Box of Islam Episode 2 صندوق الإسلام – الثانية :  الإسلام والماڤيا – الجزء الثاني

– أهلا بكم في الحلقة الثانية من سلسلة حلقات صندوق الاسلام

• – اتكلمنا في الحلقة اللي فاتت عن نقطيتن:
• – نقطة تجديد الخطاب الديني وموجة الاصلاح اللي شغالة اليومين دول في الدول العربية.
• – واتكلمنا عن مقارنة بين الاسلام والمافيا.
• – واحنا هنكمل الحديث في النقطين دول انهردة في هذه الحلقة بالنسبة لموضوع الاصلاح.
• – طبعا شيء كويس جدا ان واحد زي الاستاذ اسلام البحيري
• – الذي اكن له كل الاحترام طبعا
• – ان هو يجي ويقول اننا لازم ننقي التراث.
• – ولازم نشوف المشاكل اللي في علم الحديث واللي في السيرة.
• – لكن المشكلة ان هو بيفصل تماما بين المشاكل اللي في علم الحديث والتراث والمشاكل الموجودة في سيرة النبي وفي القران نفسه. مشكلة كبيرة.
• – المشكلة التانية اللي انا شفتها وهو بيتعامل مع هذه النقطة: العنترية.
• – احنا حوائط خرسانية اسمنتية بنحفر فيها باظافرنا.
• – فمينفعش مبدا شجيع السيما في التعامل مع التراث والمؤسسات المتحجرة الصدئة.
• – مينفعش تيجي تقول ههدم لكم علم الحديث في يومين.
• – عندنا مشكلة حقيقية ان ذاكرة امة باكملها مصدية.
• – محتاجين صبر وصدق في التعامل مع مسائل التراث.
• – التراث لا يمكن فصله عن النبي والقران.
• – صعب ان يكون عندك عربية قديمة مصدية مفيهماش فرامل
• – وكل يوم تموت تلاتة او اربعة او خمسة
• – وتيجي كل مرة تقول العربية مش هي السبب انما الطريق هو السبب
• – في مطبات والبنزين مغشوش، واللي صنعوا العربية هم السبب
• – لكن الحقيقة ان المشكلة في العربية، واسلوب قيادتك للسيارة.
• – لو عندك بيت ايل للسقوط، لا تدهنه بلون جميل وتقول انه اصلاح.
• – الحل الوحيد هدمه واعادة بنائه مرة اخرى على اساس سليم.
• – اي مهندس في الدنيا هيقولك هو دا الحل لكن احنا مش عاوزين مهندسين مش عاوزين متخصصين.
• – لكن ما نفعله اننا نحاول حفظ ماء  وجهنا.
• – لا نريد ان نعترف ان المشكلة بدات مع بدء الاسلام.
• – كنت في الحلقة الماضية قد بدات في عمل مقارنة بين الاسلام ونشاة المافيا.
• – وقلت ان جزيرة صقلية تاثرت كثيرا بالقبائل العرببية التي هاجرت اليها، والبربرية ايضا.
• – لكن القبائل العربية اثرت اكثر في تاسيس نظام فرض الاتاوات، وسحب الجزية.
• – وتطورت حتى صارت منظمة ارهابية نحن نعرف لها فروع اليوم في كل انحاء العالم.
• – تماما مثل ما بدا الاسلام بفرض الجزية الاتاوات، وتطور واصبح بيزنس.
• – يعني موجود في كل انحاء العالم.
• – نشوف جزء اخر من المقارنة بين الاسلام والمافيا:
• – فكرة الاب الروحي، اللي هو قائد مجموعات المافيا.
• – المافيا دائما تنقسم الى شخص اسمه كابو، اللي هو الزعيم
• – ومابو دي كابريو اللي هو زعيم كل المافيا، الاب الروحي، شبيه جدا بفكرة الرسول
• – حيث لامساس بشخصه، ولو انتقدته تتقتل، ولو قمت بخيانته تتقتل
• – وفي فيلم الاب الروحي اللي اعضاء المافيا بيقبلوا يد الزعيم، بنفس الفكرة بيكون التعامل في القرى مع الزعيم الديني
• – المافيا نفسها شايفة انها منظمة اخلاقية
• – ولما بتيجي تحكي تاريخها بتقول احنا كمنظمة نشات من اجل استقلال صقلية، واتحاد القبائل في صقلية
• – احنا رجَّعنا العدل، بناخد من الغني ونعطي الفقير
• – المافيا تقول عن نفسها انها منظمة رحمة، لكن الاجيال اللي اتت بعد ذلك شوَّهت صورة المافيا واستغلتها لغرض اجرامي
• – نفس الفكرة بالظبط فيما يتعلق بنشأة الاسلام انه بدا رحمة ورفقا بالغلابة وياخد الصدقات ويعطيها للفقراء
• – المافيا بينهم وبين بعض في رحمة وصداقات، وبيوزعوا الفلوس على بعض
• – الاب الروحي له حصة من الغنائم هي اكبر حصة
• – والباقي بيتوزع كاسهم بين الباقي اللي قاموا بعملية السطو او الاتاوات او المخدرات او اي نشاط اجرامي اخر يقومون به
• – وفكرة الخُمس لله والرسول موجودة عند المافيا ايضا
• – وللعلم هذه الفكرة اتت من الصعاليك اللي اتكلمنا عنهم الحلقة اللي فاتت
• – واللي هم ساعدوا النبي في غزواته الاولى ان يسطو على قوافل قريش
• – كان عندهم نظام ان زعيم مجموعة الصعاليك، بيبقى له الربع
• – بس النبي طبعا كان اكرم شوية منه، كان بياخد لنفسه الخُمس هو والاقربين بتوعه؛
• – عشان طبعا يضمن ولاءهم، وكان بيوزع الاربع اخماس الباقيين على قواته وجنوده
• – ودي نقطة الاب الروحي ودوره وحصته من الغنائم، هتلاقيها في قصة المافيا ونشأة الاسلام.
• – الجزء الثاني فكرة العدو والصديق، المؤمن والكافر.
• – المافيا عندها نظام صارم جدا:
• – ان انت طالما مافيوزا، يعني عضو في المافيا، مينفعش انك تصادق حد من خارج عائلات المافيا
• – الا اذا كانت هذه الصداقة بعلم من زعماء المافيا ولهدف سيخدم زعماء المافيا
• – مثل ان يطلع حد من قضية او هيساعد ان ياخد معلومات
• – والفكرة دي موجودة زي ما هي بالظبط في الاسلام
• – ان مبدا الصداقة مع الغير دا مرفوض
• – “يا ايها الذين آمنوا لا تتخذوا من واليهود النصارى اولياء من دون الله ومن يتولاهم منكم فانه منهم”
• – لكن متى يُسمح بهذه الصداقة اللي هي فكرة التقية. ما هي التقية؟
• – يعني لو انا في خطر كمسلم ممكن اكذب
• – ممكن ادَّعي صداقة غير المؤمن عشان انجي نفسي من الخطر
• – او لو في مصلحة للمسلم هيفيد بها الاسلام، فممكن يكذب ويقول انه غير مسلم او يصادق شخص اخر
• – وفي نقطة هنرجعلها بعدين اللي هي اغتيال كعب ابن الاشرف
• – لهذا الرجل اليهودي، قصيدة بينتقد فيها النبي
• – بيقول عن النبي ان هو ناحت القران من الكتب اليهودية
• – اللي مش بس هي التوراة والتلمود والمدراش.
• – والمدراش هو كتاب تفسير للتوراة، كان مهم جدا
• – لان فيه قصص كتير موجودة من هذا الكتاب في القران
• – وسوف نعود لهذه القصة لاحقا.
• – فلما قال الكلام دا كعب ابن الاشرف، صحيح كان في مواقف النبي كان متسامح فيها، لكن كان موقفين او تلاتة لا يمكن يتسامح فيهم ابدا
• – اول حاجة ان حد يسلم ويسيب الاسلام ويمشي، كان بيعتبرها خيانة عظمى
• – واحنا عارفين اللي كان بيسيب الاسلام كان بيحصله ايه
• – تاني حاجة لو كان حد بيطعن في نسب محمد
• – ودي مسالة كبيرة جدا هنخصصلها حلقة كاملة عن ايه المشاكل اللي كانت في نسب النبي نفسه.
• – والنقطة التالتة اللي كان محمد لا يمكن يقبلها ان حد يشكك في مصادر القران
• – ويقول ان محمد كداب او ناقله من مكان تاني
• – دا كان موضوع بيعصبه جامد، وفي ناس ماتت لهذا السبب
• – واحد منهم كان كعب بن الاشرف
• – اللي لما طعن في هذه الاشعار النبي طلب ان حد يتخلص منه
• – وكان لازم ان الراجل اللي هيروح يغتال كعب بن الاشرف يستاذن النبي
• – انه هيكذب عشان يعمل خدعة عشان يعرف يدخل الحصن لهذا الرجل
• – فاذن له ان يكذب ويحتال عشان يدخل ويقتل الراجل!
• – ودي النقطة بتاعة ان الصداقة ممنوعة مع غير المسلم او مع بتوع المافيا
• – الا اذا كان فيها فايدة او خدعة هتفيد الاسلام.
• – في نقطة تانية في مقارنة الاسلام والمافيا وهي:
• – ان الورع والتدين شيء والتعامل مع الغرباء شيء تاني!
• – يعني الخاص شيء والعام شيء تاني
• – يعني تلاقي الراجل (مافيوزو) ممكن يكون متدين ويصلي في الكنيسة مثلا
• – وبعدين يخرج من الكنسة ومعاه البندقية بتاعته او الطبنجة
• – ويجي ضارب واحد ومش شايف تعارض.
• – رغم انه ممكن يكون لسة شايف حد في الكنيسة بيقوله احبوا اعداءكم
• – لكن مياخدش مبدا ان عدوه دا هو العدو المقصود.
• – في دماغه كدا ان دا شيء ودا شيء
• – وان الراجل اللي مات دا يستحق الموت
• – نفس الشيء بالظبط بالنسبة للمؤمن اللي هو جندي من جنود محمد
• – يصلي ويبكي ويكون ورع في الصلاة، ويخرج بعد كد يقطع رؤوس بشكل عادي جدا
• – مفيش اي فرق؛ لان دينه قسَّم له العالم الى مؤمن وكافر!
• – والكافر كالانعام بل اضل سبيلا يعني زي الحيوانات بل واسوا، والقران سماهم شر الدواب!
• – فازاي هيكون عندك تعاطف مع واحد ربنا هيحرقه اساسا؟!
• – ربنا هيحرقه في نار جهنم، انت تتعاطف معاه ليه؟! 
• – مبدا ان الصلاة لا تنهاه عن العنف، بل بالعكس ممكن تشجعه على العنف قبل ما يروح يسبي.
• – طبعا نقطة التشابه اللي اتكلمنا فيها في الحلقة اللي فاتت السطو والاتاوات
• – ودور الصعاليك في الغزوات اللي عملها النبي في بداية تواجده في المدينة
• – وعلى اساسها قامت فكرة الدولة الاسلامية، اللي احنا مش عارفين نتخلص منها لحد انهردة
• – يعني المميزات اللي ساعدت الاسلام في بدايته، انه ينتشر ويثبت نفسه، ويغزو العالم
• – هي نفس المشاكل التي نعاني منها اليوم ومش عارفين نتخلص منها.
• – النقطة الاخيرة في المقارنة بين الاسلام والمافيا اللي هي فكرة معاقبة الهاربين او الملحدين او الخائنين.
• – محمد بنى في المدينة دولة فيها احسن جهاز مخابرات في العالم!
• – اللي هو اول ما ابتدا يعمل غزوات وعدد المسلمين يزيد، كل ما ابتدا يشك اكتر في المسلمين المؤمنين به.
• – في الاول كانت المجموعة صغيرة وفعلا مؤمنين برسالته
• – لان في بداية الاسلام فعلا وفي السور المكية كان فيه شيء جميل
• – لسة لحد انهردة في مسلمين كتير بيعتمدوا عليه
• – وبيستشهدوا بيه في الايات التي بتدعو للسلم والتسامح والرحمة
• – والتدبُّر في خلق السماوات والارض والعطف على الفقراء وما الى اخره
• – الاسلام مش كله مبني على الدم الاساس. كان كويس.
• – واللي امنوا بيه في هذه الفترة كانوا مؤمنين فعلا
• – انما اللي امنوا في المدينة بعد كدا معظمهم آمن إما غصب
• – لانه ملقاش حل تاني لان القبيلة بتاعته انهارت وتم غزوها
• – او واحد انتهازي شاف ان في فكرة اقتصادية وفعلا هيستفيد
• – وانه لو دخل لمعسكر محمد هيبقى فعلا ليه غنايم، هيجيله فلوس، هيجيله ملك يمين
• – هيستفيد من هذا الغزو
• – فالمجموعة دي لما كترت قدام النبي ابتدا يشك فيهم
• – عشان يعرف مين اللي معاه ومين اللي عليه وهل هو مؤمن فعلا بيه ام لا؟
• – فابتدا يعمل مراقبة ذاتية ليهم عن طريق نظام الصلاة خمس مرات
• – مرة يجمعهم باليل ومرة الساعة اربعة الفجر، وفي النهار تلت مرات
• – دا عشان يتاكد انهم موجودين.
• – اما يقولك عقوبة تارك الصلاة الموت ايه التفسير ليها؟
• – لانه كان بيشك ان اللي مش هيجي يصلي هيلتحق بمعسكر الاعداء ويوديه في داهية ويؤذيه!
• – لدرجة انه قال انه كان على وشك ان يحرق اللي كانوا بيصلوا في البيوت.
• – شفتوا البارانويا وصلت لحد فين؟ شك فيهم.
• – زي ما قال جورج بوش: “اللي مش معانا هيبقى علينا”
• – لدرجة ان واحد اعمى ساكن في اطراف المدينة بيقول للنبي:
• – ائذن لي ان اصلي في بيتي لان المشوار بعيد وانا اعمى
• – فساله الرسول هل تسمع الاذان؟ فقال له اسمع فقاله الرسول اذن لازم تيجي
• – ومع ذلك يقولون الاسلام دين رحمة.
• – هي دي الفكرة انه خايف من خيانتهم
• – وعلى هذا الاساس اللي مش هيجي يصلي هيموت
• – فما بال اللي يترك الاسلام خالص، وعمل لهم جهاز مخابرات ذاتي.
• – “وان تُبدوا ما في انفسكم او تُخفوه يحاسبكم الله”
• – يعني ربنا هيحاسبك حتى باللي بتفكر بيه.
• – بمعنى لو فكرت تخوني او فكرت تعمل حاجة ضدي
• – ربنا هيقولي “ما يلفظه من قول الا ولديه رقيب عتيد”
• – يعني في ملاكين قاعدين على كتافك هم دول امن الدولة
• – هم دول اللي بيكتبوا كل حاجة: افكارك اقوالك وافعالك.
• – نظام عبقري. يعني هتلتفت يمين تلتفت شمال هتلاقي نفسك مراقب
• – من هنا جاءت فكرة “مَن بدَّل دينه فاقتلوه”
• – اللي المصلحين بيحاولوا يجملوها، ويقولوا انها حديث غير صحيح
• – في حين انه صحيح لانه يتماشى مع التعامل مع ناس كتير.
• – ذكرنا كعب بن الاشرف اللي قال شعر في محمد لانه كان شاعر
• – وقال في قصيدة ان محمد اخد في القران حاجات من الكتب اليهودية التوراة والتلمود والمدراش.
• – وعندنا شاعرة تاني اللي هي عصماء بنت مراوان الواقدي
• – وكتب القصة دي وبيستشهد بيها ابن تيمية في كتاب الصارم المسلول على شاتم الرسول.
• – والعصماء حكايتها انها قالت شعر في النبي والنبي تأذى، مكنش بيستحمل!
• – فواحد اسمه عمرو ابن عُدي راح وهي عصماء نايمة وسط ولادها
• – ورواية الواقدي بتقول انها كانت بترضع طفلها
• – وقتلها ورجع للنبي والنبي كان فرحان بيه وقال “انظروا الى رجل نصر الله  ورسوله بالغيب”.
• – وفي شاعر تاني اسمه ابن خطل ليه جاريتان بيغنوا، هو بيقول شعر وهما بيغنوا.
• – وابن خطل دخل الاسلام وخرج منه؛ فاهدر النبي دمه يوم فتح مكة.
• – ودا اللي قال عنه “اقتلوه ولو تعلق بأستار الكعبة”
• – ودا اللي حصل بالظبط قتلوه وهو متعلق بأستار الكعبة
• – وقتلو جاريته اللي كانت بتغني اشعاره اللي بيشتم فيها النبي.
• – اقرا تاريخ المافيا وشوف قتلوا كام صحفي بينتقدهم.
• – وكذلك في تاريخ الاسلام من ايام بشار بن بُرد وبن المقفع والحلاج وشوف ماتوا ازاي
• – وشوف فرج فودة واللي بيتقتلوا في السعودية
• – وشوف صحيفة شارل ابدوا اللي قتلوا منها عشرة عشان رسموا رسمة.
• – هي دا مشكلة الاسلام.

Text File Download

Box of Islam 002 Korean Translation