مين اللي سرق مصر
مين اللي سرق مصر
مين اللي سرق مصر
مين اللي سرق مصر
مين اللي سرق مصر
البرفان و الشعب القرفان
مصر هي اخترعت البرفان
أول من عصر الزهور و عمل منها عطر كانوا المصريين القدماء
أول من اخترع الميك أب و المسكرة كانوا المصريين
يحبوا الجمال , مش بس الست كانت تتمكيج
الراجل كمان كان يحط كحل و يظبط على حاله كده
أول من أخترع الملابس الجميله , الأنيقة و الكرفاتات كانوا المصريين
احساس المصريين بالجمال و بالروح الحلوة في طبيعتهم و حبهم للرقص
شوف البنت المصرية انها ده اللي يعني لسة مفيش 3 سنين
قولها ارقصي هتستغرب ازاي جابت ده منين ؟
في دمها , في طبيعتها حب الحياة , حب الرقص , حب الجمال
دلوفتي راح فين ده ؟ راح فين ده؟
أنا من فترة في وحدة بنت حلال كده سألتني
كنت لسة أيام زمان
يعني لسة مهاجر لألمانيا و فرحان بقي بحضارتي المصرية و عمال افتخر افتخر افتخر
فواجهتني , قالتلي انت بتفتخر بحاجات انت مأنتجتهاش بنفسك
انت بتفتخر بشغل ناس من 7000 سنة عملوه
انت عملت اية في اخر 1000 سنة ؟
قولي اية المنتج اللي في بيتك مصري؟
و السؤال ده كان يوجع بجد
اللي هو احنا انتجنا اية انهاردة ؟
فين البرفانات المصرية انهاردة ؟
أدخل أي أتوبيس تلاقي الناس قرفانة من الريحة , قرفانة من الضوضاء و قرفانة من بعضها , من أجساد بتلتحم ببعضها
كل الحاجات اللي كان فيها شياكة اختفت
دا حتى الغزل , المعاكسة, التحرش زمان في مصر كان فيه نوع من الشياكة
كان يجي حد يقول لبنت الجو بديع اوي انهاردة
دلوقتي بقي فية أووبا , أوعي , أوعي وشك , الحاجات اللي زي كده
و يمسكوا في الناس و هما ماشين
حاجة مش طبيعية يعني
فا راح فين كل ده ؟ راح فين البرد اللي المصريين اخترعوه ؟ فين ؟
بتخترع اية انهاردة ؟
عمالين عايشين عل حس من 7000 سنة دا احنا اللي عملنا الأهرامات و احنا اللي عملنا و احنا اللي عملنا
بننتج اية انهاردة ؟
انهاردة سجادة الصلاة اللي بنصلي عليها في البيوت صناعة صينية
السبحة صناعة صينية
كل العفش اللي في البيت مش هتلاقي منه حاجة مصرية
يعني كل حاجة من الصين إلا العيال بس هما اللي من مصر
يعني الإنتاج فيهم غزير جدًا
بس غير كده مفيش حاجة مصرية
طب نفتخر باية ؟
مش اللي بإنتاج و ثقافة كبيرة و حضارة عظيمة يقلدها و ينتج مثلها؟.
مصر قدمت اية من ساعة ما الإسلام ما دخل مصر انا عايز اعرف ؟
للبشرية و لنفسها و لشعبها
حصل نوع من البتر , حصل نوع من البتر لهذه الحضارة
يبقي مين اللي سرق مصر
Download text file
You may also like
