مين اللي سرق مصر، االحلقة الحادية عشر ، أولاد حارتنا

مين اللي سرق مصر

مين اللي سرق مصر

مين اللي سرق مصر

مين اللي سرق مصر

مين اللي سرق مصر

الإنسان المصري بطبيعته إن هو أجتماعى و مفرط في أجتماعيته

يحب الناس , يحب اللمة , بيحب السهر , بيحب السمر , بيحب النكتة , وبيحب الضحك , بيحب الحياة

الفراعنة كان عندهم مفتاح الحياة و رمز ديني مفتاح الحياة

مش مفتاح الجنة  أو مفتاح الموت

أنا عشت في قرية مصرية , اتولدت و اتربيت هناك

و عشت في حارة مصرية

و عشت في حي راقي في القاهرة

و عشت طبعًا في أوروبا و اليابان و شوفت الترابط الأسري و الأجتماعي شكله عامل ازاي في مصر و برة مصر

مشوفتش زي مصر في طبيعة شعبها الأجتماعية

في الحارة أو في القرية كان يعني مفيش حاجة  اسمها شأن خاص

كل حاجة بتحصل هي شأن عام

حد بيتجوز في الحارة أو في القرية بيقبي فرح للكل و الناس كلها بتفرح , الناس كلها بتشارك بأي شىء تقدر عليها

في حد زعل, حزين , ماتله حد , حصلتله مصيبة , يتلموا الناس يواسوه يعني يخففوا عنه المصاب بتاعه

بنت الحارة كانت في حماية الكل و بنت القرية في حماية الكل

البنت كانت تبقي تمشي محدش كان يبص علها عشان ميجرحش مشاعرها بس برضة طرف عين الولد عليها بنت الحارة بتاعتة أو بنت القرية

عشان لو حد من بره أذاها أو ضايقها يروح ينجدها

ايه اللي بيحصل دلوقتي و اية اللي حصل

البنت تبقي ماشية جوة الحارة و بيتحرش بيها

تلاقوا من ولاد الحارة اللي يبرروا ل اللي اتحرش بيها

يقولوا عشان لابسه قصير

عشان مش محترمه نفسها , متتلمي يا بت

اية اللي حصل , اية اللي اتغير

لما كان بيبقي في حد في أزمة مكنش بيستني

مكنش بيروح يسال الناس و يقولهم أنا في أزمة

الناس اللي تروح و تسعفه و تنجده

دلوقتي كل واحد في حاله

يقولك أنا رئيس جمهورية نفسي

العقد الأجتماعي اللي قائم على أحترام القانون

أحترام القانون للإنسان و الإنسان للقانون

اللي قائم على أحترام الفرد لمجتمعه و إحترام مجتمعه ليه

اللي قائم على التضامن

إن الناس يعني مش عايشه لنفسها بس

شايفة فية صالح عام بيحترموا الصالح العام و الفضاء العام

الحارة المصرية اللي كانوا بيكنسوا الشوارع بالترتيب بيت بعد بيت و يرشوا قدام المحلات ماية

كل ده ابتدي يختفي

الفردية المفروض إن هي من علامات المجتمع الحديث

مترجمتش إلى بقي صناعة و إنتاج و ثقافة

بالعكس إلى انعزال و انتهازية

إلى إن كل واحد يقولك أنا و ما بعدي الطوفان

هو دة الأزمة اللي كسرت مصر

إن مفيش احساس بصالح عام , بضمير عام , ضمير جمعي

بوجه معينة لكل الناس

إلى مشروع وطني قوي

كل واحد يقولك يلا نفسي

كل واحد بيقولك رزقي

كل واحد بيقولك الحياة بقت صعبة

كل واحد بيقولك أنا بجري على رزقي

كل واحد اللي كان بيدي اغلى ما عندده لجيرانه , دلوقتي لو لقي جاره عشرة جنية هيطبقة و يحطه في جيبة و يمشي

يبقي مين اللي سرق مصر

Download text file

Who stole Egypt? 11