صندوق الإسلام 013 : محمد واليهود

أهلاً بيكم في الحلقة رقم 13 من سلسلة حلقات صندوق الإسلام

هنطلع من الصندوق النهارده ااا يعني ااا  أعدائنا الحميميين أو أصدقائنا اللدوديين اليهود

علاقة محمد باليهود واللي أثر على علاقتنا باليهود وفهمنا لهذه العلاقة  لحد النهارده

يعني اليهود دايماً في ليهم دور كذا دور

يخلص الدور ده يمشوا وييجي الدور اللي بعده أول دور ليهم الحقيقة كان التنبؤ

فتلاقي حسان إبن ثابت يقول إن هو كان في المدينة وهو طفل

وسمع واحد يهودي بيتنبأ إن نبي هذا الزمان قد ولد ومش عارف إيه

ودايماً مش عارف لما راهب قاعد فين تبص تلاقي واحد يهودي يقولك ده مش عارف هييجي هذا الـ …..

بردوا حاجات شبيهه بال  بال   بقصة مولد المسيح إن ااااا  إن 3 ملوك المجوس لما سمعوا جم بيت لحم يشوفوا مين هذا الطفل الذي ولد

بييجي بردوا عند إبن إسحق هتلاقي كذا واحد يهودي هم اللي يتنبأوا بالنبي

طيب تنبأ طيب الدور اللي بعد كده هيلعبه اليهود هيكون إيه؟

إن هم المفروض يعني يكونوا شهود على رسالة محمد وهو بيتخانق مع أهل مكة الوثنيين اللي بيعبدوا الأصنام

ف في الفترة دي يتكلم عليهم كلام جميل جداً

يقول عليهم علماء بني إسرائيل ويتكلم عن الذين هادوا على أساس إن هم ناس مؤمنين

ويسميهم اا الذين أوتوا الكتاب ف مافيش أي شتايم لسه مافيش أي إنتقاد لمعتقداتهم

هو بيستشهد بالتوراة بتاعتهم أهوه وبيقولهم إيه يجديونه مكتوباً عندهم في التوراة

يعني فيه توراة التوراة دي عندهم ماشي

لما يتخانق معاهم بعد كده هيقولك إيه هيقولك ده يحرفون الكلمة من بعض مواضعه يغيروا ويحرفوا وعملوا كل حاجة

بس في الأول ياخد كل قصص الأنبياء بتاعتهم عشان يهدد بيهم أهل مكة

إقرا بقى في قصص الأنبياء هتلاقيه بقى جايبلك قصص يهددهم بيها

يجييب قصة إبراهيم ويأيفها على مزاجه ويقدمها لأهل مكة ..  خافوا بقى

قصة نوح شوفوا ربنا عمل فيهم إيه لما عصوا نبيهم ده الطوفان غرقهم ..  ويهود وثمود وعاد

ولما هاجر لما هاجر محمد للمدينة كان فيه 3 قبائل عايشيين هناك في المدينة

بنوا قاي قاي …  قاينوقاع وبنوا النضير وبنو قريضة

الـ 3 قبائل دول كانوا هم أساس المدينة

كانوا هم هاجروا من فلسطين بعد تدمير المعبد وإستقروا هناك وكل قبيلة كانت بتشتغل في شئ يعني

وكان فيه منهم التجار زي بنوا قوناقاع وكان فيه منهم الفلاحين والمزارعين زي بنوا النضير

هم كان بنوا قريدة اللي هم الحرفيين وبعضهم مزارعين وبعضهم تجار

وحسب الحجم بتاع القبائل كده إبتدى محمد يتعامل معاهم

أصغر حاجة بنوا قويناقاع هيتعامل معاهم الأول

وبعد كده بنوا النضير وبعد كده بنوا قريضة

بس في الأول عمل دستور المدينة طبعاً الجميل

اللي هو 47 مادة أو 52 مادة حسب بقى ما الواحد بيقرا المواد دي إزاي

و كان في دعوة تعايش جميل

لأنه أول ما هاجر من مكة للمدينة ماكانش هيفتح جبهة حرب مع ناس عايزهم يساعدوه وهدفه الأول إن هو إيه يهزم قريش

ف حب يورطهم معاه اليهود في قطع الطرق مارضيوش

حب يورطهم معاه في غزوة بدر مارضيوش

لأنه كاتب عليهم ما يسمى بدستور المدينة يعني أو وثيقة المدينة

إن اليهود يدفعوا فلوس لو المدينة إتهاجمت عشان محمد بقى هيدافع عنها ف عايزين عايزين فلوس عايزين سلاح

طب المدينة ماحدش هاجمهما وقريش أصلاً لما هو مشي ساب مكة ااا اا المدينة ومشي قالوا ياللا كسروا وراه قلة وقالوا وخلاص مشي وإرتحنا من ال القصص اللي كان بيقولهلنا وماكانش في بالهم لا عدوات ولا مشاكل ولا هو بيمثلهم حاجة

لكن إبتدى محمد يعمل لعبة حصار إقتصادي على مكة

قولنا في الحلقة أو في الحلقات السابقة إن هو إنضم إليه مجموعة من الصعاليك هو اللي كتبلهم رسالة خطاب

عشان ييجوا ينضموا إليه من بين الصعاليك اللي إنضموا كان واحد يعني زعيم الصعاليك واحد إسمه أبو بصير والكلام ده موجود في صحيح البخاري مش مش مش كتاب أي كلام

ف أبو بصير إنضم ليه مجموعة من ال ال ال ل المسلمين وكانوا بيهاجموا ال ال ال القوافل

وقبل كده كان فيه صعاليك تانية مع بداية هجرة محمد للمدينة جت وإبتدوا يهجموا على قوافل قريش

وكان هو ده على فكرة سبب إختيار محمد للمدينة لـ يثرب إشمعنا يثرب بالذات ما الطائف موجودة

طب ما يروح الشام ما يروح أي مكان تاني

لأ يثرب بالظبط في الطريق ما بين مكة والشام يعني القوافل معدية عليها

يعني يثرب موازية بالظبط لميناء إسمه ميناء الجار

ميناء الجار ده اللي بيجيوا منه قمح لمصر من مصر والقمح ده بيروح لفين لمكة

المدينة يثرب اللي بيجي منها التمر اللي اليهود بيزعوه يأكل مكة

ف هو لما بيحاصر ميناء الجار وبيسيطر على المدينة مسك مكة من هنا 7:29

وهو ده سبب هجرته الحقيقية وهو ده السبب اللي خلاه يعمل تحالفات قبل ما يهاجر

ويعمل بيعة العقبة الأولى والتانية ويعمل مبايعة الأوس والخزرج على الدم

هي دي القصة مالهاش أي علاقة بالدين ولا بالدعوة هو القصة مرسومة كده

والدكتور سيد القمني ليه كتاب مهم أوي في الموضوع دون إسمه حروب دولة الرسول بيشرح بقى حكاية حصار مكة إقتصادياً ده حصل إزاي

قوات محمد إبتدت تحاصر ميناء الجار واليهود بتوع المدينة منعوا منعاً باتاً إن هم يوردوا بلح لمكة

بقى كده مافيش بلح ومافيش قمح مشكلة كبيرة جداً عند أهل مكة

ف جات غزوة بدر هو بردوا اللي إستفزها حاول يهجم على قافلة أبو سفيان

و ااا و  ااا   وراحوا إتمركزوا عند البئر وإتقابلوا ومحمد عايز اليهود بقى إيه ييجوا يحاربوا معاه أو يدفعوله فلوس

لأ ندفعلك فلوس ليه؟ إنت المدينة ماحدش هاجمنا

دي حروبك إنت مشاكلك مع أهلك حلها مع نفسك

إحنا اليهود كانوا عايشين من الحياد دون يعني هم مافيش غير هم الـ 3 قبائل اليهودية والتانين كلهم عرب لو بدأوا يحاربوا مع قبيلة واحدة من العرب هيروحوا في ستين داهية

خاصةً إن الأوس والخزرج نفسهم اللي في المدينة نفسهم يطلعوا اليهود من المدينة

ف هم كانوا بيحاولوا يمشوا جمب الحيط

لكن هو محمد كان بيحاول بشتى الطرق إن هو يورطهم في حروبه مع قريش

ف هم لما رفضوا …  دايماً لاحظ محمد لما كان يعمل غزوة مع قريش يرجع يطرد قببيلة يهودية

دايماً بهذا الترتيب

يعني بعد غزوة بدر على طول راح رايح على يهود بني قاينوقاع وطردهم من المدينة طب طردهم ليه ؟ عملوا إيه؟

يقولك كان فيه إمرأة مسلمة عند صايغ يهودي في المدينة

فجاء رجل يهودي ومش عارف نزع عنها حجابها وربط ثوبها ف تعرت

فجاء رجل مسلم غيور وقتل اليهودي ف إجتمع مش عارف رجل يهودي آخر وقتل المسلم

طيب ما خناقة خناقة ممكن تحصل في أي مكان إيه اللي يخليك تطرد قبيلة كاملة

القصة دي بتستخدم بقى في السياق بتاعنا الحديث دون لأكتر من سبب يعني فيه أكتر من توظيفة ليها كده

أول حاجة توظيفة اليهود اللي هم هم من ساعة ما ربنا ما خلقهم إن هم بيحاولوا إن هم يكشفوا عورة المسلمين

و و و يعني يطعنوا شرف المسلمين و و وبيعملوا أفلام هوليوود عشان يخلوا المسلمين يلهوهم عن الصلاة وعن الإيمان وكإن هوليوود إتأسست عشان خاطر المسلمين مهمين أوي المسلمين دول

والتوظيفة التانية توظيفة الحجاب أختاه خلي بالك من حجابك اليهود عايزيين ينزعوه .. أختاه

هذا هو ال ال بقى الفكرة من قصة بنوا قوينوقاع

طب فيه حد تحصل خناقة في محل تطرد قبيلة كاملة بسببها ده منطق؟

يعني واحد طب ماشي لنفرض إن ال قصة حصلت بتفاصيلها زي ما هي بيحكوها كده

طيب هات الراجل اللي عمل البتاع دون يا إما يدفع دية الراجل اللي قتله يا إما يتحاسب يا إما يتت …. الراجل نفسه يعاقب

لكن إنت تعاقب حد قوم عقاب جماعي عشان واحد عمل حاجة لأ هي تلكيكة هي تلكيكة ليه تلكيكة بقى؟

عشان هو عايز بيوت الصعاليك اللي جايينله اللي هم حموا ضهره ضد مكة ماعندهمش بيوت

ف هم هو عايز بيوت وعايز فلوس ف يتلكك لأول قبيلة وييجي أه إنتوا عملتوا كده وييجي طلع طلع وراح طاردهم من المدينة

وسكن في بيوتهم بقى إيه اللي جايين المقاطيع قطاع الطرق اللي بيساعدوه في شغله وبيدي رسالة للأوس والخزرج اللي هم كانوا مترددين في بداية ال ااا الموضوع إن هم يشاركوا معاه في حروبه

آدي أول قبيلة يهودية تخلص منها

وأول ما عمل كده إحنا بتكلم بقى إيه كده بعد إيه يعني بعد سنتين من هجرته من مكة للمدينة

لحد دلوقتي إحنا واليهود حبايب

لحد دلوقتي بنصلي في إتجاه القدس

لحد دلوقتي لحم الخنزير حرمانه

طقوس الصلاة وطقوس ال ال الل للل الوضوء والتطهر من الجنابة وتجنب النساء في المحيض كل ده واخدينه من اليهود

زي ما قولتلكوا حتى كلمة شريعة هي كلمة هلاخاه القانون اليهودي

فجأةً بعد طرد يهود قونيقاع تلاقي لغة القرآن تتغير تماماً

اللي حرفوا التوراة بتاعتهم اللي إعتدوا في السبت فقولنا لهم كونوا قردة خاسئين

وحواديت بقى أبناء القردة والخنازير

هو فيه إيه مرة واحدة كده

لأ وتحويل القبلة من القدس إلى الكعبة

أيوة إرجع لأصلك بقى

كان بيحاول إن هو يخلي القدس دي هروب من هويته التي عذبته

اللي رفضوه اللي نبذوه اللي شتموه اللي قالوا عليه مجنون

ف قاللهم أنا مش منكم خالص أنا تبع إبراهيم

وراح على القدس وتوجه على القدس

وإخترع قصة الإسراء والمعراج ومش عارف إيه

كان كل توجهه إن هو هروباً مما حصل له في مكة

هوية تانية يخترع هوية تانية أكبر من هوية مكة

إنتوا مين إنتوا ده أنا إبن سيدنا إبراهيم نفسه

ف لما اليهود مامشيتش الموضوع معاهم

إبتدى يرجع لأن بردوا كان فيه بعض العرب اللي آمنوا بمحمد القدس مش ماشية معاهم القصة

يعني عايزين حاجة اااا     ف رجعهم تاني للكعبة صلوا في إتجاه الكعبة

طيب لسه فيه قبيلتين يهوديتين في المدينة هنعمل معاهم إيه

المعركة التانية اللي خاضها محمد ضد قريش كانت معركة أُحُد

في بدر كان ربنا رزقه أخد كذا فارس من فرسان كرهائن حرب وباعهم ب مبالغ مش قليلة

ف جاتله بقى حصيلة كويسة للسنة دي عشان يرضي بقى الناس الصعاليك بتوعه وعشان ي ي  يجيب سلاح وعشان اال

ماهم مابيشغلوش ماهو مابينتجوش حاجة هم قاعدين مصدر ررزقهم إنه الغنيمة دي الجزية دي

ولما اليهود إبتدوا إن هم يكسلوا في دفع الأتاوة طردهم طيب جه السنة اللي بعديها أُحُد

طبعاً عارفين إحنا عشان تبقى فاهم النفسية المقاتلين بتوعه في أول المعركة لما إنتصروا

رايحيين يلموا الغنايم بسرعة راحوا كانوا عاملينلهم كمين بتوع قريش وراحوا ضربوهم وكسبوا المعركة

فرجعوا للمدينة محمد وجنوده ومافيش مصلحة السنة دي

ماكسبوش حاجة طب هايعملوا إيه بقى في الأزمة دي مافيش فلوس مافيش دخل ف يبص حواليه

خد ياض يا بتاع بني النضير النخل اللي عندك ده يلزمني وبيوتك تلزمني وفلوسك تلزمني

بس مش هيقدر يروح يقولهم الموضوع ده عايز حجة عايز حجة فهو قاعد مع بني النضير مع يهود بنو النضير وراكن ضهره على حيطة

قوم إيه يجيله ملك من السما اللي بييجي في الأوقات المناسبة دايماً

يقوله يا محمد خلي بالك ده فيه واحد يهودي من بني النضير طالع فوق السطح وهايمسك حجر وهيرميك بيه بعد شوية يقتلك قوم إمشي

ف راح قايم منتفض من جمب الحائط وماشي

وبعدين ياخد القصة دي كذريعة إن هو يطرد بني النضير كلهم

بردوا حاجة غريبة جداً يعني ااا يعني مم ممم ماقالكش إن الراجل رمى الحجر فعلاً وسقط جمب النبي على الأقل يبقى عندك دليل مادي إن الموضوع ده حصل

لأ يقولك إن جبريل جه وقالي

هو ده هو إنت بتعاقب حد بإعتبار ب ما يمكن أن يكون

شوفتوا الهلوسات البصرية ممكن توصل بينا لحد فين

ولا الهلوسات السمعية هتوصل بينا لحد فين

هو ده اللي بيسموه بقى في علم النفس مرض البرانويا

إنك تحس إنك مضطهد إن فيه بتتعقبك وبتجري وراك ومافيش حاجة

هم اليهود هبل هم ماشافوش اللي حصل لبنو قونيقاع اللي قبليهم

إن هم إتطردوا شر طرده كانوا خايفيين منه

وهو كان قاعد معاهم وهم بيتفاوضوا معاه قاعد معاهم في في مكانهم يعني

بس خد القصة دي بقى ذريعة ياللا طلع حاصر إحرق النخيل بتاعهم إقطع النخيل بتاعهم

إستفاد غلة السنة دي أهوه يعوض خسارة أحد ما هو مافيش غنائم آدي الغنيمة

نفس الموضوع يتكرر مرة تانية بعد غزوة الأحزاب أو الخندق

بردوا هم بيحاولوا قدر المستطاع اليهود إن هم يتجنبوا أي مشاكسات بين محمد وبين أهله

يعني أرجوك مالناش دعوة إن عندك مشكلة معاها معاهم حلها معاهم

لأن دول لو عادوا دول تاني يوم الإتنين هيتحالفوا مع بعض وهيضربوا اليهود ما إحنا عارفين القصة دي ف هم بيحاولوا يتجنبوا

وشايفين اللي حصل لبنوا قاينوقاع وبنوا النضير نفس الطردة نفس الأسلوب

ودايماً محمد ياخد القبيلة الأصغر ويهاجمها الأول

يعني دايماً كده إيه بالترتيب يعني فيه سيستم ماشي عليه

عمل إيه بقى بنو قريضة بنو قريضة حسب الرواية الإسلامية

الصوت اليهودي ماوصلناش يعني ماحدش من الناس اللي هناك حكالنا لأن هم إتدبحوا كلهم فيما بعد زي ما إنتوا كلكوا عارفين سنة 627

بعد غزوة الخندق ماحصلش حرب أصلاً زي ما إحنا عارفين يعني

إن إن حاولت قريش تعمل تحالف وفي النهاية إكتشفوا إن إيه  اااا  يعني القصة مش جايبة همها وبتاع ف رجعوا

إحنا طبعاً عملنا منها معجزة والريح جت وربنا زي أصحاب الفيل كده

المهم ماحصلش حرب أساساً بس جه

محمد بعد كده وقالك إن اليهود كانوا بيتحالفوا مع قريش وعايزين يفتحولهم ثغرة عشان يخشوا المدينة

هل حد دخل هل الثغرة دي إتعملت هل حد دخل هل ؟ مافيش

بس هو بردوا كده أي إفتكاسة كده عشان ماحصلش حرب

هو لو كان حصل حرب كان فيه غنائم أي مصلحة وخلاص السنة دي عشان الناس تعيش السنة

ف ماحصلش حرب ف مافيش دخل للجنود اللي وظيفتهم الحرب

ف يعمل إيه ف لازم يختلق أي صراع عشان ياخد أي مصلحة مادية

ف راح حاصر بني قريضة وعارفين القصة إنتوا بقى كلها بقى إن هو حفر مقابر جماعية

وجه بردوا جالوا جبريل طبعاً

وجبريل هو اللي عمل الأمر دون هو أو يعني أكد الحكم

اللي حكمه عليه سعد إبن معاذ إن النساء والأطفال يسبوا ويبقوا عبيد والرجال كلهم يذبحوا

فيه بقى الأعداد بتاعة الرجال المصادر تختلف فيهم

يعني هتلاقي ما بين 600 – 900 مافيش غير كتاب واحد بس إسمه كتاب الأموال هو اللي جايب عددهم إن هم كانوا 40 بس اللي إتقتلوا

سواء بقى 40     400   500    600     المهم إن كل رجال القبيلة تم دبحهم قطع رؤسهم وال ااا ااا والقرآن بارك هذه القصة يعني

هو الذي أخرج الذين كفروا بأهل الكتاب من ديارهم ليوم الحشر في سورة الحشر هتلاقوها

طردهم من ديارهم    اممممم    واخد بالك إنت      داعش البجاري هو السبب فيها صح  ولا إبن تيمية ولا إبن القيم ولا محمد إبن عبد الوهاب ولا محمد إبن عبد الله ؟؟؟

مين الأساس مين الأساس في المشاكل دي كلها ولو عايز تنقي تراثك تنقيه إزاي ؟

عايز تبرر دي إزاي عايز تبرر إن سنة بعد ما بنو قرضة ما إندبحوا

في اليوم ده أبو صفية بنت حلي إتقتل

وسنة بعديها في خيبر جوزها وأخوها إتقتلوا

ومحمد دخل بها في نفس الليلة

وييجي المسلم يقولك لقد شرح الله صدرها للإسلام

يا صلاة النبي أحسن

صفية شافت إن أبوها مات وأخوها مات وجوزها مات

لكن فجأةً كده ربنا شرح صدره للإسلام قالت ده الدين اللي بيدبح ده لازم يكون دي رحمة بجد

تعالي يا رسول الله خدني في حضنك إيه الإستهبال ده ؟

وتيجي تقولي إبن تيمية هو اللي شوهه الإسلام وتيجي تقولي

ما القصص دي أهه دي ااا

تعامل مع هذا التراث بقى وماتحاولش تبرر ماتحاولش تبرر سمي الجريمة جريمة

دي جريمة ضد الإنسانية إنك تقتل عقاب جماعي لكل الناس

دي إسمها جريمة ضد الإنسانية

والأشياء لابد أن تسمى بمسمياتها

تعامل محمد مع اليهود وتعامل محمد مع صفية بالذات

وفي الحلقة القادمة هنتكلم عن محمد والنساء

والمشاكل التي مازالت قائمة حتى اليوم بسبب بسبب هذا التعامل

تابعونا على قناة حامد دوت تي في على اليوتيوب وعلى الفيسبوك صندوق الإسلام


Download text file

Box of Islam 013

You may also like

ملخص تاريخ الاسلام بداية ونهاية
لم يستجب ياأخوة لمحمد في مكةخلال 13 سنة من الدعوة لم يستجب لدعوته لم [...]
6 views
ندوة للاستاذ حامد عبد الصمد في المغرب بعنوان التنوير فوبيا (الجزء الاول)
احمد عصيد: مساء الخير, يُسعدنا أن يكون معكم في هذا اللقاء الفكري الذي [...]
3 views
مين اللى سرق مصر،الحلقه التاسعة عشر: دور العبادة في مصر
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة الثامنة عشر: إسلام التصدير وإسلام التكفير
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة السابعة عشر: الأزهر عامل زي سُوستة
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة السادسة عشر: مأساة التعليم في مصر
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة الخامسة عشر: خليك فاكر مصر جميلة
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة الرابعة عشر: الإعجاز العلمي في البناء المصري الحديث.
انهارده عايز اكلمكم عن موضوع الإعجاز العلمي في البناء المصري طبعًا [...]
0 views
مين اللي سرق مصر، الحلقه الثانية عشر، البرفان والشعب القرفان
مين اللي سرق مصر مين اللي سرق مصر مين اللي سرق مصر مين اللي سرق مصر [...]
2 views
مين اللي سرق مصر، االحلقة الحادية عشر ، أولاد حارتنا
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views

Page 1 of 13

اترك تعليقاً

لن يتم نشر عنوان بريدك الإلكتروني.