صندوق الإسلام 140: تاريخ العبودية في الإسلام منذ محمد حتى داعش

تاريخ العبودية في الإسلام منذ محمد حتى داعش

أهلًا بكم في حلقة جديدة من صندوق الإسلام

النهارده هنتكلم في موضوع شائك شوية، دائمًا بيصيب أخواتنا المسلمين بحالة من الإنكار

ومن الـ شيزوفرنيا أو Schizophrenia لما بنتكلم عن العبودية في الإسلام

يقولك ده الإسلام كان بيمهد الطريق لل لتحرير العبيد، والقرآن أمرنا بتحرير الرقبة لما نقسم قسم ولا نبر به أو

حين يقتل مسلم خطئًا وهكذا، والنبي وصانا إن إحنا نعامل العبيد معاملة حسنة ونساعهم على أشغالهم

كلام حلو وعلى راسنا يعني، بس إحنا بنتكلم عن أخر دين جه للبشرية، بنتكلم عن أخر دين جه للبشرية

المفروض بقى إن هو جاي بيرسي قواعد أخلاقية للتاريخ

ده الدين بقى اللي علمنا إزاي ندخل الحمام وعلمنا ناكل ايه وماناكلش إيه

وحرم علينا الأصنام وحرم علينا الأزلام

وحرم علينا الخمور وحرم الخمور بالتدريج، طب ليه ماحرمش الرق بالتدريج؟

بل بالعكس القرآن في 29 آية بيقر الرق

الآيات اللي بيتكلم فيهم بقى إيه

وَالَّذِينَ هُمْ لِفُرُوجِهِمْ حَافِظُونَ (5) إِلَّا عَلَىٰ أَزْوَاجِهِمْ أَوْ مَا مَلَكَتْ أَيْمَانُهُمْ فَإِنَّهُمْ غَيْرُ مَلُومِينَ (6)              (المؤمنون)

مامهدش بقى إيه ممكن، ماجابش حتى سيرة تحرير العبيد كمبدأ أو إدانة لإستعباد الناس

بل بالعكس كمان فيه آية ناس كتير بتغفل عنها، الآية اللي هو لما محمد كان كانت مسكته مش عارف واحدة من زوجاته مع ماريا وكان يومها ومش عارف إيه،

راح هو أقسم والله ما أنا نايم مع ماريا دي تاني

ف جاي القرآن بيلومه بيقوله يَا أَيُّهَا النَّبِيُّ لِمَ تُحَرِّمُ -ونزل سورة كاملة- يَا أَيُّهَا النَّبِيُّ لِمَ تُحَرِّمُ مَا أَحَلَّ اللَّهُ لَكَ ۖ تَبْتَغِي مَرْضَاتَ أَزْوَاجِكَ ۚ وَاللَّهُ غَفُورٌ رَّحِيمٌ (1)                  (التحريم)

يعني ربنا حلِّل لك إنك تنام مع جارية، ف إزاي إنت تحرم ده؟ ودي قاعدة فقهية إنك إنت ماتقددررش تحل ما حرم الله وكمان ماتقدرش تحرم ما أحلَّ الله

إذًا الله حلل إنك تستعبد جارية وإنك تنام معاها بل بالعكس ده بيلومك لما إنت بتستغني عن هذا الحق

وتقول مش هانام مع الجارية

لا إنت إزاي ماتنامش مع الجارية

ربنا مِنزِّل سورة يا جماعة في القرآن بيلوم النبي إنه مانامش مع الجارية بتاعته

شوفت الرحمة وإزاي حرر العبيد

فيه مقولة مشهورة جدًا لعمر بن الخطاب يقول فيها بقى إيه

“متى إستعبدتم الناسَ وقد ولدتهم أمهاتهم أحرار؟”

الخلفية بتاعة القصة دي إن لما فتحوا مصر إبن عمر بن العاص راح كان بيعمل سبق خيل مع أقباط، شباب أقباط يعني

ف شاب من الأقباط كسب إبن عمر إبن العاص في ال في ال في السبق دون

ف إبن عمر إبن العاص زعل إزاي إبن الإمراء يتهزم من إبن عامة الشعب

فضرب الولد اللي كسب على دماغه وفتحها له

ف أبو الولد راح المدينة والمفروض بقى إن هو وقف قدام عُمر إبن الخطاب وقاله إنه لأ مايصحِّش وبتاع

وعمر إبن الخطاب – طبعًا الخليفة العادل واخدين بالكم إنتوا – راح جايب عمر إبن العاص وإبنه من مصر

وخلى الولد القبطي يضرب إبن عمر إبن العاص على دماغه

وراح إتنفض عمر إبن الخطاب كده وقالهم: “متى إستعبدتم الناسَ وقد ولدتهم أمهاتهم أحرار؟”

 والنبي صحيح “متى إستعبدتم الناسَ وقد ولدتهم أمهاتهم أحرارا؟”

عايز تعرف يا عمر، تعالى لي شوية، قرَّب لي يا عمر

عايز تعريف “متى إستعبدتم الناسَ” ؟

إستعبدتوهم لما غزيتوا على بني المُستلق وخدتوا نساءهم وولادهم وبعتوهم ونمتوا مع نسوانهم

لما سبيتوا بنات وأطفال بني قُريضة وبعتوهم واستعبدتوهم

ما إنت كنت هناك يا عمر

إستعبدتوهم لما إنت نفسك كان في بيتك جواري وعبيد

محمد مات وهو عنده 4 جواري وعنده حوالي 13 عبد ورثهم لأهله

عثمان إبن عفَّان كان عنده ما يقرب من الـ 1000 من العبيد والجواري

 خُش بقى مش عايز اجيب لك بقى إستعبدتم الناس بقى بعد كده

إستعبدتم الناس لما الأموميين بقى ابتدوا يبنوا بقى ال ال الحريم والجواري وهكذا

إستعبدتم الناس لما هارون الرشيد كان بيجيب بـ ملايين من ال ال من العبيد من أفريقيا ومن كل مكان وكان ليه الآلاف من الجواري

إستعبدتم الناس لما دخلتوا أفريقيا إستعبدتوا بنات الأمازيغ

إستعبدتوا  بنات القوت من أسبانيا

إستعبدتوا الأفارقة – أكبر شعب في العالم إستعبد الأفارقة كان العرب

أكتر من الأمريكان وأكتر من الإنجليوز والفرانساويين بكتير

ف الإنكار بقى وتقولي متى استعبدم الناس وقد ولدتهم …….

ده مافيش حد في الدنيا إستعبدتوا الناس قد المسلمين ببال ببب ب ب بالتاريخ

يعني أنا عايزكوا يا جماعة ده الكتاب اسمه “تاريخ العبودية في العالم” جايب تاريخ العبودية في العالم كله

اللي كاتبه بروفيسير ألماني إسمه إدون فلايج هو رئيس قسم التاريخ القديم في جامعة روستوك  في ألمانيا

من يعني يعني هو مرجع الراجل دون

جايب لك تاريخ العبودية كله، جايب لك تاريخ العبودية كله، اللي بيفهم ألماني ممكن يطلع عليه

فيه حقائق مزهلة يعني لحد وقت قريب جدًا كان الناس مفكرين إن أكبر قوة إستعبدت السود في التاريخ كانت أمريكا

لكن إكتشفوا إن أمريكا كانت إستعبدت 4 مليون ااااا أفريقي

إحنا بقى كمسلمين لما إحتلينا أفريقيا إستعبدنا قد إيه؟

اللي بعناهم بس من أفريقيا للهند المسلمة وطلعناهم بقى لجميع الأمصار الإسلامية كانوا 17 مليون عبد

في العالم القديم 17 مليون ده يعني إنت تعبتر بتتكلم مثلًا في ربع قارة أفريقيا مش زي النهارده يعني

يعني إنت تُعتبر إنك أَبَدْت ربع قارة أفريقيا

كانوا بيرسلوا جيوش تصطاد العبيد من أفريقيا كان بس هدفها كده إصطياد العبيد

ويحطهم ويمشي بيهم يا إما على البحر الأحمر أو عن طريق الـ West SaHara  أو الصحراء الغربية

وابعت وابعت لشمال أفريقيا وابعت لمصر وابعت لكل الأمصار الإسلامية وابعت للهند، ابعت لكل الأماكن دي 17 مليون

ف إنت قارن 4 مليون بتوع أمريكا، اللي الدنيا عمالة تحكي عنهم وتدين وأمريكا تعتذر ويحاولوا يصلحوا اللي عملوه

إحنا إعتذرنا إمتى عن إستعباد ملايين البشر؟

ومش بس على حد أفريقيا، ما إحنا بركاتنا شملت العالم كله

إحنا لما روحنا شمال أفريقيا استعبدنا أول ما إحنا بندخل بنقول بسم الله الرحمن الرحيم كده

300 ألف على طول كده من الأمازيغ طازة 300 ألف ده في أول دخلة بتاعة موسى إبن نُصير

لما روحنا الأندلس، ده في أول دفعة أول دُفعة بس كده 150 ألف، ورجع موسى إبن نُصير لدمشق بـ 30 ألف

لأ بعت 60 ألف من اللي هم بتوع الأمازيغ بعتهم لدمشق للخليفة ليه؟ عشان خمس الغنائم

لما فتحوا الأندلس رجعوا بـ 30 ألف عذراء من بنات القوت من نُبلاء القوت

تخيل إنت كده لما ييجي ناس عندك إنت بلدك الإسلامية وياخدوا 30 ألف عذراء عشان خاطر يتسرُّوا بيهم في أوروبا

كنت هتصرخ وتملا الدنيا صريخًا

لكن إنت لما تعمل ده يبقى فتحٌ من الله ونصرٌ قريب، يبقى ده أحل الله لك

شوفت بقى الـ شيزوفرنيا أو Schizophrenia

وتيجي بعد كل ده وتقول أصل القرآن بردوا كان بيمهد الطريق وماكانش عند….

طب وهو لما حد جه زي إبراهام لينكون

علشان يحرر العبيد مقالش لأ ماينفعش نحرر العبيد عشان بردوا الأزمة الإقتصادية وماينفع…

ده إبراهام لينكون قاد جيش من البيض ليقاتل جيش آخر من البيض في الجنوب الأمريكي عشان يحرر العبيد

 مش كان أولى بخير الخلق أجمعين إن هو اللي يبدأ المبادرة دي

مش كان أوْلَى بالعالم الإسلامي اللي جاء بقى يُخرِج الناس من الظُلمات إلى النور، إن هو ياخد هذه المبادرة؟ لأ

إحنا بقى اللي بنيجي بقى دلوقتي وإحنا اللي بنذكر أمريكا وبنقولهم  مش عارف عاملتوا السود إزاي

طب ما بُص لتاريخك إنت، شوف إنت أخصيت كام عبد، عشان تحطهم في قصور الحريم

شوف إنت وإنت بتسرق العبيد من أفريقيا وبتطلع بيهم، شوف كام منهم ماتوا في الصحراء عطشًا وجوعًا

شوف كام منهم غرقوا في البحر عشان المركب ماوصلتش

شوف كام منهم مات وهو بيشتغل شغل فوق طاقة البشر

كان فيه ثورة حصلت في القرن التاسع ضد العباسيين اسمها ثورة الزنج أو الزنوج

كانوا من الأفارقة اللي جابوهم عشان يشتغلوا في مزارع القصيب والمزارع اللي عملوها حوالين البصرة

الناس تعبت

إخماد التثورة ده، كلِّف 2 مليون بني آدم حياته، 2مليون، إبادة جماعية

2مليون راحوا ضحية هذه الثورة، راحوا ضحية محاولة إخماد هذه الثورة

عشان إستعباد الناس، لما راحوا الـ … يعني

طبعًا إحنا بنقول إن الرق والعبودية مش الإسلام اللي جاء وإخترعهم الإسلام جه لقاها موجودة الحقيقة

يعني قدماء المصريين كان عندههم عبيد

الرومان واليونان قبليهم كان عندهم عبيد

في الجزيرة العربية نفسها اللي محمد نشأ فيها كان السبي والإستعباد كان شيء طبيبعي

بس إحنا بنتكلم دلوقتي عن يعني المفروض إن إنت جاي تُرسي قواعد جديدة للبشرية

ف إزاي إنت تحرم الميتة ودم ولحم الخنزير والدم، وتسيب أهم شيء اللي هي حرية الإنسان إن الإنسان يُباع ويُشترى

لأ ومش كده بس، لأ إنت تمارسه إنت كمان إنت تسبي إنت كمان إنت تنام مع اللي سبيتهم إنت كمان

يبقى إنت كده أرسيت قواعد إن ده إن وإنت بتموت وإنت          خُطبة الوداع بتقول الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الْإِسْلَامَ دِينًا ۚ (المائدة 3)

خلاص أكملت لكم دينكم مافيش بقى لسه إيه ثغرة مفتوحة، مافيش هامش كده حول الرق      12:16

إذًا ماتجيش تقولي ده الإسلام جه وحرر الناس من العبودية

لو عايز تعرف الأرقام – الكتاب ده مهم جدًا فعلًا في موضوع الأرقام دون

هتلاقي فتح الهند  والسند في الدفعة الأولى 200 ألف، ده غير اللي إتقتلوا وهم بيحاربوا

التتار التتار ما هو زي العرب قبل الإسلام ما كانوا عايشين على السبي والنهب

وبعدين جه الإسلام وخلاهم يعملوا نفس الرواية يمارسوها بس أضفى عليها الشريعة وسماها الجهاد في سبيل الله

نفس الشيء حصل مع التتار ومع الأتراك الصلاجقة

كانوا قبل الإسلام كانت دي مهنتهم الأتراك والتتار كانت دي مهنتهم يغوروا على الأمم إنهب إنهب إنهب بيع عبيد بيع عبيد بيع عبيد كانت تجارتهم الرائجة

لكن لما جه الإسللام لما بقوا التتار وال التتار وال وال وال والأتراك مسلمين إيه اللي حصل؟

إبتدوا يعملوا نفس الشيء بس بيسموه الجهاد في سبيل الله، فتوحات إسلامية مباركة

نفس القتل ونفس السبي ونفس إخصاء العبيد ونفس إغتصاب الجواري وأخدهم من بيوتهم

إنت بقى لما تيجي تحسب لما تيجي تحسب المسلمين إستعبدوا ناس قد إيه وباقي العالم إستعبد قد إيه؟

الكتاب ده بكتشف إيه بقى إن كل من تم إستعبادهم في التاريخ من أيام الفراعنة لحد الإستعمار الأوروبي

إن كل دول مجتمجعين أقل من اللي إستعبدوهم المسلمين في فترة الخلافات المختلفة

شوفت بقى إحنا سبَّاقين في إيه؟ في إستعباد البشرية

ماحدش إستعبد البشرية قدنا، متى نعتذر؟

ماحدش إستعبد البشرية قدنا، ماحدش إغتصب بشر قدنا وبشرع الله بشرع الله

ف المفروض نخل شوية لما كان وزير الخارجية السوداني في الستينات كان بيطلب من أمريكا الإعتذار عن العبودية ودفع ودفع اااااا تعويضات

السودان اللي لسه لحد أول إمبارح تجارة العبيد بيها شغالة

من أكتر الناس اللي كانوا بيستعبدوا السود هم العرب اللي في السودان

جاي ليهم عين دولقتي بيذكروا أمريكا، أمريكا اللي هي حررت عبيدها بنفسها، ببيض بيقاتلوا ضد بيض عشان يحرروا العبيد

تخيل إنت بقى، إحنا ماعملناش كده ليه؟

هل كان فيه جيش إسلامي طلع مرة عشان يحرر عبيد بإسم الإنسانية بقى والبشرية بقى

وكنتم خير ملوخية أجرخت للناس        (أمة)

مش كان المفروض  أولى بينا وإحنا خير ملوخية أخرجت للناس، إن إحنا نروح نحرر العبيد

أبدًا إحنا أكتر ناس في البشرية إستعبدوا بشر، يالا الخزي

وإنت تيجي بقى تذكر أمريكا بالعبويدية

أكتر ناس أغتصبوا بني آدمين في تاريخ البشرية المسلمين، خير أمة أخرجت للناس

اللي جم يخرجوهم من الظلمات إلى النور

ف ماتجيش إنت تيجي تقولي أمريكا عملت و..

أمريكا صلحت وإعتذرت ووووو وبتحاول محو أثار هذا التاريخ الأسود قالت غلط كان

بس إحنا لسه بنفتخر، إحنا لسه بنحلم بالأندلس

ههه إحنا لسه بنحلم نغزوا تاني، ههه ونستعبد الناس تاني

ف التتار لما أسلموا هات لك على طول إيه، خد لك 1700000 خطفوهم وخلوهم عبيد

الأتراك خد عندك بقى من من من من أوكرانيا من روسيا من بولندا من دول البلقان وعملوا منهم جيش كامل الإنكشارية وفرقة كاملة

وكانوا أول من أرسى دعائم العنصرية المؤسسة كنا إحنا بردوا

إحنا بردوا بنقول إيه الفصل العنصري في جنوب أفريقيا الفصل العنصري في أمريكا

لأ الفصل العنصري إحنا اللي عملناه، لما من أيام هارون الرشيد لما كان بيجيب فرق الجيش وكان يعملها (يقسمها) على أساس عرقي، السود لوحديهم والسقالبة واللي مش عارف إيه وغيرهم

يعني كل اللي إنت جاي خاطفهم من أماكن معينة تعمل منهم فرقة وتكرهُّم في بعض عشان ماتعاونوش وينقلبوا ضدك، فده كان أول تأسيس للعنصرية

ده كان أول تأسيس لـ العُنـ صُـ ريَّة

ف العبودية صنعت الإقتصاد الإسلامي وصنعت التفوق الإقتصادي الإسلامي

جيوش المماليك بقى والفرق اللي هي الإنكشارية

وكل دول كانوا سبب للتفوق العسكري وللتفوق الإقتصادي، إنت عندك ملايين من البشر بيشتغلوا تحت إيدك مابياخدوش فلوس، مابيستهلكوش، مابياخدوش أجور

ف طبعًا تكون إنت شغلك ومنتجاتك مزارعك بيكون ليها الأسبقية ويبقى ليك تفوق تجاري

وإنت جهادك مابطلش

يعني إنت عندك دخل على طول يعني الكتاب ده بيقول إنه كل البلدان مثلًا في العالم كان موضوع تجارة العبيد بيبقى ليه كده إيه موجات

العالم الإسلامي لم يتوقف لأنه كان مصدر إقتصادي متجدد بالنسبة للمسلمين

إذًا النجاح العسكري والنجاح الإقتصادي الإسلامي لا يمكن فصله عن تجارة العبيد وإستخدامهم طبعًا في ال ال ااا الأعمال

طبعًا لما جه بقى إيه إحنا بنــ بببب بنفكر بقى نلغي الكلام دون

يعني البشرية توصلت بدايةً طبعًا من أبراهام لينكون والحقيفة كانت في إنجلترا كمان كان بدأت الحركة كمان، لأن إنجلترا هي أول بلد لغت تجارة العبيد

ااااااااا ف أول بلد لغت إنجلترا من موقع يعني قبل الإستعمار إحنا بنتكلم كده في إيه أواخر التمانينات أو أو وسبعينات القرن التسعتاشر يعني 1860 / 1869 كده يعني

إن أول من ااااااا اللي هو أول من ألغى تجارة العبيد كان البريطانيين وبعديهم كانوا الفرنسويين والأمريكان

بردوا إحنا لسه في القرن التسعتاشر يعني ألف وتمنومية حاجة وتمانين (=X 188) وقولتلكوا إن أبراهام لينكون قاد حرب شاملة علشان تحرير العبيد

طب من واقع إيه؟ من واقع إيمان بمبدأ، مش بسبب مكسب إقتصادي

طب كا الجنوب الأمريكي كان رافض ليه؟ عشان بيقوله إحنا كده مكاسبنا الإقتصادية هتضيع، عمال ببلاش نبتدي نديهم أجور ماينفعش

لكن هو قال لأ المبادئ ماينفعش إن إحنا نستعبد ناس على أرض أمريكا

إحنا دلوقتي بنيجي نلومهم بعد ما هم ما إعتذروا وقادوا حرب لتحرير العبيد ودفعوا تعويضات وكل ده

لأ إحنا اللي بنعايرهم بعنصريتهم ومعاملتهم للعبيد وإحنا أكتر ناس كان عندنا عبيد وإحنا أخر ناس أوقفنا تجارة العبيد

يعني بعد إنجلترا وفرنسا وأمريكا جاء ……… طبعًا دول العالم كلها إبتدت تبطل

الدوللة العربية الوحيدة التي يُرفع لها القبعة تونس الحقيقة هي already  في القرن التسعتاشر، لأنها كانت مرتبطة بفرنسا وعلمانية فرنسا ف تونس أقلعت عن الـ …..

الدول العربية مابتدتش تبطل تجارة العبيد غير لما الإستعمار جه

يعني الإستعمار كان أحد الأشياء الإيجابية بتاعته إنه حرم تجارة العبيد

لما إنجلترا سيطرة على مصر والهند وده كان مفصل تجارة العبيد ف منعت هذا الشيء

ومع ذلك ظلت تجارة العبيد في الدول العربية حتى نهايات القرن العشرين

يعني إنت عندك من أخر الدول اللي هي إبتدت إن هي توقف ال … يعني لحد ااا تلاتينات القرن العشرين 1930 كان فيه أسواق نخاسة في السعودية

لحد من أول إمبارح كان فيه أسواق نخاسة في موريتانيا

اللي بتعمله داعش ده مش جاي من فراغ

إحنا بنبص لما داعش بتعمل سوق نخاسة إن ده كارثة

لا لا يا حبيبي اللي داعش بتعمله ده واللي في ليبيا اللي كانوا بيبيعوا العبيد في ليبيا من كام يوم

ده كله تاريخ لم يتوقف من ساعة محمد حتى الآن

وإقرا التاريخ وتخلص من الـ  Schizophrenia ومرض الفصام اللي إنت مصاب بيه

ده تاريخ طويل تاريخ الدم كله جاي من هناك، تاريخ العبودية كله جاي من هناك

أخر بلاد يعني اليمن 1962 حرمت اليمن تحارة العبيد

مين اللي حرم أخر واحد حرم تحارة العبيد في الدول العربية؟ هو السلطان قابوس أول إمبارح لسه

ف إنت سايب كل ده وناسي كل ده وغير مُطلع على التاريخ وبس قاعد كده تذكر أمريكا ومعاملتهم للسود

الشيوخ السلفيين اللي طول عمرهم يقروا الرق، دلوقتي ييجي يقولك السود في أمريكا

ويعملك فيها اللي هو الراجل اللي ااااا اللي هو إخترع الإنسانية يعني ومش عارف إن تاريخه أو عارف وساكت إن تاريخه تاريخ أسود في التعامل

ف هنا  السؤال اللي هيكون أكمله في الحلقة الجاية

متى يعتذر المسلمون عن جرائمهم التاريخية؟

ده هيكون موضوع حلقتنا القادمة

نراكم على خير


Download text file

Box of Islam 140

You may also like

ملخص تاريخ الاسلام بداية ونهاية
لم يستجب ياأخوة لمحمد في مكةخلال 13 سنة من الدعوة لم يستجب لدعوته لم [...]
6 views
ندوة للاستاذ حامد عبد الصمد في المغرب بعنوان التنوير فوبيا (الجزء الاول)
احمد عصيد: مساء الخير, يُسعدنا أن يكون معكم في هذا اللقاء الفكري الذي [...]
3 views
مين اللى سرق مصر،الحلقه التاسعة عشر: دور العبادة في مصر
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة الثامنة عشر: إسلام التصدير وإسلام التكفير
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة السابعة عشر: الأزهر عامل زي سُوستة
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة السادسة عشر: مأساة التعليم في مصر
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة الخامسة عشر: خليك فاكر مصر جميلة
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views
مين اللى سرق مصر، الحلقة الرابعة عشر: الإعجاز العلمي في البناء المصري الحديث.
انهارده عايز اكلمكم عن موضوع الإعجاز العلمي في البناء المصري طبعًا [...]
0 views
مين اللي سرق مصر، الحلقه الثانية عشر، البرفان والشعب القرفان
مين اللي سرق مصر مين اللي سرق مصر مين اللي سرق مصر مين اللي سرق مصر [...]
2 views
مين اللي سرق مصر، االحلقة الحادية عشر ، أولاد حارتنا
مين اللي سرق مصر مين اللي سرق مصر مين اللي سرق مصر مين اللي سرق مصر [...]
0 views

Page 1 of 13

اترك تعليقاً

لن يتم نشر عنوان بريدك الإلكتروني.