صندوق الاسلام 28 : كلام جديد عن كتاب لوكسنبرج والأصول السريانية الآرامية للقرآن الجزء الثاني

أهلاً بيكم في حلقة جديدة من برنامج صندوق الإسلام

تحدثنا في الحلقة السابقة عن العالم الألماني كريستوف لكسنبرج الذي قام بفك رموز بعض كلمات القرآن المبهمة

تحدثنا مع خبير اللغات الشرقية الدكتور إبراهيم مالك وشرحلنا بعض الكلمات
كتاب لكسنبرج الحقيقة مليان بأمثلة كثيرة جداً من كلمات قرآنية من أصول سريانية
بدايةً من كلمة قرآن كلمة سورة كلمة آية كلمة

محمد المسيح: طور

حامد: كلمة طور كلمة طود

محمد المسيح: كلمة حنيف

حامد: كلمة حنيف كلمات كثيرة جداً الحقيقة حتى مذكورة
حتى كلمة صلاة وزكاة وملكوت
يعني إحنا عندنا كلمة الملك نعرفها الملك لكن ملكوت دي جاية منين جاية من اللغة السريانية
حتى كلمة صلاة جاية من كلمة صلوت وزكاة جاية من كلمة زكوت
حتى لو شوفنا الكتابة بتاعتها في المصحف الحالي هنلاقيها الصلوت والزكوت يعني خدوا الرسم السرياني زي ما هو وسابوه في هذا ال
أستاذ محمد المسيح طبعاً ده لغز كبير جداً المؤمن المسلم لا يمكن يقبل أن يكون القرآن فيه حرف واحد من لغات تانية لأن القرآن يقول بلسان عربيٍ مبين

محمد المسيح: مبين نعم

حامد: اااا يعني   أَوَلَمْ يَكُن لَّهُمْ آيَةً أَن يَعْلَمَهُ عُلَمَاءُ بَنِي إِسْرَائِيلَ ﴿١٩٧

محمد المسيح: نعم

حامد: إزاي نحل الأزمة ما بين العلم ومابين العقيدة ؟
العلم دلوقتي بالتحليل اللغوي يقول أن القرآن بالفعل مليء بالكلمات الأجنبية
حتى الكلام ده من زمان ليه تاريخ

حامد: مين أول واحد كتب معجم غرائب القرآن أو الكلمات الأجنبية في القرآن ؟

محمد المسيح: نعم هو السيوطي السيوطي ذكر عدة كلمات موجودة في القرآن من أصل غير عربي

حامد: نعم

محمد المسيح: وقد إستخدمها العرب ككلمة مفهومة ما بين العرب وإستعملت وأصبحت كلغة عربية يعني ف مثلاً الآن نقول كلمة تاكسي وكلمة تاكسي ليست عربية وكل العرب بيفهموا كلمة تاكسي فبالتالي هي طبعاً نفس الموضوع

حامد: هو طبعاً معروف الكلمات الفارسية زي سندس واستغرق
وفيه كلمات من أصل يوناني زي قنطار أو دينار ما هو دينار هذه ليست كلمة عربية ولا كلمة درهم كلمة عربية كلمة درخما الدرخما اليونانية
الجديد طبعاً علينا إن يكون فيه كلمات من صميم القرآن نفسه زي صلاة وزكاة وملكوت وسبحان وتبارك تكون من أصول سريانية وفاكهةً وأبَّا بردوا فيها كلام كتير جداً

أرجو انه يكون معنا على الهاتف الاستاذ الدكتور إبراهيم مالك كان معنا في الحلقة القادمة (السابقة)

أهلاً بيك يا دكتور

إبراهيم: نعم موجود أهلاً

حامد: سنواصل الحديث عن لكسنبرج أيضاً في هذه الحلقة
أنا شخصياً مرتاح جداً لفكرة أن الحور العين لا أصل لهم في القرآن
إبتديت أعيد علاقة طيبة بالقرآن
إن هذا الكتاب أسئ فهمه تماماً ويمكن حرف تفسيره لأغراض
يمكن الملوك والأمراء في عصرٍ ما هم اللي فضلوا هذا الشكل والمفسرين هاجوا على هواهم
تحدثنا في الحلقة السابقة عن مثال وما ملكت أيمانكم لكسنبرج
لكسنبرج بيتعامل مع هذه الآية إزاي أو الآيات الحقيقة ؟

إبراهيم: إذاً شاف لكسنبرج بالنسبة إلى النص القرآني إنه فيه شي غير منطقي فيه هون بالنسبة لليتامى إنه عمل خير عمل خير مش معقول إنه يوصيهم بعمل الخير

وبعدين بيقولهم إذا مش عمل خير فواحدة

حامد: نعم

إبراهيم: وهم يفهموا بعدين أو ما ملكة أيمانكم أو بدل واحدة عدد غير محدود يعني الفات السرايا يعني مش معقول ابداً
القرآن ما بيقول كده
إذاً ما معنى أو أو أصلاً أرامياً هي معناها تهاهو يعني  بالإنجليزية باللاتيني ……إيدإيست أو بالألمانية داسإيست تعني أي

حامد: That means هذا يعني أو أي نعم

إبراهيم: أي نعم هنا  لأنه القرآن بيستعمل كلمة أي أو
فيه عندنا كان مرة تانية أو القرآن بيقول ك …. أي بمعنى أو

حامد: هو فيه آية فعلاُ كنت أنا سألت فيها قبل كده وَأَرْسَلْنَاهُ إِلَى مِائَةِ أَلْفٍ أَوْ يَزِيدُونَ ﴿١٤٧

إبراهيم: هنا أو بتجي بمعنى الزيادة أو بمعنى حتى أكثر

حامد: حتى أكثر حتى أكثر يعني مش معناها دايماً يعني يا دي يا دي يعني  مش إختيار

إبراهيم: لا لا لأ

حامد: يعني مش معناه إتزوجوا مَثْنَىٰ وَثُلَاثَ وَرُبَاعَ فَإِنْ خِفْتُمْ أَلَّا تَعْدِلُوا فَوَاحِدَةً
أو خدوا بقى جواري

إبراهيم: أو حتى عربياً مفهومها أو بتعبير أخر أَوْ مَا مَلَكَتْ أَيْمَانُكُمْ

حامد: ااا أو بتعبير أخر إذاً  أَوْ مَا مَلَكَتْ أَيْمَانُكُمْ هنا معناها الزوجة أيضاً

إبراهيم: بالنسبة للواحدة طبعاً

حامد: يعني تتزوجوا واحدة فقط أي التي عقدتم عليها اليمين

إبراهيم: صحيح ده صحيح

حامد: تمام في …

إبراهيم: لكسنبرج معنى كلمة ملك

حامد: نعم

إبراهيم: في السريانية في العربية معناها ملك الشئ أي حصل على الشئ وإستولى عليه
لكن في الأرامية تعني وعد معناته (معناه) ما وعدت يمينكم مش ما ملكت يمينكم من السرايا

حامد: يعني لو تخيلنا الزواج الأرامي الأرميني أو السرياني اللي هو يعد فيه الزوج أنه يظل مع زوجته إلى الأبد

إبراهيم: الوفاء وعدها بالوفاء

حامد: الوعد الأزلي يعني اللي هو على أساسه يقوم عقد القرآن

إبراهيم: إلى الموت هذا هو الوعد
ووعدت يمينكم للزوجة الواحدة الوفاء للزوجة الواحدة وليس لآلاف أو غيرها بالآلاف مش معقول

حامد: والله

إبراهيم: ربنا ماقالش الكلام ده

حامد: أنا شايف إن الدكتور لكسنبرج فعلاً بيخرجنا من أزمة وبيقدم جميل للعالم الإسلامي إن هو يعيد النظر في التفاسير القائمة على فكرة الجنس والأكل والضجاع والجواري والسبي
ونخلص يمكن التراث الإسلامي من هذا العنف الغير مبرر على أساس إن هي نصوص مقدسة
فإذاً أنا شايف والله بيقدملنا إحنا شئ هدية بس أرجوا الناس تتقبلها بصدر رحب وتفتح هذا النطاق وتبتدي تتعامل مع مع القرآن من وجهة نظر أخرى يمكن تكتشف فيه أشياء أخرى
فيه يا دكتور آية انا كنت قبل ما أقرا لكسنبرج كل ما أقراها مافهمهاش وأطلخبت فيها جداً ومش عارف معناها إيه بالظبط وهي آية من سورة هود   فَلَولا كانَ مِنَ القُرونِ مِن قَبلِكُم أُولو بَقِيَّةٍ يَنهَونَ عَنِ الفَسادِ فِي الأَرضِ إِلّا قَليلًا مِمَّن أَنجَينا مِنهُم    أولو بقية يعني بالعربي مافهمتهاش
يعنيي اصحاب بقية أنا حاسس إن فيه كلمة زي ما يكون إتقطعت يعني هو بيقول
 أُولو بَقِيَّةٍ يَنهَونَ عَنِ الفَسادِ  أولو بقية إيه ؟ يعني بقية بشر بقية جيش بقية أمة بقية قرية ، كيف تعامل كريستوف لكسنبرج مع هذه الآية ؟

إبراهيم: النقطة دي دي أخر نقطة في منهج لكسنبرج وبيقول دي أهم واخطر نقطة
إنه بتكون الكلمة عربية لا شك فيها لكن مابتعطيش معنى بالنص

حامد: نعم

إبراهيم: فيه بيقولوا ازاي عربي ومابتفهش إزاي يعني في النص مافيش منطق
إيه إيه العمل؟ وقتيها المفروض ينظر إلى المرادف السرياني عشان يشوف إيه المقصود من الكلمة دي بالعربية لأنه إعتبر اللي بيكتب اللي بيكتب عبر عن لغته اللي هي الأرامية السريانية وهو بيعبر للعرب عشان يفهم العربي بيترجمله بلغته

حامد: ااااا

إبراهيم: فهو أحياناً مابياخدش المرادف الصحيح المفهوم بالعربي بياخده حسب مفهومه هو

حامد: طب هل فيه كلمة بقية سريانية كلمة بقية نفسها ؟

إبراهيم: كلمة البقية لأ ولكن مرادفها الأامو يعني الكسيك المرادفها هو إيثار

حامد: نعم

إبراهيم: إيثار كثر وفضل كان فضل وبقي

حامد: نعم

إبراهيم: ممكن تيجي بمعنى الفضلة الفضلة وممكن تيجي بمعنى البقية بقي

حامد: نعم

إبراهيم: فبتلاقي ترجمتها بالعربي فضل أو فضيلة

حامد: بقية أو فضلية

إبراهيم: فهو شو أخذ أخذ بقية بدل فضيلة
المقصودة هنا في النص الفضيلة

حامد:  فَلَولا كانَ مِنَ القُرونِ مِن قَبلِكُم أُولو فضيلة يَنهَونَ عَنِ الفَسادِ فِي الأَرضِ إِلّا قَليلًا مِمَّن أَنجَينا مِنهُم
طيب أولو فضيلة هنا طبعاً
that make sense زي ما الإنجليز ما بيقولوا  وهكذا يستقيم المعنى
إذاً احياناً بيكون لو هنتتبع منهج لكسنبرج فيه كلمة في النص وهي كلمة سريانية وإستخدمت بنفس معناها السرياني زي طور زي ملكوت زي زكوت زي صلوت
ولكن فيه كلمات اخرى اخذت فقط الترجمة من السريانية وحتى ترجمة خطأ زي كلمة بقية
فالحل يكون إن إحنا دايماً نترجم الكلمة دي لمرادف سرياني ونشوف مرادفات اخرى ليها ف ممكن نلاقي مرادف يستقيم بيه المعنى وهو ده اللي عمله لكسنبرج مع الآية دي

إبراهيم: ممكن لكسنبرج مابيقولش إنه كان مترجم غلط لكن كان بيقول ممكن كان الكلمة تلك الأيام دارجة ف فهموها
لكن فيه كمان في الشرق في سوريا يستعملوا كلمة بَقْوَة مش بقية بمعنى الفضيلة

حامد: بَقْوَة

إبراهيم: إنسان بلا بَقْوَة يعني بدون ضمير بدون فضيلة
يستعملوه لسه في بعض اللهجات العربية اليوم يعني التأثير السرياني مازال بها الكلمة نفسها بيعنوا فيها الفضيلة

حامد: نعم طيب شكراً دكتور خليك معانا هنستكمل الحديث نعود إلى ضيفنا في الأستديو الأستاذ محمد المسيح

محمد المسيح: نعم

حامد: هذه العلاقة بين اللغة العربية والسريانية
حضرتك كنت ذكرتلي قبل التصوير إن فيه يعني زي يعني  تزاوج بين اللغتنين وبين الحروف وبين الكلمات حتى إن بعض المخطوطات كان بيبقى تحتيها نص إنجيل وتمسح ويكتب فوقها نص قرآن
أو العكس إن يكون فيه بعض المخطوطات حتى وصلتلنا تحت كان فيه قرآن ومسح وكتب فوقه إنجيل

محمد المسيح: نعم

حامد: كيف كيف نتصور هذا الشئ؟

محمد المسيح: فعلاً هو معروف هوأشهر مثال على ذلك هو البالمسيس صنعاء هو نص علوي ونص سفلي

حامد: لكن صنعاء كان فوق قرآن وتحت قرآن

محمد المسيح: وتحت قرآن ولكن هناك بعض المخطوطات الممسوحة موجودة فيها نص يا إما النص السفلي بيكون نص قرآني واللي فوقه بيكون نص مسيحي
ولو شاهدنا مثلاً على الشاشة نجد هناك بالمسيس هذا البالمسيس موجود عمل عليه بحث في جامعة كودينبرج وهو عبارة عن نص مسيحي لإنجيل لوقا الآية 16  الإصحاح 16 من الآية 19 إلى الآية 31 وهي تتحدث عن قصة الغني ولعازر
وتحته بالخط الكوفي وهو عبارة عن نص قرآني فهذا ما قدمته الجامعة كبحث
وكدليل على أن النساخ الأوائل كانوا يكتبون النصين يعني يا إما النص الإسلامي كالقرآن أو النص المسيحي كالكتاب المقدس

حامد: نعم

محمد المسيح: فهذا كان موجود في العصور الأولى ف طبعاً النساخ كانوا معظمهم مسيحيين وسريان لأنه خصوصاً الرهاب كانوا أشهر الناس اللي هم قادرين على قرآة النصوص وكتابتها

حامد: كان عندهم تقنية طبعاً التعامل مع الجلدود ومع الحبر

محمد المسيح: نعم

حامد: يعني العرب لم يكونوا قوم كتابة

محمد المسيح: بالضبط لأنه ماكانش عندهم معرفة خصوصاً العامة الشعب لم يكن له معرفة لا بالكتابة ولا بالقرآة ولا بصناعة هذه الرقوق ولا كيفية التعامل معها ولا كيفية تخزينها ف فبالتالي كل هذا العلم اللي وصل لينا كان هو جهد لسنين طويلة ولمئات سنين التطور في مجال صناعة المصاحف او صناعة الكتب وبالتالي قد أستفاد العرب من هذه من هذا العلم أو من هذه الصناعة لتدوين القرآن

حامد: نعم

محمد المسيح: نعم

حامد: دكتور إبراهيم مالك خبير اللغات الشرقية أرجو إنه يكون لسه معانا على الخط

إبراهيم: نعم

حامد: أهلاً بيك يا دكتور أنا محتار أنا عايز أفهم يعني كيف تراكم النص القرآني حتى وصل إلينا الآن تحليل حضرتك أو رؤيتك
أنا عارف طبعاً إن حضرتك مابتحبش تخوض في المسألة العقائدية
ولكن من وجهة نظر علمية أنا راجل درست أدب ودرست تاريخ ودرست تاريخ إسلامي وعارف إنه مافيش نص يسقط من السماء كده زي ما هو
يعني بيكون النص دايماً تطور من نص أخر أخد يعلق على نص أخر فيه شئ في الأدب إسمه Intertextuality أو التناص إنه يكون نص بيعتمد على نص
يكون كاتب قرأ رواية ف يكون علقت بذهنه بعض الصور وبعض الكلمات من هذه الرواية أو بعض أبيات الشعر
ف ييجي وهو بيكتب بدون ما يقصد إنه ينقلها بتذوب هذه الكلمات وتصير فيه
فهل ممكن أن نتخيل القثرآن فنياً إن هو مثل مخطوطة صنعاء أو المخطوطة اللي الأستاذ محمد المسيح وراهالنا الأول إنه نص وراه نص وراه نص إن القرآن هو نفسه أدبياً هو بالمسيست

إبراهيم: معقول نعم اللي إتبين من خلال نقش داخل قبة الصخرة

حامد: نعم

إبراهيم: كان من المفروض إنه من المنتظر من المعتقد إنه قبل هذا النص كانت غير نصوص مسيحية عربية

حامد: نعم

إبراهيم: لأنه نص قبة الصخرة لا يتكلم إلا عن المسيح

حامد: نعم

إبراهيم: وبعدين ونجد هذه التعابير في القرآن ولكن مشتتة وبينما عندنا في قبة الصخرة نص متكامل

حامد: نعم

إبراهيم: وهي عن تعليم يعني عقيدة متعلقة بالمسيح فقط

حامد: بس الغريب إن في قبة الصخرة هي أول مرة كلمة محمد يجدوها مكتوبة فعلاً
فإزاي يكون نص بيتكلم عن المسيح طول الوقت ويبدأ بمحمدٌ عبد الله ورسوله

إبراهيم: فهو الخطأ اللي حصل لكسنبرج لما كتب المقال عن نص قبة الصخرة
إن كل اللي قرأوا هذه الكلمة فكروا إنه الرسول محمد الرسول يعني رسول المسلمين
بينما مافيش ذكر محمد المذكور عنه بيقول محمدٌ عبد الله ورسوله بيقول
بيقول بعدين اللهم صلي على رسولك وعبدك عيسى إبن مريم
الرسول وعبد الله هو المسيح إبن مريم ومش محمد

حامد: هو المسيح كذا مرة في القرآن بيشار إليه بعبد الله
محمد المسيح: عبد الله

حامد:  أو رسول الله إليكم

إبراهيم: فإذاًُ إتبيِّن (فهم) لكسنبرج إن محمد هنا مش إسم وإنما صيغة فعلية بمعنى ممجد بمعنى ممجد عبد الله ورسوله

إبراهيم: نعم

حامد: طب هل كانت كلمة محمد كانت تستخدم لدى السريان أو لدى المسيحيين العرب بهذا المعنى وكان يتم إلصاقها بالمسيح في هذا الوقت

إبراهيم: في العرب أكيد لأنه فيه عندنا كمان يعني فيه زميل يعني إسمه بوب اللي ملاقي (found) عملة عربية من أول عملة عربية

حامد: فولكار بوب فولكار بوب
إبراهيم: من أقدم العمل العربية الأموية عليها كلمة اسم محمد وعليها صليب
معناته (معناه) بالأساس إنه كان مقصود بيه المسيح يعني إنه تعبير صفة للمسيح يعني الممجد

حامد: هذا موضوع واعر جداً طبعاً مقال لكسنبرج هذا قامت عليه أبحاث
فيما بعد كانت حتى وصلت لدرجة إنها تنكر وجود إن كان فيه نبي اسمه محمد
ولكن لكسنبرج لا يقول إنه ما كان النبي محمد
لكن هو ليه نظرية تانية في موضوع تاريجية النبي محمد
ممكن تذكرلنا ماذا قال لكسنبرج عن تاريخية النبي محمد

إبراهيم: هو اللي قالها بالنسبة لنص قبة الصخرة ماقالش إن محمد مالوش وجود
المفروض نميز فيما بعد بين محمد اللي هو  مقصود بيه المسيح
ومحمد رسول المسلمين هذه اللي قاله

حامد: نعم هو بس قال فرق

إبراهيم: قال لازم نميز

حامد: يعني مش كلمة محمد …..

إبراهيم: بس اللي قاله كمان في هذا النص في قبة الصخرة
الموضوع الموضوع فقط مش مذكور فيه إلا المسيح فإذاً محمد هون المقصود فيه المسيح
حامد: نعم

إبراهيم: فقال المفروض إننا نميز بين محمد الأول ومحمد الثاني ده اللي قاله

حامد: طيب يا دكتور خليك معانا فيه نقطتين هنحاول نتطرق إليهم
نعود في الإستديو مع الأستاذ محمد المسيح

محمد المسيح: نعم

حامد: وأنا اقرأ كتاب لكسنبرج يعني مش بس الكلمات اللي من أصل سرياني اللي وضحها وخلانا نفهما أحسن لأ ده هو تعمق في النص القرآني نفسه وجاب كلمات عربية

محمد المسيح: صحيح

حامد: قال إن هي اسئ تم تنقيطها بالخطأ
بما إنه النص الأول كان بدون تنقيط قال فيما بعد نقطوها خطأ ولم يفهموها

محمد المسيح: نعم

حامد: وأحد الأمثلة اللي قرأتها انا حطيت إيدي على دماغي بصراحة وأنا بأقراها وأنا أعرف القرآن جيداً وأعرف أنني كنت دائماً أتوقف عند هذه الآية وأقول (أتسائل) ما معناها
وهي يعني آية من سورة الأحزاب آية 53
يَا أَيُّهَا الَّذِينَ آمَنُوا لَا تَدْخُلُوا بُيُوتَ النَّبِيِّ إِلَّا أَنْ يُؤْذَنَ لَكُمْ إِلَىٰ طَعَامٍ غَيْرَ نَاظِرِينَ إِنَاهُ وَلَٰكِنْ إِذَا دُعِيتُمْ فَادْخُلُوا فَإِذَا طَعِمْتُمْ فَانْتَشِرُوا وَلَا مُسْتَأْنِسِينَ لِحَدِيثٍ ۚ إِنَّ ذَٰلِكُمْ كَانَ يُؤْذِي النَّبِيَّ
غير ناظرين إناه يعني ماتبصوش للطبق اللي بتاكلوا فيه لأ ده كان بيأذي النبي

محمد المسيح: نعم

حامد: إيه اللي هيأذي النبي إن ضيف يبص في الطبق اللي هياكل منه ؟

محمد المسيح: نعم هم قالوا إن فيه بعض المفسرين قالوا غير ناظرين وقت الطعام
ولكن هذا يعني بحسب سياق الآية يفيد أنه غير ناظرين الطعام نفسه
فالإشكالية هي كيف يمكن تناول طعام دون النظر إلى الآنية آنية الطعام نفسها فبالتالي هنا يعني إشكالية
ف الدكتور لكسنبرج هو أعطاها تنقيط أخر ف اللي خرج هذا النص من هذه المعضلة يعني معضلة ااا

حامد: ف قرأ إناه غير ناظرين

محمد المسيح: إناثه

حامد: إناثه يعني ماتبصوش لما تيجوا تاكلوا عند النبي ماتبصوش للستات لنساء النبي

محمد المسيح: بالضبط وخصوصاً أن السياق

حامد: نساءه وبناته يعني

محمد المسيح: نعم وخصوصاً أن السياق كله يتحدث عن نساء النبي والحديث معهن وراء حجاب
فبالتالي هو النص كله متكامل يتحدث عن أداب الدخول إلى بيت الرسول أو إلى أي بيت فبالتالي يعني

حامد: والتعامل مع نساءه

محمد المسيح: نعم

حامد: لأنه طبعاً يقول لنساء النبي يعني ماتكلموش ماتكلموش نساء النبي إلا من وراء حجاب

محمد المسيح: نعم

حامد: وفيه قصة طبعاً في السير عن طلحة إبن عبيد الله االلي كان خارج من بيت عائشة والرسول تأذى من هذا المنظر
وطلحة إبن عبيد الله قال إنه سيتزوج عائشة بعد وفاة الرسول فجاءت آية في سورة الاحزاب ايضاً
تقول يعني ما كان لكم ان تنكحوا ازواجه من بعده يعني ف حرم على زواجات النبي إن هم يتزوجوا بعده إذاً قصة غير ناظرين إناه
دكتور إبراهيم مالك معي ؟

إبراهيم: نعم

حامد: أمثلة كثيرة يذكرها لكسنبرج وهو يحلل الكلمة العربية وينقطها باسلوب اخر بردوا مثال لما أنا قرأته عند لكسنبرج إقتنعت بيه جداً وهو يقول في سورة يوسف وَجَاءُوا أَبَاهُمْ عِشَاءً يَبْكُونَ (16) أنا شخصياً مافهمتش ليه عشاءاً يعني ، ف لكسنبرج ليه تفسير لهذه الآية ممكن حضرتك تقولهولنا

إبراهيم: لكسنبرج اول شئ بيقول إن ليه القرآن ليه أربع مرات عشياً وليه مرة واحدة عشاءاً ؟
ماكانش فيه همزة فهو أعتبر إن الهمزة غلط فبقى إيه بالرسم ع س ا المفروض ننقطها من جديد

حامد: هو ده النص الأصلي

إبراهيم: بدون همزة

حامد: ع س ا

محمد المسيح: نعم

إبراهيم: ف بما إنه مش قصة جاءوا مساءاً إلى أبيهم وإنما جايين يكذبوا على أبوهم بيقولوله إن كله الديب ده مش صحيح فأقعدوا لا بيكوا كمان

حامد: نعم

إبراهيم: قعدوا يبكوا والبكا بيكون صح ولا بيكون

حامد: بكاء تماسيح

إبراهيم: دموع تماسيح

حامد: دموع تماسيح

إبراهيم: اه طبعاً فإذاً بيكون هنا إنه فكر إنه دي المنطقي لا أكثر إن القراءة دي عربياً هي غِشًّا مش عشاءاً

حامد: فجاءوا أباهم غشاً يبكون طبعاً المعنى يستقيم
طلعاً أنا لما قرأت هذا المعنى وجاءوا أباهم غشاً يبكون إذاً المعنى مستقيم جداً وصح وفعلاً هو ده اللي حصل ولا علاقة له لا بالعشا ولا بالصبح ولا بالليل
فيه أمثلة كثيرة عشان وقت الحلقة أزف

إبراهيم: بالأخص بما أنه يعني الكاتب العربي اللي نقط هذا الأمر مش عارف إنه بيقول القرآن عشياً ليه بيقول مرة عشاءاَ وبيزيد عليها الهمزة كمان

حامد: نعم نعم

إبراهيم: فيه تحريف يعني هون (هنا)
هذا أصبح تحريف لأن النص بالرسم مافيش همزة

حامد: يعني بما إننا بنتكلم عن غشاً  وكذباً فيه آية تانية ذكرها لكسنبرج بيقول فيها و وَلا تَتَّخِذوا أَيمانَكُم دَخَلًا بَينَكُم

إبراهيم: ودي طبعاً سهلة جداً  إذا ما فيه واحد منطقي يفهم ما معني دخلاً هنا
طالما فيه كمان بيحلف يمين ممكن بيحلف يمين بالكذب

حامد: نعم

إبراهيم: ودي أعتبرها إن دي في الأساس بالخط الكوفي والخط الحجازي الحاء والخاء والجيم هي الجيم بالسريانية بالظبط

حامد: نعم إذاً (تبقى) دجلاً

إبراهيم: تبقى دجلاً واضحة هنا طبعاً

حامد:  وَلا تَتَّخِذوا أَيمانَكُم دَجَلًا بَينَكُم   يعني كذباً بينكم

إبراهيم: كذباً صح

حامد: يبقى كده يعني دخلاً ماكانش ليها اي محل لا من الإعراب ولا من ال

إبراهيم:

حامد: ولا من الفهم
لكسنبرج بيستخدم أمثلة كثيرة جداً لا يتسع الوقت لسردها
ما نحاول ان نشرحه في هذه الحلقة أن أن هذا العالم الألماني اللي من أصول شرقية
الذي لا يظهر على اي قنوات ولا أي ساحة إعلامية
بيقدملنا يعني يحثنا إن إحنا نبتدي نقرأ القرآن بلغة أخرى وبإسلوب اخر وبتفسير اخر
ويمكن كتابه ده نعتبره هدية إن إحنا نعيد تفسير القرآن من وجهة نظر أخرى
وننسى كل ما قاله الطبري والجلالين وإبن كثير وكتاب السير
لأنه واضح إن هذا النص فيه أشياء كتيرة جداً مبهمة ولا يمكن فهمها بدون فهم الإطار الثقافي المحيط بالجزيرة العربية وبالشام بالتحديد الذي نشأت فيه هذه النصوص

أشكر الدكتور إبراهيم مالك معي على الهاتف
واشكر الأستاذ محمد المسيح معي في الأستديو

موضوع شيق جداً ونحن نحتاج إلى مجموعة حلقات الحقيقة عشان نتكلم عن كريستوف لكسنبرج وكتابه

تابعونا على الحلقات القادمة

برنامج صندوق الإسلام

على الفيسبوك Box of Islam

وعلى قناة اليويتيوب Hamed.tv

أراكم في الحلقة القادمة


Download text file

Box of Islam 028

You may also like

ملخص تاريخ الاسلام بداية ونهاية
لم يستجب ياأخوة لمحمد في مكةخلال 13 سنة من الدعوة لم يستجب لدعوته لم [...]
6 views
ندوة للاستاذ حامد عبد الصمد في المغرب بعنوان التنوير فوبيا (الجزء الاول)
احمد عصيد: مساء الخير, يُسعدنا أن يكون معكم في هذا اللقاء الفكري الذي [...]
3 views
مين اللى سرق مصر،الحلقه التاسعة عشر: دور العبادة في مصر
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة الثامنة عشر: إسلام التصدير وإسلام التكفير
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة السابعة عشر: الأزهر عامل زي سُوستة
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة السادسة عشر: مأساة التعليم في مصر
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة الخامسة عشر: خليك فاكر مصر جميلة
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة الرابعة عشر: الإعجاز العلمي في البناء المصري الحديث.
انهارده عايز اكلمكم عن موضوع الإعجاز العلمي في البناء المصري طبعًا [...]
0 views
مين اللي سرق مصر، الحلقه الثانية عشر، البرفان والشعب القرفان
مين اللي سرق مصر مين اللي سرق مصر مين اللي سرق مصر مين اللي سرق مصر [...]
2 views
مين اللي سرق مصر، االحلقة الحادية عشر ، أولاد حارتنا
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views

Page 1 of 13

اترك تعليقاً

لن يتم نشر عنوان بريدك الإلكتروني.