صندوق الإسلام 008 : لُغز كتابة سيرة إبن إسحق ولُغز إختفائها فيما بعد

أهلاً بيكم في الحلقة التامنة من سلسلة صندوق الإسلام

طلعنا الحلقة اللي فاتت من الصندوق قصة وفاة محمد وما ترتب عليها

والصراعات اللي حصلت بين علي إبن أبي طالب وبين أبو بكر وبين فريق أبو بكر وعمر وعلي إبن أبي طالب من ناحية أخرى

وا  اللي ماتكلمناش عنه طبعاً كان الكوارث اللي حصلت فيما بعد اللي هي الحروب الأهلية الحروب الأهلية

اللي هي في زمانها بقى إبتدت تجمع الأحاديث وإبتدت القرآن نفسه يتبعت للأنصار

فكان زمن مضطرب جداً

وهتلاقي ناس من ال 10 المبشرين بالجنة بيموتوا في بعض

و صحابة من اللي هم المفروض من صحابة رسول الله إبتدوا يحاربوا بعض

وزوجته نفسها عائشة تقود جيش كامل وتروح عشان تحارب علي إبن أبي طالب في معركة الجمل

في هذه الآونة ده بيقول أحاديث وده بيقول أحاديث

وده بيقول ده كذا وده بيقول ده كذا

حتى القرآن نفسه حصل حواليه مشاكل وجدل كبير جداً

إحنا النهارده معانا مصحف كده جميل بنقرا فيه ومفكرين إن محمد مات والمصحف ده كامل ومتجمع وجاهز و إطلاقاً إطلاقاً

المصحف إترقع بعد كده

هات ده وهات ده وكان فيه مصاحف وإتحرقت

وعبد الله إبن مسعود كان يحلف والله سورة ااا المعوزتين ما ليهم أي علاقة بالقرآن يعني

قل أعوذ برب الناس وقل أعوذ برب الفلق مالهمش دعوة بالقرآن أصلاً بس إتحطوا مع القرآن

وتيجي عائشة نفسها والنبي كان عايش كانت سورة الأحزاب أكتر من 200 آية إيه اللي حصل قلت وبقت بتاع حاجة و70 آية

ف مشاكل وقلق وسور إتشالت وحاجات إتحطت والحاجات اللي أكتشفت فيما بعد بقى زي مخطوطة صنعاء وزي مخطوطة طوبينم

بتوريلك إن فيه حاجات من القرآن غير اللي موجود معانا النهارده

وهيبقى ده هنفرغلها مجموعة حلقات فيما بعد كاملة بقى عشان نشوف إيه موضوع المخطوطات

وإيه موضوع القرآن وتطوره ده

المهم نرجع لكتابة السيرة و إبن إسحق

طبعاً فاتت الأيام ومرت الأيام والخلفاء الراشدين عدى زمانهم وإنقسم المسلمين ل سنة وشيعة

والحسين إبن علي إتقتل في كربلاء

والأمويين إستتب ليهم الأمر وقضوا على ثورات الشيعة من ناحية وثورات الخوارج من ناحية

وعلى ثورة عبدالله إبن الزوبير في مكة وقتلوه

وشنقوه في مكة ودمروا الكعبة

جم حصلت ثورة شيعيية في إيران

أبو مسلم الخرساني الفرس ثاروا على العرب لأن العرب كانوا عنصريين جداً في التعامل معاهم

فثار الفرس عليهم الفرس أهل حضارة

و على فكرة معظم العلماء اللي إحنا بنفتخر بيهم النهارده إبن سينا والخوارزمي والبتاع

كل دول من أصول فارسية وحتى ماكانوش مقتنعين بالإسلام وأوي

واحد زي إبن سينا وواحد زي الرازي كل دول ماكانش ليهم أي علاقة بالإسلام بس تحت الحكم الإسلامي وكانوا بينتجوا

فاهل حضارة الفرس شافواا العنصرية والهمجية في التعامل معاهم فثاروا عملوا ثورة

ركب على الثورة دي بقى بنوا العباس

وضحكوا على الشيعة وضحكوا على الفرس و إستأصلوا بالحكم وأسسوا اللي إحنا عارفينه النهارده بالدولة العباسية

إحنا بنتكلم دلوقتي في منتصف القرن الثامن يعني 750 – 751 ميلادياً

يعني بتاع 125 سنة أو 120 سنة بعد وفاة محمد

كان الخليفة العباسي الأول بيسموه السفاح جه بعديه

واحد إسمه أبو جعفر االمنصور الخليفة المنصور ده بردوا كان سفاح

دبح المعارضين وأي عالم كان يقول كلمة مش على هواه كان يوديه ورا الشمس

وعايز بقى شرعية عايز شرعية

ف جابلك مين اللي كان شغال في جمع السير والحاجات اللي هي زي كده واحد إسمه إبن إسحق

إبن إسحق من أصول مسيحية أبوه كان عبد كانوا خطفوه المسلمين في زمن الفتوحات

وبقوا من الموالي وعلى دي فكرة بقى حاجة هتلاقيها دايماً في اللي إشتغلوا معظم اللي إشتغلوا في الحديث والل إشتغلوا في السير بالذات

كانوا من العبيد أو الموالي اللي هم بيسترزقوا بالشغلانة دي

ليه؟ لأن سادات القبائل قريش بقى والأمويين ده عايز حكم وعايز جزية وعايز فلوس وعايز مناصب

اللي مالوش في الحاجات دي اللي بعيد عن الحاجات دي يروح يشتغل في موضوع الأحاديث والسير زي مثلاً ما يكون إنسان مسكين مثلاً كفيف ف ماعندوش أي فرصة يكسب أي فلوس في حياته غير إن هو يتعلم القرآن ويبتدي يروح يقرا في المقابر أو في المياتم أو يروح يأذن في المسجد ده أكتر شئ ممكن يتوصل إليه

ف لو بصيت في سيرة إبن إسحق هتلاقيه هو نفسه قصة حياته يعني هتلاقيه هو نفسه من الموالي هتلاقي إبن سعد اللي عمل الطبقات الكبرى  وكتاب مهم بردوا في السير وقصص الصحابة

هتلاقيه كان مولى ل بني هاشم هتلاقي الواقدي هتلاقي أبي هريرة كان شحات يعني الناس اللي كانت بتشتغل في الشغلانات دي كانت بتسترزق منها

ومالوش أي    أسلوب إن هو يرقى ويرتقي في ويبقى من علية القوم يعني

فالمهم المنصور جاب إبن إسحق إبن إسحق ماكتبش السيرة من تلقاء نفسه

لأ ده الخليفة المنصور نفسه هو اللي قاله إكتب

وكان القصة حسب ما إبن إسحق نفسه كان بيقول في المقدمة إنه كان عايز يعمل كتاب عن قصة النبي محمد يدخلها في قصة العالم منذ آدم حتى الخلافة العباسية

بس بعد ما كتبه طلع الكتاب طويل رجعهوله تاني

ف إستقر إن ده كتاب النبي محمد

ف طبعاً 130 سة بعد وفاة النبي كانت القصة إتملت بقى إيه من الشرق والغرب

ده يجيب حدوته وده يجيب حدوته وده يجيب أسطورة وده يجيب أسطورة

ف إحنا القصة اللي معانا دي متلصمة متلصمة وليها أهداف معينة

أول هدف الناس المسلمين العاديين طبعاً

بعد 130 سنة عايزين يعرفوا النبي بتاعهم ده كان إيه حكايته

القرآن مابيحكيش قصته دي نقطة

النقطة التانية العلماء اللي عمالين يجمعوا سير ومغازي وأحاديث عندك قولنا عورة إبن الزوبير عمل

وموسى إبن عقبة عمل والواقدي عمل

يعني كل إيه كل واحد عمال يشتغل في حاجات ويجمع حاجات

ف عايزين يجمعوا كل ده ويطلعوا إيه اللي حصل وإيه اللي ماحصلش وكده

ف فيه بردوا زي ما نقول أهمية تاريخية إنه لازم يتجمع الحاجات دي

لكن أهم شئ أهم شئ كانت الرغبة السياسية الرغبة السياسية

يعني العباسيين نفسهم عايزين القصة دي تتكتب

وعايزين يتحطوا هم في مكانة تخليهم يبقى شكلهم حلو

وخاصةً إن هم دبحوا بنوا أمية تدبيح

ف لازم السيرة تيجي تكون تشتم بني أمية شوية

وتمدح العباسيين وتمدح العباس بالتحديد إبن عبد المطلب وتمدح بني هاشم

والقصة كلها من قصي نفسه قصي إبن كُلاب اللي هو جد جد النبي وهاشم وعبد المطلب وعبد الله ف

بحيث إن الإستمرارية إن العباسيين يقولوا الكلام دون إحنا جايين بشرعية

ف ده كان الهدف من كتابة ال

فلذلك إنت تخيل بقى إبن إسحق مش كاتب حر اللي هيكافئه على الكتاب ده من العباسيين

اللي هو من المفروض إن هو بينتسب لبني هاشم

وده الوقت بقى اللي نسب النبي إبتدى يبقى موضوع

لحد كده كان قصة محمد نبي الجزيرة العربية لكن كان أهم حاجة

الأمويين الخليفة عبد الملك إبن مروان الوليد إبن عبد الملك

ماكانش فيه أهمية لموضوع إيه بني هاشم ده خالص في البدايات

مين اللي ركز على موضوع نسب محمد إلى بني هاشم أوي إبن إسحق

لذلك تجد الكتاب يبدأ الكتاب يبدأ بنسب النبي لبني هاشم

وبيستمر بإستمرارية غريبة كده إن هو الأول ينسب محمد لبني هاشم لحد قصي نضر إبن الحارس مش نضر إبن الحارس النضر إبن كنانة وبعد كده يخش على إبراهيم وإسماعيل ذات نفسهم ويفضل  ماشي بالنسل 40 جد لحد آدم وده طبعاً تخريف

لأن من محمد لآدم إنت عايز بتاع 600 إسم عشان توصل عشان تعمل الزمن اللي هو بتاع  5000 سنة

فهو إختزل 5000 سنة في 40 إسم فده مستحيل يعني المفروش مابين الأب وإبنه مابين 20و30 سنة أقصى شئ 30و40 سنة لكن هو اا

إبن إسحق هيجيب معلومات منين فيه قصص عن حروب النبي عملها عورة إبن الزوبير

لكن هو الهدف كمان اللي الناس مش منتبهه ليه إن الدولة العباسية كانت مسيطرة على بقعة أراضي هائلة من حدود الصين لحد المغرب

بقعة هائلة وتحت منه بقى إيه إشي هنود وإشي فرس ومسيحيين متعلمين ودارسين لاهوت ويهود متكلمين

فعايز يعمل قصة يرد بيها على تساؤالات الناس دي كمان

يعني المسيحيين عنده قصة المسيح اللي هو بيعتبروه إبن الله اللي هو جاب معجزات اللي هو أحيا الموتى والكلام ده القرآن نفسه بيقوله

ومحمد مات على سريره عنده حمى  وماماتش شهيد ماجابش ولا معجزة

ف إبن إسحق إبتدى يضخم في قصة حياة محمد علشان إن هو يبتدي يعني يعمل مرادف للمسيح

فلذلك لو حد قرا مثلاُ في إنجيل متى هيلاقي إن هو بادئ بنسب المسيح حتى آدم

فبيقلده يجييب نسب محمد حتى آدم

هتلاقي بعد كده في إنجيل متى بيبتدي بيتكلم عن الحواريين أو اللي هم أول من آمنوا  بالمسيح وبردوا نسبهم وسيرهم نفس الشئ بعد كده وأول من آمن به من الرجال مش عارف أبو بكر وأول من آمن به النساء خديجة ونسبهم وقصص حواليهم

وبعد كده البعثة وبعد كده مش عارف نفس ال خد نفس ال STRUCTURE  أو بيسموه البنية بتاعة ال قصة المسيح وبس حط عليها إيه الجزئية بتاعة إنه هو إيه  في سياق إسلامي

وبالرغم من إن القرآن مابيتكلمش عن معجزات لمحمد إطلاقاً هتلاقي المعجزات دي عند إبن إسحق

إن الغمامة اللي بتغممه وهو ماشي في الصحرا

ومعجزة الغار والإسراء والمعراج بقى اللي القرآن ماحكاش عنها تفاصيل هو دخل بقى في أدق أدق التفاصيل والصعود إلى السماء ووو وإلى أخره خلاه معجزة

ومعجزة إن هو يكتر الأكل بردوا متاخدة من قصة المسيح الخبز والسمك هو نفس الشئ

إن هو بردوا في غزوة الخندق جاب الخبز ومش عارف وتكاثر والبلح التمر

فهو القصة إن حياة محمد دي إتكتبت القصة عشان من ناحية يواجه بيهم المسيحيين واليهود ويقولهم إحنا عندنا النبي بتعاعنا كان وكان وكان ومايقلش عن المسيح

ومن ناحية تانية إن هو يثبت النسب بتاع محمد ويخلي إن بنو العباس ينتموا إلى محمد

فبقى كده هم الوارثيين الشرعيين للحكم

لو خدنا بالنا سيرة إبن إسحق إتكتبت في أي زمن هنكتشف إنها إتكتبت في نفس الوقت بالظبط اللي قصة ألف ليلة وليلة إتكتبت فيه

ألف ليلة وليلة إتكتبت في النص التاني من القرن التامن نفس الشئء سيرة إبن إسحق

ألف ليلة وليلة قصة مقتبسة من حواديت هندية قديمة

الأول الفرس ترجموها وخلوها قصص فارسية

والعرب خدوها من الفرس وترجموها وماقالوش إن ده كتاب مترجم عن الفارسية

لأ ده قدموها للقارئ على أساس إن ده كتاب عربي هم اللي ألفوه حطوا فيه بقى القصص في بغداد وأحياء بغداد وووو وإلى أخره فبقت القصة عربية

أي حد دلوقتي حتى في الغرب لما يقرا قصة ألف ليلة وليلة يقولك من التراث العربي

لأ هوة من التراث الفارسي وقبل منها كانت من التراث الهندي

ف الزمن ده القصد يعني من اللي أنا بأقوله كان زمن حكاوي

ومدينة زي بغداد اللي هي إتكتبت فيها السيرة

كانت هي المدينة اللي صدر منها كل الحواديت

كان زمن الحكائيين

كانوا يقعدوا على المصاطب وفي المقاهي وفي الحمامات العامة

ويحكوا حواديت يقولك والنبي كان قاعد ومش عارف وبعدين راح طاير وقعد في السقف كل الخرافات دي كلها إتجمعت وبقت سيرة شعبية

دخلت على القصة الحقيقية وده اللي وصلك النهارده

وإنت بتقرا القصة دي وإنت بتقرا في سيرة إبن هشام كده

وكأنك بتقرا كلام حصل بجد رغم إن معظمه متألف ولا علاقة له بالحقيقة

الموضوع اللي إحنا هنتكلم منه بعد منه في إستفاضة بعد كده

إيه حكاية نسب محمد وإيه المشاكل المرتبطة بنسب محمد

والعباسيين ليه كانوا مصممين إن يخلوا يطهروا السيرة من أي حاجة تشكك في نسب محمد ده مهم عشان وإحنا بنتكلم في الحلقة الجاية

عن موضوع نسب محمد نفهم المشاكل أصلاً جت منين

جه عمك إبن إسحق كتب كتب كتب كتاب تاريخ العالم كله وبما فيه قصة النبي محمد كإن الدنيا كلها معمولة عشان محمد ييجي

ف كتب السيرة الطويلة البتاع دي كلها ف جه قراها أو بص فيها كده المنصور ما هو ماعندوش وقت

قاله دي طويلة أوي طويلة أوي طب نعمل فيها إيه طويلة نعمل فيها إيه قاله قصرها قصرها كتير يعني ما أصله كان عايز يديها لإبنه يقراها يعني

يعني واحد عايز يسلي إبنه شوية وجع لنا دماغنا وسببلنا مشاكل لحد دلوقتي مش عارفين نخلص منها

السيرة دي جابت مواويل

ف إبتدى يأيف فيها شوية يصلح هنا يصلح هنا رجعهاله تاني قاله بردوا لسه ف يعني

يا ريت كان عندنا الكتاب الأصلي على الأقل نشوف كان كاتب إيه

إيه الأشعار اللي كانت موجودة

الناس اللي كانوا بيشتموا النبي بالشعر كانوا بيقولوا إيه

عايزين نعرف عشان نفهم خلفيات وردود أفعال محمد كان شكلها إزاي

لكن تحس إن كان فيه حاجات فيه فجوات كبيرة جداً

يعني تلاقي حاجة كده ناس مالهمش أي علاقة بمحمد وتبص تلاقي عمالين يحكوا عنهم قصص طويلة عريضة

يجيي ناس مهمين أوي في حياته ناس مهمين جداً في حياته زي مثلاً بنته زينب بنته زينب اللي هي مآمنتش بيه وده هيبقى نتكلم في الموضوع ده في حلقة خاصة إزاي بنته نفسها ماكانتش مامنة بيه لا هي ولا جوزها

وكان فيه خلاف بينهم ومشاكل وقطيعة وأثر جوزها ويعني قصة هنبقى نتكلم فيها

عتم عليها ولا كأن القصة دي موجودة

قصة زي قصة ورقة إبن نوفل اللي هو المفروض إبن عم زوجته تلاقي حدوتة واحدة بس عن ورقة إبن نوفل وبعد كده ولا أي شئ

طيب المفروض واحد زي ورقة إبن نوفل ده راجل  مهم هو اللي قال للنبي إنت نبي

مش المفروض نعرف إيه خلفياته محمد في صباه كانت علاقته بيه إيه

لما إتجوز خديجة كان هو اللي حاضر الفرح هو اللي عقد القران عقده على أي أساس ي ي يعني كان كان قران طب كان ممكن إن خديجة نفسها كانت مسيحية بما إن ورقة إبن نوفل نفسه كان مسيحي

ما أسئلة علامات إستفهام لازم

ف لما يجيي يغيب شخصية زي شخصية ورقة وماتعرفش عنه أي حاجة يبقى فيه علامات إستفهام

يبقى ليه الشخصية دي إتعتم عليها

وليه الشخصيات اللي مش مهمة خالص كان ليها وزن تقيل في السيرة ويتحكي عنها وتفاصيل

 ف إبن إسحق لصم حاجة كده لأغراض سياسية من ناحية

لأغراض دينية من ناحية إن الدين الإسلامي بقى كان بيرسخ نفسه

وعايز يثبت وجوده كشئ إحنا مانقلش عن المسيحيين ولا اليهود في شئ وعندنا كل حاجة وعندنا المعجزات واللي إنت عايزه هاجيبهولك

هو ده السياق اللي إتكتبت فيه السيرة و حتى الكتاب ده ماوصلناش يعني حتى الكتاب ده ماوصلناش إختفى غريبة جداً إن هذا الكتاب بهذا الحجم والقيمة فص ملح وداب

ليه عشان أكيد الحكام اللي جم بعد كده إكتشفوا إن فيه بلاوي لا يا نهار إسود ماينفعش الكلام ده كله

وده اللي أجبر إبن هشام وهو اللي قال بنفسه إبن هشام في مقدمة السيرة بتاعته هو وهو بينقح السيرة بتاعة السيرة

إن هو إضطر إن هو يحذف أشياء قد تشين أو قد تجرح إيه هي؟

نفسنا بقى إحنا نعرف إيه بقى الحاجات التي قد تشين وقد تجرح دي

وده هيكون موضوع حلقتنا اللي جاية اللي هتكون عن المشاكل في نسب محمد أبوه مين ؟

هل أبوه عبدالله بجد أمه آمنة إيه قصتها ؟

هل هو كان إبنها الوحيد فعلاً ولا هي كانت متزوجة ولا كانت بتتزوج كتير أصلها إيه

هل عبدالله إتجوزها أساساً ليه محمد كان دايماً مصمم أنا مش إبن زنى أنا مش إبن سفاح في كذا حديث

تابعونا الحلقة اللي جاية عن نسب محمد

وتابعونا على قناة اليوتيوب حامد دوت تي في وعلى الفيسبوك صندوق الإسلام


Download text file

Box of Islam 008

You may also like

ملخص تاريخ الاسلام بداية ونهاية
لم يستجب ياأخوة لمحمد في مكةخلال 13 سنة من الدعوة لم يستجب لدعوته لم [...]
6 views
ندوة للاستاذ حامد عبد الصمد في المغرب بعنوان التنوير فوبيا (الجزء الاول)
احمد عصيد: مساء الخير, يُسعدنا أن يكون معكم في هذا اللقاء الفكري الذي [...]
3 views
مين اللى سرق مصر،الحلقه التاسعة عشر: دور العبادة في مصر
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة الثامنة عشر: إسلام التصدير وإسلام التكفير
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة السابعة عشر: الأزهر عامل زي سُوستة
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة السادسة عشر: مأساة التعليم في مصر
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة الخامسة عشر: خليك فاكر مصر جميلة
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة الرابعة عشر: الإعجاز العلمي في البناء المصري الحديث.
انهارده عايز اكلمكم عن موضوع الإعجاز العلمي في البناء المصري طبعًا [...]
0 views
مين اللي سرق مصر، الحلقه الثانية عشر، البرفان والشعب القرفان
مين اللي سرق مصر مين اللي سرق مصر مين اللي سرق مصر مين اللي سرق مصر [...]
2 views
مين اللي سرق مصر، االحلقة الحادية عشر ، أولاد حارتنا
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views

Page 1 of 13

اترك تعليقاً

لن يتم نشر عنوان بريدك الإلكتروني.