتحها تحت راية الإسلام

الراجل ده مراته لحد دلوقتي كانت بتولد كفار، فـ لما ييجي الراجل المسلم يغتصبها بيفتتح رحمها بكلمة الله

فـ من هنا وماشي هذا الرحم صار وقف إسلامي، صار إن هو ينجب أطفال مسلمين

فـ الإغتصاب صار فضيلة!! فـ لذلك لما داعش بيغتصبوا اليازيديات وكل المسلمين يا عيني يقولوا دول متوحشين دول لا علاقة لهم بالإسلام، ده الإسلام منهم بريء

بيبقى لسه قاري النبي عمل إيه في صفية اللي هو نفس السيناريو بالظبط لكن مش شايف الرابط

يعني عايز يقنع نفسه الراجل المسلم إن النبي نام مع صفية في نفس الليلة اللي قتل فيها زوجها وأبوها أو اللي قتل فيها زوجها وعيلتها أبوها قتله قبليها بسنة

وشايفين إن صفية شرح الله قلبها للإسلام!!

ما هو لازم تكون منبهرة بالإسلام، الراجل جه في يوم وليلة محى قبيلتها من على الوجود

ولسه متجوزة قريب فـ أكيد هي كانت بتحلم بهذا اليوم

إن ييجي فارس مغوار من الجزيرة العربية يمحي قبيلتها من الوجود

وياخدها سبية حرب وينام معاها في نفس الليلة يعني مايستناش لما دم جوزها يبرد

طب يا أخي يمكن حامل، مش إنت في الإسلام عامل عدة وعامل

لأ، العدة دي ماتمشيش مع السبايا، متجوزة أو مش متجوزة، في لحظة سقوط قبيلتها أو أرضها تحت الحكم الإسلامي

مالهاش زوج ومالهاش أطفال حتى، أطفالها بيبقوا عبيدك

وهي جسمها وكلها ملكك تتصرف فيها كيف تشاء

يقرا نفس القصة وييجي يبص يشوف داعش بتعمل إيه يقول ده الإسلام بريء منها

يا أخي فكر شوية قبل ما تقول الهبل اللي إنت بتقوله ده

وفكري إنتي كمان كست مسلمة عمالة تدافعي وتقولي ده الإسلام حرر المرأة

حررها من إيه؟ هي المرأة المرأة المسلمة بس؟؟ مش المفروض يكون حرر نساء العالمين كلهم؟؟

طب ليه ماحررش الناس النساء من الأسر ومن السبي ووال الإغتصاب؟

لأن ده ليه توظيف. هيشجع الناس دول الجحافل دي كلها هيسيطر عليهم إزاي ؟؟

ماهو لازم يديهم جزء من الغنائم المادية ولازم يشجعهم ده على فكرة يا جماعة الروم عشان كده كان بقى يقولك إيه بنات الأصفر

دايما وهو رايح يعمل غزوة في الروم يشجع المحاربين بتوعه بإيه؟ ببنات الأصفر

إغزوا تابوك تنالوا بنات الأصفر. حديث أهوه نفس الفكر بنات الأصفر طبعا كان ليهم قيمة كعبيد أغلى من قيمة الجواري التانيين

النهارده هتلاقي عند داعش نفس الحكاية بردوا

فيه فيديو بيقولك إن البنت اللي عينيها زرقة أغلى كعبدة

وده هيرجعنا للموضوع اللي إتكلمنا فيه الحلقة اللي فاتت بتاع التحرش الجنسي

هو بيبص لما بيهاجر أوروبا الشاب العربي ويبص على الست دي

فهو بيشوفها حاجة من حاجتين يا إما ممثلة البورنو اللي كان بيتفرج عليها في الأفلام الإباحية، هيلاقيها شبهها أو هيربط بينهم

أو هيلاقيها سبية من سبايا الإسلام اللي بيقرا عنهم في التاريخ

اللي إنت ما دومت إقتحمت أرضها من حقها من حقك إن هي تكون تحت سيطرتك

سواء بقى الشخص متدين أو مش متدين مش ده الدور الأساسي

الدور الأساسي إن هو متشبَّع بهذه الحضارة والثقافة، صارت جزء من تكوينه وتركيبته حتى لو هو مابيطبقهاش في حياته اليومية بتصير جزء من تفكير لأن هو بيديله نظره ذهنية صورة ذهنية عن المرأة

إن هو لا يرى من المرأة إلا الجانب الجنسي، فـ يا إمَّا يستفيد من هذا الجانب الجنسي بعقد نكاح، يا إمَّا إن هو ياخدها سبية حرب بدون عقد نكاح وبدون أي إلتزامات تكون تحت سيطرته

فـ نظرة الإسلام للجنس، نظرة مش طبيعية

ونظرة ماكانتش بتبص للمستقبل للبشرية هتتطور إزاي؟

إحنا النهارده عايشين في مجتمعات تانية تماماً قائمة على الندِّية، مافيش فرق بين الرجل والمرأة

الفرق بيكون قد الإنجاز إنت عملت إيه في حياتك؟ في إسلوب التعامل

كل حاجة بتزيد عن حدها بتنقلب لضدها، زي ما الإباحية لو زادت عن حدها ممكن تنقلب لضدها

كمان الكبت والسيطرة على الجنسين وعدم خلق فضاء إن الناس تتعامل مع بعضها فيها راجل ومرأة بطريقة صحية

مش لازم كل ما الراجل يفكر يشوف مرأة يفكر في الجنس، ما هو ده الكبت اللي بيولد ده

يعني كان فيه السلفيين في مصر كانوا بيقولوا إن مش بس ممنوع إن إنت ممنوع تدي إيدك للمرأة تسلم عليها لأ

دي لو قاعدة في أتوبيس وقامت من الكرسي بتاعها إنت ممنوع تقعد على نفس الكرسي

عشان جسمها لسه كان سايب دفى في الكرسي، فـ إنت لما تقعد على الدفى هتقول يا خبر أبيض مش قادر

شوفت!! النظرة إنه بيحتقر آدمية الإنسان لأي درجة؟؟!!

إنه مش شايف فيه غير حيوان،  ده الحيوان مش هايعملها الحيوان مش هايعملها إنه يقعد على كرسي دافي فـ يهيج جنسيًّا

لكن هو من خلال اللي هو تفهُّمُه من ال إسلام ، ما هو بيقولك لو الرجل إدَّى ست إيده كإنه لأن يضرب مش عارف فوق  الرأس مش عارف إيه فيغوصُ في الأرض مش عارف إيه 70 ذراع، أفضلُّه، أو بسوطٍ من حديد او من نار

فهو شايف ال القصة كلها بهذا الكلام، فـ ده أتوماتيكيًّا بيولد ظواهر مريضة

فـ ده أتوماتيكيًّا بيخلِّي الإنسان يتعامل مع المرأة بإسلوب مرضي

فـ كل الظاهر دي مرتبطة ببعضيها: العنف، التحرش الجنسي، إنحلال المجتمعات اللي إحنا شايفينه في العالم العربي

بدايات السقوط اللي بدت، السوس اللي بدأ ينخر في المجتمعات الإسلامية هو بسبب النفاق الأخلاقي

وبعد ده كله نيجي ونقول ده الغرب بيتعلم مننا، ده الغرب بينقل تجاربنا

هاختم معاكوا بفيديو هو أفضل ختام لهذا الموضوع يعني ومش محتاج تعليق

نراكم في الحلقة القادمة

الفيديو:

الآن في أمريكا، لما كثروا أبناء اللقطاء نسميهم أبناء الشوارع يسمونهم هم أبناء الشوارع نسميهم إحنا أبناء القطاء

اللي هم أبناء الزنا، لما كثروا في أمريكا أبناء الشوارع، إجتمع الكونجرس الأمريكي عشان يجد حل وجاب المفكرين والمخترعين إجتمعوا

شوفولنا حل إحنا قاعدين نخسر ملايين على أبناء الشوارع. فبعد ثلاثة أيام من العصف الذهني واحد منهم قال وجدت الحل، الحل هو أن نعزل الشباب عن الفتيات

صفقوا الناس الحضور كلهم صفقوا إيش الإختراع هذا يا أخي كيف كيف جيبتها إنت ؟

يا الله هذا يحتاج تفكير ثلاثة أيام عصف ذهني هادول الطبقة الراقية الرقمية الطبقة المعلمين الطبقة المخترعين اللي جابوا الحل هذا

الراسماليين اللي يخسروا الآن في العالم وجدوا حل تعرفون إيش هذا الحل: لابد من إيجاد بنوك إسلامية

يا غبي ده من زمان


Download text file

Box of Islam 047

You may also like

مين اللي سرق مصر ، الحلقة الثانية ، الإسلام و أزمة الإنتماء في مصر
مين اللي سرق مصر مين اللي سرق مصر  مين اللي سرق مصر مين اللي سرق مصر [...]
6 views
صندوق الاسلام 71 : متناقضات القرآن : اليهود في القرآن
أهلًا بيكم في حلقة جديدة من صندوق الإسلام هانتكلم عن موضوع اليهود [...]
1 views
صندوق الاسلام 62 : متناقضات القرآن : مقدمة
أهلًا بيكم في حلقة جديدة من حلقات صندوق الإسلام أو مجموعة جديدة من [...]
20 views
صندوق الإسلام 49 :مقارنة بين الاسلام و الاسلام السياسي
أهلاً بيكم في حلقة جديدة من حلقات صندوق الإسلام ومازلنا نواصل الحديث [...]
1 views
صندوق الإسلام 36 :أمراض الأمة ، الفاشية الاسلامية
أهلاً بيكم في الموسم التالت لحلقات صندوق الإسلام بعد ما عالجنا في [...]
15 views
صندوق الإسلام 152: حوار مع سعيد بن جبلي حول جماعة العدل والإحسان وتجربته في السجن
ح: أهلا بيكم مشاهدي صندوق الإسلام, اليوم معانا شخصية جديدة مثيرة للجدل [...]
2 views
صندوق الإسلام 151 : الجزء الثاني من لقاء كافر مغربي هشام نوستيك
  أهلًا بكم في حلقة جديدة من صندوق الإسلام ونواصل الحديث مع كافر مغربي [...]
33 views
صندوق الإسلام 151: أول حوار لـ كافر مغربي (هشام نوستيك) بالصوت والصورة
أهلاً بكم اعزائي مشاهدي برنامج صندوق الإسلام معنا اليوم يعني شخصية [...]
2 views
صندوق الإسلام 141: لماذا لا يعتذر المسلمون عن جرائمهم التاريخية؟
أهلاً بيكم في حلقة جديدة من صندوق الإسلام ونطرح اليوم السؤال الذي [...]
34 views
صندوق الإسلام 140: تاريخ العبودية في الإسلام منذ محمد حتى داعش
تاريخ العبودية في الإسلام منذ محمد حتى داعش أهلًا بكم في حلقة جديدة من [...]
2 views

Page 3 of 14

اترك تعليقاً