حامد عبد الصمد –  التمييز والعنصرية في الإسلام

 [00:00:04] حامد عبد الصمد:
أهلا بكم أصدقائي الأعزاء في حلقة جديدة من برنامجنا الجديد مع حامد.

[00:00:12]
عدنا إليكم من جديد بناء على رغبات أو طلب الجماهير وبناء على طلب أستاذنا الكبير طبعا الدكتور سيد القمني اللي طلب مني أن أواصل البحث والحديث عن مشاكل التراث الإسلامي.

[00:00:25]
في الواقع أنا كنت بحاول أني أتجنب الكلام عن الإسلام وعن الأديان بصفة عامة، وبحاول أني أتوجه إلى الإنسان، إلى موضوع التعايش، إلى موضوع الحرية، ولكن للأسف اللي بيحصل حولنا في مجتمعاتنا بيورينا إن منقدرش نفصل موضوع الأديان عن موضوع الحريات لازم نتناقش في هذه القضايا

[00:00:55]
وأنا عايز البرنامج ده يكون منفتح على مواضيع أخرى وأديان أخرى. عايزين نتكلم عن المسيحية وعن اليهودية وعن البوذية ونجيب ناس ونناقشهم في قضايا زي العنف، العنصرية، التعايش، التسامح.  بس عايزين كمان نتكلم عن مواضيع أخرى ومعارف إنسانية أخرى وعايزين يعني الشيء اللي هو يعني شجعني إني أتكلم في الموضوع بتاع انهاردة بتاع العنصرية.

[00:01:31]
هم حادثتين حادثة انتحار سارة حجازي والكم الكبير من التنمر والكراهية اللي واجهته هذه الفتاة لحد ما اضطرت أن هي تنتحر بسبب ميولها والناس مرحموهاش لا هي وهي حية ولا و هي ميتة.

[00:01:31]
الحادثة الثانية هي طبعا حادثة مقتل الشاب الأمريكي الأسود [00:02:00] جورج فلويد على ايد أو على رجل الحقيقة شرطي أمريكي أبيض، وهو طبعا حادث عنصري مروع مخيف حين يموت إنسان من أجل لون بشرته. بس كمان لما لاقيت ردود أفعال المسلمين على هذا الحادث أن كلهم رايحين يعلموا أمريكا التسامح وعايزين يعلموا أمريكا. تعالي يا أمريكا اتعلمي من الإسلام الجميل المتسامح بتاعنا كيف تقضي على العنصرية.

[00:02:29]
فده طبعا شيء استفزني يعني لأني شايف كم عنصرية غير عادي موجود في مجتمعاتنا محدش عايز يتكلم عنه.

[00:02:38] حامد عبد الصمد:
طبعا العنصرية موجودة في كل دول العالم منذ بداية الإنسان على الأرض. يعني الخوف من الأخر والتوجس منه والعداء معه كانت أشياء ضرورية من أجل البقاء. وطبعا ما ينفعش نأخذ مصطلحات حديثة زي العنصرية وحقوق الإنسان ويعني نحاول نطبقها على الإسلام بأثر رجعي وعلى محمد بأثر رجعي والقران بأثر رجعي. بس أنا مشكلتي مش النص بيقول ومشكلتي مش محمد عمل ايه. مشكلتي أن النصوص دي هي قدوة حسنة وهي اللي بتؤثر على دساتيرنا. النهاردة المادة الثانية من الدستور من معظم الدول الإسلامية هي أن الإسلام هو المصدر الرئيسي للتشريع أو الشريعة الإسلامية هي المصدر الرئيسي للتشريع. تأثير ده بقي في قوانيننا و تشريعاتنا معاملتنا مع الأخر في التعليم في الإعلام تعاملنا مع الجار المسيحي، مع المرأة مع العالم كله مليان مليان عنصرية.

[00:03:41]
فيعني قبل ما تسمع أن العنصرية في الإسلام وتتشنج. فأنا بأطلب منك عزيزي المسلم المحترم أنك متزعلش و متتشنجش. وحاول تسمعني بدون عواطف. شغل عقلك واسمع الرسالة دي حتى لو قاسية [00:04:00] عليك. اسمعها إنسانيا مش كمسلم و لا مسيحي و لا غيره اسمعها إنسانيا. اسمح لي عزيزي المسلم. إني أصدمك وأقول لك إن جزء كبير من هويتك مبني على العنصرية والتمييز مبني على رفض الأخر والخوف منه والتحريض ضده.

[00:04:20]
العنصرية في العالم كله موجودة. مفيش شك. في أغنى الدول وفي أفقر الدول. في نيوزيلندا والنرويج وأمريكا وألمانيا. في كل الدنيا العنصرية موجودة ولكن تمارسها أقلية. وهذه الأقلية مرفوضة من الأغلبية وهذه الأقلية ملاحقة قانونيا. ومحدش. هذه العنصرية غير مدونة في دساتير ولا تحميها كتب مقدسة ولا تحميها قوانين دول.

[00:04:54]
هذا هو الفرق بينك وبين العنصرية الموجودة في العالم. العنصرية في العالم كله مرفوضة، لكن أنت عنصريتك مقدسة ومصدر فخر واعتزاز ليك، عنصريتك موجودة في الشارع وعلى منابر المساجد وفي المدرسة والدستور والبرلمان وفي الإعلام وقاعات المحاكم، وحتى في كرة القدم مفيش واحد مسيحي تلاقيه في المنتخب. هتلاقيه في المنتخب القومي لكرة القدم مثلا في بلاد زي مصر ولا المغرب وفي أي مكان.

[00:05:29]
تلاقي الإسلام هو المسيطر على كل الساحات. إنت عنصري في كل مرة بتدعي فيها أن المسلمين هم خير أمة أخرجت للناس. عنصري لما بتفتخر أن المسلمين كانوا سادة الأمم. عنصري لما بتحلم بعودة الأندلس. وعنصري في كل ركعة بتصليها. وأنت بتقول غير المغضوب عليهم ولا الضالين. وأنت بتقصد اليهود والمسيحيين.

[00:05:53]
عنصري لما بتقول المسيحيين أهل ذمة. والنبي وصانا بهم كأنهم عايشين تحت رحمتك. عنصري [00:06:00] لما بتقول يهودي حشاك. زي بتوع المغرب. مش كده يا بتوع المغرب. عنصري لما توافق أن مسلم يتجوز مسيحية لكن ترفض زواج مسلمة من مسيحي مينفعش لازم الولد ياخد ديانة أبوه.

[00:06:14]
عنصري لما تفرض على المسيحيين والملحدين واللي مبيصوموش أن هما يمتنعوا معاك عن الأكل والشرب في رمضان في الشارع. عنصرية دي ولا مش عنصرية.

[00:06:24]
عنصري لما بتصلت عليهم على بيوتهم ميكروفونات مساجدك وتسمعهم شتيمة القرءان لهم. لقد كفر الذين مش عارف ايه.

[00:06:33]
عنصري لما بتقول إنما المشركون نجس. عنصري لما بتقول هو أنت فاكرني هندي على أساس أن أنت أذكى من الهنود يعني اللي هم دلوقتي بارعين في مجالات في مجالات التكنولوجيا. عنصري لما بتشوف واحد أسمر وتقول بكار أو شوكولاتة أو لما بتقول عن مسيحي كفتس أو عظمة زرقاء. عنصري لما اللي تعرفه عن أهل النوبة هو مجرد صورة بواب عمارة أو عم عثمان أو عم إدريس اللي بيشتغل سفرجي في الأفلام الأبيض وأسود ويجي يقول السفرة جاهز يا ست هانم.كل كل حضارة أهل النوبة أن إختصرتها في أنهم خدامينك.

[00:07:10] حامد عبد الصمد:
عنصري لما بتقول جمهورية مصر العربية أو تقول أن مصر دولة إسلامية. أنت عندك نوبيين مش عرب وأقباط مش عرب ومش مسلمين وعندك أمازيغ مش عرب في بلدك في مصر كمان مش بس في المغرب. وعندك كوكتيل من الهويات إنت بتروح فارض عليهم بالجزمة كدا الإسلام والعروبة غير كده معندكش أنت هويات.

[00:07:34]
عنصري لما محدش من أهل النوبة بيتعلم لغته في المدارس ولا من الأمازيغ. عنصري لما بتكتب في دستورك أن الشريعة الإسلامية هي المصدر الرئيسي للتشريع. عنصري لما تفتكر أن الشيخ اللي عمال يقرأ قرءان كل اللي عمله في حياته أنه بيقرأ قرأن طول الوقت هيخش الجنة. في حين أن الدكتور مجدي يعقوب اللي أنقذ حياة المئات هيخش النار. والعالم [00:08:00] اللي اكتشف البنسلين ولا اخترع المصباح الكهربي ولا التكييف ولا السيارة ولا الطيارة ولا جهاز التنفس الاصطناعي ولا كل الأدوية أن كل هيخشوا النار عشان ما أسعفهمش الحظ أنهم يكونوا مسلمين زيك. دي عنصرية .

[00:08:16]
عنصريتك مصدرها فكرة امتلاك للحقيقة المطلقة، وأن أخلاقك هي أسمى أخلاق ورغبتك في تنقية هويتك من كل شيء غير إسلامي. فكرة النقاء المطلق للهوية كانت هي بداية الفاشية وكانت برضو سبب نهاية الفاشية ودمار شعوبها. لأن التنوع والاختلاف هم سنة الحياة. والعنصريين دائما بيدمروا البلد اللي كانوا بيحافظوا على نقائه. وكانوا بيخنقوا الهوية اللي بيحاولوا يحموها.

[00:08:46]
وهتلر وموسوليني هم أكبر دليل على هذا الشيء. وحتى اليابان التي كانت مفكرة أن العرق الياباني هو. أنقى العروق وهكذا.

[00:09:00]
فكلها ادعاءات كاذبة بتؤدي في النهاية مش بس أنك تدمر حياة شعوب وأقليات لا أنت بتخنق وطنك وبتحرمه من أن هو يكون وطن منفتح. تحرمه من كفائات الأقباط والنوبيين والأمازيغ والملحدين و اللادينيين اللي بيكون فيهم عباقرة.

[00:09:19] حامد عبد الصمد:
لكن أنت مبتسمحش بإمكانياتهم أنها تكون جزء من حضارتك عشان أنت شايف أن حضارتك نقية والمفروض الحاجات دي كلها نجسة. دي نجاسة في عقلك إنت وفي تفكيرك إنت تجاه ال..

[00:09:33]
لما بتقول على حد شاذ بتنسى أن إنت أكثر الشواذ. لأن شاذ في الفكر وشاذ في الإنسانية وشاذ في التعاطف، مبتتعاطفش غير مع أهلك، مبتتعاطفش غير مع المسلمين، تتعاطف مع المسلمين في بورما و اليوجور في الصين، لكن مبتتعاطفش مع جارك القبطي ولا جارك النوبي ولا جارك الأمازيغي لأسباب عروبية أو إسلامية. هزك أوي مشهد جورج فلويد تحت [00:10:00] ركبة الشرطي الأبيض. تعرف أن ده كان نفس إحساس كثير من الأقباط والنوبيين والأمازيغ والسريان والأشوريين والأرمن والنساء اللي مش محجبات اللي عايشين تحت رحمة الإسلام في بلدك.

[00:10:15]
حاسين أن ركبة الإسلام كابسة عليهم وحرماهم أنهم يتنفسوا بصورة طبيعية. هتقول لي يا عم عنصرية ايه ده احنا الإسلام ألغى الفوارق بين الألوان والأعراق وقال القرءان بيقول “يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنْثَىٰ وَجَعَلْنَاكُمْ شُعُوبًا وَقَبَائِلَ لِتَعَارَفُوا ۚ إِنَّ أَكْرَمَكُمْ عِنْدَ اللَّهِ أَتْقَاكُمْ” الحجرات 13. اه كلام بيتقال كده جميل وقت التطبيق مبقولهوش. وحتى وقت التفاسير. تعرف أن الأية دي حسب التفاسير الإسلامية متقصدش شعوب الأرض متقصدش قبائل الأرض هي تقصد الشعوب والقبائل تحت حكم الإسلام، إن المفروض ميكنش في مشاحنات بينهم عشان محمد مكنش عايز قلق. مكنش عايز نعرات طائفية تدمر مشروعه، فقال لك أن كان في قبيلة اسمها بياضة، والنبي كان عايز يجوز واحد من الموالي اللي هم كانوا عبيد أصلا يعني. لبنت من قبيلة بياضة فأهل القبيلة قالوا لا، ده يعني نسبه ميشرفناش، فنزلت الأية دي عشان توريهم ان ما ايه. تحت راية محمد مفيش أنساب فهو مش تكريم للأنساب وفيه تساوي. لأ أنه لازم يكون تحت راية محمد، لكن الأمازيغي اللي ميؤمنش بمحمد اذبح. الأسود اللي ميؤمنش بمحمد خذه عبد ودمره.

[00:11:40] حامد عبد الصمد:
اليهودية اللي متأمنش بمحمد خدها سبية ونام معاها في نفس الليلة اللي قتلت فيها أبوها وزوجها. هتقولي يا عم ده عندنا الناس سواسية كأسنان المشط. اه حديث ضعيف بتستخدموه لما تيجوا تتكلموا مع الغرب والعلمانيين أن الإسلام عنده التساوي. هتقول يا عم لا ده القرأن.  ده لا في حديث [00:12:00] صحيح بيقول لا فضل لأبيض لأعجمي على عربي لعربي على أعجمي، ولا لعجمي على عربي، ولا لأبيض على أسود، ولا لأسود على أبيض إلا بالتقوى. دا. وعشان كدا تعالي يا أمريكا. كده انت تبقي في التمام بقي. وتعالي يا أمريكا اتعلمي مننا دروس. كيف تحاربي العنصرية. تعالي ازاي تقتلوا جورج فلويد؟.

[00:12:31]
هأرد عليك بأية من القران وأية من الإنجيل. الاية اللي في القران بتقول “أَتَأْمُرُونَ النَّاسَ بِالْبِرِّ وَتَنسَوْنَ أَنفُسَكُمْ” البقرة 44. والاية اللي في الإنجيل بيقول فيها المسيح “لماذا ترى القشة في عين أخيك. لكنك لا تلاحظ الخشبة الكبيرة في عينك أن. وكيف يمكنك أن تقول لأخيك دعني أخرج القشة من عينك. وهناك خشبة كبيرة في عينك يا منافق. أخرج أولا الخشبة من عينك. وبعد ذلك سترى بوضوح لإخراج القشة من عين أخيك”متي 7.

[00:13:06]
يا منافق. بتقولوا مفيش عنصرية في الإسلام. لأنهم فاكرين العنصرية هي مجرد التمييز بين الأبيض والأسود. لكن تعريف بسيط للعنصرية هيخليك تشوف المشكلة فين بالضبط. العنصرية تنقسم لثلاث مراحل. عنصرية نظرية وعنصرية تطبيقية ونظرية التفوق العرقي أو الثقافي.

[00:13:33]
العنصرية النظرية. إنك تعتقد أن انتماء شخص لمجموعة أو عرق أو حتى لدين معين يجعل جميع أعضاء هذه المجموعة مشتركين في نفس الخصال والأفكار والأهداف المتدنية. يعني لما أحد في أوروبا يقول كل المسلمين إرهابيين دي عنصرية. لكن لما انت كمان تقول كل اليهود خونة برضو عنصرية.

[00:14:00] حامد عبد الصمد:
لما [00:14:00] تقول الغرب متأمر على الإسلام دي عنصرية لما تقول الهنود أغبياء. يبقي أنت كده عنصري. لما تقول النساء “ناقِصاتِ عقلٍ ودينٍ” حديث. عنصرية. لما تقول “ما أفْلِحَ قومٌ ولَّوْا أمرَهَمُ امرأَةً” حديث. تبقي دي عنصرية ضد بلاد زي ألمانيا أو زي نيوزيلاندا أو زي فنلندا. وزي أيسلندا قبل كدا. أو زي إنجلترا قبل كدة. النساء كانوا ساسة أفضل من الرجال. عنصرية دي ولا مش عنصرية؟ يا متعلم يا بتاع المدارس. الجزء الثاني من العنصرية بعد العنصرية النظرية. يعني بيترتب عليها أشياء بقي ميبقاش مجرد كلام أو نظرتك للعالم تصورك للأعراق والأجناس. لكن ده بيطبق عليه أعمال أنك تبتدي بقي ايه. تفرق بين المجموعات والأديان في بلدك اجتماعيا وقانونيا وسياسيا. تفرق بينهم في المعاملة حسب اللون والعرق و الدين. كنت انت دائما تستخدم مثالين أنه أمريكا حتى الستينات عنصرية، تفرقة عنصرية. السود ميركبوش الأتوبيسات بتاعة البيض ومش عارف ايه. وجنوب أفريقيا لحد. نلسون مانديلا ما طلع من السجن سنة ألف وتسعمائة وتسعة وثمانين. بتتفرج على دول وتقول ياه دول عالم دول صعبين أوي، عنصريين أوي، بس إنت بتمارس نفس العنصرية في قوانينك أنه قانون بناء المسجد يختلف عن قانون بناء الكنيسة. عشان تبني مسجد مفيش أي مشكلة تروح مقدم طلب وبتأخذ ماء وكهرباء ببلاش التاني عشان يبني كنيسة. ينهار أسود بقي أمن الدولة وبتاع ولأ وكذا وممنوع تعمل كذا وممنوع تعمل كذا وممنوع برج وممنوع ترمم. من أيام العهدة العمرية. فاكر لما كانوا بيحطوا على اليهود و المسيحيين علامات زي النازيين عشان تشوفهم في الشارع. إن اليهودي والمسيحي. لازم ممنوع [00:16:00] عليهم يقصوا الشعر يعملوا قصة من النص. لازم يلبس زينار عشان تعرفه في الشارع. ممنوع يركب حمار وواحد مسلم معدي. ممنوع بيته يبقي أعلى من بيت المسلم.

[00:16:11] حامد عبد الصمد:
الحاجات دي لحد انهاردة بتتطبق بأشكال أخرى ضد الأولاد الأقباط في المدارس. في الجيش وفي الشرطة.

[00:16:22]
تعرف واحد شرطي كذا مدير أمن مسيحي. لما جم يعينوا محافظ عندنا في المنيا مسيحي شوفت الدنيا اتقلبت ازاي. ولا في دمياط. لا بس جورج فلويد أنتوا يا أمريكان. يا منافق. لما البهائي عايز يكتب في في شهادة ميلاده أو في بطاقته الشخصية بهائي إنت بتحرمه. الراجل دينه غير دينك انت فارض عليه إكتب مسلم. وفي النهاية لو عايز أكتب شرطة يعني إنت لا شيء بالنسبة لي.

[00:16:57]
عنصرية دي ولا مش عنصرية؟ مجرد ان واحد مسيحي أو واحدة مسيحية لابسين صليب ونازلين بهم الشارع. أنا شوفت بعيني في المدرسة اللي كنت فيها وأنا طفل. ولد شدوا الصليب من من رقبته أطفال. جايبين الكلام دا منين الأطفال مهو سامعينه عند أهاليهم. دول كوفتس دول بيشربوا دم في الكنيسة. دول بيدقوا الصليب في الأكل. دول رائحتهم وحشة. شدوا الصليب من الولد وأجبروه أنه يشهد أن لا إله إلا الله وأن محمدا رسول الله.

[00:17:28]
عنصرية دي مش عنصرية؟. كل واحد شاف الحاجات دي حواليه بس يتغاضى عنها. ليه عايز يدافع عن نبيه وقرأنه.

[00:17:36]
يا عم انت نبيك وقرأنك أهم من تعايشك وحريتك انهاردة وتعاملك مع الناس اللي جيرانك. ده بقي بعد العنصرية. عندك أنت عندك واحدة ست انهاردة تعرف تبقي قاضية. دينك بيحرم. اللي مسلمة أنها تبقي قاضية. شرعا لا [00:18:00] تجوز إمامة المرأة. بس انت تروح تفتخر لما مسلمة تبقي قاضية في انجلترا. الله أكبر مش عارف ايه . انتصار لإسلام. يا عم انت إسلامك عنصري في بلدك وفرحان أن الغرب بكفره وإلحاده سمح لمسلمة أنها قاضية عشان مبيفرقش بين الديانات. بس الغرب هو اللي عنصري وابن ستين في سبعين يا منافق.

[00:18:27]
ده بيترتب عليه بعد كده بقي أنه. لما انت تفرق بين الأجناس. الجزء الأخطر بقي من العنصرية هي نظرية التفوق العرقي والثقافي زي النازيين والفاشيين كده. لما كان يقول لك ايه. العرق الأري هو أرقى الأجناس ودون ذلك دول تحت المراتب يعني لذلك لازم العرق الأري هو يسود الأمم.

[00:18:53]
نفس نظرية سيادة العالم بتاعت الإسلام يعني . زي ما حضرتك بتقول “كُنْتُمْ خَيْرَ أُمَّةٍ أُخْرِجَتْ لِلنَّاسِ” آل عمران 110. وإن محمد هو سيد خلق الله أجمعين. إدعاء كبير بدون أي دليل. طب ما ده عنصري . لما تجي تقتبس أحاديث وايات ضد العنصرية اقتبس الأيات التانية والأحاديث التانية برضو عشان تعرف. ما هو مشكلة الإسلام أن هو إسلام Mix. كل حاجة والعكس. كل حاجة وعكسها هتلاقيها في الإسلام. هتلاقي ايات بتمدح في اليهود وايات بتلعنهم، ايات بتمدح في المسيحيين وتقول أن هم أقربهم مودة للذين امنوا وايات تانية بتقول لك تقتلهم لحد ما يدفعوا الجزية عن يد وهم صاغرون. كل حاجة وعكسها ايات تسامح وايات عنف.

[00:19:42]
اسمع بقي كنتم خير أمة أخرجت للناس. شوف بقي البخاري ومحمد بيفسرلك الأية دي ازاي. كنتم خير أمة أخرجت للناس. احنا بنتكلم عن صحيح البخاري اهو. حدثنا محمد بن يوسف، عن سفيان، عن ميسرة، عن أبي حازم، عن أبي هريرة رضي [00:20:00] الله عنه. كنتم خير أمة أخرجت للناس قال خير الناس للناس تأتون بهم في السلاسل في أعناقهم حتى يدخلوا الإسلام. حتى يدخلوا في الإسلام. أدي ياسيدي كنتم خير..

[00:20:13]
إنك تشد الناس من السلاسل عشان تجبرهم على دينك. قمة الرحمة دي ولا قمة العنصرية. إنك تجر ناس في سلاسل عشان يعتنقوا دينك بالعنف.

[00:20:27]
جعل رزقي تحت ظل رمحي. أمرت أن أقاتل الناس حتى يشهدوا أن لا إله إلا الله وأن محمد رسول الله. مش دي أحاديث صحيحة؟.

[00:20:37]
نظرة الإسلام للأخر. على كل بعد نظرة الإسلام للمشرك لليهودي للمسيحي للمرأة. شوف الأول بقي تعالي نطبق النظرية اللي احنا كنا بنقولها النظرية. العنصرية النظرية، العنصرية التطبيقية، ونظرية التفوق. لأن كلهم موجودين في الإسلام.

[00:20:58] حامد عبد الصمد:
إنما المشركون نجس. يعني ايه نجس. مثله مثل كمثل الكلب. أن تتركه يلهث وأن تحمل عليه يلهث أو أن تحمل عليه يلهث وان تتركه يلهث. بيقول عليك نجس بيقول عليك كلب. بيقول على اليهود قردة وخنازير. الاية.

[00:21:19]
 “قُلْ هَلْ أُنَبِّئُكُمْ بِشَرٍّ مِنْ ذَلِكَ مَثُوبَةً عِنْدَ اللَّهِ مَنْ لَعَنَهُ اللَّهُ وَغَضِبَ عَلَيْهِ وَجَعَلَ مِنْهُمُ الْقِرَدَةَ وَالْخَنَازِيرَ وَعَبَدَ الطَّاغُوتَ أُولَئِكَ شَرٌّ مَكَانًا وَأَضَلُّ عَنْ سَوَاءِ السَّبِيلِ” سورة المائدة 60.

[00:21:35]
لحد انهاردة أنتوا بتقولوا على اليهود أحفاد القردة والخنازير. لما انت بقي بتقول المشرك نجس واليهودي من نسل القردة والخنازير. أو ربنا حولهم قردة وخنازير. والمسيحي ريحته وحشة. إنت بتقرف الناس. القرف هو نفس الوسيلة اللي كان هتلر بيستخدمها عشان يمحي اليهود من على وش الأرض. كان بيقول عليهم [00:22:00] فئران وحشرات.

[00:22:02]
يعني إنت لما بتثير الكراهية ضد حد بيبقي عايز يتجنبك. عايز تتجنب هذا الشخص اللي بتكرهه. لكن لما بتثير القرف ضد شخص إنت بتكون عايز تمحيه . تقضي عليه. دي قمة العنصرية أنك تقرف الناس من إنسان وتحطه “إِنَّ شَرَّ الدَّوَابِّ عِندَ اللَّهِ الصُّمُّ الْبُكْمُ الَّذِينَ لَا يَعْقِلُونَ” الانفال 22 . أسوأ الدواب هم. والأية دي نازلة في اليهود. دواب حيوانات  “إِنْ هُمْ إِلَّا كَالْأَنْعَامِ بَلْ هُمْ أَضَلُّ سَبِيلًا” الفرقان 44 . الاحتقار ده مش عنصرية. لما ميكروفوناتك متسلطة على بيوت المسيحيين اللي هم كانوا عايشين في مصر قبل ما يجي العرب.

[00:22:44]
لَّقَدْ كَفَرَ ٱلَّذِينَ قَالُوٓاْ إِنَّ ٱللَّهَ ثَالِثُ ثَلَٰثَةٍۢ” المائدة 73.

[00:22:47]
لَقَدْ كَفَرَ الَّذِينَ قَالُوا إِنَّ اللَّهَ هُوَ الْمَسِيحُ ابْنُ مَرْيَمَ” المائدة 72.

[00:22:48]
مش عارف. “قُلْ هُوَ اللَّهُ أَحَدٌ” الاخلاص .

[00:22:50]
كل بتضرب كل . “وَمَا قَتَلُوهُ وَمَا صَلَبُوهُ” النساء 157.

[00:22:53]
بتضرب كل دعائم عقيدتهم. وبعدين تقول لا. دول. ده أهل ذمة تحت. طب ما أهل ذمة. دي برضو عنصرية. تحت جناحك.

[00:23:05] حامد عبد الصمد:
نظريا لما بتتكلم عن النساء وتقول “نِسَاؤُكُمْ حَرْثٌ لَّكُمْ فَأْتُوا حَرْثَكُمْ أَنَّىٰ شِئْتُمْ ” البقرة 223

[00:23:11]
يعني الست تسلم نفسها لجوزها في أي وقت وفي أي ظروف وفي أي مكان. النساء(الرجال) قوامون على النساء، كل ده عنصرية نظرية. بتيجي تطبق على أرض الواقع بصور مفجعة. يعني عندك مثلا للمرأة نبدأ بالمرأة لأن شهادتها في المحكمة نصف شهادة في المحكمة نصف الشهادة. لها نصف الميراث، يجوز أنك تضربها “وَاللَّاتِي تَخَافُونَ نُشُوزَهُنَّ فَعِظُوهُنَّ وَاهْجُرُوهُنَّ فِي الْمَضَاجِعِ وَاضْرِبُوهُنَّ” سورة النساء 34.

[00:23:45]
يجوز شراؤهن وبيعهن وسبيهن وممارسة الجنس معهن “وَالَّذِينَ هُمْ لِفُرُوجِهِمْ حَافِظُونَ (٥) إِلا عَلَى أَزْوَاجِهِمْ أوْ مَا مَلَكَتْ أَيْمَانُهُمْ فَإِنَّهُمْ غَيْرُ مَلُومِينَ” سورة المؤمنون 5.

[00:23:59]
يعني [00:24:00] إيه؟ يعني الراجل لازم يحفظ فرجه إلا على زوجته والجارية التي اشتراها أو سباها في الحرب هتقول لا معندناش الكلام ده ومش..

[00:24:10]
ده ربنا نفسه يا أخي نزل سورة في القرءان عشان يقر أنك تنام مع جاريتك. تعرف في سورة التحريم “يَا أَيُّهَا النَّبِيُّ لِمَ تُحَرِّمُ مَا أَحَلَّ اللَّهُ لَكَ تَبْتَغِي مَرْضَاتَ أَزْوَاجِكَ وَاللَّهُ غَفُورٌ رَّحِيمٌ” التحريم 1.

[00:24:26]
تعرف الأية دي. سورة كاملة نازلة ليه تفسير علماء المسلمين والمفسرين بيقول لك ايه في الأية دي؟ النبي ضبطوه مع مارية اللي هي جاريته. جارية مبعوته له هدية. فظبطوه وهو بينام معها في فراش حفصة اللي هي زوجته الثانية اللي هي زوجته الشرعية، فالنساء جايين بتاع النبي أو جزء منهم عرفوا الموضوع وعايزين يفضحوا الدنيا وبتاع. قالهم متقولوش. وأقسم أنه مش هيقرب من مارية تاني. وكانت النتيجة. إن ربنا لا إزاي. ربنا كده. ربنا في أخر كتاب هينزله للبشرية مهتم أوي النبي بينام مع مين وازاي منامش مع جاريته. ده جاي يوبخ النبي ويقول له لما تحرم ما أحل الله لك. إذا أحل الله الرق والاستعباد والنوم وطء الجارية. إذا في قاعدة فقهية تقول لك أنت لا تستطيع أن تحل ما حرم الله، ربنا قال الخمر حرام متقدرش تطلع تشريع تقول الخمر حلال، بس في نفس التشريع يقولك اللي هو تستطيع أن تحرم ما أحل الله، ربنا قال لك أحل لكم. لما تحرم ما أحل الله لك. إذن وطء الجارية حلال.

[00:25:43]
يعني لحد الأن شرعيا العبودية حلال و وطء الجارية حلال. وربنا مهتم بالموضوع ده. شوف بقي العنصرية ضد المرأة وصلت لحد فين.

[00:25:53]
لكن المرأة عندك طبعا. هي بس كده إيه فاطمة وعائشة وبتاع والكلام ده كله. [00:26:00] تعالي شوف بقي التطبيق على. على المشركين. بيبقى ازاي. شوف يعني إنت بالأول بتقول نجس وبتكرههم وتقول عليهم كفرة وبتاع.

[00:26:18]
فيترتب على ده عنصرية تطبيقية ” فَاقْتُلُوا الْمُشْرِكِينَ حَيْثُ وَجَدْتُمُوهُمْ وَخُذُوهُمْ وَاحْصُرُوهُمْ” التوبة 5.

[00:26:33]
خدوهم واحصرهم زي جورج فلويد بالظبط.”وَاقْعُدُوا لَهُمْ كُلَّ مَرْصَدٍ فَإِنْ تَابُوا وَأَقَامُوا الصَّلاةَ وَآتَوُا الزَّكَاةَ فَخَلُّوا سَبِيلَهُمْ” التوبة 5.

[00:26:44]
الشرط الوحيد أنك تبطل تقتلهم. وإنك إنهم يكونوا يأسلموا. أنهم يعني ايه. تابوا وأقاموا الصلاة وأتوا الزكاة و دفعوا الزكاة كمان. لازم الزكاة. العنصرية النظرية ضد أهل الكتاب بقي و شتيمتهم بتترتب عليها فين في العنصرية التطبيقية. “قَاتِلُوا الَّذِينَ لَا يُؤْمِنُونَ بِاللَّهِ وَلَا بِالْيَوْمِ الْآخِرِ وَلَا يُحَرِّمُونَ مَا حَرَّمَ اللَّهُ وَرَسُولُهُ وَلَا يَدِينُونَ دِينَ الْحَقِّ مِنَ الَّذِينَ أُوتُوا الْكِتَابَ حَتَّىٰ يُعْطُوا الْجِزْيَةَ عَن يَدٍ وَهُمْ صَاغِرُونَ” التوبة 29.

[00:27:20]
حطوا خمس مئة خط تحت كلمة “صَاغِرُونَ” يعني قاتل اليهودي والمسيحي لحد ما يدفع الجزية. وهو صاغر، وده كان عمل فقه أهل الذمة والعهدة العمرية. اللي قلت لك عليها كانت قائمة على الفكرة دي أنه ده تحت جزمتك. لازم كده. يعني حتى يقول لك الخلفاء كانوا لما يجوا يدفعوا لهم. أو الولاه لما كان يجوا المسيحيين واليهود يدفعولهم الجزية الجزية كانوا يبقوا هم في مكان عالي، فلازم يكون اللي تحته كده ايه. يعني صاغر.

[00:27:58] حامد عبد الصمد:
العنصرية ضد [00:28:00] المشركين واللي مش مؤمنين بالإسلام وصلت لحد إن خلى قتل المشركين شفاء لصدور المؤمنين. “قَاتِلُوهُمْ يُعَذِّبْهُمُ اللَّهُ بِأَيْدِيكُمْ وَيُخْزِهِمْ وَيَنْصُرْكُمْ عَلَيْهِمْ وَيَشْفِ صُدُورَ قَوْمٍ مُؤْمِنِينَ” التوبة 14.

[00:28:16]
القتل يشفي صدور مين غير العنصريين غير المشوهين إنسانيا في قتل بيشفي صدر إنسان. يعني إيه طبيعة هذا الإنسان؟ عشان في النهاية القتل. يشفي صدره. اه بس الحمد لله احنا بنحقر اليهود والمسيحيين والمشركين. بس إحنا عملنا كل حاجة في العنصرية إلا ان احنا. يعني عندنا عنصرية ضد السود أبيض وأسود معندناش. والأحاديث قلناها. لا فضل لعربي على أعجمي ولا لأعجمي على عربي ولا لأبيض على أسود، ولا أسود على أبيض إلا بالتقوى. صحيح البخاري

[00:28:16]
حاجة جميلة جدا. طيب مهو أنت عندك مكس هتلاقيه جايب لك أيات قرأن حتى. بتقلل من شأن السود  “يَوْمَ تَبْيَضُّ وُجُوهٌ وَتَسْوَدُّ وُجُوهٌ فَأَمَّا الَّذِينَ اسْوَدَّتْ وُجُوهُهُمْ أَكَفَرْتُمْ بَعْدَ إِيمَانِكُمْ فَذُوقُوا الْعَذَابَ بِمَا كُنْتُمْ تَكْفُرُونَ” آل عمران 106.

[00:29:30]
الوجوه البيضاء. دي بتاعة الجنة والوجوه السوداء. دول الكافرين المجرمين اللي حيذوقوا العذاب. “وُجُوهٌ يَوْمَئِذٍ نَاضِرَةٌ إِلَى رَبِّهَا نَاظِرَةٌ ” القيامة 22. والتانية “وَوُجُوهٌ يَوْمَئِذٍ بَاسِرَةٌ” القيامة 24.

[00:29:48]
أية تانية سورة الزمر “وَيَوْمَ الْقِيَامَةِ تَرَى الَّذِينَ كَذَبُوا عَلَى اللَّهِ وُجُوهُهُم مُّسْوَدَّةٌ” الزمر 60. إذا الأسود كافر. الأسود كاذب. والتحويل [00:30:00] إلى اللون الأسود هو عقاب من الله. عشان كده لحد انهاردة في الثقافة العربية، يقول لك سود الله وجهك يا رجل أو أنت. انا عايزك تبيض وشي قدام أهلي، البت سودت سودت وش أهلها لو جابت لهم العار. موجود في القرءان، “وَإِذَا بُشِّرَ أَحَدُهُمْ بِالأنْثَى ظَلَّ وَجْهُهُ مُسْوَدًّا وَهُوَ كَظِيمٌ يَتَوَارَىٰ مِنَ الْقَوْمِ مِن سُوءِ مَا بُشِّرَ بِهِ” النحل 58.

[00:30:28]
إذا السود دليل على مصيبة.

[00:30:31] حامد عبد الصمد:
فين بقي أن مفيش مفيش عنصرية. طب شوف الأية دي من القرءان بقي. سورة النحل 75 “ضَرَبَ اللَّهُ مَثَلًا عَبْدًا مَمْلُوكًا لَا يَقْدِرُ عَلَى شَيْءٍ وَمَنْ رَزَقْنَاهُ مِنَّا رِزْقًا حَسَنًا فَهُوَ يُنفِقُ مِنْهُ سِرًّا وَجَهْرًا هَلْ يَسْتَوُونَ”.

[00:30:55]
ده ربنا بيسأل؟ واحد عبد منيل علي عينه ميقدرش يعمل حاجة مملوك و واحد ثاني حر. أعطيناه كل حاجة ورزقناه هتيجي تقول ده زي ده. ده ربنا نفسه عنصرية خليتوه في القرأن.

[00:31:16]
“كُتِبَ عَلَيْكُمُ الْقِصَاصُ فِي الْقَتْلَى الْحُرُّ بِالْحُرِّ وَالْعَبْدُ بِالْعَبْدِ” البقرة 178.

[00:31:20]
يعني ايه؟ فضلوا بقي يلفوا لك في التفاسير يعني ايه الحر بالحر والعبد بالعبد عشان يتفادى حكاية أن لو عبد. أن لو حر قتل عبد ما يقتلش فيه. عنصرية في القضاء. هيلاقوا لها تفاسير عارف هتبص تلاقي واحد دلوقتي يقولك الرد على حامد عبد الصمد.

[00:31:40]
لا المقصود بالحر بالحر هنا أنهم كانوا عند الثأر إذا قتل منهم عبدا فيقولون سنتقتل حر. انتوا بتستهبلوا الأية واضحة كتب عليكم ك ت ب قانون. كتب عليكم القصاص في القتلى الحر بالحر والعبد بالعبد [00:32:00] والأنثى بالأنثى. انت بتشرع عندك تمييز عنصري في القضاء.

[00:32:09]
لا بتساوى الحر بالعبد لا بتساوى الذكر بالأنثى، لا بتساوي المسلم بالذمي ولا باللي هو مش مسلم خالص.يبقي أنت عندك عنصرية قضائية.

[00:32:20]
إنك إنت لما في تشريعك بتقر أن الحرة تلبس حجاب والجارية لا تلبس الحجاب. مهي دي عنصرية.

[00:32:29]
انت في حديث صحيح لمحمد بيقول فيه في شرح النووي على مسلم “أيما عبد أبق من مواليه فقد كفر كفر حتى يرجع إليهم” أيما عبد أبق من مواليه فقد كفر حتى يرجع إليهم. يعني لو عبد هرب من سيده. يبقى كافر عند ربنا، يعني سبارتاكوس اللي احنا انهاردة عملنا له فيلم وبنحتفي به أنه محرر العبيد.

[00:33:02] حامد عبد الصمد:
وبقي شخصية تاريخية مرموقة. لا ده كده كافر. لازم يرجع لسادته. لأن الإسلام دين جاء ليرسخ للرق مش ( ليحرر).

[00:33:13]
الخدعة اللي بيقولك ده الإسلام جه ايه. يمهد لي مش عارف ايه حاجيلك بعدين في موضوع الرق جاء يمهد دي. العبد الأبق. كافر لحد ما يرجع لسادته. ولا تقبل منه صلاة. وبرأت منه الذمة.

[00:33:33]
طيب هيقول لك يا عم ده احنا في الإسلام سيدنا عمر بن الخطاب بعت عبادة بن الصامت وكان عبادة بن الصامت أسود ودخل على المقوقس و المقوقس خاف منه عشان أسود وقاله احنا معندناش فرق. طبعا القصص دي بقي اللي هي ملفقة عشان يقول لك ايه. شوف الحرية شوف احنا عندنا واحد قدمناه علينا وهو أسود عشان احنا فرق. المقوقس [00:34:00] خاف منه على أساس أن واحد في مصر عمره ما شاف ناس الأسود يا ابني ده احنا عندنا أهل النوبة أطيب وأجدع ناس في مصر. وكانوا جزء دائما من جيوش مصر. إن أن حاكم مصر فوجئ أن في سود جايين. بتستهبلوا يبني. احنا دولة أفريقية. بس حواديت بقي عشان يوري لك عظمة الإسلام انه كرم العبد وخلاه هو اللي عنده قيمة اه في الإسلام. مفيش مشكلة أن العبد يبقى والي أو يبقى عامل على منطقة ما، يعني مفيش مشكلة، بس ده عشان محمد هو اللي قرر، وفي حديث بيستخدموه الناس على أساس أن محمد يعني إيه. ساوى بين العبيد والأحرار وبين الأسود والأبيض. قال لك محمد في صحيح البخاري في كتاب الإمامة والجماعة قال لك اسمعوا وأطيعوا وإن استعمل عليكم عبد حبشي كأن رأسه زبيبة. شوف قمة العنصرية وهو بيتكلم. يعني بيقول لهم ايه. طب ما تقول وإن استعمل عليكم حبشي وخلاص. حتى كلمة وإن وإن أنه حتى لو حبشي وبعدين لازم يجملها بالجملة العنصرية. كأن رأسه زبيبة راسه عاملة زي الزبيبة.

[00:35:18] حامد عبد الصمد:
بالذمة ده إنسان بيساوي بين البشر. هنا مبيكرمش الأسود. ده هو هذا ليس تكريم للأسود. تكريم لأوامر الرسول واعترافا منه أن السواد حجة أنك لا توليه الولاية. بس عشان انا قلت وأنا محمد. ما أتاكم الرسول فخذوه. هي دي لب القصة.

[00:35:40]
محمد له نبوءة مين اللي هيجي يهدم الكعبة في مسند أحمد بيقول “كأني أنظر إليه اللي هيجي يهد الكعبة كأني أنظر إليه أسود أفحش ينقضها حجرا حجرا”. المجرم أسود. في التراث الإسلامي قصة [00:36:00] قتل الحمزة الوحشي اللي هو العبد الأسود اللي قتل حمزة وذهب وأكل مش عارف مين هند بنت عتبة من كبده. لازم يكون واحد اسود عمل مصيبة.

[00:36:13]
في حديث ثاني إسناده حسن في مجمع الزوائد الهيثمي كان من أصحاب رسول الله رجل اسمه أسود فسماه الرسول أبيض. إن اسم كلمة أسود دي لا ده تشاؤم ده وحش. بس الإسلام طبعا مفرقش بين الأبيض والأسود.

[00:36:32]
خذ عندك أحاديث بالهبل بقي في البخاري وسنن ابن ماجه وسنن أبي داود كلها بتتكلم عن وجه الرسول الأبيض وتفتخر بتحت إبطه الأبيض، وحتى بياض ذراعيه وفخذيه وبطنه. كله وصف لك أنه مهم أوي أن الرسول كان أبيض مش عارف يعني كانوا دائما عندهم النقطة دي. وده ترتب عليه أن في كتاب الشفا أو الشفا في تعريف حقوق المصطفى للقاضي عياض كتاب من أهم كتب أهل السنة الشفا في تعريف حقوق المصطفى للقاضي عياض بيقول ايه بقي .

[00:37:10]
في حكم شرعي يقتل من يدعي أن الرسول كان أسود اللون. اللي يقول أن النبي كان أسود يتقتل يبقى السود دي جريمة كبيرة. انتوا نسيتوا ان محمد كان يفضل الشقراوات كسبايا حرب، وكان بيشجع أصحابه، يقول لهم أغزو تبوك تغنموا بنات الأصفر يعني البنات الشقراوات.

[00:37:34] حامد عبد الصمد:
أه يا عم بس ده النبي كان بيقول أمة سوداء ذات دين خير من امرأة حسناء لا دين لها. طب اقرأ الحديث تاني كده تحفة العروس للتيجاني. أمة سوداء ذات دين. خير من امرأة حسناء لا دين لها. يعني الأمة سوداء. لا يمكن تكون حسناء يا عم ده في ملكات جمال عالم دلوقتي سوداء عادي يعني.

[00:37:58]
الجمال نسبي. [00:38:00] انت بس عشان عنصري فأنت رابط الجمال بالبيض. محمد كده بيقول لهم ليه أغزو تبوك تغنموا بنات الأصفر. عشان بيحبوا البيض. لكن تقول لي أمة سوداء ذات دين خير من امرأة حسناء لا دين لها. يعني الأمرأة الأمة السوداء هي عكس المرأة الحسناء حتى مقالش بيضاء. فأنت كده بتستهبل.

[00:38:25]
خذ الحديث ده عن سعيد بن المسيب عن أبي هريرة قال قال رسول الله ولد لنوح ثلاثة عنده أولاد. سام وحام ويافث، فولد سام العرب وفارس والروم، والخير فيهم. خلي بالك من العنصرية بقي، وولد وولد يافث يأجوج ومأجوج والترك والصقالبة ولا خير فيهم، وولد حام القبط والبربر ولا خير فيهم. تاريخ تاريخ دمشق لابن عساكر موجود الكلام ده.

[00:38:55]
هتقول  لا النبي مقالش وفي سند ومش عارف ايه. ده موجود في كتب أهل السنة. أنتوا سايبين الأحاديث دي هناك ليه.

[00:39:04]
أنه قسم الناس. دي قمة العنصرية أنك تقسم الناس لأعراق وتقول فيهم الخير ودول مفيهومش الخير . بس ده متناسق مع كل اللي قلناه قبل كده. حتى لو انت جيت وقلت لا اسند ومش السند والحاجات دي كلها.

[00:39:18]
حتى الأمازيغ هتلاقي أحاديث موجودة برضو. مش هقول لك أن دي أحاديث هي الصحيحة وهي موجودة بس موجودة في كتب أهل السنة متشالتش. لأن معترفين بالعنصرية اللي فيها.

[00:39:30]
عن أنس بن مالك قال أتيت رسول الله ومعي ضيف بربري فقال النبي إن قوم هذا أتاهم نبي قبلي فذبحوه وطبخوه فأكلوا لحمه وشربوا مرقة. خلى الأمازيغ. يبقوا قوم متوحشين بيأكلوا الناس وبيحطوهم وبتاع وبيشربوا مرقهم.

[00:39:57]
حديث ثاني جلس إلى النبي [00:40:00] رجل فقال له رسول الله من أين أنت؟ قال بربري. فقال له رسول الله قم عني. فلما قام عنه أقبل علينا رسول الله فقال إن الإيمان لا يجاوز حناجرهم. وصف كل الأمازيغ بأنهم منافقين.

[00:40:20]
في حديث ثاني وعندك مسند أحمد حاجات يعني من داخل أهم الكتب السنة. من أخرج صدقة فلم يجد إلا بربريا فليردها. لو أنت عايز تطلع صدقة ملاقتش غير واحد أمازيغي غلبان متدهلاوش. أنا مبقولكش أن ده. أن محمد قالها يعني أنا هقول لك بصراحة عندك الحديث اللي هو قلته قبل كده اللي هو بيقول. الرجل بيسأل الرجل بيقول له من أين أنت؟ قال بربري. لا مستحيل واحد أمازيغي يقول عن نفسه أنه بربري. دي وصمة وصمها بها العرب للأمازيغ. إن الكلمة معناها الهمج. فا محدش هيقول على نفسه انه همجي. بس دي موجودة في أهم كتب أهل السنة. مش هكلمك بقي عن كتب أهل الشيعة وازي أهل السنة عنصريين ضد الشيعة و الشيعة عنصريين ضد السنة والشيعة عندهم أحاديث تشيب وتوقف لك شعر راسك ضد السنة والأكراد وضد الزنوج، وأن الزنوج قوم مشوهين وأن انتوا متتزوجوش منهم وهكذا وهكذا وهكذا.

[00:41:27]
القصة بقي مش أن ايه اللي مكتوب في القرءان ولا هل النبي فعلا قال الكلام ده؟ ولا هل الأحاديث دي صحيحة ولا ضعيفة؟ مش ده.

[00:41:36]
دي ان الكتب دي موجودة. طب ما أنت عندك كتاب زيمثلا الذي اللي هو بروتوكولات حكماء صهيون مثلا.

[00:41:47]
ده كتاب مؤلف. عمر اليهود ما قالوا الكلام ده ولا كتبوا البروتوكولات دي. قيصر روسيا كتبه علشان. لكن الكتاب ده تسبب في قتل الكثير من اليهود في روسيا وفي [00:42:00] ألمانيا، وعندنا بيباع على الأرصفة واحنا مصدقين أن اليهود عاملين البروتوكولات أن هم يقتلوا الأمم وأنهم يسرقوا أموالهم، و مش عارف ايه.

[00:42:09]
فالقصة مش حكاية اتقال ولا متقالش . ولا اصلي ولا مش اصلي  ولا الاية تفسيرها ايه ولا مش تفسيرها ايه.

[00:42:16] حامد عبد الصمد:
النتيجة أن المسلمين بسبب الأيات التي بتحقر الزنوج والعبيد والأمازيغ والأكراد والأحاديث اللي بتعمل كل ده .

[00:42:27]
أن المسلمين هم أكثر أمة استعبدت بشر في التاريخ. في كتاب أنا كنت ذكرته في حلقة قبل كده في “صندوق الإسلام” اسمه تاريخ العبودية في العالم للبروفيسور “اجون فلاج” هو رصد تاريخ العبودية في العالم. وقال إن الخلافة الإسلامية استعبدت أكثر مما استعبدت البشرية كلها في التاريخ منذ الفراعنة لحد انهاردة.

[00:42:55]
وقالك من أفريقيا فقط. استعبدوا سبعة عشر مليون أفريقي في الوقت اللي كان كل قارة أفريقيا مكنتش تعدي الثمانين تسعين مليون نسمة يعني حوالي ربع قارة أفريقيا استعبدها العرب. ده بقي غير الصقالبة والأمازيغ والقوت والبلقان. أن محدش أستعبد في تاريخ البشرية قدنا. بس نعاير أمريكا. بمائتين ألف عبد شارينهم مننا أصلا من العرب من أفريقيا راحوا بعد كده وتكاثروا وبقوا دلوقتي بقي منهم رئيس أمريكا وبقى منهم ناس كتير وفي عنصرية في أمريكا مفيش شك.

[00:43:30]
بس شوفت الفرق بقي أن عنصرية أمريكا بتكون حالات فردية، بتكون حالات غير موجودة في القانون غير موجودة في التشريع، لكن أنت عنصريته مترسخة. فا زي ما قلت لك القضية مش أن وجود العنصرية في نصوص قديمة ولا في تاريخ دولة الخلافة، ولكن انها لسه مازالت في دساتيرك لحد انهاردة.

[00:43:55]
 ما زالت تسيطر على قانون بناء الكنائس والمعابد. وعلاقتك مع البهائيين. [00:44:00] ومع علاقتك مع الشيعة. وعلاقتك مع الملحدين. و اللادينيين. مع علاقتك مع البنت اللي مش محجبة. ما زالت تسيطر على قوانين الزواج والطلاق والميراث والشهادة في المحاكم. ده مش تاريخ عنصري ده حاضر عنصري.

[00:44:19]
لازلت تسيطر على نظرتنا للغرب وللمرأة ولليهود وللنوبيين والأمازيغ والأكراد والسريان والأقباط والدروز والعلويين. كل علاقتنا مع الناس دول علاقة عنصرية. كل دول تحت ركبتنا تحت ركبة شريعتك طول التاريخ ده كله. وزعلان انت على جورج فلويد. وما زالت تؤدي لانتهاك حقوق الإنسان وحقوق الأقليات وتؤدي العنف والإرهاب لحد انهاردة.

[00:44:52] حامد عبد الصمد:
العنصرية منبوذة في كل الثقافات إلا في ثقافتك أنت، فهي لا تزال مصدر فخر وتبجيل وعزة وكرامة وكنا سادة الأمم ومش عارف ايه. التعليم بتاعنا مازال ملوث بهذه العنصرية في العالم كله. التعليم والإيمان والفن. الحاجات دي تكون وسائل للارتقاء بالإنسان وأخلاقه. لكن احنا الأمة الوحيدة اللي تعليمها وإيمانها بينتج تنمر وكراهية وعنف وإرهاب. عشان كده لازم تواجه نفسك بعنصريتك. وبعد ده كله جاي تعاير أمريكا بعنصريتها وتاريخها مع العبودية. معلش أنت ممكن تكون استفزيت من الكلام ده.

[00:45:37]
بس فكر فيه كده. خذ نفس وفكر كأنك مش مسلم.

[00:45:43]
إقرأ بس الأيات اللي قلتها والتطبيق وحدد أولوياتك. التعايش الحرية. إحترام الأخر وإلا أنك تقدس نصوص مهما كان الثمن. كل العالم شايفين العنصرية اللي فيها إلا أنت شايفها أنها أفضل ما جاءت للبشرية. [00:46:00] وعموما لو انت معترض على كلامي اكتب تعليقك على صفحتي على اليوتيوب. وأنا هعمل حلقة ثانية أعلق على التعليقات وعلى الأسئلة اللي واردة بهذا الشأن. ومتخشش بس في لعبة طب انت ليه مقولتش. العنصرية في العصر العهد القديم والعهد الجديد والعهد اللي لسه هيجي. واللي عند البوذيين..

[00:46:26]
يا عم كل واحد يكنس قدام بيته. كل واحد يكنس قدام بيته. متقارنش حاضرك بماضي الأخرين. متقارنش الحاضر بنصوص الأخرين. لما تلاقي انهاردة دولة بتقول لك المسيحية أو اليهودية أو البوذية هي المصدر الرئيسي للتشريع. وعلى هذا الأساس المسلم ممنوع عليه يبني مساجد وممنوع عليه أن يعمل كذا وممنوع عليه أن يعمل كذا، واللي يفطر في نهار رمضان ولا في نهار الصيام بتاعهم يأخذوه يحبسوه ساعتها تعالى لي ونتكلم عن الحاجات اللي بتاعة العنصرية.

[00:46:58]
فأكتب تعليقك وفعل الجرس. لو عايز اللايف الجاي أنك تشوفه لايف(مباشر) معانا وأعمل (تذكير) كده. وأشترك في قناتنا على اليوتيوب واشترك في صفحتنا على صفحة (صندوق الاسلام) على فيسبوك. ونراكم في حلقة قادمة. أشكركم جميعا.