صندوق الإسلام 015 : محمد والنساء: المرأة التى هزمت النبى

أهلاً بيكم في الحلقة 15 من سلسلة حلقات صندوق الإسلام

إتكلمنا في الحلقة اللي فاتت عن آمنة أم محمد وعن خديجة وكيف أن خديجة كانت الطبيب النفسي لمحمد

وإستوعبت أزمته لما كان يظن إنه ممسوس من الشيطان وخديجة في حد ذاتها هي أكبر دليل على إن الكلام اللي بيتقال عن المرأة قبل الإسلام

وإن هي ماكانش ليها أي دور وماكانتش بتورث وكانوا بيستعبدوها إنه مش صحيح

لأن خديجة كانت تاجرة يعني ورثة فلوس زوجها

إحنا عارفين إن هي طلقت مرة وترملت مرة مع ذلك كانت إمرأة قائمة بذاتها

وكانت صاحبة العمل اللي إدت محمد وظيفة

ف ده أكبر دليل وفيه غيرها كان كتير هند بنت عُتبة

ونساء كتير لما لما في غزوة بدر أو غزوة أحد راحت النساء قريش ورا ااا  ا  أزواجهم في الحرب ويقولولهم نحن بنات طارق إن تقبلوا نعانق وإن تدبروا نفارق

يعني لو إنتوا هربتوا من محمد هنفارقكوا مش هترجعولنا تاني

يعني النساء ليهم مكانة كانت ده الل اللي أنا عايز أقوله يعني

وخديجة اكبر دليل على ذلك

وهي الحقيقة اللي كانت زي الل كانت الشط اللي محمد يرتاح عنده

أي خيبة أمل هي تعالجها

أي أزمة هي تمتصها بحكمتها وترعاها

وبعد 10 سنوات من الدعوة يعني

وبعد 25 سنة زواج ماتت خديجة

وبيقولوا إن خديجة خلفت من محمد بيقولوا إن هي خلفت 6 أبناء 4 بنات وولدين

ودي طبعاً أزمة ومشكلة كبيرة جداً لأن إحنا عارفين إن هو إتجوزها وهي عندها 40 سنة يعني المرأة بعد ال 40 وهو تخلف 6 مرات صعبة جداً

دايماً هتلاقي إن الشيعة بيتعامل مع هذا الموضوع يقولك لأ هي ماخلفتش من محمد غير فاطمة وكل بناتها وأولادها التانيين دول من زيجاتها السابقة

بس بردوا ده في حد ذاته لسه فيه أزمة لأن فاطمة هي أصغر واحدة وكام عمرها 3 سنين حسب الروايات الإسلامية لما ماتت خديجة

يعني خديجة خلفتها وهي عمرها 62 سنة

يعني روح لأي طبيب أمراض نسا وإسأله يعني فيه واحدة ممكن تولد 6 بعد عمر ال 40 ؟

وتولد كمان أخر واحدة فيهم عمر ال 62 ؟

مشكلة كبيرة جداً بس مش دي ال  مش دي أزمتنا

المهم إن كان فيه حسب الروايات الإسلامية عندنا البنات روقية وأم كلثوم دول إتجوزوا الإتنين أولاد أبو لهب وإتطلقوا منهم بعد محمد ما أعلن دعوته

لسببين أولاً لأنه إتخانقوا مع أبو لهب

ثانياً لأن محمد كان يرفض إن أي مسلمة تتزوج من مشرك

وبعدين فاطمة اللي طبعاً كلنا عارفين قصتها وإمتدت والشيعة طبعاً نسجوا منها الأسطورة الكبيرة طبعاً

وبنت من بنات محمد السير تجاهلتها تماماً زينب بنت محمد اللي بيسموها زينب الكبرى

اللي هي المفروض أكبر بناته

والولدين طبعاً القاسم وعبدالله اللي هم من المفروض إن هم ماتوا بدري يعني

ده يتناقض شوية مع سورة من القرآن اللي هي القرآن بقى بيدافع عن النبي وبيرد على واحد بيشتم محمد وبيقوله إن شانئك هو الأبتر سورة الكوثر

الأبتر دي يعني إيه الأبتر يعني المقطوع وكانت تقال لحاجتين اللي ماعندوش أولاد أو لمؤاخذة المخصي

ف إحنا عارفين إن القرآن دايماً بيرد إن شانئك هو الأبتر يعني فيه واحد شتم محمد وبيقوله يا أبتر

ف فسرها إنت بقى بإيه بمعرفتك 5:21

ف في كلتا الحالتين طب لو عنده 6 أولاد يبقى أبتر إزاي

أه طب لو ……………. ماعندوش قدرة جنسية زي ما ناس كانت بتحاول تدعي هذا الشئ يبقى جاب الأولاد منين بردوا فيه لغز كده شغال

واللغز ده هيستمر لما نعرف إن محمد بعد وفاة خديجة تزوج من نساء كثيرات جداً وكان عنده ملك يمين وعبيد

وماجالوش ولا ولد ولا طفل من أي واحدة فيهم

غير من مارية القبطية إبراهيم وكان فيه قصة طويلة حوالين الموضوع دون إن هو مش إبنه

بس نرجع لزينب بينت محمد

إيه مشكلتها وليه تجاهلتها السير ؟

دايماً يحكوا عنها قصة سريعة كده وكانت متجوزة من واحد إسمه أبو العاص وبتاع .. ويتجنبها

أم كلثوم ورقية وفاطمة خد عندك بقى حوادت وقصص زي ما إنت عايز زينب فيه مشكلة معاها

زينب فيه مشكلة معاها

تعرفوا ليه بقى عشان زينب لم تؤمن برسالة محمد

أيوة زينب ماأمنتش بأبوها

زينب كانت متزوجة من تاجر إسمه أبو العاص

تاجر زي التجار بتوع مكة اللي هو تجارته بتروح الشام وبترجع ووو إلى أخره

بعد ما محمد جهر بدعوته وحصل مشاكل مع قريش

طلق بناته من .. رقية وأم كلثوم من أولاد أبو لهب أوأبو لهب طردهم

وطلب محمد من زينب لأ تعالي سيبي أبو العاص عشان ده مشرك

قالتله لأ رفضت وطبعاً دي كانت ضربة شديدة

عشان كده تجاهلتها السير

في كتاب أنساب الأشراف للبلازري القصة بقى إيه لما تقراها بقى تفهم ليه السير تجاهلت زينب

هاجر محمد للمدنية وكان ده مهم جداً خد بناته معاه طبعاً التانيين

إلا زينب رفضت متجوزة وبتحب جوزها

وعندها منه أطفال كان 3 أطفال

وصممم محمد لازم ييجي

لما إبتدى محمد بقى يهاجم قوافل قريش وهو في المدينة ويسطوا عليها

أبو العاص زوج زينب شارك قريش في حربه في حربها ضد محمد

شوف وصلت لحد فين

ووقع في أسر محمد

ومع ذلك زينب مازالت في مكة ومصممة إنها تفضل مع زوجها

كل بتوع قريش كانت فرضة لمحمد طبعاً إنه يبيع أسرى لقريش تاني ويكسب

فمعظم أو كل تقريباً الأسرى بتوع قريش خد فيهم قيل إلى حد 4000 دينار أو درهم كان مرة رواية يقولك مرة دينار ومرة درهم

وفضلوا 3 فضلوا 3 النضر إبن الحارس وصديق للنضر إبن الحارس وأبو العاص زوج زينب

محمد رفض إنه يفدي النضر إبن الحارس وقتله ليه؟

عشان النضر إبن الحارس كان زنقه في مكة في سؤال قبل كده وقاله ما هي الروح يا محمد؟

ف محمد مالقاش جواب قاله هاجيلك بكره بالرد

جه بكره ماجاش بعده ماجاش فات إسبوعين

ف النضر كان من الناس المثقفين بتوع مكة

وكان على دراية بالمسيحية واليهودية وقارئ للقصص

وسأله عن قصة الإسكندر أبو القرنيين وسألوا عن قصة أصحاب الكهف كانوا كام واحد

فجه محمد ماردش رجع محمد بعد إسبوعين قال للنضر إبن الحارس كذا إجابة تشؤ يعني وضحت فين الوحي اللي ربنا

عايزين إجابة دقيقة

ف يعني اااا لما جه يجاوب على قصة ذو القرنيين فضل يلف ومش عارف إيه وتغرب في عين حامئة و تشؤ

مش ده كان الإجابة اللي منتظرها النضر إبن الحارس

قصة أصحاب الكهف قاله كانوا كام واحد

قاله القرآن بقى يقولون خمسةٌ وسادسةٌ يقولون

يقولون؟ إنت مش جايب الكلام ده من عند ربنا ؟؟ بتقول يقولون ليه؟

وأهم سؤال اللي سأله النضر إبن الحارس لمحمد ما جاوبش عليه

ويسألونك عن الروح وقل الروح من أمر ربي ولا أتيت من العلم إلا قليلا (سورة الإسراء 85)

الإجابة اللي هي لا إجابة يعني

فطبعاً نضر إبن الحارس ضحك عليه وقاله الكلام اللي إنت بتقوله ده أساطير وإنت ماتعرفش حاجة

ف أسرها محمد في نفسه أسرها محمد في نفسه في نفسه ولما مسكه في بدر ضرب رأسه

وحتى صديقه اللي معاه ضرب رأسه عشان كان ضحك لما النضر بين لقريش ساعتها إن محمد ده الكلام اللي بيقوله دون مالهوش أي أساس من الصحة

ففضل العاص زوج زينب

فزينب ف دي بردوا لو بنقرا قصة من قصص الإسلام

ف دي تعتبر المفروض تكون أهم قصص الإسلام لإن الحب أهم من أي شئ

لكن القصة دمروها دثروها

زينب بعتت قلادة كانت وخداها من أمها خديجة يوم زفافها هدية

ومحمد يعرف هذه القلادة جيداً لأنها قلادة خديجة

فبعتت زينب القلادة لأبوها عشان تشتري زوجها منه يا أخي إرحم بقى

ف مسك القلادة ودي بردوا الجانب الإنساني بتاع محمد

طبعاً شاف القلادة وتذكر خديجة

المرأة الوحيدة اللي ضمته وقبلته كما هو بمرضه بمشاكله وساعدته

ف حن ف عفى عن العاص وحطله القلادة في إيده

وهو سايبه يمشي في الأخر بردوا العنجهية والنرجسية بردوا وو   الأنانية سيطرة عليه يعني ماقدرش يتخلص من مشاكله

قاله أنا هاسيبك بس بشرط توصل مكة تبعت زينب

لأن العملية بالنسباله عملية تحدي

طب يا أخي ده عندهم أطفال ؟!!

وعلى فكرة محمد في الوقت ده كان يعرف إن زينب حامل في الطفل الرابع

يعني بطنها كبيرة يعني مافيش أي رحمة

لأ إبعت زينب

ف وعده وطبعاً إحنا عارفين وعود العرب الكلمة زي العقد وعده إنه هيبعتهاله

راح العاص لمكة وو دخل على زينب وهو حاسس طبعاً بالغصة بيته وحياته إتد..

محمد جه دمر بيوت فرق بين الأب وأبوه (وإبنه)

ودلوقتي عايز يفرق بين الزوج اللي بيحب زوجته

وهو عارف إن مراته مصممة على زوجها

هو مش حابسها ده هي اللي بعتت القلادة عشان تفديه رغم إن على فكرة كان كان كان سارق قوافله قبل كده

يعني مش محتاج فدية ف صعب إحساس صعب جداً لكن الراجل وعد

فحطها على حصان وبعت معاها إتنين عشان تروح للمدينة

ف وهي ماشية في الطريق للمدينة طلع عليها قطاع طرق

ما هو اللي بيعمله محمد في الناس هيطلع عليها

وضربوها  وإتكسر منها ضلع وأجهضت فقدت طفلها اللي في بطنها

طب إنت يا راجل عارف إنها حامل على الأقل طب قول إستنى لما تلد لأ الغرور العزة لازم تيجي العناد

ليه؟ لإن إذا كانت بنته مش مؤمنة بيه

الناس بتقول كده إحنا هنؤمن بيه؟

ف محمد طبعاً سمع بالقصة دي إستشاط غضباً

لأنها رجعت بعد كده تاني لبيتها

بردوا مصمم بردوا لازم تيجي

يا أخي أصبر شوية ده لسه فاقدة طفلها

ومحتاجة بيت زوجها وأطفالها التانيين

هو فيه إيه؟ مرض والله مرض

لا يمكن إنسان سوي يتصرف بهذا الأسلوب

ف مسيطر عليه العناد بيفتكر أمه

آمنة لما ماتت ماحدش يسيبني أبداً

اللي يتخلى عني يبقى عدوي اللي مش معايا يبقى ضدي

هي ده إنه فقد الثقة في الناس لازم كله لازم يش لازم كله يدين له بالولاء وإلا يبقى عدو

طب هي لا عدوتك ولا صديقتك عايشة حياتها مع أطفالها لأ لأ تيجي

ف بعت جنوده بقى بعت جنوده الأول قالهم يحرقوا قطاع الطرق اللي هم إتعرضوا لزينب يحرقوهم بالنار

وده الحديث على فكرة اللي أخونا في الله إسلام البحيري دايماً بيقول إيه إنه غير رأيه بعد كده وقال لا يعذب بالنار إلا الله ف ده كده يبقى رحمته النبي رحيم عشان في الأول قال إحرقوهم بالنار وبعد كده قال لأ ماتحرقوهمش ده لا يعذب بالنار إلا الله

طب لما مسكوهم عملوا فيهم إيه قطعوا أيديهم وأرجلهم من خلاف

أيوه العقوبة اللي الصعاليك كانوا بيعاقبوا بيها أي حد يخونهم

العقوبة دي تقطيع الأيدي والأرجل من خلاف جاية من الصعاليك

فهم عمل معاهم كده وأصبحت حتى يعني قانون في الإسلام والآية المشهورة اللي إحنا عارفينها كلها كلنا

وما جزاء الذين يحاربون الله ورسوله ويسعون في الأرض فساداً إلا أن يقتلوا او يصلبوا او تقطع أيديهم وأرجلهم من خلف أو ينفوا من الأرض إلى أخر الآية

الآية اللي قبليها على فكرة وهنبقى نرجعلها في مرة دي

إن هو بيقولك إيه إنه من قتل نفس من غير نفس أو فساداً في الأرض فكأنما قتل الناس جميعاً ومن أحياها فكأنما أحيا الناس جميعاً دايماً اا أحبائنا المسلمين الوسطيين بس يروحوا جايبين الجزء ده من الآية ومايكملوش عشان جزء حلو كده ويقولك إيه فمن أحياها كمن أحيا الناس جميعا يبقى كده الإسلام ضد القتل لأ

الآية بتبدأ .. أولاً الآية دي كانت عن بني إسرائيل من أجل ذلك كتبنا عليهم على بني إسرائيل إنه من قتل نفس بغير نفس

بس ده مش موضوعنا هنجيلها لما نيجي نتكلم عن القرآن في الحلقات القادمة

 قتلوا الناس اللي هم ضربوا زينب دول

وراحوا هم عملوا سرية كده حواليها وجابوها من وسط أولادها نزعوها من بيتها اللي هي محتاجاه أم مش بس بتفقد ولسه فاقدة طفلها أولادها زوجها اللي بيحبها ال

راح راحت على المدينة مرغمة ومع ذلك بيقولها محمد تتطلقي من إبو العاص وتتزوجي أحد المؤمنين

قالتله لأ رفضت مش مؤمنة أصلاً هي

وبعدين العناد ماخلصش طب إنت خدتها من زوجها خلاص بقى سيبها سيبها تعيش لأ

تربص تاني بإبو العاص وهو رايح بالقافلة بتاعته ل لش (للشام) تاني

وهو راجع بيها راجع بقافلته من الشام

ومسكوا عععع ما هو البيزنيس بتاعهم هو كان كده امال هو إيه

إن هو عايز عايز أبو العاص وقبضوا عليه وجابوه لمحمد

زي عارفين فيلم الزوجة التانية بتاع صلاح بتاع شكري سرحان وسعاد حسني

لما ييجي الراجل يقوله طلق يا أبو العلى طلق دول ناس مفتريين

بالظبط طلق يا أبو العاص جايبينه عايزيين يرغموه إنه يطلق مراته رفض

الراجل في خطر بقى ممكن يقتلوه

زينب أنا بحب زينب وخديجة بصراحة

هم دول اللي انا طلعت بيهم من قصة الإسلام كلهم

لإن فيه حب لإن فيه حكمة لإن فيه وفاء

زينب وهو في رؤوس الأشهاد راحت طالعة وقالت أبو العاص في جواري يعني ماحدش يقربله

طبعاً ده قانون قديم من أيام مكة لما حد يدخل في جوار حد من قريش اللي هم أهل الحمس ماحدش يقدر يقربلهم

ف محمد إستشاط غضباً ومابقاش عارف يتعامل مع الموقف ده إزاي؟!!

إنتم سمعتم اللي أنا سمعته؟ بهذا النص أسمعتم هذا ؟

المرأة التي هزمت محمد بإيه بالحب بالحب

صممت ماخافتش منه

فلذلك إضطر محمد في النهاية إن هو يعتق أبو العاص ويسيبه يروح مكة مع مراته ويرجعله كمان ال ااا القافلة بتاعته اللي نهبت منه

ده أكبر دليل وكانت من المرات الوحيدة اللي هزم فيها محمد وإعترف بهزيمته

لإنه كان معاند جداً و المرأة التي هزمت محمد أنا بأسميها كده زينب عشان كده أنا بحب الشخصية دي مهما كان خلفيتها

لإن فعلاً كان هو ده الشئ اللي نفتقده في هذا المجتمع وفي هذه الرسالة وفي هذا الشخص إن حد يتحداه بالحب مش بالسلاح

ما حاولوا يهزموه بالسلاح ماهزموهوش

هزمته إمرأة بالحب

رجعت زينب مع زوجها لأولادها منتصرة

وفيه شئ غريب ليه تصميم زينب إن الطلاق لا يمكن علامة إستفهام كبيرة جداً

كان ممكن تقول ممكن نتطلق وبعدين اا بس عشان أهديه وعشان أنقذ زوجي لأ مافيش طلاق

الموضوع دون أنا خلاني أفكر كتير ليه زينب بالذات رفضت موضوع الطلاق

غير إنها بتحب زوجها وغير إنها مخلصة ليه ووو وإلى أخره

لما زينب ماتت بيحكي بقى السيرة كله بقى إن محمد عملها جنازة ضخمة جداً في المدينة

ودفنها في تابوت في تابوت ركز معايا وحتى اللي كاتب الرواية يقولك هذه أول مرة تحصل في المدينة لأن دفنة التابوت دي كانوا بيعملوها المسيحيين في الحبشة

هل من الممكن إن عائلة خديجة كانت مسيحية بما فيهم خديجة ؟

بما فيهم زينب عشان كده رفض الطلاق المطلق

ما هي العيلة بتاعة ورقة إبن نوفل ف أكيد أثر عليهم

خديجة من الأول مؤمنة إن فيه الملائكة والأنبياء وعارفة الموضوع ده كله

ده مجرد علامة إستفهام الله أعلم زي ما بنقول

لكن دي قصة من القصص اللي ممكن تورينا شوية بعد إنساني في قصة محمد نادراً ما هنشوف هذه اللمسة الإنسانية اللي فيها تحدي بإسم الحب

نركم في الحلقة القادمة ونستكمل بقى نساء محمد التانيين زي عائشة وزينب بنت جحش وصفية ومارية القبطية و اااا فوانين إسلامية نشأت بناءاً على هذه القصص ليها علاقة بالحجاب والزنى وبالرجم وأشياء كثيرة جداً نستكملها في الحلقة القادمة

تابعونا على قناة اليوتيوب حامد دوت تي في


Download text file

Box of Islam 015

You may also like

ملخص تاريخ الاسلام بداية ونهاية
لم يستجب ياأخوة لمحمد في مكةخلال 13 سنة من الدعوة لم يستجب لدعوته لم [...]
6 views
ندوة للاستاذ حامد عبد الصمد في المغرب بعنوان التنوير فوبيا (الجزء الاول)
احمد عصيد: مساء الخير, يُسعدنا أن يكون معكم في هذا اللقاء الفكري الذي [...]
3 views
مين اللى سرق مصر،الحلقه التاسعة عشر: دور العبادة في مصر
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة الثامنة عشر: إسلام التصدير وإسلام التكفير
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة السابعة عشر: الأزهر عامل زي سُوستة
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة السادسة عشر: مأساة التعليم في مصر
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة الخامسة عشر: خليك فاكر مصر جميلة
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة الرابعة عشر: الإعجاز العلمي في البناء المصري الحديث.
انهارده عايز اكلمكم عن موضوع الإعجاز العلمي في البناء المصري طبعًا [...]
0 views
مين اللي سرق مصر، الحلقه الثانية عشر، البرفان والشعب القرفان
مين اللي سرق مصر مين اللي سرق مصر مين اللي سرق مصر مين اللي سرق مصر [...]
2 views
مين اللي سرق مصر، االحلقة الحادية عشر ، أولاد حارتنا
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views

Page 1 of 13

اترك تعليقاً

لن يتم نشر عنوان بريدك الإلكتروني.